Chapter
၅
၁ ပေႃးသေၵေႃႉသေၵူၼ်း လႆႈငိၼ်းၵႂၢမ်းဢၼ်ၵိၼ်ႇဢၼ်ဝႃႈယဝ်ႉ၊လႆႈႁၼ်ဢမူႉယဝ်ႉ ဢမ်ႇၼၼ်လႆႈႁူႉယဝ်ႉလႄႈပဵၼ်ၵူၼ်းသၢၵ်ႈသေႇယူႇသေၵေႃႈယင်းဢမ်ႇမွၵ်ႇဢမ်ႇလၢတ်ႈလႄႈယူႇၸိုင် ပဵၼ်တၢင်းဢၼ်ၽိတ်းပိူင်ႈလႄႈ မၼ်းတၵ်းလႆႈၶၢမ်ႇဢပျႅတ်ႈတူႉၸရိူၵ်ႈတူဝ် ၸဝ်ႈၵဝ်ႇဢေႃႈ။
၂ ပေႃးသေၵေႃႉသေၵူၼ်းယင်းဢမ်ႇႁူႉလွင်ႈမၼ်းလႄႈ တိူဝ်ႉမႅၼ်ႈၶိူင်ႈပိူင်ဢၼ်ဢမ်ႇမူတ်းသႂ်သေၸိူဝ်ႉသေပိူင် ဢၼ်ဝႃႈ တူဝ်တၢႆတူဝ်ႁၢႆႉဢၼ်ဢမ်ႇမူတ်းသႂ် တူဝ်တၢႆတူဝ်ယဵၼ်တူဝ်ငႄႈဢၼ်ဢမ်ႇမူတ်းသႂ် တူဝ်တၢႆတရိၵ်ႈသၢၼ်ႇ ဢၼ်ၸၢင်ႊၵၢၼ်းဢၼ်ဢမ်ႇမူတ်းသႂ်ၼၼ်ႉၸိုင် မၼ်းမီးဢပျႅတ်ႈဢေႃႈ။
၃ ပေႃးမၼ်းယင်းဢမ်ႇႁူႉလႄႈ တိူဝ်ႉမႅၼ်ႈၶိူင်ႈပိူင်ဢၼ်ဢမ်ႇ မူတ်းသႂ်ဢၼ်ၸပ်းၵႃႈတီႈၵူၼ်းၼၼ်ႉၸိုင် ၵမ်းလိုၼ်းမိူဝ်ႈဢၼ်မၼ်းႁူႉမႃးၼၼ်ႉ မၼ်းႁွတ်ႈထိုင်တၢင်း ဢၼ်မီးဢပျႅတ်ႈဢေႃႈ။
၄ ပေႃးသေၵေႃႉသေၵူၼ်းယင်းဢမ်ႇႁူႉဢၵျူဝ်းဢပျႅတ်ႈလႄႈ ဢဝ်ဢွၵ်ႇသူပ်းၵိၼ်ႇႁဵတ်းသႅတ်ႉၸႃႇဝႃႈ၊-တၵ်းႁဵတ်းဢမူႉလွင်ႈတၢင်းဢၼ်ဢမ်ႇလီဢမ်ႇငၢမ်းဢမူႉလွင်ႈတၢင်းဢၼ်လီဢၼ်ငၢမ်းဝႃႈၼင်ႇၼႆၸိုင် ၵမ်းလိုၼ်းမိူဝ်ႈဢၼ်မၼ်းႁူႉမႃးၼၼ်ႉ မၼ်းႁွတ်ႈထိုင်တၢင်းဢၼ်မီးဢပျႅတ်ႈၵႃႈၼႂ်း ဢမူႉလွင်ႈတၢင်းၼၼ်ႉဢေႃႈ။
၅ ပေႃးႁွတ်ႈထိုင်ဢပျႅတ်ႈၸိူဝ်ႉၼင်ႇၼၼ်သေၸိူဝ်ႉသေပိူင်ၸိုင်ႈ မၼ်းတၵ်းလႆႈၽူၺ်ႇဢွၵ်ႇၼႄပျႃး တွင်းပၢၼ်ႇလူၺ်ႈလွင်ႈဢၼ် မၼ်းၽိတ်းပိူင်ႈၼႂ်းတီႈႁဵင်းၼၼ်ႉဢေႃႈ။
