Chapter
၁၆
ဝၼ်းဢၼ်ၽေႇဢပျႅတ်ႈ
၁ လိုၼ်းသေလုၵ်ႈၸၢႆးဢႃႇရုၼ်ႇသွင်ၵေႃႈ လႆႈတၢႆၼႂ်းမိူဝ်ႈဢၼ်ၶဝ်ပုၵ်ႉၸေႃႇယိၸ်ႉ ၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉလႄႈ ထႃႇဝရႃႉၽြႃးမီးဢမိင်ႉတီႈမုဝ်း သေႇဢေႃႈ။
၂ ဢၼ်ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈၼၼ်ႉၸမ်း၊- လွင်ႈၼင်ႇႁိုဝ်ပီႈၸၢႆးမႂ်းဢႃႇရုၼ်ႇ တၵ်းဢမ်ႇၶဝ်ႈၵႃႈၼႂ်းထႃႇၼႃႉတီႈမူတ်းၸၢင်ႇတီႈၼႂ်းၽႃႈၵင်ႈ ၵႃႈတီႈၽၢႆႇၼႃႈပလၢင်ႇတီႈဢၼ်ၽေႇဢပျႅတ်ႈဢၼ်တၢင်ႇသႂ်ႇၵႃႈၼိူဝ်တိူၵ်ႈၼၼ်ႉလႄႈၵၢင်းလွတ်ႈတင်းၽေးတၢင်းတၢႆၸိုင် သင်ႇလၢတ်ႈဝႆႉတီႈမၼ်းတႃႉ။လွင်ႈမၼ်းၸမ်းၵဝ်တၵ်းထၢင်ႇသႃးမႃးၵႃႈၼႂ်းမွၵ်ႇၵုမ်ႈ ၵႃႈတီႈၼိူဝ်ပလၢင်ႇတီႈၽေႇ ဢပျႅတ်ႈၼၼ်ႉဢေႃႈ။
၃ ဢႃႇရုၼ်ႇတၵ်းလႆႈၶဝ်ႈၵႃႈၼႂ်းထႃႇၼႃႉတီႈမူတ်းၸၢင်ႇၸဝ်ႈၸိူဝ်ႉၼင်ႇႁိုဝ်ဝႃႈၼႆၸမ်း တၵ်းလႆႈပႃးဢဝ်ဝူဝ်းပေႃႈဢၼ်ဢသၢၵ်ႈၼုမ်ႇၼၼ်ႉ ပုၼ်ႈယိၸ်ႉဢၼ်ၽေႇဢပျႅတ်ႈတူဝ်ၼိုင်ႈဢိၵ်ႇတင်းသူဝ်းပေႃႈပုၼ်ႈယိၸ်ႉ ဢၼ်တုတ်ႇၽႆးတူဝ်ၼိုင်ႈ ဢေႃႈ။
၄ မၼ်းတၵ်းလႆႈၼုင်ႈသိူဝ်ႈပိၵ်ႈၶျေႃးဢၼ်မူတ်းၸၢင်ႇဢိၵ်ႇတင်း ၵူၼ်ပိၵ်ႈၶျေႃးလႄႈ ႁတ်ႉသၢႆဢႅဝ်ပိၵ်ႈၶျေႃးသေဢေႃႈ။ၶဵၼ်းႁူဝ်ပိၵ်ႈၶျေႃးၵေႃႈတၵ်းလႆႈၶဵၼ်းဢေႃႈ။ ၵွပ်ႈပိူဝ်ႈၶူဝ်းၼုင်ႈတၢင်းမႆႊၼၼ်ႉမူတ်းၸၢင်ႇလႄႈ မၼ်းတၵ်းလႆႈဢၢပ်ႇၼမ်ႉသေယဝ်ႉၼုင်ႈ မႆႊဢေႃႈ။
