Chapter
၂၄
ၼမ်ႉမၼ်းတင်းၶဝ်ႈမုၼ်းၽၢႆႇၼႃႈၸဝ်ႈၽြႃး
၁ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈ ၸမ်း၊-
၂ မႂ်းသင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆ ႁႂ်ႈၶဝ်ဢဝ်ၼမ်ႉမၼ်းသၢၼ်ႇလုၼ်ႇၸႅတ်ႈၸႅတ်ႈ ဢၼ်ဢဝ်မၢၵ်ႇသၢၼ်ႇလုၼ်ႇတမ်ႁဵတ်းပုၼ်ႈဢၼ်တၵ်းတႆႈၽႆး တႃႇသေႇဢမ်ႇထၢတ်ႇၵႃႈတီႈၶူင်ႇ တီႈတႆႈၽႆးၼၼ်ႉမႃးၵႃႈတီႈမႂ်းတႃႉ။
၃ ၵႃႈၼွၵ်ႈၽႃႈၵင်ႈၶိူင်ႈၶၢမ်ႇသၢၵ်ႈသေႇ ၵႃႈၼႂ်းသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉ ဢႃႇရုၼ်ႇတၵ်းလႆႈၸီႇယၢင်ႇပွင်ႁဵတ်းဢမူႉၼၼ်ႉ ၸႃႉၸဵမ်ႁူဝ်ၶမ်ႈတေႃႇထိုင်ႁွတ်ႈၵၢင်ၼႂ်ၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။ ပဵၼ်ပိင်းၺၢပ်ႈ တီႈၸူဝ်ႈလုၵ်ႈပၢၼ်လၢၼ်သူသိုပ်ႇသိုပ်ႇ တၢမ်ႈတၢမ်ႈၼၼ်ႉတႃႇသေႇဢေႃႈ။
၄ မၼ်းတၵ်းလႆႈမႄးႁႅၼ်းဝၢၼ်ႇၽႆးၵႃႈတီႈၶူင်ႇတီႈတႆႈၽႆး ဢၼ်မူတ်းၸၢင်ႇၼၼ်ႉၸိူဝ်းၼၼ်ႉဝႆႉၵႃႈတီႈၽၢႆႇၼႃႈထႃႇဝရႃႉ ၽြႃးတႃႇသေႇဢမ်ႇထၢတ်ႇဢေႃႈ။
၅ မႂ်းတၵ်းလႆႈဢဝ်ၽွင်ၶဝ်ႈမုၼ်းလႄႈႁဵတ်းၶဝ်ႈမုၼ်းသိပ်းသွင်လုၵ်ႈဢေႃႈ။ၶဝ်ႈမုၼ်းယေႈလုၵ်ႈတၵ်းလႆႈမီးဢေႇၽႃႇသိပ်း ပုၼ်ႊဢဝ်သွင်ပုၼ်ႊဢေႃႈ။
၆ မႂ်းတၵ်းလႆႈၵွင်ႁဵတ်းသွင်ၵွင်ယေႈၵွင်ႁူၵ်းလုၵ်ႈၼင်ႇၵၼ် ဝႆႉၵႃႈၼိူဝ်ၶူင်ႇတီႈၵိၼ်ဢၼ်မူတ်းသႂ်ၼၼ်ႉၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။
၇ မႂ်းတၵ်းလႆႈဢဝ်လေႃႇပၢၼ်ႇဢၼ်မူတ်းသႂ်ၼၼ်ႉ တၢင်ႇသႂ်ႇဝႆႉၵႃႈၼိူဝ်မၼ်းၵူႈလွင်ႈလွင်ႈၼင်ႇႁိုဝ်တၵ်းပဵၼ်ၶဝ်ႈမုၼ်း ပုၼ်ႈဢၼ်မၼ်းၸဝ်ႈတၵ်းၶုၵ်းၸႂ်လႆႈၶႆႈၸႂ်ထူပ်းဢၼ်ဝႃႈ တၢင်းပုၵ်ႉၸေႃႇဢၼ်ဢဝ် တင်းၽႆးႁဵတ်းတီႈထႃႇဝရႃႉၽြႃးဢေႃႈ။
၈ မၼ်းတၵ်းလႆႈမႄးႁႅၼ်းဝႆႉ ၵႃႈတီႈၽၢႆႇၼႃႈထႃႇဝရႃႉၽြႃးဝၼ်းၵမ်သိၼ်ၵူႈဝၼ်းဢမ်ႇထၢတ်ႇဢေႃႈ။ ပဵၼ်ၶဝ်ႈမုၼ်းဢၼ်ၸွမ်းၼင်ႇ ပတိၺိၼ်ႇထႃႇဝရႃႉၽြႃးသေလႄႈၶၢမ်ႇဢဝ်ၵႃႈၼႂ်းမိုဝ်းၵူၼ်းမဵဝ်းဢိသရေႇလ တင်းလၢႆ ၼၼ်ႉဢေႃႈ။
