Chapter
၁၃
လွင်ႈၼိူဝ်ႉၼင်ဢၼ်ပဵၼ်ၸဵပ်း
၁ ထႃႇဝရႃႉၽြႃး သမ်ႉမီးဢမိင်ႉတီႈ မုဝ်းသေႇ တင်းဢႃႇရူၼ်ႇလႄႈဝႃႈ၊-
၂ ပေႃးၵူၼ်းသေၵေႃႉမီးတုမ်ႇ၊ဢမ်ႇၼၼ် ႁဝ်ႈ၊ဢမ်ႇၼၼ်ၵႂၢၵ်ႈ ၵႃႈတီႈၼင်ၼိူဝ်ႉမၼ်းလႄႈ ပေႃႇဢွၵ်ႇမႃးမိူၼ်ၸိူဝ်ႉၼင်ႇလၢၵ်ႈၶၼႃႇတုတ်ႈၼၼ်ႉ ၵႃႈတီႈၼင်ႇၼိူဝ်ႉမၼ်းၸိုင်တၵ်းလႆႈႁွင်ႉဢဝ်ၵေႃႉၼၼ်ႉၵႂႃႇၵႃႈတီႈယိတ်ႉပရေႃးႁိၵ်ႈဢႃႇရုၼ်ႇ၊ ဢမ်ႇၼၼ် ၵႃႈတီႈယိတ်ႉပရေႃးႁိၵ်ႈသေၵေႃႉသေၵူၼ်း ဢေႃႈ။
၃ ယိၸ်ႉပရေႃးႁိၵ်ႈၼၼ်ႉတၵ်းလႆႈတူၺ်းတၢင်းဢၼ်ပေႃႇဢွၵ်ႇမႃး ၵႃႈတီႈၼင်ၼိူဝ်ႉၵေႃႉၼၼ်ႉလႄႈပေႃးၶူၼ် ဢၼ်မီးၵႃႈတီႈတၢင်းဢၼ်ပေႃႇဢွၵ်ႇမႃးၼၼ်ႉၽိူၵ်ႇဝႆႉလႄႈ တၢင်းဢၼ်ပေႃႇဢွၵ်ႇမႃးၼၼ်ႉမိူၼ်ႁၢင်ႊၸပ်းၸွႆးၵႃႈတႂ်ႈၼင်ၼိူဝ်ႉမၼ်းၸိုင်ပဵၼ်တုတ်ႈဢမၢၼ်ႇၶၢၼ်ပဵၼ်ဢေႃႈ။ ယိတ်ႉပရေႃးႁိၵ်ႈတူၺ်းၵေႃႉၼၼ်ႉသေယဝ်ႉ တၵ်းလႆႈၸီႇယၢင်ႇလႄႈဝႃႈ၊- မၼ်းၼၼ်ႉဢမ်ႇမူတ်းသႂ်၊ဝႃႈၼင်ႇၼႆဢေႃႈ။
၄ ပေႃး ၵႂၢၵ်ႈၼၼ်ႉၽိူၵ်ႇဝႆႉၵႃႈတီႈၼင်ႇၼိူဝ်ႉမၼ်းလႄႈဢမ်ႇမိူၼ်ၼင်ႇႁၢင်ႊ ၸပ်းၸွႆးၵႃႈတႂ်ႈၼင်ႇၼိူဝ်ႉမၼ်းလႄႈ ၶူၼ်မၼ်းဢမ်ႇၽိူၵ်ႇၸိုင်ယိၸ်ႉပရေႃးႁိၵ်ႈတၵ်းလႆႈဢဝ် ၵေႃႉဢၼ်မီးတၢင်းဢၼ်ပေႃႇဢွၵ်ႇမႃးၼၼ်ႉ ၶျုၵ်ႈဝႆႉၸဵတ်းဝၼ်းတဵမ်တဵမ်ဢေႃႈ။
၅ ဝၼ်းသတ်ႉတမၼၼ်ႉ ယိတ်ႉပရေႃးႁိၵ်ႈ တၵ်းလႆႈတူၺ်းမၼ်းလႄႈပေႃးတၢင်းဢၼ်ပေႃႇဢွၵ်ႇမႃး ၵႃႈတီႈၼင်ၼိူဝ်ႉမၼ်းၼၼ်ႉဢမ်ႇယႂ်ႇၽႄ ဢမ်ႇယွမ်းၵႂႃႇၸိုင်တၵ်းလႆႈဢဝ် မၼ်းၶျႃၵ်ႈဝႆႉၸဵတ်းဝၼ်းတဵမ်တဵမ်ထႅင်ႈဢေႃႈ။
၆ လိုၼ်းၼၼ်ႉဝၼ်းသတ်ႉတမၼၼ်ႉ ယိၸ်ႉပရေႃးႁိၵ်ႈတၵ်းလႆႈၶိုၼ်းတူၺ်းမၼ်းလႄႈ ပေႃးတၢင်းဢၼ်ပေႃႇဢွၵ်ႇမႃးၼၼ်ႉ ဢမ်ႇယႂ်ႇၽႄမႃး ၵႃႈၼႂ်းၼင်မၼ်းလႄႈပဵၼ်ႁမ်ႉလမ်လမ်ဝႆႉၸိုင် ယိတ်ႉပရေႃးႁိၵ်ႈတၵ်းလႆႈၸီႇယၢင်ႇလႄႈဝႃႈ၊-ၵေႃႉၼၼ်ႉမူတ်းသႂ်ဢေႃႈ၊ဝႃႈၼင်ႇၼႆဢေႃႈ။ပဵၼ်ႁဝ်ႈၵူၺ်းဢေႃႈ။မၼ်းတၵ်းလႆႈသၵ်ႉလွႆးၶူဝ်းၼုင်ႈမၼ်းသေလႄႈလႆႈမူတ်းသႂ်ဢေႃႈ။
