၁၂
ယေႃႇၽ
၁ မိူဝ်ႈၼၼ်ႉ ယေႃႇၽ ဢွၵ်ႇသူပ်းၶိုၼ်းလၢတ်ႈလႄႈ ဝႃႈ၊-
၂ သူပဵၼ်ၵူၼ်းလႄႈၺၢၼ်ႇပိင်ႇၺႃႇတၵ်းတၢႆလူၺ်ႈၵၼ်တင်းသူဢေႃႈ၊ဝႃႈၼႆၼၼ်ႉပဵၼ်ဢၼ် ၸိုဝ်ႈၸႂ်ႈဢေႃႈ။
၃ ၵူၺ်းၵႃႈၵဝ်ၵေႃႈမီးၺၢၼ်ႇမိူၼ်ၸိူဝ်ႉၼင်ႇသူဢေႃႈ။ၵဝ်ယုတ်ႈယွမ်ႇၼႃႇသသေူဢမ်ႇၸႂ်ႈ။
၄ ၽူႈ လႂ်ယင်းဢမ်ႇႁူႉလွင်ႈတၢင်းၸိူဝ်းၼႆႉ။ၵဝ်ၼႆႉပဵၼ်ၵေႃႉဢၼ်လႆႈၶၢမ်ႇတၢင်းဢၼ် ၵူၼ်းႁိူၼ်းၸမ်ၵၼ်ႁဵတ်းပျၢၵ်ႈၶူဝ်ဢေႃႈ။ ပိၵ်ႉသမ်ႉၵဝ်ႁဵတ်းပထၼႃႇတီႈၽြႃးပဵၼ်ၸဝ်ႈလႄႈ မၼ်းၸဝ်ႈဢိူဝ်ႈသေၵေႃႈၵေႃႉဢၼ်ဢမ်ႇမီးဢပျႅတ်ႈ၊ ၵေႃႉဢၼ်သိုဝ်ႈတေႃႇၼၼ်ႉလႆႈၶၢမ်ႇ တၢင်းဢၼ်ႁဵတ်းပျၢၵ်ႈၶူဝ်လူင်ပေႇ။
၅ ၶဝ်ၸိူဝ်းဢၼ်လႆႈယူႇၼိမ်ၼိမ်လီလီၼၼ်ႉ ႁဵတ်းတၢင်းဢၼ်ဢမ်ႇပေႃးၼင်ႇႁိုဝ် တီႈၵေႃႉဢၼ် လႆႈၶၢမ်ႇတုၵ်ႉၶႃႉတၢင်း ၽၢၼ်ၼၼ်ႉလႄႈႁဵတ်းႁႂ်ႈၶဝ်ပရၢတ်ႈလူမ်ႉဢေႃႈ။
၆ သုမ်ႉထဵင် တီႈယူႇတီႈသဝ်း ၶဝ်ၸိူဝ်းဢၼ်ႁဵတ်းပႃႇႁဵတ်းၸူၼ်ႇၼၼ်ႉၸၢင်ႈလႆႈလီလႆႈပဵၼ်ဢေႃႈ။ ၶဝ်ၸိူဝ်းဢၼ်ပူၼ်ႉလိူဝ် ဢႃႇၼႃႇၽြႃးပဵၼ်ၸဝ်ႈၼၼ်ႉၸၢင်ႈဢွၼ်ၵၼ်လႆႈယူႇလုင်ႇလီလွတ်ႈလီလႄႈ ၸၢမ်ႇၸႃး ၸေးၸိမ်ႇၼႂ်းၽြႃးၶဝ်ၼၼ်ႉဢေႃႈ။
၇ တွင်ႉထၢမ်တီႈမဵဝ်းတူဝ်သတ်းတင်းလၢႆတႃႉ။ ၶဝ်တၵ်းဢွၼ်ၵၼ်သွၼ်ပၼ်မႂ်းဢေႃႈ။ တွင်ႈထၢမ်တီႈၼူၵ်ႉၵၢင်ႁၢဝ်တင်းလၢႆ တႃႉ။
၈ ၶဝ်တၵ်းဢွၼ်ၵၼ်ၼႄပျႃႉတီႈမႂ်းဢေႃႈ။ တွင်ႉထၢမ်တီႈလိၼ်မိူင်းတႃႉ။မၼ်းတၵ်းသွၼ်ပၼ်မႂ်းဢေႃႈ။တွင်ႈထၢမ်တီႈပႃပၢင်ႇလၢႆတင်းလၢႆတႃႉ။ၶဝ်တၵ်းဢွၼ် ၵၼ်ႁေႃးလၢတ်ႈပၼ်တီႈမႂ်းဢေႃႈ။
