၁၅
ဢေးလိၽတ်ႉ
၁ မိူဝ်ႈၼၼ်ႉ ဢေးလိၽတ်ႉ မဵဝ်းတေႇမၼ်ႇဢွၵ်ႇသူပ်းၶိုၼ်းလၢတ်ႈလႄႈဝႃႈ၊-
၂ ၵေႃႉဢၼ်မီးပိင်ႇၺႃႇၼၼ်ႉထုၵ်ႇလီၶိုၼ်းလၢတ်ႈၵႂၢမ်းဢၼ်လၢႆလၢႆဢမ်ႇပွင်ႇလွင်ႈၵႃႈၼင်မိူၼ်ၸိူဝ်ႉၼင်လူမ်းၼၼ်ႉႁိုဝ်။ထုၵ်ႇလီႁႂ်ႈ တွင်ႉမၼ်းတဵမ်ဝႆႉတင်းလူမ်းတၢင်းဢွၵ်ႇၼၼ်ႉႁိုဝ်။
၃ ထုၵ်ႇလီဢဝ်တင်းၵႂၢမ်းဢၼ်ဢမ်ႇမီးဢၵျူဝ်း၊ ၵႂၢမ်းဢၼ်ဢမ်ႇႁဵတ်းၵျေးၸူးလႆႈၼၼ်ႉ တိူင်ႇပၢင်ႇလၢတ်ႈၸႃ ႁိုဝ်။
၄ မႂ်းၸၢင်ႊၸုၼ်ႉပႅတ်ႈတၢင်းဢၼ်ရူဝ်ႇသေႇၵူဝ်ယမ်မၼ်းၸဝ်ႈလႄႈ ၸၢင်ႊႁၢမ်ႈတပ်ႉႁႄႉၶႅၼ်ဝၢတ်ႈတၢင်းဢၼ်ႁဵတ်း သူးတွင်းပထၼႃႇ တီႈၽြႃးပဵၼ်ၸဝ်ႈ ဢေႃႈ။
၅ သူပ်းမႂ်းၽုၺ်ႇဢွၵ်ႇၼႄပျႃးဢပျႅတ်ႈမႂ်းလႄႈမႂ်းသုင်းတိုဝ်းလိၼ်ႉၵေႃႉဢၼ်ၸၢင်ႈႁဵတ်းပရီ့ယေႇ ၼၼ်ႉဢေႃႈ။
၆ ၵဝ်ဢမ်ႇတၢင်ႇဢပျႅတ်ႈတီႈမႂ်း။သူပ်းမႂ်းတၢင်ႇဢပျႅတ်ႈမႂ်းဢေႃႈ။သီႇသူပ်းမႂ်းၶၢမ်ႇသၢၵ်ႈသေႇ ယူႇၽၢႆႇၼိုင်ႈတင်းမႂ်းဢေႃႈ။
၇ မႂ်းပဵၼ်ၵေႃႉဢၼ်ၵိူတ်ႇလဵင်ႉဢွၼ်တၢင်းသုတ်းပိူၼ်ႈႁိုဝ်။ မႂ်းလႆႈၶၢမ်ႇတၢင်းဢၼ်ပေႃႇပဵၼ်မႃး ၸူဝ်ႈဢၼ်လွႆတင်းလၢႆဢမ်ႇပႆႇ ပေႃႇပႆႇမီးၼၼ်ႉႁိုဝ်။
၈ မႂ်းယၢမ်ႈတွၼ်ႉလႆႈထွမ်ႇလႆႈငိၼ်းတၢင်းဢၼ်ၽြႃးပဵၼ်ၸဝ်ႈ တဵတ်ႇတဵတ်ႇၵျၢမ်ႇပွင်ၵႃႈၼႂ်းၸႂ်မၼ်းၸဝ်ႈၼၼ်ႉႁိုဝ်။မႂ်းလႆႈသိမ်းဢဝ်ပိင်ႇၺႃႇတင်းသဵင်ႈတင်းမူတ်းဝႆႉၵႃႈတီႈတူဝ်မႂ်းယဝ်ႉႁိုဝ်။
၉ လွင်ႈတၢင်းဢၼ်ႁဝ်းဢမ်ႇႁူႉလႄႈ မႂ်းႁူႉၼၼ်ႉမီးၵႃႈသင်။လွင်ႈတၢင်းဢၼ်ဢမ်ႇပႃးၵႃႈၼႂ်းႁဝ်းလႄႈ မႂ်းႁူႉသဵင်ႈ ၼၼ်ႉမီးၵႃႈသင်။
