Chapter
၂၁
ၼႄးဢူႉပတေႇပုၼ်ႈယိတ်ႉပရေႃးႁိၵ်ႈ
၁ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈၸမ်း၊- သင်ႇလၢတ်ႈတီႈယိတ်ႉပရေႃးႁိၵ်ႈဢၼ်ပဵၼ်လုၵ်ႈၸၢႆးဢႃႇရုၼ်ႇၸိူဝ်းၼၼ်ႉလႄႈဝႃႈ၊-ၼႂ်းသူၼႆႉၽူႈ လႂ်သေၵေႃႉသေၵူၼ်း တၵ်းဢမ်ႇလႆႈမီးတၢင်းဢၼ်ၵူဝ်ႈၵိူၵ်ႇ ၵွပ်ႈပိူဝ်ႈၵူၼ်းၶိူဝ်းလဵဝ်ၵၼ်ဢၼ်တၢႆၵႂႃႇၼၼ်ႉ။ ၼႂ်းဝႃႈၼၼ်သေၵေႃႈၵွပ်ႈပိူဝ်ႈပီႈၼွင်ႉဢွၵ်ႇၵၼ် ဢၼ်ပဵၼ်ပေႃႈမေႈ၊ လုၵ်ႈၸၢႆးလုၵ်ႈယိင်းပီႈၸၢႆးၼွင်ႉ ၸၢႆး
၃ ပီႈၼၢင်းၼွင်ႉယိင်းဢွၵ်ႇ သၢဝ်ၵၼ်ႇၺႃႇဢၼ်မီးယူႇတီႈမၼ်း ဢၼ်ဢမ်ႇပႆႇဢဝ်ၽူဝ်ၼၼ်ႉမၼ်းမီးဢၶႂၢင်ႉဢၼ်လႆႈၶၢမ်ႇတၢင်းဢၼ်ၵူဝ်ႈၵိူၵ်ႇယူႇဢေႃႈ။
၄ ၵွပ်ႈပိူဝ်ႈဢၼ်ပဵၼ် ၵူၼ်းယႂ်ႇၵူၼ်းလူင်ၼႂ်းမဵဝ်းၸိူဝ်ႉၶိူဝ်းလဵဝ်ၵၼ်လႄႈမၼ်းဢမ်ႇလႆႈဢဝ်တူဝ်ၸဝ်ႈၵဝ်ႇၶျႃးတူၵ်းတီႈတႅမ်ႇသေလႄႈႁႂ်ႈလႆႈမီးတၢင်းဢၼ်ၵူဝ်ႈ ၵိူၵ်ႇ။
၅ ၶဝ်ဢမ်ႇလႆႈထႃၶူၼ်ႁူဝ်ၶဝ်။ၼူတ်ႇၵၢင်းၶဝ်ၵေႃႈဢမ်ႇလႆႈထႃ။ဢမ်ႇလႆႈႁဵတ်းတၢင်းဢၼ်ထိူဝ်ၽၼ်းၼိူဝ်ႉၼင်ၶဝ်။ၶဝ်တၵ်းလႆႈမူတ်းၸၢင်ႇပုၼ်ႈၽြႃးပဵၼ် ၸဝ်ႈၶဝ်ဢေႃႈ။
၆ ၶဝ်ဢမ်ႇလႆႈဢဝ်ၼႃႇမႃႉၸိုဝ်သဵင်ၽြႃးပဵၼ်ၸဝ်ႈၶဝ်ၶျႃးတူၵ်းတီႈတႅမ်ႇ။ၵွပ်ႈပိူဝ်ႈဢၼ်ၶဝ်လႆႈပုၵ်ႉၸေႃႇတၢင်းပုၵ်ႉၸေႃႇ ဢၼ်ဢဝ်ၽႆးပုၵ်ႉၸေႃႇတီႈထႃႇဝရႃႉၽြႃးဢၼ်ဝႃႈ ဢႁႃႇရႃႉၶဝ်ႈမုၼ်းၽြႃးပဵၼ်ၸဝ်ႈၶဝ်ၸိူဝ်းၼၼ်ႉလႄႈ ၶဝ်တၵ်းလႆႈၵိၼ်ဢၼ် မူတ်းၸၢင်ႇဢေႃႈ။