၇ ပေႃးႁဝ်ႈၼၼ်ႉ သမ်ႉၶိုၼ်းယႂ်ႇၽႄမႃးၵႃႈၼႂ်းၼင်မၼ်းလိုၼ်းသေမၼ်းၼႄပျႃႉတူဝ်ၸဝ်ႈၵဝ်ႇတီႈ ယိတ်ႉပရေႃးႁိၵ်ႈယဝ်ႉၼၼ်ႉၸိုင် မၼ်းသမ်ႉတၵ်းလႆႈၶိုၼ်းၼႄပျႃႉတူဝ် ၸဝ်ႈၵဝ်ႇတီႈယိတ်ႉပရေႃးႁိၵ်ႈထႅင်ႈလႄႈ
၈ ယိၸ်ႉပရေႃးႁိၵ်ႈၼၼ်ႉတူၺ်းလွင်ႈဢၼ်ႁဝ်ႈၼၼ်ႉ ယႂ်ႇၽႄမႃးၼၼ်ႉသေယဝ်ႉ ယိတ်ႉပရေႃးႁိၵ်ႈၼၼ်ႉ တၵ်းလႆႈၸီႇယၢင်ႇ လႄႈဝႃႈ၊-ၵေႃႉၼၼ်ႉဢမ်ႇမူတ်းသႂ်ဝႃႈၼင်ႇၼႆဢေႃႈ။ပဵၼ်တုတ်ႈဢေႃႈ။
၉ မိူဝ်ႈဢၼ်သေၵေႃႉသေၵူၼ်း မီးတၢင်းဢၼ်တုတ်ႈပေႃႇဢွၵ်ႇမႃးၸိုင် တၵ်းလႆႈႁွင်ႉမၼ်းမႃးၵႃႈတီႈယိၸ်ႉပ ရေႃးႁိၵ်ႈဢေႃႈ။
၁၀ ယိတ်ႉပရေႃးႁိၵ်ႈၼၼ်ႉတၵ်းလႆႈတူၺ်းမၼ်းလႄႈ ပေႃးတုမ်ႇဢၼ်ၽိူၵ်ႇဝႆႉၼၼ်ႉပွင်းၶိုၼ်ႈၵႃႈၼႂ်းၼင်မၼ်းလႄႈ ႁႂ်ႈၶူၼ်မၼ်းၽိူၵ်ႇဝႆႉသေလႄႈမီးၼိူဝ်ႉဢၼ်လႅင်ႊႁၢႆႇၵႃႈတီႈတုမ်ႇမၼ်းၸိုင်၊ ပဵၼ်တုတ်ႈ ဢၼ်ၵဝ်ႇၵႃႈၼႂ်းၼင်ၼိူဝ်ႉမၼ်းဢေႃႈ။
၁၁ ယိၸ်ႉပရေႃးႁိၵ်ႈၼၼ်ႉတၵ်းလႆႈၸီႇယၢင်ႇလႄႈဝႃႈ၊- ၵေႃႉၼၼ်ႉဢမ်ႇမူတ်းသႂ် ဝႃႈၼင်ႇၼႆလႄႈ ၶျႃၵ်ႈမၼ်းဝႆႉၵွပ်ႈပိူဝ်ႈ ဢၼ်မၼ်းဢမ်ႇမူတ်းသႂ်ၼၼ်ႉဢေႃႈ။
၁၂ ပေႃးတုတ်ႈၼၼ်ႉယႂ်ႇၽႄမႃးၵႃႈတီႈၼင်မၼ်းလႄႈ တုတ်ႈၼၼ်ႉၸွတ်ႇတူဝ်ႈ ၼင်ၵေႃႉဢၼ်ပဵၼ်တုတ်ႈၼၼ်ႉတင်းတူဝ်တင်းၶိင်း ဢဝ်ၵႃႈတီႈၸိၵ်းႁူဝ်တေႃႇထိုင်ႁွတ်ႈၽႃႇတိၼ်ၵႃႈဢၼ်ယိတ်ႉပရေႃးႁိၵ်ႈ တူၺ်းၵူႈတီႈၵူႈလႅၼ် ၼၼ်ႉၸိုင်
၁၃ ယိတ်ႉပရေႃးႁိၵ်ႈၼၼ်ႉ တၵ်းလႆႈတူၺ်းလႄႈ ပေႃးတုတ်ႈၼၼ်ႉ ၸွတ်ႇတူဝ်ႈၼင်မၼ်းၵႂႃႇတင်းတူဝ်တင်းၶိင်းၸိုင် တၵ်းလႆႈၸီႇယၢင်ႇၵေႃႉဢၼ်မီး တၢင်းဢၼ်ပေႃႇဢွၵ်ႇမႃးၼၼ်ႉလႄႈဝႃႈ၊-မူတ်းသႂ်ယူႇဝႃႈၼင်ႇၼႆဢေႃႈ။မၼ်းမူတ်းသႂ်ၵွပ်ႈပိူဝ်ႈဢၼ် တင်းတူဝ်တင်းၶိင်းၽိူၵ်ႇၵႂႃႇၼၼ်ႉဢေႃႈ။
၁၄ ၵူၺ်းၵႃႈပေႃးၼိူဝ်ႉဢၼ်လႅင်ႊပေႃႇဢွၵ်ႇမႃးတီႈမၼ်းၸိုင် မၼ်း ဢမ်ႇမူတ်းသႂ်။
၁၅ ယိတ်ႉပရေႃးႁိၵ်ႈတၵ်းလႆႈတူၺ်းၼိူဝ်ႉဢၼ်လႅင်ႊႁၢႆႇၼၼ်ႉလႄႈၸီႇယၢင်ႇလႄႈဝႃႈ၊-ၵေႃႉ ၼၼ်ႉဢမ်ႇမူတ်းသႂ်၊ပဵၼ်တုတ်ႈဢေႃႈ။
