Chapter
၉
ယိတ်ႉပရေႃးႁိၵ်ႈတႄႇၸႃႉပွင်ႁဵတ်းဢမူႉတေႃႇ
၁ ဝၼ်းဢၼ်ထူၼ်ႈထိုင်ပႅတ်ႇဝၼ်းၼၼ်ႉမုဝ်းသေႇ ႁွင်ႉဢဝ်ဢႃႇရုၼ်ႇ တင်းလုၵ်ႈၸၢႆးမၼ်းၸိူဝ်းၼၼ်ႉဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်ၼႂ်းၵူၼ်းမဵဝ်း ဢိသရေႇလတင်းလၢႆၼၼ်ႉသေလႄႈလၢတ်ႈတီႈ ဢႃႇရုၼ်ႇ လႄႈဝႃႈ၊-
၂ မႂ်းဢဝ်ဝူဝ်းပေႃႈဢွၼ်ႇဢၼ်ဢမ်ႇပႃးဢၢင်ႇၵႃႇလူႉၼၼ်ႉတူဝ်ၼိုင်ႈ ပုၼ်ႈယိၸ်ႉဢၼ်ၽေႇဢပျႅတ်ႈ တင်းသူဝ်းပေႃႈဢၼ်ဢမ်ႇပႃးဢၢင်ႇၵႃႇလူႉၼၼ်ႉတူဝ်ၼိုင်ႈ ပုၼ်ႈယိၸ်ႉဢၼ်တုတ်ႇၽႆးသေလႄႈ ပုၵ်ႉၸေႃႇၵႃႈတီႈၽၢႆႇၼႃႈထႃႇဝရႃႉၽြႃးတႃႉ။
၃ တီႈၵူၼ်းမဵဝ်းဢိသရေႇလ တင်းလၢႆၼၼ်ႉၵေႃႈမႂ်းလၢတ်ႈလႄႈဝႃႈ၊-သူဢဝ်ပေႉပေႃႈဢွၼ်ႇတူဝ်ၼိုင်ႈပုၼ်ႈယိၸ်ႉဢၼ်ၽေႇဢပျႅတ်ႈ၊ ဝူဝ်းဢွၼ်ႇတူဝ်ၼိုင်ႈတင်းသူဝ်းဢွၼ်ႇတူဝ်ၼိုင်ႈ ဢၼ်ဢမ်ႇပႃးဢၢင်ႇၵႃႇလူႉဢၼ် ဢမ်ႇပႆႇၶွပ်ႈၶူပ်ႇပုၼ်ႈယိၸ်ႉ
၄ ဢၼ်တုတ်ႇၽႆးၼၼ်ႉဝူဝ်းပေႃႈတူဝ်ၼိုင်ႈတင်းသူဝ်းပေႃႈတူဝ်ၼိုင်ႈပုၼ်ႈယိၸ်ႉမိၵ်ႉသႁႃႇယႃႉႁႂ်ႈလႆႈပုၵ်ႉၸေႃႇၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉ ဢိၵ်ႇတင်းတၢင်းပုၵ်ႉၸေႃႇၽေႃးၸဵၼ်ႇဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉတႃႉ။ဝၼ်းမိူဝ်ႈၼႆႉ ထႃႇဝရႃႉၽြႃး တၵ်းထၢင်ႇသႃးမႃးတီႈသူဢေႃႈ၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