၅ မၼ်းတၵ်းလႆႈၶၢမ်ႇဢဝ်ပေႉပေႃႈဢွၼ်ႇသွင်တူဝ်ပုၼ်ႈယိၸ်ႉ ဢၼ်ၽေႇဢပျႅတ်ႈဢိၵ်ႇတင်းသူဝ်းပေႃႈတူဝ်ၼိုင်ႈ ပုၼ်ႈယိၸ်ႉဢၼ်တုတ်ႇၽႆးၵႃႈၼႂ်းမိုဝ်းပရိၵ်ႈသၢတ်ႈၵူၼ်းမဵဝ်းဢိသရေႇလတင်းလၢႆဢေႃႈ။
၆ ဢႃႇရုၼ်ႇ တၵ်းလႆႈပုၵ်ႉၸေႃႇဝူဝ်းယိၸ်ႉဢၼ်ၽေႇဢပျႅတ်ႈ ဢၼ်ၸၢပ်ႈသႅင်ႇၵၼ်တင်းမၼ်းၼၼ်ႉလႄႈႁဵတ်းတၢင်းဢၼ်ၽေႇဢပျႅတ်ႈ ပုၼ်ႈမၼ်းဢိၵ်ႇတင်း ပုၼ်ႈၵူၼ်းႁိူၼ်းၵူၼ်းယေးမၼ်းဢေႃႈ။
၇ ပေႉသွင်တူဝ်ၼၼ်ႉၵေႃႈမၼ်းတၵ်းလႆႈဢဝ်လႄႈ သၢၵ်ႈၵၢပ်ႈၵႃႈတီႈၽၢႆႇၼႃႈထႃႇဝရႃႉၽြႃးၵႃႈႁိမ်းၽၵ်းတူသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉဢေႃႈ။
၈ ဢႃႇရုၼ်ႇ တၵ်းလႆႈတူၵ်းလိၵ်ႈၸႃႇၵွၵ်ႈတီႈပေႉသွင်တူဝ်ၼၼ်ႉ လိၵ်ႈၸႃႇၵွၵ်ႈပုၼ်ႈထႃႇဝရႃႉၽြႃးဢၼ်ၼိုင်ႈ လိၵ်ႈၸႃႇၵွၵ်ႈပုၼ်ႈတၢင်းဢၼ်ဢဝ်ၵႂႃႇပႅတ်ႈ ၼၼ်ႉဢၼ်ၼိုင်ႈဢေႃႈ။
၉ ဢႃႇရုၼ်ႇတၵ်းလႆႈဢဝ်ပေႉဢၼ်လိၵ်ႈၸႃႇၵွၵ်ႈတူၵ်း ပုၼ်ႈထႃႇဝရႃႉၽြႃးတူၵ်းၼၼ်ႉမႃးလႄႈ ပုၵ်ႉၸေႃႇယိၸ်ႉဢၼ်ၽေႇဢပျႅတ်ႈ ဢေႃႈ။
၁၀ ၵူၺ်းၵႃႈပေႉဢၼ်လိၵ်ႈၸႃႇၵွၵ်ႈတူၵ်းပုၼ်ႈတၢင်းဢၼ်ဢဝ်ၵႂႃႇပႅတ်ႈၼၼ်ႉၸိုင် တၵ်းလႆႈႁႂ်ႈဢသၢၵ်ႈလိပ်းယူႇသေလႄႈ ဢဝ်သၢၵ်ႈၵၢပ်ႈၵႃႈတီႈၽၢႆႇၼႃႈထႃႇဝရႃႉၽြႃး ႁႂ်ႈလႆႈႁဵတ်းတၢင်းဢၼ်ၽေႇဢပျႅတ်ႈ ၵႃႈၼိူဝ်မၼ်းဢိၵ်ႇတင်း ႁႂ်ႈလႆႈပွႆႇၸႂ်ႉမၼ်းၵႂႃႇၵႃႈတီႈၼႂ်းထိူၼ်ႇတၢင်းဢၼ်ဢဝ်ၵႂႃႇပႅတ်ႈၼၼ်ႉ ဢေႃႈ။
၁၁ ဢႃႇရုၼ်ႇတၵ်းလႆႈဢဝ်ဝူဝ်းယိၸ်ႉဢၼ်ၽေႇဢပျႅတ်ႈ ဢၼ်ၸၢပ်ႈသႅင်ႇၵၼ်တင်းမၼ်းၼၼ်ႉမႃးသေလႄႈ ႁဵတ်းတၢင်းဢၼ်ၽေႇဢပျႅတ်ႈပုၼ်ႈမၼ်းဢိၵ်ႇတင်းၵူၼ်းႁိူၼ်းၵူၼ်းယေးမၼ်းလႄႈ ဢဝ်ဝူဝ်းယိၸ်ႉဢၼ်ၽေႇဢပျႅတ်ႈ ဢၼ်ၸၢပ်ႈသႅင်ႇၵၼ်တင်းမၼ်းၼၼ်ႉတၢႆဢေႃႈ။
