၃၈
ၽြႃးပဵၼ်ၸဝ်ႈမီးဢမိင်ႉ
၁ မိူဝ်ႈၼၼ်ႉထႃႇဝရႃႉၽြႃး ယူႇၵႃႈၼႂ်းၽူၼ်လူင်လူမ်းလူင်သေလႄႈမီးဢမိင်ႉတီႈယေႃႇၽလႄႈဝႃၸမ်း၊-
၂ ၵေႃႉဢၼ်ယင်းဢမ်ႇမီးၺၢၼ်ႇလႄႈ ဢဝ်ၵႂၢမ်းလၢတ်ႈႁႂ်ႈတၢင်းၵျၢမ်ႇတၢင်းပွင်ၵဝ် မိူၵ်ႈလပ်းသိင်ႇၵႂႃႇၼႆႉၸမ်း ပဵၼ်ၽူႈ လႂ်။
၃ ႁတ်ႉဢႅဝ်မႂ်းမိူၼ်ၸိူဝ်ႉၼင်ႇၵူၼ်းၸၢႆးသေလႄႈၵႄႈလိတ်ႈၵႂၢမ်းပျၢတ်ႈသၼႃႇ ဢၼ်ၵဝ်တၵ်း တွင်ႈထၢမ်တီႈမႂ်းၼၼ်ႉတႃႉ။
၄ ယၢမ်းမိူဝ်ႈဢၼ်ၵဝ်တႄႇတင်ႈငဝ်ႈႁၢၵ်ႈလိၼ်မိူင်းၼၼ်ႉမႂ်းမီးယူႇၵႃႈတီႈ လႂ်။ပေႃး မႂ်းႁူႉၸိုင်ၽုၺ်ႇဢွၵ်ႇၼႄပျႃးတႃႉ။
၅ ၽူႈ လႂ်ၸီႇယၢင်ႇတၢင်းဢၼ်တႅၵ်ႈဢၼ်ၶပ်ႉမၼ်းဝႆႉ။ပေႃးမႂ်းႁူႉၸိုင် လၢတ်ႈတႃႉ။ၽူႈ လႂ်ၶဵင်ႈၸိူၵ်ႈမၢႆမီႈသေလႄႈၶျႃးမၼ်း ဝႆႉ။
၆ ႁႂ်ႈငဝ်ႈႁၢၵ်ႈမၼ်းၸပ်းယူႇၵႃႈၼိူဝ်တီႈဢၼ် လႂ်။ၽူႈ လႂ် ဢဝ်မၢၵ်ႇႁိၼ်ႁူဝ်ၸဵင်ႇတိူၵ်ႈမၼ်းတၢင်ႇသႂ်ႇ ဝႆႉ ၼႂ်းမိူဝ်ႈဢၼ်လၢဝ်ၵၢင်ၼႂ်တင်းလၢႆၽွမ်ႉၵၼ်ႁဵတ်းလႄႈ
၇ လုၵ်ႈၽြႃးပဵၼ်ၸဝ်ႈတင်းလၢႆ ၸူမ်းသိူဝ်းယူႇ သေလႄႈႁွင်ႉသႅၼ်ႇယူႇၼၼ်ႉ။
၈ ၽူႈ လႂ်ဢဝ်ၽၵ်းတူဢိုတ်းၼမ်ႉသမ်ႇမုၵ်ႉတြႃႇဝႆႉ ၼႂ်းမိူဝ်ႈဢၼ်မၼ်းၵိူတ်ႇ လဵင်ႉမႃးၵႃႈၼႂ်းတွင်ႉမေႈမၼ်းလႄႈဢွၵ်ႇမႃးၼၼ်ႉ၊