၁၀ ၶဝ်ၸိူဝ်းဢၼ်ႁူဝ်ႁွၵ်ႇႁူဝ်ၶၢဝ်ဢိၵ်ႇတင်း ၶဝ်ၸိူဝ်းဢၼ်ထဝ်ႈၵႄႇၼႃႇလူင်လၢင်ဢၼ်ဢသၢၵ်ႈယႂ်ႇ လိူဝ်တွၼ်းၼႃႇသေ ပေႃႈမႂ်းၼၼ်ႉၸိူဝ်း ၼၼ်ႉမီးယူႇၵႃႈၼႂ်းႁဝ်းဢေႃႈ။
၁၁ လွင်ႈတၢင်းဢၼ်သၢၵ်ႈသႃႇ ဢၼ်ၽြႃးပဵၼ်ၸဝ်ႈပၼ်တီႈမႂ်းၸိူဝ်းၼၼ်ႉပဵၼ်ဢၼ်လဵၵ်ႉဢၼ်ၵေႇႁိုဝ်။ၵႂၢမ်းဢၼ်လတ်ႈဢူၼ်ႈဢွၼ်ႇတီႈမႂ်းၼၼ်ႉဢမ်ႇပွင်ႇလွင်ႈၵႃႈသင်ႁိုဝ်။
၁၂ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ မႂ်းၸွမ်းဢလူဝ်ႇတူဝ်ၸဝ်ႈၵဝ်ႇသေ လႄႈဝေႈပိူင်ႈၵႂႃႇၸိူဝ်ႉၼင်ႇႁိုဝ်။
၁၃ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ မႂ်းၽႅပ်ႉတႃယုပ်းတႃမႂ်းၸူးထၼ်ႈပေႃး ၸႂ်သၽေႃး မႂ်းၼၼ်ႉ ပဵၼ်ဢၼ်ၶတ်းၵၼ်တင်းၽြႃးပဵၼ်ၸဝ်ႈလႄႈ ပၼ်ဢၶႂၢင်ႉၵႂၢမ်းဢၼ်ၸိူဝ်ႉၼင်ႇၼၼ်လႆႈ ဢွၵ်ႇၵႃႈၼႂ်းသူပ်းမႂ်းၼင်ႇႁိုဝ်။
၁၄ ၵူၼ်းၸိုင်ပဵၼ်ၵေႃႉၸိူဝ်ႉၼင်ႇႁိုဝ်လႄႈမူတ်းသႂ်လႆႈ။ၵေႃႉဢၼ်ၵိူတ်ႇလဵင်ႉမႃးတီႈမေႈယိင်းၼၼ်ႉပဵၼ်ၵေႃႉၸိူဝ်ႉၼင်ႇႁိုဝ်လႄႈ သိုဝ်ႈတေႃႇ လႆႈ။
၁၅ တူၺ်းလူ။ပေႃးမၼ်းၸဝ်ႈယင်းဢမ်ႇယုမ်ႇၶဝ်ၸိူဝ်းဢၼ်မူတ်းၸၢင်ႇမၼ်းၸဝ်ႈတင်းလၢႆလႄႈ ၽုင်ႇၵၢင်ႁၢဝ်ၵေႃႈ ယင်းပဵၼ်ဢၼ်ဢမ်ႇမူတ်းသႂ်သိုဝ်ႈၼႃႈတႂ်ႈတႃမၼ်းၸဝ်ႈၸိုင်
၁၆ တီႈၵူၼ်းသတ်ႉတဝႃႇဢၼ်ႁၢႆႉဢၼ်ယုတ်ႈ ဢၼ်လီႁင်ႈဢဵတ်ႇသဵတ်ႇလႄႈ သူတ်ႉၵိၼ်တူႉၸရိူၵ်ႈဢပျႅတ်ႈ မိူၼ်ၸိူဝ်ႉၼင်ႇဢၼ်သူတ်ႉၵိၼ်ၼမ်ႉယူႇၼႆႉတၵ်းမီးတီႈလၢတ်ႈၸိူဝ်ႉၼင်ႇႁိုဝ်။
၁၇ ထွမ်ႇငိၼ်းၵႂၢမ်းၵဝ်တႃႉ။ၵဝ်တၵ်းၽုၺ်ႇဢွၵ်ႇၼႄပျႃႉတီႈမႂ်းဢေႃႈ။ၵဝ်တၵ်းမွၵ်ႇလၢတ်ႈလွင်ႈတၢင်းဢၼ်ၵဝ်လႆႈႁၼ်၊
၁၈ လွင်တၢင်းဢၼ်ၶဝ်ၸိူဝ်းဢၼ်မီးပိင်ႇၺႃႇၼၼ်ႉ ယင်းဢမ်ႇသိူင်ႇဢမ်ႇမႅပ်းလႄႈ ယၢမ်ႈတွၼ်ႉလၢတ်ႈယူႇ ၸႃႉၸဵမ်ၸူဝ်ႈပူႇပၢၼ်မွၼ်ႇဢၼ်ဢမ်ႇ လေႃးလႄး
