Chapter
၂
တၢင်းပုၵ်ႉၸေႃႇၽေႃးၸဵၼ်ႇ
၁ ပေႃးသေၵေႃႉသေၵူၼ်း ႁဵတ်းတၢင်းပုၵ်ႉၸေႃႇၽေႃးၸဵၼ်ႇတီႈထႃႇဝရႃႉၽြႃးၸိုင် တၢင်းပုၵ်ႉၸေႃႇမၼ်းၼၼ်ႉတၵ်းလႆႈပဵၼ်ၽွင်ၶဝ်ႈမုၼ်းဢေႃႈ။မၼ်းတၵ်းလႆႈဢဝ်ၼမ်ႉမၼ်းႁူတ်းလေႃး ၵႃႈၼိူဝ်ၽွင်ၶဝ်ႈမုၼ်း ၼၼ်ႉလႄႈ
၂ ဢဝ်လေႃႇပၢၼ်ႇသႂ်ႇသေယဝ်ႉ တၵ်းလႆႈဢဝ်မႃးၵႃႈတီႈလုၵ်ႈၸၢႆးဢႃႇရုၼ်ႇ ဢၼ်ပဵၼ်ယိတ်ႉပရေႃးႁိၵ်ႈၸိူဝ်းၼၼ်ႉလႄႈ ယိတ်ႉပရေႃးႁိၵ်ႈတၵ်းလႆႈဢဝ်ၽွင်ၶဝ်ႈမုၼ်းဝၵ်ႉၼိုင်ႈ ၼမ်ႉမၼ်းၵမ်ႈၽွင်ႈတင်းလေႃႇပၢၼ်ႇ ၵႃႈဢၼ်မီးၼၼ်ႉသေလႄႈတုတ်ႇၽႆးၵႃႈၼိူဝ်ယိၸ်ႉပလၢင်ႇ ပုၼ်ႈဢၼ်မၼ်းၸဝ်ႈတၵ်းၶုၵ်းၸႂ်လႆႈၶႆႈၸႂ်ထူပ်းၼၼ်ႉဢေႃႈ။ ပဵၼ်တၢင်းပုၵ်ႉၸေႃႇဢၼ်ဢဝ်ၽႆးသၢၵ်ႈၵၢပ်ႈလႄႈ ႁွမ်ႁူၺ်းတီႈထႃႇဝရႃႉ ၽြႃးဢေႃႈ။
၃ တၢင်းပုၵ်ႉၸေႃႇၽေႃးၸဵၼ်ႇဢၼ်ယင်းၵိုတ်းယင်းၵျၢၼ်ႇၼၼ်ႉၸမ်း တၵ်းလႆႈပဵၼ်ပုၼ်ႈဢႃႇရုၼ်ႇ တင်းလုၵ်ႈၸၢႆးမၼ်းၸိူဝ်းၼၼ်ႉဢေႃႈ။ ၼႂ်းတၢင်းပုၵ်ႉၸေႃႇဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးၸိူဝ်းၼၼ်ႉ ဢၼ်ၼႆႉပဵၼ်လွင်ႈတၢင်းဢၼ် မူတ်းၸၢင်ႇၼႃႇလူင်လၢင်ဢေႃႈ။
၄ ပေႃးမႂ်းပုၵ်ႉၸေႃႇတၢင်းပုၵ်ႉၸေႃႇၽေႃးၸဵၼ်ႇဢၼ်ဢဝ်ၶဝ်ႈမုၼ်းဢၼ်ၶူဝ်ႈႁႅင်ႈၵႃႈၼိူဝ်ၽီးၽႆးၼၼ်ႉႁဵတ်းၸိုင် တၵ်းလႆႈပဵၼ်ၶဝ်ႈမုၼ်းၶႅပ်း ဢၼ်ဢမ်ႇပႃးၸိူဝ်ႉပႅင်ႈလႄႈဢဝ်ၼမ်ႉမၼ်းသႂ်ႇလေႃးၽွင်မၼ်းၼၼ်ႉ ဢမ်ႇၼၼ်ၵေႃႈတၵ်းလႆႈပဵၼ်ၶဝ်ႈမုၼ်းၶွပ်ႈ ဢၼ်ဢမ်ႇပႃးၸိူဝ်ႉ ပႅင်ႈလႄႈဢဝ်တင်းၼမ်ႉမၼ်းတႃးၼၼ်ႉဢေႃႈ။