၆ မၼ်းတၵ်းလႆႈဢဝ် ယိၸ်ႉဢၼ်ၽေႇတူႉၸရိူၵ်ႈဢၼ်ဝႃႈသူဝ်းမေႈဢွၼ်ႇ၊ ဢမ်ႇၼၼ်ပေႉမေႈဢွၼ်ႇမႃးတီႈထႃႇဝရႃႉၽြႃး ပုၼ်ႈဢပျႅတ်ႈဢၼ်မၼ်းၽိတ်းပိူင်ႈမႅၼ်ႈၼၼ်ႉလႄႈ ယိတ်ႉပရေႃးႁိၵ်ႈတၵ်းလႆႈႁဵတ်းတၢင်းဢၼ်ၽေႇဢပျႅတ်ႈပုၼ်ႈမၼ်း လူၺ်ႈလွင်ႈဢပျႅတ်ႈမၼ်းၼၼ်ႉဢေႃႈ။
၇ ပေႃးမၼ်းဢမ်ႇတတ်ႈၼိုင်ႇသူဝ်းဢွၼ်ႇလႆႈၸိုင် မၼ်းတၵ်းလႆႈဢဝ်ယိၸ်ႉဢၼ်ၽေႇဢပျႅတ်ႈတူႉၸရိူၵ်ႈပုၼ်ႈဢပျႅတ်ႈဢၼ်မၼ်းၽိတ်းပိူင်ႈမႅၼ်ႈၼၼ်ႉ ၼူၵ်ႉတူႈသွင်တူဝ်၊ဢမ်ႇၼၼ်ၵႃၵႄဢွၼ်ႇသွင်တူဝ်တူဝ်ႈၼိုင်ႈ ပုၼ်ႈယိၸ်ႉဢၼ်ၽေႇဢပျႅတ်ႈတူဝ်ၼိုင်ႈပုၼ်ႈယိၸ်ႉ ဢၼ်တုတ်ႇၽႆးၵႃႈတီႈထႃႇဝရႃႉ ၽြႃးဢေႃႈ။
၈ မၼ်းတၵ်းလႆႈဢဝ်မႃးၵႃႈတီႈယိတ်ႉပရေႃးႁိၵ်ႈလႄႈ ယိတ်ႉပရေႃးႁိၵ်ႈ တၵ်းလႆႈဢဝ်တူဝ်ယိၸ်ႉ ဢၼ်ၽေႇဢပျႅတ်ႈၼၼ်ႉပုၵ်ႉၸေႃႇဢွၼ်တၢင်းလႄႈ လိမ်ႇႁၵ်းႁူဝ်မၼ်းၵႃႈတီႈၶေႃးမၼ်းသေလႄႈ ဢမ်ႇလႆႈႁႂ်ႈၽၢတ်ႇယၢၼ်ၵၼ်တင်းတူဝ်မၼ်း။
၉ မၼ်းတၵ်းလႆႈဢဝ်လိူတ်ႈတူဝ်ယိၸ်ႉ ဢၼ်ၽေႇဢပျႅတ်ႈၼၼ်ႉၽႅတ်းသႂ်ႇၵႃႈတီႈပဵမ်ႉယိၸ်ႉပလၢင်ႇလႄႈ လိူတ်ႈဢၼ်ၵိုတ်းဢၼ်ၵျၢၼ်ႇၼၼ်ႉၸိုင် တၵ်းလႆႈဢဝ်မိပ်ႇသႂ်ႇၵႃႈတီႈႁိမ်းယိၸ်ႉပလၢင်ႇဢေႃႈ။ပဵၼ်ယိၸ်ႉဢၼ် ၽေႇဢပျႅတ်ႈဢေႃႈ။
၁၀ ၼူၵ်ႉတူဝ်တုတိယၼၼ်ႉၸိုင်မၼ်းတၵ်းလႆႈဢဝ်ပုၵ်ႉၸေႃႇ ယိၸ်ႉဢၼ်တုတ်ႇၽႆးၸွမ်းၵႃႈၼင်ႇပိင်းၺၢပ်ႈတြႃးဢေႃႈ။ယိတ်ႉပရေႃးႁိၵ်ႈတၵ်းလႆႈႁဵတ်းတၢင်းဢၼ်ၽေႇဢပျႅတ်ႈပုၼ်ႈမၼ်းလူၺ်ႈလွင်ႈဢပျႅတ်ႈ ဢၼ်မၼ်းၽိတ်းပိူင်ႈမႅၼ်ႈၸိူဝ်ႉၼင်ႇၼၼ်ၼၼ်ႉလႄႈ ဢပျႅတ်ႈမၼ်းၼၼ်ႉတၵ်း လွတ်ႈဢေႃႈ။
