၂၃
ယေႃႇၽ
၁ မိူဝ်ႈၼၼ်ႉယေႃႇၽ ဢွၵ်ႇသူပ်းၶိုၼ်းလၢတ်ႈလႄႈ ဝႃႈ၊-
၂ ဝၼ်းမိူဝ်ႈၼႆႉတၢင်းဢၼ်ပွင်ႉၶၢင်းပွင်ႉမိုၼ်ႇၼၼ်ႉပဵၼ်ဢၼ်ၶူမ်ၼႃႇလူင်လၢင်လႄႈ တၢမ်ႇဢၼ်ၵဝ်လႆႈၶၢမ်ႇၼႆႉယိင်ႈၶႅၼ်းၼၵ်းၼႃႇသေ တၢင်းဢၼ်ၵဝ်ၶၢင်း ၶီၶၢင်းၽၢၼ်ၼၼ်ႉဢေႃႈ။
၃ ဢလူဝ်း။ႁႂ်ႈၵဝ်လႆႈႁူႉတီႈဢၼ်ထူပ်းႁၼ်မၼ်းၸဝ်ႈလႆႈၼၼ်ႉ သေၵမ်းလူၺ်ႈ။ႁႂ်ႈၵဝ်လႆႈႁွတ်ႈထိုင်ၵႃႈတီႈၽၢႆႇၼႃႈပလၢင်ႇမၼ်း ၸဝ်ႈၼၼ်ႉသေၵမ်းလူၺ်ႈ။
၄ ပေႃးႁွတ်ႈထိုင်ၼင်ႇၼၼ်ၸိုင် ၵဝ်တၵ်းမႄးႁႅၼ်းဢမူႉၵဝ်ဝႆႉၵႃႈတီႈၽၢႆႇၼႃႈမၼ်းၸဝ်ႈလႄႈ ႁႂ်ႈသူပ်းၵဝ်တဵမ်ဝႆႉတင်းၵႂၢမ်းဢၼ်လီလဝ်ႈ လီလၢတ်ႈၼမ်ၼႃႇဢေႃႈ။
၅ ၵဝ်တၵ်းလႆႈႁူႉလႆႈၸႅင်ႈၵႂၢမ်းဢၼ်မၼ်းၸဝ်ႈ တၵ်းၶိုၼ်းလၢတ်ႈတီႈၵဝ်ၼၼ်ႉလႄႈလႆႈမၢတ်ႈလႆႈတွင်း လွင်ႈဢၼ်မၼ်းၸဝ်ႈတၵ်း မီးဢမိင်ႉဢွၵ်ႇသူပ်းဝႃႈတီႈၵဝ်ၼၼ်ႉဢေႃႈ။
၆ မၼ်းၸဝ်ႈတၵ်းဢဝ်မႁႃႇတၼ်းၶူဝ်းမၼ်းၸဝ်ႈ ထူပ်းတြႃးၵၼ်တင်းၵဝ်ႁိုဝ်။မၼ်းၸဝ်ႈတၵ်းဢမ်ႇႁဵတ်းၸိူဝ်ႉၼင်ႇ ၼၼ်။
၇ မၼ်းၸဝ်ႈတၵ်းထွမ်ႇဢဝ်ၵႂၢမ်းၵဝ်ဢေႃႈ။ၵႃႈတီႈၵေႃႉဢၼ်သိုဝ်ႈတေႃႇၼၼ်ႉ မီးဢၶႂၢင်ႉဢၼ်လႆႈတိူင်ႇပၢင်ႇတွင်ႉထၢမ်ၵၼ်တင်း မၼ်းၸဝ်ႈလႄႈ ၵဝ်တၵ်းၶၢမ်ႇတၢင်းဢၼ် ၵႄႇသႄႇၼုၵ်ႈဢဝ်သေၵႃၼႂ်းမိုဝ်းၸဝ်ႈတြႃးၵဝ်ၼၼ်ႉသေႇသေႇဢေႃႈ။
၈ တူၺ်းလူး။ပေႃးၵဝ်ၵႂႃႇၽၢႆႇတၢင်းၼႃႈၸိုင်မၼ်းၸဝ်ႈဢမ်ႇမီး။ပေႃႇၵႂႃႇၽၢႆႇတၢင်းလင်ၸိုင်ၵဝ်ဢမ်ႇႁူႉသၢႆငၢႆ မၼ်းၸဝ်ႈ။
၉ ပေႃးၵႂႃႇၵႃႈတီႈၽၢႆႇသၢႆႉတီႈဢၼ်မၼ်းၸဝ်ႈသၢင်ႈႁဵတ်းၼၼ်ႉၸိုင် ၵဝ်ဢမ်ႇလႆႈထူပ်းလႆႈႁၼ်မၼ်းၸဝ်ႈ။မၼ်းၸဝ်ႈတဵတ်ႇမႅပ်းယူႇၵႃႈတီႈၽၢႆႇ တၢင်းၶႂႃလႄႈၵဝ်ဢမ်ႇလႆႈႁၼ်မၼ်းၸဝ်ႈ။