၁၂ မၼ်းတၵ်းလႆႈယိပ်းဢဝ်လၢင်ႇပၢၼ်း ဢၼ်တဵမ်ဝႆႉတင်းထၢၼ်ႇၽႆးဢၼ်ဢဝ်ၵႃႈၼိူဝ်ယိၸ်ႉပလၢင်ႇၵႃႈတီႈၽၢႆႇၼႃႈထႃႇဝရႃႉၽြႃး သႂ်ႇဝႆႉၼၼ်ႉ လႄႈဢဝ်မုၼ်ႈၼၢမ်ႇသႃႇႁွမ်ဢၼ်ဢွၼ်ႇလီၽွင်လီၼၼ်ႉႁႂ်ႈတဵမ်မိုဝ်းမၼ်းသေလႄႈ ဢဝ်ၵႂႃႇၵႃႈ တီႈၼႂ်းၽႃႈၵင်ႈဢေႃႈ။
၁၃ မၼ်းၼၼ်ႉလွင်ႈၼင်ႇႁိုဝ်ဢၢႆၵႂၼ်းၼၢမ်ႇသႃႇၼၼ်ႉ တၵ်းလႆႈဢုမ်ႇႁူမ်ႇပလၢင်ႇတီႈၽေႇဢပျႅတ်ႈဢၼ်မီးယူႇၵႃႈၼိူဝ်ၶိူင်ႈဢၼ်ၶၢမ်ႇသၢၵ်ႈသေႇၼၼ်ႉ ႁႂ်ႈမၼ်းလႆႈၵၢင်းလွတ်ႈတင်းၽေးတၢႆၸိုင် တၵ်းလႆႈဢဝ်ၼၢမ်ႇသႃႇၼၼ်ႉတၢင်ႇသႂ်ႇၵႃႈ ၼိူဝ်ၽႆးၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။
၁၄ မၼ်းတၵ်းလႆႈဢဝ်လိူတ်ႈဝူဝ်းၼၼ်ႉၵမ်ႈၽွင်ႈလႄႈ ဢဝ်တင်းၼိဝ်ႉၸီႉမၼ်း ဢဝ်ၽႅတ်းသႂ်ႇၵႃႈၼိူဝ်ပလၢင်ႇတီႈၽေႇဢပျႅတ်ႈၼၼ်ႉၵႃႈတီႈၼႃႈဝၼ်းဢွၵ်ႇမၼ်းဢေႃႈ။ ၵႃႈတီႈၽၢႆႇၼႃႈပလၢင်ႇတီႈၽေႇဢပျႅတ်ႈၼၼ်ႉၵေႃႈမၼ်းတၵ်းလႆႈဢဝ်တင်းၼိဝ်ႉၸီႉ ဢဝ် လိူတ်ႈၽႅတ်းသႂ်ႇၸဵတ်းပွၵ်ႈဢေႃႈ။
၁၅ လိုၼ်းၼၼ်ႉမၼ်းတၵ်းလႆႈဢဝ်ပေႉ ယိၸ်ႉဢၼ်ၽေႇဢပျႅတ်ႈ ဢၼ်ၸၢပ်ႈသႅင်ႇၵၼ်တင်းၵူၼ်းတင်းလၢႆၼၼ်ႉ တၢႆလႄႈဢဝ်လိူတ်ႈၼၼ်ႉ မႃးၵႃႈတီႈၼႂ်းၽႃႈၵင်ႈသေယဝ်ႉဢဝ်လိူတ်ႈၼၼ်ႉ ႁဵတ်းမိူၼ်ၸိူဝ်ႉၼင်ႇဢၼ်ဢဝ်လိူတ်ႈဝူဝ်းႁဵတ်းၼၼ်ႉလႄႈ ၽႅတ်းသႂ်ႇၵႃႈၼိူဝ်ယိၸ်ႉပလၢင်ႇတီႈၽေႇဢပျႅတ်ႈဢိၵ်ႇတင်း ၵႃႈတီႈၽၢႆႇၼႃႈယိၸ်ႉ ပလၢင်ႇတီႈၽေႇဢပျႅတ်ႈၼၼ်ႉဢေႃႈ။
