Chapter
၂၇
တၢင်းဢၼ်ၶိုၼ်းထွတ်ႇထူၺ်ႈဢဝ်
၁ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈ ၸမ်း၊-
၂ မႂ်းသင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊-ပေႃးသေၵေႃႉသေၵူၼ်းႁဵတ်းၵတိသႅတ်ႉၸႃႇလႄႈပုၵ်ႉၸေႃႇၸိုင် ၵေႃႉဢၼ်ထုၵ်ႇလီပုၵ်ႉၸေႃႇၼၼ်ႉ တၵ်းလႆႈပဵၼ်ပုၼ်ႈထႃႇဝရႃႉၽြႃးၸွမ်းၵႃႈၼင်ႇဢၼ် မႂ်းပျၢတ်ႈ ၵႃႊမၼ်းၶၼ်မၼ်းၼၼ်ႉ ဢေႃႈ။
၃ မႂ်းတၵ်းလႆႈပျၢတ်ႈၵႃႊမၼ်းၶၼ်မၼ်းၵႃႈႁိုဝ်ဝႃႈၼႆၸမ်း ၵူၼ်းၸၢႆးၸိုင် ဢဝ်ၵႃႈဢသၢၵ်ႈသၢဝ်းၼိုင်ႈ တေႃႇထိုင်ႁွတ်ႈႁူၵ်းသိပ်းပီႊၼၼ်ႉၸွမ်းလူၺ်ႈၼမ်ႉၼၵ်းငိုၼ်း ၸဝ်ႈၵျၢပ်ႈသၶေႇလၼၼ်ႉသေလႄႈတၵ်းလႆႈပျၢတ်ႈၵႃႊမၼ်းၶၼ်မၼ်းႁႃႈသိပ်းၵျၢပ်ႈ ဢေႃႈ။
၄ ပေႃးပဵၼ်ၵူၼ်းယိင်းၸိုင်မႂ်းတၵ်းလႆႈပျၢတ်ႈ ၵႃႊမၼ်းၶၼ်မၼ်းသၢမ်သိပ်းၵျၢပ်ႈဢေႃႈ။
၅ ဢဝ်ၵႃႈဢသၢၵ်ႈႁႃႈပီႊတေႃႇထိုင်ႁွတ်ႈသၢဝ်းၼိုင်ႈၼၼ်ႉတၵ်းလႆႈပျၢတ်ႈၵႃႊမၼ်းၶၼ်မၼ်း ၵူၼ်းၸၢႆးသၢဝ်း ၵျၢပ်ႈၵူၼ်းယိင်းသိပ်းၵျၢပ်ႈဢေႃႈ။
၆ ဢဝ်ၵႃႈဢသၢၵ်ႈလိူၼ်ၼိုင်ႈတေႃႇထိုင်ႁွတ်ႈႁႃႈၶူပ်ႇၼၼ်ႉ တၵ်းလႆႈပျၢတ်ႈၵႃႊမၼ်းၶၼ်မၼ်း ၵူၼ်းၸၢႆးငိုၼ်းႁႃႈၵျၢပ်ႈ ၵူၼ်းယိင်းသၢမ်ၵျၢပ်ႈဢေႃႈ။
၇ ဢဝ်ၵႃႈဢသၢၵ်ႈႁူၵ်းသိပ်းပီႊၶိုၼ်ႈၵႂႃႇၼၼ်ႉ တၵ်းလႆႈပျၢတ်ႈၵႃႊမၼ်းၶၼ်မၼ်းၵူၼ်းၸၢႆးသိပ်းႁႃႈၵျၢပ်ႈ ၵူၼ်းယိင်းသိပ်းၵျၢပ်ႈဢေႃႈ။
