Chapter
၄
တၢင်းပုၵ်ႈၸေႃႇပုၼ်ႈဢပျႅတ်ႈ
၁ ထႃႇဝရႃႉၽြႃးမီးဢမိင်ႉတီႈမုဝ်းသေႇ လႄႈဝႃႈၸမ်း၊-မႂ်းတၵ်းလႆႈလၢတ်ႈတီႈ ၵူၼ်းမဵဝ်းဢိသရေႇလ တင်း လၢႆလႄႈဝႃႈ၊-
၂ ပေႃးသေၵေႃႉသေၵူၼ်းယင်းဢမ်ႇႁူႉဢမ်ႇတွင်းတြႃးလႄႈ ၽိတ်းပိူင်ႈပူၼ်ႉလိူဝ်ပိင်းၺၢပ်ႈထႃႇဝရႃႉၽြႃးသေလႄႈ ႁဵတ်းမႅၼ်ႈလွင်ႈတၢင်းဢၼ် ဢမ်ႇလီႁဵတ်းသေၸိူဝ်ႉသေပိူင်
၃ ပေႃးယိတ်ႉပရေႃးႁိၵ်ႈဢၼ်ၶၢမ်ႇၽိၵ်ႈသိၵ်ႈၼၼ်ႉ ၽိတ်းပိူင်ႈထၢၼ်ႈပေႃးႁဵတ်းႁႂ်ႈၵူၼ်းတင်းလၢႆထုၵ်ႇဢပျႅတ်ႈၸိုင်ႈ မၼ်းတၵ်းလႆႈဢဝ်ဝူဝ်းပေႃႈ ဢၼ်ဢသၢၵ်ႈၼုမ်ႇဢၼ်ဢမ်ႇပႃးဢၢင်ႇၵႃႇလူႉၼၼ်ႉ ပုၵ်ႉၸေႃႇတီႈထႃႇဝရႃႉၽြႃးပုၼ်ႈ ယိၸ်ႉဢၼ်ၽေႇဢပျႅတ်ႈဢေႃႈ။
၄ မၼ်းတၵ်းလႆႈဢဝ်ဝူဝ်းၼၼ်ႉမႃးၵႃႈတီႈၽၵ်းတူသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈၵႃႈတီႈၽၢႆႇၼႃႈ ထႃႇဝရႃႉၽြႃးလႄႈ ဢဝ်မိုဝ်းမၼ်းတၢင်ႇသႂ်ႇၵႃႈၼိူဝ်ႁူဝ်ဝူဝ်းၼၼ်ႉသေလႄႈ ဢဝ်ဝူဝ်းၼၼ်ႉဝႆႉၵႃႈတီႈၽၢႆႇၼႃႈထႃႇဝရႃႉ ၽြႃးဢေႃႈ။
၅ ယိတ်ႉပရေႃးႁိၵ်ႈဢၼ်တၵ်းၶၢမ်ႇၽိၵ်ႈသိၵ်ႈၼၼ်ႉ တၵ်းလႆႈပႃးဢဝ်လိူတ်ႈဝူဝ်းၼၼ်ႉမႃႈၵႃႈတီႈသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈလႄႈဢဝ်ၼိဝ်ႉၸီႉမၼ်း
၆ ၸွမ်ႇၸုမ်ႇၵႃႈၼႂ်းလိူတ်ႈၼၼ်ႉသေလႄႈ ဢဝ်လိူတ်ႈၼၼ်ႉၵမ်ႈၽွင်ႈ ၽႅတ်းသႂ်ႇၵႃႈတီႈၽၢႆႇၼႃႈထႃႇဝရႃႉၽြႃး ၵႃႈတီႈၽၢႆႇၼႃႈၽႃႈၵင်ႈထႃႇၼႃႉတီႈမူတ်းၸၢင်ႇၸဝ်ႈၼၼ်ႉ ၸဵတ်းၵမ်းဢေႃႈ။
