Chapter
၁၁
တၢင်းၵိၼ်ဢၼ်မူတ်းၸၢင်ႇ တင်းဢၼ်ဢမ်ႇမူတ်းၸၢင်ႇ
၁ထႃႇဝရႃႉၽြႃး သမ်ႉမီးဢမိင်ႉတီႈ မုဝ်းသေႇ တင်း ဢႃႇရူၼ်ႇ လႄႈဝႃႈ၊-သင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊- တူဝ်ဢၼ်သူမီးဢၶႂၢင်ႉဢၼ်လႆႈၵိၼ် ၵႃႈၼႂ်းတူဝ်ၵႃႈဢၼ်မီးၵႃႈၼိူဝ် လိၼ်မိူင်းၼႆႉၼၼ်ႉၸမ်း၊
၃ ၵႃႈၼႂ်းတူဝ်တင်းလၢႆၼၼ်ႉသူမီးဢၶႂၢင်ႉဢၼ်လႆႈၵိၼ်တူဝ်ၵႃႈဢၼ်ၵိပ်ႇတႅၵ်ႇလႄႈ တိၼ်ပဵၼ်ငၢမ်ႈဝႆႉလႄႈၵဵဝ်ႉဢိူင်ႈယူႇတင်းသဵင်ႈ တင်းလူင်ၼၼ်ႉဢေႃႈ။
၄ ၼႂ်းဝႃႈၼၼ်သေၵေႃႈတူဝ်ဢၼ်သူဢမ်ႇလႆႈၵိၼ် ၼႂ်းတူဝ်ဢၼ်ၵဵဝ်ႉဢိူင်ႈဢိၵ်ႇတင်းတူဝ်ဢၼ်ၵိပ်ႇတႅၵ်ႇၸိူဝ်းၼၼ်ႉၸမ်း ၵလႃႇဢူၵ်ႉၸိုင်ၵွပ်ႈပိူဝ်ႈဢၼ်ၵဵဝ်ႉဢိူင်ႈသေၵေႃႈ ၵိပ်ႇဢမ်ႇတႅၵ်ႇ လႄႈဢမ်ႇမူတ်းသႂ်တီႈသူ။
၅ ပၢင်တၢႆးသၽၢၼ်းၸိုင်ၵွပ်ႈပိူဝ်ႈဢၼ်ၵဵဝ်ႉဢိူင်ႈသေၵေႃႈ ၵိပ်ႇဢမ်ႇတႅၵ်ႇလႄႈ ဢမ်ႇမူတ်းသႂ်တီႈသူ။
၆ ပၢင်တၢႆးၸိုင်ၵွပ်ႈပိူဝ်ႈဢၼ်ၵဵဝ်ႉဢိူင်ႈသေၵေႃႈၵိပ်ႇဢမ်ႇတႅၵ်ႇၼၼ်ႉလႄႈ ဢမ်ႇမူတ်းသႂ်တီႈသူ။
၇ မူၸိုင်ၵွပ်ႈပိူဝ်ႈဢၼ်ၵိပ်ႇတႅၵ်ႇသေၵေႃႈဢမ်ႇၵဵဝ်ႉဢိူင်ႈလႄႈဢမ်ႇမူတ်းသႂ်တီႈသူ။ၼိူဝ်ႉတရိၵ်ႈသၢၼ်ႇ ၸိူဝ်ႉၼင်ႇၼၼ်ၸိုင်သူဢမ်ႇလႆႈၵိၼ်။
၈ တူဝ်တၢႆၶဝ်ၵေႃႈသူဢမ်ႇလႆႈတိူဝ်ႉလႆႈထုၵ်ႇ။ပဵၼ်ဢၼ်ဢမ်ႇမူတ်းသႂ်တီႈ သူ။
၉ တရိၵ်ႈသၢၼ်ႇဢၼ်ယူႇၵႃႈၼႂ်းၼမ်ႉဢၼ်သူမီးဢၶႂၢင်ႉဢၼ်လႆႈၵိၼ်တင်းလၢႆၼၼ်ႉၸမ်းၼႂ်းတရိၵ်ႈသၢၼ်ႇ ၵႃႈဢၼ်ယူႇၼႂ်းၼမ်ႉပၢင်ႇလၢႆႇဢိၵ်ႇတင်းၼမ်ႉႁွင်ႈၼမ်ႉၵႄးတင်းၼမ်ႉတင်းလၢႆၼၼ်ႉၸမ်း ပဵၼ်တရိၵ်ႈသၢၼ်ႇ ဢၼ်မီးပိၵ်ႇဝီး တင်းၵဵတ်းၼၼ်ႉၵူၺ်း ဢေႃႈ။
