Chapter
၆
၁ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈ ၸမ်း၊-
၂ ပေႃးသေၵေႃႉသေၵူၼ်းၽိတ်းပိူင်ႈပူၼ်ႉလိူဝ်ထႃႇဝရႃႉၽြႃးလႄႈ ႁဵတ်းတၢင်းဢၼ်လၢတ်ႈၵႂၢမ်းမူႉသႃႇတီႈ ၵေႃႉဢၼ်ၸၢပ်ႈသႅင်ႇၵၼ်တင်း တူဝ်ၸဝ်ႈၵဝ်ႇလူၺ်ႈလွင်ႈဢုၵ်ႉၸႃႇ ဢၼ်မၼ်းယုမ်ႇလႄႈ ဢဝ်ဢၢပ်ႈဝႆႉလူၺ်ႈလွင်ႈဢုၵ်ႉၸႃႇ ဢၼ်မၼ်းဢဝ်ပွင်ႇၵမ်ႉဝႆႉ၊လူၺ်ႈလွင်ႈဢုၵ်ႉၸႃႇ ဢၼ်ႁိမ်ႁုင်ဢဝ်တီႈမၼ်းၼၼ်ႉလႄႈသင်၊ ပေႃးႁဵတ်းတၢင်းဢၼ်ၼိၵ်ႈၸၢၵ်ႈငႅၼ်းသေး ၵေႃႉဢၼ်ၸၢပ်ႈသႅင်ႇၵၼ်တင်းတူဝ်ၸဝ်ႈ ၵဝ်ႇၼၼ်ႉလႄႈသင်၊
၃ မိူဝ်ႈဢၼ်ထူပ်းႁၼ်ဢုၵ်ႉၸႃႇဢၼ်ႁၢႆၼၼ်ႉ ပေႃးႁဵတ်းတၢင်းဢၼ်လၢတ်ႈၵႂၢမ်းမူႉသႃႇသေလႄႈ တိူင်ႇဝႃႈ ဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉလႄႈသင်၊ ပေႃးႁဵတ်းတူႉၸရိူၵ်ႈၸိူဝ်ႉၼင်ႇၼၼ်သေၸိူဝ်ႉသေပိူင်လႄႈ ၽိတ်းပိူင်ႈၸိုင်၊ၵေႃႉၼၼ်ႉၵွပ်ႈ ပိူဝ်ႈဢၼ်ၽိတ်းပိူင်ႈလႄႈႁွတ်ႈဢပျႅတ်ႈလႄႈ
၄ တၵ်းလႆႈဢဝ်ဢုၵ်ႉၸႃႇ ဢၼ်မၼ်းႁိမ်ႁုင်ႇဢဝ်ၼၼ်ႉဢုၵ်ႉၸႃႇဢၼ်ၼိၵ်ႈၸၢၵ်ႈငႅၼ်းသေးလႄႈလႆႈၼၼ်ႉ ဢုၵ်ႉ ၸႃႇဢၼ်ပိူၼ်ႈတၢင်ႇၵေႃႉ
၅ ဢဝ်ဢၢပ်ႈဝႆႉ၊ဢုၵ်ႉၸႃႇဢၼ်ႁၢႆလႄႈမၼ်းထူပ်းႁၼ်ၼၼ်ႉ ဢုၵ်ႉၸႃႇဢၼ်တိူင်ႇဝႃႈဢၼ်ဢမ်ႇၸိုဝ်ႈဢမ်ႇၸႂ်ႈလႄႈ လႆႈၼၼ်ႉၶိုၼ်းတႅၼ်းပၼ်ဢေႃႈ။မၼ်းတၵ်းလႆႈဢဝ်တင်းသဵင်ႈတင်းမူတ်းၶိုၼ်းတႅၼ်းပၼ်လႄႈ ဢဝ်ႈႁႃႈပုၼ်ႈပုၼ်ႈၼိုင်ႈထၢပ်ႈပၼ်ထႅင်ႈဢေႃႈ။မၼ်းတၵ်းလႆႈဢဝ်ၶိုၼ်းပၼ်တီႈၸဝ်ႈဢုၵ်ႉၸႃႇ ၼႂ်းဝၼ်းဢၼ်မၼ်းပုၵ်ႉၸေႃႇ ယိၸ်ႉဢၼ်ၽေႇတူႉၸရိူၵ်ႈၼၼ်ႉဢေႃႈ။
၆ မၼ်းတၵ်းလႆႈဢဝ် ယိၸ်ႉဢၼ်ၽေႇတူႉၸရိူၵ်ႈဢၼ်ဝႃႈသူဝ်းပေႃႈ ဢၼ်ဢမ်ႇပႃးဢၢင်ႇၵႃႇလူႉဢၼ်ဢဝ်ၵႃႈၼႂ်းၽုင်သူဝ်း ဢၼ်မႅၼ်ႈၼင်ႇတၢင်းဢၼ်မႂ်းၼပ်ႉဢၢၼ်ႇၼၼ်ႉ မႃးၵႃႈတီႈယိတ်ႉပရေႃးႁိၵ်ႈပုၼ်ႈယိၸ်ႉဢၼ်ၽေႇတူႉၸရိူၵ်ႈတီႈထႃႇဝရႃႉၽြႃးဢေႃႈ။
၇ ယိၸ်ႉပရေႃးႁိၵ်ႈ တၵ်းလႆႈႁဵတ်းတၢင်းဢၼ်ၽေႇဢပျႅတ်ႈပုၼ်ႈမၼ်းၵႃႈတီႈၽၢႆႇၼႃႈထႃႇဝရႃႉၽြႃးလႄႈ ဢပျႅတ်ႈၵႃႈဢၼ်မၼ်းၽိတ်းပိူင်ႈၼၼ်ႉ တၵ်းလွတ်ႈဢေႃႈ၊ဝႃႈၼင်ႇၼႆဢေႃႈ။
တၢင်းပုၵ်ႉၸေႃႇဢၼ်တုတ်ႇၽႆး
၈ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈၸမ်း၊-
၉ သင်ႇလၢတ်ႈတီႈဢႃႇရုၼ်ႇတင်းလုၵ်ႈၸၢႆးမၼ်းၸိူဝ်းၼၼ်ႉလႄႈဝႃႈ၊-တြႃးတၢင်းဢၼ်ပုၵ်ႉၸေႃႇယိၸ်ႉဢၼ်တုတ်ႇၽႆးၼၼ်ႉၸမ်း တူဝ်ယိၸ်ႉဢၼ်တုတ်ႇၽႆး တၵ်းလႆႈမီးၵႃႈၼိူဝ်တီႈဢၼ်ၽႆးမႆႈၵႃႈတီႈယိၸ်ႉပလၢင်ႇတင်းၶိုၼ်း တေႃႇထိုင်ႁွတ်ႈၶိင်ႇၵၢင်ၼႂ်လႄႈ ၽႆးၵႃႈၼိူဝ်ယိၸ်ႉပလၢင်ႇ တၵ်းလႆႈမႆႈယူႇ တႃႇသေႇဢေႃႈ။
၁၀ ယိတ်ႉပရေႃးႁိၵ်ႈတၵ်းလႆႈၼုင်ႈသိူဝ်ႈပိၵ်ႈလႄႈဢဝ်ၵူၼ်ပိၵ်ႈၼုင်ႈသေယဝ်ႉ ႁုပ်ႈသိမ်းဢဝ်တဝ်ႊ ယိၸ်ႉဢၼ်တုတ်ႇၽႆးဢၼ်မႆႈသုတ်းၵႃႈၼိူဝ်ပလၢင်ႇၼၼ်ႉလႄႈ ဝႆႉၵႃႈတီႈႁိမ်းယိၸ်ႉပလၢင်ႇဢေႃႈ။
၁၁ မၼ်းသမ်ႉ တၵ်းလႆႈထွတ်ႇၶူဝ်းၼုင်ႈမၼ်းၼၼ်ႉလႄႈဢဝ်ၶူဝ်းၼုင်ႈတၢင်ႇၽိုၼ်ၼုင်ႈသေယဝ်ႉ ဢဝ်တဝ်ႊၼၼ်ႉ ၵႂႃႇၵႃႈၼွၵ်ႈတပ်ႉၵႃႈတီႈဢၼ်မူတ်းသႂ်ၼၼ်ႉ ဢေႃႈ။
၁၂ ၽႆးၵႃႈၼိူဝ်ယိၸ်ႉပလၢင်ႇယင်းဢမ်ႇလႆႈမွတ်ႇလႄႈတၵ်းလႆႈမႆႈယူႇတႃႇသေႇဢေႃႈ။ယိတ်ႉပရေႃးႁိၵ်ႈတၵ်းလႆႈသႂ်ႇၽိုၼ်းသႂ်ႇၽႆး ၵႃႈၼိူဝ်မၼ်းၵူႈၼႂ်လႄႈဢဝ်ယိၸ်ႉဢၼ်တုတ်ႇၽႆး သိူဝ်ႇဝႆႉၵႃႈၼိူဝ်ၽိုၼ်းဢေႃႈ။တၵ်းလႆႈဢဝ်ၵွၼ်ႈၶႆၵွၼ်ႈမၼ်း ယိၸ်ႉမိၵ်ႉသႁႃႇယႃႉ တုတ်ႇၽႆးၵႃႈၼိူဝ်မၼ်းဢေႃႈ။
၁၃ ၽႆးတၵ်းလႆႈမႆႈယူႇၵႃႈၼိူဝ်ယိၸ်ႉပလၢင်ႇတႃႇသေႇဢမ်ႇထၢတ်ႇဢေႃႈ။ဢမ်ႇလႆႈမွတ်ႇလႃးလႃး။
တၢင်းပုၵ်ႉၸေႃႇၽေႃးၸဵၼ်ႇ
၁၄ တြႃးတၢင်းပုၵ်ႉၸေႃႇၽေႃးၸဵၼ်ႇၸမ်းလုၵ်ႈၸၢႆးဢႃႇရုၼ်ႇ ၸိူဝ်းၼၼ်ႉ တၵ်းလႆႈဢဝ်ပုၵ်ႉၸေႃႇၽၢႆႇၼႃႈထႃႇဝရႃႉၽြႃး ၵႃႈတီႈၽၢႆႇၼႃႈယိၸ်ႉပလၢင်ႇ ဢေႃႈ။
၁၅ မၼ်းတၵ်းလႆႈဢဝ်ၵႃႈၼႂ်းၽွင်ၶဝ်ႈမုၼ်းတၢင်းပုၵ်ႉၸေႃႇၽေႃးၸဵၼ်ႇၼၼ်ႉဝၵ်ႉၼိုင်ႈ၊ၼမ်ႉမၼ်းၵမ်ႈၽွင်ႈတင်းလေႃႇပၢၼ်ႇ ၵႃႈဢၼ်မီးၵႃႈၼိူဝ်တၢင်းပုၵ်ႉၸေႃႇၽေႃးၸဵၼ်ႇ ဢၼ်ဝႃႈ ပုၼ်ႈဢၼ်ထႃႇဝရႃႉၽြႃး တၵ်းၶုၵ်းၸႂ်လႆႈၶႆႈၸႂ်ထူပ်းၼၼ်ႉ သေလႄႈတုတ်ႇ ၽႆးၵႃႈၼိူဝ်ယိၸ်ႉပလၢင်ႇပုၼ်ႈဢၼ်တၵ်းႁွမ် တၵ်းႁူၺ်းတီႈထႃႇဝရႃႉၽြႃးဢေႃႈ။
၁၆ ဢၼ်ၵိုတ်းဢၼ်ၵျၢၼ်ႇၼၼ်ႉၸိုင်ဢႃႇရုၼ်ႇ တင်းလုၵ်ႈၸၢႆးမၼ်းတင်းလၢႆတၵ်းလႆႈၵိၼ်ဢေႃႈ။ယင်းဢမ်ႇပႃးၸိူဝ်ႉပႅင်ႈလႄႈၶဝ်တၵ်းလႆႈ ဢွၼ်ၵၼ်ၵိၼ်ၵႃႈၼႂ်းထႃႇၼႃႉတီႈမူတ်းၸၢင်ႇဢေႃႈ။တၵ်းလႆႈၵိၼ်ၵႃႈတီႈၼႂ်းဝၢင်းသုမ်ႉထဵင် ၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉဢေႃႈ။
၁၇ ဢမ်ႇလႆႈဢဝ်ၶဝ်ႈမုၼ်း ဢၼ်ဢဝ်တင်းၸိူဝ်ႉပႅင်ႈႁဵတ်းၼၼ်ႉ။ၵဝ်ဢဝ်ၵႃႈၼႂ်းတၢင်းပုၵ်ႉၸေႃႇ ဢၼ်ဢဝ်တင်းၽႆးႁဵတ်းတီႈၵဝ်ၼၼ်ႉပၼ်ႁႂ်ႈပဵၼ်ပုၼ်ႈၶဝ်ယဝ်ႉ။ပဵၼ်ဢၼ်မူတ်းၸၢင်ႇၼႃႇလူင်လၢင် မိူၼ်ၸိူဝ်ႉၼင်ႇယိၸ်ႉဢၼ်ၽေႇဢပျႅတ်ႈဢိၵ်ႇတင်း ယိၸ်ႉဢၼ်ၽေႇတူႉၸရိူၵ်ႈၼၼ်ႉဢေႃႈ။
၁၈ ၵူၼ်းၸၢႆးၸိူဝ်ႉၶိူဝ်းဢႃႇရုၼ်ႇၸိူဝ်းၼၼ်ႉတၵ်းလႆႈဢွၼ်ၵၼ်ဢဝ် ၵႃႈၼႂ်းတၢင်းပုၵ်ႉၸေႃႇဢၼ်ဢဝ်တင်းၽႆးႁဵတ်း တီႈထႃႇဝရႃႉၽြႃးၸိူဝ်းၼၼ်ႉၵူႈၵေႃႉၵူႈၵူၼ်းလႄႈ ပဵၼ်ပိင်းၺၢပ်ႈၸဝ်ႈတီႈမဵဝ်းၸိူဝ်ႉၶိူဝ်းသူသိုပ်ႇသိုပ်ႇတၢမ်ႈတၢမ်ႈဢေႃႈ။ၶဝ်ၸိူဝ်းဢၼ်တိူဝ်ႉယိပ်းတၢင်းပုၵ်ႉၸေႃႇၸိူဝ်းၼၼ်ႉ တၵ်းလႆႈမူတ်းၸၢင်ႇဢေႃႈ၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
၁၉ ထႃႇဝရႃႉၽြႃး သမ်ႉမီးဢမိင်ႉၵႃႈတီႈမုဝ်းသေႇ လႄႈဝႃႈ၊-
၂၀ တၢင်းပုၵ်ႉၸေႃႇဢႃႇရုၼ်ႇတင်းလုၵ်ႈၸၢႆးမၼ်းတင်းလၢႆဢၼ်ၶဝ်တၵ်းလႆႈပုၵ်ႉၸေႃႇတီႈ ထႃႇဝရႃႉၽြႃး ၼႂ်းဝၼ်းဢၼ်မၼ်းၶၢမ်ႇၽိၵ်ႈသိၵ်ႈၼၼ်ႉၸမ်းတၵ်းလႆႈပဵၼ်ၽွင်ၶဝ်ႈမုၼ်းဢေႇၽႃႇ သိပ်းပုၼ်ႈဢဝ်ပုၼ်ႈၼိုင်ႈပုၼ်ႈတၵ်းပုၵ်ႉၸေႃႇၽေႃးၸဵၼ်ႇ ဢၼ်တၵ်းလႆႈႁဵတ်းယူႇတႃႇသေႇ ၶိင်ႇၵၢင်ၼႂ်ၶိုင်ႈၼိုင်ႈ ၶိင်ႇ ၵၢင်ၶမ်ႈၶိုင်ႈၼိုင်ႈဢေႃႈ။
၂၁ ဢဝ်ၼမ်ႉမၼ်းသႂ်ႇသေလႄႈႁဵတ်းတီႈၶႅပ်းလဵၵ်ႉလႄႈ ၶူဝ်ႈလေႃးသေယဝ်ႉမႂ်းတၵ်းလႆႈဢဝ်မႃးလႄႈဢဝ်ဢၼ်ႁၵ်းဢၼ်ပွတ်းတၢင်းပုၵ်ႉၸေႃႇၽေႃးၸဵၼ်ႇ ဢၼ်ႁၵ်းပႅတ်ႈၼၼ်ႉပုၵ်ႉၸေႃႇပုၼ်ႈဢၼ်တၵ်းႁွမ်တၵ်းႁူၺ်းတီႈ ထႃႇဝရႃႉၽြႃး ဢေႃႈ။
၂၂ လုၵ်ႈၸၢႆးမၼ်းဢၼ်ၶၢမ်ႇဢဝ်ၽိၵ်ႈသိၵ်ႈၵႃႈၼႂ်းဢရႃႇမၼ်းၼၼ်ႉၵေႃႈ တၵ်းလႆႈႁဵတ်းတၢင်းပုၵ်ႉၸေႃႇၼၼ်ႉဢေႃႈ။ပဵၼ်ပုၼ်ႈထႃႇဝရႃႉၽြႃးလႄႈတၵ်းလႆႈႁဵတ်းတႃႇသေႇဢေႃႈ။တၵ်းလႆႈတုတ်ႇၽႆး တင်းသဵင်ႈတင်းမူတ်းဢေႃႈ။
၂၃ တၢင်းပုၵ်ႉၸေႃႇၽေႃးၸဵၼ်ႇယိတ်ႉပရေႃးႁိၵ်ႈၵႃႈမီးၼၼ်ႉၸိုင် တၵ်းလႆႈဢဝ်တုတ်ႇၽႆးတင်းသဵင်ႈတင်းမူတ်းဢေႃႈ။ဢမ်ႇလႆႈၵိၼ်လႃးလႃး၊ဝႃႈၼင်ႇၼႆဢေႃႈ။
တၢင်းပုၵ်ႉၸေႃႇပုၼ်ႈဢပျႅတ်ႈ
၂၄ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈၸမ်း၊-
၂၅ သင်ႇလၢတ်ႈတီႈဢႃႇရုၼ်ႇ တင်းလုၵ်ႈၸၢႆးမၼ်းတင်းလၢႆလႄႈဝႃႈ၊-တြႃးတၢင်းပုၵ်ႉၸေႃႇယိၸ်ႉဢၼ်ၽေႇဢပျႅတ်ႈၼၼ်ႉၸမ်း ၵႃႈၼႂ်းတီႈဢၼ်ဢဝ်တူဝ်ယိၸ်ႉဢၼ်တုတ်ႇၽႆးတၢႆၼၼ်ႉ တၵ်းလႆႈဢဝ်ယိၸ်ႉဢၼ်ၽေႇဢပျႅတ်ႈ တၢႆၵႃႈတီႈၽၢႆႇၼႃႈထႃႇဝ ရႃႉၽြႃးဢေႃႈ။
၂၆ ပဵၼ်ဢၼ်မူတ်းၸၢင်ႇၼႃႇလူင်လၢင်ဢေႃႈ။ ယိၸ်ႉပရေႃးႁိၵ်ႈ ဢၼ်ဢဝ်ပုၵ်ႉၸေႃႇပုၼ်ႈဢၼ်တၵ်းၽေႇဢပျႅတ်ႈၼၼ်ႉ တၵ်းလႆႈၵိၼ်ဢေႃႈ။တၵ်းလႆႈၵိၼ်ၵႃႈၼႂ်းထႃႇၼႃႉ တီႈမူတ်းၸၢင်ႇၵႃႈတီႈၼႂ်းဝၢင်းသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈ ၼၼ်ႉဢေႃႈ။
၂၇ ၵႃႈဢၼ်တိူဝ်ႉထုၵ်ႇၼိူဝ်ၼၼ်ႉပဵၼ်ဢၼ်မူတ်းၸၢင်ႇဢေႃႈ။ပေႃးလိူတ်ႈၼၼ်ႉလႆႈမီးတၢင်းဢၼ်ၽႅတ်းသႂ်ႇမႅၼ်ႈ ၵႃႈတီႈၶူဝ်းၼုင်ႈၸိုင်မႂ်းတၵ်းလႆႈဢဝ်ၶူဝ်းၼုင်ႈ ဢၼ်ၶၢမ်ႇတၢင်းဢၼ်လိူတ်ႈၽႅတ်းသႂ်ႇမႅၼ်ႈၼၼ်ႉ သၵ်ႉသၢႆႇ ၵႃႈၼႂ်းထႃႇၼႃႉတီႈမူတ်း ၸၢင်ႇဢေႃႈ။
၂၈ မေႃႈလိၼ်ဢၼ်ဢဝ်တူမ်ႈၼိူဝ်ႉၼၼ်ႉၸိုင် တၵ်းလႆႈဢဝ်တႅၵ်ႇပႅတ်ႈသေဢေႃႈ။ပေႃးတူမ်ႈၵႃႈၼႂ်းမေႃႈတွင်းလိူင်ၸိုင် တၵ်းလႆႈသီလႄႈ ဢဝ် တင်းၼမ်ႉလၢင်ႉပႅတ်ႈသေဢေႃႈ။
၂၉ ယိၸ်ႉပရေႃးႁိၵ်ႈၵူၼ်းၸၢႆးတၵ်းလႆႈဢွၼ်ၵၼ်ၵိၼ်ၵူႈၵေႃႉၵူႈၵူၼ်းဢေႃႈ။ ပဵၼ်ဢၼ်မူတ်းၸၢင်ႇၼႃႇလူင်လၢင်ဢေႃႈ။
၃၀ ယိၸ်ႉဢၼ်ၽေႇဢပျႅတ်ႈ ဢၼ်ဢဝ်လိူတ်ႈမၼ်းမႃးၵႃႈၼႂ်းသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈပုၼ်ႈလွင်ႈၼင်ႇႁိုဝ်တၵ်းၽေႇဢပျႅတ်ႈ ၵႃႈၼႂ်းထႃႇၼႃႉတီႈမူတ်းၸၢင်ႇၼၼ်ႉၸိုင်ဢမ်ႇလႆႈၵိၼ်လႃးလႃး။ တၵ်းလႆႈဢဝ်တုတ်ႇၽႆးဢေႃႈ။