၃၀
၁ မိူဝ်ႈလဵဝ်ၼႆႉၸမ်း ၶဝ်ၸိူဝ်းဢၼ်ဢသၢၵ်ႈလဵၵ်ႉသေၵဝ်ၼၼ်ႉဢွၼ်ၵၼ်ႁဵတ်းပျၢၵ်ႈႁဵတ်းၶူဝ်ၵဝ်ဢေႃႈ။ပေႃႈၶဝ်ၸိူဝ်းၼၼ်ႉၸိုင် ၵဝ်လီႁင်ႈဢဵတ်ႇသဵတ်ႇထၢၼ်ႈပေႃးဢဝ်ၶျႃးတီႈယူႇပၼ် လူၺ်ႈၵၼ်တင်းမႃဢၼ်ပႂ်ႉၽုင် သူဝ်းၵဝ်ၼၼ်ႉဢေႃႈ။
၂ တၢင်းၵတ်ႉတၢင်းၶၼ်မိုဝ်းၶဝ်ၼၼ်ႉတၵ်းပွင်ႇလွင်ႈပုၼ်ႈၵဝ်ၸိူဝ်ႉၼင်ႇႁိုဝ်။ဢဵၼ်ႁႅင်းၶဝ်ဢူၼ်ႈၵႂႃႇယဝ်ႉလႄႈ တၵ်းပွင်ႁဵတ်းဢၵျူဝ်းပုၼ်ႈၵဝ်လႆႈၸိူဝ်ႉၼင်ႇႁိုဝ်။ၵွပ်ႈပိူဝ်ႈၶဝ်ယင်းၽၢၼ်ဢိုပ်းယၢၵ်ႈယူႇလႄႈ ၶဝ်မီးတၢင်းဢၼ်တွင်ႉမႆႈသႆႈလိူတ်ႇဢေႃႈ။
၃ ၶဝ်ဢွၼ်ၵၼ်ၵိၼ်ၶူပ်း ၵႃႈၼႂ်းထိူၼ်ႇၵႃႈတီႈလပ်းသိင်ႇတီႈဢၼ်ပဝ်ႇလၢပ်ႈပၢၵ်ႇပလႃႉႁႃႉတီႈဢၼ်သိတ်ႇ ၵူၼ်းယဵၼ်ၵူၼ်းၼၼ်ႉဢေႃႈ။
၄ ၶဝ်ဢွၼ်ၵၼ်ပၢတ်ႇဢဝ်ယိူဝ်ႈယႃႈမလႂႃႇ ၵႃႈတီႈႁိမ်းယုမ်းႁိမ်းယွမ်ႇလႄႈႁၢၵ်ႈ ရသၢမ်ႇပဵၼ်တၢင်းၵိၼ်ၶဝ်ဢေႃႈ။
၅ ၶဝ်လႆႈၶၢမ်ႇတၢင်းဢၼ်ႁေႃႈဢွၵ်ႇပႅတ်ႈသေ ၵႃႈၼႂ်းတီႈယူႇၵူၼ်းလႄႈပိူၼ်ႈဢွၼ်ၵၼ် ႁွင်ႉသႅၼ်ႇၸွမ်းလင်ၶဝ်မိူၼ်ၸိူဝ်ႉၼင်ႇ ၽူႈလၵ်ႉၼၼ်ႉဢေႃႈ။
၆ ၶဝ်ဢွၼ်ၵၼ်ယူႇၵႃႈၼႂ်းၵႄႈႁူၺ်ႈၵႄႈလွႆ ဢၼ်လီၵူဝ်လီႁႄၼႃႇ လႂ်၊ၼႂ်းလုၵ်းလိၼ်ၶုမ်လိၼ် လႂ်၊ၼႂ်းႁူးထမ်ႈႁူးလွႆ လႂ်ဢေႃႈ။
၇ ၶဝ်ဢွၼ်ၵၼ်ပွင်ႉၶၢင်းပွင်ႉမိူၼ်ႇ ၵႃႈၼႂ်းယုမ်းၼႂ်းယွမ်ႇလႄႈၸူႉၵၼ် တုမ်ၵၼ်ၵႃႈတီႈတႂ်ႈတူၼ်ႈၼၢမ်ဢေႃႈ။