၁၀ တရိၵ်ႈသၢၼ်ႇဢၼ်ဢမ်ႇမီးပိၵ်ႇဝီးတင်းၵဵတ်းဢၼ်ယူႇၵႃႈၼႂ်းၼမ်ႉပၢင်ႇလၢႆႇ တင်းၼမ်ႉႁွင်ႈၼမ်ႉၵႄးၵႃႈဢၼ်တူင်ႉၼိုင်ယူႇၼႂ်းၼမ်ႉ၊ ၵႃႈဢၼ်ဢသၢၵ်ႈလိပ်းယူႇၼႂ်းၼမ်ႉၸိူဝ်းၼၼ်ႉ တၵ်းလႆႈပဵၼ်ဢၼ်လီ ႁင်ႈဢဵတ်ႇသဵတ်ႇတီႈသူဢေႃႈ။
၁၁ တၵ်းလႆႈပဵၼ်ဢၼ်လီႁင်ႈဢဵတ်ႇသဵတ်ႇတီႈသူဢမၢၼ်ႇၶၢၼ်ပဵၼ်ဢေႃႈ။သူဢမ်ႇလႆႈၵိၼ်ၼိူဝ်ႉၶဝ်။တူဝ်တၢႆၶဝ်ၼၼ်ႉတၵ်းလႆႈပဵၼ်ဢၼ်လီႁင်ႈဢဵတ်ႇသဵတ်ႇတီႈသူဢေႃႈ။
၁၂ တရိၵ်ႈသၢၼ်ႇ ၵႃႈၼႂ်းၼမ်ႉ ၵႃႈဢၼ်ဢမ်ႇတဵမ်ထူၼ်ႈတင်းပိၵ်ႇဝီးတင်းၵဵတ်းၸိူဝ်းၼၼ်ႉ တၵ်းလႆႈပဵၼ်ဢၼ် လီႁင်ႈဢဵတ်ႇသဵတ်ႇတီႈသူဢေႃႈ။
၁၃ မဵဝ်းၼူၵ်ႉဢၼ်သူတၵ်းလႆႈလီႁင်ႈဢဵတ်ႇသဵတ်ႇလႄႈ
၁၄ ဢမ်ႇလႆႈၵိၼ်ၼၼ်ႉၸမ်းပဵၼ် လၢင်းတႃႉၶမ်းႁုင်ႉလူင်လၢင်းတႃႉပၢင်ႇ လၢႆႇ
၁၅-၁၆ ယဵဝ်ႈၸွၵ်ႇမဵဝ်းႁုင်ႉၵူႈမဵဝ်း မဵဝ်းၵႃလူင်ၵူႈမဵဝ်း၊
၁၇ ၼူၵ်ႉၵလႃႇဢူၵ်ႉ၊ၼူၵ်ႉႁၢႆႉ ၼူၵ်ႉယၢင်းမဵဝ်းယဵဝ်ႈၵူႈမဵဝ်းၵဝ်ႉ ၵႃၸႆးတီးတုတ်ႈ၊ၵဝ်ႉငႅမ်ႇ၊ၼူၵ်ႉဝၢၼ်ႇပူဝ်၊ၼူၵ်ႉၸဝ်ႉ၊
၁၈-၁၉ ၵွၼ်ႇ၊မဵဝ်းၼူၵ်ႉယၢင်းလိူၼ်ၵူႈမဵဝ်း၊ၼူၵ်ႉတွႆႇၵိုဝ်းတင်းဝိင်ႇၸိူဝ်းၼၼ်ႉဢေႃႈ။
၂၀ တရိၵ်ႈသၢၼ်ႇ ၵႃႈဢၼ်မီးပိၵ်ႇလႄႈၸၢင်ႊဢဝ်တင်းတိၼ်သီႇၶွၼ်ၵၢၼ်းၵႂႃႇ တင်းသဵင်ႈတင်းလူင်ၼၼ်ႉတၵ်းလႆႈပဵၼ်ဢၼ်လီႁင်ႈဢဵတ်ႇသဵတ်ႇ တီႈသူဢေႃႈ။
၂၁ ၼႂ်းဝႃႈၼၼ်သေၵေႃႈ ၼႂ်းတရိၵ်ႈသၢၼ်ႇဢၼ်မီးပိၵ်ႇလႄႈ ၸၢင်ႊဢဝ်တင်းတိၼ်သီႇၶွၼ်ၵၢၼ်းၵႂႃႇ ဢၼ်မီးမၢၵ်ႇၵၢဝ်ႈမၢၵ်ႇၶႃၵႃႈၼိူဝ်တိၼ် ပုၼ်ႈဢၼ်တၵ်း ၵျွၵ်းဝႅၼ်ၸိူဝ်းၼၼ်ႉ
