Chapter
၂၂
၁ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈ ၸမ်း၊-
၂ မႂ်းတၵ်းလႆႈသင်ႇလၢတ်ႈတီႈဢႃႇရုၼ်ႇတင်းလုၵ်ႈၸၢႆးမၼ်းၸိူဝ်းၼၼ်ႉ ႁႂ်ႈၶဝ်လႆႈမီးတၢင်းဢၼ်ရူဝ်ႇသေႇၶိူင်ႈပိူင်ဢၼ်မူတ်းၸၢင်ႇ ဢၼ်ၵူၼ်းမဵဝ်းဢိသရေႇလ ဢွၼ်ၵၼ်ႁဵတ်းႁႂ်ႈမူတ်းၸၢင်ႇပုၼ်ႈၵဝ်ၼၼ်ႉ။ ႁႂ်ႈၶဝ်ဢမ်ႇလႆႈဢဝ်ၼႃႇမႃႉၸိုဝ်သဵင်ၵဝ်ဢၼ် မူတ်းၸၢင်ႇၼၼ်ႉၶျႃးတူၵ်းတီႈတႅမ်ႇ။
၃ ၵဝ်ပဵၼ်ထႃႇဝရႃႉၽြႃးဢေႃႈ။သင်ႇလၢတ်ႈတီႈၶဝ်ၼၼ်ႉလႄႈဝႃႈ၊-ၼႂ်းမဵဝ်းၸိူဝ်ႉၶိူဝ်းသူသိုပ်ႇသိုပ်ႇတၢမ်ႈတၢမ်ႈၼၼ်ႉ၊ ၵေႃႉဢၼ်မီးတၢင်းဢၼ်ဢမ်ႇမူတ်းသႂ်လႄႈ သုတ်ႉၸပ်းသုတ်ႉၸူးတီႈၶိူင်ႈပိူင်ဢၼ်မူတ်းၸၢင်ႇ ထႃႇဝရႃႉၽြႃးၼၼ်ႉတၵ်းလႆႈၶၢမ်ႇတၢင်းဢၼ်ပႄႇပႅတ်ႈသေ ၵႃႈတီႈၽၢႆႇၼႃႈၵဝ်ဢေႃႈ။
၄ ၵဝ်ပဵၼ်ထႃႇဝရႃႉၽြႃးဢေႃႈ။ၵူၼ်းမဵဝ်းၸိူဝ်ႉၶိူဝ်းဢႃႇရုၼ်ႇဢၼ်ပဵၼ်တုတ်ႈ ဢမ်ႇၼၼ်ဢၼ်ပဵၼ်တၢင်းဢၼ်ႁူဝ်ႊၸိုမ်းဢွၵ်ႇၼၼ်ႉ ၸူဝ်ႈဢၼ်ဢမ်ႇပႆႇႁွတ်ႈထိုင်တၢင်းဢၼ်မူတ်းသႂ်ၼၼ်ႉၸိုင် ဢမ်ႇလႆႈၵိၼ်ၶိူင်ႈ ပိူင်ဢၼ်မူတ်းၸၢင်ႇ။
၅ ၵေႃႉဢၼ်တိူဝ်ႉထုၵ်ႇၶိူင်ႈပိူင်ဢၼ်ၸၢပ်ႈသႅင်ႇၵၼ်တင်းတူဝ်တၢႆလႄႈ ဢမ်ႇမူတ်းသႂ်ၵေႃႉဢၼ်ၼမ်ႉသုၵ်ႈဢွၵ်ႇ ၵေႃႉဢၼ်တိူဝ်ႉထုၵ်ႇတရိၵ်ႈသၢၼ်ႇ ဢၼ်ၸၢင်ႊၵႂႃႇၸၢင်ႊၵၢၼ်းလႄႈၵူဝ်ႈၵိူၵ်ႇဢမ်ႇၼၼ်ၵေႃႉဢၼ် ၸပ်းတၢင်းဢၼ်ၵူဝ်ႈၵိူၵ်ႇသေၸိူဝ်ႉသေပိူင်ၼၼ်ႉ တၵ်းပဵၼ်ဢၼ်ဢမ်ႇမူတ်းသႂ်တေႃႇ ထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၆ ပေႃးမၼ်းယင်းဢမ်ႇပႆႇဢၢပ်ႇၼမ်ႉၸိုင် မၼ်းဢမ်ႇလႆႈၵိၼ်ၶိူင်ႈပိူင်ဢၼ်မူတ်းၸၢင်ႇၸိူဝ်းၼၼ်ႉ။