၇ ၵမ်းၼၼ်ႉ ယိတ်ႉပရေႃးႁိၵ်ႈတၵ်းလႆႈဢဝ်လိူတ်ႈဝူဝ်းၼၼ်ႉၵမ်ႈၽွင်ႈသႂ်ႇၵႃႈတီႈ ၶဝ်လႅမ်ပလၢင်ႇတီႈဢၼ်တုတ်ႇၽႆးၼၢမ်ႇသႃႇဢၼ်ႁွမ်ဢၼ်ႁူၺ်းၵႃႈတီႈၽၢႆႇၼႃႈ ထႃႇဝရႃႉၽြႃးဢၼ်မီးၵႃႈၼႂ်း သုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈၼၼ်ႉလႄႈ ဢဝ်လိူတ်ႈဝူဝ်း ဢၼ်ၵိုတ်းဢၼ်ၵျၢၼ်ႇၼၼ်ႉထွၵ်ႇသႂ်ႇၵႃႈႁိမ်းတိၼ်ယိၸ်ႉပလၢင်ႇယိၸ်ႉ တီႈဢၼ်တုတ်ႇၽႆးဢၼ်မီးၵႃႈတီႈၽၢႆႇၼႃႈၽၵ်းတူသုမ်ႉထဵင်ၸဝ်ႈ တီႈ ၸူႉတီႈတုမ်ပရိၵ်ႈသၢတ်ႈၼၼ်ႉဢေႃႈ။
၈ မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်းဝူဝ်း ဢၼ်ႁဵတ်းယိၸ်ႉ ဢၼ်ၽေႇဢပျႅတ်ႈၼၼ်ႉ တင်းသဵင်ႈတင်းလူင်ဢွၵ်ႇဢေႃႈ။
၉ မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်း ဢၼ်ႁူမ်ႇသႆႈမၼ်း ၵွၼ်ႈၶႆၵွၼ်ႈမၼ်းဢၼ်ၸၢပ်ႈသႅင်ႇၵၼ်တင်းသႆႈမၼ်း ၵႃႈမီး၊မၢၵ်ႇလၼ်းသွင်ႁူၺ်ႇ တင်းၵွၼ်ႈၶႆၵွၼ်ႈမၼ်း မၢၵ်ႇလၼ်းဢၼ်မီးၵႃႈၼႂ်းႁိမ်းဢႅဝ်မၼ်း ၽၢင်ႇၽၢပ်ႈ
၁၀ ဢၼ်မီးၵႃႈၼိူဝ်တပ်းမၼ်းဢိၵ်ႇတင်းမၢၵ်ႇလၼ်းၸိူဝ်းၼၼ်ႉဢွၵ်ႇ မိူၼ်ၸိူဝ်ႉၼင်ႇဢၼ်ဢဝ်ဢွၵ်ႇၵႃႈတီႈဝူဝ်း ဢၼ်ႁဵတ်းယိၸ်ႉမိၵ်ႉသႁႃႇယႃႉၼၼ်ႉလႄႈ ယိတ်ႉပရေႃးႁိၵ်ႈ တၵ်းလႆႈဢဝ်တုတ်ႇၽႆးၵႃႈၼိူဝ် ယိၸ်ႉပလၢင်ႇ တီႈဢၼ်တုတ်ႇၽႆးတူဝ်ယိၸ်ႉ ၼၼ်ႉဢေႃႈ။