၁၆ ၵွပ်ႈပိူဝ်ႈတၢင်းဢၼ်ဢမ်ႇမူတ်းသႂ်ၵူၼ်းမဵဝ်းဢိသရေႇလ တင်းလၢႆၸိူဝ်းၼၼ်ႉဢိၵ်ႇတင်း ၵွပ်ႈပိူဝ်ႈတၢင်းဢၼ်ၶဝ်ၽိတ်းပိူင်ႈပူၼ်ႉလိူဝ်ၸိူဝ်းၼၼ်ႉဢၼ်ပဵၼ်ဢပျႅတ်ႈၶဝ် ၵူႈၸိူဝ်ႉၵူႈပိူင်ၼၼ်ႉလႄႈ တၵ်းလႆႈႁဵတ်းတၢင်းဢၼ်ၽေႇဢပျႅတ်ႈပုၼ်ႈထႃႇၼႃႉတီႈမူတ်းၸၢင်ႇၸဝ်ႈဢေႃႈ။ပုၼ်ႈသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈ ဢၼ်လႆႈယူႇလူၺ်ႈၵၼ်တင်းၶဝ် ၵႃႈၼႂ်းၵၢင်တၢင်းဢၼ်ဢမ်ႇမူတ်းသႂ်ၶဝ်ၼၼ်ႉၵေႃႈ တၵ်းလႆႈႁဵတ်းမိူၼ်ၸိူဝ်ႉၼင်ႇ ၼၼ်ဢေႃႈ။
၁၇ မိူဝ်ႈဢၼ်မၼ်းၶဝ်ႈလႄႈႁႂ်ႈလႆႈႁဵတ်းတၢင်းဢၼ်ၽေႇဢပျႅတ်ႈ ၵႃႈၼႂ်းထႃႇၼႃႉတီႈမူတ်းၸၢင်ႇၸဝ်ႈၼၼ်ႉၸိုင် ၸူဝ်ႈဢၼ်မၼ်းဢမ်ႇပႆႇႁဵတ်းတၢင်းဢၼ်ၽေႇဢပျႅတ်ႈ ပုၼ်ႈမၼ်းတင်းပုၼ်ႈၵူၼ်းႁိူၼ်းၵူၼ်းယေးမၼ်းဢိၵ်ႇတင်း ပရိၵ်ႈသၢတ်ႈဢိသရေႇလ တင်းသဵင်ႈတင်းလူင်ယဝ်ႉလႄႈဢွၵ်ႇမႃးၼၼ်ႉၸိုင် ၽူႈ လႂ်ဢမ်ႇလႆႈယူႇၵႃႈၼႂ်းသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉသေၵေႃႉသေၵူၼ်း။
၁၈ လိုၼ်းၼၼ်ႉ မၼ်းၵ်းလႆႈဢွၵ်ႇၸူးယိၸ်ႉပလၢင်ႇဢၼ်မီးၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉ ႁႂ်ႈလႆႈႁဵတ်းယိၸ်ႉဢၼ်ၽေႇဢပျႅတ်ႈ ပုၼ်ႈယိၸ်ႉပလၢင်ႇၼၼ်ႉလႄႈ ဢဝ်လိူတ်ႈဝူဝ်းလိူတ်ႈပေႉၵမ်ႈၽွင်ႈသႂ်ႇၵႃႈတီႈၶဝ်လႅမ်ယိၸ်ႉပလၢင်ႇ ဢၼ်မီးလဵပ်ႈႁွပ်ႈၸွမ်းႁိမ်း မၼ်းၼၼ်ႉဢေႃႈ။
