၆
ယေႃႇၽ
၁ လၢႆးသမ်ႉ ယေႃႇၽ ဢွၵ်ႇသူပ်းၶိုၼ်းလၢတ်ႈလႄႈဝႃႈၸမ်း၊-
၂ ပေႃးတေၸင်ႊႁိဝ်ႈတူၺ်းလွင်ႈတၢင်းဢၼ်ၵဝ်ငိၼ်းၶီငိၼ်းၽၢၼ် ဢဝ်တုၵ်ႉၶႃႉတၢင်းၽၢၼ်ၵဝ်ၸင်ႊၵႃႈၼိူဝ်ယႃႇၸူႇၸိုင် ယိင်ႈၶႅၼ်းတၵ်းၼၵ်းသသေၢႆး ၼမ်ႉသမ်ႇမုၵ်ႉတြႃႇဢေႃႈ။
၃ ၵွပ်ႈပိူဝ်ႈၼင်ႇၼၼ်လႄႈၵႂၢမ်း ၵဝ်လႆႈပူၼ်ႉလႆႈလိူဝ်ၵႂႃႇယဝ်ႉ။
၄ ပိုၼ်ႈၸဝ်ႈဢၼၼ်ႇတႃႉတၼ်းၶူဝ်းပိုတ်းယိုဝ်း တိူဝ်ႉမႅၼ်ႈၸပ်းသႂ်ႇၸူၵ်ႉသႂ်ႇတီႈၵဝ်လႄႈ ၵွင်ႉမၼ်းယၢင်ႈမၼ်းသူတ်ႉဢိုၵ်ႉၵိၼ်ဝိၺိၺ်ႇ ၵဝ်ယဝ်ႉ။
၅ တၢင်းဢၼ်လီၵူဝ်လီႁႄၽြႃးပဵၼ်ၸဝ်ႈၼႄပျႃးၸိူဝ်းၼၼ်ႉ ၶၢင်းတပ်ႉၶၢင်းငႃးယူႇၽၢႆႇၼိုင်ႈတင်းၵဝ်ယဝ်ႉ။ၸွင်ႇမႃႉလီႈထိူၼ်ႇ ၸၢင်ႊႁွင်ႉႁႄႁွင်ႉၶၢင်းယၢမ်းမိူဝ်ႈဢၼ်မီးယိူဝ်ႈမီးၵဵင်ၼၼ်ႉႁိုဝ်။ၸွင်ႇဝူဝ်းၸၢင်ႊႁွင်ႉဝေႃႈမိူဝ်ႈဢၼ်မီးတၢင်းၵိၼ်တၢင်းၶူပ်းၼၼ်ႉႁိုဝ်။
၆ တၢင်းၵိၼ်တၢင်းၶူပ်း ဢၼ်ၸၢင်ႇဢၼ်ၸႅတ်ႈၼၼ်ႉယင်းဢမ်ႇပႃးၵိူဝ်လႄႈၵိၼ်လႆႁိုဝ်။ၵိူမ်ႈၶႆႇၵႆႇၼၼ်ႉမီးဢရႃႉသႃႇတၢင်းဝၢၼ်တၢင်းမၼ်းႁိုဝ်။
၇ ၵဝ်ဢမ်ႇတိူဝ်ႉဢမ်ႇထုၵ်ႇၸိူဝ်းၼၼ်ႉ။ပဵၼ်တၢင်းၵိၼ်တၢင်းၶူပ်းဢၼ် လီႁင်ႈဢဵတ်ႇသဵတ်ႇတီႈၵဝ်ဢေႃႈ။
၈ ႁႂ်ႈၵဝ်လႆႈလွင်ႈတၢင်းဢၼ်ၵဝ်ယွၼ်းၼၼ်ႉသေၵမ်းလူၺ်ႈ။ႁႂ်ႈၽြႃးပဵၼ်ၸဝ်ႈဢိတ်းလူပၼ် လွင်ႈတၢင်းဢၼ်ၵဝ်မုင်ႈမွင်း ယူႇၼၼ်ႉသေၵမ်းလူၺ်ႈ။
