၄၁
၁ ငိူၵ်ႈၸိုင် မႂ်းတၵ်းဢဝ်တင်းၶေႃဝဵတ်းတိုတ်ႉၸၼ်ဢဝ်လႄႈ ဢဝ်တင်းၸိူၵ်ႈတဵၵ်းၶီႇတဵၵ်းတဵင်လိၼ်ႉမၼ်းလႆႈ ႁိုဝ်။
၂ မႂ်းတၵ်းဢဝ်ၶူၺ်ႇလဵၵ်းသႂ်ႇၵႃႈတီႈၶူႈလင်မၼ်းလႄႈ ဢဝ်တူင်ႇလဵၵ်းသွတ်ႇသႂ်ႇၵႃႈတီႈလုပ်ႇမၼ်းလႆႈ ႁိုဝ်။
၃ မၼ်းၼၼ်ႉတၵ်းတွင်းပၢၼ်ႇပၼ်တီႈမႂ်းၼႃႇလူင်လၢင်လႄႈ တၵ်းလၢတ်ႈၵႂၢမ်းဢၼ်ၶျေႃးဝွၼ်းတီႈမႂ်း ႁိုဝ်။
၄ မၼ်းတၵ်းႁဵတ်းပတိၺိၼ်ႇတၢင်းဢၼ်ႁပ်ႉတုင်းဢဝ်လူၺ်ႈၵၼ်တင်းမႂ်းလႄႈ မႂ်းတၵ်းၶၢၼ်းမၼ်းဝႆႉႁႂ်ႈ မၼ်းၵိုတ်ႇႁၢပ်ႇဢမူႉမႂ်းယူႇသေႇသေႇႁိုဝ်။
၅ မႂ်းတၵ်းလႅၼ်ႈလေႃႇယဝ်ႉယွၵ်ႇမၼ်း မိူၼ်ၸိူဝ်ႉၼင်ႇၼူၵ်ႉၼၼ်ႉလႄႈတၵ်းမတ်ႉၽုၵ်ႇမၼ်း ပုၼ်ႈမေႈယိင်းဢွၼ်ႇမႂ်းတင်း လၢႆႁိုဝ်။
၆ ၶဝ်ၸိူဝ်းဢၼ်ႁူမ်ႈၵမ်ပွင်းၵၼ်ၼၼ်ႉတၵ်းဢွၼ်ၵၼ်ဢဝ်မၼ်း ႁဵတ်းၶူဝ်းၵႃႉၶူဝ်းၶၢႆလႄႈ တၵ်းဢွၼ်ၵၼ်ၽႄမႅင်ႇပၼ် တီႈၸဝ်ႈၵုၼ်ႇၸဝ်ႈသႅၼ်းတင်းလၢႆ ႁိုဝ်။
၇ ဢဝ်ႁွၵ်ႇတႅင်းသႂ်ႇၼင်မၼ်းလႄႈဢဝ်သီဢၼ်တႅင်းပႃၼၼ်ႉ တႅင်းသႂ်ႇၵွၵ်းႁူဝ်မၼ်းႁႂ်ႈထၼ်ႈပေႃးပွင်ႇ ၵူႈတီႈၵူႈလႅၼ်လႆႈႁိုဝ်။
၈ ပေႃးဢဝ်မိုဝ်းမႂ်းတၢင်ႇသႂ်ႇၵႃႈၼိူဝ်မၼ်းၸိုင် မႂ်းတၵ်းႁူႉတၢင်းဢၼ်ၶၢၼ်ၸႂ်ၼၼ်ႉလႄႈၵမ်းလိုၼ်းမႂ်းတၵ်းဢမ်ႇၶိုၼ်းႁဵတ်းထႅင်ႈယဝ်ႉ။
၉ တူၺ်းလူ။တၢင်းမုင်ႇမွင်းဢၼ်ပေႉၼႅင်ႇမၼ်းၼၼ်ႉပဵၼ်လၢႆလၢႆလွၵ်ႇလွၵ်ႇဢေႃႈ။ၵူၺ်းၵႃႈတၢင်းဢၼ်တူၺ်းႁၼ်ၵူၺ်းၼၼ်ႉပဵၼ်ဢၼ်ၸႂ်လူႉဢမ်ႇၸႂ်ႈႁိုဝ်။