၁၉ လူၺ်ႈၵၼ်တင်းၵူၼ်းတၢင်ႇၸိူဝ်ႉတၢင်ႇၶိူဝ်းလႄႈ မဵဝ်းတူဝ်ၸဝ်ႈၵဝ်ႇမဵဝ်းလဵဝ်ၵူၺ်း လႆႈပိူင်ႇ လိၼ်ၼၼ်ႉၸိူဝ်းၼၼ်ႉတီႈမႂ်းဢေႃႈ။
၂၀ ၵေႃႉဢၼ်ႁၢႆႉၼၼ်ႉလႆႈၶၢမ်ႇတုၵ်ႉၶႃႉတၢင်းၽၢၼ်ၸူဝ်ႈဢသၢၵ်ႈ ဢၼ်ဝႃႈၶူပ်ႇပီႊဢၼ်ၼပ်ႉဢၢၼ်ႇလႄႈ သိမ်းဝႆႉပုၼ်ႈၵေႃႉဢၼ်ၸၢင်ႊၼိၵ်ႈၸၢၵ်ႈငႅၼ်းသေးၼၼ်ႉဢေႃႈ။
၂၁ သဵင်တၢင်းဢၼ်လီၵူဝ်လီႁႄၼၼ်ႉမီးယူႇၵႃႈၼႂ်းႁူမၼ်းလႄႈ ၼႂ်းမိူဝ်ႈဢၼ်မၼ်းယင်းတိုၵ်ႉၸၢမ်ႇၸႃးၸေးၸိမ်ႇယူႇၼၼ်ႉၵေႃႉဢၼ်ႁိမ်ႁူင်ႇၼၼ်ႉ ပေႃႇမႃး ဢေႃႈ။
၂၂ မၼ်းဢမ်ႇယုမ်ႇလွင်ႈဢၼ်မၼ်းတၵ်းလုၵ်ႉသေၵႃႈၼႂ်းလပ်းသိင်ႇၶိုၼ်းမႃးၼၼ်ႉ။လၢပ်ႇလႅဝ်းပႂ်ႉလွမ်ပႂ်ႉတူၺ်းမၼ်းယူႇဢေႃႈ။
၂၃ မၼ်းလႆႈလႄႇလဵပ်ႈႁႃတၢင်းၵိၼ်တၢင်းၶူပ်းမၼ်းလႄႈဝႃႈ မီးၵႃႈ လႂ်ဝႃႈၼင်ႇၼႆလႄႈ မၼ်းႁူႉလွင်ႈဢၼ်လပ်းသိင်ႇမႄးႁႅၼ်းမီးဝႆႉယူႇ ပုၼ်ႈမၼ်းၼၼ်ႉဢေႃႈ။
၂၄ တုၵ်ႉၶႃႉတၢင်းဢၼ်ၶၢၼ်ၸႂ်ဢိၵ်ႇတင်းဝူၺ်ႇတၼႃႇ တၢင်းဢၼ်ၸဵပ်းၸႂ်ၸိူဝ်းၼၼ်ႉ ၸၢင်ႊလွၵ်ႇငိူတ်ႈမၼ်းလႄႈ ၸၢင်ႊပေႉၼႅင်ႇမၼ်းယူႇမိူၼ်ၸိူဝ်ႉၼင်ႇၶုၼ်ႁေႃၶမ်း ဢၼ်မႄးႁႅၼ်း ဝႆႉႁႂ်ႈလႆႈတိုၵ်းသိုၵ်းၼၼ်ႉဢေႃႈ။
၂၅ လွင်ႈမၼ်းၸမ်းမၼ်းယိုၼ်းမိုဝ်းမၼ်း ယူႇၽၢႆႇၼိုင်ႈတင်းၽြႃးပဵၼ်ၸဝ်ႈလႄႈႁဵတ်းၶတ်းၶဵင်ႇႁႅင်းတႃႉ ၸဝ်ႈဢၼၼ်ႇတႃႉ တၼ်းၶူဝ်းဢေႃႈ။
၂၆ မၼ်းယဵတ်ႇၶေႃးငိူၼ်းၶေႃးမၼ်းလႄႈ ပႃးဢဝ်တင်းပူမ်ၸွၼ်ၶိူင်ႈႁႄႉလၢၵ်ႈၼၢၵ်ႈဢၼ်ၼႃၼၼ်ႉယူႇသေလႄႈ ၶုၼ်ႇလႅၼ်ႈႁႂ်ႈလႆႈတိုၵ်းတေႃး မၼ်းၸဝ်ႈဢေႃႈ။