၉ ၼႂ်းၸိူဝ်းၼႆႉဢၼ်ဢမ်ႇႁူႉဝႃႈ ထႃႇဝရႃႉၽြႃးဢဝ်မိုဝ်းႁဵတ်းပဵၼ်ဢေႃႈ၊ ဢၼ်ဝႃႈၼၼ်ႉမီးဢၼ် လႂ်။
၁၀ ၸီႇဝႃႉဢသၢၵ်ႈသတ်ႉတဝႃႇဢၼ်ဢသၢၵ်ႈလိပ်းယူႇတင်းသဵင်ႈတင်းလူင် ဢိၵ်ႇတင်း တၢင်းဢၼ်ထူၺ်ႈၸႂ်ၶဝ်ႈထူၺ်ႈၸႂ်ဢွၵ်ႇၵူၼ်းသတ်ႉတဝႃႇ ၵႃႈမီးၼၼ်ႉ မီးယူႇၼႂ်းမိုဝ်းမၼ်းၸဝ်ႈ ဢေႃႈ။
၁၁ ႁူႉၸၢင်ႊသၢပ်ႇတူၺ်းၸၢမ်းတူၺ်းၵႂၢမ်းမိူၼ်ၸိူဝ်ႉၼင်ႇသူပ်းၸိမ်းတူၺ်းတၢင်းၵိၼ်တၢင်းၶူပ်းၼၼ်ႉ ဢမ်ႇလႆႈႁိုဝ်။
၁၂ ၶဝ်ၸိူဝ်းဢၼ်ထဝ်ႈၵႄႇၼၼ်ႉဢွၼ်ၵၼ်တဵမ်ဝႆႉတင်းပိင်ႇၺႃႇလႄႈၶဝ်ၸိူဝ်းဢၼ်ဢသၢၵ်ႈဢရွႆႇယၢဝ်းယိုၼ်းၼၼ်ႉ တဵမ်ဝႆႉတင်းၺၢၼ်ႇဢေႃႈ။
၁၃ မၼ်းၸဝ်ႈၸမ်း တဵမ်ဝႆႉတင်းပိင်ႇၺႃႇဢိၵ်ႇတင်းတၢင်းၵတ်ႉတၢင်းၶၼ်လႄႈ မၼ်းၸဝ်ႈၼၼ်ႉမီးၺၢၼ်ႇဢိၵ်ႇ တင်းတၢင်းဢၼ်ႁူႉဢၼ်ၸႅင်ႈဢေႃႈ။
၁၄ တူၺ်းလူး။မၼ်းၸဝ်ႈၵိူၼ်ႇယႃႉပႅတ်ႈလႄႈ ၽူႈ လႂ်သေၵေႃႉသေၵူၼ်းဢမ်ႇမီး ဢၶႂၢင်ႉဢၼ်လႆႈၶိုၼ်းတႄႇၶိုၼ်းႁဵတ်း။မၼ်းၸဝ်ႈၶျုၵ်ႈၵူၼ်းဝႆႉလႄႈ ၽူႈ လႂ်သေၵေႃႉသေၵူၼ်း ဢမ်ႇမီးဢၶႂၢင်ႉဢၼ်လႆႈလွတ်ႈလႆႈၵၢင်း။
၁၅ တူၺ်းလူး။မၼ်းၸဝ်ႈႁၢမ်ႈတပ်ႉႁႄႉၶႅၼ် ၼမ်ႉတင်းလၢႆဝႆႉသေလႄႈၶဝ်လႆႈယူတ်းႁႅင်ႈၵႂႃႇဢေႃႈ။လၢႆးသမ်ႉမၼ်းၸဝ်ႈပွႆႇၸႂ်ႉ ၶဝ်လႄႈၶဝ်ဢွၼ်ၵၼ်ထူမ်ႈႁူမ်ႇလိၼ်မိူင်းဢေႃႈ။
၁၆ မၼ်းၸဝ်ႈတဵမ်ဝႆႉတင်းတၼ်းၶူဝ်း ဢိၵ်ႇတင်းၺၢၼ်ႇလႄႈမၼ်းၸဝ်ႈဢုပ်ႉပိူင်ႇ ၵႃႈၼိူဝ်ၶဝ်ၸိူဝ်းဢၼ်ၽိတ်းပိူင်ႈဢိၵ်ႇတင်း ၶဝ်ၸိူဝ်းဢၼ်ႁႂ်ႈၽိတ်းပိူင်ႈၼၼ်ႉဢေႃႈ။
၁၇ မၼ်းၸဝ်ႈ တီႉၵမ်သိမ်းဢဝ်မူးမၢတ်ႈၽွင်းမိူင်းဢၼ်တိူင်ႇပၢင်ႇတင်းလၢႆၼၼ်ႉၵႂႃႇလႄႈ ႁႂ်ႈၵူၼ်းလူင်ဢၼ်ၸီႇယၢင်ႇတြႃးတင်းလၢႆယွင်ႇဝူၼ်းၵႂႃႇဢေႃႈ။