၉ လွင်ႈတၢင်းဢၼ်ၵဝ်မုင်ႈမွင်းၸမ်း ႁႂ်ႈၽြႃးပဵၼ်ၸဝ်ႈ ယႃႉၽဵဝ်ၵဝ်ပႅတ်ႈသေၵမ်းလူၺ်ႈ။ႁႂ်ႈမၼ်းၸဝ်ႈယဵတ်ႇမိုဝ်းမၼ်းၸဝ်ႈၸူးလႄႈႁႂ်ႈၵဝ်တူၵ်းသုမ်းသေၵမ်းလူၺ်ႈ။
၁၀ ပေႃးႁဵတ်းၸိူဝ်ႉၼင်ႇၼၼ်ၸိုင်ၵဝ်တၵ်းလႆႈသၢၵ်ႈသႃႇမႃးဢေႃႈ။ၸႂ်ႈယဝ်ႉ။ၵဝ်တၵ်းသႂၢင်ႇသိူဝ်း ၼႂ်းတၢင်းဢၼ်ၶူပ်းၶိုၼ်ႈဢၼ်ဢမ်ႇဢိတ်းလူဢမ်ႇသေလၢႆၼၼ်ႉဢေႃႈ။လွင်ႈမၼ်းၸမ်းၵဝ်ဢမ်ႇတွပ်ႇထဵင် ပုၼ်ႈၸိူဝ်းၵႂၢမ်းၸဝ်ႈဢၼ် မူတ်းၸၢင်ႇၼၼ်ႉယဝ်ႉ။
၁၁ ႁႅင်းၵဝ်ပဵၼ်ၸိူဝ်ႉၼင်ႇႁိုဝ်လႄႈႁႂ်ႈၵဝ်လႆႈမီးဢၶႂၢင်ႉဢၼ်မုင်ႈမွင်းယူႇ၊ ဢၵျူဝ်းဢၼ်တၵ်းလႆႈၶၢမ်ႇၵမ်းလိုၼ်းသုတ်းၼၼ်ႉ ပဵၼ်ၸိူဝ်ႉၼင်ႇႁိုဝ်လႄႈ ႁႂ်ႈၵဝ်လႆႈယိူၼ်ႉယူႇၵၼ်ႈယူႇ၊ႁႅင်းၵဝ်ၼႆႉပဵၼ်ႁႅင်းမၢၵ်ႇႁိၼ်ႁိုဝ်၊ၼိူဝ်ႉၵဝ်ၼႆႉပဵၼ်ၼိူဝ်ႉတွင်းလိူင်ႁိုဝ်။
၁၂ ပဵၼ်တၢင်းဢၼ် ၵဝ်ဢမ်ႇၸွႆႈထႅမ်တူဝ်ၸဝ်ႈၵဝ်ႇလႆႈ ဢမ်ႇၸႂ်ႈႁိုဝ်။
၁၃ တၢင်းဢၼ်သၢၵ်ႈသႃႇၶႅၼ်းမႃးၼၼ်ႉလႆႈၶၢမ်ႇတၢင်းဢၼ် ႁေႃႈဢွၵ်ႇပႅတ်ႈသေၵႃႈတီႈၵဝ် ယဝ်ႉဢမ်ႇၸႂ်ႈႁိုဝ်။
၁၄ ၵေႃႉဢၼ်ပဵၼ်ၵေႃႉပဵၼ်သေႈၼၼ်ႉထုၵ်ႇလီဢိတ်းလူ ၵေႃႉဢၼ်ႁွတ်ႈထိုင်တၢင်းဢၼ်ႁူဝ်ၸႂ်တႅၵ်ႇလႅဝ်ၼၼ်ႉဢေႃႈ။ပေႃးဢမ်ႇၼၼ်မၼ်းၼၼ်ႉတၵ်းၸုၼ်ႉပႅတ်ႈသၽေႃးဢၼ်ၵူဝ်ႁႄ ၸဝ်ႈဢၼၼ်ႇ တႃႉတၼ်းၶူဝ်းၼၼ်ႉၵႂႃႇဢေႃႈ။
၁၅ ပီႈၵဝ်ၼွင်ႉၵဝ်ဢမ်ႇဢိင်ႈပိူင်လႆႈ မိူၼ်ၸိူဝ်ႉၼင်ႇၼမ်ႉႁွင်ႈၼႂ်းႁူၺ်ႈၼႂ်းႁွင်ႊ ဢၼ်ၸၢင်ႊယူတ်းၵႂႃႇႁႅင်ႈၵႂႃႇ၊
