၃၇
၁ ၵွပ်ႈပိူဝ်ႈလွင်ႈတၢင်းၼႆႉလႄႈ ႁူဝ်ၸႂ်ၵဝ်ၶႃႈသၼ်ႇဝႆသေလႄႈၶၢႆႉသေၵႃႈတီႈဢၼ်မၼ်းယူႇၼၼ်ႉၵႂႃႇဢေႃႈ။
၂ ဢွၼ်ၵၼ်ထွမ်ႇငိၼ်းသဵင်ဢၼ်မၼ်းၸဝ်ႈဝႃႈ ဢွၵ်ႇသူပ်း ဢိၵ်ႇတင်းသဵင်ဢၼ်မေႃးလင်ႊ ဢွၵ်ႇမႃးၵႃႈၼႂ်းသူပ်းမၼ်းၸဝ်ႈၼၼ်ႉ ၸေးၸေးၸွတ်ႇၸွတ်ႇ တႃႉ။
၃ မၼ်းၸဝ်ႈပွႆႇၸႂ်ႉၸွတ်ႇတူဝ်ႈၵႃႈတႂ်ႈၽႃႉၵၢင်ႁၢဝ်တင်းသဵင်ႈတင်းမူတ်းလႄႈ ႁႂႃ်ႈႉမႅပ်ႈမၼ်းၸဝ်ႈထိုင် ႁွတ်ႈလႅၼ်သုတ်းလိၼ်မိူင်းဢေႃႈ။
၄ ၾႃႉမႅပ်ႈသေယဝ်ႉသဵင်မေႃးလင်ႊဢေႃႈ။မၼ်းၸဝ်ႈဢဝ်သဵင်မူၼ်ႈၽုင်းဢႃႇၼူႉၽေႃႇမၼ်းၸဝ်ႈသေလႄႈ ၾႃႉလင်ႊဢေႃႈ။ယၢမ်းမိူဝ်ႈဢၼ်သဵင်မၼ်းၸဝ်ႈ လင်ႊမေႃးၼၼ်ႉၸိုင် မၼ်းၸဝ်ႈဢမ်ႇႁႄႉၶဝ်ႁၢမ်ႈၶဝ်ဝႆႉ။
၅ ၽြႃးပဵၼ်ၸဝ်ႈဢဝ်တင်းသဵင်မၼ်းၸဝ်ႈၾႃႉလင်ႊလီဢၢမ်းၼႃႇလူင်လၢင်ဢေႃႈ။ မၼ်းၸဝ်ႈႁဵတ်းလွင်ႈတၢင်းဢၼ်ယႂ်ႇ ဢၼ်လူင်ဢၼ်ႁဝ်းဢမ်ႇႁူႉလႆႈၼၼ်ႉဢေႃႈ။
၆ မၼ်းၸဝ်ႈမီးဢမိင်ႉတီႈ မူၺ်ႁႃႇဢိၵ်ႇတင်းႁႃႇၽူၼ်တင်းၽူၼ်မၼ်းၸဝ်ႈ ဢၼ်တူၵ်းႁႅင်းယႂ်ႇၼႃႇလူင်လၢင်ၼၼ်ႉလႄႈဝႃႈ ႁႂ်ႈတူၵ်းလူင်းၵႃႈၼိူဝ်လိၼ်မိူင်းသေ၊ ဝႃႈၼင်ႇၼႆဢေႃႈ။
၇ မၼ်းၸဝ်ႈတွၵ်ႇတၼ်းသိၵ်ႈသႂ်ႇၵႃႈတီႈမိူင်းၵူၼ်းၵူႈၵေႃႉၵူႈၵူၼ်း ႁႂ်ႈၵူၼ်းတင်းသဵင်ႈတင်းလူင်ဢၼ်မၼ်းၸဝ်ႈ ၽၢၼ်ႇသၢင်းႁဵတ်းပဵၼ်ၼၼ်ႉ လႆႈႁူႉဢေႃႈ။
၈ မိူဝ်ႈၼၼ်ႉတူဝ်ထိူၼ်ႇႁၢႆႉတင်းလၢႆၸင်ႇဢွၼ်ၵၼ်ၶဝ်ၵႃႈၼႂ်းႁူးထမ်ႇႁူးလိၼ်လႄႈ ထင်ႈယူႇ ၵႃႈၼႂ်းတီႈဢၼ်ၶဝ်ယူႇၼၼ်ႉဢေႃႈ။
