Chapter
၉
ၽေးတရိၵ်ႈသၢၼ်ႇတၢႆ
၁ ၵမ်းၼၼ်ႉထႃႇဝရႃႉၽြႃးသမ်ႉမီးဢမိင်ႉတီႈမုဝ်းသေႇလႄႈဝႃႈ၊-မႂ်းၶဝ်ႈၸူးၵႃႈတီႈၶုၼ်ႁေႃၶမ်းၽႃႇရေႃးလႄႈလၢတ်ႈတီႈမၼ်းၸဝ်ႈလႄႈဝႃႈ၊-ထႃႇဝရႃႉၽြႃးၽြႃးပဵၼ်ၸဝ်ႈၵူၼ်းႁေႇပႄးတင်းလၢႆမီးဢမိင်ႉလႄႈဝႃႈၸမ်း၊-
၂ ပွႆႇၵူၼ်းၵဝ်တင်းလၢႆၵႂႃႇႁႂ်ႈၶဝ်လႆႈႁဵတ်းဝၢတ်ႈတီႈၵဝ်တႃႉ။ပေႃးမႂ်းႁႄႉၶႅၼ်ထဵင်ပႅတ်ႈလႄႈဝႃႈ၊-
၃ ဢမ်ႇပွႆႇၵႂႃႇၵူၺ်း၊ဝႃႈၼင်ႇၼႆၸိုင်၊မိုဝ်းထႃႇဝရႃႉၽြႃးၼၼ်ႉတၵ်းႁွတ်ႈထိုင်ၵႃႈၼိူဝ်တရိၵ်ႈသၢၼ်ႇမႂ်းဢၼ်မီးၵႃႈၼႂ်းတူင်ၼႃးဢၼ်ဝႃႈမႃႉလႂ်၊မႃႉလီႈလႂ်၊ၵလႃႇဢုၵ်ႉလႂ်၊ၽုင်သူဝ်းၽုင်ဝူဝ်းလႂ်ၸိူဝ်းၼၼ်ႉလႄႈၶဝ်တၵ်းၸပ်းတၢင်းပဵၼ်ၵႃႇလႃႉဢၼ်ႁၢႆႉၵျၢမ်းၼႃႇၼၼ်ႉဢေႃႈ။
၄ ထႃႇဝရႃႉၽြႃးတၵ်းႁႂ်ႈတရိၵ်ႈသၢၼ်ႇၵူၼ်းဢိသရေႇလတင်းတရိၵ်ႈသၢၼ်ႇၵူၼ်းဢေႇၵႅပ်ႉတုၶဝ်ပႅၵ်ႇပိူင်ႈၵၼ်လႄႈတရိၵ်ႈသၢၼ်ႇဢၼ်ၵူၼ်းဢိသရေႇလပိူင်ႇၸိူဝ်းၼၼ်ႉတၵ်းဢမ်ႇတၢသေတူဝ်။
၅ ထႃႇဝရႃႉၽြႃးမၵ်းၶၢၼ်းဝႆႉၶိင်ႇဢၼ်မၢၼ်ႇဢၼ်မႅၼ်ႈလႄႈဝႃႈ၊-ဝၼ်းမိူဝ်ႈၽုၵ်ႈထႃႇဝရႃႉၽြႃးတၵ်းႁဵတ်းဢမူႉၼၼ်ႉၵႃႈၼႂ်းမိူင်းၼႆႉဢေႃႈ၊ဝႃႈၼင်ႇၼႆဝႆႉယဝ်ႉ၊ဝႃႈၼင်ႇၼႆတႃႉ။
၆ ၼႂ်းဝၼ်းမိူဝ်ႈၽုၵ်ႈထႃႇဝရႃႉၽြႃးႁဵတ်းဢမူႉၼၼ်ႉလႄႈတရိၵ်ႈသၢၼ်ႇၵူၼ်းဢေႇၵႅပ်ႉတုတင်းသဵင်ႈတင်းလူင်တၢႆဢေႃႈ။တရိၵ်ႈသၢၼ်ႇၵူၼ်းမဵဝ်းဢိသရေႇလၸိူဝ်းၼၼ်ႉၸမ်းဢမ်ႇတၢႆသေတူဝ်။
