Chapter
၁၅
တၢင်းဢၼ်ႁူဝ်ႊၸိုမ်းႁဵတ်းႁႂ်ႈၵူဝ်ႈၵိူၵ်ႇ
၁ထႃႇဝရႃႉၽြႃး သမ်ႉမီးဢမိင်ႉတီႈ မုဝ်းသေႇ တင်းဢႃႇရုၼ်ႇလႄႈဝႃႈၸမ်း၊-
၂ သူသင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊-ပေႃးၵူၼ်းၸၢႆးပဵၼ်တၢင်းဢၼ်ႁူဝ်ႊၸိုမ်း ဢွၵ်ႇယူႇၵႃႈတီႈတူဝ်မၼ်းၸိုင် ၵွပ်ႈပိူဝ်ႈဢၼ်ပဵၼ်တၢင်းဢၼ်ႁူဝ်ႊၸိုမ်းယူႇၼၼ်ႉ လႄႈမၼ်းဢမ်ႇမူတ်းသႂ်။
၃ တၢင်းဢၼ်မၼ်းဢမ်ႇမူတ်းသႂ်ၼႂ်းတၢင်းဢၼ်ႁူဝ်ႊၸိုမ်းဢွၵ်ႇယူႇၼၼ်ႉၸမ်း ပဵၼ်တၢင်းဢၼ်ယွတ်ႇႁူဝ်ႊဢွၵ်ႇယူႇၵႃႈတီႈတူဝ်တႃႇသေႇသေဢမ်ႇဝႃႈတၢင်းဢၼ်ႁူဝ်ႈၸိုမ်းဢွၵ်ႇယူႇၼၼ်ႉပဵၼ်ဢၼ်ၵိုတ်းသဝ်းယူႇ တီႈၼိူဝ်ႉမၼ်းၼၼ်ႉ သေဢမ်ႇဝႃႈ၊ၵေႃႉၼၼ်ႉဢမ်ႇမူတ်းသႂ်။
၄ တီႈၼွၼ်းၵေႃႉဢၼ်ပဵၼ်တၢင်းဢၼ် ႁူဝ်ႊၸိုမ်းဢွၵ်ႇၼၼ်ႉ ဢမ်ႇမူတ်းသႂ်။တီႈၼင်ႈဢၼ်မၼ်းၼင်ႈၼၼ်ႉၵေႃႈဢမ်ႇ မူတ်းသႂ်။
၅ ၵေႃႉဢၼ်တိူဝ်ႉထုၵ်ႇတီႈၼွၼ်းၵေႃႉၼၼ်ႉတၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈဢၢပ်ႇၼမ်ႉဢေႃႈ။ပဵၼ်ဢၼ်ဢမ်ႇမူတ်းသႂ် တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၆ ၵေႃႉဢၼ် ၼင်ႈၵႃႈၼိူဝ်တီႈၼင်ၵေႃႉဢၼ်ပဵၼ်တၢင်းဢၼ်ႁူဝ်ႈၸိုမ်းဢွၵ်ႇၼၼ်ႉ တၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈဢၢပ်ႇၼမ်ႉဢေႃႈ။ပဵၼ်ဢၼ်ဢမ်ႇမူတ်းသႂ် တေႃႇ ထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၇ ၵေႃႉဢၼ်တိူဝ်ႉထုၵ်ႇၼိူဝ်ႉၼင် ၵေႃႉဢၼ်ပဵၼ်တၢင်းဢၼ်ႁူဝ်ႊၸိုမ်းဢွၵ်ႇၼၼ်ႉ တၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈ ဢၢပ်ႇၼမ်ႉဢေႃႈ။ပဵၼ်ဢၼ်ဢမ်ႇမူတ်းသႂ်တေႃႇထိုင်ႁွတ်ႈ ၶိင်ႇႁူဝ်ၶမ်ႈဢေႃႈ။