၁၆ ပေႃးၼိူဝ်ႉဢၼ်လႅင်ႊၼၼ်ႉၶၢႆႉပုတ်ႈသေလႄႈ သမ်ႉၶိုၼ်းၽိူၵ်ႇၵႂႃႇၸိုင်မၼ်းတၵ်းသမ်ႉလႆႈၶိုၼ်း မႃးၵႃႈတီႈယိတ်ႉပရေႃးႁိၵ်ႈ ဢေႃႈ။
၁၇ ယိၸ်ႉပရေႃးႁိၵ်ႈၼၼ်ႉတၵ်းလႆႈတူၺ်းမၼ်းလႄႈ ပေႃးတၢင်းဢၼ်ပေႃႇဢွၵ်ႇမႃးၼၼ်ႉသမ်ႉၶိုၼ်းၽိူၵ်ႇၵႂႃႇယဝ်ႉၸိုင် ယိတ်ႉပရေႃးႁိၵ်ႈၼၼ်ႉတၵ်းလႆႈၸီႇယၢင်ႇလႄႈဝႃႈ၊-ၵေႃႉဢၼ်မီးတၢင်းဢၼ်ပေႃႇဢွၵ်ႇမႃးၼၼ်ႉမူတ်းသႂ်ဢေႃႈ၊ ဝႃႈၼင်ႇၼႆလႄႈမၼ်းၼၼ်ႉ မူတ်းသႂ်ယူႇဢေႃႈ။
၁၈ ပေႃးပဵၼ်ၽီၵႃႈတီႈၼင်ၼိူဝ်ႉလႄႈႁၢႆသေယဝ်ႉ တုမ်ႇဢၼ်ၽိူၵ်ႇဝႆႉ၊ဢမ်ႇၼၼ်ၵႂၢၵ်ႈဢၼ်ၽိူၵ်ႇလႅင်ႊဝႆႉၼၼ်ႉ ပေႃႇဢွၵ်ႇမႃးၵႃႈတီႈႁွႆးၸဵပ်းၼၼ်ႉ ၸိုင်
၁၉ တၵ်းလႆႈဢဝ်ၼႄပျႃးတီႈယိတ်ႉ ပရေႃးႁိၵ်ႈလႄႈယိတ်ႉပရေႃးႁိၵ်ႈၼၼ်ႉတၵ်းလႆႈတူၺ်းလႄႈ ပေႃးမိူၼ်ၼင်ႇႁဝ်ႈၸပ်းၸွႆးၵႃႈတႂ်ႈၼင်လႄႈ
၂၀ ၶူၼ်မၼ်းၽိူၵ်ႇဝႆႉၸိုင်ယိၸ်ႉပရေႃးႁိၵ်ႈ တၵ်းလႆႈၸီႇယၢင်ႇလႄႈဝႃႈ၊-ၵေႃႉၼၼ်ႉဢမ်ႇမူတ်းသႂ်၊ဝႃႈၼင်ႇၼႆဢေႃႈ။ပဵၼ်တုတ်ႈ ဢၼ်ဢွၵ်ႇၵႃႈၼႂ်းၽီၼၼ်ႉဢေႃႈ။
၂၁ ၵူၺ်းၵႃႈမိူဝ်ႈဢၼ်ယိတ်ႉပရေႃးႁိၵ်ႈ တူၺ်းၼၼ်ႉပေႃးဢမ်ႇမီးၶူၼ်ဢၼ်ၽိူၵ်ႇဝႆႉဢမ်ႇၸပ်းၸွႆးၵႃႈတႂ်ႈၼင်မၼ်းလႄႈ ပဵၼ်ႁမ်ႉလမ်ဝႆႉၸိုင် ယိၸ်ႉပရေႃးႁိၵ်ႈတၵ်းလႆႈဢဝ်ၵေႃႉၼၼ်ႉ ၶျုၵ်ႈဝႆႉၸဵတ်းဝၼ်းတဵမ်တဵမ်ဢေႃႈ။
၂၂ ပေႃးယႂ်ႇၽႄမႃးၵႃႈၼႂ်းၼင်မၼ်းၸိုင် ယိတ်ႉပရေႃးႁိၵ်ႈၼၼ်ႉတၵ်းလႆႈၸီႇယၢင်ႇလႄႈဝႃႈ၊-ၵေႃႉၼၼ်ႉဢမ်ႇမူတ်းသႂ်ဝႃႈၼင်ႇၼႆဢေႃႈ။ပဵၼ်တုတ်ႈဢေႃႈ။ ဢမ်ႇၼၼ်ၵေႃႈပေႃးၵႂၢၵ်ႈၼၼ်ႉဢမ်ႇၶၢႆႉတီႈဢမ်ႇယႂ်ႇၽႄမႃးၸိုင်ပဵၼ်ႁွႆး ၸဵပ်းၽီဢေႃႈ။
၂၃ ယိၸ်ႉပရေႃးႁိၵ်ႈၼၼ်ႉတၵ်းလႆႈၸီႇယၢင်ႇလႄႈဝႃႈ၊-ၵေႃႉၼၼ်ႉမူတ်းသႂ်ဢေႃႈ၊ဝႃႈၼင်ႇ ၼႆဢေႃႈ။
၂၄ ပေႃးမီးတၢင်းၸဵပ်းၽႆးမႆႈၵႃႈတီႈၼင်ၼိူဝ်ႉလႄႈ ၼိူဝ်ႉလႅင်ႊတၢင်းၸဵပ်းၽႆးမႆႈၼၼ်ႉမီးၵႂၢၵ်ႈဢၼ်ၽိူၵ်ႇလႅင်ႊဝႆႉ၊ဢမ်ႇၼၼ်ၵေႃႈၽိူၵ်ႇဝႆႉၼၼ်ႉၸိုင် ယိတ်ႉ ပရေႃးႁိၵ်ႈတၵ်းလႆႈတူၺ်းဢေႃႈ။