၅ ၶဝ်ဢွၼ်ၵၼ်ဢဝ်ဢၼ်မုဝ်းသေႇ သင်ႇလၢတ်ႈဝႆႉၸိူဝ်းၼၼ်ႉမႃးၵႃႈတီႈၽၢႆႇၼႃႈသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈသေယဝ်ႉပရိၵ်ႈသၢတ်ႈတင်းသဵင်ႈတင်းလူင် ဢွၼ်ၵၼ်သုတ်ႉၸပ်းသုတ်ႉၸူးလႄႈယူႇၵႃႈ တီႈၽၢႆႇၼႃႈထႃႇဝရႃႉၽြႃးဢေႃႈ။
၆ မုဝ်းသေႇၵေႃႈလၢတ်ႈလႄႈဝႃႈ၊- ထႃႇဝရႃႉၽြႃးသင်ႇလၢတ်ႈဝႆႉႁႂ်ႈသူႁဵတ်းၸိူဝ်ႉၼင်ႇၼႆယဝ်ႉလႄႈ မုၼ်ၽုင်းထႃႇဝရႃႉၽြႃးတၵ်းထၢင်ႇသႃးမႃးတီႈသူဢေႃႈ၊ ဝႃႈၼင်ႇၼႆဢေႃႈ။
၇ မုဝ်းသေႇသမ်ႉလၢတ်ႈတီႈဢႃႇရုၼ်ႇလႄႈဝႃႈ၊-မႂ်းသုတ်ႉၸပ်းသုတ်ႉၸူးၵႃႈတီႈယိၸ်ႉပလၢင်ႇလႄႈ ပုၵ်ႉၸေႃႇယိၸ်ႉဢၼ်ၽေႇဢပျႅတ်ႈမႂ်းတင်းယိၸ်ႉဢၼ်တုတ်ႇၽႆးမႂ်းလႄႈ ႁဵတ်းတၢင်းဢၼ်ၽေႇဢပျႅတ်ႈပုၼ်ႈမႂ်း ဢိၵ်ႇတင်းၵူၼ်းတင်းလၢႆၼၼ်ႉတႃႉ။တၢင်းပုၵ်ႉၸေႃႇဢၼ်ၵူၼ်းတင်းလၢႆဢဝ်မႃးၼၼ်ႉၵေႃႈ ဢဝ်ပုၵ်ႉၸေႃႇလႄႈ ႁဵတ်းတၢင်းဢၼ်ၽေႇဢပျႅတ်ႈပုၼ်ႈၶဝ်ၸွမ်းၵႃႈၼင်ႇဢၼ် ထႃႇဝရႃႉၽြႃး သင်ႇလၢတ်ႈဝႆႉ ၼၼ်ႉတႃႉ၊ဝႃႈၼင်ႇၼႆဢေႃႈ။
၈ ၼင်ႇၼၼ်လႄႈဢႃႇရုၼ်ႇ သုတ်ႉၸပ်းသုတ်ႉၸူးၵႃႈတီႈယိၸ်ႉပလၢင်ႇလႄႈ ဢဝ်ဝူဝ်းဢွၼ်ႇယိၸ်ႉဢၼ်ၽေႇဢပျႅတ်ႈဢၼ်ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇၼၼ်ႉ တၢႆဢေႃႈ။
၉ လုၵ်ႈၸၢႆးဢႃႇရုၼ်ႇၸိူဝ်းၼၼ်ႉၵေႃႈ ဢဝ်လိူတ်ႈမႃးၵႃႈတီႈမၼ်းသေယဝ်ႉမၼ်းဢဝ်တင်းၼိဝ်ႉၸီႉမၼ်းၸွမ်ႇၸုမ်ႇၵႃႈၼႂ်းလိူတ်ႈၼၼ်ႉလႄႈ ဢဝ်သႂ်ႇၵႃႈတီႈၶဝ်လႅမ်ယိၸ်ႉပလၢင်ႇသေယဝ်ႉ ဢဝ်လိူတ်ႈၼၼ်ႉထွၵ်ႇသႂ်ႇၵႃႈတီႈႁိမ်းတိၼ်ယိၸ်ႉပလၢင်ႇဢေႃႈ။
