Chapter
၈
ၽိၵ်ႉသိၵ်ႈဢႃႇရုၼ်ႇ တင်းလုၵ်ႈၸၢႆးမၼ်း
၁ ထႃႇဝရႃႉၽြႃး သမ်ႉမီးဢမိင်ႉတီႈ မုဝ်းသေႇ လႄႈဝႃႈ ၸမ်း၊-
၂ မႂ်းဢဝ်ဢႃႇရုၼ်ႇတင်းလုၵ်ႈၸၢႆးမၼ်းတင်းလၢႆ ဢိၵ်ႇတင်းၶူဝ်းၼုင်ႈ ၼမ်ႉမၼ်းဢၼ်တၵ်းတႃးဝူဝ်းပေႃႈ ပုၼ်ႈယိၸ်ႉဢၼ်ၽေႇဢပျႅတ်ႈဝူဝ်းပေႃႈသွင်တူဝ် ၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈပဵတ်ႈၼိုင်ႈသေ လႄႈ
၃ ႁႂ်ႈပရိၵ်ႈသၢတ်ႈတင်းသဵင်ႈတင်းလူင်ၸူႉၵၼ်တုမ်ၵၼ်ၵႃႈတီႈၽၵ်းတူသုမ်ႉထဵင်ၸဝ်ႈ တီႈၸူႉတီႈတုမ်ပ ရိၵ်ႈသၢတ်ႈၼၼ်ႉတႃႉ၊
၄ ဝႃႈၼင်ႇၼႆသေယဝ်ႉ မုဝ်းသေႇႁဵတ်းၸွမ်းၵႃႈၼင်ႇဢၼ် ထႃႇဝရႃႉၽြႃးမီးဢမိင်ႉဝႆႉၼၼ်ႉလႄႈ ပရိၵ်ႈသၢတ်ႈတင်းလၢႆၸူႉၵၼ်တုမ်ၵၼ်ၵႃႈတီႈၽၵ်းတူသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈ သၢတ်ႈၼၼ်ႉဢေႃႈ။
၅ မုဝ်းသေႇၵေႃႈမွၵ်ႇလၢတ်ႈတီႈပရိၵ်ႈသၢတ်ႈတင်းလၢႆလႄႈဝႃႈ၊-ထႃႇဝရႃႉၽြႃးသင်ႇလၢတ်ႈဝႆႉႁႂ်ႈသူႁဵတ်းၸိူဝ်ႉၼင်ႇၼႆယဝ်ႉ၊ဝႃႈၼင်ႇၼႆ သေယဝ်ႉ၊
၆ မုဝ်းသေႇ ဢဝ် ဢႃႇရုၼ်ႇ တင်းလုၵ်ႈၸၢႆးမၼ်းၸိူဝ်းၼၼ်ႉမႃးလႄႈ ဢဝ်ၼမ်ႉဢၢပ်ႇပၼ်ယဝ်ႉၸင်ႇ ဢဝ်သိူဝ်ႈပုတ်းၼုင်ႈပၼ်လႄႈဢဝ်သၢႆႁတ်ႉဢႅဝ် ႁတ်ႉပၼ်ဢေႃႈ။
၇ သိူဝ်ႈယၢဝ်းၵေႃႈမၼ်းဢဝ်ၼုင်ႈမႆႊပၼ်လႄႈ ဢဝ်သိူဝ်ႈလူပ်းၼုင်ႈပၼ်သေယဝ်ႉ၊ဢဝ်သၢႆဢႅဝ်ဢၼ်ႁၢင်ႈၶိူင်ႈႁဵတ်းၼၼ်ႉႁတ်ႉပၼ်ဢေႃႈ။
၈ ၶိူင်ႈဝႆႉၼႃႈဢူၵ်းၵေႃႈမၼ်းဢဝ်ဝႆႉပၼ်လႄႈဢဝ် ဢုရိမ်ႇတင်း ထုမိမ်ႇ သႂ်ႇဝႆႉၵႃႈၼႂ်းၶိူင်ႈဝႆႉၼႃႈဢူၵ်းၼၼ်ႉဢေႃႈ။