၂၂ တၵ်းလႆႈၵိၼ်မဵဝ်းမႅင်းၵႅင်းဢႃႇရႃႇၽႃႉ မဵဝ်းမႅင်းၵႅင်းသလွင်ႇ မဵဝ်းမႅင်းၵႅင်းၶရၵ၊မဵဝ်းမႅင်းၵႅင်း ၵႃႇၵၢပ်ႇၸိူဝ်းၼၼ်ႉဢေႃႈ။
၂၃ တရိၵ်ႈသၢၼ်ႇတၢင်ႇၸိူဝ်ႉဢၼ်မီးပိၵ်ႇလႄႈၸၢင်ႊဢဝ်တင်းတိၼ်သီႇၶွၼ်ၵၢၼ်းၵႂႃႇ တင်းသဵင်ႈတင်းလူင်ၼၼ်ႉတၵ်းလႆႈပဵၼ် ဢၼ်လီႁင်ႈဢဵတ်ႇသဵတ်ႇတီႈသူဢေႃႈ။
၂၄ ၵွပ်ႈပိူဝ်ႈတရိၵ်ႈသၢၼ်ႇၸိူဝ်ႉၼင်ႇၼၼ်လႄႈ တၢင်းမူတ်းသႂ်သူၸၢင်ႊလူႉဢေႃႈ။ၵေႃႉဢၼ်တိူဝ်ႉထုၵ်ႇတူဝ်တၢႆၶဝ်ၼၼ်ႉဢမ်ႇ မူတ်းသႂ်ယူႇတေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၂၅ ၵႃႈပဵၼ်ၵေႃႉဢၼ်ဢဝ်တူဝ်တၢႆၼၼ်ႉၵႂႃႇၼၼ်ႉ တၵ်းလႆႈသၵ်ႉလွႆးၶူဝ်းၼုင်ႈမၼ်းသေလႄႈဢမ်ႇမူတ်းသႂ်ယူႇ တေႃႇထိုင်ၶိင်ႇႁူဝ်ၶမ်ႈဢေႃႈ။
၂၆ ၵႃႈပဵၼ်တရိၵ်ႈသၢၼ်ႇဢၼ်ၵိပ်ႇတႅၵ်ႇယူႇလႄႈ တိၼ်ဢမ်ႇပဵၼ်ငၢမ်ႈဝႆႉ၊ဢမ်ႇၵဵဝ်ႉဢိူင်ႈၸိူဝ်းၼၼ်ႉဢမ်ႇမူတ်းသႂ်တီႈသူ။ၵႃႈပဵၼ်ၵေႃႉ ဢၼ်တိူဝ်ႉထုၵ်ႇတူဝ်တၢႆၶဝ်ၼၼ်ႉဢမ်ႇမူတ်းသႂ်။
၂၇ ၼႂ်းတရိၵ်ႈသၢၼ်ႇၵူႈၸိူဝ်ႉၵူႈမဵဝ်း ဢၼ်ဢဝ်တိၼ်သီႇၶွၼ်ၵၢၼ်းၵႂႃႇၼၼ်ႉၸိုင်ၵႃႈပဵၼ်တူဝ်ဢၼ်ဢဝ်ၽႃႇတိၼ်ယဵပ်ႇၵႂႃႇၼၼ်ႉဢမ်ႇမူတ်းသႂ်တီႈသူ။ၵေႃႉဢၼ်တိူဝ်ႉထုၵ်ႇတူဝ်တၢႆၶဝ်ၼၼ်ႉ ဢမ်ႇမူတ်းသႂ်ယူႇတေႃႇ ထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၂၈ ၵႃႈပဵၼ်ၵေႃႉဢၼ်ဢဝ်တူဝ် တၢႆၶဝ်ၼၼ်ႉၵႂႃႇၼၼ်ႉတၵ်းလႆႈသၵ်ႉလွႆးၶူဝ်းၼုင်ႈမၼ်းသေလႄႈဢမ်ႇမူတ်းသႂ်ႇယူႇ တေႃႇထိုင်ႁွတ်ႈၶိင်ႇ ႁူဝ်ၶမ်ႈဢေႃႈ။