၁၀ ၽူႈ လႂ်သေၵေႃႉသေၵူၼ်း ဢမ်ႇႁတ်းဢမ်ႇႁၢၼ်ႁႂ်ႈလႆႈတိုၵ်းယူင်းမၼ်း။ပိူဝ်ႈဢၼ်ပဵၼ်ၼင်ႇၼႆလႄႈၽူႈ လႂ်တၵ်း ၸုၵ်းၶၢမ်ႇယူႇၵႃႈတီႈၽၢႆႇၼႃႈၵဝ်လႆႈ။
၁၁ ၽူႈ လႂ်ယၢမ်ႈတွၼ်ႉႁဵတ်းၵျေးၸူးတီႈၵဝ် ႁႂ်ႈၵဝ်လႆႈတွပ်ႇတႅၼ်းၶိုၼ်းၵျေးၸူးမၼ်း။ ၵႃႈတီႈဢၼ်မီးၵႃႈတႂ်ႈၽႃႉၵၢင်ႁၢဝ် ၸိူဝ်းၼႆႉပဵၼ်ဢုၵ်ႉၸႃႇၵဝ်ဢေႃႈ။
၁၂ ၵဝ်ယင်းဢမ်ႇလၢတ်ႈလွင်ႈလၵ်ႈၶၼႃႇဢင်ႇၵႃႇမၼ်းႁဵင်းမၼ်း ဢၼ်ႁူင်ႁၢင်းမၼ်းၶိူင်ႈမၼ်းဢၼ်ႁၢင်ႊလီႁၢင်ႊငၢမ်းၸိူဝ်း ၼၼ်ႉလႄႈတၵ်းဢမ်ႇယူႇ။
၁၃ ၽူႈ လႂ်ပိုတ်ႇပိၼ်ႈၶူဝ်းၼုင်ႈထၢပ်ႈၼွၵ်ႈမၼ်းလႆႈ။ၽူႈ လႂ်တၵ်းသုတ်ႉၸပ်းသုတ်ႉၸူးၵႃႈၼႂ်းလုပ်ႇၵႅမ်ႈလုပ်ႇၵၢင်းမၼ်း ဢၼ်ပဵၼ်သွင်ၸၼ်ႉ သွင်ထၢပ်ႈဝႆႉၼၼ်ႉ။
၁၄ ၽူႈ လႂ်တၵ်းၽုၺ်ႇပိုတ်ႇၽၵ်းတူၼႃႈမၼ်းၸိူဝ်းၼၼ်ႉ။ထႅဝ်ၶဵဝ်ႈမၼ်းၸိူဝ်းၼၼ်ႉပဵၼ် တီႈဢၼ်လီၵူဝ်လီႁႄဝႆႉဢေႃႈ။
၁၅ ၵဵတ်းမၼ်းၸိူဝ်းၼၼ်ႉပဵၼ်တီႈဢၼ်မၼ်းဢုပ်ႇဢၢတ်ႇလႄႈ ၵိူပ်ႇၼိုင်ႈလႄႈၵိူပ်ႇၼိုင်ႈ သွၼ်ႉထၢပ်ႈၵၼ်ယူႇမိူၼ်ၸိူဝ်ႉၼင်ႇဢၼ်တွၵ်ႇတၼ်းသိၵ်ႈဢၼ်လွတ်ႈလီတၼ်လီဝႆႉၼၼ်ႉ ဢေႃႈ။
၁၆ ၶဝ်မီးတၢင်းဢၼ်ၵိူပ်ႇၼိုင်ႈလႄႈၵိူပ်ႇၼိုင်ႈသွၼ်ႉၸပ်းၵၼ်ယူႇထၼ်ႈပေႃး လူမ်းဢမ်ႇၶဝ်ႈလႆႈဢေႃႈ။
