၁၄
၁ ၵူၼ်းဢၼ်ၵိူတ်ႇမႃး တီႈမေႈယိင်းၼၼ်ႉမိူဝ်ႉဝၼ်းၵေႇလႄႈ တဵမ်ဝႆႉတင်းတုၵ်ႉၶႃႉတၢင်းၽၢၼ်တီႈၶႃႈဢေႃႈ။မၼ်းၵီႈမႃးမိူၼ်ၸိူဝ်ႉၼင်ႇလူင်ႇမွၵ်ႇၼၼ်ႉလႄႈ ႁႅင်ႈႁဵဝ်ႇၵႂႃႇတီႈၶႃႈဢေႃႈ။
၂ မၼ်းၸၢင်ႊၶၢႆႉၵႂႃႇမိူၼ်ၸိူဝ်ႉၼင်ႇႁူမ်ႈၵွင်ႉငဝ်းလႄႈ ဢမ်ႇတႄႇဢမ်ႇၼိမ်လႃးလႃးတီႈၶႃႈ။ၸဝ်ႈႁဝ်းၽုၺ်ႇတႃမိုၼ်းတႃ ၸူးတီႈၵေႃႉၸိူဝ်ႉၼင် ၼၼ်ၼၼ်ႉတီႈၶႃႈႁိုဝ်။
၃ ၸဝ်ႈႁဝ်းတၵ်းဢဝ်မၼ်းမႃးၵႃႈတီႈဢထၢမ်ႇတေႃႇၸဝ်ႈႁဝ်း ႁႂ်ႈလႆႈၶၢမ်ႇတၢင်း ဢၼ်ၸီႇယၢင်ႇတီႈၶႃႈႁိုဝ်။
၄ ၽူႈ လႂ်တၵ်းဢဝ်ဢၼ်မူတ်းသႂ်ႇဢွၵ်ႇသေၵႃႈတီႈဢၼ်မူတ်းသႂ်မႃးလႆႈ။ၽူႈ လႂ် ဢမ်ႇႁႂ်ႈဢွၵ်ႇမႃးလႆႈတီႈၶႃႈ။
၅ မိူဝ်ႉဝၼ်းၵူၼ်းၸမ်းမၵ်းၶၢၼ်းဝႆႉယဝ်ႉ။ၸဝ်ႈႁဝ်းၼပ်ႉဢၢၼ်ႇလိူၼ်ဢၼ်မၼ်းလႆႈယူႇၼၼ်ႉသေယဝ်ႉ မၵ်းၶၢၼ်းဝႆႉတၢင်းဢၼ်မၼ်း ဢမ်ႇပူၼ်ႉဢမ်ႇပႅၼ်ႈလႆႈၼၼ်ႉတီႈၶႃႈယဝ်ႉ။
၆ ၶႅၼ်းတေႃႈဝၢႆႇၼႃႈၸဝ်ႈႁဝ်းပႅတ်ႈသေၵႃႈတီႈမၼ်းလႄႈ ပၼ်ဢၶႂၢင်ႉႁႂ်ႈမၼ်းလႆႈယူႇၼိမ်ၼိမ်လီလီ တေႃႇထိုင်ႁွတ်ႈထၼ်ႈပေႃး မၼ်းလႆႈပူၼ်ႉမိုဝ်ႉပူၼ်ႉဝၼ်းမၼ်းၵႂႃႇမိူၼ်ၸိူဝ်ႉၼင်ႇၵေႃႉဢၼ်ၵိၼ်ၸၢင်ႈၵိၼ်ငႃးၼၼ်ႉ သေၵမ်း တီႈၶႃႈ။
၇ ပိၵ်ႉသမ်ႉပွမ်ႈတူၼ်ႈမႆႉလူမ်ႉပႅတ်ႈသေၵေႃႈတေႃမၼ်းတၵ်း တႅၵ်ႇၵိင်ႇတႅၵ်ႇႁုၼ်ႈဢွၵ်ႇမႃး ၵိင်ႇမၼ်းႁုၼ်ႈမၼ်းလႄႈ တၵ်းဢမ်ႇသုတ်းၵႂႃႇထၢတ်ႇၵႂႃႇဝႃႈ ၼႆမီးတီႈမုင်ႈမွင်းယူႇတီႈၶႃႈဢေႃႈ။