၂၅ ပေႃးၶူၼ်ၵႂၢၵ်ႈၼၼ်ႉၽိူၵ်ႇၵႂႃႇယဝ်ႉလႄႈ မိူၼ်ၼင်ႇႁဝ်ႈၸပ်းၸွႆးၵႃႈတႂ်ႈၼင်မၼ်းၸိုင် ပဵၼ်တုတ်ႈဢၼ်ဢွၵ်ႇၵႃႈၼႂ်းတၢင်းၸဵပ်းၽႆးမႆႈၼၼ်ႉဢေႃႈ။ ယိတ်ႉပရေႃးႁိၵ်ႈ တၵ်းလႆႈၸီႇယၢင်ႇလႄႈဝႃႈ၊-ၵေႃႉၼၼ်ႉဢမ်ႇမူတ်းသႂ်၊ဝႃႈၼင်ႇၼႆ ဢေႃႈ။
၂၆ ပဵၼ်တုတ်ႈဢေႃႈ။မိူဝ်ႈဢၼ်ယိတ်ႉပရေႃးႁိၵ်ႈတူၺ်းၼၼ်ႉ ပေႃးဢမ်ႇမီးၶူၼ်ဢၼ်ၽိူၵ်ႇဝႆႉၼၼ်ႉၵႃႈတီႈၵႂၢၵ်ႈၼၼ်ႉ ဢမ်ႇၸပ်းဢမ်ႇၸွႆးၵႃႈတႂ်ႈၼင်မၼ်းလႄႈ ပဵၼ်ႁမ်ႉလမ်လမ်ဝႆႉၸိုင်ယိတ်ႉပရေႃးႁိၵ်ႈတၵ်းလႆႈဢဝ်ၵေႃႉၼၼ်ႉၶျုၵ်ႈဝႆႉၸဵတ်းဝၼ်းတဵမ်တဵမ်ဢေႃႈ။
၂၇ ဝၼ်းသတ်ႉတမၼၼ်ႉ ယိတ်ႉပရေႃးႁိၵ်ႈတၵ်းလႆႈတူၺ်းၵေႃႉၼၼ်ႉလႄႈ ပေႃးၵႂၢၵ်ႈၼၼ်ႉယႂ်ႇၽႄမႃးၵႃႈတီႈၼင်ႇမၼ်းၸိုင် ယိတ်ႉပရေႃးႁိၵ်ႈတၵ်းလႆႈၸီႇယၢင်ႇလႄႈဝႃႈ၊-ၵေႃႉၼၼ်ႉဢမ်ႇမူတ်းသႂ်၊ဝႃႈၼင်ႇၼႆဢေႃႈ။
၂၈ ပဵၼ်တုတ်ႈဢေႃႈ။ ဢမ်ႇၼၼ်ၵေႃႈပေႃးၵႂၢၵ်ႈၼၼ်ႉဢမ်ႇၶၢႆႉတီႈ ဢမ်ႇယႂ်ႇၽႄမႃးၵႃႈတီႈၼင်မၼ်းလႄႈပဵၼ်ႁၢမ်ႉလမ်လမ်ဝႆႉၸိုင် ယိတ်ႉပရေႃးႁိၵ်ႈတၵ်းလႆႈၸီႇယၢင်ႇတီႈၵေႃႉၼၼ်ႉဝႃႈမူတ်းသႂ်ယူႇ၊ဝႃႈၼင်ႇၼႆ ဢေႃႈ။
၂၉ ပဵၼ်ႁွႆးၸဵပ်းၽႆးမႆႈၵူၺ်းဢေႃႈ။ပေႃးၵူၼ်းၸၢႆးၵူၼ်းယိင်း မီးတၢင်းဢၼ်ပေႃႇဢွၵ်ႇမႃးၵႃႈတီႈႁူဝ်မၼ်း ဢမ်ႇၼၼ် ၵႃႈတီႈၵႅမ်ႈမၼ်းၵၢင်းမၼ်းၸိုင်ယိတ်ႉပရေႃးႁိၵ်ႈ တၵ်းလႆႈတူၺ်းလႄႈပေႃးမိူၼ်ၼင်ႇ ႁၢင်ႊၸပ်းၸွႆးၵႃႈတႂ်ႈၼင်ႇလႄႈ
၃၀ မီးၶူၼ်ဢၼ်လိူင်လိူင်သေႇသေႇဝႆႉၸိုင် ယိတ်ႉပရေႃးႁိၵ်ႈၼၼ်ႉတၵ်းလႆႈၸီႇယၢင်ႇလႄႈဝႃႈ၊-ၵေႃႉၼၼ်ႉဢမ်ႇမူတ်းသႂ်၊ဝႃႈၼင်ႇၼႆဢေႃႈ။ၵႃႈတီႈႁူဝ်သေဢမ်ႇဝႃႈ၊ၵႃႈတီႈၵႅမ်ႈတီႈၵၢင်း သေဢမ်ႇဝႃႈပဵၼ်ၶႆးၽွၵ်ႇပဵၼ်တုတ်ႈဢေႃႈ။
၃၁ မိူဝ်ႈဢၼ်ယိတ်ႉပရေႃးႁိၵ်ႈ တူၺ်းတၢင်းဢၼ်ၶႆးၽွၵ်ႇပေႃႇဢွၵ်ႇမႃးၼၼ်ႉ ပေႃးဢမ်ႇမိူၼ်ၼင်ႇႁၢင်ႊၸပ်းၸွႆးၵႃႈတႂ်ႈၼင်လႄႈ ဢမ်ႇမီးၶူၼ်ဢၼ်လမ်ၸိုင်ယိၸ်ႉပရေႃးႁိၵ်ႈၼၼ်ႉ တၵ်းလႆႈဢဝ်ၵေႃႉဢၼ်မီးတၢင်းဢၼ်ၶႆးၽွၵ်ႇပေႃႇဢွၵ်ႇမႃးၼၼ်ႉ ၶျုၵ်ႈဝႆႉၸဵတ်းဝၼ်းတဵမ်တဵမ် ဢေႃႈ။