၁၆ ဢၼ်ၶုၼ်ႇၵႂႃႇဢူၼ်ၵႂႃႇလူၺ်ႈ ၼမ်ႉၵွၼ်ႈၼမ်ႉၵၢမ်ႈဢိၵ်ႇတင်း မူၺ်ႁႃႇဢၼ်မူၵ်းယူႇတဵတ်ႇယူႇၵႃႈၼႂ်းမၼ်းၼၼ်ႉဢေႃႈ။
၁၇ ၸၢင်ႊသဵင်ႈၵႂႃႇႁၢႆၵႂႃႇ မိူဝ်ႈၶိင်ႇဢၼ်ႁွၼ်ႉဢၼ်မႆႈၼၼ်ႉလႄႈ ၸၢင်ႊယူတ်းၵႂႃႇႁႅင်ႈၵႂႃႇသေၵႃႈတီႈမၼ်းမိူဝ်ႈၶိင်ႇဢၼ်လႅတ်ႇမႆႈလႅတ်ႇၶႅၼ်ႇၼၼ်ႉဢေႃႈ။
၁၈ မုၵ်ႉၵူၼ်းၸိူဝ်းၵူၼ်း ၸွမ်းသဵၼ်ႈတၢင်းႁိမ်းၼမ်ႉႁွင်ႊၸိူဝ်းၼၼ်ႉလႄႈ ဢွၼ်ၵၼ်ငႅၵ်းပႅတ်ႈဝႄႈပႅတ်ႈသေလႄႈ ၶဝ်ႈၵႂႃႇၼႂ်းပၢင်ႇပလႁႃႇသေလႄႈႁၢႆၵႂႃႇဢေႃႈ။
၁၉ မုၵ်ႉၵူၼ်းၸိူဝ်းၵူၼ်းမဵဝ်းတႄႇမၼ်ႈၸိူဝ်းၼၼ်ႉ ဢွၼ်ၵၼ်ႁႃဢဝ်ဢေႃႈ။မုၵ်ႉၵူၼ်းၸိူဝ်းၵူၼ်းဢၼ်လုၵ်ႉသေၵႃႈတီႈမိူင်းသေႇၽၵႂႃႇတၢင်းပႆတၢင်းၸိူဝ်းၼၼ်ႉဢွၼ်ၵၼ်မုင်ႈမွင်းယူႇဢေႃႈ။
၂၀ ဢွၼ်ၵၼ်မုင်ႈမွင်းလႄႈႁွတ်ႈတၢင်းဢၼ်ဢူၵ်းဢၢႆဢေႃႈ။ၶဝ်ႁွတ်ႈထိုင်ၵႃႈတီႈ ၼၼ်ႉလႄႈၸႂ်လူႉဢေႃႈ။
၂၁ မိူၼ်ၸိူဝ်ႉၼင်ႇၼၼ်သူၼႆႉဢွၼ်ၵၼ်ပဵၼ်ဢၼ်လၢႆလၢႆ ဢမ်ႇပွင်ႇလွင်ႈၵႃႈသင် လူင်ပေႇ။
၂၂ သူဢွၼ်ၵၼ်ႁၼ်တၢင်းဢၼ်လီၵူဝ်လီႁႄလႄႈတူၵ်းၸႂ်ဢေႃႈ။ၸွင်ႇၵဝ်လၢတ်ႈဝႃႈ၊-ဢွၼ်ၵၼ်ဢဝ်သေၸိူဝ်ႉသေပိူင်ပၼ်တီႈၵဝ်သေၵမ်း။ ဢွၼ်ၵၼ်ဢဝ်ၵႃႈၼႂ်းၶူဝ်းလဵင်းသူၼၼ်ႉဢွၵ်ႇလႄႈ ပၼ်သူးပၼ် လၢပ်ႈတီႈၵဝ်သေၵမ်း။