၁၀ မၼ်းဢဝ်ၵွၼ်ႈၶႆၵွၼ်ႈမၼ်းမၼ်း မၢၵ်ႇလၼ်းမၼ်းၽၢင်ႇၽၢပ်ႈဢၼ်မီးၵႃႈၼိူဝ်တပ်း တူဝ်ယိၸ်ႉဢၼ်ၽေႇဢပျႅတ်ႈၸိူဝ်းၼၼ်ႉ တုတ်ႇၽႆးၵႃႈၼိူဝ်ယိၸ်ႉပလၢင်ႇၸွမ်းၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈ မုဝ်းသေႇ ၼၼ်ႉဢေႃႈ။
၁၁ ၼိူဝ်ႉမၼ်းတင်းၼင်မၼ်းၸိုင်မၼ်းဢဝ်တုတ်ႇၽႆးၵႃႈၼွၵ်ႈတပ်ႉဢေႃႈ။တူဝ်ယိၸ်ႉဢၼ်တုတ်ႇ ၽႆးၼၼ်ႉၵေႃႈ
၁၂ မၼ်းဢဝ်တၢႆလႄႈလုၵ်ႈၸၢႆး ဢႃႇရုၼ်ႇ ၸိူဝ်းၼၼ်ႉဢဝ်လိူတ်ႈဢၢပ်ႈပၼ်တီႈမၼ်းသေယဝ်ႉ မၼ်းဢဝ်ၽႅတ်းသႂ်ႇလဵပ်ႈႁွပ်ႈၵႃႈၼိူဝ်ယိၸ်ႉပ လၢင်ႇဢေႃႈ။
၁၃ ၶဝ်ၼၼ်ႉဢဝ်ၵွၼ်ႈၼိူဝ်ႉတူဝ်ယိၸ်ႉဢၼ်တုတ်ႇၽႆးၼၼ်ႉပွတ်းၼိုင်ႈယဝ်ႉပွတ်းၼိုင်ႈ ဢိၵ်ႇတင်းၵွၵ်းႁူဝ်မၼ်းပၼ်တီႈမၼ်းလႄႈ မၼ်းဢဝ်တုတ်ႇၽႆး ၵႃႈၼိူဝ်ယိၸ်ႉပလၢင်ႇဢေႃႈ။
၁၄ မၼ်းဢဝ်ၶူင်းၼႂ်းမၼ်းဢိၵ်ႇတင်းတိၼ်ၸိူဝ်းၼၼ်ႉသုၵ်ႈသီသေလႄႈ တုတ်ႇၽႆးၵႃႈၼိူဝ် ယိၸ်ႉဢၼ်တုတ်ႇၽႆးၵႃႈၼိူဝ်ယိၸ်ႉပ လၢင်ႇဢေႃႈ။
၁၅ တၢၵ်းပုၵ်ႉၸေႃႇၵူၼ်းတင်းလၢႆၼၼ်ႉၵေႃႈမၼ်းဢဝ်မႃးလႄႈ ဢဝ်ပေႉပေႃႈဢၼ်ပဵၼ်ယိၸ်ႉဢၼ်ၽေႇဢပျႅတ်ႈၵူၼ်းတင်းလၢႆၼၼ်ႉတၢႆသေယဝ်ႉ ပုၵ်ႉၸေႃႇပုၼ်ႈဢပျႅတ်ႈ မိူၼ်ၸိူဝ်ႉၼင်ႇမိူဝ်ႈဢွၼ်တၢင်း ၼၼ်ႉဢေႃႈ။
၁၆ တူဝ်ယိၸ်ႉဢၼ်တုတ်ႇၽႆးၼၼ်ႉၵေႃႈမၼ်းဢဝ်မႃးလႄႈ ပုၵ်ႉၸေႃႇၸွမ်းၵႃႈၼင်ႇပိင်းၺၢပ်ႈ တြႃးဢေႃႈ။
၁၇ တၢင်းပုၵ်ႉၸေႃႇၽေႃးၸဵၼ်ႇၵေႃႈမၼ်းဢဝ်မႃးသေယဝ်ႉ ဢဝ်ဝၵ်ႉမိုဝ်းၼိုင်ႈလႄႈတုတ်ႇၽႆးၵႃႈၼိူဝ်ယိၸ်ႉပလၢင်ႇ ၵႃႈတီႈႁိမ်းယိၸ်ႉဢၼ်တုတ်ႇၽႆး ၶိင်ႇၵၢင်ၼႂ်ၼၼ်ႉဢေႃႈ။