၅ ပေႃးတၢင်းပုၵ်ႉၸေႃႇမႂ်း ပဵၼ်တၢင်းပုၵ်ႉၸေႃႇၽေႃးၸဵၼ်ႇဢၼ်ဢဝ်ၶဝ်ႈမုၼ်း ဢၼ်ႁဵတ်းၵႃႈတီႈၶႅပ်းလဵၵ်းၼၼ်ႉၸိုင် တၵ်းလႆႈပဵၼ်ၽွင်ၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈလႄႈ ဢဝ်ၼမ်ႉမၼ်းသႂ်ႇလေႃးၼၼ်ႉဢေႃႈ။
၆ မႂ်းတၵ်းလႆႈႁၵ်းပႅတ်ႈၶဝ်ႈမုၼ်းၼၼ်ႉသေလႄႈ ဢဝ်ၼမ်ႉမၼ်းႁူတ်းသႂ်ႇသေဢေႃႈ။ ပဵၼ်တၢင်းပုၵ်ႉၸေႃႇၽေႃးၸဵၼ်ႇဢေႃႈ။
၇ ပေႃးတၢင်းပုၵ်ႉၸေႃႇမႂ်းပဵၼ်တၢင်းပုၵ်ႉၸေႃႇၽေႃးၸဵၼ်ႇ ဢၼ်ဢဝ်တင်းၶဝ်ႈမုၼ်းဢၼ်ၶူဝ်ႈၵႃႈတီႈမိူင်ႈၼၼ်ႉႁဵတ်းၸိုင် တၵ်းလႆႈဢဝ်ၽွင်ၶဝ်ႈမုၼ်းဢၼ်ဢဝ်ၼမ်ႉမၼ်း သႂ်ႇလေႃးၼၼ်ႉႁဵတ်းဢေႃႈ။
၈ မႂ်းတၵ်းလႆႈဢဝ် တၢင်းပုၵ်ႉၸေႃႇၽေႃးၸဵၼ်ႇဢၼ်ဢဝ်ၶိူင်ႈပိူင်ၸိူဝ်းၼၼ်ႉႁဵတ်းၼၼ်ႉ မႃးတီႈထႃႇဝရႃႉၽြႃးလႄႈ သၢၵ်ႈၵၢပ်ႈတီႈယိတ်ႉပရေႃးႁိၵ်ႈသေယဝ်ႉမၼ်းၼၼ်ႉ တၵ်းလႆႈဢဝ်မႃးၸူးၵႃႈတီႈယိၸ်ႉပလၢင်ႇ ဢေႃႈ။
၉ ယိတ်ႉပရေႃးႁိၵ်ႈတၵ်းလႆႈၸူၵ်းဢဝ်ၵႃႈၼႂ်းတၢင်းပုၵ်ႉၸေႃႇၽေႃးၸဵၼ်ႇၼၼ်ႉ တုတ်ႇၽႆးၵႃႈၼိူဝ်ယိၸ်ႉပလၢင်ႇ ပုၼ်ႈဢၼ်မၼ်းၸဝ်ႈတၵ်းၶုၵ်းၸႂ်လႆႈၶႆႈၸႂ်ထူပ်းၼၼ်ႉဢေႃႈ။ ပဵၼ်တၢင်းပုၵ်ႉၸေႃႇဢၼ်ဢဝ်တင်းၽႆးသၢၵ်ႈၵၢပ်ႈလႄႈ ႁွမ်ႁူၺ်းတီႈထႃႇဝရႃႉ ၽြႃးဢေႃႈ။
၁၀ တၢင်းပုၵ်ႉၸေႃႇၽေႃးၸဵၼ်ႇဢၼ်ယင်းၵိုတ်းယင်းၵျၢၼ်ႇၼၼ်ႉၸမ်း တၵ်းလႆႈပဵၼ်ပုၼ်ႈဢႃႇရုၼ်ႇဢိၵ်ႇတင်းလုၵ်ႈၸၢႆးမၼ်းၸိူဝ်းၼၼ်ႉဢေႃႈ။
၁၁ ၼႂ်းတၢင်းပုၵ်ႉၸေႃႇ ဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးၸိူဝ်းၼၼ်ႉ ဢၼ်ၼႆႉပဵၼ်လွင်ႈဢၼ်မူတ်းၸၢင်ႇၼႃႇလူင်လၢင်ဢေႃႈ။ တၢင်းပုၵ်ႉၸေႃႇၽေႃးၸဵၼ်ႇ ဢၼ်သူဢဝ်သၢၵ်ႈၵၢပ်ႈတီႈ ထႃႇဝရႃႉၽြႃးၼၼ်ႉဢမ်ႇလႆႈပႃးၸိူဝ်ႉပႅင်ႈ။မိူဝ်ႈဢၼ်ဢဝ်တင်းၽႆးႁဵတ်းတၢင်းပုၵ်ႉၸေႃႇတီႈ ထႃႇဝရႃႉၽြႃးၼၼ်ႉၸိုင်သူဢမ်ႇလႆႈဢဝ်ၸိူဝ်ႉပႅင်ႈတုတ်ႇၽႆး။ၼမ်ႉၽိုင်ႈၵေႃႈ ဢမ်ႇလႆႈဢဝ်တုတ်ႇၽႆး။