၁၁ ၼင်ဝူဝ်းဢိၵ်ႇတင်းၼိူဝ်ႉမၼ်းၵႃႈမီး ၵွၵ်းႁူဝ်မၼ်း၊ တိၼ်မၼ်း၊ သႆႈမၼ်း၊ ၶီႈၼုမ်ႇမၼ်းတင်းတူဝ်ၼၼ်ႉၸိုင် မၼ်းတၵ်းလႆႈဢဝ်ၵႂႃႇၵႃႈၼွၵ်ႈတပ်ႉၵႃႈတီႈဢၼ်မူတ်းသႂ် တီႈဢၼ်ထွၵ်ႇတဝ်ႊပႅတ်ႈၼၼ်ႉ လႄႈတုတ်ႇၽႆးၵႃႈၼိူဝ်ၽိုၼ်းဢေႃႈ။
၁၂ တၵ်းလႆႈတုတ်ႇၽႆးၵႃႈတီႈဢၼ်ထွၵ်ႇတဝ်ႊပႅတ်ႈၼၼ်ႉဢေႃႈ။
၁၃ ပေႃးပရိၵ်ႈသၢတ်ႈၵူၼ်းမဵဝ်းဢိသရေႇလ တင်းသဵင်ႈတင်းလူင်ၽိတ်းပိူင်ႈလႄႈ မၢၵ်ႇတႃပရိၵ်ႈသၢတ်ႈယင်းဢမ်ႇႁၼ်လွင်ႈမၼ်းတၢင်းမၼ်းလႄႈ ပူၼ်ႉလိူဝ်ပိင်းၺၢပ်ႈထႃႇဝရႃႉၽြႃးသေလႄႈ ႁဵတ်းလွင်ႈတၢင်းဢၼ်ဢမ်ႇထုၵ်ႇလီႁဵတ်းၼၼ်ႉ သေၸိူဝ်ႉသေပိူင်မႅၼ်ႈသေ ယဝ်ႉႁွတ်ႈထိုင်ဢပျႅတ်ႈၸိုင်
၁၄ မိူဝ်ႈဢၼ်ႁူႉလွင်ႈဢပျႅတ်ႈဢၼ်ပူၼ်ႉလိူဝ် မႅၼ်ႈၸိူဝ်ႉၼင်ႇၼၼ်ယဝ်ႉၼၼ်ႉပရိၵ်ႈသၢတ်ႈၸိူဝ်းၼၼ်ႉ တၵ်းလႆႈဢဝ်ဝူဝ်းပေႃႈဢၼ်ဢသၢၵ်ႈၼုမ်ႇၼၼ်ႉ မႃးၵႃႈတီႈၽၢႆႇၼႃႈသုမ်ႉထဵင်ၸဝ်ႈ
တီႈၸူႉတီႈတုမ်ပရိၵ်ႈသၢတ်ႈလႄႈ သၢၵ်ႈၵၢပ်ႈပုၼ်ႈယိၸ်ႉဢၼ်ၽေႇဢပျႅတ်ႈၼၼ်ႉဢေႃႈ။
၁၅ ၵူၼ်းဢၼ်ပဵၼ်ၵႄႇပဵၼ်ႁူဝ် ၼႂ်းပရိၵ်ႈသၢတ်ႈၸိူဝ်းၼၼ်ႉတၵ်းလႆႈဢဝ်မိုဝ်းၶဝ် တၢင်ႇသႂ်ႇၵႃႈၼိူဝ်ႁူဝ်ဝူဝ်းၼၼ်ႉၵႃႈတီႈၽၢႆႇၼႃႈထႃႇဝရႃႉၽြႃးလႄႈ ဢဝ်ဝူဝ်းၼၼ်ႉတၢႆၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။
၁၆ ယိတ်ႉပရေႃးႁိၵ်ႈဢၼ်ၶၢမ်ႇၽိၵ်ႈသိၵ်ႈၼၼ်ႉတၵ်းလႆႈဢဝ်လိူတ်ႈဝူဝ်းၼၼ်ႉ မႃးၵႃႈတီႈသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈလႄႈ၊ ယိၸ်ႉပရေႃးႁိၵ်ႈ