၈ ၶဝ်ပဵၼ်လုၵ်ႈပဵၼ်လၢင်းၵူၼ်းမိူၵ်ႈ၊ လုၵ်ႈလၢင်းၵူၼ်းယုတ်ႈလႄႈလႆႈဢွၼ်ၵၼ် ၶၢမ်ႇတၢင်းဢၼ်ႁေႃႈပႅတ်ႈသေ ၵႃႈၼႂ်း ဝၢၼ်ႈၼႂ်းမိူင်းဢေႃႈ။
၉ မိူဝ်ႈလဵဝ်ၼႆႉၸမ်းလုၵ်ႈၸၢႆးၶဝ်ႁဵတ်းၵႂၢမ်းလႄႈသေႉသွမ်းသမ်ႇမုၵ်ႉၵဝ်လူင်ဢေႃႈ။ၶဝ် ဢွၼ်ၵၼ်လီႁင်ႈဢဵတ်ႇသဵတ်ႇၵဝ်လႄႈ ဝေႈပႅတ်ႈၵဝ်ၵႆၵႆဢေႃႈ။
၁၀ ၶဝ်ယင်းဢမ်ႇထူမ်ႇၼမ်ႉလၢႆးသႂ်ႇၵဝ်လႄႈ ဢမ်ႇယူႇ။
၁၁ မၼ်းၸဝ်ႈၵႄႈလိတ်ႈၸိူၵ်ႈပိုၼ်ၵဝ်လႄႈႁႂ်ႈၵဝ်လႆႈထူပ်းၽေးတုၵ်ႉၶႃႉလႄႈ ၶဝ်ဢွၼ်ၵၼ်ပူတ်း ၵၵ်ႉပူတ်းၵိုဝ်ၶဝ်ၵႃႈတီႈၽၢႆႇၼႃႈၵဝ်ဢေႃႈ။
၁၂ ၶဝ်လုၵ်ႉၵႃႈတီႈၽၢႆႇတၢင်းၶႂႃၵဝ်သေလႄႈ တိုၵ်းတေႃးၵဝ်ဢေႃႈ။ၶဝ်တွၵ်ႈဢီးၵဝ်လႄႈ ဢဝ်ၶိုမ်းႁၢင်ႈၵႃႈတီႈတိၼ်ၵဝ် ဢေႃႈ။
၁၃ ၶဝ်ဢွၼ်ၵၼ်ယႃႉသဵၼ်ႈတၢင်းၵဝ်ပႅတ်ႈသေလႄႈ ယင်းဢမ်ႇမီးၵေႃႉဢၼ်ၸွႆႈထႅမ်ၶဝ်လႄႈ ၶဝ်ပႄႉ ၼႅင်ႇဢဝ်ၵဝ်လူႉလႅဝ်ဢေႃႈ။
၁၄ ၶဝ်ဢွၼ်ၵၼ်မႃးမိူၼ်ၸိူဝ်ႉၼင်ႇၶဝ်ႈၸွမ်းၵႃႈၼႂ်းႁူး ဢၼ်လူင်ဢၼ်ပွင်ႇၼၼ်ႉလႄႈ ၶုၼ်ၽၢင်ႈလႅၼ်ႈၸွမ်းၵႃႈတီႈဢၼ်ၵိူၼ်ႇပင်းလူႉ လႅဝ်ၼၼ်ႉဢေႃႈ။
၁၅ လွင်ႈတၢင်းဢၼ်လီၵူဝ်လီႁႄတင်းလၢႆႁွတ်ႈထိုင်ၵႃႈၼိူဝ်ၵဝ်လႄႈ ပတ်ႉထူဝ်းဢဝ်မုၼ်ၽွင်ၵဝ်ၵႂႃႇမိူၼ်ၸိူဝ်ႉၼင်ႇလူမ်းၼၼ်ႉလႄႈ ၸေးၸိမ်ႇၵဝ်ၽုင်ႉပိဝ်သဵၼ်ၵႂႃႇ မိူၼ်ၸိူဝ်ႉၼင်ႇၽႃႈၽူၼ်ၼၼ်ႉယဝ်ႉ။
၁၆ မိူဝ်ႈလဵဝ်ၼႆႉၸမ်းႁူဝ်ၸႂ်ၵဝ်သုတ်ႉယွမ်းၵႂႃႇယဝ်ႉ။မိူဝ်ႉဝၼ်းဢၼ်ၶၢမ်ႇတုၵ်ႉၶႃႉတၢင်းၽၢၼ်ၼၼ်ႉ ဢွၼ်ၵၼ်ၸွမ်း ၶိုၼ်းၵဝ်ယဝ်ႉ။