၉ ၶဝ်ႈမုၼ်းၼၼ်ႉတၵ်းလႆႈပဵၼ်ပုၼ်ႈဢႃႇရုၼ်ႇ ဢိၵ်ႇတင်းလုၵ်ႈၸၢႆးမၼ်းၸိူဝ်းၼၼ်ႉလႄႈၶဝ်တၵ်းလႆႈၵိၼ် ၵႃႈၼႂ်းထႃႇၼႃႉတီႈမူတ်းၸၢင်ႇၸဝ်ႈဢေႃႈ။ ၵႃႈၼႂ်းတၢင်းပုၵ်ႉၸေႃႇဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးၸိူဝ်းၼၼ်ႉ ၶဝ်ႈမုၼ်းၼၼ်ႉပဵၼ်ဢၼ်မူတ်းၸၢင်ႇၼႃႇလူင်လၢင် ပုၼ်ႈမၼ်းၸွမ်းၵႃႈၼင်ႇပိင်းၺၢပ်ႈတႃႇသေႇၼၼ်ႉဢေႃႈ၊ ဝႃႈၼင်ႇၼႆဢေႃႈ။
မၢၵ်ႇႁိၼ်ထိမ်ႈၵေႃႉဢၼ်ၵိၼ်ႇလႃႇၽြႃး
၁၀ လုၵ်ႈၸၢႆးမေႈယိင်းဢိသရေႇလ ဢၼ်ပေႃႈမၼ်းပဵၼ်ၵူၼ်းဢေႇၵႅပ်ႉတုၼၼ်ႉၵေႃႉၼိုင်ႈ ဢၼ်ၸွမ်းမႃးလူၺ်ႈၵၼ်တင်းၵူၼ်း မဵဝ်းဢိသရေႇလ ၸိူဝ်းၼၼ်ႉလႄႈၽိတ်းၵၼ်တင်းၵူၼ်းဢိသရေႇလ ၵေႃႉၼိုင်ႈၵႃႈၼႂ်းတပ်ႉဢေႃႈ။လုၵ်ႈၸၢႆးမေႈယိင်းဢိသရေႇလၼၼ်ႉသေႉသွမ်းၼႃႇမႃႉၸိုဝ်ႈသဵင်ၸဝ်ႈလႄႈ ၵိၼ်ႇလႃႇဢေႃႈ။
၁၁ ၶဝ်ဢဝ်မၼ်းမႃးၵႃႈတီႈမုဝ်းသေႇဢေႃႈ။ၸိုဝ်ႈသဵင်မေႈမၼ်းပဵၼ် သေႇလေႃႇမိတ်ႉလႄႈပဵၼ်လုၵ်ႈယိင်းတိပရိၸိူဝ်ႉၶိူဝ်းတၢၼ်ႇဢေႃႈ။
၁၂ ၶဝ်ဢဝ်မၼ်းၶျုၵ်ႈဝႆႉႁႂ်ႈလႆႈ ႁူႉ ဢလူဝ်ႇထႃႇဝရႃႉၽြႃးလႅင်းလႅင်းဢေႃႈ။
၁၃ ထႃႇဝရႃႉ ၽြႃးမီးဢမိင်ႉတီႈမုဝ်းသေႇလႄႈဝႃႈၸမ်း၊-
၁၄ ဢဝ်ၵေႃႉဢၼ်ၵိၼ်ႇလႃႇၼၼ်ႉ ဢွၵ်ႇၵႂႃႇၵႃႈၼွၵ်ႈတပ်ႉလႄႈႁႂ်ႈၶဝ်ၸိူဝ်းဢၼ်ငိၼ်းၵႂၢမ်းမၼ်းၼၼ်ႉ တင်းသဵင်ႈတင်းလူင် ဢွၼ်ၵၼ်ဢဝ်မိုဝ်းတၢင်ႇသႂ်ႇၵႃႈၼိူဝ်ႁူဝ်မၼ်းသေယဝ်ႉ ႁႂ်ႈပရိၵ်ႈသၢတ်ႈတင်းသဵင်ႈတင်းလူင်ဢွၼ် ၵၼ်ဢဝ်မၢၵ်ႇႁိၼ်ထႅမ်ႈတႃႉ။
၁၅ မႂ်းသင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊-ၵေႃႉဢၼ်ၵိၼ်ႇလႃႇၽြႃးပဵၼ်ၸဝ်ႈမၼ်းၼၼ်ႉတၵ်းလႆႈၶၢမ်ႇဢ ပျႅတ်ႈတူဝ်ၸဝ်ႈၵဝ်ႇဢေႃႈ။
