Chapter
၃
တၢင်းပုၵ်ႉၸေႃႇမိၵ်ႉသႁႃႇယႃႉ
၁ ပေႃးမၼ်းဢဝ်တူဝ်ပေႃႈဢမ်ႇၼၼ်တူဝ်မေႈၵႃႈၼႂ်းၽုင်ဝူဝ်းလႄႈ ပုၵ်ႉၸေႃႇႁႂ်ႈပဵၼ်တၢင်းပုၵ်ႉၸေႃႇဢၼ်ႁဵတ်းယိၸ်ႉမိၵ်ႉသႁႃႇယႃႉၸိုင် မၼ်းတၵ်းလႆႈဢဝ်တူဝ်ဢၼ်ဢမ်ႇပႃးဢၢင်ႇၵႃႇလူႉၼၼ်ႉလႄႈ ပုၵ်ႉၸေႃႇၵႃႈ တီႈၽၢႆႇၼႃႈထႃႇဝရႃႉၽြႃးဢေႃႈ။
၂ မၼ်းတၵ်းလႆႈဢဝ်မိုဝ်းမၼ်း တၢင်ႇသႂ်ႇၵႃႈၼိူဝ်ႁူဝ်ဝူဝ်း ဢၼ်မၼ်းပုၵ်ႉၸေႃႇၼၼ်ႉလႄႈ ဢဝ်တၢႆၵႃႈတီႈႁိမ်းၽၵ်းတူသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈၼၼ်ႉသေယဝ်ႉလုၵ်ႈၸၢႆးဢႃႇရုၼ်ႇ ဢၼ်ပဵၼ်ပရေႃးႁိၵ်ႈၸိူဝ်းၼၼ်ႉတၵ်းလႆႈဢဝ်လိူတ်ႈၼၼ်ႉၽႅတ်းသႂ်ႇလဵပ်ႈႁွပ်ႈၵႃႈ ၼိူဝ်ယိၸ်ႉပလၢင်ႇဢေႃႈ။
၃ မၼ်းတၵ်းလႆႈဢဝ်ၵႃႈၼႂ်းတူဝ်ယိၸ်ႉမိၵ်ႉသႁႃႇယႃႉၼၼ်ႉဢွၵ်ႇလႄႈ သၢၵ်ႈၵၢပ်ႈတၢင်းပုၵ်ႉၸေႃႇတီႈထႃႇဝရႃႉၽြႃး ဢၼ်ဢဝ်တင်းၽႆးႁဵတ်းၼၼ်ႉဢေႃႈ။မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်း ဢၼ်ႁူမ်ႇသႆႈမၼ်း ၵွၼ်ႈၶႆၵွၼ်ႈမၼ်း
၄ ဢၼ် ၸၢပ်ႈသႅင်ႇၵၼ်တင်းသႆႈမၼ်း တင်းသဵင်ႈတင်းလူင်မၢၵ်ႇလၼ်းသွင်ႁူၺ်ႇတင်းၵွၼ်ႈၶႆၵွၼ်ႈမၼ်းမၢၵ်ႇလၼ်း ဢၼ်မီးၵႃႈၼႂ်းႁိမ်းဢႅဝ်မၼ်း ၽၢင်ႇၽၢပ်ႈဢၼ်မီးၵႃႈၼိူဝ်တပ်းမၼ်းဢိၵ်ႇတင်းမၢၵ်ႇလၼ်း မၼ်းၸိူဝ်းၼၼ်ႉဢွၵ်ႇလႄႈ
၅ လုၵ်ႈၸၢႆးဢႃႇရုၼ်ႇၸိူဝ်းၼၼ်ႉ တၵ်းလႆႈဢဝ်တုတ်ႇၽႆးလူၺ်ႈၵၼ်တင်းတူဝ်ယိၸ်ႉဢၼ်တုတ်ႇၽႆး ဢၼ်တၢင်ႇသႂ်ႇၵႃႈၼိူဝ်ၽိုၼ်းဢၼ်မီးၵႃႈၼိူဝ်ၽႆးၵႃႈၼိူဝ်ႈယိၸ်ႉပလၢင်ႇၼၼ်ႉဢေႃႈ။ ပဵၼ်တၢင်းပုၵ်ႉၸေႃႇဢၼ်ဢဝ်တင်းၽႆးသၢၵ်ႈ ၵၢပ်ႈလႄႈ ႁွမ်ႁူၺ်းတီႈထႃႇဝရႃႉၽြႃးဢေႃႈ။