၁၀ ၼႂ်းဝႃႈၼၼ်သေၵေႃႈ မၼ်းၸဝ်ႈႁူႉသဵၼ်ႈတၢင်းဢၼ်ၵဝ်ၵႂႃႇၼၼ်ႉယူႇဢေႃႈ။ၵဝ်ၶၢမ်ႇတၢင်းဢၼ်မၼ်းၸဝ်ႈၸႅတ်ႈတူၺ်းသေယဝ်ႉ တၵ်းပေႃႇဢွၵ်ႇမႃးမိူၼ်ႉၸိူဝ်ႉ ၼင်ႇၶမ်းဢေႃႈ။
၁၁ တိၼ်ၵဝ်ၼႆႉၸပ်းၸွမ်းတႆႇၸွမ်းႁွႆးတိၼ်မၼ်းၸဝ်ႈယူႇလႄႈ ယင်းဢမ်ႇဝႄႈဢမ်ႇပိူင်ႈလႄႈ ၸွမ်းသဵၼ်ႈတၢင်းဢၼ်မၼ်းၸဝ်ႈၵႂႃႇၼၼ်ႉယူႇဢေႃႈ။
၁၂ ၵဝ်ဢမ်ႇသုတ်ႈၶိုၼ်းယိုတ်းၶိုၼ်းသေၵႃႈတီႈပိင်းၺၢပ်ႈ ဢၼ်ဢွၵ်ႇတီႈသူပ်းမၼ်းၸဝ်ႈၼၼ်ႉလႄႈ ၵဝ်ထုၵ်ႇၸႂ်ၵျိူၵ်ႈၸႂ်ၵႂၢမ်းဢၼ်ဢွၵ်ႇသူပ်းမၼ်းၸဝ်ႈၼၼ်ႉ လိူဝ်တွၼ်းၼႃႇသေၵႃႈဢၼ်ပဵၼ်ထုင်း ၾိင်ႈဝႆႉတီႈၵဝ်ၼၼ်ႉဢေႃႈ။
၁၃ ၼႂ်းဝႃႈၼၼ်သေၵေႃႈမၼ်းၸဝ်ႈမီးသၽေႃး ဢၼ်လဵဝ်ၵူၺ်းယူႇသေႇသေႇလႄႈၽူႈ လႂ်တၵ်းႁႂ်ႈမၼ်းၸဝ်ႈၶၢႆႉပုတ်ႈလႆႈ။မၼ်းၸဝ်ႈတၵ်းႁဵတ်း ၵႃႈၼင်ႇဢၼ်ႁူဝ်ၸႂ်မၼ်းၸဝ်ႈမီးဢလူဝ်ႇၼၼ်ႉဢေႃႈ။
၁၄ မၼ်းၸဝ်ႈၸီႇယၢင်ႇႁဵတ်းဝႆႉပုၼ်ႈၵဝ်တႃႇၵဝ်လႄႈ တၢင်းၵျၢမ်ႇတၢင်းပွင်ၸဝ်ႈၸိူဝ်ႉၼင်ႇၼၼ်ၼၼ်ႉ မီးၼမ်ၼႃႇလူင်လၢင်ဢေႃႈ။
၁၅ ၵွပ်ႈပိူဝ်ႈၸိူဝ်ႉၼင်ႇၼၼ်လႄႈ ၵဝ်မီးတၢင်းဢၼ်ထုၵ်ႇၸႂ်ယူႇၵႃႈတီႈၽၢႆႇၼႃႈမၼ်းၸဝ်ႈလႄႈယၢမ်းမိူဝ်ႈဢၼ် ၵဝ်ၶႆႈၸႂ်ဝူၼ်ႉၸႂ်ၼၼ်ႉ ၵဝ်လႆႈၵူဝ်ႁႄမၼ်းၸဝ်ႈဢေႃႈ။
၁၆ ၽြႃးပဵၼ်ၸဝ်ႈႁဵတ်းႁႂ်ႈၸႂ်ၵဝ်လူႉလႄႈ ၸဝ်ႈဢၼၼ်ႇတႃႉတၼ်းၶူဝ်းၼၼ်ႉႁဵတ်းႁႂ်ႈၵဝ်ၵူဝ်ႁႄဢေႃႈ။
၁၇ လွင်ႈမၼ်းၸမ်းၵဝ်ဢမ်ႇလႆႈၶၢမ်ႇတၢင်းဢၼ် ပႄႇၽဵဝ်ႈပႅတ်ႈသေၸူဝ်ႈဢၼ်လပ်းသိင်ႇဢမ်ႇပႆႇႁွတ်ႈမႃးၽႅဝ်မႃးၼၼ်ႉလႄႈ မၼ်းၸဝ်ႈဢမ်ႇသုင်းႁူမ်ႇၽႃႈၽူၼ် ဢၼ်ၼႃတၼ်ၼႃႇၼၼ်ႉဝႆႉသေၵႃတီႈၼႃႈၵဝ်။