၈ ပိၵ်ႉသမ်ႉႁၢၵ်ႈမၼ်းၵႃႈၼႂ်းလိၼ်ၼၼ်ႉၵဝ်ႇၵႂႃႇမွင်ၵႂႃႇလႄႈ တေႃမၼ်းၵႃႈ ၼိူဝ်လိၼ်တၢႆၵႂႃႇသေၵေႃႈယႃႇ ၵွပ်ႈပိူဝ်ႈဢၢႆၼမ်ႉၼၼ်ႉလႄႈ
၉ ၵိင်ႇမၼ်းၶႃႊမၼ်းတၵ်းဢွၵ်ႇမႃးမိူၼ်ၸိူဝ်ႉၼင်ႇ တူၼ်ႈၼၼ်ႉဢေႃႈ။
၁၀ ၵူၼ်းၸမ်းၸၢင်ႊတၢႆလႄႈတူႇၼဝ်ႈလူႉလႅဝ်ၵႂႃႇဢေႃႈ။ ၵူၼ်းၼႆႉၶျုၵ်ႈဢသၢၵ်ႈယဝ်ႉလႄႈဢမ်ႇမီးယဝ်ႉ။
၁၁ ၸိူဝ်ႉၼင်ႇဢၼ်ၼမ်ႉသဵင်ႈႁၢႆၵႂႃႇတီႈဢိူင်ႇၼၼ်ႉဢိၵ်ႇတင်း ၸိူဝ်ႉၼင်ႇဢၼ်ၼမ်ႉႁွင်ႊယူတ်းၵႂႃႇႁႅင်ႈၵႂႃႇၼၼ်ႉ ၵူၼ်းၼႆႉၼွၼ်းလပ်းသေလႄႈ ၵမ်း လိုၼ်းဢမ်ႇလုၵ်ႉယဝ်ႉ။
၁၂ တေႃႇထိုင်ႁွတႃ်ႈႉၵၢင်ႁၢဝ်ထၼ်ႈပေႃးသုတ်းသဵင်ႈၵႂႃႇၼၼ်ႉ ဢမ်ႇလႆႈၶၢမ်ႇတၢင်းဢၼ်ပူၵ်းတိုၼ်ႇသေ ၵႃႈၼႂ်းတၢင်းဢၼ်ၼွၼ်းလပ်း ၼၼ်ႉတီႈၶႃႈ။
၁၃ ၶႅၼ်းတေႃႈဢဝ်ၶႃႈၸဝ်ႈသိမ်းဝႆႉၵႃႈၼႂ်းမိူင်းမရၼႃႉသေၵမ်းၶႃႈ။ ဢဝ်ၶႃႈၸဝ်ႈႁႄႉလပ်ႉဝႆႉတေႃႇထိုင်ႁွတ်ႈ တၢင်းၸႂ်မႆႈၶႆႈၸႃႉၸဝ်ႈႁဝ်းပူၼ်ႉၵႂႃႇၼၼ်ႉသေၵမ်းၶႃႈ။ၶႅၼ်းတေႃႈမၵ်းၶဵၼ်းဝႆႉၶိင်ႇမၼ်းတီႈၶႃႈၸဝ်ႈသေလႄႈ ၶုၵ်းၸႂ်လႆႈၶႆႈၸႂ်ထူပ်းၶႃႈၸဝ်ႈသေၵမ်း တီႈၶႃႈ။
၁၄ ၵူၼ်းၼႆႉပေႃးတၢႆၸိုင်ဢသၢၵ်ႈတၵ်းၶိုၼ်းလိပ်းတီႈၶႃႈႁိုဝ်။ ၸူဝ်ႈဢၼ်ၶႃႈၸဝ်ႈဢမ်ႇပႆႇႁွတ်ႈထိုင်ၶိင်ႇဢၼ်ၶၢႆႉပုတ်ႈၼၼ်ႉၸိုင် ၶႃႈၸဝ်ႈတၵ်းယိူၼ်ႉၶၢမ်ႇယူႇၼႂ်းမိူဝ်ႉဝၼ်းဢၼ်လႆႈၵိုတ်ႈႁၢပ်ႇဢမူႉဢၼ်ယၢပ်ႇၸႂ်ၽိုတ်ႇၸႂ်ၼႃႇလူင်လၢင် တဵမ်တဵမ်ၼၼ်ႉယူႇ တီႈၶႃႈဢေႃႈ။
၁၅ ၸဝ်ႈႁဝ်းႁွင်ႉၶႃႈၸဝ်ႈသေၵမ်းတီႈၶႃႈ။ၶႃႈၸဝ်ႈတၵ်းၶိုၼ်းဢိူဝ်ႈတီႈၶႃႈဢေႃႈ။ၶႅၼ်းတေႃႈမီးၸႂ်ဢၼ်ဢိတ်းလူ ဢၼ်မိုဝ်းၸဝ်ႈႁဝ်းႁဵတ်းပဵၼ်ၼၼ်ႉသေၵမ်းတီႈၶႃႈ။