၆ ပေႃးတၢင်းပုၵ်ႉၸေႃႇမၼ်းပဵၼ်တၢင်းဢၼ်ဢဝ်ၵႃႈၼႂ်းၽုင်သူဝ်းၽုင်ပေႉႁဵတ်းယိၸ်ႉမိၵ်ႉသႁႃႇယႃႉ တီႈထႃႇဝရႃႉၽြႃးၸိုင်
၇ ပဵၼ်တူဝ်ပေႃႈသေဢမ်ႇဝႃႈပဵၼ်တူဝ်မေႈသေဢမ်ႇဝႃႈ တၵ်းလႆႈဢဝ်တူဝ်ဢၼ်ဢမ်ႇပႃးဢၢင်ႇ ၵႃႇလူႉၼၼ်ႉပုၵ်ႉၸေႃႇဢေႃႈ။
၈ ပေႃးမၼ်းဢဝ်သူဝ်းဢွၼ်ႇႁဵတ်းတၢင်းပုၵ်ႉၸေႃႇၸိုင် မၼ်းတၵ်းလႆႈဢဝ်သၢၵ်ႈၵၢပ်ႈၵႃႈတီႈၽၢႆႇၼႃႈထႃႇဝရႃႉၽြႃးလႄႈ ဢဝ်မိုဝ်းမၼ်း တၢင်ႇသႂ်ႇၵႃႈၼိူဝ်ႁူဝ်သူဝ်းဢၼ်ပုၵ်ႉၸေႃႇၼၼ်ႉသေလႄႈဢဝ်တၢႆၵႃႈတီႈၽၢႆႇၼႃႈသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈသေယဝ်ႉ လုၵ်ႈၸၢႆးဢႃႇရုၼ်ႇ ၸိူဝ်းၼၼ်ႉ တၵ်းလႆႈဢဝ်လိူတ်ႈၼၼ်ႉၽႅတ်းသႂ်ႇလဵပ်ႈႁွပ်ႈၵႃႈၼိူဝ်ယိၸ်ႉပလၢင်ႇဢေႃႈ။
၉ မၼ်းတၵ်းလႆႈဢဝ် ၵႃႈၼႂ်းတူဝ်ယိၸ်ႉမိၵ်ႉသႁႃႇယႃႉၼၼ်ႉဢွၵ်ႇလႄႈ သၢၵ်ႈၵၢပ်ႈပုၵ်ႉၸေႃႇဢၼ်ဢဝ်တင်း ၽႆးႁဵတ်းတီႈထႃႇဝရႃႉၽြႃးၼၼ်ႉဢေႃႈ။
၁၀ မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်း ႁၢင်ဢၼ်တႅပ်းၶၢတ်ႇသေၵႃႈတီႈလုပ်ႇသၼ်လင်ၵႃႈမီး ၵွၼ်ႈၶႆၵွၼ်ႈမၼ်းဢၼ်ႁူမ်ႇသႆႈမၼ်း ၵွၼ်ႈၶႆၵွၼ်ႈမၼ်းဢၼ်ၸၢပ်ႈသႅင်ႇၵၼ်တင်းသႆႈမၼ်းၵႃႈမီး မၢၵ်ႇလၼ်းသွင်ႁူၺ်ႇတင်းၵွၼ်ႈၶႆၵွၼ်ႈမၼ်းမၢၵ်ႇလၼ်း ဢၼ်မီးၵႃႈၼႂ်းႁိမ်းဢႅဝ်မၼ်းၽၢင်ႇၽၢပ်ႈ ဢၼ်မီးၵႃႈၼိူဝ်တပ်းမၼ်းဢိၵ်ႇတင်းမၢၵ်ႇလၼ်းမၼ်းၸိူဝ်းၼၼ်ႉဢွၵ်ႇလႄႈ ယိတ်ႉပရေႃးႁိၵ်ႈ တၵ်းလႆႈဢဝ်တုတ်ႇၽႆးၵႃႈၼိူဝ်ယိၸ်ႉပလၢင်ႇ ဢေႃႈ။
၁၁ ပဵၼ်ဢႁႃႇရႃႉတၢင်းၵိၼ်တၢင်းပုၵ်ႉၸေႃႇဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးၼၼ်ႉဢေႃႈ။