၃၂ ဝၼ်းသတ်ႉတမၼၼ်ႉယိတ်ႉပရေႃးႁိၵ်ႈတၵ်းလႆႈတူၺ်းတၢင်းဢၼ်ပေႃႇဢွၵ်ႇၼၼ်ႉလႄႈ ပေႃးၶႆးၽွၵ်ႇၼၼ်ႉဢမ်ႇယႂ်ႇၽႄ ဢမ်ႇမီးၶူၼ်ဢၼ်လိူင်လိူင်ဝႆႉဢမ်ႇမိူၼ်ၼင်ႇႁၢင်ႊၸပ်းၸွႆးၵႃႈတႂ်ႈၼင်မၼ်းၸိုင် တၵ်းလႆႈ ႁူၼ်ထႃၶူၼ်ၵေႃႉၼၼ်ႉပႅတ်ႈဢေႃႈ။
၃၃ ၶူၼ်ၵႃႈတီႈၶႆးၽွၵ်ႇၼၼ်ႉၸမ်းဢမ်ႇလႆႈႁူၼ်လႆႈထႃ။ယိၸ်ႉပရေႃးႁိၵ်ႈ တၵ်းလႆႈသမ်ႉၶိုၼ်းဢဝ်မၼ်းၶျုၵ်ႈဝႆႉ ၸဵတ်းဝၼ်းတဵမ်တဵမ်ဢေႃႈ။
၃၄ ဝၼ်းသတ်ႉတမၼၼ်ႉယိၸ်ႉပရေႃးႁိၵ်ႈတၵ်းလႆႈတူၺ်းၶႆႈၽွၵ်ႇၼၼ်ႉလႄႈပေႃးၶႆးၽွၵ်ႇၼၼ်ႉဢမ်ႇယႂ်ႇၽႄၵႃႈတီႈၼင်၊ ဢမ်ႇမိူၼ်ၼင်ႇႁၢင်ႊၸပ်းၸွႆးၵႃႈတႂ်ႈၼၼ်ႉၸိုင် ယိတ်ႉပရေႃးႁိၵ်ႈၼၼ်ႉ တၵ်းလႆႈၸီႇယၢင်ႇလႄႈဝႃႈ၊- ၵေႃႉၼၼ်ႉမူတ်းသႂ်ဢေႃႈ၊ဝႃႈၼင်ႇၼႆဢေႃႈ။ ၵေႃႉၼၼ်ႉတၵ်းလႆႈသၵ်ႉလွႆးၶူဝ်းၼုင်ႈမၼ်းသေလႄႈ လႆႈမူတ်းသႂ် ဢေႃႈ။
၃၅ ပေႃးၶႆးၽွၵ်ႇၼၼ်ႉယႂ်ႇၽႄမႃးၵႃႈတီႈၼင်မၼ်းလိုၼ်းသေမၼ်းမူတ်းသႂ်ယဝ်ႉၼၼ်ႉၸိုင် ယိတ်ႉပရေႃးႁိၵ်ႈၼၼ်ႉ တၵ်းလႆႈသမ်ႉၶိုၼ်းတူၺ်းၵေႃႉၼၼ်ႉ လႄႈ
၃၆ ပေႃးၶႆးၽွၵ်ႇၼၼ်ႉယႂ်ႇၽႄၵႃႈတီႈၼင်မၼ်းၸိုင်ယိတ်ႉပရေႃးႁိၵ်ႈ ဢမ်ႇလႆႈႁႃၶူၼ်ဢၼ်လိူင်လိူင်ဝႆႉၼၼ်ႉယဝ်ႉ။
၃၇ ၵေႃႉၼၼ်ႉဢမ်ႇမူတ်းသႂ်။ၵေႃႉၼၼ်ႉဢမ်ႇမူတ်းသႂ်။ဢမ်ႇၼၼ်ၵေႃႈပေႃးၶႆးၽွၵ်ႇၼၼ်ႉမိူၼ်ၼင်ႇႁၢင်ႊၵိုတ်းသဝ်းယူႇလႄႈ ၶူၼ်ဢၼ်လမ်လမ်ဝႆႉဢွၵ်ႇမႃးၸိုင်ၶႆးၽွၵ်ႇၼၼ်ႉႁၢႆလႄႈ ၵေႃႉၼၼ်ႉမူတ်းသႂ်ယူႇဢေႃႈ။ယိတ်ႉပရေႃးႁိၵ်ႈတၵ်းလႆႈၸီႇယၢင်ႇလႄႈဝႃႈ၊-
၃၈ ၵေႃႉၼၼ်ႉမူတ်းသႂ်ဢေႃႈ၊ဝႃႈၼင်ႇၼႆဢေႃႈ။ပေႃးၵူၼ်းၸၢႆးၵူၼ်းယိင်း မီးၵႂၢၵ်ႈၵႃႈတီႈၼင်ၼိူဝ်ႉၶဝ်ဢၼ်ဝႃႈၵႂၢၵ်ႈဢၼ်ၽိူၵ်ႇဝႆႉၼၼ်ႉၸိုင်၊ ယိတ်ႉပရေႃးႁိၵ်ႈတၵ်း လႆႈတူၺ်းလႄႈ
၃၉ ပေႃးၵႂၢၵ်ႈဢၼ်မီးၵႃႈတီႈၼင်ၼိူဝ်ႉၶဝ်ၼၼ်ႉမီးႁၢင်ႊၽၢင် ဢၼ်မုၼ်းၵႄႇဝႆႉၸိုင်ပဵၼ်လၢင်ႇဢၼ်ဢွၵ်ႇၵႃႈတီႈၼင်ဢေႃႈ။ၵေႃႉၼၼ်ႉမူတ်းသႂ်ယူႇဢေႃႈ။