၉ မၼ်းဢဝ်ၶဵၼ်းႁူဝ်ၶဵၼ်းၵႃႈတီႈႁူဝ်မၼ်းလႄႈ ဢဝ်ၶႅပ်းပျႃးၶမ်းဢၼ်မူတ်းၸၢင်ႇၼၼ်ႉ သႂ်ႇၸပ်းဝႆႉၵႃႈတီႈၼႃႈၶဵၼ်းႁူဝ်ၼၼ်ႉ ၸွမ်းၵႃႈၼင်ႇဢၼ် ထႃႇဝရႃႉၽြႃး သင်ႇလၢတ်ႈဝႆႉတီႈမုဝ်းသေႇၼၼ်ႉဢေႃႈ။
၁၀ မုဝ်းသေႇဢဝ်ၼမ်ႉမၼ်း ပုၼ်ႈဢၼ်တၵ်းတႃးၼၼ်ႉတႃးသုမ်ႉထဵင်ၸဝ်ႈ ဢိၵ်ႇတင်းၶိူင်ႈပိူင်ၵႃႈဢၼ်မီးၼႂ်းမၼ်းၼၼ်ႉ လႄႈႁႂ်ႈမူတ်းၸၢင်ႇဢေႃႈ။
၁၁ မၼ်းဢဝ်ၼမ်ႉမၼ်းၼၼ်ႉၽႅတ်းသႂ်ႇၵႃႈၼိူဝ်ယိၸ်ႉပလၢင်ႇၸဵတ်းၵမ်းလႄႈ တႃးယိၸ်ႉပလၢင်ႇဢိၵ်ႇတင်း ၶိူင်ႈပိူင်မၼ်းၵႃႈမီးတင်းၵွၵ်း လူင်တင်းတိၼ်မၼ်းႁႂ်ႈလႆႈမူတ်းၸၢင်ႇဢေႃႈ။
၁၂ မၼ်းဢဝ်ၼမ်ႉမၼ်း ပုၼ်ႈဢၼ်တၵ်းတႃးၼၼ်ႉထွၵ်ႇသႂ်ႇၵႃႈၼိူဝ်ႁူဝ်ဢႃႇရုၼ်ႇလႄႈ တႃးပၼ်ႁႂ်ႈမၼ်းလႆႈမူတ်း ၸၢင်ႇဢေႃႈ။
၁၃ လုၵ်ႈၸၢႆးဢႃႇရုၼ်ႇၸိူဝ်းၼၼ်ႉၵေႃႈမုဝ်းသေႇဢဝ်မႃးလႄႈ ဢဝ်သိူဝ်ႈပုတ်းၼုင်ႈပၼ်သေယဝ်ႉ ဢဝ်သၢႆဢႅဝ်ႁတ်ႉပၼ်လႄႈဢဝ်မွၵ်ႇႁူဝ်တိုဝ်းပၼ်ၸွမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉတီႈမုဝ်းသေႇၼၼ်ႉဢေႃႈ။
၁၄ မၼ်းဢဝ်ဝူဝ်းပေႃႈ ပုၼ်ႈယိၸ်ႉဢၼ်ၽေႇဢပျႅတ်ႈၼၼ်ႉမႃးလႄႈ ဢႃႇရုၼ်ႇတင်းလုၵ်ႈၸၢႆးမၼ်းၸိူဝ်းၼၼ်ႉဢဝ်မိုဝ်းၶဝ် တၢင်ႇသႂ်ႇၵႃႈၼိူဝ်ႁူဝ်ဝူဝ်းပုၼ်ႈယိၸ်ႉ ဢၼ်ၽေႇဢပျႅတ်ႈၼၼ်ႉဢေႃႈ။
၁၅ ဢဝ်ဝူဝ်းၼၼ်ႉတၢႆလႄႈ မုဝ်းသေႇဢဝ်တင်းၼိဝ်ႉၸီႉဢဝ်လိူတ်ႈသႂ်ႇၵႃႈတီႈၶဝ်လႅမ်လဵပ်ႈႁွပ်ႈယိၸ်ႉပလၢင်ႇလႄႈ ႁႂ်ႈယိၸ်ႉပလၢင်ႇမူတ်းသႂ်သေယဝ်ႉ ဢဝ်လိူတ်ႈၼၼ်ႉထွၵ်ႇသႂ်ႇၵႃႈတီႈႁိမ်းတိၼ်ယိၸ်ႉပလၢင်ႇလႄႈ ႁႂ်ႈမၼ်းလႆႈမူတ်းၸၢင်ႇပုၼ်ႈၼင်ႇႁိုဝ် တၵ်းလႆႈႁဵတ်းတၢင်းဢၼ်ၽေႇ ဢပျႅတ်ႈၵႃႈၼိူဝ်ယိၸ်ႉပလၢင်ႇၼၼ်ႉဢေႃႈ။