၁၈ ဝူဝ်းပေႃႈတင်းသူဝ်းပေႃႈဢၼ်ပဵၼ်ယိၸ်ႉမိၵ်ႉသႁႃႇယႃႉပုၼ်ႈၵူၼ်းတင်းလၢႆၼၼ်ႉၵေႃႈ မၼ်းဢဝ်တၢႆလႄႈလုၵ်ႈၸၢႆးဢႃႇရုၼ်ႇ ၸိူဝ်းၼၼ်ႉ ဢဝ်လိူတ်ႈဢၢပ်ႈပၼ်တီႈမၼ်းသေယဝ်ႉမၼ်းဢဝ်ၽႅတ်းသႂ်ႇလဵပ်ႈႁွပ်ႈ ၵႃႈၼိူဝ်ယိၸ်ႉပလၢင်ႇဢေႃႈ။
၁၉ ၵွၼ်ႈၶႆၵွၼ်ႈမၼ်းဝူဝ်းပေႃႈဢိၵ်ႇတင်းသူဝ်းပေႃႈ ဢၼ်ပဵၼ်ႁၢင်မၼ်း ၵွၼ်ႈၶႆၵွၼ်ႈမၼ်းဢၼ်ႁူမ်ႇသႆႈမၼ်းမၢၵ်ႇလၼ်းမၼ်း ၽၢင်ႇၽၢပ်ႈဢၼ်မီးၵႃႈၼိူဝ်တပ်းမၼ်းၼၼ်ႉၸိုင် ဢဝ်ဢၢပ်ႈပၼ်လႄႈ၊ဢဝ်ၵွၼ်ႈၶႆၵွၼ်ႈမၼ်းတၢင်ႇသႂ်ႇၵႃႈၼိူဝ်ဢူၵ်းၸိူဝ်းၼၼ်ႉသေယဝ်ႉမၼ်းဢဝ်တုတ်ႇၽႆးၵႃႈၼိူဝ်ယိၸ်ႉပလၢင်ႇဢေႃႈ။
၂၁ ဢႃႇရုၼ်ႇ ဢဝ်ဢူၵ်းၸိူဝ်းၼၼ်ႉဢိၵ်ႇတင်းၶႅပ်းၶႃၶွၼ်ၶႂႃမၼ်းယွင်ႊၵႂႆပုၼ်ႈတၢင်းပုၵ်ႉၸေႃႇ ဢၼ်ယွင်ႊၵႂႆၵႃႈ တီႈၽၢႆႇၼႃႈထႃႇဝရႃႉၽြႃးဢေႃႈ။
၂၂ ဢႃႇရုၼ်ႇယုၵ်ႉမိုဝ်းမၼ်းတေႃႇၵူၼ်းတင်းလၢႆသေယဝ်ႉ ပၼ်တၢင်းလီတီႈၶဝ်လႄႈ လူင်းသေၵႃႈတီႈတၢင်းဢၼ်ပုၵ်ႉၸေႃႇယိၸ်ႉဢၼ်ၽေႇဢပျႅတ်ႈ ယိၸ်ႉဢၼ်တုတ်ႇၽႆးတင်းယိၸ်ႉ မိၵ်ႉသႁႃႇယႃႉၸိူဝ်းၼၼ်ႉမႃးဢေႃႈ။
၂၃ မုဝ်းသေႇတင်းဢႃႇရုၼ်ႇသမ်ႉၶဝ်ႈၵႃႈၼႂ်းသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉလႄႈ ဢွၵ်ႇမႃးသေယဝ်ႉပၼ်တၢင်းလီတီႈၵူၼ်းတင်းလၢႆလႄႈ မုၼ်ၽုင်းထႃႇဝရႃႉၽြႃးထၢင်ႇသႃးမႃးၵႃႈတီႈၵူၼ်းတင်းလၢႆဢေႃႈ။
၂၄ ၽႆးဢွၵ်ႇသေၵႃႈတီႈထႃႇဝရႃႉၽြႃးလႄႈ မႆႈယိၸ်ႉဢၼ်တုတ်ႇၽႆးဢိၵ်ႇတင်း ၵွၼ်ႈၶႆၵွၼ်ႈမၼ်းၵႃႈၼိူဝ်ယိၸ်ႉပလၢင်ႇၼၼ်ႉဢေႃႈ။မိူဝ်ႈဢၼ်ၵူၼ်းတင်းလၢႆႁၼ်လွင်ႈတၢင်းၸိူဝ်းၼၼ်ႉၸိုင်ၶဝ်ဢွၼ်ၵၼ်ႁွင်ႉသႅၼ်ႇလႄႈၶုပ်ႉမူပ်ႇယူႇဢေႃႈ။