၇ ၶုၼ်ႁေႃၶမ်းၽႃႇရေႃးပွႆႇၸႂ်ႉၵူၼ်းၵႂႃႇလႄႈလႆႈႁူႉလွင်ႈဢၼ်တရိၵ်ႈသၢၼ်ႇၵူၼ်းမဵဝ်းဢိသရေႇလဢမ်ႇတၢႆသေတူဝ်ၼၼ်ႉဢေႃႈ။ၼႂ်းဝႃႈၼၼ်သေၵေႃႈၶုၼ်ႁေႃၶမ်းၽႃႇရေႃးၸႂ်ၼၵ်းၸႂ်ၼႃယူႇလႄႈယင်းဢမ်ႇပွႆႇၵူၼ်းမဵဝ်းဢိသရေႇလတင်းလၢႆၵႂႃႇလႄႈယူႇဢေႃႈ။
ၽေးတုမ်ႇၸဵပ်း
၈ ထႃႇဝရႃႉၽြႃးမီးဢမိင်ႉတီႈမုဝ်းသေႇဢိၵ်ႇတင်းဢႃႇရုၼ်ႇလႄႈဝႃႈၸမ်း၊-ဢဝ်တင်းမိုဝ်းယိပ်းၵမ်ဢဝ်တဝ်ႊၵႃႈၼႂ်းၽီးၽႆးပဵၼ်ၵမ်ပဵၼ်ၵမ်လႄႈႁႂ်ႈမုဝ်းသေႇဢဝ်ပိုၼ်ႈၶိုၼ်ႈၵႃႈၼိူဝႃ်ႉၵၢင်ႁၢဝ်သိုဝ်ႈၼႃႈၶုၼ်ႁေႃၶမ်းၽႃႇရေႃးတႃႉ။
၉ တဝ်ႈၼၼ်ႉတၵ်းပဵၼ်မုၼ်ႈဢၼ်ၸွတ်ႇၸႅတ်ႈၵႂႃႇၵႃႈၼႂ်းမိူင်းဢေႇၵႅပ်ႉတုၵူႈတီႈၵူႈလႅၼ်လႄႈပဵၼ်တုမ်ႇၸဵပ်းၵႃႈၼႂ်းၼိူဝ်ႉဢၼ်ဢွၵ်ႇမႃးပႃးတင်းတၢင်းဢၼ်ပဵၼ်ၶိုၼ်ႉလိုၼ်ႉၶၢၼ်ႉလၢၼ်ႉၵႃႈတီႈၵူၼ်းဢိၵ်ႇတင်းၵႃႈတီႈတရိၵ်ႈသၢၼ်ႇတင်းလၢႆၵႃႈၼႂ်းမိူင်းဢေႇၵႅပ်ႉတုၼႆႉၵူႈတီႈၵူႈလႅၼ်ဢေႃႈ၊ဝႃႈၼင်ႇလႄႈ
၁၀ သွင်ၶႃႈၵေႃႈဢဝ်တဝ်ႊၵႃႈၼႂ်းၽီးၽႆးလႄႈၸုၵ်းယူႇၵႃႈတီႈၽၢႆႇၼႃႈၶုၼ်ႁေႃၶမ်းၽႃႇရေႃးသေယဝ်ႉမုဝ်းသေႇဢဝ်ပိုၼ်ႈၶိုၼ်ႈၵႃႈၼိူဝႃ်ႉၵၢင်ႁၢဝ်လႄႈတဝ်ႊၼၼ်ႉပဵၼ်တုမ်ႇၸဵပ်းၵႃႈၼႂ်းၼိူဝ်ႉဢၼ်ဢွၵ်ႇမႃးပႃးတင်းတၢင်းဢၼ်ပဵၼ်ၶိုၼ်ႉလိုၼ်ႉၶၢၼ်ႉလၢၼ်ႉၵႃႈတီႈၵူၼ်းဢိၵ်ႇတင်းတရိၵ်ႈသၢၼ်ႇတင်းလၢႆဢေႃႈ။