၁၆ မုဝ်းသေႇဢဝ်ၵွၼ်ႈၶႆၵွၼ်ႈမၼ်း ဢၼ်ႁူမ်ႇသႆႈမၼ်းၵႃႈမီး၊ၽၢင်ႇၽၢပ်ႈဢၼ်မီးၵႃႈၼိူဝ်တပ်းမၼ်း၊ မၢၵ်ႇလၼ်းမၼ်းသွင်လုၵ်ႈဢိၵ်ႇတင်း ၵွၼ်ႈၶႆၵွၼ်ႈမၼ်းမၢၵ်ႇလၼ်းၸိူဝ်းၼၼ်ႉတုတ်ႇၽႆးၵႃႈၼိူဝ်ယိၸ်ႉပလၢင်ႇဢေႃႈ။
၁၇ တူဝ်ဝူဝ်းဢိၵ်ႇတင်း ၼင်မၼ်းၼိူဝ်ႉမၼ်းၶီႈၼုမ်ႇမၼ်းၸိူဝ်းၼၼ်ႉၸိုင် မၼ်းလႆႈဢဝ်တုတ်ႇၽႆးၵႃႈၼွၵ်ႈတပ်ႉၵႃႈၼင်ႇဢၼ် ထႃႇဝရႃႉၽြႃးသင်ႇလၢတ်ႈဝႆႉတီႈမုဝ်းသေႇ ၼၼ်ႉဢေႃႈ။
၁၈ မၼ်းဢဝ်သူဝ်းပေႃႈ ဢၼ်ႁဵတ်းယိၸ်ႉဢၼ်တုတ်ႇၽႆးၼၼ်ႉမႃးလႄႈ ဢႃႇရုၼ်ႇ တင်းလုၵ်ႈၸၢႆးမၼ်းၸိူဝ်းၼၼ်ႉ ဢဝ်မိုဝ်းၶဝ်တၢင်ႇသႂ်ႇၵႃႈၼိူဝ်ႁူဝ်သူဝ်းပေႃႈ ၼၼ်ႉဢေႃႈ။
၁၉ ဢဝ်တၢႆသေယဝ်ႉ မုဝ်းသေႇ ဢဝ်လိူတ်ႈ ၽႅတ်းသႂ်ႇလဵပ်ႈႁွပ်ႈၵႃႈၼိူဝ်ယိၸ်ႉပလၢင်ႇဢေႃႈ။
၂၀ တႅပ်းသူဝ်းပေႃႈၼၼ်ႉ ႁဵတ်းပွတ်းႁဵတ်းပႅတ်းသေယဝ်ႉမုဝ်းသေႇ ဢဝ်ၵွၵ်းႁူဝ်မၼ်းဢိၵ်ႇတင်းၵွၼ်ႈၼိူဝ်ႉမၼ်းတင်းလၢႆ တင်းၵွၼ်ႈၶႆၵွၼ်ႈမၼ်းမၼ်းၸိူဝ်းၼၼ်ႉတုတ်ႇ ၽႆးဢေႃႈ။
၂၁ ဢဝ်ၼမ်ႉသုၵ်ႈသီၶူင်းၼႂ်းမၼ်းဢိၵ်ႇတင်းတိၼ်မၼ်းသေယဝ်ႉ မုဝ်းသေႇဢဝ်ဝူဝ်းပေႃႈၼၼ်ႉတင်းတူဝ်တင်းၶိင်း တုတ်ႇၽႆးၵႃႈၼိူဝ်ယိၸ်ႉပလၢင်ႇဢေႃႈ။ပဵၼ်ယိၸ်ႉဢၼ်တုတ်ႇၽႆး ပုၼ်ႈဢၢႆႁွမ်ဢၼ်ႁူၺ်းဢေႃႈ။ ပဵၼ်တၢင်းပုၵ်ႉၸေႃႇဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးၸွမ်းၵႃႈၼင်ႇဢၼ် ထႃႇဝရႃႉၽြႃး သင်ႇလၢတ်ႈဝႆႉတီႈမုဝ်းသေႇၼၼ်ႉဢေႃႈ။