၁၈ မၼ်းၸဝ်ႈ ၵႄႈသၢႆဢႅဝ် ၶုၼ်ႁေႃၶမ်းတင်းလၢႆပႅတ်ႈသေ လႄႈဢဝ်ၸိူၵ်ႈမတ်ႉၽုၵ်ႈဢႅဝ်ၶဝ်ဢေႃႈ။
၁၉ မၼ်းၸဝ်ႈတီႉၵမ်သိမ်းဢဝ် ယိတ်ႉပရေႃးႁိၵ်ႈတင်းလၢႆၵႂႃႇလႄႈၶဝ်ၸိူဝ်းဢၼ်ႁႅင်းယႂ်ႇၼႃႇၼၼ်ႉတူၵ်းသုမ်းဢေႃႈ။
၂၀ မၼ်းၸဝ်ႈ ႁႂ်ႈၵႂၢမ်းၶဝ်ၸိူဝ်းဢၼ်မီးတၢင်းၵတ်ႉတၢင်းၶၼ်ၼႂ်းသူပ်းၶဝ်ၼၼ်ႉဢႃႉၵႂႃႇလႄႈ ၼုၵ်ႉဢဝ်ပိင်ႇၺႃႇဢွၵ်ႇသေၵႃႈၼႂ်း ၶဝ်ၸိူဝ်းဢၼ်ထဝ်ႈၵေႇၼၼ်ႉဢေႃႈ။
၂၁ မၼ်းၸဝ်ႈ ယႃႉသရေႇၶုၼ်ဢရႃႇသီႉတင်းလၢႆလႄႈၵႄႈသၢႆဢႅဝ် ၶဝ်ၸိူ်ဝ်းဢၼ်ႁႅင်းယႂ်ႇတင်းလၢႆၼၼ်ႉပႅတ်ႈ ဢေႃႈ။
၂၂ မၼ်းၸဝ်ႈႁႂ်ႈလွင်ႈတၢင်းဢၼ်လိုၵ်ႉဢၼ်လမ်ႇထၢင်ႇသႃး ဢွၵ်ႇမႃး ၵႃႈၼႂ်းဢၼ်လပ်းသိင်ႇလႄႈဢဝ်ႁူမ်ႊတၢင်းတၢႆ ၽုၺ်ႇဢွၵ်ႇၼႄပျႃးၵႃႈၼႂ်းဢၼ် လႅင်းဢေႃႈ။
၂၃ မၼ်းၸဝ်ႈႁႂ်ႈၵူၼ်းၵူႈၸိူဝ်ႉၵူႈမဵဝ်းယႂ်ႇၽႄႈတူဝ်းတွၼ်းမႃးလႄႈသမ်ႉယႃႉၽဵဝ်ႈပႅတ်ႈဢေႃႈ။မၼ်းၸဝ်ႈႁႂ်ႈၵူၼ်းၵူႈၸိူဝ်ႉၵူႈမဵဝ်း ၽႄၸွတ်ႇၵူႈတီႈၵူႈလႅၼ် လႄႈ သမ်ႉၶိုၼ်းႁုပ်ႈၸူႉႁုပ်ႈတုမ်ဢေႃႈ။
၂၄ မၼ်းၸဝ်ႈထူၺ်ႈၺၢၼ်ႇ ဢွၵ်ႇသေၵႃႈၼႂ်းၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၵုၼ်လိၼ်မိူင်းတင်းလၢႆၼၼ်ႉလႄႈ ႁႂ်ႈၶဝ်လႆႈလႄႇၵႂႃႇလႄႇမႃး ယူႇၵႃႈၼႂ်းထိူၼ်ႇဢၼ်ဢမ်ႇမီး သဵၼ်ႈတၢင်းၼၼ်ႉဢေႃႈ။
၂၅ ၶဝ်ၼၼ်ႉယင်းဢမ်ႇမီးဢၼ်လႅင်းလႄႈ လႆႈဢွၼ်ၵၼ်ၵူမ်ႈၵွမ်းယူႇၵႃႈၼႂ်းဢၼ်လပ်းသိင်ႇဢေႃႈ။မၼ်းၸဝ်ႈႁႂ်ႈၶဝ်ဝင်ႇဝီႈဝင်ႇဝိူဝ်ႈယူႇမိူၼ်ၸိူဝ်ႉၼင်ႇၵေႃႉဢၼ် မဝ်းလဝ်ႈမဝ်းၵမ်ၼၼ်ႉဢေႃႈ။