၉ ၼႂ်းမိူဝ်ႈဢၼ်ၵဝ်ဢဝ်ၽႃႈၽူၼ်ႁူမ်ႇသုမ်ႇမၼ်းလႄႈ ဢဝ် တင်းလပ်းသိင်ႇဢၼ်ၼႃတၼ်ၼႃႇ ႁေႃႇၶႅၼ်းမၼ်းၼၼ်ႉ၊
၁၀ ၼႂ်းမိူဝ်ႈဢၼ်ၵဝ်ၸီႇယၢင်ႇဢၼ်ၶၢၼ်းဢၼ်ၶဵၼ်းမၼ်းဝႆႉလႄႈ ဢဝ်ၽၵ်းတူတင်းၵိူၼ်ႇၽၵ်းတူ တင်းလၢႆဝႆႉသေလႄႈပိင်းၺၢပ်ႈဝႆႉလႄႈဝႃႈ၊-
၁၁ မႂ်းၼႆႉလႆႈမႃးတေႃႇထိုင်ႁွတ်ႈၵႃႈတီႈၼႆႉၵူၺ်းဢေႃႈ။ဢမ်ႇလႆႈပူၼ်ႉလႆႈပႅၼ်ၵႂႃႇ။ ၵႃႈတီႈၼႆႉၸိုင်လႅင်းၼမ်ႉပိူပ်ႇၼမ်ႉမႂ်းဢၼ်ပူၵ်းပႅၼ်ႈၸိူဝ်းၼၼ်ႉ တၵ်းလႆႈသုတ်းလႆႈတိူၵ်ႈဢေႃႈ၊ဝႃႈၼင်ႇၼႆၼၼ်ႉ။
၁၂ ၸူဝ်ႈဢသၢၵ်ႈမႂ်းၼႆႉၸွင်ႇမႂ်းယၢမ်ႈတွၼ်ႉပၼ်ဢမိင်ႉၶိင်ႇၵၢင်ၼႂ်သပွေၵ်ႈႁိုဝ်။
၁၃ ၸွင်ႇမႂ်းယၢမ်ႈတွၼ်ႉပၼ် ဢွင်ႈပၼ်တီႈယူႇတီႈသဝ်းဢႃႇရူင်ႇမိူင်းလႅင်း ႁႂ်ႈမၼ်းယိပ်းၵမ်ႁိမ်းလႅၼ်သုတ်းလိၼ်မိူင်းသေလႄႈၽႅတ်းသၼ်ႇၵူၼ်းႁၢႆႉတင်းလၢႆပႅတ်ႈႁိုဝ်။
၁၄ လိၼ်မိူင်းၼႆႉၶၢမ်ႇပုတ်ႈပုင်ႇႁၢင်ႊၽၢင်မႃး မိူၼ်ၸိူဝ်ႉၼင်ႇဢၼ်တွၵ်ႇတၼ်းသိၵ်ႈသႂ်ႇၼၼ်ႉလႄႈ ပဵၼ်ၸိူဝ်ႉၼင်ႇဢၼ်ဢဝ်ၶူဝ်းၼုင်ႈၶူဝ်းမႆႊ ၼုင်ႈပၼ်ၼၼ်ႉ ဢေႃႈ။
၁၅ ဢၼ်လႅင်းဢၼ်ၵူၼ်းႁၢႆႉမိူၵ်ႈၼၼ်ႉလပ်းႁၢႆၵႂႃႇလႄႈ ၶႅၼ်မိုဝ်းၶဝ်ဢၼ်ယုၵ်ႉယွင်ႈၼၼ်ႉၵေႃႈလႆႈၶၢမ်ႇ တၢင်းဢၼ်ႁၵ်းႁိၵ်းပႅတ်ႈဢေႃႈ။
၁၆ မႂ်းယၢမ်ႈတွၼ်ႉၶဝ်ႈၵႃႈၼႂ်းၼမ်ႉဢွၵ်ႇႁူးၼမ်ႉသမ်ႇမုၵ်ႉတြႃႇၼၼ်ႉႁိုဝ်။မႂ်းယၢမ်ႈတွၼ်ႉလႄႇလဵပ်ႈ ၵႃႈတီႈတႂ်ႈသုတ်း တီႈဢၼ်လိုၵ်ႉ ဢၼ်လမ်ႇၼၼ်ႉႁိုဝ်။