၁၁ ပေႃးမၼ်းဢမ်ႇတတ်ႈၼိုင်ႇလႆႈၼူၵ်ႉတူႈသွင်တူဝ်ဢမ်ႇၼၼ် ၵႃၵႄဢွၼ်ႇသွင်တူဝ်ၸိုင်မၼ်းတၵ်းလႆႈဢဝ်ၽွင်ၶဝ်ႈမုၼ်းဢေႇၽႃႇ သိပ်းပုၼ်ႈပုၼ်ႈၼိုင်ႈမႃး ႁႂ်ႈပဵၼ်ႈပုၼ်ႈယိၸ်ႉ ဢၼ်ၽေႇဢပျႅတ်ႈတၢင်းဢၼ်မၼ်းတၵ်းပုၵ်ႉၸေႃႇ ပုၼ်ႈဢပျႅတ်ႈဢၼ်မၼ်းၽိတ်းပိူင်ႈမႅၼ်ႈၼၼ်ႉဢေႃႈ။မၼ်းဢမ်ႇလႆႈဢဝ်ၼမ်ႉမၼ်းႁူတ်း။လေႃႇပၢၼ်ႇၵေႃႈဢမ်ႇလႆႈဢဝ်တၢင်ႇ သႂ်ႇ။
၁၂ ပဵၼ်ယိၸ်ႉဢၼ်ၽေႇဢပျႅတ်ႈဢေႃႈ။မၼ်းတၵ်းလႆႈဢဝ်မႃးၵႃႈတီႈယိတ်ႉပရေႃးႁိၵ်ႈလႄႈ ယိတ်ႉပရေႃးႁိၵ်ႈတၵ်းလႆႈဢဝ်ၼႂ်းၽွင်ၶဝ်ႈမုၼ်းၼၼ်ႉ ဝၵ်ႉၼိုင်ႈပုၼ်ႈဢၼ်မၼ်းၸဝ်ႈတၵ်းၶုၵ်းၸႂ်လႆႈၶႆႈၸႂ်ထူပ်းၼၼ်ႉလႄႈ တုတ်ႇၽႆးၵႃႈၼိူဝ်ယိၸ်ႉပလၢင်ႇၵႃႈၼိူဝ်တၢင်းပုၵ်ႉၸေႃႇ ဢၼ်ဢဝ်တင်းၽႆးပုၵ်ႉၸေႃႇတီႈထႃႇဝရႃႉၽြႃးၸိူဝ်းၼၼ်ႉဢေႃႈ။ပဵၼ်ယိၸ်ႉဢၼ်ၽေႇဢ ပျႅတ်ႈဢေႃႈ။
၁၃ ယိတ်ႉပရေႃးႁိၵ်ႈတၵ်းလႆႈႁဵတ်းတၢင်းဢၼ်ၽေႇဢပျႅတ်ႈပုၼ်ႈမၼ်းလူၺ်ႈလွင်ႈဢပျႅတ်ႈဢၼ်မၼ်းၽိတ်းပိူင်ႈမႅၼ်ႈၸိူဝ်ႉၼင်ႇၼၼ်ၼၼ်ႉလႄႈဢပျႅတ်ႈမၼ်းၼၼ်တၵ်းလွတ်ႈဢေႃႈ။ ဢၼ်ၵိုတ်းဢၼ်ၵျၢၼ်ႇၸိုင် တၵ်းလႆႈပဵၼ်ပုၼ်ႈယိတ်ႉပရေႃးႁိၵ်ႈမိူၼ်ၸိူဝ်ႉၼင်ႇ တၢင်းပုၵ်ႉၸေႃႇၽေႃးၸဵၼ်ႇၼၼ်ႉဢေႃႈ၊ဝႃႈၼင်ႇၼႆဢေႃႈ။
တၢင်းပုၵ်ႈၸေႃႇပုၼ်ႈတၢင်းၽိတ်း
၁၄ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈၸမ်း၊-
၁၅ ပေႃးသေၵေႃႉသေၵူၼ်းယင်းဢမ်ႇႁူႉဢမ်ႇတွင်းတြႃးလႄႈ ၽိတ်းပိူင်ႈပူၼ်ႉလိူဝ်မႅၼ်ႈ ၵႃႈၼႂ်းလွင်ႈတၢင်းဢၼ်မူတ်းၸၢင်ႇ ဢၼ်ၸၢပ်ႈသႅင်ႇၵၼ်တင်းထႃႇဝရႃႉၽြႃးၸိူဝ်းၼၼ်ႉၸိုင် မၼ်းတၵ်းလႆႈဢဝ်ယိၸ်ႉဢၼ်ၽေႇတူႉၸရိူၵ်ႈ ဢၼ်ဝႃႈသူဝ်းပေႃႈဢၼ်ဢမ်ႇပႃးဢၢင်ႇၵႃႇလူႉ၊ ဢၼ်ဢဝ်ၵႃႈၼႂ်းၽုင်သူဝ်းဢၼ်မႅၼ်ႈၼင်ႇဢၼ်မႂ်းတၵ်းၼပ်ႉဢၢၼ်ႇ ငိုၼ်းသၶေႇလ ၸွမ်းလူၺ်ႈၼမ်ႉၼၵ်းငိုၼ်းၸဝ်ႈၵျၢပ်ႈသၶေႇလၼၼ်ႉ ဢဝ်မႃးတီႈထႃႇဝရႃႉၽြႃးပုၼ်ႈယိၸ်ႉဢၼ် ၽေႇတူႉၸရိူၵ်ႈဢေႃႈ။