၁၁ သြႃႇဝိၵ်ႉၸႃႇတင်းလၢႆဢမ်ႇၸုၵ်းယူႇၵႃႈတီႈၽၢႆႇၼႃႈမုဝ်းသေႇလႆႈၵွပ်ႈပိူဝ်ႈတုမ်ႇၸဵပ်းၸိူဝ်းၼၼ်ႉဢေႃႈ။လွင်ႈမၼ်းၸမ်းတုမ်ႇၸဵပ်းၸိူဝ်းၼၼ်ႉၸပ်းတီႈသြႃႇဝိၵ်ႉၸႃႇတင်းလၢႆဢိၵ်ႇတင်းၵူၼ်းဢေႇၵႅပ်ႉတုတင်းသဵင်ႈတင်းလူင်ဢေႃႈ။
၁၂ ထႃႇဝရႃႉၽြႃးႁႂ်ႈႁူဝ်ၸႂ်ၶုၼ်ႁေႃၶမ်းၽႃႇရေႃးၵႅၼ်ႇၶႅင်လႄႈမၼ်းၵေႃႈယင်းဢမ်ႇထွမ်ႇဢမ်ႇဢဝ်ၵႂၢမ်းသွင်ၶႃၼၼ်ႉလႄႈယူႇမႅၼ်ႈၸွမ်းၵႃႈၼင်ႇဢၼ်ထႃႇဝရႃႉၽြႃးဝႃႈဝႆႉတီႈမုဝ်းသေႇၼၼ်ႉဢေႃႈ။
ၽေးၽူၼ်မၢၵ်ႇႁဵပ်း
၁၃ ၵမ်းၼၼ်ႉထႃႇဝရႃႉၽြႃးသမ်ႉမီးဢမိင်ႉတီႈမုဝ်းသေႇလႄႈဝႃႈ၊-မႂ်းလုၵ်ႉၶိင်ႇၵၢင်ၼႂ်ၸဝ်ႉၸဝ်ႉလႄႈၸုၵ်းယူႇၵႃႈတီႈၽၢႆႇၼႃႈၶုၼ်ႁေႃၶမ်းၽႃႇရေႃးလႄႈလၢတ်ႈတီႈမၼ်းလႄႈဝႃႈ၊-ထႃႇဝရႃႉၽြႃး၊ၽြႃးပဵၼ်ၸဝ်ႈၵူၼ်းမဵဝ်းႁေႇပႄးမီးမိင်ႉလႄႈဝႃႈၸမ်း၊-
၁၄ ပွႆႇၵူၼ်းၵဝ်တင်းလၢႆႁႂ်ႈၶဝ်လႆႈၵႂႃႇႁဵတ်းဝၢတ်ႈတီႈၵဝ်တႃႉ။ပေႃးဢမ်ႇၼၼ်ၵဝ်တၵ်းႁႂ်ႈၽေးတၢမ်ႇၵဝ်တင်းသဵင်ႈတင်းလူင်ႁွတ်ႈထိုင်ၵႃႈၼိူဝ်ႁူဝ်ၸႂ်မႂ်းၵႃႈၼိူဝ်ၶႃႈမႂ်းၵႃႈၼိူဝ်ၵူၼ်းဝၢၼ်ႈၵူၼ်းမိူင်းမႂ်းၼႂ်းၶိင်ႇၵႃႇလႃႉမိူဝ်ႈလဵဝ်ၼႆႉဢေႃႈ။မႂ်းတၵ်းလႆႈႁူႉလွင်ႈဢၼ်ဝႃႈၵႃႈၼိူဝ်လိၼ်မိူင်းၵူႈတီႈၵူႈလႅၼ်ဢမ်ႇမီးၽူႈလႂ်ဢၼ်မိူၼ်ၵၼ်တင်းၵဝ်ၼႆႉၼၼ်ႉဢေႃႈ။