၈ ပေႃးမၼ်းဢမ်ႇတတ်ႈၼိုင်ႇ ၵႃႈၼင်ႇဢၼ်မႂ်းပျၢတ်ႈၵႃႊမၼ်းၶၼ်မၼ်းဝႆႉၼၼ်ႉလႆႈၸိုင် တၵ်းလႆႈမႃးၸူးၵႃႈတီႈယိတ်ႉပရေႃးႁိၵ်ႈလႄႈ ယိတ်ႉပရေႃးႁိၵ်ႈတၵ်းလႆႈပျၢတ်ႈၵႃႊမၼ်းၶၼ်မၼ်းၸွမ်း ၵႃႈၼင်ႇၵေႃႉဢၼ်ႁဵတ်းၵတိသႅတ်ႉၸႃႇၼၼ်ႉတတ်ႈၼိုင်ႇလႆႈၼၼ်ႉ ဢေႃႈ။
၉ ပေႃးပဵၼ်တရိၵ်ႈသၢၼ်ႇဢၼ်ၵူၼ်းပုၵ်ႉၸေႃႇတီႈထႃႇဝရႃႉၽြႃးၸိုင် ၵႃႈဢၼ်သေၵေႃႉသေၵူၼ်းပုၵ်ႉၸေႃႇတီႈထႃႇဝရႃႉၽြႃးၼၼ်ႉတၵ်းလႆႈမူတ်းၸၢင်ႇဢေႃႈ။
၁၀ ပဵၼ်တူဝ်ဢၼ်လီသေဢမ်ႇဝႃႈ၊ပဵၼ်တူဝ်ဢၼ်ၺၢမ်ႉသေဢမ်ႇဝႃႈ ဢမ်ႇလႆႈဢဝ်တူဝ်ၼိုင်ႈလႅၵ်ႈလၢႆႈတူဝ်ၼိုင်ႈ။ပေႃးမီးဢလူဝ်ႇၶႂ်ႈလႅၵ်ႈလၢႆၸိုင်တူဝ်ၼၼ်ႉတင်းတူဝ်ဢၼ်လႅၵ်ႈလၢႆႈၼၼ်ႉ တၵ်းလႆႈမူတ်းၸၢင်ႇ တင်းသွင်တူဝ်ဢေႃႈ။
၁၁ ပေႃးပဵၼ်တရိၵ်ႈသၢၼ်ႇဢၼ်ဢမ်ႇမူတ်းသႂ် ဢၼ်ဢမ်ႇထုၵ်ႇလီပုၵ်ႉၸေႃႇၵႃႈတီႈထႃႇဝရႃႉၽြႃးၼၼ်ႉၸိုင်မၼ်းတၵ်းလႆႈဢဝ်တူဝ် ၼၼ်ႉ
၁၂ ၼႄပျႃးတီႈယိတ်ႉပရေႃးႁိၵ်ႈလႄႈယိတ်ႉပရေႃးႁိၵ်ႈတၵ်းလႆႈပျၢတ်ႈ ၵႃႊမၼ်းၶၼ်မၼ်းၸွမ်းလူၺ်ႈဢၼ်လီ၊ဢၼ်ဢမ်ႇလီၼၼ်ႉဢေႃႈ။ၵႃႈၼင်ႇဢၼ်ယိတ်ႉပရေႃးႁိၵ်ႈပျၢတ်ႈၼၼ်ႉ ၵႃႊမၼ်းၶၼ်မၼ်းတၵ်း လႆႈမီးဢေႃႈ။
၁၃ ပေႃးၵေႃႉဢၼ်ပုၵ်ႉၸေႃႇၼၼ်ႉမီးဢလူဝ်ႇၶႂ်ႈထုတ်ႇဢဝ်ၶိုၼ်းၸိုင် မၼ်းတၵ်းလႆႈဢဝ်ၵႃႊၶၼ်ဢၼ်မႂ်းပျၢတ်ႈၼၼ်ႉႁႃႈပုၼ်ႊပုၼ်ႊၼိုင်ႈ ထၢပ်ႈထႅင်ႈ လႄႈပၼ်ဢေႃႈ။