၇ လိုၼ်းသေၵၢင်ဝၼ်းတူၵ်းယဝ်ႉၼၼ်ႉမၼ်းတၵ်းႁွတ်ႈ တၢင်းဢၼ်မူတ်းသႂ်ဢေႃႈ။လိုၼ်းၼၼ်ႉ မၼ်းတၵ်းလႆႈၵိၼ်ၶိူင်ႈပိူင်ဢၼ်မူတ်းၸၢင်ႇၸိူဝ်းၼၼ်ႉ ၵွပ်ႈပိူဝ်ႈဢၼ်ပဵၼ်တၢင်းၵိၼ်မၼ်း ၼၼ်ႉဢေႃႈ။
၈ မၼ်းဢမ်ႇလႆႈၵိၼ်တူဝ်ဢၼ်တၢႆႁင်းၵူၺ်းမၼ်း၊ တူဝ်ဢၼ်တူဝ်ႁၢႆႉၶူပ်းလႄႈတၢႆၸိူဝ်းၼၼ်ႉလႄႈႁဵတ်းႁႂ်ႈတူဝ်ၸဝ်ႈၵဝ်ႇၵူဝ်ႈၵိူၵ်ႇ။ၵဝ်ပဵၼ်ထႃႇဝရႃႉ ၽြႃးဢေႃႈ။
၉ ပိူဝ်ႈၼႆလႄႈလွင်ႈၼင်ႇႁိုဝ်ၶဝ်တၵ်းဢမ်ႇလႆႈၶၢမ်ႇဢပျႅတ်ႈ တၢင်းဢၼ်ယႃႉပိင်းၺၢပ်ႈၵဝ်ၼၼ်ႉလႄႈတၢႆၸိုင် ၶဝ်တၵ်းလႆႈပႂ်ႉၵမ်ပႂ်ႉၸွမ်းပိင်းၺၢပ်ႈတြႃးၵဝ်ဢေႃႈ။ ၵဝ်ပဵၼ်ထႃႇဝရႃႉၽြႃးဢၼ်ႁႂ်ႈၶဝ်မူတ်းၸၢင်ႇၼၼ်ႉဢေႃႈ။
၁၀ ၵူၼ်းတၢင်ႇၸိူဝ်ႉတၢင်ႇၶိူဝ်းဢမ်ႇလႆႈၵိၼ်ၶိူင်ႈပိူင်ဢၼ်မူတ်းၸၢင်ႇၼၼ်ႉ။ၶႅၵ်ႇဢၼ်သွၼ်ႈပိုင်ႈယူႇၵႃႈတီႈယိတ်ႉပရေႃးႁိၵ်ႈ ဢိၵ်ႇတင်းၵူၼ်းဢၼ် ၵိၼ်ၸၢင်ႈၵိၼ်ငႃးၼၼ်ႉၵေႃႈဢမ်ႇလႆႈၵိၼ်။
၁၁ ၵူၺ်းၵႃႈၵေႃႉဢၼ်ယိတ်ႉပရေႃးႁိၵ်ႈ ဢဝ်ငိုၼ်းမၼ်းသိုဝ်ႉဢဝ်ဢမ်ႇၼၼ် ၵေႃႉဢၼ်ၵိူတ်ႇလဵင်ႉမႃးၵႃႈၼႂ်းႁိူၼ်းမၼ်း ၼၼ်ႉတၵ်းလႆႈတၵ်းလႆႈၵိၼ်ဢေႃႈ။
၁၂ ပေႃးလုၵ်ႈယိင်းပရေႃးႁိၵ်ႈ ပဵၼ်မေးၵူၼ်းတၢင်ႇၸိူဝ်ႉတၢင်ႇၶိူဝ်းၸိုင်မၼ်းဢမ်ႇလႆႈၵိၼ်တၢင်းပုၵ်ႉၸေႃႇ ဢၼ်မူတ်းၸၢင်ႇၼၼ်ႉ။
၁၃ ၼႂ်းဝႃႈၼၼ်သေၵေႃႈပေႃးလုၵ်ႈယိင်းပရေႃးႁိၵ်ႈၼၼ်ႉပဵၼ်မေႈမုၵ်ႉမေႈမၢႆႈၵႂႃႇ ဢမ်ႇၼၼ်ၵေႃႈပဵၼ်မေႈႁၢင်ႉၵႂႃႇလႄႈ မၼ်းယင်းဢမ်ႇမီးလုၵ်ႈမီးလၢင်းလႄႈၶိုၼ်းမႃးၵႃႈတီႈႁိူၼ်းပေႃႈမၼ်းသေယဝ်ႉ ယူႇမိူၼ်ၸိူဝ်ႉၼင်ႇမိူဝ်ႈဢၼ်ယင်းပဵၼ်လုၵ်ႈဢွၼ်ႇၼၼ်ႉၸိုင် မၼ်းတၵ်းလႆႈၵိၼ်တၢင်းၵိၼ်ပေႃႈမၼ်းဢေႃႈ။ၵူၼ်းတၢင်ႇ ၸိူဝ်ႉတၢင်ႇၶိူဝ်းဢမ်ႇလႆႈၵိၼ်။