၁၅ တေႃႈလဵဝ်ၼႆႉသင်ၵဝ်လႆႈယိုၼ်းမိုဝ်းၵဝ်လႄႈဢဝ်တင်းတၢင်းဢၼ်ပဵၼ်ၵႃႇလႃႉႁႃလႅင်ႉမိူင်းပၼ်တၢမ်ႇတီႈမႂ်းဢိၵ်ႇတင်းၵူၼ်းမႂ်းတင်းလၢႆယဝ်ႉၸိုင်ၵဝ်လႆႈယႃႉၽဵဝ်ႈမႂ်းပႅတ်ႈသေၵႃႈတီႈလိၼ်မိူင်းယဝ်ႉဢေႃႈ။
၁၆ ၵူၺ်းၵႃႈလွင်ႈၼင်ႇႁိုဝ်ၵဝ်တၵ်းလႆႈၼႄပျႃးတၼ်းၶူဝ်းၵဝ်တီႈမႂ်းဢိၵ်ႇတင်းလွင်ႈၼင်ႇႁိုဝ်တၵ်းႁႂ်ႈၼႃႇမႃႉၸိုဝ်သဵင်ၵဝ်ၸွတ်ႇသႃႇႁူင်ႁၢင်းၵႃႈၼိူဝ်လိၼ်မိူင်းၼႆႉၵူႈတီႈၵူႈလႅၼ်ၸိုင်ၵဝ်လႆႈယုၵ်ႉယွင်ႈမႂ်းဝႆႉဢမၢၼ်ႇၶၢၼ်ပဵၼ်ယဝ်ႉ။
၁၇ မႂ်းယင်းဢမ်ႇပွႆႇၵူၼ်းၵဝ်တင်းလၢႆၵႂႃႇလႄႈႁဵတ်းၶတ်းၶဵင်ႇႁႅင်းတႃႉၶဝ်ယူႇလူးၵွၼ်ႇႁိုဝ်။
၁၈ တူၺ်းလူႊ၊ၵဝ်တၵ်းႁႂ်ႈၽူၼ်မၢၵ်ႇႁဵပ်းဢၼ်ႁၢႆႉၵျၢမ်းၼႃႇ၊ဢၼ်ၸႃႉၸဵမ်ၶိင်ႇၵႃႇလႃႉမိူဝ်ႈဢၼ်ၸႃႉတႄႇမိူင်းဢေႇၵိပ်ႉတုၼၼ်ႉႁၢၼ်ႉတေႃႇမိူဝ်ႈလဵဝ်ၼႆႉဢမ်ႇတွၼ်ႉတူၵ်းသေပွၵ်ႈၼၼ်ႉပဵၼ်ၼႂ်းဝၼ်းမိူဝ်ႈၽုၵ်ႈမိူဝ်ႈၶိင်ႇၼႆႉၼၼ်ႉဢေႃႈ။
၁၉ ပိူဝ်ႈၼႆလႄႈတေႃႈလဵဝ်ၼႆႉပွႆႇၸႂ်ႉၵႂႃႇႁႂ်ႈလႆႈသိမ်းဢဝ်မႃးတရိၵ်ႈသၢၼ်ႇဢိၵ်ႇတင်းၵႃႈဢၼ်မႂ်းမီးဝႆႉၵႃႈၼႂ်းတီႈပၢင်ႇတီႈပဵင်းၸိူဝ်းၼၼ်ႉတႃႉ။ၵႃႈၼိူဝ်ၵူၼ်းဢိၵ်ႇတင်းတရိၵ်ႈသၢၼ်ႇဢၼ်မီးၵႃႈၼႂ်းတီႈပၢင်ႇပဵင်းဢၼ်ဢမ်ႇဢဝ်ၶဝ်ႈမႃးၵႃႈတီႈၼႂ်းႁိူၼ်းတင်းသဵင်ႈတင်းလူင်ၸိူဝ်းၼၼ်ႉၽူၼ်မၢၵ်ႇႁဵပ်းတၵ်းတူၵ်းသႂ်ႇၵႃႈၼိူဝ်ၶဝ်လႄႈၶဝ်ၼၼ်ႉတၵ်းတၢႆဢေႃႈ၊ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