၁၄ ပေႃးသေၵေႃႉသေၵူၼ်းႁႂ်ႈႁိူၼ်းမၼ်းမူတ်းၸၢင်ႇပုၼ်ႈထႃႇဝရႃႉၽြႃးၸိုင် ယိတ်ႉပရေႃးႁိၵ်ႈတၵ်းလႆႈပျၢတ်ႈၵႃႊမၼ်းၶၼ်မၼ်း ၸွမ်းလူၺ်ႈဢၼ်လီဢၼ်ဢမ်ႇလီၼၼ်ႉဢေႃႈ။ ၵႃႈၼင်ႇဢၼ်ယိတ်ႉပရေႃးႁိၵ်ႈပျၢတ်ႈၼၼ်ႉၵႃႊမၼ်းၶၼ်မၼ်းတၵ်းလႆႈ မီးဢေႃႈ။
၁၅ ပေႃးၵေႃႉဢၼ်ႁႂ်ႈႁိူၼ်းမၼ်းမူတ်းၸၢင်ႇၼၼ်ႉမီးဢလူဝ်ႇၶႂ်ႈထုတ်ႇဢဝ်ၶိုၼ်းၸိုင် မၼ်းတၵ်းလႆႈဢဝ်ၵႃႊမၼ်းၶၼ်မၼ်း ဢၼ်မႂ်းပျၢတ်ႈၼၼ်ႉႁႃႈပုၼ်ႊပုၼ်ႊၼိုင်ႈ ထၢပ်ႈထႅင်ႈသေလႄႈပၼ်လႄႈဢဝ် ႁိူၼ်းၼၼ်ႉဢေႃႈ။
၁၆ ပေႃးသေၵေႃႉသေၵူၼ်းႁႂ်ႈႁႆႊၼႃးဢၼ်မၼ်းပိူင်ႇၼၼ်ႉ မူတ်းၸၢင်ႇပုၼ်ႈထႃႇဝရႃႉၽြႃးၵမ်ႈၽွင်ႈၸိုင် မႂ်းတၵ်းလႆႈပျၢတ်ႈၵႃႊမၼ်းၶၼ်မၼ်းၸွမ်းၵႃႈၼင်ႇဢၼ်လႆႈဝၢၼ်ႇၸိူဝ်ႉဝၢၼ်ႇၽၼ်း ၼၼ်ႉဢေႃႈ။
၁၇ ဢၼ်လႆႈဝၢၼ်ႇၸိူဝ်ႉဝၢၼ်ႇၽၼ်းၶဝ်ႈမူႉယေႃးဢေႃႇမေႇၼိုင်ႈၼၼ်ႉၸမ်း တၵ်းလႆႈပျၢတ်ႈၵႃႊမၼ်းၶၼ်မၼ်း ငိုၼ်းၵျၢပ်ႈသၶေႇလႁႃႈသိပ်းၵျၢပ်ႈဢေႃႈ။ ပေႃးမၼ်းႁႂ်ႈႁႆႊၼႃးမၼ်းမူတ်းၸၢင်ႇၸႃႉၸဵမ်ပီႊယုၽိလိၼၼ်ႉၸိုင် ၵႃႈၼင်ႇဢၼ်မႂ်းပျၢတ်ႈၵႃႊ မၼ်းၶၼ်မၼ်းတၵ်းလႆႈမီးဢေႃႈ။
၁၈ ပေႃးႁႆႊၼႃးမၼ်းမူတ်းၸၢင်ႇလိုၼ်းသပေီႊယုၽိလိၼၼ်ႉၸိုင် ယိတ်ႉပရေႃးႁိၵ်ႈတၵ်းလႆႈၼပ်ႉဢၢၼ်ႇငိုၼ်း ၸွမ်းလူၺ်ႈပီႊဢၼ်ယင်းလူဝ်ႇထႅင်ႈ ႁႂ်ႈလႆႈၶိုတ်းထိုင်ပီႊယုၽိလိဢၼ်တၵ်းမႃးၵမ်းလိုၼ်းၼၼ်ႉလႄႈ ယွမ်းသေၵႃႈ ၼႂ်းငိုၼ်းဢၼ်မႂ်းပျၢတ်ႈဝႆႉၼၼ်ႉဢေႃႈ။