၁၆ ၵေႃႉဢၼ်သေႉသွမ်းၼႃႇမႃႉၸိုဝ်သဵင်ထႃႇဝရႃႉၽြႃးၼၼ်ႉ တၵ်းလႆႈၶၢမ်ႇတၢင်းဢၼ်ဢဝ်တၢႆဢမၢၼ်ႇၶၢၼ်ပဵၼ်ဢေႃႈ။ပရိၵ်ႈသၢတ်ႈတင်းသဵင်ႈတင်းလူင်တၵ်းလႆႈဢွၼ်ၵၼ်ဢဝ်မၢၵ်ႇႁိၼ်ထႅမ်ႈမၼ်းဢမၢၼ်ႇၶၢၼ်ပဵၼ်ဢေႃႈ။ ၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်သေဢမ်ႇဝႃႈ ၵူၼ်းတၢင်ႇၸိူဝ်ႉတၢင်ႇၶိူဝ်းသေဢမ်ႇဝႃႈ ပေႃးသေႉသွမ်းၼႃႇမႃႉၸိုဝ်သဵင်ၸဝ်ႈၸိုင်တၵ်းလႆႈၶၢမ်ႇတၢင်းဢၼ်ဢဝ်တၢႆဢေႃႈ။
၁၇ ၵေႃႉဢၼ်ဢဝ်ဢသၢၵ်ႈၵူၼ်းတၢႆၼၼ်ႉၵေႃႈ တၵ်းလႆႈၶၢမ်ႇတၢင်းဢၼ်ဢဝ်တၢႆ ဢမၢၼ်ႇၶၢၼ်ပဵၼ်ဢေႃႈ။ ၵေႃႉဢၼ် ဢဝ်ဢသၢၵ်ႈတရိၵ်ႈသၢၼ်ႇတၢႆၼၼ်ႉၵေႃႈတၵ်းလႆႈၶိုၼ်းတႅၼ်းပၼ်တူဝ်ၼိုင်ႈ ပုၼ်ႈတူဝ်ၼိုင်ႈ ဢေႃႈ။
၁၉ ပေႃးၵူၼ်းႁဵတ်းႁႂ်ႈၵူၼ်းႁိူၼ်းၸမ်ၵၼ်ၸဵပ်းၸိုင် တူဝ်ၸဝ်ႈၵဝ်ႇတၵ်းလႆႈၶၢမ်ႇၸွမ်းၵႃႈၼင်ႇဢၼ် ႁဵတ်းတီႈၵေႃႉၼၼ်ႉဢေႃႈ။
၂၀ တၢင်းဢၼ်လုပ်ႇႁၵ်းပုၼ်ႈတၢင်းဢၼ်လုပ်ႇႁၵ်း မၢၵ်ႇတႃပုၼ်ႈမၢၵ်ႇတႃ ၶဵဝ်ႈပုၼ်ႈၶဵဝ်ႈ မၼ်းတၵ်းလႆႈၶၢမ်ႇတၢင်းဢၼ်ၸဵပ်းၸွမ်းၵႃႈၼင်ႇဢၼ်မၼ်းႁဵတ်း ႁႂ်ႈပိူၼ်ႈၸဵပ်းၼၼ်ႉဢေႃႈ။
၂၁ ၵေႃႉဢၼ် ဢဝ်ဢသၢၵ်ႈတရိၵ်ႈသၢၼ်ႇပိူၼ်ႈတၢႆၼၼ်ႉတၵ်းလႆႈၶိုၼ်းတႅၼ်းပၼ်တူဝ်ၼိုင်ႈ ပုၼ်ႈတူဝ်ၼိုင်ႈဢေႃႈ။ ၵေႃႉဢၼ်ဢဝ်ဢသၢၵ်ႈၵူၼ်းတၢႆၼၼ်ႉတၵ်း လႆႈၶၢမ်ႇတၢင်းဢၼ်ဢဝ်တၢႆဢေႃႈ။
၂၂ ၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်သေဢမ်ႇဝႃႈ ၵူၼ်းတၢင်ႇၸိူဝ်ႉတၢင်ႇၶိူဝ်းသေဢမ်ႇဝႃႈ၊တၵ်းလႆႈၶၢမ်ႇတၢင်းဢၼ်ၸီႇယၢင်ႇၸွမ်းၼင်ႇတြႃးပႃးလဵဝ်ၵူၺ်းဢေႃႈ။ၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ၊ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
၂၃ မုဝ်းသေႇသင်ႇလၢတ်ႈဝႆႉတီႈၵူၼ်းမဵဝ်းဢိသရေႇလတင်းလၢႆႁႂ်ႈၵေႃႉဢၼ်ၵိၼ်ႇလႃႇၼၼ်ႉ ဢွၵ်ႇၵႂႃႇၵႃႈၼွၵ်ႈတပ်ႉသေလႄႈဢဝ်မၢၵ်ႇႁိၼ်ထိမ်ႈလႄႈၵူၼ်းဢိသရေႇလၸိူဝ်းၼၼ်ႉ ဢွၼ်ၵၼ်ႁဵတ်းၸွမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉတီႈမုဝ်းသေႇၼၼ်ႉဢေႃႈ။