၁၇ တၵ်းလႆႈဢဝ်ၼိဝ်ႉၸီႉမၼ်းၸွမ်ႇၸုမ်ႇၵႃႈၼႂ်းလိူတ်ႈၼၼ်ႉလႄႈ ဢဝ်ၽႅတ်းသႂ်ႇၵႃႈတီႈၽၢႆႇၼႃႈထႃႇဝရႃႉၽြႃးၵႃႈတီႈၽၢႆႇၼႃႈၽႃႈ ၵင်ႈၸဵတ်းၵမ်းဢေႃႈ။
၁၈ ၵမ်းၼၼ်ႉ မၼ်းတၵ်းလႆႈဢဝ်လိူတ်ႈၼၼ်ႉၵမ်ႈၽွင်ႈသႂ်ႇၵႃႈတီႈၶဝ်လႅမ်ပလၢင်ႇ ဢၼ်မီးၵႃႈတီႈၽၢႆႇၼႃႈထႃႇဝရႃႉၽြႃး ဢၼ်မီးၵႃႈၼႂ်းသုမ်ႉထဵင်ၸဝ်ႈတီႈၸူႉ တီႈတုမ်ပရိၵ်ႈသၢတ်ႈၼၼ်ႉလႄႈ
၁၉ ဢဝ်လိူတ်ႈဢၼ်ၵိုတ်းဢၼ်ၵျၢၼ်ႇ တင်းသဵင်ႈတင်းလူင်ၼၼ်ႉထွၵ်ႇသႂ်ႇၵႃႈတီႈႁိမ်းတိၼ်ယိၸ်ႉပလၢင်ႇ တီႈဢၼ်တုတ်ႇၽႆးတူဝ်ယိၸ်ႉ ဢၼ်မီးၵႃႈတီႈၽၢႆႇၼႃႈၽၵ်းတူသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉဢေႃႈ။မၼ်းတၵ်းလႆႈဢဝ် ၵွၼ်ႈၶႆၵွၼ်ႈမၼ်းဝူဝ်းၼၼ်ႉတင်းသဵင်ႈတင်းလူင်ဢွၵ်ႇလႄႈ တုတ်ႇၽႆးၵႃႈၼိူဝ်ယိၸ်ႉ ပလၢင်ႇဢေႃႈ။
၂၀ မၼ်းတၵ်းလႆႈဢဝ်ဝူဝ်းၼႆႉႁဵတ်းမိူၼ်ၸိူဝ်ႉၼင်ႇဢၼ် ဢဝ်ဝူဝ်းႁဵတ်းယိၸ်ႉဢၼ်ၽေႇဢပျႅတ်ႈၼၼ်ႉႁဵတ်း ၼၼ်ႉဢေႃႈ။ၼင်ႇၼၼ်လႄႈယိတ်ႉပရေႃးႁိၵ်ႈ တၵ်းလႆႈႁဵတ်းတၢင်းဢၼ်ၽေႇဢပျႅတ်ႈပုၼ်ႈၶဝ်ၼၼ်ႉလႄႈ ဢပျႅတ်ႈၶဝ်ၼၼ်ႉတၵ်းလွတ်ႈ ဢေႃႈ။
၂၁ လိုၼ်းၼၼ်ႉမၼ်းတၵ်းလႆႈဢဝ်ဝူဝ်းၼၼ်ႉၵႂႃႇၵႃႈၼွၵ်ႈတပ်ႉလႄႈ ဢဝ်တုတ်ႇၽႆးမိူၼ်ၸိူဝ်ႉၼင်ႇဢဝ်ဝူဝ်းဢွၼ်တၢင်းတုတ်ႇၽႆးၼၼ်ႉဢေႃႈ။ ပဵၼ်ယိၸ်ႉဢၼ်ၽေႇဢပျႅတ်ႈပုၼ်ႈပရိၵ်ႈသၢတ်ႈဢေႃႈ။