၉ လူမ်းၽိဝ်ႁုင်ၸင်ႇလုၵ်ႉဢွၵ်ႇသေၵႃႈတီႈၼႃႈတၢင်းၸၢၼ်းမႃးလႄႈ တၢင်းၵတ်းတၢင်းၼၢဝ်ၸင်ႇလုၵ်ႉဢွၵ်ႇသေၵႃႈ တီႈၼႃႈတၢင်းႁွင်ႇမႃးဢေႃႈ။
၁၀ ၽြႃးပဵၼ်ၸဝ်ႈပဝ်ႇသႂ်ႇလႄႈပဵၼ်ၼမ်ႉၵွႆႈၼမ်ႉၵၢမ်ႈၵႂႃႇလႄႈၼႃႈၼမ်ႉၼၼ်ႉမီးတၢင်းဢၼ်ၵွၼ်ႈၵၢမ်ႈယူႇဢေႃႈ။
၁၁ မၼ်းၸဝ်ႈႁႂ်ႈၽႃႈၽူၼ်ဢၼ်ၼႃတၼ်ၼႃႇၼၼ်ႉၼၵ်းလူၺ်ႈၼမ်ႉၽူၼ်လႄႈ ပိုတ်ႇၵီႈၽႃႈၽူၼ်ဢၼ်ပႃးသၢႆဢရွင်ႇ မၼ်းၸဝ်ႈၼၼ်ႉဝႆႉဢေႃႈ။
၁၂ မၼ်းၸဝ်ႈၸီႉၼႄႁႂ်ႈၽႃႈၽူၼ်လႄႇလဵပ်ႈယူႇ ႁႂ်ႈလႆႈႁဵတ်းၸွမ်းၵႃႈၼင်ႇဢၼ်မၼ်းၸဝ်ႈသင်ႇလၢတ်ႈဝႆႉၼၼ်ႉ ၵႃႈၼိူဝ်ၼႃႈလိၼ် မိူင်းဢေႃႈ။
၁၃ ပဵၼ်ပုၼ်ႈတၢင်းဢၼ်ပၼ်တၢမ်ႇသေဢမ်ႇဝႃႈ၊ ပဵၼ်ပုၼ်ႈတၢင်းဢၼ်လုမ်းလႃးလိၼ်သေဢမ်ႇဝႃႈ၊ ပဵၼ်ပုၼ်ႈတၢင်းဢၼ်ပၼ်ၵတ်းယဵၼ်ၶျၢမ်းသႃႇသေဢမ်ႇဝႃႈ၊မၼ်းၸဝ်ႈႁႂ်ႈမႃးဢေႃႈ။
၁၄ ယေႃႇၽဢိူၺ်း။ထွမ်ႇငိၼ်းၵႂၢမ်းၼႆႉသေၵမ်း။ယူႇၼိမ်ၼိမ်လီလီလႄႈ ၶႆႈၸႂ်ဝူၼ်ႉၸႂ်လူၺ်ႈလွင်ႈတၢင်းဢၼ် လီဢၢမ်းၽြႃးပဵၼ်ၸဝ်ႈတင်းလၢႆသေၵမ်း။
၁၅ မႂ်းႁူႉလွင်ႈဢၼ်ၽြႃးပဵၼ်ၸဝ်ႈၸီႇယၢင်ႇလွင်ႈတၢင်းၸိူဝ်းၼၼ်ႉလႄႈ ႁႂ်ႈဢၼ်လႅင်းၽႃႈၽူၼ်မၼ်းၸဝ်ႈႁိူဝ်ႈ လႅင်းၼၼ်ႉႁိုဝ်။
၁၆ မႂ်းႁူႉလွင်ႈဢၼ်မၼ်းၸဝ်ႈႁဵတ်းႁႂ်ႈၽႃႈၽူၼ် ဢမ်ႇၼၵ်းဢမ်ႇမဝ်ၶိုင်ႈၵၢင်ပဵင်းၵၼ်ဢၼ်ဝႃႈလွင်ႈတၢင်းဢၼ်လီဢၢမ်းမၼ်းၸဝ်ႈ ဢၼ်ပိင်ႇၺႃႇ ၸေးၸုမ်ႇၸိူဝ်းၼၼ်ႉ၊
၁၇ ဢိၵ်ႇတင်းလွင်ႈတၢင်းဢၼ်ၶူဝ်းၼုင်ႈမႂ်းၼၼ်ႉႁဵတ်းၸိူဝ်ႉၼင်ႇႁိုဝ်လႄႈ ဢုၼ်ႇလီၼႂ်းမိူဝ်ႈဢၼ်မၼ်းၸဝ်ႈႁႂ်ႈ တၢင်းၵတ်းတၢင်းၼၢဝ်ႁၢႆသေၵႃႈၼိူဝ်လိၼ်မိူင်းၼႆႉလူၺ်ႈလူမ်းၼႃႈတၢင်း ၸၢၼ်းၼၼ်ႉႁိုဝ်။
