၉
ယေႃႇၽ
၁ မိူဝ်ႈၼၼ်ႉ ယေႃႇၽ ဢွၵ်ႇသူပ်းၶိုၼ်းလၢတ်ႈလႄႈ ဝႃႈ၊-ၸိုဝ်ႈၸႂ်ႈမၢၼ်ႇမႅၼ်ႈဢေႃႈ။
၂ ၵဝ်ႁူႉလွင်ႈဢၼ်ၵႂၢမ်းၼၼ်ႉပဵၼ်ဢၼ်ၸိုဝ်ႈဢၼ်ၸႂ်ႈယူႇဢေႃႈ။ၼႂ်းဝႃႈၼၼ်သေၵေႃႈၵူၼ်းၸိုင် တၵ်းႁွတ်ႈထိုင်တၢင်းဢၼ်သိုဝ်ႈတေႃႇ ၵႃႈတီႈၽၢႆႇၼႃႈၽြႃးပဵၼ်ၸဝ်ႈလႆႈၸိူဝ်ႉ ၼင်ႇႁိုဝ်။
၃ ပေႃးမီးတၢင်းဢၼ်ၶႂ်ႈတွပ်ႇထဵင်မၼ်းၸဝ်ႈၸိုင် မၼ်းဢမ်ႇတွပ်ႇထဵင်ႈလႆႈၼိုင်ႈပွၵ်ႈၼႂ်းႁဵင်ၼိုင်ႈ ၼၼ်ႉ။
၄ မၼ်းၸဝ်ႈတဵမ်ဝႆႉတင်းၺၢၼ်ႇဢိၵ်ႇတင်းတၼ်းၶူဝ်းဢၼ်ယႂ်ႇၼႃႇလူင်လၢင်ၼၼ်ႉလႄႈ ၽူႈ လႂ်တၵ်း ႁႄႉၶႅၼ်ႁၢမ်ႈတပ်ႉမၼ်းၸဝ်ႈလႄႈပေႉၼႅင်ႇလႆႈ။
၅ မၼ်းၸဝ်ႈၶၢႆႉလွႆတင်းလၢႆလႄႈၶဝ်ဢမ်ႇတၼ်းႁူႉတူဝ်ႁူႉ ႁၢင်ႊ။
၆ မၼ်းၸဝ်ႈၸႂ်မႆႈၶႆႈၸႃႉလႄႈဢဝ်ၶဝ်ၶွမ်ႈပိၼ်ႈပႅတ်ႈဢေႃႈ။မၼ်းၸဝ်ႈႁဵတ်းႁႂ်ႈလိၼ်မိူင်းၶၢႆႉတီႈလႄႈသဝ်လၵ်းမၼ်းတင်းလၢႆ ဢွၼ်ၵၼ်သၼ်ႇၶွၼ်းဝႆ ဢေႃႈ။
၇ မၼ်းၸဝ်ႈမီးဢမိင်ႉတီႈၵၢင်ဝၼ်းလႄႈမၼ်းဢမ်ႇလႆႈဢွၵ်ႇ။မၼ်းၸဝ်ႈပူၵ်ႉႁေႃႇလၢဝ်တင်းလၢႆသေ လႄႈတွၵ်ႇတၼ်းသိၵ်ႈဝႆႉဢေႃႈ။
၈ မၼ်းၸဝ်ႈသူလဵဝ်ပႃးလဵဝ်ၵူၺ်း ပိုတ်ႇၵီႈမုငႃ်းႉၵၢင်ႁၢဝ်ယူႇလႄႈယဵပ်ႇပႆၵႃႈ ၼိူဝ်ပိူပ်ႇၼမ်ႉလႅင်းၼမ်ႉသမ်ႇမုၵ်ႉတြႃႇဢေႃႈ။
၉ မၼ်းၸဝ်ႈၽၢၼ်သၢင်းႁဵတ်းပဵၼ်လၢဝ်ၸၢင်ႉ၊ လၢဝ်တဝ်ႇ၊လၢဝ်ဝီးဢိၵ်ႇတင်း တိူၵ်ႈလၢဝ်ၼႃႈတၢင်းၸၢၼ်းတင်းလၢႆဢေႃႈ။
၁၀ မၼ်းၸဝ်ႈႁဵတ်းလွင်ႈတၢင်းဢၼ်ယႂ်ႇၼႃႇလူင်လၢင်ထၢၼ်ႈပေႃး ၸႅတ်ႈထၢမ်ၸႅတ်ႈတူၺ်းလႄႈဢမ်ႇႁူႉလႆႈ။လွင်ႈတၢင်းဢၼ်လီဢၢမ်းဢၼ်ၼမ်ၼႃႇလူင်လၢင်ထၢၼ်ႈပေႃးဢမ်ႇၼပ်ႉဢမ်ႇဢၢၼ်ႇလႆႈ ၸိူဝ်းၼၼ်ႉၵေႃႈမီးဢေႃႈ။