၁၆ မၼ်းတၵ်းလႆႈၶိုၼ်းတႅၼ်းပၼ်ပုၼ်ႈတၢင်းဢၼ်မၼ်းၽိတ်းပိူင်ႈ ၵႃႈၼႂ်းလွင်ႈတၢင်းဢၼ်မူတ်းၸၢင်ႇၼၼ်ႉၸိူဝ်ႉၼင်ႇၼၼ်လႄႈ ဢဝ်ႁႃႈပုၼ်ႈပုၼ်ႈၼိုင်ႈ ထၢပ်ႈထႅင်ႈသေယဝ်ႉပၼ်တီႈ ယိတ်ႉပရေႃးႁိၵ်ႈဢေႃႈ။ယိၸ်ႉပရေႃးႁိၵ်ႈၵေႃႈတၵ်းလႆႈဢဝ်သူဝ်းပေႃႈ ဢၼ်ပဵၼ်ယိၸ်ႉဢၼ်ၽေႇတူႉၸရိူၵ်ႈၼၼ်ႉႁဵတ်းတၢင်းဢၼ်ၽေႇဢပျႅတ်ႈ ပုၼ်ႈမၼ်းၼၼ်ႉလႄႈ ဢပျႅတ်ႈမၼ်းၼၼ်ႉတၵ်းလွတ်ႈဢေႃႈ။
၁၇ ပေႃးသေၵေႃႉသေၵူၼ်း ႁဵတ်းလွင်ႈတၢင်းဢၼ်ထႃႇဝရႃႉၽြႃးပိင်းၺၢပ်ႈဝႆႉ တေဢမ်ႇလႆႈႁဵတ်းၼၼ်ႉသေၸိူဝ်ႉသေပိူင်လႄႈၽိတ်းပိူင်ႈမႅၼ်ႈၸိုင်ပဵၵ်ႉသမ်ႉမၼ်းဢမ်ႇႁူႉလွင်ႈမၼ်းတၢင်းမၼ်းသေၵေႃႈ မၼ်းႁွတ်ႈထိုင်တၢင်းဢၼ်မီးဢပျႅတ်ႈလႄႈတၵ်းလႆႈၶၢမ်ႇဢပျႅတ်ႈၼၼ်ႉဢေႃႈ။
၁၈ မၼ်းတၵ်းလႆႈဢဝ်သူဝ်းပေႃႈ ဢၼ်ဢမ်ႇပႃးဢၢင်ႇၵႃႇလူႉဢၼ်ဢဝ်ၵႃႈၼႂ်းၽုင်သူဝ်းၼၼ်ႉမႃးၵႃႈတီႈယိတ်ႉပရေႃးႁိၵ်ႈပုၼ်ႈယိၸ်ႉဢၼ်ၽေႇတူႉၸရိူၵ်ႈဢေႃႈ။ယိတ်ႉပရေႃးႁိၵ်ႈတၵ်းလႆႈႁဵတ်းတၢင်းဢၼ်ၽေႇဢပျႅတ်ႈ ပုၼ်ႈမၼ်းလူၺ်ႈလွင်ႈဢၼ်မၼ်းယင်းဢမ်ႇႁူႉဢမ်ႇတွင်းတြႃးလႄႈၽိတ်းပိူင်ႈမႅၼ်ႈသေလႄႈ ဢမ်ႇႁူႉလွင်ႈမၼ်းတၢင်းမၼ်းၼၼ်ႉလႄႈ ဢ ပျႅတ်ႈမၼ်းၼၼ်ႉတၵ်းလွတ်ႈဢေႃႈ။
၁၉ ပဵၼ်ယိၸ်ႉဢၼ်ၽေႇတူႉၸရိူၵ်ႈဢေႃႈ။ မၼ်းလႆႈၽိတ်းပိူင်ႈထႃႇဝရႃႉၽြႃးမႃးဢမၢၼ်ႇၶၢၼ်ပဵၼ်ယဝ်ႉ၊ ဝႃႈၼင်ႇၼႆဢေႃႈ။