၁၇ ၶိင်ႇၵၢင်ၶိုၼ်းလုပ်ႇၵဝ်ၸိူဝ်းၼႆႉလႆႈၶၢမ်ႇတၢင်းဢၼ်ၸီးသႂ်ႇတမ်သႂ်သေလႄႈ ၶၢတ်ႇပုတ်းတူၵ်းသေၵႃႈတီႈၵဝ်လႄႈ တၢင်းဢၼ်ၶူပ်းၶိုၼ်ႈၼႃႇလူင် လၢင်ၼၼ်ႉဢမ်ႇထၢတ်ႇဢမ်ႇယဵၼ်လႃးလႃး။
၁၈ ၵွပ်ႈပိူဝ်ႈတၢင်းၸဵပ်းၵဝ်ၼႆႉ ႁႅင်းယႂ်ႇၼႃႇလူင်လၢင်လႄႈၶူဝ်းၼုင်ႈၶူဝ်းမႆႊၵဝ်လၢၵ်ႇပိူင်ႈလႄႈ မတ်ႉၶဵၼ်းၵဝ်ယူႇမိူၼ် ၸိူဝ်ႉၼင်ႇၶေႃးသိူဝ်ႈၼၼ်ႉဢေႃႈ။
၁၉ မၼ်းၸဝ်ႈတွၵ်ႈဢီးၵဝ်တူၵ်းၵႃႈၼႂ်းၵူမ်ႇၼႂ်းဢုင်လႄႈ ၵဝ်ၼႆႉပဵၼ်ၸိူဝ်ႉၼင်ႇ မုၼ်လိၼ်တင်းတဝ်ႊၼၼ်ႉယဝ်ႉ။
၂၀ ၶႃႈၸဝ်ႈသႅၼ်ႇႁွင်ႉတီႈၸဝ်ႈႁဝ်းလႄႈၸဝ်ႈႁဝ်းဢမ်ႇဢိူဝ်ႈတီႈၶႃႈ။ ၶႃႈၸဝ်ႈလုၵ်ႈၸုၵ်းလႄႈ ၸဝ်ႈႁဝ်းဢမ်ႇမၢတ်ႈဢမ်ႇတွင်း တီႈၶႃႈ။
၂၁ ၸဝ်ႈႁဝ်းႁဵတ်းၵျၢမ်းထၢမ်းလူင်လၢင်တီႈၶႃႈၸဝ်ႈလႄႈဢဝ်တင်းမိုဝ်းၸဝ်ႈဢၼ်ႁႅင်းယႂ်ႇၼႃႇ ၼၼ်ႉလွမ်ပႂ်ႉယူႇတီႈၶႃႈဢေႃႈ။
၂၂ ၸဝ်ႈႁဝ်းယုၵ်ႉယွင်ႈဢဝ်ၶႃႈၸဝ်ႈသႂ်ႇၵႃႈၼိူဝ်လူမ်းသေလႄႈ ႁႂ်ႈၶႃႈၸဝ်ႈၶီႇပႃးၵႂႃႇၵႃႈၼိူဝ်မၼ်းလႄႈ ႁႂ်ႈၶႃႈၸဝ်ႈပိဝ်သဵၼ်ႁၢႆလၢႆၵႂႃႇၵႃႈၼႂ်း ဢၢႆႁႅင်းလူမ်းလူင်ၽူၼ်လူင်ၼၼ်ႉ တီႈၶႃႈ ဢေႃႈ။
၂၃ ၶႃႈၸဝ်ႈႁူႉလွင်ႈဢၼ်ၸဝ်ႈႁဝ်းတၵ်းဢဝ်ၶႃႈၸဝ်ႈ သူင်ႇႁွတ်ႈၵႃႈတီႈတၢင်းတၢႆဢိၵ်ႇတင်းၵႃႈတီႈႁိူၼ်းတီႈယူႇ ဢၼ်ၸီႇယၢင်ႇႁဵတ်းဝႆႉပုၼ်ႈၶဝ်ၵႃႈဢၼ်ဢသၢၵ်ႈလိပ်းယူႇၼၼ်ႉတီႈၶႃႈဢေႃႈ။