၁၈ မႂ်းလႆႈၽွမ်ႉႁူမ်ႈၸွႆႈထႅမ်လူၺ်ႈၵၼ်တင်းမၼ်းၸဝ်ႈသေလႄႈ ပိုတ်ႇၵီႈၽႃႉၵၢင်ႁၢဝ်ဢၼ်တႄႇတင်ႈလႄႈ မီးယူႇမိူၼ်ၸိူဝ်ႉၼင်ႇမၢၼ်ႇၸမ်ဢၼ် လေႃႇသွၼ်းၼၼ်ႉႁိုဝ်။
၁၉ ၶႅၼ်းတေႃႈသင်ႇသွၼ်ပၼ်လွင်ႈတၢင်းဢၼ်ႁဝ်း တၵ်းလႆႈလဝ်ႈလၢတ်ႈၸိူဝ်ႉၼင်ႇႁိုဝ်ၼၼ်ႉတီႈႁဝ်းသေၵမ်း။ႁဝ်းၼႆႉဢမ်ႇမေႃလဝ်ႈလၢတ်ႈၵႃႈတီႈမၼ်းၸဝ်ႈ ၵွပ်ႈပိူဝ်ဝႃႈႁဝ်းမီးၼႂ်းဢၼ် မိူၵ်ႈလပ်းသိင်ႇၼၼ်ႉဢေႃႈ။
၂၀ ၵဝ်တၵ်းလႆႈလၢတ်ႈၵႃႈၼင်ႇဢၼ်ၵဝ်မီးဢလူဝ်ႇၶႂ်ႈလၢတ်ႈၼၼ်ႉႁိုဝ်။ ၵူၼ်းႁတ်းလဝ်ႈလၢတ်ႈတီႈမၼ်းၸဝ်ႈ ႁႂ်ႈထၼ်ႈပေႃးလူႉ လႅဝ်ႁၢႆလၢႆႁိုဝ်။
၂၁ ၵူၼ်းႁဝ်းၼႆႉဢမ်ႇတူၺ်းသၢႆဢရွင်ႇဢၼ်ႁိူဝ်ႈလႅင်းၵၢင်ဝၼ်းၵႃႈတီႃႈႉၵၢင်ႁၢဝ် ၼႂ်းမိူဝ်ႈဢၼ်လူမ်းပတ်ႉထူဝ်းလႄႈ ပၢင်ႇလီၸိုၼ်ႈလီၼၼ်ႉ လႆႈ။
၂၂ သၢႆဢရွင်ႇၶမ်းဢွၵ်ႇသေၼႃႈတၢင်းႁွင်ႇမႃးလႄႈၽြႃးပဵၼ်ၸဝ်ႈၼၼ်ႉ တဵမ်ဝႆႉတင်းမူၼ်ႈၽုင်းဢႃႇၼူႉ ၽေႃႇဢၼ်လီၵူဝ်လီႁႄဢေႃႈ။
၂၃ ႁဝ်းဢွၼ်ၵၼ်ၸႅတ်ႈတူၺ်းထၢမ်တူၺ်းၸဝ်ႈဢၼၼ်ႇတႃႉတၼ်းၶူဝ်းလႄႈဢမ်ႇသဵင်ႈဢမ်ႇသုတ်းလႆႈ။ မၼ်းၸဝ်ႈတဵမ်ဝႆႉတင်းတၢင်းၵတ်ႉတၢင်းၶၼ်၊ တၢင်းဢၼ်သိုဝ်ႈတေႃႇ၊တၢင်းဢၼ်တဵမ်ဝႆႉတင်း တၢင်းဢၼ်ၸီႇယၢင်ႇၸွမ်းၼင်ႇတြႃးလႄႈ ဢမ်ႇၼိၵ်ႈၸၢၵ်ႈငႅၼ်းသေးၽူႈ လႂ် သေၵေႃႉသေၵူၼ်း။
၂၄ ပိူဝ်ႈၼႆလႄႈၵူၼ်းတင်းလၢႆဢွၼ်ၵၼ်မီးလွင်ႈဢၼ်လီၵူဝ်လီႁႄလႄႈ မၼ်းၸဝ်ႈဢမ်ႇလူဢမ်ႇတူၺ်း ၵူၼ်းဢၼ်ၺၢၼ်ႇယႂ်ႇၼၼ်ႉသေၵေႃႉသေၵူၼ်းဝႃႈၼင်ႇၼႆဢေႃႈ။