၁၉ ၵႃႈၼိူဝ်ယိၸ်ႉပလၢင်ႇၼၼ်ႉၵေႃႈမၼ်းတၵ်းလႆႈဢဝ်ၼိဝ်ႉၸီႉမၼ်းဢဝ်လိူတ်ႈၼၼ်ႉ ၵမ်ႈၽွင်ႈၽႅတ်းသႂ်ႇၸဵတ်းပွၵ်ႈႁႂ်ႈမူတ်းသႂ်လႄႈ ႁႂ်ႈမူတ်းၸၢင်ႇသေ ၵႃႈၼႂ်းတၢင်ဢၼ်ဢမ်ႇမူတ်းသႂ်ၵူၼ်းမဵဝ်းဢိသရေႇလတင်းလၢႆၼၼ်ႉၸိူဝ်းၼၼ်ႉဢေႃႈ။
၂၀ မၼ်းႁဵတ်းတၢင်းဢၼ်ၽေႇဢပျႅတ်ႈ ပုၼ်ႈထႃႇၼႃႉတီႈမူတ်းၸၢင်ႇၸဝ်ႈ ပုၼ်ႈသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈ၊ပုၼ်ႈယိၸ်ႉပလၢင်ၸိူဝ်းၼၼ်ႉ ယဝ်ႉတူဝ်ႈၸိူဝ်ႉၼင်ႇၼၼ်သေယဝ်ႉမၼ်းတၵ်းလႆႈဢဝ် ပေႉဢၼ် ဢသၢၵ်ႈလိပ်းယူႇၼ်ႉမႃးဢေႃႈ။
၂၁ ဢႃႇရုၼ်ႇ တၵ်းလႆႈဢဝ်မိုဝ်းမၼ်းသွၼ်ၶွ်တၢင်ႇသႂ်ႇၵႃႈၼိူဝ်ႁူဝ်ပေႉဢၼ်ဢသၢၵ်ႈလိပူ်းႇၼၼ်ႉလႄႈ ၽုၺ်ႇဢွၵ်ႇၼႄပျႃႉတူႉၸရိူၵ်ႈ ၵူၼ်းမဵဝ်းဢိသရေႇလ တင်းလၢႆဢိၵ်ႇတင်း တၢင်းဢၼ်ၶဝ်ၽိတ်းပိူင်ႈပူၼ်ႉလိူဝ်ၸိူဝ်းၼၼ်ႉဢၼ်ပဵၼ်ဢပျႅတ်ႈၶဝ် ၵူႈၸိူဝ်ႉၵူႈပိူင်ၵႃႈမီးၼၼ်ႉလႄႈဢဝ်တၢင်ႇသႂ်ႇၵႃႈၼိူဝ်ႁူဝ်ပေႉၼၼ်ႉသေယဝ်ႉ ဢဝ်တင်းၵေႃႉဢၼ်ထုၵ်ႇဢၢပ်ႈၼၼ်ႉ ဢဝ်ပွႆႇပႅတ်ႈၵႃႈတီႈထိူၼ်ႇ ဢေႃႈ။
၂၂ ပေႉၼၼ်ႉတၵ်းလႆႈဢဝ်တူႉၸရိူၵ်ႈဢပျႅတ်ႈၶဝ်ၵႃႈမီးၼၼ်ႉၵႂႃႇၵႃႈတီႈဢၼ်ၵူၼ်းဢမ်ႇယူႇၼၼ်ႉဢေႃႈ။ ၵေႃႉၼၼ်ႉတၵ်းလႆႈဢဝ်ပေႉၼၼ်ႉပွႆႇပႅတ်ႈၵႃႈ တီႈထိူၼ်ႇဢေႃႈ။
၂၃ ၵမ်းၼၼ်ႉဢႃႇရုၼ်ႇတၵ်းလႆႈၶဝ်ႈၵႃႈၼႂ်းသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈလႄႈ ထွတ်ႇၶူဝ်းပိၵ်ႈၶျေႃးဢၼ်မၼ်းၼုင်ႈမိူဝ်ႈဢၼ်မၼ်းၶဝ်ႈၵႃႈၼႂ်းထႃႇၼႃႉ တီႈမူတ်းၸၢင်ႇၸဝ်ႈၼၼ်ႉ လႄႈဝႆႉၵႃႈတီႈၼၼ်ႉဢေႃႈ။