၁၉ ပေႃးၵေႃႉဢၼ်ႁႂ်ႈႁႆႊၼႃးမၼ်းမူတ်းၸၢင်ႇၼၼ်ႉ မီးဢလူဝ်ႇၶႂ်ႈထုတ်ႇဢဝ်ၶိုၼ်းၸိုင် မၼ်းတၵ်းလႆႈဢဝ်ၵႃႊၶၼ်ဢၼ်မႂ်းပျၢတ်ႈၼၼ်ႉႁႃႈပုၼ်ႊပုၼ်ႊၼိုင်ႈထၢပ်ႈထႅင်ႈသေ လႄႈပၼ်လႄႈပိူင်ႇဢဝ်ႁႆႊၼႃးၼၼ်ႉဢေႃႈ။
၂၀ ပေႃးဢမ်ႇၼၼ် ပေႃးမၼ်းဢမ်ႇမီးဢလူဝ်ႇၶႂ်ႈထုတ်ႇဢဝ်ႁႆႊၼႃးၼၼ်ႉ ဢမ်ႇၼၼ်ၵေႃႈပေႃးၶႂ်ႈပၼ်တီႈပိူၼ်ႈတၢင်ႇၵေႃႉၸိုင် ၵမ်းလိုၼ်းမၼ်းဢမ်ႇလႆႈထုတ်ႇဢဝ်။
၂၁ ႁႆႊၼႃးၼၼ်ႉ မိူဝ်ႈဢၼ်လွတ်ႈသေဢမူႉၼႂ်းပီႊယုၽိလိၼၼ်ႉယဝ်ႉၸိုင် တၵ်းလႆႈမူတ်းၸၢင်ႇတီႈထႃႇဝရႃႉၽြႃးမိူၼ်ၸိူဝ်ႉၼင်ႇႁႆႊၼႃးဢၼ်ၵိၼ်ႇဝႃႈၼၼ်ႉလႄႈ ပဵၼ် ဢုၵ်ႉၸႃႇယိတ်ႉပရေႃးႁိၵ်ႈဢေႃႈ။
၂၂ ပေႃးသေၵေႃႉသေၵူၼ်းဢဝ်ႁႆႊၼႃး ဢၼ်ဢမ်ႇၸႂ်ႈဢၼ်မၼ်းပိူင်ႇယူႇၵဝ်ႇၵဝ်ႇ ဢၼ်မၼ်းသိုဝ်ႉဢဝ်ၼၼ်ႉႁႂ်ႈမူတ်းၸၢင်ႇပုၼ်ႈ ထႃႇဝရႃႉၽြႃးၸိုင်
၂၃ ယိတ်ႉပရေႃးႁိၵ်ႈတၵ်းလႆႈၼပ်ႉဢၢၼ်ႇၵႃႊမၼ်းၶၼ်မၼ်း ဢၼ်မႂ်းပျၢတ်ႈတေႃႇထိုင်ႁွတ်ႈပီႊယုၽိလိၼၼ်ႉလႄႈၼႂ်းဝၼ်းၼၼ်ႉမၼ်းတၵ်းလႆႈပၼ်ၵႃႊၶၼ် ဢၼ်မႂ်းပျၢတ်ႈဢၼ်ဝႃႈလွင်ႈတၢင်းဢၼ်မူတ်းၸၢင်ႇတီႈ ထႃႇဝရႃႉၽြႃးၼၼ်ႉဢေႃႈ။
၂၄ မိူဝ်ႈဢၼ်ႁွတ်ႈထိုင်ပီႊယုၽိလိၸိုင် တၵ်းႁႂ်ႈႁႆႊၼႃးၼၼ်ႉ ၶိုၼ်းၸူးၵႃႈၼႂ်းမိုဝ်းၵေႃႉဢၼ်ၶၢႆဢၼ်ဝႃႈၵေႃႉ ဢၼ်ပိူင်ႇယူႇၵဝ်ႇၵဝ်ႇၼၼ်ႉဢေႃႈ။