၈ ပေႃးၵေႃႉဢၼ်ပဵၼ်တၢင်းဢၼ်ႁူဝ်ႊၸိုမ်းဢွၵ်ႇၼၼ်ႉ ထူမ်ႇၼမ်ႉလၢႆးတိူဝ်ႉမႅၼ်ႈတီႈၵေႃႉဢၼ်မူတ်းသႂ်ၼၼ်ႉၸိုင် မၼ်းတၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈဢၢပ်ႇၼမ်ႉဢေႃႈ။ ပဵၼ်ဢၼ်ဢမ်ႇ မူတ်းသႂ်တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၉ ၵွပ်းၶီႇၵွပ်းၼင်ႈ ဢၼ်ၵေႃႉဢၼ်ပဵၼ်တၢင်းဢၼ်ႁူဝ်ႊၸိုမ်းဢွၵ်ႇ ၼၼ်ႉၶီႇယဝ်ႉၼင်ႈယဝ်ႉၼၼ်ႉၵေႃႈဢမ်ႇမူတ်းသႂ်။
၁၀ ၵေႃႉဢၼ်တိူဝ်ႉထုၵ်ႇၶိူင်ႈပိူင် ဢၼ်လႆႈမီးတႂ်ႈမၼ်းယဝ်ႉသေၸိူဝ်ႉသေပိူင်ၼၼ်ႉ ဢမ်ႇမူတ်းသႂ်တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။ ၵေႃႉဢၼ်ဢဝ်ၶိူင်ႈပိူင်ၸိူဝ်းၼၼ်ႉၵႂႃႇၼၼ်ႉ တၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈ ဢၢပ်ႇၼမ်ႉဢေႃႈ။ပဵၼ်ဢၼ်ဢမ်ႇမူတ်းသႂ်တေႃႇထိုင်ႁွတ်ႈ ၶိင်ႇႁူဝ်ၶမ်ႈဢေႃႈ။
၁၁ ပေႃးၵေႃႉဢၼ်ပဵၼ်တၢင်းဢၼ်ႁူဝ်ႊၸိုမ်းဢွၵ်ႇၼၼ်ႉယင်းဢမ်ႇသုၵ်ႈမိုဝ်းလႄႈ ဢဝ်မိုဝ်းမၼ်းတိူဝ်ႉထုၵ်ႇပိူၼ်ႈတၢင်ႇၵေႃႉၸိုင် ၵေႃႉၼၼ်ႉတၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈဢၢပ်ႇၼမ်ႉဢေႃႈ။ပဵၼ်ဢၼ်ဢမ်ႇမူတ်းသႂ် တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၁၂ ၵႃႈဢၼ်ပဵၼ်ၶိူင်ႈပိူင်လိၼ် ၵေႃႉဢၼ်ပဵၼ်တၢင်းဢၼ်ႁူဝ်ႊၸိုမ်းဢွၵ်ႇၼၼ်ႉတိူဝ်ႉထုၵ်ႇၼၼ်ႉၸိုင် တၵ်းလႆႈဢဝ်တႅၵ်ႇပႅတ်ႈဢေႃႈ။ၵႃႈပဵၼ်ၶိူင်ႈပိူင်မႆႉၸိုင်တၵ်းလႆႈ ဢဝ်တင်းၼမ်ႉသုၵ်ႈလၢင်ႉဢေႃႈ။
၁၃ ၵေႃႉဢၼ်ပဵၼ်တၢင်းဢၼ်ႁူဝ်ႊၸိုမ်းဢွၵ်ႇၼၼ်ႉ မိူဝ်ႈဢၼ်တၢင်းဢၼ်ႁူဝ်ႊၸိုမ်းဢွၵ်ႇၼၼ်ႉႁၢႆယဝ်ႉၼၼ်ႉၸိုင် ၼပ်ႉဢၢၼ်ႇထႅင်ႈၸဵတ်းဝၼ်းပုၼ်ႈတၢင်းဢၼ်မၼ်းတၵ်းလႆႈၶၢမ်ႇတၢင်းဢၼ်ႁႂ်ႈမူတ်းသႂ်ၼၼ်ႉပူၼ်ႉသေယဝ်ႉ တၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈ ဢၢပ်ႇၼမ်ႉဢၼ်လႆၵႂႃႇယူႇၼၼ်ႉသေလႄႈလႆႈမူတ်းသႂ်ဢေႃႈ။