၂၄ မၼ်းတၵ်းလႆႈဢၢပ်ႇၼမ်ႉၵႃႈၼႂ်းထႃႇၼႃႉတီႈမူတ်းၸၢင်ႇၸဝ်ႈလႄႈ ၼုင်ႈၶူဝ်းၼုင်ႈမၼ်းသေယဝ်ႉ သမ်ႉဢွၵ်ႇမႃးလႄႈပုၵ်ႉၸေႃႇယိၸ်ႉဢၼ်တုတ်ႇၽႆးဢၼ်ၸၢပ်ႈသႅင်ႇၵၼ်တင်းၵူၼ်းတင်းလၢႆလႄႈႁဵတ်းတၢင်းဢၼ်ၽေႇဢပျႅတ်ႈပုၼ်ႈမၼ်းဢိၵ်ႇတင်းပုၼ်ႈၵူၼ်းတင်းလၢႆဢေႃႈ။
၂၅ ၵွၼ်ႈၶႆၵွၼ်ႈမၼ်းတူဝ်ယိၸ်ႉ ဢၼ်ၽေႇဢပျႅတ်ႈၼၼ်ႉၸိုင်မၼ်းတၵ်းလႆႈဢဝ်တုတ်ႇၽႆးၵႃႈၼိူဝ်ယိၸ်ႉပလၢင်ႇ ဢေႃႈ။
၂၆ ၵေႃႉဢၼ်ဢဝ်ပေႉၵႂႃႇပႅတ်ႈၼၼ်ႉၵေႃႈတၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈဢၢပ်ႇၼမ်ႉဢေႃႈ။လိုၼ်း ၼၼ်ႉမၼ်းၸင်ႇတၵ်းလႆႈၶဝ်ႈၵႃႈၼႂ်းတပ်ႉဢေႃႈ။
၂၇ ဝူဝ်းယိၸ်ႉဢၼ်ၽေႇဢပျႅတ်ႈ ဢိၵ်ႇတင်းပေႉယိၸ်ႉဢၼ်ၽေႇဢပျႅတ်ႈ ဢၼ်ဢဝ်လိူတ်ႈၶဝ်သႂၢင်းၶဝ်ႈႁႂ်ႈလႆႈႁဵတ်းတၢင်းဢၼ်ၽေႇဢပျႅတ်ႈ ၵႃႈၼႂ်းထႃႇၼႃႉတီႈမူတ်းၸၢင်ႇၸဝ်ႈ ယဝ်ႉၼၼ်ႉၸိူဝ်းၼၼ်ႉၸိုင် တၵ်းလႆႈဢဝ်ဢွၵ်ႇၵႃႈၼွၵ်ႈတပ်ႉလႄႈ ဢဝ်ၼင်မၼ်းၼိူဝ်ႉမၼ်း ၶီႈၼုမ်ႇမၼ်းတုတ်ႇၽႆးသေဢေႃႈ။
၂၈ ၵေႃႉဢၼ်ဢဝ်တုတ်ႇၽႆးၼၼ်ႉၵေႃႈ တၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈဢၢပ်ႇၼမ်ႉသေဢေႃႈ။ လိုၼ်းၼၼ်ႉမၼ်းၸင်ႇတၵ်းလႆႈၶဝ်ႈၵႃႈၼႂ်းတပ်ႉဢေႃႈ။
၂၉ ဢၼ်ပဵၼ်ပိင်းၺၢပ်ႈၸဝ်ႈတီႈသူ တႃႇသေႇဢမ်ႇထၢတ်ႇၸမ်း ၼႂ်းဝၼ်းဢၼ်ပဵၼ် လိူၼ်သတ်ႉတမသိပ်းဝၼ်းၼၼ်ႉၵူၼ်းမဵဝ်းသူသေဢမ်ႇဝႃႈ ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်သွၼ်ႈပိုင်ႈယူႇၵႃႈၼႂ်းသူသေဢမ်ႇဝႃႈ တၵ်းလႆႈဢွၼ်ၵၼ်ၵမ်ၵျၢင်ႉၵႅၼ်ႇၵႅၼ်ႇၶႅင်ၶႅင် ယူႇလႄႈ ဢမ်ႇလႆႈႁဵတ်းတၢင်းႁဵတ်းလႃးလႃး။