၂၃ ဢွၼ်ၵၼ်ၵႄႇသႄႇဢဝ်ၶဝ်ဢွၵ်ႇသေၵႃႈၼႂ်းမိုဝ်းရၢၼ်ႇသူႇသေၵမ်း။ ဢွၼ်ၵၼ်ထူတ်ႇၼုၵ်ႈဢဝ်ၵဝ် ဢွၵ်ႇသေၵႃႈၼႂ်းမိုဝ်းၵေႃႉဢၼ်ၼိၵ်ႈၸၢၵ်ႈငႅၼ်းသေးၼၼ်ႉသေၵမ်း၊ ဝႃႈၼင်ႇၼႆႁိုဝ်။
၂၄ ဢွၼ်ၵၼ်သင်ႇသွၼ်ၵဝ်သေၵမ်း။ၵဝ်တၵ်းယူႇတဵတ်ႇတဵတ်ႇယဵၼ်ယဵၼ်ဢေႃႈ။ဢွၼ်ၵၼ်ႁဵတ်းႁႂ်ႈၵဝ်လႆႈႁူႉလွင်ႈဢၼ်ၵဝ်ၽိတ်းပိူင်ႈလူၺ်ႈၵႃႈသင်ၼၼ်ႉသေ ၵမ်း။
၂၅ ၵႂၢမ်းဢၼ်ၸိုဝ်ႈၸႂ်ႈမၢၼ်ႇမႅၼ်ႈၼၼ်ႉမီးတၼ်းၶူဝ်းယႂ်ႇၼႃႇဢေႃႈ။ၵႂၢမ်းဢၼ်သူသေႉသွမ်းၼၼ်ႉတူၵ်းတီႈတူၵ်းလႅၼ်ၵႃႈတီႈ လႂ်။
၂၆ သူဢွၼ်ၵၼ်ၵျၢမ်ႇပွင်တၵ်းတၢင်ႇဢပျႅတ်ႈတီႈၵႂၢမ်းၼႆႉႁိုဝ်။ၵႂၢမ်းၵေႃႉဢၼ်ဢမ်ႇမီးတီႈဢၼ်လီမုင်ႈလီမွင်းလႄႈ လၢတ်ႈၼၼ်ႉပဵၼ်လူမ်း လွၼ်ႉလွၼ်ႉၸႅတ်ႈၸႅတ်ႈဢေႃႈ။
၂၇ သူဢွၼ်ၵၼ်တူၵ်းၸႃႇၵွၵ်ႈ ပုၼ်ႈဢၼ်တၵ်းပိူင်ႇဢဝ်လုၵ်ႈတိၼ်းၽႃႉၼၼ်ႉဢမၢၼ်ႇၶၢၼ်ပဵၼ်ဢေႃႈ။သူဢွၼ်ၵၼ်ၶုတ်းၶုမ် ၶုတ်းႁူးပုၼ်ႈၵေႃႉသေႈသူဢေႃႈ။
၂၈ ယင်းဢမ်ႇဝႆႉၸႂ်မီးၸႂ် လႄႈဢွၼ်ၵၼ်လူတူၺ်းၵဝ်တႃႉ။
၂၉ ၵဝ်ဢမ်ႇၽႅတ်ႉဢမ်ႇလႅၼ်ၽႂ်ၵႃႈတီႈၽၢႆႇၼႃႈသူ။ဢွၼ်ၵၼ်သမ်ႉၶိုၼ်းၶႆႈၸႂ်ဝူၼ်ႉၸႂ်ထႅင်ႈသေၵမ်း။ ယႃႇပေဢွၼ်ၵၼ်ႁဵတ်းဢမ်ႇတြႃးသေၵမ်း။ဢွၼ်ၵၼ်သမ်ႉၶိုၼ်းၶႆႈၸႂ်ဝူၼ်ႉၸႂ်ထႅင်ႈ သေၵမ်း။
၃၀ ဢမူႉၵဝ်ၼႆႉသိုဝ်ႈတေႃႇယူႇဢေႃႈ။တီႈလိၼ်ႉၵဝ်ၼႆႉမီးသၽေႃးဢၼ်ၵူတ်ႉဢၼ်ငေႃးႁိုဝ်။ၵဝ်ၸိမ်းတူၺ်းလႄႈ ဢမ်ႇၸၵ်းၽႄႁူႉလႆႈလွင်ႈတၢင်းဢၼ်ပႃးဢပျႅတ်ႈၼၼ်ႉႁိုဝ်။