၂၉ ၶဝ်ၼၼ်ႉဢမ်ႇမူတ်းသႂ်တီႈသူ။ၼႂ်းတရိၵ်ႈသၢၼ်ႇဢၼ်ၸၢၵ်ႈၵၢၼ်းၵႂႃႇ ၵႃႈၼိူဝ်လိၼ်ၸိူဝ်းၼၼ်ႉတရိၵ်ႈသၢၼ်ႇ ဢၼ်ဢမ်ႇမူတ်းသႂ်တီႈသူၸမ်း၊
၃၀ ပဵၼ်တွၼ်ႇ၊ၼူ၊မဵဝ်းၸိူင်ႉႁိူၼ်း၊ တွၵ်ႉတေႉ၊လႅၼ်းလၢဝ်၊ ဢၢၵ်ႇလိူၼ်း၊လႅၼ်း၊ဢၢၵ်ႇၶၢင်ၸိူဝ်းၼၼ်ႉဢေႃႈ။
၃၁ ၼႂ်းတူဝ်ဢၼ်ၸၢင်ႊၵၢၼ်း တင်းသဵင်ႈတင်းလူင်ၼၼ်ႉတူဝ်ၸိူဝ်းၼႆႉဢမ်ႇမူတ်းသႂ်တီႈသူ။ၵႃႈပဵၼ်ၵေႃႉဢၼ်တိူဝ်ႉထုၵ်ႇတူဝ်တၢႆၶဝ်ၼၼ်ႉ ဢမ်ႇမူတ်းသႂ်ယူႇတေႃႇ ထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၃၂ ပေႃးတူဝ်တၢႆတရိၵ်ႈသၢၼ်ႇၸိူဝ်းၼၼ်ႉ တူၵ်းသႂ်ႇၵႃႈၼိူဝ်သေၸိူဝ်ႉသေပိူင်ၸိုင်ၶိူင်ႈပိူင်ၼၼ်ႉဢမ်ႇမူတ်းသႂ်။ပဵၼ်ၵွၵ်းမႆႉသေဢမ်ႇဝႃႈ၊ပဵၼ်ၶူဝ်းၼုင်ႈသေဢမ်ႇဝႃႈ၊ ပဵၼ်ၼင်သေဢမ်ႇဝႃႈ၊ ပဵၼ်ထူင်သေဢမ်ႇဝႃႈ၊ ပဵၼ်ၶိူင်ႈပိူင်ဢၼ်ဢဝ်သုင်းသွင်ႇၼၼ်ႉသေၸိူဝ်ႉသေပိူင်သေဢမ်ႇဝႃႈ၊ ၶိူင်ႈပိူင်ၼၼ်ႉဢမ်ႇမူတ်းသႂ်။တၵ်းလႆႈဢဝ်ၸုမ်ႇၼမ်ႉဢေႃႈ။ဢမ်ႇမူတ်းသႂ်ယူႇ တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၃၃ လိုၼ်းၼၼ်ႉတၵ်းမူတ်းသႂ်ဢေႃႈ။ၵႃႈပဵၼ်ၵွၵ်းလိၼ်ဢၼ်တူဝ်တၢႆၶဝ် တူၵ်းသႂ်ႇၵႃႈၼႂ်းမၼ်းၼၼ်ႉမီးၵႃႈသင်ၼႂ်းမၼ်းသေဢမ်ႇဝႃႈဢမ်ႇမူတ်းသႂ်လႄႈ တၵ်း လႆႈဢဝ်တႅၵ်ႇပႅတ်ႈသေဢေႃႈ။
၃၄ တၢင်းၵိၼ်တၢင်းၶူပ်းဢၼ်ဢဝ်ၼမ်ႉသႂ်ႇလႄႈ ႁဵတ်းၵႃႈၼႂ်းၵွၵ်းၼၼ်ႉဢမ်ႇမူတ်းသႂ်။ၼမ်ႉဢၼ်တၵ်းၵိၼ်ၵႃႈၼႂ်းၵွၵ်းလိၼ်ၼၼ်ႉ ၵေႃႈဢမ်ႇမူတ်းသႂ်။