၃၀ လွင်ႈမၼ်းၸမ်းၼႂ်းဝၼ်းၼၼ်ႉယိတ်ႉပရေႃးႁိၵ်ႈ တၵ်းလႆႈႁဵတ်း တၢင်းဢၼ်ၽေႇဢပျႅတ်ႈ ႁႂ်ႈသူလႆႈမူတ်းသႂ်ဢေႃႈ။ သူတၵ်းလႆႈၵၢင်းလွတ်ႈတင်းဢပျႅတ်ႈၵႃႈမီး ၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။
၃၁ ဝၼ်းၼၼ်ႉတၵ်းလႆႈပဵၼ်ဝၼ်းၵမ်သိၼ်တီႈဢၼ်သူတၵ်းလႆႈယူႇၼိမ်ၼိမ်လီလီလႄႈ ၵမ်ၵျၢင်ႉ ၵႅၼ်ႇၵႅၼ်ႇၶႅင်ၶႅင် ၼၼ်ႉဢေႃႈ။
၃၂ ပဵၼ်ပိင်းၺၢပ်ႈတႃႇသေႇဢေႃႈ။ ၵေႃႉဢၼ် ၶၢမ်ႇဢဝ်ၽိၵ်ႈသိၵ်ႈဢိၵ်ႇတင်းဢရႃႇယိတ်ႉပရေႃးႁိၵ်ႈ ႁႂ်ႈလႆႈပွင်ႁဵတ်းဢမူႉယိတ်ႉပရေႃးႁိၵ်ႈၼႂ်းဢရႃႇပေႃႈမၼ်းၼၼ်ႉ တၵ်းလႆႈႁဵတ်းတၢင်းဢၼ်ၽေႇဢပျႅတ်ႈၼၼ်ႉဢေႃႈ။မၼ်းၼၼ်ႉတၵ်းလႆႈၼုင်ႈၶူဝ်းၼုင်ႈပိၵ်ႈၶျေႃးဢၼ်ဝႃႈၶူဝ်းၼုင်ႈဢၼ်မူတ်းၸၢင်ႇၼၼ်ႉလႄႈ၊
၃၃ ႁဵတ်းတၢင်းဢၼ်ၽေႇဢပျႅတ်ႈပုၼ်ႈထႃႇၼႃႉတီႈမူတ်းၸၢင်ႇၸဝ်ႈ၊ႁဵတ်းတၢင်းဢၼ်ၽေႇဢပျႅတ်ႈ ပုၼ်ႈသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈဢိၵ်ႇတင်း ပုၼ်ႈယိၸ်ႉပလၢင်ႇ ႁဵတ်းတၢင်းဢၼ်ၽေႇဢပျႅတ်ႈ ပုၼ်ႈယိတ်ႉပရေႃးႁိၵ်ႈတင်းလၢႆဢိၵ်ႇတင်း ပုၼ်ႈပရိၵ်ႈသၢတ်ႈတင်းသဵင်ႈတင်းလူင် ၸိူဝ်းၼၼ်ႉဢေႃႈ။
၃၄ ဢၼ်ၼႆႉၸမ်းပဵၼ်ပိင်းၺၢပ်ႈၸဝ်ႈတီႈသူတႃႇသေဢမ်ႇထၢတ်ႇ ႁႂ်ႈလႆႈႁဵတ်းတၢင်းဢၼ်ၽေႇဢပျႅတ်ႈၵူၼ်းမဵဝ်းဢိသရေႇလ တင်းလၢႆၵွပ်ႈပိူဝ်ႈဢပျႅတ်ႈၶဝ်ၵႃႈမီးၼၼ်ႉယေႈပီႊယေႈပွၵ်ႈဢေႃႈ၊ ဝႃႈၼင်ႇၼႆဢေႃႈ။ မၼ်းၵေႃႈႁဵတ်းၸွမ်း ၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမုဝ်းသေႇၼၼ်ႉဢေႃႈ။