၂၂ မၼ်းဢဝ်သူဝ်းပေႃႈတၢင်ႇတူဝ် ဢၼ်ၶၢၼ်းဝႆႉၼႂ်းဢရႃႇၼၼ်ႉမႃးလႄႈ ဢႃႇရုၼ်ႇတင်းလုၵ်ႈၸၢႆးမၼ်းၸိူဝ်းၼၼ်ႉဢဝ်မိုဝ်းၶဝ်တၢင်ႇသႂ်ႇၵႃႈၼိူဝ်ႁူဝ်သူဝ်းပေႃႈၼၼ်ႉ ဢေႃႈ။
၂၃ ဢဝ်သူဝ်းၼၼ်ႉတၢႆသေယဝ်ႉ မုဝ်းသေႇဢဝ်လိူတ်ႈၵမ်ႈၽွင်ႈသႂ်ႇၵႃႈတီႈမႂ်ႊႁူၶွၼ်ၶႂႃဢႃႇရုၼ်ႇ မေႈမိုဝ်းၶွၼ်ၶႂႃမၼ်း တင်းမေႈတိၼ်ၶွၼ်ၶႂႃမၼ်းဢေႃႈ။
၂၄ လုၵ်ႈၸၢႆးဢႃႇရုၼ်ႇ ၸိူဝ်းၼၼ်ႉၵေႃႈမုဝ်းသေႇဢဝ်မႃးလႄႈဢဝ်တင်းလိူတ်ႈသႂ်ႇၵႃႈတီႈမႂ်ႊႁူၶဝ် မေႈမိုဝ်းၶွၼ်ၶႂႃၶဝ်တင်းမေႈတိၼ်ၶွၼ်ၶႂႃၶဝ်သေယဝ်ႉ ၽႅတ်း သႂ်ႇလဵပ်ႈႁွပ်ႈၵႃႈၼိူဝ်ယိၸ်ႉပလၢင်ႇဢေႃႈ။
၂၅ မၼ်းဢဝ်ၵွၼ်ႈၶႆၵွၼ်ႈမၼ်း ႁၢင်မၼ်းၵွၼ်ႈၶႆၵွၼ်ႈမၼ်းဢၼ်ႁူမ်ႇသႆႈမၼ်း ၽၢင်ႇၽၢပ်ႈဢၼ်မီးၵႃႈၼိူဝ်တပ်းမၼ်းမၢၵ်ႇလၼ်းမၼ်းသွင်လုၵ်ႈ တင်းၵွၼ်ႈၶႆၵွၼ်ႈမၼ်းဢၼ်ႁူမ်ႇမၢၵ်ႇလၼ်းမၼ်း ၶႅပ်းၶႃၶွၼ်ၶႂႃမၼ်းလႄႈ
၂၆ သမ်ႉဢဝ်ၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈ ၵႃႈၼႂ်းပဵတ်ႈၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈ ဢၼ်ဝႆႉၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉလုၵ်ႈၼိုင်ႈ ၶဝ်ႈမုၼ်းၶႅပ်းဢၼ်ဢဝ်တင်းၼမ်ႉမၼ်းႁဵတ်းၼၼ်ႉၶႅပ်းၼိုင်ႈ တင်းၶဝ်ႈမုၼ်းၶွပ်ႈၶႅပ်းၼိုင်ႈ တၢင်ႇသႂ်ႇၵႃႈၼိူဝ်ၵွၼ်ႈၶႆၵွၼ်ႈမၼ်းမၼ်းတင်းၶႅပ်းၶႃၶွၼ်ၶႂႃမၼ်းၼၼ်ႉလႄႈ