၁၇ ၽၵ်းတူတၢင်းတၢႆၸိူဝ်းၼၼ်ႉယၢမ်ႈတွၼ်ႉမီး တၢင်းဢၼ်ၽုၺ်ႇပိုတ်ႇဝႆႉတီႈမႂ်းႁိုဝ်။မႂ်းယၢမ်ႈတွၼ်ႉလႆႈႁၼ် ၽၵ်းတူဢၼ်ၶဝ်ႈၸူးၵႃႈၼႂ်း ႁူမ်ႈတၢင်းတၢႆၼၼ်ႉႁိုဝ်။
၁၈ မႂ်းယၢမ်ႈတွၼ်ႉလူတူၺ်းၼႃႈလိၼ်မိူင်းတၢင်းၼႃႈႁိုဝ်။ပေႃးမႂ်းႁူႉမၼ်းတင်းသဵင် တင်းမူတ်းၸိုင်ၽုၺ်ႇဢွၵ်ႇၼႄပျႃးတႃႉ။
၁၉ သဵၼ်ႈတၢင်းဢၼ် လႂ်ပွင်ႇႁွတ်ႈၽႅဝ်ထိုင်တီႈဢၼ်လႅင်း။
၂၀ တီႈယူႇ လပ်းသိင်ႇၵေႃႈ မီးၵႃႈ လႂ်လႄႈႁႂ်ႈမႂ်းထၼ်ႈပေႃးဢဝ်သူင်ႇႁွတ်ႈ တီႈဢၼ်ၶၢၼ်းဢၼ်ၶဵၼ်းမၼ်းလႄႈ ႁူႉသဵၼ်ႈတၢင်းဢၼ်ၵႂႃႇၸူးၵႃႈတီႈႁိူၼ်းမၼ်းၼၼ်ႉ။
၂၁ ၵွပ်ႈပိူဝ်ႈဢၼ် မႂ်းလႆႈၵိူတ်ႇလဵင်ႉမႃးမိူဝ်ႈၵွၼ်ႇဢွၼ်ၼႆႉၼၼ်ႉလႄႈ မိူဝ်ႉဝၼ်းဢသၢၵ်ႈမႂ်း ယႂ်ႇၼမ်ၼႃႇလူင်လၢင်လႄႈမႂ်းႁူႉတႄႉတႄႉဢေႃႈ။
၂၂ မႂ်းယၢမ်ႈတွၼ်ႉၶဝ်ႈၵႃႈၼႂ်းၽၼ်ႇတႃႇမူၺ်ႁႃႇႁိုဝ်။မႂ်းယၢမ်ႈတွၼ်ႉႁၼ်တိူၵ်ႈၽၼ်ႇတႃႇမၢၵ်ႇႁဵပ်း ဢၼ်ၵဝ် သိမ်းဝႆႉပုၼ်ႈၶိင်ႇၵႃႇလႃႉ ဢၼ်ႁႂ်ႈၽေးႁွတ်ႈထိုင်ဢိၵ်ႇတင်းၶိင်ႇၵႃႇလႃႉ ဢၼ်ၶဵင်ႇသိုၵ်းလႄႈ တိုၵ်းတေႃးၼၼ်ႉႁိုဝ်။
၂၄ ဢၼ်လႅင်းၼၼ်ႉဢဝ်သဵၼ်ႈတၢင်းၸိူဝ်ႉၼင်ႇႁိုဝ်သေလႄႈၸွတ်ႇတူဝ်ႈ။လူမ်းတၢင်းဢွၵ်ႇၼၼ်ႉဢဝ်သဵၼ်ႈတၢင်းၸိူဝ်ႉၼင်ႇႁိုဝ်လႄႈပတ်ႉထူဝ်းၵႃႈၼိူဝ် လိၼ်မိူင်း။