၁၂ ပေႃးတၢင်းပုၵ်ႉၸေႃႇမၼ်း ပဵၼ်တၢင်းဢၼ်ဢဝ်ပေႉပုၵ်ႉၸေႃႇၸိုင်မၼ်းတၵ်းလႆႈဢဝ်သၢၵ်ႈၵၢပ်ႈၵႃႈတီႈၽၢႆႇၼႃႈထႃႇဝရႃႉၽြႃးလႄႈ ဢဝ်မိုဝ်းမၼ်းတၢင်ႇသႂ်ႇ ၵႃႈၼိူဝ်ႁူဝ်ပေႉၼၼ်ႉသေလႄႈ
၁၃ ဢဝ်တၢႆၵႃႈတီႈၽၢႆႇၼႃႈသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈၼၼ်ႉသေယဝ်ႉလုၵ်ႈၸၢႆးဢႃႇရုၼ်ႇ ၸိူဝ်းၼၼ်ႉတၵ်းလႆႈဢဝ်လိူတ်ႈၼၼ်ႉ ၽႅတ်းသႂ်ႇလဵပ်ႈႁွပ်ႈ ၵႃႈၼိူဝ်ပလၢင်ႇ ဢေႃႈ။
၁၄ မၼ်းတၵ်းလႆႈဢဝ်ၵႃႈၼႂ်းတူဝ်ယိၸ်ႉၼၼ်ႉဢွၵ်ႇလႄႈ သၢၵ်ႈၵၢပ်ႈပုၼ်ႈတၢင်းပုၵ်ႉၸေႃႇဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးၼၼ်ႉဢေႃႈ။မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်း ဢၼ်ႁူမ်ႇသႆႈမၼ်း
၁၅ ၵွၼ်ႈၶႆၵွၼ်ႈမၼ်း ဢၼ်ၸၢပ်ႈသႅင်ႇၵၼ်တင်းသႆႈမၼ်းၵႃႈမီး မၢၵ်ႇလၼ်းသွင်ႁူၺ်ႇတင်းၵွၼ်ႈၶႆၵွၼ်ႈမၼ်းမၢၵ်ႇလၼ်းဢၼ်မီးၵႃႈၼႂ်းႁိမ်းဢႅဝ်မၼ်း ၽၢင်ႇၽၢပ်ႈ ဢၼ်မီးၵႃႈၼိူဝ်တပ်းမၼ်း ဢိၵ်ႇတင်းမၢၵ်ႇလၼ်းၼၼ်ႉၸိူဝ်းၼၼ်ႉဢွၵ်ႇလႄႈ ယိတ်ႉပရေႃးႁိၵ်ႈတၵ်းလႆႈဢဝ်တုတ်ႇၽႆး ၵႃႈၼိူဝ်ယိၸ်ႉပလၢင်ႇဢေႃႈ။
၁၆ ပဵၼ်ဢႁႃႇရႃႉတၢင်းၵိၼ်တၢင်းပုၵ်ႉၸေႃႇဢၼ်ဢဝ်ႆးႁဵတ်းပုၼ်ႈတၢင်းဢၼ်ႁွမ်ဢၼ်ႁူၺ်းဢေႃႈ။ၵွၼ်ႈၶႆၵွၼ်ႈမၼ်းၵႃႈမီးၸိုင် ၸၢပ်ႈသႅင်ႇၵၼ်တင်းထႃႇဝရႃႉ ၽြႃးဢေႃႈ။
၁၇ လွင်ႈတၢင်းဢၼ်သူဢမ်ႇလႆႈၵိၼ်ၵွၼ်ႈၶႆၵွၼ်ႈမၼ်းဢိၵ်ႇတင်းလိူတ်ႈၼၼ်ႉ ပဵၼ်ပိင်းၺၢပ်ႈတီႈမဵဝ်းၸိူဝ်ႉၶိူဝ်းသူ သိုပ်ႇသိုပ်ႇတၢမ်ႈတၢမ်ႈ ၵႃႈၼႂ်းတီႈဢၼ်သူယူႇသူသဝ်း ၵႃႈမီးတင်းသဵင်ႈတင်းလူင်ၼၼ်ႉတႃႇသေႇဢေႃႈ၊ဝႃႈၼင်ႇၼႆဢေႃႈ။