၂၇ ဢဝ် ၵႃႈမီးတင်းသဵင်ႈတင်းလူင်ၸိူဝ်းၼၼ်ႉ တၢင်ႇသႂ်ႇပၼ်ၵႃႈၼိူဝ်မိုဝ်းဢႃႇရုၼ်ႇ တင်းမိုဝ်းလုၵ်ႈၸၢႆးမၼ်းၸိူဝ်းၼၼ်ႉသေယဝ်ႉ ယွင်ႊၵႂႆပုၼ်ႈတၢင်းပုၵ်ႉၸေႃႇဢၼ်ယွင်ႊ ၵႂႆၵႃႈတီႈၽၢႆႇၼႃႈထႃႇဝရႃႉ ၽြႃးဢေႃႈ။
၂၈ မုဝ်းသေႇႁပ်ႉၶၢမ်ႇဢဝ် ၶိူင်ႈပိူင်ၸိူဝ်းၼၼ်ႉသေၵႃႈတီႈမိုဝ်းၶဝ်ၼၼ်ႉလႄႈ ဢဝ်တုတ်ႇၽႆးၵႃႈၼိူဝ်ယိၸ်ႉပလၢင်ႇၵႃႈၼိူဝ်ယိၸ်ႉဢၼ်တုတ်ႇၽႆးၼၼ်ႉဢေႃႈ။ ပဵၼ်ယိၸ်ႉတၢင်းဢၼ်ၶၢၼ်းဝႆႉၼႂ်းဢရႃႇပုၼ်ႈဢၢႆႁွမ်ဢၼ်ႁူၺ်းဢေႃႈ။ပဵၼ်တၢင်းပုၵ်ႉၸေႃႇဢၼ်ဢဝ်တင်းၽႆး ႁဵတ်းတီႈထႃႇဝရႃႉၽြႃးဢေႃႈ။
၂၉ လိုၼ်းၼၼ်ႉမုဝ်းသေႇဢဝ်ဢူၵ်းမၼ်းယွင်ႊၵႂႆပုၼ်ႈတၢင်းပုၵ်ႉၸေႃႇဢၼ်ယွင်ႊၵႂႆၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။ ၼႂ်းသူဝ်းပေႃႈ တၢင်းဢၼ်ၶၢၼ်းဝႆႉၼႂ်းဢရႃႇၼၼ်ႉဢၼ်ၼႆႉပဵၼ်ပုၼ်ႈမုဝ်းသေႇၸွမ်းၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမုဝ်းသေႇၼၼ်ႉဢေႃႈ။
၃၀ မုဝ်းသေႇ သမ်ႉဢဝ်ၼမ်ႉမၼ်းပုၼ်ဢၼ်တၵ်းတႃးဢိၵ်ႇတင်းလိူတ်ႈဢၼ်မီးၵႃႈၼိူဝ်ယိၸ်ႉပလၢင်ႇၼၼ်ႉၽႅတ်းသႂ်ႇၵႃႈၼိူဝ် ဢႃႇရုၼ်ႇ တင်းၶူဝ်းၼုင်ႈမၼ်းဢိၵ်ႇတင်း ၵႃႈၼိူဝ်လုၵ်ႈၸၢႆးမၼ်းၸိူဝ်းၼၼ်ႉတင်းၶူဝ်းၼုင်ႈၶဝ်ၼၼ်ႉလႄႈႁႂ်ႈဢႃႇရုၼ်ႇ တင်းၶူဝ်းၼုင်ႈမၼ်း ဢိၵ်ႇတင်းလုၵ်ႈၸၢႆးမၼ်းၸိူဝ်းၼၼ်ႉတင်းၶူဝ်း ၼုင်ႈၶဝ်ၼၼ်ႉမူတ်းၸၢင်ႇဢေႃႈ။