၁၄ ဝၼ်းဢထမၼၼ်ႉမၼ်းတၵ်းလႆႈဢဝ်ၼူၵ်ႉတူႈသွင်တူဝ် ဢမ်ႇၼၼ်ၵေႃႈ ၵႃၵႄဢွၼ်ႇသွင်တူဝ်မႃးၵႃႈတီႈထႃႇဝရႃႉၽြႃးၵႃႈႁိမ်းၽၵ်းတူသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈၼၼ်ႉလႄႈပၼ်တီႈယိတ်ႉပရေႃးႁိၵ်ႈဢေႃႈ။
၁၅ ယိၸ်ႉပရေႃးႁိၵ်ႈၼၼ်ႉ တၵ်းလႆႈဢဝ်ၸိူဝ်းၼၼ်ႉပုၵ်ႉၸေႃႇ ပုၼ်ႈယိၸ်ႉဢၼ်ၽေႇဢပျႅတ်ႈတူဝ်ၼိုင်ႈပုၼ်ႈယိၸ်ႉ ဢၼ်တုတ်ႇၽႆးတူဝ်ၼိုင်ႈလႄႈ ႁဵတ်းတၢင်းဢၼ်ၽေႇဢပျႅတ်ႈ ၵႃႈတီႈၽၢႆႇၼႃႈထႃႇဝရႃႉၽြႃးပုၼ်ႈၵေႃႉၼၼ်ႉ ၵွပ်ႈပိူဝ်ႈတၢင်းဢၼ်မၼ်းပဵၼ်တၢင်းဢၼ်ႁူဝ်ႊၸိုမ်းဢွၵ်ႇၼၼ်ႉဢေႃႈ။
၁၆ ပေႃးၼမ်ႉသုၵ်ႈၵူၼ်းၸၢႆးဢွၵ်ႇၸိုင် မၼ်းတၵ်းလႆႈဢၢပ်ႇၼမ်ႉတင်းတူဝ်တင်းၶိင်းဢေႃႈ။ပဵၼ်ဢၼ်ဢမ်ႇမူတ်းသႂ်တေႃႇထိုင် ႁွတ်ႈၶိင်ႇႁူဝ်ၶမ်ႈဢေႃႈ။
၁၇ ၶူဝ်းၼုင်ႈဢိၵ်ႇတင်းၼင်တူဝ်ၵႃႈဢၼ်ၼမ်ႉသုၵ်ႈတိူဝ်ႉၼၼ်ႉၸိုင် တၵ်းလႆႈဢဝ်ၼမ်ႉသၵ်ႉလွႆးသေဢေႃႈ။ပဵၼ်ဢၼ်ဢမ်ႇမူတ်းသႂ်တေႃႇထိုင် ႁွတ်ႈၶိင်ႇႁူဝ်ၶမ်ႈဢေႃႈ။
၁၈ ပေႃးၵူၼ်းၸၢႆးၼွၼ်းလူၺ်ႈၵၼ်တင်းၵူၼ်းယိင်းလႄႈ ၼမ်ႉသုၵ်ႈဢွၵ်ႇၸိုင်တင်းသွင်ၵေႃႉတၵ်းလႆႈဢၢပ်ႇၼမ်ႉသေဢေႃႈ။ ပဵၼ်ဢၼ်ဢမ်ႇမူတ်းသႂ်တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၁၉ ပေႃးမေႈယိင်း ပဵၼ်တၢင်းဢၼ် လိူတ်ႈဢူႉတူႉမၼ်းမႃးၸိုင် ပဵၼ်တၢင်းဢၼ်ဢမ်ႇမူတ်းသႂ်ၸဵတ်းဝၼ်းဢေႃႈ။ၵေႃႉဢၼ်တိူဝ်ႉထုၵ်ႇမၼ်းၼၼ်ႉၵေႃႈပဵၼ်တၢင်းဢၼ်ဢမ်ႇမူတ်းသႂ် တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။ ၶိူင်ႈပိူင် ၵႃႈဢၼ်မၼ်းၼွၼ်းသႂ်ၼႂ်းမိူဝ်ႈဢၼ်ဢူႉတူႉဢမ်ႇမူတ်းသႂ်ၼၼ်ႉ ပဵၼ်ဢၼ်ဢမ်ႇမူတ်းသႂ်တင်းသဵင်ႈဢေႃႈ။ၶိူင်ႈပိူင်ၵႃႈဢၼ်မၼ်းၼင်ႈသႂ်ႇၸိူဝ်းၼၼ်ႉၵေႃႈ ပဵၼ်ဢၼ်ဢမ်ႇမူတ်းသႂ်ဢေႃႈ။