၂၄ ၼႂ်းမိူဝ်ႈဢၼ်မၼ်းၸဝ်ႈ ယင်းတိုၵ်ႉယဵတ်ႇမိုဝ်းယိုၼ်းမိုဝ်းမၼ်းၸဝ်ႈယူႇၼၼ်ႉပိၵ်ႉသမ်ႉသူးတွင်းသေၵေႃႈ ပဵၼ်ဢၼ်လၢႆလၢႆဢမ်ႇပွင်ႇလွင်ႈၵႃႈသင်လႄႈ ၼႂ်းမိူဝ်ႈဢၼ်မၼ်းၸဝ်ႈယင်းတိုၵ်ႉယႃႉပႅတ်ႈယူႇၼၼ်ႉ ပိၵ်ႉသမ်ႉသႅၼ်ႇႁွင်ႉသေ ၵေႃႈဢမ်ႇမီးဢၵျူဝ်း။
၂၅ ၵဝ်ယၢမ်ႈႁႆႈႁွင်ႉပုၼ်ႈၶဝ်ၸိူဝ်းဢၼ်ႁွတ်ႈဢမူႉၼၼ်ႉယဝ်ႉဢမ်ႇၸႂ်ႈႁိုဝ်။ၵဝ်ယၢမ်ႈၸဵပ်းၸႂ်ၶိုၼ်ႈၸႂ်ပုၼ်ႈ ၶဝ်ၸိူဝ်းဢၼ်ၸုတ်ႈဢၼ်လုတ်ႈ ၼၼ်ႉယဝ်ႉဢမ်ႇၸႂ်ႈႁိုဝ်။
၂၆ ၵူၺ်းၵႃႈၼႂ်းမိူဝ်ႈဢၼ်ၵဝ်မုင်ႈမွင်း တၢင်းဢၼ်လီဢၼ်ငၢမ်းယူႇၼၼ်ႉၸိုင် ၽေးႁွတ်ႈမႃးဢေႃႈ။ ၼႂ်းမိူဝ်ႈဢၼ်ၵဝ်တုၵ်းဢၢင်ႈဢၼ်ပၢင်ႇဢၼ်လႅင်းယူႇၼၼ်ႉၸိုင် ပဵၼ်ဢၼ်လပ်းသိင်ႇ ၵႂႃႇဢေႃႈ။
၂၇ ႁူဝ်ၸႂ်ၵဝ်ၼႆႉလိူတ်ႇယူႇလႄႈဢမ်ႇမီးတၢင်းဢၼ်ၼိမ်ဢၼ်ယဵၼ်။မိူဝ်ႉဝၼ်းဢၼ်လႆႈၶၢမ်ႇတုၵ်ႉၶႃႉတၢင်းၽၢၼ်ၼၼ်ႉထူပ်းမႅၼ်ႈၵဝ်ယဝ်ႉ။ၵွပ်ႈပိူဝ်ႈလႅတ်ႇမႆႈၵၢင်ဝၼ်းၼၼ်ႉလႄႈ ၵဝ်မီးၼႃႈဢၼ်ၵမ်ႇၵႂႃႇလမ် ၵႂႃႇဢမ်ႇၸႂ်ႈ။
၂၈ ၵဝ်လုၵ်ႉၸုၵ်းယူႇၵႃႈၼႂ်းၵၢင်ပရိၵ်ႈသၢတ်ႈသေလႄႈႁွင်ႉၸူးၶၢင်းၸူးၶဝ်ယူႇဢေႃႈ။ၵဝ်လႆႈပဵၼ်ပီႈၼွင်ႉၵၼ်တင်းမႃလိၼ်လႄႈ လႆႈပဵၼ်ၵေႃႉသေႈလူၺ်ႈ ၵၼ်တင်းၼူၵ်ႉၵလႃႈဢုၵ်ႉတင်းလၢႆဢေႃႈ။
၂၉ ၼိူဝ်ႉၼင်ၵဝ်မီးတၢင်းဢၼ်ၵမ်ႇၵႂႃႇလမ်ၵႂႃႇလႄႈ ၶၢတ်ႇပုတ်းတူၵ်းၵႂႃႇသေၵႃႈတီႈၵဝ်ဢေႃႈ။လုပ်ႇၵဝ်ၸိူဝ်းၼႆႉမႆႈႁွၼ်ႉလႄႈ ႁႅင်ႈၵႂႃႇႁွင်ၵႂႃႇဢေႃႈ။
၃၀ တိင်ႇၵဝ်လင်ႊဢွၵ်ႇသဵင်ဢၼ်ၶၢင်းၶီၶၢင်းၽၢၼ်လႄႈ ပီႇၵဝ်ၼႄးၵဝ်လင်ႊဢွၵ်ႇသဵင်ဢၼ်ႁႆႈဢၼ်ႁွင်ႉၼၼ်ႉဢေႃႈ။