၂၂ ပေႃးၶုၼ် ယင်းဢမ်ႇႁူႉဢမ်ႇတွင်းတြႃးလႄႈပူၼ်ႉလိူဝ်ပိင်းၺၢပ်ႈထႃႇဝရႃႉၽြႃးသေယဝ်ႉ ႁဵတ်းလွင်ႈတၢင်းဢၼ်ဢမ်ႇထုၵ်ႇဢမ်ႇလီသေၸိူဝ်ႉသေပိူင်လႄႈႁွတ်ႈထိုင်ဢပျႅတ်ႈၸိုင်
၂၃ မိူဝ်ႈဢၼ်မၼ်းႁူႉလွင်ႈဢပျႅတ်ႈမၼ်း ၽိတ်းပိူင်ၼၼ်ႉယဝ်ႉၼၼ်ႉ မၼ်းတၵ်းလႆႈဢဝ်ပေႉပေႃႈဢွၼ်ႇ ဢၼ်ဢမ်ႇပႃးဢၢင်ႇၵႃႇလူႉၼၼ်ႉမႃး ပုၼ်ႈ ဢၼ်တၵ်းပုၵ်ႉၸေႃႇဢေႃႈ။
၂၄ မၼ်းတၵ်းလႆႈဢဝ်မိုဝ်းမၼ်းတၢင်ႇသႂ်ႇၵႃႈၼိူဝ်ႁူဝ်ပေႉၼၼ်ႉလႄႈ ဢဝ်တၢႆၼႂ်းတီႈဢၼ်ဢဝ်တူဝ်ယိၸ်ႉ ဢၼ်တုတ်ႇၽႆးတၢႆၼၼ်ႉၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။ပဵၼ်ယိၸ်ႉ ဢၼ်ၽေႇဢပျႅတ်ႈဢေႃႈ။
၂၅ ယိတ်ႉပရေႃးႁိၵ်းတၵ်းလႆႈဢဝ်ၼိဝ်ႉၸီႉမၼ်း ဢဝ်လိူတ်ႈယိၸ်ႉဢၼ်ၽေႇဢပျႅတ်ႈၼၼ်ႉၵမ်ႈၽွင်ႈလႄႈ သႂ်ႇၵႃႈတီႈၶဝ်လႅမ်ယိၸ်ႉပလၢင်ႇတီႈဢၼ်တုတ်ႇၽႆး တူဝ်ယိၸ်ႉၼၼ်ႉသေယဝ်ႉ ဢဝ်လိူတ်ႈဢၼ်ၵိုတ်းဢၼ်ၵျၢၼ်ႇၼၼ်ႉ ထွၵ်ႇသႂ်ႇၵႃႈတီႈႁိမ်းတိၼ်ယိၸ်ႉပလၢင်ႇတီႈဢၼ်တုတ်ႇၽႆးတူဝ် ယိၸ်ႉၼၼ်ႉဢေႃႈ။
၂၆ မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်း ၵႃႈမီးတုတ်ႇၽႆးၵႃႈၼိူဝ်ယိၸ်ႉပလၢင်ႇမိူၼ်ၸိူဝ်ႉၼင်ႇဢၼ်ႁဵတ်း ၵႃႈတီႈၵွၼ်ႈၶႆၵွၼ်ႈမၼ်းယိၸ်ႉမိၵ်ႉသႁႃႇယႃႉၼၼ်ႉဢေႃႈ။ၼင်ႇၼၼ်လႄႈယိတ်ႉပရေႃးႁိၵ်ႈႁဵတ်းတၢင်းဢၼ်ၽေႇဢပျႅတ်ႈ ပုၼ်ႈဢပျႅတ်ႈၶုၼ်ၼၼ်ႉလႄႈဢပျႅတ်ႈမၼ်းၼၼ်ႉတၵ်းလွတ်ႈဢေႃႈ။