၂၅ ၼႂ်းတၢင်းဢၼ်မႂ်းပျၢတ်ႈၵႃႈမၼ်းၶၼ်မၼ်းၵႃႈမီးၼၼ်ႉမႂ်းတၵ်းလႆႈပျၢတ်ႈ ၸွမ်းၼမ်ႉၼၵ်းငိုၼ်းၸဝ်ႈၵျၢပ်ႈသၶေႇလၼၼ်ႉဢေႃႈ။ၵျၢပ်ႈသၶေႇလၼၼ်ႉၸမ်းပဵၼ်သၢဝ်းၵေႇ ရႃႉဢေႃႈ။
၂၆ တရိၵ်ႈသၢၼ်ႇဢၼ်ပဵၼ်လုၵ်ႈတူၼ်ႈလႄႈထႃႇဝရႃႉၽြႃးထိူၵ်ႈပိူင်ႇၼၼ်ႉၸိုင် ၽူႈ လႂ်ဢမ်ႇလႆႈဢဝ်သၢၵ်ႈၵၢပ်ႈ။ပဵၼ်ဝူဝ်းသေဢမ်ႇဝႃႈ၊ပဵၼ်သူဝ်းသေဢမ်ႇဝႃႈလုၵ်ႈတူၼ်ႈၼၼ်ႉ ပဵၼ်ဢုၵ်ႉၸႃႇထႃႇဝရႃႉ ၽြႃးယဝ်ႉဢေႃႈ။
၂၇ ပေႃးပဵၼ်တရိၵ်ႈသၢၼ်ႇဢၼ်ဢမ်ႇမူတ်းသႂ်ၸိုင်တၵ်းလႆႈၸွမ်းၼင်ႇဢၼ်မႂ်းပျၢတ်ႈၵႃႊမၼ်းၶၼ်မၼ်းၼၼ်ႉသေလႄႈ ဢဝ်ႁႃႈပုၼ်ႊပုၼ်ႊၼိုင်ႈထၢပ်ႈထႅင်ႈလႄႈပၼ်ဢေႃႈ။ ပေႃးဢမ်ႇမီးဢလူဝ်ႇၶႂ်ႈထုတ်ႇဢဝ်ၸိုင် တၵ်းလႆႈၸွမ်းၼင်ႇဢၼ်မႂ်းပျၢတ်ႈၵႃႊမၼ်းၶၼ်မၼ်းၼၼ်ႉသေလႄႈၶၢႆဢေႃႈ။
၂၈ ၵူၺ်းၵႃႈပဵၼ်ၵူၼ်းသေဢမ်ႇဝႃႈ၊ပဵၼ်တရိၵ်ႈသၢၼ်ႇသေဢမ်ႇဝႃႈ၊ ပဵၼ်ႁႆႊၼႃးဢၼ်တူဝ်ၸဝ်ႈၵဝ်ႇပိူင်ႇယူႇၵဝ်ႇၵဝ်ႇၼၼ်ႉသေဢမ်ႇဝႃႈ ၵႃႈဢၼ်ဢဝ်ၵႃႈၼႂ်းဢၼ်မၼ်းထိူၵ်ႈပိူင်ႇၼၼ်ႉ ၵိၼ်ႇဝႃႈသေလႄႈ ပုၵ်ႉၸေႃႇတီႈထႃႇဝရႃႉၽြႃးၼၼ်ႉၸိုင် ဢမ်ႇလႆႈၶၢႆဢမ်ႇလႆႈထုတ်ႇဢဝ်။ၵႃႈဢၼ်ၵိၼ်ႇဝႃႈလႄႈပုၵ်ႉၸေႃႇၸိူဝ်းၼၼ်ႉတၵ်းလႆႈမူတ်းၸၢင်ႇၼႃလူင်လၢင်တီႈ ထႃႇဝရႃႉ ၽြႃးဢေႃႈ။