၁၁ မၼ်းၸဝ်ႈၵၢႆႈၵႃႈတီႈႁိမ်းၵဝ်လႄႈၵဝ်ဢမ်ႇႁၼ်မၼ်းၸဝ်ႈ။မၼ်းၸဝ်ႈၽၢတ်ႇၵႂႃႇ ၵႃႈတီႈႁိမ်းၵဝ်လႄႈၵဝ်ဢမ်ႇႁူႉသၢႆငၢႆမၼ်းၸဝ်ႈ။
၁၂ မၼ်းၸဝ်ႈႁိမ်ႁူင်ႇသိမ်းဢဝ်လႄႈ ၽူႈ လႂ်တၵ်းႁၢမ်ႈတပ်ႉႁႄႉၶႅၼ်မၼ်းၸဝ်ႈလႆႈ။ၸဝ်ႈႁဝ်းႁဵတ်းၸိူဝ်ႉၼင်ႇႁိုဝ်ဝႃႈၼႆ ၽူႈ လႂ်တၵ်းႁတ်းလၢတ်ႈႁတ်းဝႃႈ။
၁၃ ၽြႃးပဵၼ်ၸဝ်ႈတၵ်းဢမ်ႇၶိုၼ်းၼုၵ်ႈၶိုၼ်းသိမ်းဢဝ် တၢင်းၸႂ်မႆႈၶႆႈၸႃႉ မၼ်းၸဝ်ႈလႄႈၶဝ်ၸိူဝ်းဢၼ်မႃႇၼႃႉယႂ်ႇလႄႈပၼ်ႁႅင်းၼၼ်ႉ လႆႈဢွၼ်ၵၼ် ၶၢမ်ႇတၢင်းဢၼ်ၶျႃး တူၵ်းတီႈတႅမ်ႇ ၵႃႈတီႈတႂ်ႈမၼ်းၸဝ်ႈဢေႃႈ။
၁၄ လိူဝ်တွၼ်းသေၼၼ်ႉဢမ်ႇၵႃး၊ ၵဝ်တၵ်းၶိုၼ်းတွပ်ႇထဵင်မၼ်းၸဝ်ႈၸိူဝ်ႉၼင်ႇႁိုဝ်။ၵဝ်တၵ်းလိူၵ်ႈၵဵပ်းဢဝ်ၵႂၢမ်းၸိူဝ်ႉၼင်ႇႁိုဝ်သေလႄႈ လဝ်ႈလၢတ်ႈၵႃႈတီႈၽၢႆႇၼႃႈ မၼ်းၸဝ်ႈ။
၁၅ ပိၵ်ႉသမ်ႉၵဝ်သိုဝ်ႈတေႃႇယူႇသေၵေႃႈၵဝ်ဢမ်ႇၶိုၼ်းလဝ်ႈၶိုၼ်းလၢတ်ႈ တီႈမၼ်းၸဝ်ႈလႄႈၵဝ်တၵ်းႁဵတ်းတၢင်းဢၼ် တွင်းပၢၼ်တီႈၸဝ်ႈဢၼ်ၸီႇ ယၢင်ႇတြႃးၵဝ်ၼၼ်ႉၵူၺ်းဢေႃႈ။
၁၆ ပိၵ်ႉသမ်ႉၵဝ်ႁွင်ႉမၼ်းၸဝ်ႈလႄႈမၼ်းၸဝ်ႈဢိူဝ်ႉသေၵေႃႈ၊ၵဝ်ဢမ်ႇယုမ်ႇလွင်ႈဢၼ်မၼ်းၸဝ်ႈ တၵ်းထွမ်ႇဢဝ်ၵႂၢမ်းၵဝ်ၼၼ်ႉ လႆႈ။
၁၇ မၼ်းၸဝ်ႈဢဝ်ၽူၼ်လူင်လူမ်းလူင်ၼိၵ်ႈၸၢၵ်ႈငႅၼ်းသေးၵဝ်လႄႈ လွင်ႈမၼ်းယင်းဢမ်ႇမီးလႄႈမၼ်းၸဝ်ႈႁႂ်ႈတၢင်းၸဵပ်းၼမ်ၼႃႇတီႈၵဝ်ယဝ်ႉ။
၁၈ မၼ်းၸဝ်ႈဢမ်ႇပၼ်ဢၶႂၢင်ႉတီႈၵဝ်ဢၼ်လႆႈထူၺ်ႈၸႂ်ၼၼ်ႉလႄႈ ႁႂ်ႈၵဝ်တဵမ်ဝႆႉတင်းဝူၺ်ႇတၼႃႇတၢင်းဢၼ်ၶူမ်း ၼႃႇလူင်လၢင်ၼၼ်ႉဢေႃႈ။