၂၇ပေႃးၵူၼ်းဝၢၼ်ႈၵူၼ်းမိူင်း သေၵေႃႉသေၵူၼ်းယင်းဢမ်ႇႁူႉဢမ်ႇတွင်းတြႃးလႄႈ ၽိတ်းပိူင်ႈပူၼ်ႉလိူဝ်ပိင်းၺၢပ်ႈထႃႇဝရႃႉၽြႃးလႄႈႁဵတ်းမႅၼ်ႈလွင်ႈတၢင်းဢၼ်ဢမ်ႇထုၵ်ႇလီႁဵတ်းၼၼ်ႉ သေၸိူဝ်ႉသေပိူင်သေ ယဝ်ႉႁွတ်ႈထိုင်ဢပျႅတ်ႈၸိုင်
၂၈ မိူဝ်ႈဢၼ်မၼ်းႁူႉလွင်ႈဢပျႅတ်ႈ ဢၼ်မၼ်းၽိတ်းပိူင်ႈၼၼ်ႉယဝ်ႉ ၼၼ်ႉမၼ်းတၵ်းလႆႈဢဝ်ပေႉမေႈဢွၼ် ဢၼ်ဢမ်ႇပႃးဢၢင်ႇၵႃႇ လူႉၼၼ်ႉပုၵ်ႉၸေႃႇၵွပ်ႈပိူဝ်ႈဢပျႅတ်ႈၼၼ်ႉဢေႃႈ။
၂၉ မၼ်းတၵ်းလႆႈဢဝ်မိုဝ်းမၼ်း တၢင်ႇသႂ်ႇၵႃႈၼိူဝ်ႁူဝ်ပေႉဢၼ်ဢဝ်ႁဵတ်းယိၸ်ႉဢၼ်ၽေႇဢပျႅတ်ႈၼၼ်ႉလႄႈ ဢဝ်တူဝ် ယိၸ်ႉဢၼ်ၽေႇဢပျႅတ်ႈၼၼ်ႉ ဝႆႉၵႃႈၼႂ်းတီႈဢၼ်ဢဝ်တူဝ်ယိႉတ် ဢၼ်တုတ်ႇၽႆးတၢႆၼၼ်ႉဢေႃႈ။
၃၀ယိတ်ႉပရေႃးႁိၵ်ႈတၵ်းလႆႈဢဝ်ၼိဝ်ႉၸီႉမၼ်းဢဝ်လိူတ်ႈၼၼ်ႉၵမ်ႈၽွင်ႈလႄႈ သႂ်ႇၵႃႈတီႈၶဝ်လႅမ်ယိၸ်ႉပလၢင်ႇ တီႈဢၼ်တုတ်ႇၽႆးတူဝ်ယိၸ်ႉၼၼ်ႉသေယဝ်ႉဢဝ်လိူတ်ႈဢၼ်ၵိုတ်းဢၼ်ၵျၢၼ်ႇ တင်းသဵင်ႈတင်းလူင်ထွၵ်ႇသႂ်ႇၵႃႈတီႈႁိမ်းတိၼ် ယိၸ်ႉပလၢင်ႇဢေႃႈ။
၃၁ မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်းမၼ်း ၵႃႈမီးဢွၵ်ႇမိူၼ်ၸိူဝ်ႉၼင်ႇဢၼ် ဢဝ်ၵွၼ်ႈၶႆၵွၼ်ႈမၼ်းတူဝ်ယိၸ်ႉမိၵ်ႉသႁႃႇယႃႉဢွၵ်ႇၼၼ်ႉလႄႈတုတ်ႇၽႆးၵႃႈၼိူဝ်ယိၸ်ႉပလၢင်ႇ ပုၼ်ႈဢၼ်တၵ်းႁွမ်တၵ်းႁူၺ်းတီႈထႃႇ ဝရႃႉၽြႃးဢေႃႈ။ ၼင်ႇၼၼ်လႄႈယိတ်ႉပရေႃးႁိၵ်ႈတၵ်းလႆႈႁဵတ်း တၢင်းဢၼ်ၽေႇဢပျႅတ်ႈပုၼ်ႈၵေႃႉၼၼ်ႉလႄႈဢပျႅတ်ႈမၼ်းၼၼ်ႉတၵ်းလွတ်ႈဢေႃႈ။