၃၁ မုဝ်းသေႇလၢတ်ႈတီႈဢႃႇရုၼ်ႇ တင်းလုၵ်ႈၸၢႆးမၼ်းၸိူဝ်းၼၼ်ႉလႄႈဝႃႈ၊-ဢဝ်ၼိူဝ်ႉၼၼ်ႉ တူမ်ႈၵႃႈတီႈႁိမ်းၽၵ်းတူသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉတႃႉ။ၸွမ်းၵႃႈၼင်ႇဢၼ်ၵဝ်သင်ႇလၢတ်ႈဝႆႉဝႃႈဢႃႇရုၼ်ႇ တင်းလုၵ်ႈၸၢႆးမၼ်းတင်းလၢႆတၵ်းလႆႈၵိၼ်ၼိူဝ်ႉၼၼ်ႉဢေႃႈ၊ဝႃႈၼင်ႇၼႆၼၼ်ႉသေလႄႈ ဢဝ်ၼိူဝ်ႉၼၼ်ႉတင်းၶဝ်ႈမုၼ်းဢၼ်မီးၵႃႈၼႂ်းပဵတ်ႈၶဝ်ႈမုၼ်းတၢင်းဢၼ်ၶၢၼ်း ဝႆႉၼႂ်းဢရႃႇၼၼ်ႉၵိၼ်ၵႃႈတီႈၼၼ်ႉတႃႉ။
၃၂ သူတၵ်းလႆႈဢဝ်ၼိူဝ်ႉတင်း ၶဝ်ႈမုၼ်းဢၼ်ၵိုတ်းဢၼ်ၵျၢၼ်ႇၼၼ်ႉတုတ်ႇၽႆးပႅတ်ႈဢေႃႈ။ၸူဝ်ႈဢၼ်ဝၼ်းဢၼ်သူၶၢၼ်းဝႆႉၼႂ်းဢရႃႇၼၼ်ႉဢမ်ႇပႆႇၸေးၼၼ်ႉၸိုင် ၸဵတ်းဝၼ်းတဵမ်တဵမ်သူဢမ်ႇလႆႈဢွၵ်ႇၵႃႈၼွၵ်ႈၽၵ်းတူသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉ။
၃၃ လွင်ႈမၼ်းၸမ်းၸဵတ်းဝၼ်းတဵမ်တဵမ် တၵ်းလႆႈဢဝ်သူႁဵတ်း မင်ႇၵလႃႇတၢင်းဢၼ်ၶၢၼ်းဝႆႉၼၼ်ႉဢေႃႈ။
၃၄ ၸွမ်းၵႃႈၼင်ႇဢၼ်ႁဵတ်းဝၼ်းမိူဝ်ႈၼႆႉၼၼ်ႉထႃႇဝရႃႉၽြႃးသင်ႇလၢတ်ႈဝႆႉ ႁႂ်ႈႁဵတ်းပုၼ်ႈလွင်ႈၼင်ႇႁိုဝ်တၵ်းႁဵတ်း တၢင်းဢၼ်ၽေႇဢပျႅတ်ႈပုၼ်ႈသူယဝ်ႉ။
၃၅ ပိူဝ်ႈၼႆလႄႈသူတၵ်းလႆႈယူလႆႈသဝ်း ၵႃႈတီႈႁိမ်းၽၵ်းတူၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉ ၸဵတ်းဝၼ်းတင်းဝၼ်းတင်းၶိုၼ်းဢမ်ႇထၢတ်ႇလႄႈ ပႂ်ႉဢမူႉထႃႇဝရႃႉၽြႃးယူႇႁႂ်ႈလႆႈၵၢင်းလွတ်ႈတင်းၽေးတၢႆဢေႃႈ။ ၵဝ်လႆႈၶၢမ်ႇတၢင်းဢၼ်မၼ်းၸဝ်ႈသင်ႇလၢတ်ႈဝႆႉ ၸိူဝ်ႉၼင်ႇၼၼ်ယဝ်ႉ၊ဝႃႈၼင်ႇၼႆဢေႃႈ။
၃၆ ဢႃႇရုၼ်ႇ တင်းလုၵ်ႈၸၢႆးမၼ်းၸိူဝ်းၼၼ်ႉႁဵတ်းၸွမ်းၵႃႈၼင်ႇဢၼ် ထႃႇဝရႃႉၽြႃးဢဝ် မုဝ်းသေႇ သင်ႇလၢတ်ႈဝႆႉၼၼ်ႉဢေႃႈ။