၁၄ ပေႃးၵူၼ်းယင်းဢမ်ႇႁူႉလႄႈ ၵိၼ်ၶိူင်ႈပိူင်ဢၼ်မူတ်းၸၢင်ႇၼၼ်ႉမႅၼ်ႈၸိုင်မၼ်းတၵ်းလႆႈဢဝ်ၶိူင်ႈပိူင်ၼၼ်ႉ ထၢပ်ႈထႅင်ႈႁႃႈပုၼ်ႊပုၼ်ႊၼိုင်ႈသေယဝ်ႉ ပၼ်တီႈယိတ်ႉပရေႃးႁိၵ်ႈဢေႃႈ။
၁၅ယိတ်ႉပရေႃးႁိၵ်ႈ ဢမ်ႇလႆႈဢဝ်ၶိူင်ႈပိူင်ဢၼ်မူတ်းၸၢင်ႇဢၼ်ၵူၼ်းမဵဝ်းဢိသရေႇလ ဢွၼ်ၵၼ်ပုၵ်ႉၸေႃႇတီႈထႃႇဝရႃႉၽြႃးၸိူဝ်းၼၼ်ႉ ၶျႃးတူၵ်းတီႈတႅမ်ႇၼႂ်း လွင်ႈတၢင်းဢၼ်ပၼ်ႁႂ်ႈၶဝ်ၵိၼ်မႅၼ်ႈလႄႈ
၁၆ ႁႂ်ႈၶဝ်ၶၢမ်ႇဢပျႅတ်ႈ တၢင်းဢၼ်တူဝ်ၸဝ်ႈၵဝ်ႇၽိတ်းပိူင်ႈၼၼ်ႉ။ၵဝ်ပဵၼ်ထႃႇဝရႃႉၽြႃး ဢၼ်ႁႂ်ႈၶဝ်မူတ်းၸၢင်ႇဢေႃႈ၊ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
တၢင်းပုၵ်ႉၸေႃႇဢၼ်ဢမ်ႇႁပ်ႉဢဝ်
၁၇ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈ ၸမ်း၊-
၁၈ မႂ်းသင်ႇလၢတ်ႈတီႈဢႃႇရုၼ်ႇတင်းလုၵ်ႈၸၢႆးမၼ်းတင်းလၢႆဢိၵ်ႇတင်း ၵူၼ်းမဵဝ်းဢိသရေႇလတင်းသဵင်ႈတင်းလူင်လႄႈဝႃႈ၊-ၵူၼ်းမဵဝ်းဢိသရေႇလသေဢမ်ႇဝႃႈ၊ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈတီႈၵူၼ်းမဵဝ်းဢိသရေႇလ ၼၼ်ႉသေဢမ်ႇဝႃႈ၊ၵေႃႉဢၼ်မီးဢလူဝ်ႇ ၶႂ်ႈပုၵ်ႉၸေႃႇတၢင်းပုၵ်ႉၸေႃႇဢၼ်ႁဵတ်းၵတိသႅတ်ႉၸႃႇ တၢင်းပုၵ်ႉၸေႃႇဢၼ်ႁဵတ်းၸွမ်းၸႂ်ၸေႇတၼႃႇဢၼ်ဝႃႈ ယိၸ်ႉဢၼ်တုတ်ႇၽႆးလႄႈ
၁၉ ပုၵ်ႉၸေႃႇတီႈထႃႇဝရႃႉၽြႃးၼၼ်ႉမၼ်းတၵ်းလႆႈပုၵ်ႉၸေႃႇသူဝ်းပေႃႈ ပေႉပေႃႈ ဝူဝ်းပေႃႈ ဢၼ်ဢမ်ႇပႃးဢၢင်ႇၵႃႇလူႉၼၼ်ႉ ႁႂ်ႈထုၵ်ႇမႅၼ်ႈၸႂ်မၼ်းၸဝ်ႈဢေႃႈ။