၂၁ ၵေႃႉဢၼ်တိူဝ်ႉထုၵ်ႇတီႈၼွၼ်းမၼ်းၼၼ်ႉ တၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈဢၢပ်ႇၼမ်ႉဢေႃႈ။ပဵၼ်ဢၼ်ဢမ်ႇမူတ်းသႂ်တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၂၂ ၵေႃႉဢၼ်တိူဝ်ႉထုၵ်ႇၶိူင်ႈပိူင်ဢၼ်မၼ်းၼင်ႈသႂ်ႇၼၼ်ႉ တၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈ ဢၢပ်ႇၼမ်ႉဢေႃႈ။ပဵၼ်ဢၼ်ဢမ်ႇ မူတ်းသႂ်တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၂၃ ပေႃးတိူဝ်ႉထုၵ်ႇတီႈၼွၼ်းတီႈၼင်ႈဢၼ်မၼ်းၼွၼ်းမၼ်းၼင်ႈဝႆႉၼၼ်ႉၸိုင် ၵေႃႉဢၼ်တိူဝ်ႉထုၵ်ႇၼၼ်ႉပဵၼ်ဢၼ် ဢမ်ႇမူတ်းသႂ်တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။
၂၄ ပေႃးၵူၼ်းၸၢႆး ႁဵတ်းတၢင်းဢၼ်သိူၵ်ႈသမ်ႇၵၼ်တင်းမၼ်းလႄႈ တၢင်းဢၼ်ဢူႉတူႉ ဢၼ်ဢမ်ႇမူတ်းသႂ်မၼ်းၼၼ်ႉတိူဝ်ႉမၼ်းၸိုင် မၼ်းဢမ်ႇမူတ်းသႂ်ၸဵတ်းဝၼ်းဢေႃႈ။ တီႈၼွၼ်းဢၼ်မၼ်းၼွၼ်းၼၼ်ႉၵေႃႈပဵၼ် ဢၼ်ဢမ်ႇမူတ်းသႂ်ဢေႃႈ။
၂၅ ပေႃးမေႈယိင်းပဵၼ်တၢင်းဢၼ်လိူတ်ႈႁူဝ်ႊၸိုမ်းဢွၵ်ႇ ဝၼ်းၼမ်ၼႃႇၼႂ်းၶိင်ႇဢၼ်ဢမ်ႇၸႂ်ႈပဵၼ်ဢူႉတူႉၼၼ်ႉ ဢမ်ႇၼၼ်ၵေႃႈပေႃးမၼ်းပဵၼ်တၢင်းဢၼ်ႁူဝ်ႊၸိုမ်းဢွၵ်ႇ ပူၼ်ႉလိူဝ်သေၶိင်ႇဢူႉတူႉမၼ်းၸိုင် ၶိင်ႇမိူဝ်ႉဝၼ်းတၢင်းဢၼ်ႁူဝ်ႊၸိုမ်းဢွၵ်ႇယူႇၼၼ်ႉ ပဵၼ်ဢၼ်ဢမ်ႇမူတ်းသႂ်မိူၼ်ၸိူဝ်ႉၼင်ႇ ၼႂ်းၶိင်ႇမိူဝ်ႉဝၼ်းဢူႉတူႉဢမ်ႇမူတ်းသႂ်ၼၼ်ႉဢေႃႈ။
၂၆ မၼ်းပဵၼ်ဢၼ်ဢမ်ႇမူတ်းသႂ်ဢေႃႈ။ တီႈၼွၼ်းၵႃႈဢၼ်မၼ်းၼွၼ်းၼႂ်းၶိင်ႇမိူဝ်ႉဝၼ်း ဢၼ်လိူတ်ႈမၼ်းယၢင်ႊမၼ်းႁူဝ်ႊၸိုမ်းဢွၵ်ႇယူႇၼၼ်ႉ တၵ်းလႆႈပဵၼ်မိူၼ်ၸိူဝ်ႉၼင်ႇတီႈၼွၼ်းဢၼ်ပဵၼ်ဢူႉတူႉ ဢၼ်ဢမ်ႇမူတ်းသႂ်ၼၼ်ႉလႄႈ တီႈၼင်ႈၵႃႈဢၼ်မၼ်းၼင်ႈၼၼ်ႉၵေႃႈတၵ်းလႆႈပဵၼ်ဢၼ်ဢမ်ႇမူတ်းသႂ် မိူၼ်ၸိူဝ်ႉၼင်ႇၼႂ်းတၢင်းဢၼ်မၼ်းဢမ်ႇမူတ်းသႂ်လူၺ်ႈဢူႉတူႉဢမ်ႇ မူတ်းသႂ်ၼၼ်ႉဢေႃႈ။