၁၉ ပေႃးဝႃႈတၵ်းဢိင်ပိုင်ႈတၼ်းၶူဝ်း၊ ဝႃႈၼင်ႇၼႆၸိုင်မၼ်းၸဝ်ႈတၼ်းၶူဝ်းယႂ်ႇၼႃႇဢေႃႈ။ ပေႃးသမ်ႉၶိုၼ်းဝႃႈတၵ်းဢိင်ပိုင်ႈတြႃးဝႃႈၼင်ႇၼႆၸိုင် ၽူႈ လႂ်တၵ်းပၼ်ဢမိင်ႉမၼ်းၸဝ်ႈ လႆႈ။
၂၀ ပိၵ်ႉသမ်ႉၵဝ်ပဵၼ်ဢၼ်သိုဝ်ႈတေႃႇယူႇသေၵေႃႈသူပ်းၵဝ်တၵ်းတၢင်ႇဢပျႅတ်ႈတီႈၵဝ်ဢေႃႈ။ ပိ်ၵ်ႉသမ်ႉၵဝ်ၸေးၸုမ်ႇယူႇသေၵေႃႈ မၼ်းၸဝ်ႈတၵ်းႁႂ်ႈလွင်ႈဢၼ်သၽေႃးၵူတ်ႉငေႃးတီႈၵဝ်ၼၼ်ႉ ထၢင်ႇသႃး ဢေႃး။
၂၁ ပိၵ်ႉသမ်ႉၵဝ်ၸေးၸုမ်ႇယူႇသေၵေႃႈၵဝ်ဢမ်ႇႁဵတ်းပမႃႇၼႃႉတီႈတူဝ်ၵဝ်။ၵဝ်ႁဵတ်းဢမ်ႇပေႃးၼင်ႇႁိုဝ်တီႈဢသၢၵ်ႈၵဝ်ဢေႃႈ။
၂၂ ပဵၼ်မိူၼ်မိူၼ်ၵၼ်တင်းသဵင်ႈတင်းမူတ်းဢေႃႈ။ပိူဝ်ႈၼႆလႄႈၵဝ်လၢတ်ႈလႄႈဝႃႈၸမ်း၊ မၼ်းၸဝ်ႈၸၢင်ႊယႃႉပႅတ်ႈၶဝ်ၸိူဝ်းဢၼ်ၸေးၸုမ်ႇ လႂ်၊ ဢိၵ်ႇတင်းၶဝ်ၸိူဝ်း ဢၼ်ႁၢႆႉယုတ်ႈလႆႈၼၼ်ႉဢေႃႈ။
၂၃ မိူဝ်ႈဢၼ်ၽေးသေၸိူဝ်ႉသေပိူင်ၶီႉၶႃႉႁွတ်ႈထိုင်မႃးၼၼ်ႉၸိုင်၊ မၼ်းၸဝ်ႈၶူဝ်ၶဝ်ၸိူဝ်းမီးဢပျႅတ်ႈၼၼ်ႉ လႆႈၶၢမ်ႇၼၼ်ႉဢေႃႈ။
၂၄ မၼ်းၸဝ်ႈ ဢဝ်လိၼ်မိူင်းဢၢပ်ႈပၼ်ၵႃႈၼႂ်းမိုဝ်းၵူူၼ်းႁၢႆႉၵူၼ်းမိူၵ်ႈလႄႈ ႁူမ်ႇသုမ်ႇၼႃႈၵူၼ်းယႂ်ႇၵူၼ်းလူင်ဢၼ်ၸီႇယၢင်ႇတြႃးတင်းလၢႆၼၼ်ႉဢေႃႈ။ပေႃးဢမ်ႇ ၸႂ်ႈမၼ်းၸဝ်ႈၸိုင်ပဵၼ်ၽူႈ လႂ်။
၂၅ မိူဝ်ႉဝၼ်းၵဝ်ၸိူဝ်းၼႆႉၶၼ်ၽႂ်းသေ ၵူၼ်းဢွၼ်ႇဢၼ်လႅၼ်ႈသူင်ႇလိၵ်ႈၼၼ်ႉလႄႈ ယင်းဢမ်ႇလႆႈၶၢမ်ႇဢၶႂၢင်ႉဢၼ်လီဢၼ်ငၢမ်း လႄႈႁိပ်ႈၼႅတ်ႈပူၼ်ႉၵႂႃႇယဝ်ႉ။
၂၆ ၶဝ်ဢွၼ်ၵၼ်ပူၼ်ႉၵႂႃႇမိူၼ်ၸိူဝ်ႉၼင်ႇ ႁိူဝ်းသၢင်းၽေႃး ဢၼ်ၶၼ်ၽႂ်းၼႃႇလူင်လၢင်ၸိူဝ်းၼၼ်ႉ ဢိၵ်ႇတင်း မိူၼ်ၸိူဝ်ႉၼင်ႇႁူင်ႉ ဢၼ်သိတ်ႈဢဝ်တူဝ်ထိူၼ်ႇၼၼ်ႉဢေႃႈ။