၂၀ သူဢမ်ႇလႆႈဢဝ် တူဝ်ဢၼ်ပႃးဢၢင်ႇၵႃႇလူႉၼၼ်ႉပုၵ်ႉၸေႃႇ။ပေႃးပုၵ်ႉၸေႃႇၸိုင်ဢမ်ႇထုၵ်ႇၸႂ်မႅၼ်ႈၸႂ်မၼ်းၸဝ်ႈ။
၂၁ ၵေႃႉဢၼ်မီးဢလူဝ်ႇၶႂ်ႈဢဝ်သူဝ်း၊ပေႉ၊ဝူဝ်း၊ပုၵ်ႉၸေႃႇယိၸ်ႉမိၵ်ႉသႁႃႇယႃႉ ဢၼ်ႁဵတ်းၵတိသႅတ်ႉၸႃႇ၊တၢင်းပုၵ်ႉၸေႃႇဢၼ်ႁဵတ်းၸွမ်းၸႂ်ၸေႇတၼႃႇၼၼ်ႉ တီႈထႃႇဝရႃႉၽြႃးၼၼ်ႉတၵ်းလႆႈဢဝ် တူဝ်ဢၼ်ၸေးၸုမ်ႇ ႁႂ်ႈထုၵ်ႇၸႂ်မႅၼ်ႈၸႂ်မၼ်းၸဝ်ႈဢေႃႈ။
၂၂ ဢမ်ႇလႆႈပႃးဢၢင်ႇၵႃႇလူႉသေၸိူဝ်ႉသေပိူင်။သူဢမ်ႇလႆႈဢဝ်တူဝ်ဢၼ်တႃမွတ်ႇ၊ တူဝ်ဢၼ်လုပ်ႇႁၵ်း၊တူဝ်ဢၼ်ဢၢင်ႇၵႃႇလုတ်ႈႁၢမ်း တူဝ်းဢၼ်မီးတုမ်ႇၸဵပ်းတူဝ်ဢၼ်မီးႁိတ်းမီးႁဝ်ႈ သေၸိူဝ်ႉသေပိူင်ၼၼ်ႉ ပုၵ်ႉၸေႃႇတီႈထႃႇဝရႃႉၽြႃး။ဢမ်ႇလႆႈဢဝ်တင်းၽႆးပုၵ်ႉၸေႃႇၵႃႈတီႈၼိူဝ်ယိၸ်ႉပလၢင်ႇတီႈထႃႇဝရႃႉၽြႃး။
၂၃ ၼႂ်းဝႃႈၼၼ်သေၵေႃႈသူဝ်းဝူဝ်း ဢၼ်ပႃးဢၢင်ႇၵႃႇလူႉဢၢင်ႇၵႃႇပူၼ်ႉလိူဝ် တၢင်းဢၼ်သုတ်ႈယွမ်းၵႂႃႇၼၼ်ႉဢဝ်ႁဵတ်းပုၵ်ႉၸေႃႇတၢင်းပုၵ်ႉၸေႃႇ ဢၼ်ႁဵတ်းၸွမ်းၸႂ်ၸေႇတၼႃႇၼၼ်ႉလႆႈယူႇဢေႃႈ။ ၵူၺ်းၵႃႈဢမ်ႇ ၸႂ်ႈဢၼ်ၸၢပ်ႈသႅင်ႇၵၼ်တင်းၵတိသႅတ်ႉၸႃႇ။
၂၄ တူဝ်ပေႃႈ ဢၼ်ၶႆႇႁမ်မၼ်း လႆႈၶၢမ်ႇတၢင်းဢၼ်ၶိုတ်ႈၼူတ်ႈလႅဝ်ယဝ်ႉ ဢမ်ႇၼၼ်ၵမ်လိမ်ႇမိတ်းလိမ်ႇလႄႈလႅဝ်ယဝ်ႉ၊ဢမ်ႇၼၼ်ပေႃႉထုပ်ႉလႅဝ်ယဝ်ႉ ဢမ်ႇၼၼ်ထိူဝ် ၶၢတ်ႇပၢတ်ႇပႅတ်ႈယဝ်ႉၼၼ်ႉသူဢမ်ႇလႆႈဢဝ်ပုၵ်ႉၸေႃႇတီႈထႃႇဝရႃႉၽြႃး။