၂၇ ၵေႃႉဢၼ်တိူဝ်ႉထုၵ်ႇၶိူင်ႈပိူင်ၸိူဝ်းၼၼ်ႉတၵ်းလႆႈပဵၼ်ဢၼ်ဢမ်ႇမူတ်းသႂ်ဢေႃႈ။မၼ်းတၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈဢၢပ်ႇၼမ်ႉဢေႃႈ။ ပဵၼ်ဢၼ်ဢမ်ႇမူတ်းသႂ်တေႃႇထိုင်ႁွတ်ႈၶိင်ႇ ႁူဝ်ၶမ်ႈဢေႃႈ။
၂၈ မေႈယိင်းၼၼ်ႉပေႃးတၢင်းဢၼ်ႁူဝ်ႊၸိုမ်းမၼ်းႁၢႆယဝ်ႉၸိုင် မၼ်းတၵ်းလႆႈၼပ်ႉဢၢၼ်ႇထႅင်ႈ ၸဵတ်းဝၼ်းယဝ်ႉၸင်ႇတၵ်းမူတ်းသႂ်ဢေႃႈ။
၂၉ ဝၼ်းဢထမၼၼ်ႉမၼ်းတၵ်းလႆႈဢဝ်ၼူၵ်ႉတူႈသွင်တူဝ်ဢမ်ႇၼၼ်ၵေႃႈ ၵႃၵႄဢွၼ်ႇသွင်တူဝ်မႃးၸူးၵႃႈတီႈယိတ်ႉပရေႃးႁိၵ်ႈ ၵႃႈႁိမ်းၽၵ်းတူၸဝ်ႈတီႈၸူႉတီႈတုမ် ပရိၵ်ႈသၢတ်ႈဢေႃႈ။
၃၀ ယိၸ်ႉပရေႃးႁိၵ်ႈၼၼ်ႉတၵ်းလႆႈဢဝ်ၸိူဝ်းၼၼ်ႉ ပုၵ်ႉၸေႃႇပုၼ်ႈယိၸ်ႉဢၼ်ၽေႇဢပျႅတ်ႈတူဝ်ၼိုင်ႈ ပုၼ်ႈယိၸ်ႉဢၼ်တုတ်ႇၽႆးတူဝ်ၼိုင်ႈလႄႈ ႁဵတ်းတၢင်းဢၼ်ၽေႇဢပျႅတ်ႈ ၵႃႈတီႈၽၢႆႇၼႃႈထႃႇဝရႃႉၽြႃး ပုၼ်ႈမေႈယိင်းၼၼ်ႉ ၵွပ်ႈပိူဝ်ႈတၢင်းဢၼ်မၼ်းပဵၼ်တၢင်းဢၼ်ႁူဝ်ႊၸိုမ်းဢွၵ်ႇဢၼ်ဢမ်ႇမူတ်းသႂ်ၼၼ်ႉဢေႃႈ။
၃၁ ၼင်ႇၼၼ်လႄႈ သူတၵ်းလႆႈႁႂ်ႈၵူၼ်းမဵဝ်းဢိသရေႇလတင်းလၢႆ ၵၢင်းလွတ်ႈတင်းတၢင်းဢၼ်ဢမ်ႇမူတ်းသႂ်ပုၼ်ႈလွင်ႈၼင်ႇႁိုဝ် ၶဝ်တၵ်းဢမ်ႇလႆႈတၢႆၵႃႈၼႂ်းတၢင်းဢၼ်ၶဝ်ဢမ်ႇမူတ်းသႂ်ယူႇ ၼႂ်းမိူဝ်ႉဝၼ်းဢၼ်ၶဝ်ႁႂ်ႈသုမ်ႉထဵင်ၵဝ် ဢၼ်မီးယူႇၵႃႈၼႂ်းၶဝ်ၼၼ်ႉၵူဝ်ႈၵိူၵ်ႇၼၼ်ႉဢေႃႈ။
၃၂ ဢၼ်ၼႆႉၸမ်း ပဵၼ်တြႃးပုၼ်ႈၵေႃႉဢၼ်ပဵၼ်တၢင်းဢၼ်ႁူဝ်ႊၸိုမ်းဢွၵ်ႇ ၵေႃႉဢၼ်ၼမ်ႉသုၵ်ႈမၼ်းဢွၵ်ႇ လႄႈမၼ်းႁွတ်ႈထိုင်တၢင်းဢၼ်ၵူဝ်ႈၵိူၵ်ႇ၊
၃၃ မေႈယိင်းဢၼ်ပဵၼ်ဢူႉတူႉတၢင်းဢၼ်ဢမ်ႇမူတ်းသႂ် ၵူၼ်းၸၢႆးၵူၼ်းယိင်းဢၼ်မီးတၢင်းဢၼ်ႁူဝ်ႈၸိုမ်းဢွၵ်ႇ၊ ဢိၵ်ႇတင်းၵူၼ်းၸၢႆး ဢၼ်ႁဵတ်းတၢင်းဢၼ်ၼွၼ်းလူၺ်ႈၵၼ်တင်းၵူၼ်းယိင်း ဢၼ်ဢမ်ႇမူတ်းသႂ်ၼၼ်ႉၸိူဝ်းၼၼ်ႉဢေႃႈ၊ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။