၂၇ ပိၵ်ႉသမ်ႉၵဝ်ဝႃႈတၵ်းလူင်လိုမ်း ၵႂၢမ်းဢၼ်ႁွင်ႉဢၼ်ၶၢင်းလႄႈၶၢႆႉပုတ်ႈၼႃႈလူႉတႃမႃႇၼၼ်ႉသေလႄႈ ႁွတ်ႈထိုင်တၢင်း ဢၼ်ၼႃႈၵီႈတႃဝၢၼ်ဢေႃႈ၊ ဝႃႈၼင်ႇၼႆသေၵေႃႈ၊
၂၈ ၵဝ်မီးသၽေႃးဢၼ်ၵူဝ်ႁႄ ၵွပ်ႈပိူဝ်ႈတုၵ်ႉၶႃႉဝူၺ်ႇတၼႃႇၵႃႈဢၼ်ၵဝ်လႆႈၶၢမ်ႇၼၼ်ႉလႄႈ ၵဝ်ႁူႉမၼ်းၸဝ်ႈတၵ်းဢမ်ႇမၢတ်ႈ ၵဝ်ပဵၼ်ၵေႃႉဢၼ်ဢမ်ႇမီးဢပျႅတ်ႈ ၵႃႈသင်ၼၼ်ႉ။
၂၉ ၵဝ်ၼႆႉထုၵ်ႇဢပျႅတ်ႈယဝ်ႉလႄႈၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၵဝ်တၵ်းလႆႈၶတ်းၸႂ်လၢႆလၢႆလွၵ်ႇ လွၵ်ႇယူႇ။
၃၀ ပိၵ်ႉသမ်ႉၵဝ်ဢဝ်ၼမ်ႉမူၺ်ႁႃႇသုၵ်ႈပွတ်ႈတူဝ်ၸဝ်ႈၵဝ်ႇလႄႈ ႁႂ်ႈမိုဝ်းၵဝ်မူတ်းလီသႂ်လီလူၺ်ႈလွင်ႈ ၼမ်ႉလၢင်ႉသေၵေႃႈ၊
၃၁ မၼ်းၸဝ်ႈတၵ်းတွၵ်ႈၵဝ်ဢီးၵဝ်တူၵ်းသႂ်ႇၵႃႈၼႂ်းၶုမ်ၵူမ်ႇၶုမ်လိၼ်လႄႈ ၶူဝ်းၼုင်ႈၵဝ် တၵ်းလီႁင်ႈၵဝ်ဢေႃႈ။
၃၂ မၼ်းၸဝ်ႈဢမ်ႇၸႂ်ႈၵူၼ်းမိူၼ်ၸိူဝ်ႉၼင်ႇၵဝ်လႄႈၵဝ်တၵ်းလဝ်ႈလၢတ်ႈတီႈမၼ်းၸဝ်ႈလႆႈၸိူဝ်ႉၼင်ႇႁိုဝ်။ၵဝ်တၵ်းထူပ်းတြႃးလူၺ်ႈၵၼ် တင်းမၼ်းၸဝ်ႈလႆႈၸိူဝ်ႉၼင်ႇႁိုဝ်။
၃၃ ပေႃးဢမ်ႇမီးၵူၼ်းဝူင်ႈၵၢင်ၵႃတီႈၵႄႈဝူင်ႈၵၢင်ႁႃး ႁႂ်ႈလႆႈယုၵ်ႉမိုဝ်းမၼ်း သေလႄႈၶႄႁႃး၊ ၵေႃႉဢၼ်တၵ်းၶိုၼ်းယိုတ်းဢဝ်ၶွၼ်ႉမၼ်းၸဝ်ႈသေၵႃႈတီႈၵဝ်လႄႈ
၃၄ ႁႂ်ႈတၢင်းဢၼ်ၵူဝ်ႁႄမၼ်းၸဝ်ႈၼၼ်ႉၵႆၵၼ်တင်းၵဝ်ၸိုင်ၵဝ်ယင်းဢမ်ႇၵူဝ်ႁႄလႄႈ တၵ်းမီးဢၶႂၢင်ႉဢၼ်လႆႈလၢတ်ႈဢေႃႈ။
၃၅ မိူဝ်ႈလဵဝ်ၼႆႉၸမ်း၊ ဢမ်ႇပဵၼ်ၸိူဝ်ႉၼင်ႇၼၼ်ၵႃႈၼႂ်းတူဝ်ၵဝ်ၼႆႉ။