၁၆ မိူဝ်ႈလဵဝ်ၼႆႉၸိုင်ၸဝ်ႈႁဝ်းၼပ်ႉဢၢၼ်ႇႁွႆးတိၼ်ၶႃႈၸဝ်ႈတင်းလၢႆဝႆႉတီႈၶႃႈဢေႃႈ။ၸဝ်ႈႁဝ်းယင်းဢမ်ႇမၢတ်ႈမၢႆဢပျႅတ်ႈၶႃႈၸဝ်ႈယူႇ ဢမ်ႇၸႂ်ႈ တီႈၶႃႈႁိုဝ်။
၁၇ ၸဝ်ႈႁဝ်းဢဝ်လွင်ႈတၢင်းဢၼ်ၶႃႈၸဝ်ႈၽိတ်းပိူင်ႈၼၼ်ႉ သႂ်ႇၵႃႈၼႂ်းထူင်လႄႈ တွၵ်ႇတၼ်းသိၵ်ႈဝႆႉလႄႈ ဢဝ်တူႉၸရိူၵ်ႈဢပျႅတ်ႈၶႃႈၸဝ်ႈမူမ်းႁေႃႇ ယဵပ်ႉၸပ်းဝႆႉတီႈၶႃႈဢေႃႈ။
၁၈ လွႆဢၼ်ၵိူၼ်ႇပင်းၼၼ်ႉလပ်ႉႁၢႆၵႂႃႇလႄႈ မၢၵ်ႇႁိၼ်မၢၵ်ႇၽႃသုတ်ႉၶၢႆႉသေၵႃႈ တီႈတီႈယူႇမၼ်းတီႈၶႃႈဢေႃႈ။
၁၉ ၼမ်ႉတင်းလၢႆၸၢင်ႈႁႂ်ႈမၢၵ်ႇႁိၼ်ယေႃႈၵႂႃႇသုတ်ႉၵႂႃႇလႄႈ တၢင်းဢၼ်ၼမ်ႉၼွင်းထူမ်ႈႁူမ်ႇၼၼ်ႉ ၸၢင်ႊပႃးဢဝ်မုၼ်ငႂ်ႈမုၼ်လိၼ်ၵႂႃႇတီႈၶႃႈဢေႃႈ။မိူၼ်ၼင်ႇၼၼ်ၸဝ်ႈႁဝ်းယႃႉ ပႅတ်ႈတၢင်းဢၼ်ၵူၼ်းမုင်ႈမွင်းၼၼ်ႉတီႈၶႃႈဢေႃႈ။
၂၀ ၸဝ်ႈႁဝ်းပေႉၼႅင်ႇမၼ်းသေႇသေႇလႄႈ မၼ်းလပ်ႉႁၢႆၵႂႃႇတီႈၶႃႈဢေႃႈ။ ၸဝ်ႈႁဝ်းလႅၵ်ႈလၢႆၼႃႈမၼ်းသေလႄႈပွႆႇ မၼ်းၵႂႃႇသေတီႈၶႃႈဢေႃႈ။
၂၁ ပိၵ်ႉသမ်ႉလုၵ်ႈၸၢႆးမၼ်းတင်းလၢႆလႆႈၶၢမ်ႇယုၵ်ႉယွင်ႈသေၵေႃႈ မၼ်းဢမ်ႇလႆႈႁူႉလႃးလႃးတီႈၶႃႈ။ပိၵ်ႉသမ်ႉၶဝ်ႁွတ်ႈထိုင်တၢင်းဢၼ်ၶျႃးတူၵ်းတီႈတႅမ်ႇသေၵေႃႈ မၼ်းဢမ်ႇႁူႉသၢႆငၢႆလွင်ႈတၢင်း ၼၼ်ႉတီႈၶႃႈ။
၂၂ ၵူၺ်းၵႃႈၼိူဝ်ႉၼင်တူဝ်ၶိင်းမၼ်းၶူပ်းၶိုၼ်ႈယူႇသေလႄႈ ဝိၺိၺ်ႇမၼ်းၶၢင်းၶီၶၢင်းၽၢၼ်ယူႇတီႈၶႃႈဢေႃႈ၊ ဝႃႈၼင်ႇၼႆဢေႃႈ။