Chapert
၂၈
၁ မီးမေႃႇဢၼ်မီးငိုၼ်းၼၼ်ႉလႄႈ မီးတီႈဢၼ်ၸႅတ်ႈ ၶမ်းၶႃႇၶမ်းၼၼ်ႉယူႇဢေႃႈ။
၂ ၸၢင်ႊၶုတ်းဢဝ်လဵၵ်းၵႃႈၼႂ်းလိၼ်လႄႈ ၸၢင်ႊထူဝ်းဢဝ်တွင်းလႅင်ႊၵႃႈၼႂ်း မၢၵ်ႇႁိၼ်ဢေႃႈ။
၃ ၵူၼ်းႁႂ်ႈတၢင်းလပ်းသိင်ႇႁၢႆတိူၵ်ႉလႄႈၸွမ်းၸႅတ်ႈထၢမ်ႁႃဢဝ်မၢၵ်ႇႁိၼ်လပ်းသိင်ႇ၊ မၢၵ်ႇႁိၼ်ငဝ်းႁူမ်ႈတၢင်းတၢႆၸိူဝ်းၼၼ်ႉ တေႃႇထိုင်ႁွတ်ႈတီႈ သုတ်းမၼ်းဢေႃႈ။
၄ မၼ်းၶုတ်းၶုမ်သွင်ႁူးတီႈဢၼ်ၵႆၵၼ်တင်းတီႈယူႇၵူၼ်းၼၼ်ႉလႄႈယင်းဢမ်ႇဢဝ်တိၼ်မၼ်းၵမ်ႉထွၵ်ႈမၼ်းလႄႈ ဢွင်ႇဢွႆႈႁွႆႈၽႅၼ်ယူႇ သေလႄႈၸုၼ်ႉပႅတ်ႈတီႈယူႇၵူၼ်းဢေႃႈ။
၅ လိၼ်ၼႆႉၸၢင်ႊပၼ်တၢင်းၵိၼ်တၢင်းၶူပ်းလႄႈ ၵႃႈတီႈတႂ်ႈမၼ်းၼၼ်ႉ လႆႈၶၢမ်ႇတၢင်းဢၼ်ယႃႉပႅတ်ႈမိူၼ်ၸိူဝ်ႉၼင်ႇ ဢၼ်ၽႆးယႃႉပႅတ်ႈၼၼ်ႉဢေႃႈ။
၆ မၢၵ်ႇႁိၼ်မၼ်းၸိူဝ်းၼၼ်ႉပဵၼ်တီႈယူႇသႅင်ၼီႇလႃႇလႄႈ မုၼ်လိၼ်မၼ်းၵေႃႈပဵၼ်ၶမ်းဢေႃႈ။
၇ သဵၼ်ႈတၢင်းမၼ်းၸိုင်ၼူၵ်ႉႁၢႆႉၼူၵ်ႉရိူင်းဢမ်ႇႁူႉသေတူဝ်။မၢၵ်ႇတႃမဵဝ်းႁုင်ႉၵေႃႈဢမ်ႇပႆႇတွၼ်ႉလႆႈႁၼ်။
၈ တူဝ်ထိူၼ်ႇႁၢႆႉဢမ်ႇပႆႇတွၼ်ႉလႆႈယဵပ်ႇလႆႈၶၢမ်ႈလႄႈ သၢင်ႇသီႈဢမ်ႇပႆႇတွၼ်ႉလႆႈပႆလႆႈလတ်း။
၉ ၵူၼ်းၸၢင်ႊဢဝ်မိုဝ်းတၢင်ႇသႂ်ႇ ၵႃႈၼိူဝ်မၢၵ်ႇႁိၼ်မၢၵ်ႇၽႃလႄႈ ဢဝ်လွႆတင်းလၢႆၶႂၢမ်ႈပိၼ်ႈပႅတ်ႈတေႃႇထိုင်ႁွတ်ႈတိၼ်မၼ်းဢေႃႈ။
၁၀ မၼ်းၸၢင်ႊၶုတ်းႁဵတ်းႁွင်ႊၼမ်ႉၵႃႈၼိူဝ်မၢၵ်ႇႁိၼ်တင်းလၢႆလႄႈ မၢၵ်ႇတႃမၼ်းၸၢင်ႊတူၺ်းႁၼ် လွင်ႈတၢင်းဢၼ်ထိူၵ်ႈၵႃႈထိူၵ်ႈၶၼ် ၵႃႈမီးဢေႃႈ။
၁၁ မၼ်းၸၢင်ႊႁၢမ်ႈတပ်ႉႁႄႉၶႅၼ်ၼမ်ႉဢၼ်လႆႈၵႂႃႇယူႇၼၼ်ႉထၼ်ႈပေႃး ဢမ်ႇလႆႈႁူဝ်ႈလႆႈၸိုမ်းလႄႈ ဢဝ်လွင်ႈတၢင်းဢၼ်သိူင်ႇမႅပ်းဝႆႉၼၼ်ႉ ပေႃႇ ဢွၵ်ႇဢေႃႈ။
၁၂ ၼႂ်းဝႃႈၼၼ်သေၵေႃႈတၵ်းထူပ်းပိင်ႇၺႃႇၵႃႈတီႈ လႂ်။တီႈဢၼ်ၺၢၼ်ႇယူႇၼၼ်ႉမီးၵႃႈတီႈ လႂ်။
၁၃ ၵူၼ်းဢမ်ႇႁူႉၵႃႈၶၼ်မၼ်းလႆႈ။ႁႃဢဝ်ၵႃႈၼႂ်းတီႈယူႇတီႈသဝ်း ၶဝ်ၸိူဝ်းဢၼ်ဢသၢၵ်ႈလိပ်းယူႇၼၼ်ႉလႄႈ ဢမ်ႇထူပ်းလႆႈ။
၁၄ တီႈဢၼ်လိုၵ်ႉဢၼ်လမ်ႇၼၼ်ႉၸၢင်ႊလၢတ်ႈလႄႈဝႃႈ၊-ဢမ်ႇမီးၵႃႈၼႂ်းၵဝ်ၼႆႉၵူၺ်း၊ ဝႃႈၼင်ႇၼႆဢေႃႈ။ ပၢင်ႇလၢႆႇၸၢင်ႊလၢတ်ႈလႄႈဝႃႈ၊-ဢမ်ႇမီးလူၺ်ႈၵၼ်တင်းၵဝ်ၼႆႉၵူၺ်း၊ဝႃႈၼင်ႇၼႆ ဢေႃႈ။
၁၅ ဢဝ်ၶမ်းလွတ်ႈငၢၼ်ႇပၼ်လႄႈဢမ်ႇလႅၵ်ႈလၢႆဢဝ်မၼ်းလႆႈ။ၸင်ႈႁိဝ်ႈငိုၼ်းလႄႈဢမ်ႇၶိုတ်းၵႃႈၶၼ် မၼ်းလႆႈ။
၁၆ ဢဝ်တင်းၶမ်းဢေႃႇၽိရသႅင်ၸၢႆးၶႃးယွတ်ႇတင်းသႅင်ၼီႇလႃႇ ဢၼ်မျၢတ်ႈၼၼ်ႉ သိုဝ်ႉဢဝ်သေ ၵေႃႈဢမ်ႇလႆႈ။
၁၇ ၶမ်းဢိၵ်ႇတင်းၽၢၼ်ႇၸမ်ႊၼၼ်ႉဢမ်ႇၶိုတ်းဢမ်ႇပဵင်းမၼ်းလႆႈ။ဢဝ်တင်းၶိူင်ႈပိူင်ၶမ်းလွတ်ႈ ငၢၼ်ႇလႅၵ်ႈဢဝ်ဢမ်ႇလႆႈ။
၁၈ သၢၼ်ႇတႃႇဢိၵ်ႇတင်းသဵင်ၶၢဝ်ၸိုင်ဢမ်ႇမီးတီႈဢၼ်တႅၵ်ႈတိူင်းလႃးလႃး။ပိင်ႇၺႃႇၼၼ်ႉ ယိင်ႈၶႅၼ်းထိူၵ်ႈၵႃႈထိူၵ်ႈၶၼ်ယႂ်ႇၼႃႇသေ ပူးလေးဢေႃႈ။
၁၉ ဢုၵ်ႉသၽူႈရႃးမိူင်းၵုသၼၼ်ႉဢမ်ႇၶိုတ်းဢမ်ႇပဵင်းမၼ်းလႆႈ။ ဢဝ်တင်းၶမ်းဢၼ်မျၢတ်ႈၼႃႇ သေပိူၼ်ႈၼၼ်ႉသိုဝ်ႉဢဝ်လႄႈဢမ်ႇလႆႈ။
၂၀ ပိူဝ်ႈဢၼ်ပဵၼ်ၼင်ႇၼႆလႄႈပိင်ႇၺႃႇလုၵ်ႉၵႃႈတီႈ လႂ်မႃး။တီႈဢၼ် ၺၢၼ်ႇယူႇၼၼ်ႉမီးၵႃႈတီႈ လႂ်။
၂၁ မၼ်းလႆႈၶၢမ်ႇတၢင်းဢၼ်သိူင်ႇဝႆႉမႅပ်းဝႆႉသေ မၢၵ်ႇတႃသတ်ႉတဝႃႇဢၼ်ဢသၢၵ်ႈလိပ်းယူႇၵႃႈမီးလႄႈ ၶၢမ်ႇတၢင်းဢၼ်ႁူမ်ႇသုမ်ႇလပ်ႉဝႆႉသေၵႃႈတီႈ ၼူၵ်ႉၼိူဝ်ၾႃႉၵၢင်ႁၢဝ်တင်းလၢႆယူႇဢေႃႈ။
၂၂ တၢင်းဢၼ်လူႉလႅဝ်ဢိၵ်ႇတင်းတၢင်းတၢႆၼၼ်ႉၸၢင်ႊဢွၼ်ၵၼ်လၢတ်ႈလႄႈဝႃႈ၊-ႁဝ်းၵူၺ်းၵႃႈလႆႈဢဝ်ႁူႁဝ်း ထွမ်ႇငိၼ်းသတၢင်းသဵင်ၶၢဝ်ႇမၼ်းၵူၺ်း ဢေႃႈ၊ဝႃႈၼင်ႇၼႆဢေႃႈ။
၂၃ ၽြႃးပဵၼ်ၸဝ်ႈၵူၺ်းႁူႉသဵၼ်ႈတၢင်းမၼ်းလႄႈ မၼ်းၸဝ်ႈၵူၺ်းႁူႉတီႈဢၼ် မၼ်းယူႇမၼ်းသဝ်းၼၼ်ႉဢေႃႈ။
၂၄ မၼ်းၸဝ်ႈလူႈတူၺ်းတေႃႇထိုင်ႁွတ်ႈတီႈသုတ်းလိၼ်မိူင်းလႄႈ ႁၼ်ၵႃႈဢၼ်မီးၵႃႈတႂ်ႈၽႃႉၵၢင်ႁၢဝ် လႂ်ၼၼ်ႉ၊ ႁႂ်ႈလႆႈၸင်ႈႁိဝ်ႈ လူမ်းလႄႈတူင်တူၺ်းၼမ်ႉတင်းလၢႆဢေႃႈ။
၂၆ မိူဝ်ႈဢၼ်မၼ်းၸဝ်ႈၸီႇယၢင်ႇလူၺ်ႈလွင်ႈၽူၼ်တူၵ်းလႄႈႁဵတ်းသဵၼ်ႈတၢင်းဢၼ်ၾႃႉၽႃႃႇႉမႅပ်ႈၼၼ်ႉ မၼ်းၸဝ်ႈႁၼ်မၼ်းလႄႈ ဢဝ်မၼ်းဢွၵ်ႇၼႄပျႃးဢေႃႈ။
၂၇ မၼ်းၸဝ်ႈ ဢဝ်မၼ်းဝႆႉသေလႄႈၸႅတ်ႈထၢမ်တူၺ်းမၼ်းဢေႃႈ။တီႈၵူၼ်းၵေႃႈမၼ်းၸဝ်ႈမွၵ်ႇလၢတ်ႈလႄႈ ဝႃႈ၊-
၂၈ တူၺ်းလူ။တၢင်းဢၼ်ၵူဝ်ယမ်ထႃႇဝရႃႉၽြႃးၼၼ်ႉပဵၼ်ပိင်ႇၺႃႇလႄႈ တၢင်းဢၼ်ပႄႇပႅတ်ႈတူႉၸရိူၵ်ႈၼၼ်ႉပဵၼ်ၺၢၼ်ႇဢေႃႈ၊ဝႃႈၼင်ႇၼႆဢေႃႈ။