၂၇ လွင်ႈမၼ်းၸမ်းမၼ်းဢဝ်တင်းတၢင်းဢၼ်ပီးလီမၼ်းလီ ႁူမ်ႇသုမ်ႇၼႃႈမၼ်းဝႆႉလႄႈႁႂ်ႈၼင်တွင်ႉၼင်ပုမ်မၼ်းပီးမၼ်းထၼ်ႈပေႃး ပဵၼ် ၶူၺ်ႇပဵၼ်ႁၢင်ႉဝႆႉဢေႃႈ။
၂၈ မၼ်းလႆႈယူႇၵႃႈၼႂ်းဝဵင်းဢၼ်ၵူၼ်းသိတ်ႇၵူၼ်းယဵၼ်ၵႃႈတီႈႁိူၼ်းဢၼ်ၽူႈ လႂ် ဢမ်ႇယူႇဢမ်ႇသဝ်းလႄႈၸမ်တၵ်းလူမ်ႉတၵ်းပင်းၼၼ်ႉ ဢေႃႈ။
၂၉ မၼ်းဢမ်ႇလႆႈမၢၵ်ႈလႆႈမီး။ၸေးၸိမ်ႇမၼ်းဢမ်ႇလႆႈမၼ်ႈလႆႈၶိူင်ႇ။ဢုၵ်ႉၸႃႇၶူဝ်းလဵင်းမၼ်းဢမ်ႇ လႆႈၽႄႈၵႂၢင်ႈၵႃႈၼိူဝ်လိၼ်မိူင်း။
၃၀ မၼ်းဢမ်ႇလႆႈလွတ်ႈၽေးလပ်းသိင်ႇ။ပိဝ်ၽႆးတၵ်းႁူပ်ႇမႆႈၵိင်ႇမၼ်းၶႃႈမၼ်းဢေႃႈ။မၼ်းတၵ်းလႆႈၶၢမ်ႇတၢင်းဢၼ်ပႄႇၽဵဝ်ႈပႅတ်ႈ လူၺ်ႈလူမ်းသူပ်းမၼ်းၸဝ်ႈဢေႃႈ။
၃၁ ယႃႇပေႁႂ်ႈမၼ်းၶၢမ်ႇတၢင်းဢၼ်ၽႅတ်ႉလႅၼ်သေလႄႈ သွၼ်ႈပိုင်ႈဢႃႉၼတ်ႉတႃႉသေၵမ်း။ ပေႃးဢမ်ႇၼၼ်မၼ်းတၵ်းလႆႈ ၶၢမ်ႇဢၵျူဝ်းဢႃႉၼတ်ႉတႃႉဢေႃႈ။
၃၂ ၸူဝ်ႈဢၼ်ၶိင်ႇမၼ်းပႆႇၸေးၼၼ်ႉ တၵ်းႁွတ်ႈထိုင်တၢင်းဢၼ်သုမ်းၸွမ်းဢေႃႈ။ၵိင်ႇၶႃႊတူၼ်ႈမၼ်းၼၼ်ႉဢမ်ႇလႆႈၶဵဝ်လႆႈလိပ်း။
၃၃ မၼ်းတၵ်းမိူၼ်ၶိူဝ်းမၢၵ်ၸပိတ်ႉဢၼ်မၢၵ်ႇမၼ်းဢမ်ႇပႆႇသုၵ်းလႄႈပိတ်းပႅတ်ႈၼၼ်ႉ၊ တၵ်းမိူၼ်ၸိူဝ်ႉၼင်ႇတူၼ်ႈသၢၼ်ႇလုၼ်ႇ ဢၼ်မွၵ်ႇမၼ်းႁင်ႈတူၵ်း ၼၼ်ႉဢေႃႈ။
၃၄ ၵူၼ်းႁိူၼ်းၵူၼ်းယေးဢႃႉထမ်ႇမႃႉၸိူဝ်းၼၼ်ႉတၵ်းသိတ်ႇယဵၼ်လႄႈ ၽႆးတၵ်းမႆႈသုမ်ႉထဵင်တီႈယူႇတီႈသဝ်းၶဝ်ၸိူဝ်းဢၼ်ၵိၼ်လၢၵ်ႈသွင်ႇၼၼ်ႉ ဢေႃႈ။
၃၅ ၶဝ်ၼၼ်ႉၸၢင်ႊဢွၼ်ၵၼ်ပႃးပတိၵ်ႉသၼ်ႇထေႇတၢင်းၵျၢမ်ႇတၢင်းပွင်ဢၼ်ဢမ်ႇလီလႄႈ ၵိူတ်ႇလဵင်ႉဢႃႉၼတ်ႉတႃႉမႃးဢေႃႈ။တွင်ႉၶဝ်ပုမ်ၶဝ်ၼၼ်ႉၸၢင်ႊပႃးတွင်ႉပႃးမၼ်းမူႉသႃႇဢေႃႈ၊ ဝႃႈၼင်ႇၼႆဢေႃႈ။