၁၇ ၶဝ်မီးတၢင်းဢၼ် သွၼ်ႉၵၢမ်းၵၼ်ၸပ်းၵၼ်ယူႇထၼ်ႈပေႃးၵိူပ်ႇၼိုင်ႈလႄႈ ၵိူပ်ႇၼိုင်ႈဢမ်ႇၵွၵ်းၽၢတ်ႇၵၼ်လႆႈ ဢေႃႈ။
၁၈ မိူဝ်ႈဢၼ်မၼ်းၶီၸၢမ်ၼၼ်ႉၸိုင်ဢၼ်လႅင်းၸၢင်ႊလုၵ်ႉႁိူဝ်ႈလႄႈ မၢၵ်ႇတႃႇမၼ်းၼၼ်ႉပဵၼ်ၸိူဝ်ႉ ၼင်ႇၽႅပ်ႉတႃႇၵၢင်ၼႂ်ၼၼ်ႉဢေႃႈ။
၁၉ ပိဝ်ၽႆးဢွၵ်ႇသေၵႃႈၼႂ်းသူပ်းမၼ်းလႄႈ ၶႆႇၽႆးတင်းလၢႆဢွၼ်ၵၼ်ၽူင်ႉပိဝ်သဵၼ်ဢေႃႈ။
၂၀ ဢၢႆၵႂၼ်းၸင်ႇလုၵ်ႉသေၵႃႈၼႂ်းၶူးလင်မၼ်းၶိုၼ်ႈမိူၼ်ၸိူဝ်ႉၼင်ႇ မေႃႈၶၢင်ဢၼ်လိူတ်ႇယူႇ ပုင်းၶႅမ်ပုင်းလဝ်းဢၼ်ၽႆးမႆႈယူႇၼၼ်ႉဢေႃႈ။
၂၁ တၢင်းဢၼ်မၼ်းထူၺ်ႈၸႂ်ၼၼ်ႉ ႁႂ်ႈထၢၼ်ႇၽႆးလုၵ်ႈလႄႈ ပိဝ်ၽႆးၸင်ႇဢွၵ်ႇသေၵႃႈၼႂ်းသူပ်းမၼ်းဢေႃႈ။
၂၂ တၼ်းၶူဝ်းတႄႇယူႇၵႃႈၼႂ်းၵူင်ၶေႃးမၼ်းလႄႈ တၢင်းဢၼ်လီၵူဝ်လီႁႄ ၵႃႈယူႇၵျွၵ်းယူႇၵႃႈတီႈၽၢႆႇၼႃႈမၼ်း ဢေႃႈ။
၂၃ ၸၼ်ႉၼိူဝ်ႉၸၼ်ႉၼင်ႇမၼ်းၼၼ်ႉလႆႈၸပ်းၵၼ်ယူႇလႄႈ မီးတၢင်းဢၼ်ၵႅၼ်ႇၶႅင်မၼ်ႈၶိူင်ႇယူႇ ထၼ်ႈပေႃးဢမ်ႇၶၢႆႉတီႈလႆႈဢေႃႈ။
၂၄ ႁူဝ်ၸႂ်မၼ်းၵႅၼ်ႇၶႅင်မိူၼ်ၸိူဝ်ႉၼင်ႇမၢၵ်ႇႁိၼ်လႄႈ မိူၼ်ၸိူဝ်ႉၼင်ႇမၢၵ်ႇႁိၼ်လုၺ်ၵႃႈတႂ်ႈၼၼ်ႉဢေႃႈ။
၂၅ ယၢမ်းမိူဝ်ႈဢၼ်မၼ်းလုၵ်ႉၼၼ်ႉၸိုင် ၶဝ်ၸိူဝ်းဢၼ်ႁႅင်းယႂ်ႇၼၼ်ႉဢွၼ်ၵၼ်ၵူဝ်ႁႄလႄႈ ပဵၼ်ၸိူဝ်ႉၼင်ႇၵူၼ်းယွင်ႇၵူၼ်းမႃႈၵႂႃႇၵွပ်ႈပိူဝ်ႈဢၼ် တူၵ်းၸႂ်ႁႅင်းယႂ်ႇၼႃႇလူင်လၢင်ၼၼ်ႉဢေႃႈ။