၂၅ ၽူႈ လႂ်ၽုၺ်ႇပိုတ်ႇသဵၼ်ႈတၢင်းၼမ်ႉၽူၼ်ဢၼ်ထူမ်ႈႁူမ်ႇ၊သဵၼႃ်ႈႉမႅပ်ႈ ဢၼ်ၸၢပ်ႈသႅင်ႇၵၼ် တငႃ်းႉၽႃႇၼၼ်ႉ၊
၂၆ ႁႂ်ႈၽူၼ်တူၵ်းၵႃႈၼိူဝ်လိၼ်တီႈဢၼ်ၵူၼ်းဢမ်ႇမီးဢိၵ်ႇတင်း ၵႃႈၼိူဝ်ထိူၼ်ႇဢၼ် ၵူၼ်းဢမ်ႇယူႇၼၼ်ႉ ဢိၵ်ႇတင်း
၂၇ ႁႂ်ႈပၢင်ႇပဵင်းတီႈဢၼ်လွတ်ႈဢၼ်ပဝ်ႇၼၼ်ႉ ဢိမ်ႇတဵမ်ဝႆႉတင်းၼမ်ႉလႄႈႁႂ်ႈ ယွတ်ႈယိူဝ်ႈဢၼ်ၼမ်ၼႃႇဢွၵ်ႇမႃးၼၼ်ႉ။
၂၈ ၽူႈ လႂ်ပဵၼ်ပေႃႈၼမ်ႉၽူၼ်။ၽူႈ လႂ်ႁႂ်ႈမဵတ်ႉၼမ်ႉၼၢႆးတင်းလၢႆၵိူတ်ႇ လဵင်ႉမႃး။
၂၉ ၼမ်ႉၵွၼ်ႈၼမ်ႉၵၢမ်ႈၼၼ်ႉဢွၵ်ႇမႃးၵႃႈၼႂ်းတွင်ႉၽူႈ လႂ်။ၽူႈ လႂ်ႁႂ်ႈၼမ်ႉၼၢႆးၵွၼ်းၽႃႉၵၢင်ႁၢဝ်ၼၼ်ႉ တႄႇပတိၵ်ႉသၼ်ႇထေႇ။
၃၀ ၼမ်ႉတင်းလၢႆၵၢမ်ႈၵႂႃႇပဵၼ်ၸိူဝ်ႉၼင်ႇမၢၵ်ႇႁိၼ်လႄႈ ၼႃႈပၢင်ႇလၢႆႇမီးတၢင်းဢၼ် ၵႅၼ်ႇၶႅင်ၵႂႃႇဢေႃ။
၃၁ မႂ်းၶျုၵ်ႈဝႆႉတၢင်းဢၼ်မူၵ်ႇလၢဝ်ဝီးႁဵတ်းသဵင်သႃႇယႃႇၼၼ်ႉလႆႈႁိုဝ်။မႂ်းၵႄႈလိတ်ႈတၢင်းဢၼ်မတ်ႉဢၼ်ၽုၵ်ႈလၢဝ်တဝ်ႇၼၼ်ႉလႆႈႁိုဝ်။
၃၂ ပေႃးၶိင်ႇမၼ်းထိုင်ၸိုင် မႂ်းၽုၺ်ႇဢွၵ်ႇလၢဝ်ရႃႇသီႇၸိူဝ်းၼၼ်ႉလႆႈႁိုဝ်။ မႂ်းသင်ႇသွၼ်သုင်းမႃႉလၢဝ်ၸၢင်ႉတင်း လုၵ်ႈလၢင်းမၼ်းတင်းလၢႆလႆႈႁိုဝ်။