၂၅ ဢမ်ႇလႆႈပုၵ်ႉၸေႃႇၸိူဝ်ႉၼင်ႇၼၼ်ၵႃႈၼႂ်းမိူင်းသူ။သူဢမ်ႇလႆႈႁပ်ႉဢဝ်တူဝ်ၸိူဝ်ႉၼင်ႇၼၼ်ၵႃႈတီႈၵူၼ်းတၢင်ႇၸိူဝ်ႉတၢင်ႇၶိူဝ်းလႄႈ သၢၵ်ႈၵၢပ်ႈပုၵ်ႉၸေႃႇပုၼ်ႈတၢင်းၵိၼ်ၽြႃးပဵၼ်ၸဝ်ႈ။ၵွပ်ႈပိူဝ်ႈတၢင်းဢၼ်လူႉဢၼ်လႅဝ်မီးၵႃႈၼႂ်းၶဝ်ၼၼ်ႉလႄႈတူဝ်ၸိူဝ်ႉၼင်ႇၼၼ်ၼၼ်ႉ ဢမ်ႇထုၵ်ႇၸႂ်မႅၼ်ႈၸႂ်မၼ်းၸဝ်ႈ၊ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
၂၆ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈၸမ်း၊-
၂၇ မိူဝ်ႈဢၼ်သူဝ်း၊ပေႉ၊ဝူဝ်း၊ၵိူတ်ႇလဵင်ႉမႃးၼၼ်ႉၸဵတ်းဝၼ်းတဵမ်တဵမ် လုၵ်ႈမၼ်းတၵ်းလႆႈယူႇလူၺ်ႈၵၼ်တင်းမေႈမၼ်းဢေႃႈ။ဝၢႆးသေယဝ်ႉပႅတ်ႇဝၼ်းပဵၼ်ဢၼ်ထုၵ်ႇပဵၼ်တၢင်းပုၵ်ႉၸေႃႇ ဢၼ်ဢဝ်တင်းၽႆးပုၵ်ႉၸေႃႇတီႈထႃႇဝရႃႉၽြႃးၼၼ်ႉလႆႈယူႇဢေႃႈ။
၂၈ပဵၼ်ဝူဝ်းသေဢမ်ႇဝႃႈ၊ပဵၼ်သူဝ်းသေဢမ်ႇဝႃႈ၊ၼႂ်းဝၼ်းလဵဝ်ၵူၺ်း သူဢမ်ႇလႆႈဢဝ်မေႈလုၵ်ႈသွင်ႈတူဝ်တၢႆ။
၂၉ ပေႃးမီးဢလူဝ်ႇၶႂ်ႈပုၵ်ႉၸေႃႇယိၸ်ႉဢၼ်တၢင်ႇၵျေးၸူးထႃႇဝရႃႉၽြႃးၸိုင် ပုၵ်ႉၸေႃႇႁႂ်ႈထုၵ်ႇၸႂ်မႅၼ်ႈၸႂ်မၼ်းၸဝ်ႈတႃႉ။
၃၀ တၵ်းလႆႈၵိၼ်ၼႂ်းဝၼ်းၼၼ်ႉၵမ်းလဵဝ်ဢေႃႈ။သူဢမ်ႇလႆႈႁႂ်ႈၵိုတ်းႁႂ်ႈၵျၢၼ်ႇတေႃႇထိုင် ႁွတ်ႈၶိင်ႇၵၢင်ၼႂ်။
၃၁ ၵဝ်ပဵၼ်ထႃႇဝရႃႉၽြႃးဢေႃႈ။သူတၵ်းလႆႈပႂ်ႉၵမ်ပႂ်ႉၸွမ်းပိင်းၺၢပ်ႈၵဝ်တင်းလၢႆဢေႃႈ။
၃၂ ၵဝ်ပဵၼ်ထႃႇဝရႃႉၽြႃးဢေႃႈ။ သူဢမ်ႇလႆႈဢဝ်ၼႃႇမႃႉၸိုဝ်သဵင်ၵဝ်ဢၼ်မူတ်းၸၢင်ႇၼၼ်ႉ ၶျႃးတူၵ်းတီႈတႅမ်ႇ။ၵဝ်တၵ်းလႆႈမီးတၢင်းဢၼ်ၵူၼ်းမဵဝ်းဢိသရေႇ လတင်းလၢႆမၢတ်ႈပဵၼ်ဢၼ်မူတ်းၸၢင်ႇဢေႃႈ။
၃၃ ၵဝ်ပဵၼ်ထႃႇဝရႃႉၽြႃး ဢၼ်ႁႂ်ႈသူမူတ်းၸၢင်လႄႈၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတု မႃးၼၼ်ႉႁႂ်ႈပဵၼ်ၽြႃးပဵၼ်ၸဝ်ႈသူဢေႃႈ။ၵဝ်ပဵၼ်ထႃႇဝရႃႉၽြႃးဢေႃႈ၊ဝႃႈၼင်ႇၼႆဢေႃႈ။