၂၆ ပေႃးဢဝ်လၢပ်ႇဢဝ်လႅင်း တိုၵ်းတေႃးမၼ်းၸိုင်လၢပ်ႇလႅဝ်းဢမ်ႇၸၢင်ႊမၼ်ႈၶိူင်ႇ။ႁွၵ်ႇ၊ပိုၼ်၊သိူဝ်ႈၶႅပ်းလဵၵ်း ၵေႃႈဢမ်ႇၸၢင်ႊမၼ်ႈၶိူင်ႇ။
၂၇ မၼ်းၸၢင်ႊမၢတ်ႈလဵၵ်းပဵၼ်ၸိူဝ်ႉၼင်ႇၽိူင်းလႄႈ မၢတ်ႈတွင်းလိူင်ပဵၼ်ၸိူဝ်ႉ ၼင်ႇမႆႉဢူႉမႆႉၽင်ႉၼၼ်ႉဢေႃႈ။
၂၈ ပိုၼ်ၵၢင်ႇဢမ်ႇႁႂ်ႈမၼ်းပၢႆႈလႆႈ။မၢၵ်ႇႁိၼ်ဢၼ်ဢဝ်တင်းၵူင်ႇၵွင်ပိုတ်းယိုဝ်းၼၼ်ႉပဵၼ်ၸိူဝ်ႉၼင်ႇမုၼ်ယိူဝ်ႈမုၼ်ယႃႈတီႈမၼ်းဢေႃႈ။
၂၉ မၼ်းမၢတ်ႈၶွၼ်ႉလူင်တင်းလၢႆ ပဵၼ်ၸိူဝ်ႉၼင်ႇၵဵပ်ႇလႄႈမၼ်းၶူဝ်တေႃႇ တၢင်းဢၼ်ဢဝ်ႁွၵ်ႇငႃႇၼၼ်ႉဢေႃႈ။
၃၀ ၵႃႈတီႈတႂ်ႈတူဝ်မၼ်းမီးၽၢၵ်ႇမေႃႈဢၼ်ၽၢႆၼႃႇလႄႈ မၼ်းၸၢင်ႊပိုတ်ႇၵီႈသိၵ်ႈၽိုဝ်ထိူၼ်ႇၵႃႈၼိူဝ်ၵူမ်ႇဢေႃႈ။
၃၁ မၼ်းၸၢင်ႊႁႂ်ႈၼမ်ႉပၢင်ႇလၢႆႇလိူတ်ႇဢွၵ်ႇမိူၼ်ၸိူဝ်ႉၼင်ႇမေႃႈၶၢင်လိူတ်ႇၼၼ်ႉလႄႈ ၸၢင်ႊႁႂ်ႈၼမ်ႉသမ်ႇမုၵ်ႉတြႃႇ ပဵၼ်မိူၼ်ၸိူဝ်ႉၼင်ႇမေႃႈၽယွင်းၼၼ်ႉ ဢေႃႈ။
၃၂ မၼ်းႁႂ်ႈသဵၼ်ႈတၢင်းဢၼ်မၼ်းၵႂႃႇၼၼ်ႉလုၵ်ႉႁိူဝ်ႈလႄႈ ပိူၼ်ႈလႆႈထၢင်ႇၼမ်ႉပၢင်ႇလၢႆႇပဵၼ်ၸိူဝ်ႉၼင်ႇၶူၼ်ႁူဝ်ႁွၵ်ႇၼၼ်ႉဢေႃႈ။
၃၃ ၵႃႈၼိူဝ်လိၼ်မိူင်းၼႆႉဢမ်ႇမီးသတ်ႉတဝႃႇ ဢၼ်မိူၼ်ၵၼ်တင်းမၼ်း ဢၼ်ၵၢင်း လွတ်ႈတင်းသၽေႃးဢၼ်ၵူဝ်ဢၼ်ႁႄဢေႃႈ။
၃၄ မၼ်းၸၢင်ႊႁဵတ်းဢမ်ႇပေႃးၼင်ႇႁိုဝ် တီႈလွင်ႈတၢင်းဢၼ်ယႂ်ႇဢၼ်သုင်ၼၼ်ႉလႄႈ ပဵၼ်ၶုၼ်ႁေႃၶမ်းၵႃႈၼိူဝ်ၶဝ်ၸိူဝ်းဢၼ်မႃႇၼႃႉပူၵ်းပႅၼ်ၵႃႈမီးၼၼ်ႉဢေႃႈ၊ ဝႃႈၼင်ႇၼႆဢေႃႈ။