၃၃ မႂ်းႁူႉၸႅင်ႈၼႄးဢူႉပတေႇၽႃႉၵၢင်ႁၢဝ်တင်းလၢႆႁိုဝ်။မႂ်းပၼ်ဢၶႂၢင်ႉႁႂ်ႈၼႄး ဢူႉပတေႇၸိူဝ်းၼၼ်ႉဢုပ်ႉပိူင်ႇလိၼ်မိူင်းလႆႈႁိုဝ်။
၃၄ မႂ်းသႅၼ်ႇသဵင်ၵိဝ်သဵင် တီႈၽႃႈၽူၼ်တင်းလၢႆ ႁႂ်ႈၼမ်ႉ ၽူၼ်ဢၼ်ၼမ်ၼႃႇႁူမ်ႇသုမ်ႇမႂ်းလႆႈႁိုဝ်။
၃၅ မႂ်းပွႆႇၸႂ်ႉၽႃႉမႅပ်ႈတင်းလၢႆႁႂ်ႈၶဝ်ၵႂႃႇလႄႈ ဢွၼ်ၵၼ်လဝ်ႈလၢတ်ႈတီႈမႂ်းဝႃႈ၊-ႁဝ်းၶႃႈမီးယူႇၵႃႈတီႈၼႆႉၶႃႈဢေႃႈ၊ ဝႃႈ ၼင်ႇၼႆၼၼ်ႉႁိုဝ်။
၃၆ ၽူႈ လႂ်ဢဝ်ၺၢၼ်ႇဢၼ်လႆႈႁူႉၼၼ်ႉ ပၼ်တီႈဝိၺိၺ်ႇ။
၃၇ ၽူႈ လႂ်မီးပိင်ႇၺႃႇၼပ်ႉဢၢၼ်ႇၽႃႈ ၽူၼ်တင်းလၢႆလႆႈ။
၃၈ ၽူႈ လႂ်ဢဝ်ၼမ်ႉတဝ်ႈၵၢင်ႁၢဝ်တင်းလၢႆထွၵ်ႇႁိုဝ်ႈသွၼ်းလူင်း ၼႂ်းမိူဝ်ႈဢၼ်မုၼ်လိၼ်ၵဝ်ၵၼ်ၶူၼ်းၵၼ်လႄႈ ၵွၼ်ႈလိၼ်မမ်ႈလိၼ်တင်းလၢႆ ၸပ်းၵၼ်ယူႇၼၼ်ႉ။
၃၉ မႂ်းသွၵ်ႈႁႃတူဝ်သတ်းတၢင်းၵိၼ်ပုၼ်ႈသၢင်ႇသီႈမေႈလႆႈႁိုဝ်။မႂ်းဢွႆႇပၼ်ႁႂ်ႈတၢင်းဢၼ်သၢင်ႇသီႈၼုမ်ႇတင်းလၢႆ တွင်ႉမႆႈသႆႈလိူတ်ႇၼၼ်ႉလႆႈ ၵိၼ်ပေႃးဢိမ်ႇပေႃးတဵမ်၊
၄၀ ၼႂ်းမိူဝ်ႈဢၼ်ၶဝ်မူပ်ႇယူႇၵႃႈၼႂ်းႁူးထမ်ႈသေလႄႈပႂ်ႉလွမ်ပႂ်ႉတူၺ်းၵႃႈတီႈတႂ်ႈယုမ်းတႂ်ႈယွမ်ႇယူႇၼၼ်ႉႁိုဝ်။ ၽူႈ လႂ်ပၼ်တၢင်းၵိၼ် တီႈၵႃမေႈလူင်
၄၁ မိူဝ်းဢၼ်လုၵ်ႈဢွၼ်ႇမၼ်းတင်းလၢႆယင်းဢမ်ႇမီးတၢင်းၵိၼ်လႄႈ လႄႇၵႂႃႇလႄႇမႃးယူႇသေလႄႈသႅၼ်ႇႁွင်ႉတီႈၽြႃးပဵၼ်ၸဝ်ႈၼၼ်ႉ။