၁၂ ပိၵ်ႉသမ်ႉသူလႆႈဢဝ်ၸိူဝ်ႉပႅင်ႈတင်းၼမ်ႉၽိုင်ႈ ပုၵ်ႉၸေႃႇတီႈထႃႇဝရႃႉၽြႃးမိူၼ်ၸိူဝ်ႉၼင်ႇဢၼ် ဢဝ်မၢၵ်ႇဢၼ်မၢၵ်ႇဢွၼ်တၢင်းပုၵ်ႉၸေႃႇၼၼ်ႉသေၵေႃႈ ဢမ်ႇလႆႈဢဝ်တုတ်ႇၽႆးၵႃႈၼိူဝ်ယိၸ်ႉ ပလၢင်ႇပုၼ်ႈတီႈဢၼ်တၵ်းႁွမ်တၵ်းႁူၺ်း။
၁၃ ၵႃႈတီႈတၢင်းပုၵ်ႉၸေႃႇၽေႃးၸဵၼ်ႇမႂ်း တင်းသဵင်ႈတင်းလူင်ၼၼ်ႉမႂ်းတၵ်းလႆႈဢဝ်ၵိူဝ်သႂ်ႇဢေႃႈ။ၵႃႈတီႈတၢင်းပုၵ်ႉၸေႃႇၽေႃးၸဵၼ်ႇ ဢၼ်မႂ်းႁဵတ်းၼၼ်ႉ ယင်းဢမ်ႇဢဝ်ၵိူဝ်ပတိၺိၼ်ႇၽြႃးပဵၼ်ၸဝ်ႈမႂ်းသႂ်ႇလႄႈ ဢမ်ႇလႆႈယူႇ။တၵ်းလႆႈဢဝ်ၵိူဝ်ပုၵ်ႉၸေႃႇလူၺ်ႈၵၼ်တင်း တၢင်းပုၵ်ႉၸေႃႇမႂ်းတင်းသဵင်ႈတင်းလူင်ဢေႃႈ။
၁၄ ပေႃးမႂ်းဢဝ်မၢၵ်ႇဢဝ်ႁူင်း ဢၼ်မၢၵ်ႇဢွၼ်တၢင်းၼၼ်ႉႁဵတ်းတၢင်းပုၵ်ႉၸေႃႇၽေႃးၸဵၼ်ႇ တီႈထႃႇဝရႃႉၽြႃးၸိုင်မႂ်းတၵ်းလႆႈဢဝ်ႁူင်ႈၶဝ်ႈလိပ်းၶဝ်ႈၶဵဝ်ဢၼ်ႁၢင်း ၵႃႈတီႈႁိမ်ႈၽႆးလႄႈ ၼူတ်ႈဢဝ်မဵတ်ႉမၼ်းၼၼ်ႉႁဵတ်းတၢင်းပုၵ်ႉၸေႃႇၽေႃးၸဵၼ်ႇ ဢၼ်ၸၢပ်ႈသႅင်ႇၵၼ် တင်းမၢၵ်ႇႁူင်းဢၼ်မၢၵ်ႇဢွၼ်တၢင်းၼၼ်ႉဢေႃႈ။
၁၅ မႂ်းတၵ်းလႆႈဢဝ်ၼမ်ႉမၼ်း ႁူတ်းသႂ်ႇၵႃႈၼိူဝ်မၼ်းသေလႄႈ ဢဝ်လေႃႇပၢၼ်ႇသႂ်ႇဢေႃႈ။ပဵၼ်တၢင်းပုၵ်ႉၸေႃႇၽေႃးၸဵၼ်ႇဢေႃႈ။
၁၆ ယိတ်ႉပရေႃးႁိၵ်ႈတၵ်းလႆႈဢဝ်မဵတ်ႉၶဝ်ႈဢၼ်ၼူတ်ႈဢဝ်ၼၼ်ႉၵမ်ႈၽွင်ႈ၊ ၼမ်ႉမၼ်းၵမ်ႈၽွင်ႈ တင်းလေႃႇပၢၼ်ႇၵႃႈမီးဢၼ်ဝႃႈပုၼ်ႈဢၼ်မၼ်းၸဝ်ႈတၵ်းၶုၵ်းၸႂ်လႆႈၶႆႈၸႂ်ထူပ်းၼၼ်ႉတုတ်ႇၽႆးဢေႃႈ။ပဵၼ်တၢင်းပုၵ်ႉၸေႃႇဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးဢေႃႈ။