Chapter
၁၄
တၢင်းဢၼ်ႁဵတ်းႁႂ်ႈထိူဝ်ႉၼင်ပဵၼ်ၸဵပ်းမူတ်းၸၢင်ႇ
၁ ထႃႇဝရႃႉၽြႃးသမ်ႉမီးဢမိင်ႉတီႈမုဝ်းသေႇလႄႈဝႃႈ၊-တြႃးဢၼ်ၸၢပ်ႈသႅင်ႇၵၼ်တင်းၵူၼ်းတုတ်ႈ ၼႂ်းၶိင်ႇ မိူဝ်ႉဝၼ်းဢၼ်ႁႂ်ႈမူတ်းသႂ်ၼၼ်ႉၸမ်း
၂ တၵ်းလႆႈႁွင်ႉဢဝ်မၼ်းၼၼ်ႉမႃးၵႃႈတီႈယိတ်ႉပရေႃးႁိၵ်ႈလႄႈ၊-ယိၸ်ႉပ ရေႃးႁိၵ်ႈၼၼ်ႉ
၃ တၵ်းလႆႈဢွၵ်ႇၸူးၵႃႈတီႈၼွၵ်ႈတပ်ႉသေလႄႈ ယိတ်ႉပရေႃးႁိၵ်ႈၼၼ်ႉတၵ်းလႆႈတူၺ်းလႄႈပေႃးတၢင်းဢၼ်တုတ်ႈ ပေႃႇဢွၵ်ႇမႃးၵႃႈတီႈၵူၼ်း ဢၼ်ပဵၼ်တုတ်ႈၼၼ်ႉႁၢႆယဝ်ႉၸိုင်
၄ ယိတ်ႉပရေႃးႁိၵ်ႈၼၼ်ႉတၵ်းလႆႈသင်ႇလၢတ်ႈႁႂ်ႈဢဝ်ၼူၵ်ႉဢၼ်ဢသၢၵ်ႈလိပ်းယူႇလႄႈ မူတ်းသႂ်ၼၼ်ႉသွင်တူဝ် ၼိူဝ်ႉမႆႉဢႃႇရိတ်ႉ ၸိူၵ်ႈဢၼ်လႅင်ႊၵမ်ႇ တင်း ယွတ်ႈတူၼ်ႈႁုတ်ႉသုပ်ႉမႃး ပုၼ်ႈၵေႃႉဢၼ်ၶၢမ်ႇတၢင်းဢၼ်ႁႂ်ႈမူတ်း သႂ်ႇၼၼ်ႉဢေႃႈ။
၅ ၵမ်းၼၼ်ႉယိတ်ႉပရေႃးႁိၵ်ႈတၵ်းလႆႈသင်ႇလၢတ်ႈႁႂ်ႈဢဝ်ၼူၵ်ႉတူဝ်ၼိုင်ႈတၢႆ ၵႃႈၼႂ်းမေႃႈလိၼ်ဢၼ်မီးၼမ်ႉသႂ်ၼၼ်ႉလႄႈ
၆ မၼ်းတၵ်းလႆႈဢဝ်ၼူၵ်ႉဢၼ်ဢသၢၵ်ႈလိပ်းၼၼ်ႉ ဢိၵ်ႇလူၺ်ႈၵၼ်တင်းမႆႉဢႃႇရိတ်ႉ ၸိူၵ်ႈဢၼ်လႅင်ႊၵမ်ႇတင်းယွတ်ႈတူၼ်ႈႁုတ်ႉသုပ်ႉၸိူဝ်းၼၼ်ႉသေလႄႈ ၸွမ်ႇၸုမ်ႇၵႃႈၼႂ်းလိူတ်ႈ ၼူၵ်ႉဢၼ်ဢဝ်တၢႆၵႃႈၼႂ်းၼမ်ႉသႂ်ၼၼ်ႉသေယဝ်ႉ ဢဝ်ၽႅတ်းသႂ်ႇၵႃႈၼိူဝ် ၵေႃႉဢၼ်ၶၢမ်ႇတၢင်းဢၼ်ႁႂ်ႈမူတ်းသႂ်ၼၼ်ႉၸဵတ်းၵမ်းလႄႈၸီႇယၢင်ႇလႄႈဝႃႈ၊-
၇ ၵေႃႉၼၼ်ႉမူတ်းသႂ်ဢေႃႈ၊ဝႃႈၼင်ႇၼႆဢေႃႈ။လိုၼ်းၼၼ်ႉတၵ်းလႆႈဢဝ်ၼူၵ်ႉဢၼ်ဢသၢၵ်ႈလိပ်းၼၼ်ႉ ပွႆႇလွတ်ႈ ပႅတ်ႈသေၵႃႈတီႈၵၢင်ပၢင်ႇဢေႃႈ။
၈ ၵေႃႉဢၼ်ၶၢမ်ႇတၢင်းဢၼ်ႁႂ်ႈမူတ်းသႂ်ၼၼ်ႉတၵ်းလႆႈသၵ်ႉလွႆးၶူဝ်းၼုင်ႈမၼ်းလႄႈ ႁူၼ်ထႃၶူၼ်ၼူတ်ႇမၼ်းတင်းသဵင်ႈတင်းမူတ်းသေယဝ်ႉဢၢပ်ႇၼမ်ႉသေလႄႈတၵ်းလႆႈမူတ်းသႂ်ဢေႃႈ။ လိုၼ်းၼၼ်ႉ မၼ်းတၵ်းလႆႈၶဝ်ႈၵႃႈၼႂ်းတပ်ႉဢေႃႈ။ ၵူၺ်းၵႃႈမၼ်းတၵ်းလႆႈယူႇၵႃႈၼွၵ်ႈသုမ်ႉထဵင် မၼ်းၸဵတ်းဝၼ်းဢေႃႈ။
၉ ဝၼ်းသတ်ႉတမၼၼ်ႉမၼ်းတၵ်းလႆႈႁူၼ်ထႃၶူၼ်ႁူဝ်မၼ်း၊ ၼူတ်ႇမၼ်း၊ၶူၼ်ႁိမ်းတႃမၼ်း၊ ၶူၼ်မၼ်းၵႃႈမီးၼၼ်ႉလႄႈ သၵ်ႉလွႆးၶူဝ်းၼုင်ႈမၼ်းသေယဝ်ႉ ဢၢပ်ႇၼမ်ႉသေလႄႈ တၵ်းလႆႈ မူတ်းသႂ်ဢေႃႈ။
၁၀ ဝၼ်းဢထမၼၼ်ႉၵေႃႈမၼ်းတၵ်းလႆႈဢဝ်သူဝ်းပေႃႈဢွၼ်ႇ ဢၼ်ဢမ်ႇမီးဢၢင်ႇၵႃႇလူႉသွင်တူဝ် သူဝ်းမေႈဢၼ်ဢမ်ႇမီးဢၢင်ႇၵႃႇလူႉလႄႈဢမ်ႇပႆႇၶွပ်ႈၶူပ်ႇတူဝ်ၼိုင်ႈ ၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉဢေႇၽႃႇသိပ်းပုၼ်ႈ ဢဝ်သၢမ်ပုၼ်ႈ တင်းၼမ်ႉမၼ်းလေႃႇၶႃႉၼိုင်ႈလႄႈ
၁၁ ယိၸ်ႉပရေႃးႁိၵ်ႈဢၼ်ႁႂ်ႈမူတ်းသႂ်ၼၼ်ႉ ဢိၵ်ႇတင်း တၢင်းပုၵ်ႉၸေႃႇၸိူဝ်းၼၼ်ႉ သၢၵ်ႈၵၢပ်ႈတီႈထႃႇဝရႃႉၽြႃးၵႃႈတီႈၽၢႆႇၼႃႈၽၵ်းတူသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈ သၢတ်ႈၼၼ်ႉဢေႃႈ။
၁၂ ယိတ်ႉပရေႃးႁိၵ်ႈၼၼ်ႉတၵ်းလႆႈဢဝ်သူဝ်းပေႃႈဢွၼ်ႇတူဝ်ၼိုင်ႈလႄႈ ပုၵ်ႉၸေႃႇယိၸ်ႉဢၼ်ၽေႇတူႉၸရိူၵ်ႈလႄႈ ဢဝ်တင်းၼမ်ႉမၼ်းလေႃႇၶႃႉၼိုင်ႈၼၼ်ႉ ယွင်ႊၵႂႆပုၼ်ႈတၢင်းပုၵ်ႉၸေႃႇဢၼ်ယွင်ႊၵႂႆၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။
၁၃ မၼ်းတၵ်းလႆႈဢဝ်သူဝ်းဢွၼ်ႇၼၼ်ႉ တၢႆၵႃႈၼႂ်းတီႈဢၼ်ဢဝ်တၢႆတူဝ်ယိၸ်ႉ ဢၼ်ၽေႇဢပျႅတ်ႈ ဢိၵ်ႇတင်းတူဝ်ယိၸ်ႉဢၼ်တုတ်ႇၽႆးတၢႆၼၼ်ႉၼႂ်းထႃႇၼႃႉတီႈမူတ်းၸၢင်ႇၼၼ်ႉဢေႃႈ။လွင်ႈမၼ်းၸမ်းယိတ်ႉပရေႃးႁိၵ်ႈပိူင်ႇဢဝ်တူဝ်ယိၸ်ႉ ဢၼ်ၽေႇတူႉၸရိူၵ်ႈၼၼ်ႉ မိူၼ်ၸိူဝ်ႉၼင်ႇဢၼ်ပိူင်ႇဢဝ်တူဝ်ယိၸ်ႉဢၼ်ၽေႇဢပျႅတ်ႈၼၼ်ႉဢေႃႈ။
၁၄ ပဵၼ်ဢၼ်မူတ်းၸၢင်ႇၼႃႇလူင်လၢင်ဢေႃႈ။ယိတ်ႉပရေႃးႁိၵ်ႈတၵ်းလႆႈဢဝ်လိူတ်ႈတူဝ်ဢၼ်ၽေႇတူႉၸရိူၵ်ႈၼၼ်ႉၵမ်ႈၽွင်ႈ သႂ်ႇၵႃႈတီႈမႂ်ႊႁူၶွၼ်ၶႂႃ တင်းမေႈမိုဝ်းၶွၼ်ၶႂႃတင်းမေႈတိၼ်ၶွၼ်ၶႂႃၵေႃႉဢၼ်တၵ်းၶၢမ်ႇတၢင်းဢၼ် ႁႂ်ႈမူတ်းသႂ်ၼၼ်ႉ ဢေႃႈ။
၁၅ ယိတ်ႉပရေႃးႁိၵ်ႈတၵ်းလႆႈဢဝ်ၼမ်ႉမၼ်းလေႃႇၶႃႉၼိုင်ႈၼၼ်ႉၵမ်ႈၽွင်ႈလႄႈ ထွၵ်ႇသႂ်ၵႃႈတီႈၽႃႇမိုဝ်းၶွၼ်သၢႆႉမၼ်းသေယဝ်ႉ
၁၆ ယိတ်ႉပရေႃးႁိၵ်ႈတၵ်းလႆႈဢဝ်ၼိဝ်ႉၸီႉၶွၼ်ၶႂႃမၼ်း ၸုပ်ႉသႂ်ႇၵႃႈၼႂ်းၼမ်ႉမၼ်းၼၼ်ႉလႄႈ ၽႅတ်းသႂ်ႇၵႃႈတီႈၽၢႆႇၼႃႈထႃႇဝရႃႉၽြႃး ၸဵတ်းၵမ်းဢေႃႈ။
၁၇ ၼမ်ႉမၼ်းဢၼ်ယင်းၵိုတ်းယင်းၵျၢၼ်ႇၵႃႈတီႈမိုဝ်းမၼ်းၼၼ်ႉ ယိတ်ႉပရေႃးႁိၵ်ႈတၵ်းလႆႈဢဝ်ၵမ်ႈၽွင်ႈလႄႈ သႂ်ႇၵႃႈတီႈမႂ်ႊႁူၶွၼ်ၶႂႃမေႈမိုဝ်းၶွၼ်ၶႂႃ မေႈတိၼ်ၶွၼ်ၶႂႃၵေႃႉဢၼ်တၵ်းၶၢမ်ႇတၢင်းဢၼ်ႁႂ်ႈမူတ်းသႂ်ၼၼ်ႉ ဢိၵ်ႇတင်းၵႃႈတီႈလိူတ်ႈတူဝ် ယိၸ်ႉဢၼ်ၽေႇတူႉၸရိူၵ်ႈၼၼ်ႉဢေႃႈ။
၁၈ ၼမ်ႉမၼ်းဢၼ်ယင်းၵိုတ်းယင်းၵျၢၼ်ႇ ၵႃႈတီႈမိုဝ်းယိတ်ႉပရေႃးႁိၵ်ႈၼၼ်ႉ မၼ်းတၵ်းလႆႈဢဝ် ထွၵ်ႇသႂ်ႇၵႃႈၼိူဝ်ႁူဝ်ၵေႃႉဢၼ်တၵ်းၶၢမ်ႇ တၢင်းဢၼ် ႁႂ်ႈမူတ်းသႂ်ၼၼ်ႉလႄႈ ႁဵတ်းတၢင်းဢၼ်ၽေႇဢပျႅတ်ႈပုၼ်ႈၵေႃႉၼၼ်ႉ ၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။
၁၉ လိူဝ်သေၼၼ်ႉယိၸ်ႉပရေႃးႁိၵ်ႈ တၵ်းလႆႈပုၵ်ႉၸေႃႇယိၸ်ႉဢၼ်ၽေႇဢပျႅတ်ႈလႄႈ ႁဵတ်းတၢင်းဢၼ်ၽေႇဢပျႅတ်ႈပုၼ်ႈၵေႃႉဢၼ်တၵ်းၶၢမ်ႇတၢင်းဢၼ် ႁႂ်ႈမူတ်းသႂ်ၼၼ်ႉၵွပ်ႈပိူဝ်ႈတၢင်းဢၼ်မၼ်းဢမ်ႇမူတ်းသႂ်ၼၼ်ႉလႄႈ လိုၼ်း ၼၼ်ႉဢဝ်တူဝ်ယိၸ်ႉဢၼ်တုတ်ႇၽႆးတၢႆဢေႃႈ။
၂၀ ယိတ်ႉပရေႃးႁိၵ်ႈၼၼ်ႉ တၵ်းလႆႈဢဝ်တူဝ်ယိၸ်ႉဢၼ်တုတ်ႇၽႆး ဢိၵ်ႇတင်းတၢင်းပုၵ်ႉၸေႃႇၽေႃးၸဵၼ်ႇပုၵ်ႉၸေႃႇၵႃႈၼိူဝ်ယိၸ်ႉပလၢင်ႇလႄႈ ႁဵတ်းတၢင်းဢၼ်ၽေႇဢပျႅတ်ႈပုၼ်ႈၵေႃႉၼၼ်ႉသေယဝ်ႉ ၵေႃႉၼၼ်ႉတၵ်းလႆႈ မူတ်းသႂ်ဢေႃႈ။
၂၁ ပေႃးၵေႃႉၼၼ်ႉယၢၵ်ႈၽၢၼ်လႄႈဢမ်ႇတတ်ႈၼိုင်ႇလႆႈထၢၼ်ႇၼႆႉၸိုင် မၼ်းတၵ်းလႆႈဢဝ်သူဝ်းပေႃႈဢွၼ်ႇ ပုၼ်ႈ ယိၸ်ႉဢၼ်ၽေႇတူႉၸရိူၵ်ႈပုၼ်ႈ ဢၼ်တၵ်းယွင်ႊၵႂႆလႄႈႁဵတ်းတၢင်းဢၼ်ၽေႇဢပျႅတ်ႈမၼ်းတူဝ်ၼိုင်ႈ ဢိၵ်ႇတင်း ၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ ဢေႇၽႃႇသိပ်းပုၼ်ႈဢဝ်ပုၼ်ႈၼိုင်ႈပုၼ်ႈတၢင်းပုၵ်ႉၸေႃႇၽေႃး ၸဵၼ်ႇ တင်းၼမ်ႉမၼ်းလေႃႇၶႃႉၼိုင်ႈ၊
၂၂ တင်းၼူၵ်ႉတူႈသွင်တူဝ်ဢမ်ႇၼၼ်ၵေႃႈ ၵႃၵႄဢွၼ်ႇသွင်တူဝ်ၸွမ်းၵႃႈၼင်ဢၼ်မၼ်းတတ်ႈၼိုင်ႇလႆႈၼၼ်ႉ ပုၼ်ႈယိၸ်ႉဢၼ်ၽေႇဢပျႅတ်ႈတူဝ်ၼိုင်ႈ ပုၼ်ႈယိၸ်ႉဢၼ်တုတ်ႇ ၽႆးတူဝ်ၼိုင်ႈ
၂၃ မႃးၸူးၵႃႈတီႈယိတ်ႉပရေႃးႁိၵ်ႈၵႃႈႁိမ်းၽၵ်းတူသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈၵႃႈတီႈၽၢႆႇၼႃႈထႃႇဝရႃႉၽြႃး ပုၼ်ႈလွင်ႈၼင်ႇႁိုဝ်တူဝ်ၸဝ်ႈၵဝ်ႇတၵ်းမူတ်းသႂ်ၼၼ်ႉၼႂ်း ဝၼ်းဢထမ ၼၼ်ႉ
၂၄ ယိတ်ႉပရေႃးႁိၵ်ႈတၵ်းလႆႈဢဝ်သူဝ်းဢွၼ်ႇယိၸ်ႉဢၼ်ၽေႇတူႉၸရိူၵ်ႈတင်း ၼမ်ႉမၼ်းလေႃႇၶႃႉၼိုင်ႈသေလႄႈ ယွင်ႊၵႂႆပုၼ်ႈတၢင်းပုၵ်ႉၸေႃႇ ဢၼ်ယွင်ႊ ၵႂႆၵႃႈတီႈၽၢႆႇၼႃႈထႃႇဝရႃႉ ၽြႃးၼၼ်ႉဢေႃႈ။
၂၅ မၼ်းဢဝ်သူဝ်းဢွၼ်ႇၼၼ်ႉတၢႆသေယဝ်ႉ ယိၸ်ႉပရေႃးႁိၵ်ႈတၵ်းလႆႈဢဝ် လိူတ်ႈတူဝ်ယိၸ်ႉဢၼ်ၽေႇတူႉၸရိူၵ်ႈဢပျႅတ်ႈၼၼ်ႉၵမ်ႈၽွင်ႈ သႂ်ႇၵႃႈတီႈမႂ်ႊႁူၶွၼ်ၶႂႃတင်းမေႈမိုဝ်းၶွၼ်ၶႂႃ တင်းမေႈတိၼ်ၶွၼ်ၶႂႃၵေႃႉဢၼ်တၵ်း ၶၢမ်ႇတၢင်းဢၼ်ႁႂ်ႈမူတ်းသႂ်ၼၼ်ႉဢေႃႈ။
၂၆ ယိတ်ႉပရေႃးႁိၵ်ႈတၵ်းလႆႈဢဝ်ၼမ်ႉမၼ်းၼၼ်ႉ ၵမ်ႈၽွင်ႈထွၵ်ႇသႂ်ႇၵႃႈတီႈၽႃႇမိုဝ်းၶွၼ်သၢႆႉတူဝ်ၸဝ်ႈၵဝ်ႇသေယဝ်ႉ
၂၇ ဢဝ်ၼိဝ်ႉၸီႉၶွၼ်ၶႂႃမၼ်း ၸုပ်ႉသႂ်ႇၵႃႈၼႂ်းၼမ်ႉမၼ်းဢၼ်မီးၵႃႈၼႂ်းၽႃႇမိုဝ်းၶွၼ်သၢႆႉမၼ်းၼၼ်ႉသေလႄႈ ၽႅတ်းသႂ်ႇၵႃႈတီႈၽၢႆႇၼႃႈထႃႇဝရႃႉၽြႃး ၸဵတ်းၵမ်းဢေႃႈ။
၂၈ ၼမ်ႉမၼ်း ဢၼ်ယင်းၵိုတ်းယင်းၵျၢၼ်ႇၵႃႈတီႈမိုဝ်းမၼ်းၼၼ်ႉ ယိတ်ႉပရေႃးႁိၵ်ႈတၵ်းလႆႈဢဝ်ၵမ်ႈၽွင်ႈသႂ်ႇၵႃႈတီႈမႂ်ႊႁူၶွၼ်ၶႂႃ မေႈမိုဝ်းၶွၼ်ၶႂႃမေႈတိၼ်ၶွၼ်ၶႂႃၵေႃႉဢၼ်တၵ်းၶၢမ်ႇတၢင်းဢၼ်ႁႂ်ႈမူတ်းသႂ်ၼၼ်ႉဢိၵ်ႇတင်း ၵႃႈတီႈလိူတ်ႈတူဝ်ယိၸ်ႉဢၼ်ၽေႇတူႉၸ ရိူၵ်ႈၼၼ်ႉဢေႃႈ။
၂၉ ၼမ်ႉမၼ်းဢၼ်ယင်းၵိုတ်းယင်းၵျၢၼ်ႇၵႃႈတီႈမိုဝ်းယိတ်ႉပရေႃးႁိၵ်ႈၼၼ်ႉ မၼ်းတၵ်းလႆႈဢဝ် ထွၵ်ႇသႂ်ႇၵႃႈၼိူဝ်ႁူဝ် ၵေႃႉဢၼ်တၵ်းၶၢမ်ႇတၢင်းဢၼ်ႁႂ်ႈမူတ်းသႂ်ၼၼ်ႉလႄႈ ႁဵတ်းတၢင်းဢၼ်ၽေႇဢပျႅတ်ႈ ပုၼ်ႈၵေႃႉၼၼ်ႉၵႃႈတီႈၽၢႆႇၼႃႈထႃႇ ဝရႃႉၽြႃးဢေႃႈ။
၃၀ ၵေႃႉၼၼ်ႉတၵ်းလႆႈဢဝ်ၼူၵ်ႉတူႈၸိူဝ်းၼၼ်ႉ ဢမ်ႇၼၼ်ၵေႃႈ ၵႃၵႄဢွၼ်ၸိူဝ်းၼၼ်ႉၵႃႈၼင်ႇဢၼ်မၼ်းတတ်ႈၼိုင်ႇလႆႈၼၼ်ႉပုၼ်ႈယိၸ်ႉ ဢၼ်ၽေႇဢပျႅတ်ႈတူဝ်ၼိုင်ႈ
၃၁ ပုၼ်ႈယိၸ်ႉဢၼ်တုတ်ႇၽႆးတူဝ်ၼိုင်ႈ ပုၵ်ႉၸေႃႇလူၺ်ႈၵၼ်တင်း တၢင်းပုၵ်ႉၸေႃႇၽေႃးၸဵၼ်ႇၼၼ်ႉလႄႈ ယိတ်ႉပရေႃးႁိၵ်ႈတၵ်းလႆႈႁဵတ်းတၢင်းဢၼ်ၽေႇဢပျႅတ်ႈ ပုၼ်ႈၵေႃႉဢၼ်တၵ်းၶၢမ်ႇတၢင်းဢၼ်မူတ်းသႂ်ၼၼ်ႉ ၵႃႈတီႈၽၢႆႇၼႃႈ ထႃႇဝရႃႉၽြႃးဢေႃႈ။
၃၂ ဢၼ်ၼႆႉၸမ်းပဵၼ်တြႃးဢၼ်ၸၢပ်ႈသႅင်ႇၵၼ်တင်း ၵေႃႉဢၼ်မီးတၢင်းဢၼ်တုတ်ႈပေႃႇဢွၵ်ႇမႃးလႄႈဢမ်ႇတတ်ႈၼိုင်ႇလႆႈပုၼ်ႈလွင်ႈၼင်ႇႁိုဝ် တၵ်းႁႂ်ႈတူဝ်ၸဝ်ႈၵဝ်ႇမူတ်းသႂ်ၼၼ်ႉဢေႃႈ၊ဝႃႈၼင်ႇၼႆဢေႃႈ။
တၢင်းဢၼ်ႁဵတ်းႁႂ်ႈတုတ်ႈမူတ်းၸၢင်ႇ
၃၃ထႃႇဝရႃႉၽြႃး သမ်ႉမီးဢမိင်ႉတီႈ မုဝ်းသေႇ တင်းဢႃႇရုၼ်ႇလႄႈဝႃႈ၊-
၃၄ မိူဝ်ႈဢၼ်သူႁွတ်ႈထိုင်ၵႃႈတီႈမိူင်းၶႃႇၼၢၼ်ႇ ဢၼ်ၵဝ်ပၼ်ပုၼ်ႈဢၼ်သူတၵ်းပိူင်ႇဢဝ်ၼၼ်ႉ ပေႃးၵဝ်ႁႂ်ႈတၢင်းဢၼ်တုတ်ႇပေႃႇဢွၵ်ႇမႃးၼၼ်ႉ ၸပ်းၵႃႈတီႈႁိူၼ်းသေလင်လင်ၵႃႈၼႂ်းမိူင်း တီႈဢၼ်သူပိူင်ႇၼၼ်ႉၸိုင်
၃၅ ၸဝ်ႈႁိူၼ်းၼၼ်ႉတၵ်းလႆႈၵႂႃႇၸူးၵႃႈတီႈယိတ်ႉပရေႃးႁိၵ်ႈလႄႈလၢတ်ႈဝႃႈ၊-ၵႃႈတီႈႁိူၼ်းၵဝ်ၶႃႈၼၼ်ႉ မိူၼ်ၼင်ႇႁၢင်ႊပဵၼ်တၢင်း ဢၼ်ပေႃႇဢွၵ်ႇမႃးဢေႃႈ၊
၃၆ ဝႃႈၼင်ႇၼႆသေယဝ်ႉယိတ်ႉပရေႃးႁိၵ်ႈ တၵ်းလႆႈၸီႇယၢင်ႇ ႁႂ်ႈၶဝ်ဢဝ်ၵႃႈဢၼ်မီးၼႂ်းႁိူၼ်းတင်းသဵင်ႈတင်းလူင်ဢွၵ်ႇသေၵႃႈၼႂ်းႁိူၼ်းၼၼ်ႉ ၸူဝ်ႈဢၼ်ယိတ်ႉပရေႃးႁိၵ်ႈဢမ်ႇပႆႇၶဝ်ႈၸူးၶဝ်လႄႈ တူၺ်းတၢင်းဢၼ်ပေႃႇဢွၵ်ႇမႃးၼၼ်ႉၼင်ႇႁိုဝ်တၵ်းလႆႈဝႃႈ ၵႃႈဢၼ်မီးၵႃႈၼႂ်းႁိူၼ်းၼၼ်ႉပဵၼ်ဢၼ်ဢမ်ႇမူတ်းသႂ်ၼၼ်ႉဢေႃႈ။
၃၇ လိုၼ်းၼၼ်ႉယိတ်ႉပရေႃးႁိၵ်ႈတၵ်းလႆႈၶဝ်ႈလူၶဝ်ႈတူၺ်းႁိူၼ်း ၼၼ်ႉလႄႈ မိူဝ်ႈဢၼ်တူၺ်းတၢင်းဢၼ်ပေႃႇဢွၵ်ႇမႃးၼၼ်ႉ မီးၵႃႈၼႂ်းၽႃႁိူၼ်းလႄႈပဵၼ်ၶူင်ႈပဵၼ်လုၵ်းႁမ်ႉၶဵဝ်ၶဵဝ်ႁမ်ႉလႅင်ႊလႅင်ႊဝႆႉလႄႈ မိူၼ်ၼင်ႇႁၢင်ႊပဵၼ် တႂ်ႈၼႃႈၽႃၼၼ်ႉၸိုင်
၃၈ ယိတ်ႉပရေႃးႁိၵ်ႈ တၵ်းလႆႈဢွၵ်ႇၵႃႈၼွၵ်ႈၽၵ်းတူႁိူၼ်းလႄႈ ဢိုတ်းႁိူၼ်းၼၼ်ႉဝႆႉ ၸဵတ်းဝၼ်းဢေႃႈ။
၃၉ ဝၼ်းသတ်ႉတမၼၼ်ႉယိတ်ႉပရေႃးႁိၵ်ႈ တၵ်းလႆႈသမ်ႉၶိုၼ်းမႃးလူမႃးတူၺ်းလႄႈပေႃးတၢင်းဢၼ်ပေႃႇဢွၵ်ႇမႃးၼၼ်ႉ ယႂ်ႇၽႄမႃးၵႃႈတီႈ ႁိူၼ်းၼၼ်ႉၸိုင်
၄၀ ယိတ်ႉပရေႃးႁိၵ်ႈတၵ်းလႆႈၸီႇယၢင်ႇႁႂ်ႈၶဝ်ဢဝ်မၢၵ်ႇႁိၼ်ဢၼ်မီးတၢင်းဢၼ်ပေႃႇဢွၵ်ႇမႃးၼၼ်ႉ ၵႂႃႇပႅတ်ႈၵႃႈတီႈဢၼ်ဢမ်ႇမူတ်းသႂ်ၵႃႈၼွၵ်ႈ ဝဵင်းဢေႃႈ။
၄၁ မုၼ်ႈဢၼ်ၶုတ်းလႄႈဢွၵ်ႇၼၼ်ႉၵေႃႈၶဝ်တၵ်းလႆႈထွၵ်ႇပႅတ်ႈ ၵႃႈတီႈဢၼ်ဢမ်ႇမူတ်းသႂ်ၵႃႈ ၼွၵ်ႈဝဵင်းဢေႃႈ။
၄၂ ၶဝ်တၵ်းလႆႈဢဝ်မၢၵ်ႇႁိၼ်တၢင်ႇဢၼ်ပုတ်ႈ သႂ်ႇၼႂ်းတီႈႁွႆးမၢၵ်ႇႁိၼ်ၸိူဝ်းၼၼ်ႉလႄႈ ဢဝ်တင်းဢၢင်းၵတေႇဢၼ်မႂ်ႇတႃးဢေႃႈ။
၄၃ ႁဵတ်းတၢင်းဢၼ်ၼုၵ်ႈဢဝ်မၢၵ်ႇႁိၼ်လႄႈ ၶုတ်ႇႁိူၼ်းဢိၵ်ႇတင်းတၢင်းဢၼ်ဢဝ်ဢၢင်းၵတေႇဢၼ်မႂ်ႇ တႃးၸိူဝ်ႉၼင်ႇၼၼ်သေယဝ်ႉ ပေႃးတၢင်းဢၼ်ပေႃႇဢွၵ်ႇမႃး ၼၼ်ႉသမ်ႉမႃးလႄႈ
၄၄ ပေႃႇဢွၵ်ႇမႃးၵႃႈၼႂ်းႁိူၼ်းထႅင်ႈၸိုင် ယိၸ်ႉပရေႃးႁိၵ်ႈၼၼ်ႉတၵ်းလႆႈမႃးလူမႃးတူၺ်းလႄႈ ပေႃးတၢင်းဢၼ်ပေႃႇဢွၵ်ႇမႃးၼၼ်ႉယႂ်ႇၽႄမႃးၵႃႈတီႈႁိူၼ်းၼၼ်ႉ ဢမၢၼ်ႇၶၢၼ်ပဵၼ်ၸိုင်ပဵၼ် တုတ်ႈဢၼ်ၸၢင်ႊၵိၼ်ဢေႃႈ။
၄၅ ႁိူၼ်းၼၼ်ႉဢမ်ႇမူတ်းသႂ်။ မႂ်းတၵ်းလႆႈၵိူၼ်ႇယႃႉမၢၵ်ႇႁိၼ်၊မႆႉ၊ဢၢင်းၵတေႇ၊ၵႃႈဢၼ်ပဵၼ်ႁိူၼ်းၼၼ်ႉပႅတ်ႈသေလႄႈ ဢဝ်ၵႂႃႇၵႃႈတီႈဢၼ်ဢမ်ႇမူတ်းသႂ်ၵႃႈၼွၵ်ႈဝဵင်းဢေႃႈ။
၄၆ လိူဝ်သေၼၼ်ႉဢမ်ႇၵႃးၼႂ်းၶိင်ႇၵႃႇလၸူဝ်ႈဢၼ်ဢိုတ်းႁိူၼ်းၼၼ်ႉဝႆႉၼၼ်ႉ ၵေႃႉဢၼ်ၶဝ်ႈမႅၼ်ႈၵႃႈၼႂ်းႁိူၼ်းၼၼ်ႉဢမ်ႇမူတ်းသႂ်ယူႇ တေႃႇထိုင်ႁွတ်ႈၶိင်ႇႁူဝ် ၶမ်ႈၼၼ်ႉဢေႃႈ။
၄၇ ၵေႃႉဢၼ်ၼွၼ်းၵႃႈၼႂ်းႁိူၼ်းၼၼ်ႉတၵ်းလႆႈသၵ်ႉလွႆးၶူဝ်းၼုင်ႈမၼ်းသေဢေႃႈ။ၵေႃႉဢၼ်ၵိၼ်ၵႃႈၼႂ်းႁိူၼ်းၼၼ်ႉ တၵ်းလႆႈသမ်ႉလွႆးၶူဝ်းၼုင်ႈ မၼ်းသေဢေႃႈ။
၄၈ မိူဝ်ႈဢၼ်ယိတ်ႉပရေႃးႁိၵ်ႈမႃးလူမႃးတူၺ်းၼၼ်ႉ ပေႃးတၢင်းဢၼ်ပေႃႇဢွၵ်ႇမႃးၼၼ်ႉဢမ်ႇယႂ်ႇၽႄမႃးၵႃႈတီႈႁိူၼ်း လိုၼ်းသေဢၼ်ဢဝ်တင်းဢၢင်းၵတေႇမႂ်ႇတႃးႁိူၼ်းၼၼ်ႉ ယဝ်ႉၼၼ်ႉၸိုင်ၵွပ်ႈပိူဝ်ႈဢၼ် တၢင်းဢၼ်ပေႃႇဢွၵ်ႇမႃးၼၼ်ႉႁၢႆလႄႈယိတ်ႉပရေႃးႁိၵ်ႈတၵ်းလႆႈၸီႇယၢင်ႇလႄႈဝႃႈ၊-ႁိူၼ်း ၼၼ်ႉမူတ်းသႂ်ဢေႃႈ၊ဝႃႈၼင်ႇၼႆဢေႃႈ။
၄၉ လွင်ႈၼင်ႇႁိုဝ်တၵ်းႁႂ်ႈႁိူၼ်းၼၼ်ႉမူတ်းသႂ်ၸိုင်မၼ်းတၵ်းလႆႈဢဝ်ၼူၵ်ႉသွင်တူဝ်မႆႉဢႃႇရိတ်ႉ ၸိူၵ်ႈဢၼ်လႅင်ႊၵမ်ႇတင်း ယွတ်ႈတူၼ်ႈႁုတ်ႉသုပ်ႉၸိူဝ်းၼၼ်ႉလႄႈ၊-
၅၀ ဢဝ်ၼူၵ်ႉတူဝ်ၼိုင်ႈတၢႆ ၵႃႈၼႂ်းမေႃႈလိၼ်ဢၼ်မီးၼမ်ႉသႂ်ၼၼ်ႉသေယဝ်ႉ ဢဝ်မႆႉဢႃႇရိတ်ႉယွတ်ႈတူၼ်ႈႁုတ်ႉသုပ်ႉၸိူၵ်ႈဢၼ် လႅင်ႊၵမ်ႇ
၅၁ ၼူၵ်ႉတူဝ်ဢၼ်ဢသၢၵ်ႈလိပ်းယူႇၼၼ်ႉၸိူဝ်းၼၼ်ႉ ၸွမ်ႇၸုမ်ႇၵႃႈၼႂ်းလိူတ်ႈၼူၵ်ႉဢၼ်ဢဝ်တၢႆၼၼ်ႉ တင်းၼမ်ႉဢၼ်သႂ်ႇၼၼ်ႉလႄႈၽႅတ်းသႂ်ႇ ႁိူၼ်းၼၼ်ႉၸဵတ်းၵမ်းဢေႃႈ။
၅၂ မၼ်းတၵ်းလႆႈဢဝ်လိူတ်ႈၼူၵ်ႉၼမ်ႉဢၼ်သႂ် ၼူၵ်ႉဢၼ်ဢသၢၵ်ႈလိပ်းယူႇမႆႉဢႃႇရိတ်ႉ ယွတ်ႈတူၼ်ႈႁုပ်ႉသုပ်ႉၸိူၵ်ႈဢၼ်လႅင်ႊၵမ်ႇ ၸိူဝ်းၼၼ်ႉႁႂ်ႈမူတ်းသႂ်ဢေႃႈ။
၅၃ ၵူၺ်းၵႃႈမၼ်းတၵ်းလႆႈဢဝ်ၼူၵ်ႉဢၼ်ဢသၢၵ်ႈလိပ်းၼၼ်ႉ ပွႆႇလွတ်ႈပႅတ်ႈသေၵႃႈတီႈၵၢင်ပၢင်ႇလႄႈ ႁဵတ်းတၢင်းဢၼ်ၽေႇဢပျႅတ်ႈပုၼ်ႈႁိူၼ်းၼၼ်ႉသေယဝ်ႉ ႁိူၼ်းၼၼ်ႉတၵ်းမီးတၢင်းဢၼ်မူတ်းသႂ်ဢေႃႈ။
၅၄ ဢၼ်ၼႆႉၸမ်း ပဵၼ်တြႃးတၢင်းဢၼ်တုတ်ႈပေႃႇဢွၵ်ႇမႃးၵူႈၸိူဝ်ႉၵူႉႈပိူင် ဢၼ်ၸႃႉၸဵမ်တုတ်ႈၶႆးၽွၵ်ႇတုတ်ႈ ဢၼ်ၸပ်းၵႃႈတီႈၶူဝ်းၼုင်ႈ၊
၅၅ တုတ်ႈဢၼ်ၸပ်းၵႃႈ တီႈႁိူၼ်း၊တုမ်ႇ၊ႁဝ်ႈ၊ၵႂၢၵ်ႈၸိူဝ်းၼၼ်ႉ၊
၅၆ ႁႂ်ႈလႆႈသွၼ်ပၼ် လႄႈႁူႉဢၼ်မူတ်းသႂ်၊ဢၼ်ဢမ်ႇမူတ်းသႂ်ဢေႃႈ။
၅၇ ဢၼ်ၼႆႉၸမ်း ပဵၼ်တြႃးဢၼ်ၸၢပ်ႈသႅင်ႇတင်းတုတ်ႈဢေႃႈ၊ ဝႃႈၼင်ႇၼႆဢေႃႈ။