၂၅
ပိလတတ်ႉ
၁ မိူဝ်ႈၼၼ်ႉ ပိလတတ်ႉ မဵဝ်းဢႃႇသု ဢွၵ်ႇသူပ်းၶိုၼ်း လၢတ်ႈလႄႈဝႃႈ၊-
၂ မၼ်းၸဝ်ႈၼၼ်ႉတဵမ်ဝႆႉတင်းဢႃႇၼႃႇၸဝ်ႈဢိၵ်ႇတင်းမူၼ်ႈၵုင်ႇဢၼ်လီၵူဝ်လီႁႄၼၼ်ႉလႄႈ ပွင်ႁဵတ်းလုမ်းလႃးတၢင်းဢၼ်တဵတ်ႇလီၼိမ်လီၵႃႈတီႈထႃႇၼႃႉတီႈဢၼ်သုင် မၼ်းၸဝ်ႈၸိူဝ်း ၼၼ်ႉယူႇဢေႃႈ။
၃ ၼပ်ႉဢၢၼ်ႇပူဝ်ႇပႃႇမၼ်းၸဝ်ႈၸိူဝ်းၼၼ်ႉလႆႈႁိုဝ်။ ၵႃႈၼိူဝ်ၽူႈ လႂ်ဢၼ်လႅင်းမၼ်းၸဝ်ႈ ယင်းဢမ်ႇလႅင်းလႄႈတၵ်းယူႇလႆႈၼၼ်ႉ။
၄ ပိူဝ်ႈဢၼ်ပဵၼ်ၼင်ႇၼႆလႄႈ ၵူၼ်းတၵ်းလႆႈတၢင်းဢၼ်သိုဝ်ႈတေႃႇၵႃႈတီႈ ၽၢႆႇၼႃႈၽြႃးပဵၼ်ၸဝ်ႈလႆႈၸိူဝ်ႉၼင်ႇႁိုဝ်။ၵေႃႉဢၼ်ၵူၼ်းယိင်းၵိူတ်ႇလဵင်ႉမႃးၼၼ်ႉတၵ်းမူတ်း သႂ်လႆႈၸိူဝ်ႉၼင်ႇႁိုဝ်။
၅ ပိၵ်ႉသမ်ႉဝႃႈလိူၼ်ဢမ်ႇမီးဢၼ်လႅင်းလၢဝ်တင်းလၢႆ ဢမ်ႇၶၢဝ်ၸၢင်ႇသိုဝ်ႈၼႃႈတႂ်ႈတႃမၼ်းၸဝ်ႈသေၵေႃႈ ၵူၼ်းႁဝ်းဢၼ်ပဵၼ်တူဝ်ၼွၼ်၊လုၵ်ႈၵူၼ်းဢၼ်ပဵၼ်တိူၵ်ႇလိူၼ်ၼႆႉ တၵ်းမီးတီႈလၢတ်ႈၸိူဝ်ႉၼင်ႇႁိုဝ်၊ဝႃႈၼင်ႇၼႆဢေႃႈ။