၄၀ ၵေႃႉဢၼ်ၶူၼ်ႁူဝ်ႁူင်ႈၼၼ်ႉႁူင်ႈၵဵင်ႈသေၵေႃႈ မူတ်းသႂ်ယူႇဢေႃႈ။
၄၁ ၵေႃႉဢၼ်ၶူၼ်ႁူဝ်ၼႃႈၽၢၵ်ႇႁူင်ႈ ၼၼ်ႉၼႃႈၽၢၵ်ႇၵဵင်ႈသေၵေႃႈမူတ်းသႂ်ယူႇဢေႃႈ။
၄၂ ၵႃႈတီႈႁူဝ်ဢၼ်ၵဵင်ႈသေဢမ်ႇဝႃႈ၊ၵႃႈတီႈၼႃႈၽၢၵ်ႇဢၼ်ၵဵင်ႈသေဢမ်ႇဝႃႈ၊ ပေႃးတၢင်းဢၼ်ပေႃႇဢွၵ်ႇမႃးလႄႈ ၽိူၵ်ႇလႅင်ဝႆႉၸိုင်ပဵၼ်တုတ်ႈဢၼ်ဢွၵ်ႇၵႃႈတီႈႁူဝ်ဢၼ်ၵဵင်ႈ ဢမ်ႇၼၼ်ၵႃႈတီႈၼႃႈၽၢၵ်ႇဢၼ် ၵဵင်ႈၼၼ်ႉဢေႃႈ။
၄၃ မိူဝ်ႈၼၼ်ႉယိတ်ႉပရေႃးႁိၵ်ႈတၵ်းလႆႈတူၺ်းၵေႃႉၼၼ်ႉလႄႈပေႃးတုမ်ႇတၢင်းဢၼ်ပေႃႇဢွၵ်ႇမႃးၵႃႈတီႈႁူဝ်ဢၼ်ၵဵင်ႈ ၼႃႈၽၢၵ်ႇဢၼ်ၵဵင်ႈၼၼ်ႉ ၽိူၵ်ႇလႅင်ဝႆႉမိူၼ်ၸိူဝ်ႉၼင်ႇတုတ်ႈၵႃႈတီႈၼင်ၼိူဝ်ႉၼၼ်ႉၸိုင်၊ ၵေႃႉၼၼ်ႉဢမ်ႇမူတ်းသႂ်။ပဵၼ်ၵူၼ်းတုတ်ႈဢေႃႈ။
၄၄ ၵွပ်ႈပိူဝ်ႈဢၼ်တၢင်းဢၼ်ပေႃႇဢွၵ်ႇမႃးၼၼ်ႉမီးၵႃႈတီႈႁူဝ်မၼ်းလႄႈ ယိတ်ႉပရေႃးႁိၵ်ႈတၵ်းလႆႈၸီႇယၢင်ႇလႄႈဝႃႈ၊-ၵေႃႉၼၼ်ႉဢမ်ႇမူတ်းသႂ်လႃးလႃး၊ဝႃႈၼင်ႇၼႆဢေႃႈ။
၄၅ ၵေႃႉဢၼ်ပဵၼ်တုတ်ႈၼၼ်ႉတၵ်းလႆႈၼုင်ႈၶူဝ်းဢၼ်သိၵ်ႇၼၼ်ႉဢေႃႈ။ၶူၼ်ႁူဝ်မၼ်းၵေႃႈတၵ်းလႆႈၽေႇဝႆႉဢေႃႈ။မၼ်းတၵ်းလႆႈႁူမ်ႇသီႇသူပ်းၽၢႆႇၼိူဝ်သေလႄႈ ႁွင်ႉသႅၼ်ႇလႄႈဝႃႈ၊-
၄၆ ဢမ်ႇမူတ်းသႂ်၊ဢမ်ႇမူတ်းသႂ်၊ဝႃႈၼင်ႇၼႆဢေႃႈ။ၶိင်ႇၵႃႇလႃႉမိူဝ်ႉဝၼ်း ၵႃႈၼင်ႇဢၼ်တၢင်းဢၼ်ပေႃႇဢွၵ်ႇမႃးၼၼ်ႉ ယင်းမီးယူႇတီႈမၼ်းၼၼ်ႉၸိုင် မၼ်းၵူဝ်ႈၵိူၵ်ႇယူႇဢေႃႈ။မၼ်းဢမ်ႇမူတ်းသႂ်လႄႈတၵ်းလႆႈယူႇၵေႃႉလဵဝ်ၵူၺ်းမၼ်းဢေႃႈ။တီႈဢၼ်မၼ်းယူႇၼၼ်ႉတၵ်းလႆႈမီးၵႃႈၼွၵ်ႈတပ်ႉဢေႃႈ။
တၢင်းပဵၼ်တုတ်ႈ
၄၇ ပိူင်လဵဝ်ၵၼ်ၶူဝ်းၼုင်ႈဢၼ်မီးတၢင်းဢၼ်တုတ်ႈပေႃႇဢွၵ်ႇမႃးၵႃႈၼႂ်းမၼ်းၼၼ်ႉ၊ပဵၼ်ၶူဝ်းၼုင်ႈပိၵ်ႈသေဢမ်ႇဝႃႈ၊ ပဵၼ်ၶူဝ်းၼုင်ႈၶူၼ်သူဝ်းသေဢမ်ႇဝႃႈ၊
၄၈ ပဵၼ်သႆႁုၵ်ႇသေဢမ်ႇဝႃႈ၊ ပဵၼ်မႆဢၼ်တၵ်းတမ်ႇတၵ်းတေႃးၼၼ်ႉသေဢမ်ႇဝႃႈ၊ ပဵၼ်ပိၵ်ႈသေဢမ်ႇဝႃႈ၊ပဵၼ်ၶူၼ်သူဝ်းသေဢမ်ႇဝႃႈ၊ ပဵၼ်ၼင်သေဢမ်ႇဝႃႈ၊ပဵၼ်ၶိူင်ႈဢၼ်ဢဝ်ၼင်ႁဵတ်းၼၼ်ႉ သေဢမ်ႇဝႃႈ ပေႃးတၢင်းဢၼ်ပေႃႇဢွၵ်ႇမႃးၼၼ်ႉ ပဵၼ်ႁၢမ်ႉၶဵဝ်ၶဵဝ် ဢမ်ႇ ၼၼ်ႁမ်ႉလႅင်ႊလႅင်ႊဝႆႉ