၇ ၶဝ်ဢမ်ႇလႆႈဢဝ်မေႈမွၵ်ႇယႃႈမေႈယိင်းဢၼ်သီႇလႃႉလူႉၼၼ်ႉႁဵတ်းမေး။မေႈယိင်းဢၼ်ၽူဝ်ပႅတ်ႈၼၼ်ႉၵေႃႈၶဝ်ဢမ်ႇလႆႈဢဝ်။မၼ်းပဵၼ်ၵေႃႉ ဢၼ်မူတ်းၸၢင်ႇၽြႃးပဵၼ်ၸဝ်ႈဢေႃႈ။
၈ ၵွပ်ႈပိူဝ်ႈဢၼ်မၼ်းလႆႈသၢၵ်ႈၵၢပ်ႈ ၶဝ်ႈမုၼ်းၽြႃးပဵၼ်ၸဝ်ႈမႂ်းလႄႈ၊မႂ်းတၵ်းလႆႈႁႂ်ႈမၼ်းမူတ်းၸၢင်ႇလႄႈ မၼ်းတၵ်းလႆႈမူတ်းၸၢင်ႇပုၼ်ႈမႂ်းဢေႃႈ။ လွင်ႈမၼ်းၸမ်းၵဝ်ထႃႇဝရႃႉၽြႃးဢၼ်ႁႂ်ႈသူမူတ်းၸၢင်ႇၼႆႉ မူတ်းၸၢင်ႇ ဢေႃႈ။
၉ ပေႃးလုၵ်ႈယိင်းယိတ်ႉပရေႃးႁိၵ်ႈႁဵတ်းမေႈမွၵ်ႇယႃႈလႄႈၶျႃးတူဝ်ၸဝ်ႈၵဝ်ႇ တူၵ်းတီႈတႅမ်ႇၸိုင်ပဵၼ်မၼ်းၶျႃးပေႃႈမၼ်းတူၵ်းတီႈတႅမ်ႇယဝ်ႉ။မၼ်းတၵ်းလႆႈၶၢမ်ႇတၢင်းဢၼ်ဢဝ်တုတ်ႇၽႆးပႅတ်ႈသေဢေႃႈ။
၁၀ ၵေႃႉဢၼ်ပဵၼ်ယိတ်ႉပရေႃးႁိၵ်ႈ ၼႂ်းမဵဝ်းၸိူဝ်ႉၶိူဝ်းမႂ်းဢၼ်လႆႈၶၢမ်ႇၽိၵ်ႈသိၵ်ႈ တၢင်းဢၼ်ဢဝ်ၼမ်ႉမၼ်းထွၵ်ႇသႂ်ႇၵႃႈၼိူဝ်ႁူဝ်လႄႈ လႆႈၶၢမ်ႇတၢင်းဢၼ်ၶၢၼ်းဝႆႉၼႂ်းဢရႃႇ လႆႈၼုင်ႈၶူဝ်းႁႃင်ႈၶိုင်ႈၼၼ်ႉမၼ်းဢမ်ႇလႆႈၽေႇၶူၼ်ႁူဝ်မၼ်း။ဢမ်ႇလႆႈသိၵ်ႇၶူဝ်းၼုင်ႈတၢင်း မႆႊမၼ်း။
၁၁ ဢမ်ႇလႆႈသုတ်ႉၸပ်းသုတ်ႉၸူးတီႈတူဝ်တၢႆ။ပုၼ်ႈပေႃႈမေႈမၼ်းၵေႃႈ ဢမ်ႇလႆႈၶၢမ်ႇတၢင်းဢၼ် ၵူဝ်ႈၵိူၵ်ႇ။
၁၂ ဢမ်ႇလႆႈဢွၵ်ႇသေၵႃႈၼႂ်းထႃႇၼႃႉတီႈမူတ်းၸၢင်ႇ ၸဝ်ႈၼၼ်ႉ။ ဢမ်ႇလႆႈၶျႃးထႃႇၼႃႉတီႈမူတ်းၸၢင်ႇ ၽြႃးပဵၼ်ၸဝ်ႈမၼ်းႁႂ်ႈတူၵ်းတီႈတႅမ်ႇ။ လွင်ႈမၼ်းၸမ်း မၼ်းမီးဢရႃႇတၢင်းဢၼ်ၶၢၼ်းဝႆႉဢၼ်ၸၢပ်ႈသႅင်ႇၵၼ်တင်း ၼမ်ႉမၼ်းၽိၵ်ႈသိၵ်ႈၽြႃးပဵၼ်ၸဝ်ႈမၼ်းၼၼ်ႉဢေႃႈ။ၵဝ်ပဵၼ်ထႃႇဝရႃႉၽြႃးဢေႃႈ။ မၼ်းတၵ်းလႆႈဢဝ်သၢဝ်ၵၼ်ႇၺႃႇၸႅတ်ႈၸႅတ်ႈၼၼ်ႉၵူၺ်းဢေႃႈ။မၼ်းဢမ်ႇလႆႈဢဝ်မေႈမုၵ်ႉမေႈမၢႆႈမေႈယိင်းဢၼ်ၽၢတ်ႇၵၼ်တင်း ၽူဝ်မေႈယိင်းဢၼ် သီႇလႃႉလူႉ၊မေႈမွၵ်ႇယႃႈ။
၁၄ မၼ်းတၵ်းလႆဢဝ်ၽူႈသၢဝ်ၵၼ်ႇၺႃႇၸႅတ်ႈၸႅတ်ႈ ၸိူဝ်ႉၶိူဝ်းမဵဝ်းလဵဝ်ၵၼ်တင်း မၼ်းၼၼ်ႉၵူၺ်းဢေႃႈ။
၁၅ မၼ်းဢမ်ႇလႆႈဢဝ်လုၵ်ႈလၢင်းၸိူဝ်ႉၶိူဝ်းမၼ်း ၶျႃးတူၵ်းတီႈတႅမ်ႇၵႃႈၼႂ်းမဵဝ်းၸိူဝ်ႉၶိူဝ်းလဵဝ်ၵၼ်တင်းမၼ်းၼၼ်ႉ။ၵဝ်ပဵၼ်ထႃႇဝရႃႉၽြႃးဢၼ်ႁႂ်ႈမၼ်းမူတ်းၸၢင်ႇဢေႃႈ၊ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။
၁၆ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈၸမ်း၊-မႂ်းသင်ႇလၢတ်ႈတီႈဢႃႇရူၼ်ႇလႄႈဝႃႈ၊-
၁၇ ၼႂ်း မဵဝ်းၸိူဝ်ႉၶိူဝ်းသိုပ်ႇသိုပ်ႇတၢမ်ႈတၢမ်ႈၼၼ်ႉ ၵေႃႉဢၼ်မီးဢပျႅတ်ႈတီႈတူဝ်မၼ်းယူႇၼၼ်ႉ ဢမ်ႇလႆႈသုတ်ႉၸပ်းသုတ်ႉၸူးႁႂ်ႈလႆႈ သၢၵ်ႈၵၢပ်ႈဢႁႃႇရႃႉၶဝ်ႈမုၼ်းၽြႃး ပဵၼ်ၸဝ်ႈမၼ်း။
၁၈ ၵေႃႉဢၼ်မီးဢၢင်ႇၵႃႇလူႉတီႈတူဝ်မၼ်း ဢၼ်ပဵၼ်ၵေႃႉဢၼ်တႃႈမွတ်ႇၵေႃႉဢၼ်ၶႃၵႅင်ႉ ၵေႃႉဢၼ်ၶူႈလင်ဢႅပ်း ၵေႃႉဢၼ်ဢင်ႇၵႃႇပူၼ်ႉလိူဝ်၊
၁၉ ၵေႃႉဢၼ်တိၼ်ႁၵ်း၊ ၵေႃႉဢၼ်မိုဝ်းႁၵ်း၊ ၵေႃႉဢၼ်လင်ၵွမ်း၊ၵေႃႉဢၼ်ဢႅၵ်း၊ၵေႃႉဢၼ်တႃႈတေႃႈ၊
၂၀ ၵေႃႉဢၼ်ပဵၼ်ႁိတ်း ၵေႃႉဢၼ်ပဵၼ်ႁဝ်ႈ ၵေႃႉဢၼ်ၶႆႇႁမ်လူႉ ၼၼ်ႉ၊ဢမ်ႇလႆႈသုတ်ႉၸပ်းသုတ်ႉၸူး။
၂၁ ၼႂ်းမဵဝ်းၸိူဝ်ႉၶိူဝ်းယိတ်ႉပရေႃးႁိၵ်ႈဢႃႇရုၼ်ႇ ၼၼ်ႉသေၵေႃႉသေၵူၼ်းၵေႃႉဢၼ်မီးဢၢင်ႇၵႃႇလူႉတီႈတူဝ်မၼ်းယူႇၼၼ်ႉ ဢမ်ႇလႆႈသုတ်ႉၸပ်းသုတ်ႉၸူးတီႈထႃႇဝရႃႉၽြႃးႁႂ်ႈလႆႈသၢၵ်ႈၵၢပ်ႈတၢင်းပုၵ်ႉၸေႃႇ ဢၼ်ဢဝ်တင်းၽႆးႁဵတ်းၼၼ်ႉ။ ၵွပ်ႈပိူဝ်ႈဢၼ်ပႃးဢၢင်ႇၵႃႇလူႉတီႈတူဝ်မၼ်းလႄႈ မၼ်းဢမ်ႇလႆႈသုတ်ႉၸပ်းသုတ်ႉၸူးႁႂ်ႈလႆႈသၢၵ်ႈ ၵၢပ်ႈၶဝ်ႈမုၼ်းၽြႃးပဵၼ်ၸဝ်ႈ။
၂၂ ၶဝ်ႈမုၼ်းဢၼ်မူတ်းၸၢင်ႇသေဢမ်ႇဝႃႈ၊ ၶဝ်ႈမုၼ်းဢၼ်မူတ်းၸၢင်ႇၼႃႇလူင်လၢင်ၼၼ်ႉသေဢမ်ႇဝႃႈ မၼ်းမီးဢၶႂၢင်ႉတၵ်းလႆႈ ၵိၼ်ၶဝ်ႈမုၼ်းၽြႃးပဵၼ်ၸဝ်ႈၼၼ်ႉယူႇဢေႃႈ။
၂၃ ၵွပ်ႈပိူဝ်ႈဢၼ်မၼ်းပႃးဢၢင်ႇၵႃႇလူႉတီႈတူဝ်မၼ်းလႄႈ လွင်ႈၼင်ႇႁိုဝ် တၵ်းဢမ်ႇလႆႈၶျႃးထႃႇၼႃႉတီႈမူတ်းၸၢင်ႇၵဝ်ၸိူဝ်းၼၼ်ႉ ႁႂ်ႈတူၵ်းတီႈတႅမ်ႇၸိုင်မၼ်းဢမ်ႇလႆႈၶဝ်ႈၵႃႈၼႂ်းၽႃႈၵင်ႈ။ဢမ်ႇလႆႈသုတ်ႉၸပ်းသုတ်ႉၸူးတီႈယိၸ်ႉပလၢင်ႇ။ၵဝ်ပဵၼ်ထႃႇဝရႃႉၽြႃးဢၼ်ႁႂ်ႈတီႈၸိူဝ်းၼၼ်ႉမူတ်းၸၢင်ႇဢေႃႈ၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
၂၄ ၼင်ႇၼၼ်လႄႈမုဝ်းသေႇသင်ႇလၢတ်ႈဝႆႉတီႈဢႃႇရုၼ်ႇတင်းလုၵ်ႈၸၢႆးမၼ်းတင်းလၢႆ ဢိၵ်ႇတင်းၵူၼ်းမဵဝ်းဢိသရေႇလတင်းသဵင်ႈတင်းလူင်ဢေႃႈ။