၂၉ ၵူၼ်းသေၵေႃႉၵေႃႉပေႃးၵိၼ်ႇဝႃႈလႄႈပုၵ်ႉၸေႃႇၸိုင်ၵမ်းလိုၼ်းတၵ်းဢမ်ႇလႆႈထုတ်ႇဢဝ်။တၵ်း လႆႈဢဝ်တၢႆဢေႃႈ။
၃၀ ပဵၼ်ၸိူဝ်ႉပဵၼ်ၽၼ်းသေဢမ်ႇဝႃႈပဵၼ်မၢၵ်ႇမႆႉမၢၵ်ႇတွၵ်ႇသေဢမ်ႇဝႃႈ မၢၵ်ႇႁူင်းၵႃႈဢၼ်ပဵၼ်မႃးၵႃႈတီႈလိၼ်သိပ်းပုၼ်ႈပုၼ်ႈၼိုင်ႈၼၼ်ႉ ပဵၼ်ဢုၵ်ႉၸႃႇထႃႇဝရႃႉၽြႃးဢေႃႈ။တၵ်းလႆႈမူတ်းၸၢင်ႇပုၼ်ႈထႃႇဝရႃႉၽြႃးဢေႃႈ။
၃၁ ပေႃးသေၵေႃႉသေၵူၼ်းမီးဢလူဝ်ႇၶႂ်ႈထုတ်ႇဢဝ် သိပ်းပုၼ်ႊပုၼ်ႊၼိုင်ႈၼၼ်ႉၸိုင် မၼ်းတၵ်းလႆႈဢဝ်ႁႃႈပုၼ်ႊပုၼ်ႊၼိုင်ႈထၢပ်ႈ ထႅင်ႈသေလႄႈပၼ်ဢေႃႈ။
၃၂ ပဵၼ်ဝူဝ်းသေဢမ်ႇဝႃႈပဵၼ်သူဝ်းပဵၼ်ပေႉသေဢမ်ႇဝႃႈ တူဝ်ဢၼ်ၵႂႃႇတႂ်ႈၶွၼ်ႉဝၢႆၵႃႈမီးသိပ်းပုၼ်ႊပုၼ်ႊၼိုင်ႈ တၵ်းလႆႈမူတ်းၸၢင်ႇပုၼ်ႈ ထႃႇဝရႃႉၽြႃးဢေႃႈ။
၃၃ မၼ်းဢမ်ႇလႆႈၸႅတ်ႈတူၺ်းထၢမ်တူၺ်းလွင်ႈဢၼ်လီႁိုဝ်ၺၢမ်ႉႁိုဝ်ၼၼ်ႉ။ မၼ်းဢမ်ႇလႆႈဢဝ်တူဝ်ၼိုင်ႈလႅၵ်ႈလၢႆႈတူဝ်ၼိုင်ႈ။ပေႃးမၼ်းမီးဢလူဝ်ႇၸိုင်တူဝ်ၼၼ်ႉဢိၵ်ႇတင်း တၢင်းဢၼ်လႅၵ်ႈလၢႆႈၼၼ်ႉ တၵ်းလႆႈမူတ်းၸၢင်ႇတင်းသွင်တူဝ်ဢေႃႈ။ဢမ်ႇလႆႈထုတ်ႇဢဝ်လႃးလႃးဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
၃၄ ဢၼ်ၼႆႉၸမ်း ပဵၼ်ပိင်းၺၢပ်ႈတင်းလၢႆဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမုဝ်းသေႇ ပုၼ်ႈၵူၼ်းမဵဝ်းဢိသရေႇလၸိူဝ်းၼၼ်ႉၵႃႈတီႈၼိူဝ်လွႆသိၼႃႇဢေႃႈ။