၄၉ ၵႃႈတီႈၶူဝ်းၼုင်ႈၼၼ်ႉဢမ်ႇၼၼ်ၵႃႈတီႈၼင်ၼၼ်ႉ ဢမ်ႇၼၼ် ၵႃႈတီႈသႆႁုၵ်ႇၼၼ်ႉ ဢမ်ႇၼၼ် ၵႃႈတီႈမႆဢၼ်တၵ်းတမ်ႇတၵ်းတေႃးၼၼ်ႉ ဢမ်ႇၼၼ် ၵႃႈတီႈၶိူင်ႈဢၼ်ဢဝ်ၼင်ႁဵတ်းၼၼ်ႉၸိုင် ပဵၼ်တၢင်းဢၼ်တုတ်ႈပေႃႇဢွၵ်ႇမႃးၼၼ်ႉၸိုင် တၵ်းလႆႈဢဝ်ၼႄပျႃးတီႈယိတ်ႉပရေႃးႁိၵ်ႈ ဢေႃႈ။
၅၀ ယိတ်ႉပရေႃးႁိၵ်ႈၼၼ်ႉတၵ်းလႆႈတူၺ်းတၢင်းဢၼ်ပေႃႇဢွၵ်ႇမႃးၼၼ်ႉလႄႈ ဢဝ်ၶူဝ်းၼုင်ႈဢၼ်မီးတၢင်းဢၼ်ပေႃႇဢွၵ်ႇမႃးၼၼ်ႉ သိမ်းဝႆႉၸဵတ်းဝၼ်း ဢေႃႈ။
၅၁ ဝၼ်းသတ်ႉတမၼၼ်ႉမၼ်းတၵ်းလႆႈသမ်ႉၶိုၼ်းတူၺ်းတၢင်းဢၼ်ပေႃႇဢွၵ်ႇမႃးၼၼ်ႉလႄႈ ပေႃးတၢင်းဢၼ်ပေႃႇဢွၵ်ႇမႃးၼၼ်ႉ ယႂ်ႇၽႄမႃးၵႃႈတီႈၶူဝ်းၼုင်ႈၼၼ်ႉ၊ပဵၼ်သႆႁုၵ်ႇသေဢမ်ႇဝႃႈ၊ ပဵၼ်မႆဢၼ်တၵ်းတမ်ႇတၵ်းတေႃးၼၼ်သေဢမ်ႇဝႃႈ၊ ပဵၼ်ၼင်သေဢမ်ႇဝႃႈ၊ ပဵၼ်ၶိူင်ႈဢၼ်ဢဝ်ၼင်ႁဵတ်းၼၼ်ႉသေဢမ်ႇဝႃႈ၊ တၢင်းဢၼ်ပေႃႇဢွၵ်ႇမႃးၼၼ်ႉပဵၼ်တုတ်ႈဢၼ်ၸၢင်ႊၵိၼ်ဢေႃႈ။ပဵၼ်ဢၼ်ဢမ်ႇမူတ်းသႂ်။
ၶူဝ်းၼုင်ႈဢၼ်မီးတၢင်းဢၼ်ပေႃႇဢွၵ်ႇမႃးၼၼ်ႉပဵၼ်သႆႁုၵ်ႇသေဢမ်ႇဝႃႈ ပဵၼ်မႆဢၼ်တၵ်းတမ်ႇတၵ်းတေႃးၼၼ်ႉသေဢမ်ႇဝႃႈ ပဵၼ်ၶူၼ်သူဝ်းသေဢမ်ႇဝႃႈပဵၼ်ပိၵ်ႈသေဢမ်ႇဝႃႈပဵၼ်ၶိူင်ႈၼင်သေဢမ်ႇဝႃႈ တၵ်း လႆႈဢဝ်တုတ်ႇၽႆးပႅတ်ႈဢေႃႈ။
၅၃ ပဵၼ်တုတ်ႈဢၼ်ၸၢင်ႊၵိၼ်ဢေႃႈ။ပေႃးယိတ်ႉပရေႃးႁိၵ်ႈတူၺ်းလႄႈတၢင်းဢၼ်ပေႃႇဢွၵ်ႇမႃးၼၼ်ႉ ဢမ်ႇယႂ်ႇၽႄမႃးၵႃႈတီႈၶူဝ်ႈၼုင်ႈၼၼ်ႉပဵၼ်သႆႁုၵ်ႇသေဢမ်ႇဝႃႈ၊ ပဵၼ်မႆဢၼ်တၵ်းတမ်ႇတၵ်းတေႃးၼၼ်ႉသေဢမ်ႇဝႃႈ ပဵၼ် ၶိူင်ႈၼင်သေဢမ်ႇဝႃႈၼၼ်ႉၸိုင်
၅၄ ယိတ်ႉပရေႃးႁိၵ်ႈတၵ်းလႆႈၸီႇယၢင်ႇ ႁႂ်ႈၶဝ်လႆႈဢဝ်ၶိူင်ႈဢၼ်မီးတၢင်းဢၼ်ပေႃႇဢွၵ်ႇမၼ်းၼၼ်ႉသၵ်ႉလွႆးလႄႈ သမ်ႉၶိုၼ်း သိမ်းဝႆႉၸဵတ်းဝၼ်းဢေႃႈ။