၃၅ ၵႃႈပဵၼ်ၶိူင်ႈပိူင်ဢၼ်တူဝ်တၢႆၶဝ်တူၵ်းသႂ်ႇၵႃႈၼိူဝ်မၼ်းၼၼ်ႉ ႁွတ်ႈထိုင်တၢင်းဢၼ်ဢမ်ႇမူတ်းသႂ်ဢေႃႈ။ ပဵၼ်ၽီးၽႆးသေဢမ်ႇဝႃႈ၊ပဵၼ်ပုင်းၽႆးသေဢမ်ႇဝႃႈၵွပ်ႈပိူဝ်ႈဢၼ် ႁွတ်ႈထိုင်တၢင်းဢၼ်ဢမ်ႇမူတ်းသႂ်လႄႈ တၵ်းလႆႈယႃႉပႅတ်ႈသေ ဢေႃႈ။
၃၆ ဢမ်ႇမူတ်းသႂ်တီႈသူ။ ၵူၺ်းၵႃႈၼမ်ႉဢွၵ်ႇႁူးဢိၵ်ႇတင်းၼမ်ႉမေႃႇ ဢၼ်မီးတၢင်းဢၼ်ၼမ်ႉၸူႉတုမ်ၼၼ်ႉၸိုင်မူတ်းသႂ်ယူႇဢေႃႈ။ၵေႃႉဢၼ်တိူဝ်ႉထုၵ်ႇတူဝ်တၢႆၼၼ်ႉၵူၺ်း ႁွတ်ႈထိုင်တၢင်းဢၼ်ဢမ်ႇမူတ်းသႂ်ဢေႃႈ။
၃၇ ပေႃးတူဝ်တၢႆၶဝ်တူၵ်းသႂ်ႇၵႃႈၼိူဝ်ၸိူဝ်ႉၽၼ်းဢၼ်တၵ်းဝၢၼ်ႇတၵ်းပိုၼ်ၼၼ်ႉၸိုင်ၸိူဝ်ႉၽၼ်း ၼၼ်ႉမူတ်းသႂ်ယူႇဢေႃႈ။
၃၈ ပေႃးတူဝ်တၢႆၶဝ်တူၵ်းသႂ်ႇၵႃႈၼိူဝ်ၸိူဝ်ႉၽၼ်း ဢၼ်ၸေႈၼမ်ႉဝႆႉယဝ်ႉၼၼ်ႉၸိုင်ၸိူဝ်ႉ ၽၼ်းၼၼ်ႉဢမ်ႇမူတ်းသႂ်တီႈသူ။
၃၉ ပေႃးတရိၵ်ႈသၢၼ်ႇဢၼ်သူထုၵ်ႇလီၵိၼ်ၼၼ်ႉတၢႆၸိုင် ၵေႃႉဢၼ်တိူဝ်ႉထုၵ်ႇတူဝ်တၢႆၼၼ်ႉ ဢမ်ႇမူတ်းသႂ်တေႃႇထိုင်ႁွတ်ႈၶိင်ႇ ႁူဝ်ၶမ်ႈဢေႃႈ။
၄၀ ၵေႃႉဢၼ်ၵိၼ်တူဝ်တၢႆၼၼ်ႉတၵ်းလႆႈသၵ်ႉလွႆးၶူဝ်းၼုင်ႈမၼ်းဢေႃႈ။မၼ်းဢမ်ႇမူတ်းသႂ်တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။ၵေႃႉဢၼ်ဢဝ်တူဝ်တၢႆၼၼ်ႉၵႂႃႇၼၼ်ႉၵေႃႈ တၵ်းလႆႈသၵ်ႉလွႆးၶူဝ်းၼုင်ႈမၼ်းဢေႃႈ။မၼ်းဢမ်ႇမူတ်းသႂ်တေႃႇထိုင်ႁွတ်ႈၶိင်ႇ ႁူဝ်ၶမ်ႈဢေႃႈ။
၄၁ တရိၵ်ႈသၢၼ်ႇဢၼ်ၸၢင်ႊၵၢၼ်းၵႃႈၼိူဝ်လိၼ်ၵႃႈမီးၼၼ်ႉ ပဵၼ်ဢၼ်လီႁင်ႈဢဵတ်ႇသဵတ်ႇ လႄႈဢမ်ႇလႆႈၵိၼ်။