၃၂ ပေႃးမၼ်းဢဝ်သူဝ်းဢွၼ်ႇႁဵတ်းယိၸ်ႉဢၼ်ၽေႇဢပျႅတ်ႈၸိုင် မၼ်းတၵ်းလႆႈဢဝ်တူဝ်မေႈဢွၼ်ႇဢၼ် ဢမ်ႇပႃးဢၢင်ႇၵႃႇလူႉၼၼ်ႉဢေႃႈ။
၃၃ မၼ်းတၵ်းလႆႈဢဝ်မိုဝ်းမၼ်း တၢင်ႇသႂ်ႇၵႃႈၼိူဝ်ႁူဝ်သူဝ်းဢၼ်ဢဝ်ႁဵတ်းယိၸ်ႉဢၼ်ၽေႇဢပျႅတ်ႈၼၼ်ႉလႄႈ ဢဝ်တၢႆၵႃႈၼႂ်းတီႈဢၼ်ဢဝ်တူဝ်ယိၸ်ႉ ဢၼ်တုတ်ႇၽႆးတၢႆၼၼ်ႉႁႂ်ႈပဵၼ်ယိၸ်ႉဢၼ်ၽေႇဢပျႅတ်ႈဢေႃႈ။
၃၄ယိတ်ႉပရေႃးႁိၵ်ႈတၵ်းလႆႈဢဝ်ၼိဝ်ႉၸီႉမၼ်း ဢဝ်လိူတ်ႈယိၸ်ႉဢၼ်ၽေႇဢပျႅတ်ႈၼၼ်ႉၵမ်ႈၽွင်ႈလႄႈ သႂ်ႇၵႃႈတီႈၶဝ်လႅမ်ယိၸ်ႉပလၢင်ႇ တီႈဢၼ်တုတ်ႇၽႆးတူဝ်ယိၸ်ႉသေယဝ်ႉဢဝ်လိူတ်ႈဢၼ်ၵိုတ်းဢၼ်ၵျၢၼ်ႇ တင်းသဵင်ႈတင်းလူင် ထွၵ်ႇသႂ်ႇၵႃႈတီႈႁိမ်းတိၼ်ယိၸ်ႉပလၢင်ႇ တီႈ ဢၼ်တုတ်ႇၽႆးတူဝ်ယိၸ်ႉၼၼ်ႉဢေႃႈ။
၃၅ မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်းၵႃႈမီး ဢွၵ်ႇမိူၼ်ၸိူဝ်ႉၼင်ႇဢၼ်ဢဝ်ၵွၼ်ႈၶႆၵွၼ်ႈမၼ်းတူဝ်ယိၸ်ႉမိၵ်ႉသႁႃႇယႃႉသူဝ်းဢွၼ်ႇၼၼ်ႉဢွၵ်ႇၼၼ်ႉဢေႃႈ။ယိတ်ႉပရေႃးႁိၵ်ႈတၵ်းလႆႈဢဝ်တုတ်ႇၽႆးၵႃႈၼိူဝ်ယိၸ်ႉပလၢင်ႇ ၵႃႈတီႈၼိူဝ်တၢင်းပုၵ်ႉၸေႃႇ ဢၼ်ဢဝ်တင်းၽႆးပုၵ်ႉၸေႃႇတီႈထႃႇဝရႃႉၽြႃးၼၼ်ႉဢေႃႈ။ၼင်ႇၼၼ်လႄႈယိတ်ႉပရေႃးႁိၵ်ႈတၵ်းလႆႈႁဵတ်း တၢင်းဢၼ်ၽေႇဢပျႅတ်ႈပုၼ်ႈဢပျႅတ်ႈဢၼ်ၵေႃႉဢၼ်ၽိတ်းပိူင်ႈမႅၼ်ႈၼၼ်ႉလႄႈ ဢပျႅတ်ႈမၼ်းၼၼ်ႉတၵ်းလွတ်ႈဢေႃႈ။