၅၅ သၵ်ႉလွႆးတၢင်းဢၼ်ပေႃႇဢွၵ်ႇမႃးၼၼ်ႉသေယဝ်ႉ ယိတ်ႉပရေႃးႁိၵ်ႈတၵ်းလႆႈသမ်ႉၶိုၼ်းတူၺ်းလႄႈ ပိၵ်ႉသမ်ႉတၢင်းဢၼ်ပေႃႇဢွၵ်ႇမႃးၼၼ်ႉႁၢင်ႊၽၢင်ဢမ်ႇၶၢႆႉပုတ်ႈလႄႈ ဢမ်ႇယႂ်ႇၽႄမႃးသေၵေႃႈဢမ်ႇမူတ်းသႂ်။ မႂ်းတၵ်းလႆႈဢဝ်တုတ်ႇၽႆးပႅတ်ႈသေဢေႃႈ။ ပဵၼ်တီႈၶူင်ႈဢၼ်ၽင်ႉလၢၼ်ႈၵႂႃႇဢေႃႈ။ ပဵၼ်ၵႃႈၼႂ်းသေဢမ်ႇဝႃႈ၊ပဵၼ်ၵႃႈၼွၵ်ႈသေ ဢမ်ႇဝႃႈပဵၼ်ဢၼ်ပဝ်ႇဢၼ်လၢပ်ႈဢေႃႈ။
၅၆ ပေႃးယိတ်ႉပရေႃးႁိၵ်ႈတူၺ်းလႄႈတၢင်းဢၼ်ပေႃႇဢွၵ်ႇမႃးၼၼ်ႉ ပဵၼ်ႁမ်ႉလမ်လမ်ဝႆႉလိုၼ်းသေသၵ်ႉလွႆးယဝ်ႉၼၼ်ႉၸိုင်ၵႃႈၼႂ်းၶူဝ်းၼုင်ႈၼၼ်ႉသေဢမ်ႇဝႃႈ၊ ၵႃႈၼႂ်းၼင်ၼၼ်ႉသေဢမ်ႇဝႃႈ၊ ၵႃႈၼႂ်းသႆႁုၵ်ႇၼၼ်ႉသေဢမ်ႇဝႃႈ၊ၵႃႈၼႂ်း မႆဢၼ်တၵ်းတမ်ႇတၵ်းတေႃးၼၼ်ႉသေဢမ်ႇဝႃႈ၊ မၼ်းတၵ်းလႆႈဢဝ်သိၵ်ႇဢွၵ်ႇပႅတ်ႈသေဢေႃႈ။
၅၇ လိုၼ်းၼၼ်ႉပေႃးသမ်ႉၶိုၼ်းပေႃႇဢွၵ်ႇမႃး ၵႃႈတီႈၶူဝ်းၼုင်ႈၼၼ်ႉ သေဢမ်ႇဝႃႈ၊ ၵႃႈတီႈသႆႁုၵ်ႇၼၼ်ႉသေဢမ်ႇဝႃႈ၊ ၵႃႈတီႈမႆဢၼ်တၵ်းတမ်ႇတၵ်းတေႃးၼၼ်ႉသေဢမ်ႇဝႃႈ ၵႃႈတီႈၶိူင်ႈၼင်ၼၼ်ႉသေဢမ်ႇဝႃႈပဵၼ်တၢင်းဢၼ်ပေႃႇဢွၵ်ႇမႃးဢၼ်ၸၢင်ႊယႂ်ႇၽႄမႃးဢေႃႈ။ မႂ်းတၵ်းလႆႈဢဝ်ၶိူင်ႈဢၼ်မီးတၢင်းဢၼ်ပေႃႇ ဢွၵ်ႇမႃးၼၼ်ႉတုတ်ႇၽႆးပႅတ်ႈဢေႃႈ။
၅၈ ၶူဝ်းၼုင်ႈဢၼ်မႂ်းတၵ်းလႆႈသၵ်ႉလွႆးၼၼ်ႉ ပဵၼ်သႆႁုၵ်ႇသေဢမ်ႇဝႃႈ၊ပဵၼ်မႆဢၼ်တၵ်းတမ်ႇတၵ်းတေႃးသေဢမ်ႇဝႃႈ၊ ပဵၼ်ၶိူင်ႈၼင်သေဢမ်ႇဝႃႈ ပေႃးတၢင်းဢၼ်ပေႃႇဢွၵ်ႇမႃးၼၼ်ႉႁၢႆၸိုင် တၵ်းလႆႈသၵ်ႉလွႆးပွၵ်ႈတုတိယထႅင်ႈပွၵ်ႈ ၼိုင်ႈလႄႈတၵ်းလႆႈမူတ်းသႂ်ဢေႃႈ။
၅၉ ဢၼ်ၼႆႉၸမ်းပဵၼ်တြႃးဢၼ်ၸၢပ်ႈသႅင်ႇၵၼ်တင်း တၢင်းဢၼ်တုတ်ႈပေႃႇဢွၵ်ႇမႃးၵႃႈတီႈ ၶူဝ်းၼုင်ႈၶူၼ်သူဝ်းသေဢမ်ႇဝႃႈၵႃႈတီႈၶူဝ်းၼုင်ႈပိၵ်ႈသေဢမ်ႇဝႃႈ၊ ၵႃႈတီႈသႆႁုၵ်ႇသေဢမ်ႇဝႃႈ၊ ၵႃႈတီႈမႆဢၼ်တၵ်းတမ်ႇတၵ်းတေႃးသေဢမ်ႇဝႃႈ၊ ၵႃႈတီႈၶိူင်ႈၼင်သေဢမ်ႇဝႃႈၼၼ်ႉႁႂ်ႈလႆႈၸီႇယၢင်ႇလႄႈဝႃႈ မူတ်းသႂ် ဢိၵ်ႇတင်းႁႂ်ႈလႆႈၸီႇယၢင်ႇလႄႈဝႃႈ၊ဢမ်ႇမူတ်းသႂ်၊ဝႃႈၼင်ႇၼႆဢေႃႈ၊ ဝႃႈၼင်ႇၼႆဢေႃႈ။