၄၂ တရိၵ်ႈသၢၼ်ႇဢၼ်ၸၢင်ႊဢဝ်တွင်ႉလိူၼ်ႈၵႂႃႇထူၵႂႃႇသေဢမ်ႇဝႃႈ၊ ဢၼ်ၸၢင်ႊဢဝ်တိၼ်သီၶွၼ်ၵႂႃႇသေဢမ်ႇဝႃႈ၊ ဢၼ်ၸၢင်ႊဢဝ်တိၼ်ၼမ်ၼႃႇၵႂႃႇသေဢမ်ႇဝႃႈ၊ ၵႃႈဢၼ်ၸၢင်ႊၵၢၼ်းၵႂႃႇၼိူဝ်လိၼ်ၸိူဝ်းၼၼ်ႉသူဢမ်ႇလႆႈၵိၼ်။ပဵၼ်ဢၼ်လီ ႁင်ႈဢဵတ်ႇသဵတ်ႇဢေႃႈ။
၄၃ သူဢမ်ႇလႆႈႁႂ်ႈတူဝ်ၸဝ်ႈၵဝ်ႇပဵၼ်ဢၼ်လီႁင်ႈဢဵတ်ႇသဵတ်ႇ လူၺ်ႈတရိၵ်ႈသၢၼ်ႇဢၼ်ၸၢင်ႊၵၢၼ်းၼၼ်ႉသေၸိူဝ်ႉသေပိူင်။သူဢမ်ႇလႆႈႁဵတ်းလွင်ႈ ဢၼ်ဢမ်ႇမူတ်းသႂ်တီႈတူဝ်ၸဝ်ႈၵဝ်ႇလူၺ်ႈ ၶဝ်ဢၼ်ႁႂ်ႈတူဝ်ၸဝ်ႈၵဝ်ႇၵူဝ်ႈၵိူၵ်ႇၵွပ်ႈပိူဝ်ႈၸိူဝ်ႉ ၼင်ႇၼၼ်ၼၼ်ႉ။
၄၄ ၵဝ်ၼႆႉပဵၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ။ပိူဝ်ႈၼႆလႄႈသူၵေႃႈတၵ်းလႆႈႁႂ်ႈတူဝ်သူမူတ်းၸၢင်ႇလႄႈသူတၵ်းမီးတၢင်းဢၼ်မူတ်းၸၢင်ႇဢေႃႈ။လွင်ႈမၼ်းၸမ်းၵဝ်မူတ်းၸၢင်ႇဢေႃႈ။သူဢမ်ႇလႆႈႁႂ်ႈတူဝ်သူၵူဝ်ႈၵိူၵ်ႇ လူၺ်ႈတရိၵ်ႈသၢၼ်ႇ ဢၼ် ၸၢင်ႊၵၢၼ်းၵႃႈၼိူဝ်လိၼ်သေၸိူဝ်ႉသေပိူင်ၼၼ်ႉ။
၄၅ ၵဝ်ၼႆႉပဵၼ်ထႃႇဝရႃႉၽြႃးဢၼ်ၼုၵ်ႈဢဝ်သူ ဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃး ႁႂ်ႈလႆႈပဵၼ်ၽြႃးပဵၼ်ၸဝ်ႈသူဢေႃႈ။ၵွပ်ႈပိူဝ်ႈဢၼ်ၵဝ်မူတ်းၸၢင်ႇလႄႈသူတၵ်းလႆႈ မီးတၢင်းဢၼ်မူတ်းၸၢင်ႇဢေႃႈ။
၄၆ ဢၼ်ၼႆႉၸမ်းပဵၼ်တြႃးဢၼ်ၸၢပ်ႈသႅင်ႇၵၼ်တင်းတရိၵ်ႈသၢၼ်ႇ၊ ၼူၵ်ႉ၊တူဝ်ဢၼ်ဢသၢၵ်ႈလိပ်းလႄႈ ၸၢင်ႊၵႂႃႇၵႃႈၼႂ်းၼမ်ႉ၊တူဝ်ဢၼ်ဢသၢၵ်ႈလိပ်းလႄႈ ၸၢင်ႊၵၢၼ်းၵႃႈၼိူဝ် လိၼ်ၸိူဝ်းၼၼ်ႉ
၄၇ ႁႂ်ႈလႆႈၸၵ်းၽႄ ဢဝ်တရိၵ်ႈသၢၼ်ႇဢၼ်မူတ်းသႂ်ဢၼ်ဢမ်ႇမူတ်းသႂ် ဢၼ်လီၵိၼ်ဢၼ်ဢမ်ႇလီၵိၼ်ၸိူဝ်းၼၼ်ႉပႅၵ်ႇပိူင်ႈၵၼ်ဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။