၂၀ ၼႂ်းၶႃႈၶုၼ်ႁေႃၶမ်းၽႃႇရေႃးၶဝ်ၸိူဝ်းဢၼ်ၵူဝ်ႁႄၼုၵ်ႈၵပၢတ်ႈထႃႇဝရႃႉၽြႃးၸိူဝ်းၼၼ်ႉႁႂ်ႈၶႃႈၶဝ်ဢိၵ်ႇတင်းတရိၵ်ႈသၢၼ်ႇၶဝ်တင်းလၢႆပၢႆႊမိူဝ်းၵႂႃႇၸူးၵႃႈတီႈႁိူၼ်းသေဢေႃႈ။
၂၁ ၶဝ်ၸိူဝ်းဢၼ်ႁဵတ်းဢမ်ႇပေႃးၼင်ႇႁိုဝ်တီႈၼုၵ်ႈၵပၢတ်ႈထႃႇဝရႃႉၽြႃးၼၼ်ႉၸမ်းဝႆႉၶႃႈၶဝ်ဢိၵ်ႇတင်းတရိၵ်ႈသၢၼ်ႇၶဝ်တင်းလၢႆယူႇၵႃႈတီႈပၢင်ႇပဵင်းယူႇဢေႃႈ။
၂၂ ထႃႇဝရႃႉၽြႃးၵေႃႈမီးဢမိင်ႉတီႈမုဝ်းသေႇလႄႈဝႃႈ၊-ယိုၼ်းမိုဝ်းမႂ်းၶိုၼ်ႈၵႃႈၼိူဝႃ်ႉၵၢင်ႁၢဝ်ႁႂ်ႈၽူၼ်မၢၵ်ႇႁဵပ်းတူၵ်းလူင်းသႂ်ႇၵႃႈမိူင်းဢေႇၵႅပ်ႉတုၵူႈတီႈၵူႈလႅၼ်ၵႃႈၼိူဝ်ၵူၼ်းလႂ်ၵႃႈၼိူဝ်တရိၵ်ႈသၢၼ်ႇလႂ်ၵႃႈၼိူဝ်တူၼ်ႈၵႃႈဢၼ်မီးၵႃႈတီႈပၢင်ႇပဵင်းလႂ်ၵႃႈတီႈမိူင်းဢေႇၵႅပ်ႉတုၼႆႉတႃႉ၊ဝႃႈၼင်ႇၼႆဢေႃႈ။
၂၃ မုဝ်းသေႇဢဝ်ၶွၼ်ႉတဝ်ႉမၼ်းယိုၼ်းၶိုၼ်ႈၵႃႈၼိူဝႃ်ႉၵၢင်ႁၢဝ်လႄႈထႃႇဝရႃၽြႃးပွႆႇၽႃႉလင်ႊဢိၵ်ႇတင်းမၢၵ်ႇႁဵပ်းတူၵ်းလူင်းလႄႈပိဝ်ၽႆးၵေႃႈလႅၼ်ႈယူႇၵႃႈၼိူဝ်လိၼ်မိူင်းဢေႃႈ။
၂၄ ၼင်ႇၼၼ်လႄႈထႃႇဝရႃႉၽြႃးႁႂ်ႈၽူၼ်မၢၵ်ႇႁဵပ်းတူၵ်းလူင်းသႂ်ႇၵႃႈၼိူဝ်မိူင်းဢေႇၵႅပ်ႉတုလႄႈပဵၼ်မၢၵ်ႇႁဵပ်းဢၼ်လေႃးလူၺ်ႈၵၼ်တင်းၽႆးလႄႈၵျၢမ်းၼႃႇဢၼ်ၸႃႉၸဵမ်ၶိင်ႇၵႃႇလႃႉမိူဝ်ႈဢၼ်ၸႃႉတႄႇမိူင်းဢေႇၵႅပ်ႉတုၼၼ်ႉဢမ်ႇတွၼ်ႉပဵၼ်သေပွၵ်ႈၼၼ်ႉဢေႃႈ။
၂၅ မၢၵ်ႇႁဵပ်းၼၼ်ႉတူၵ်းၽတ်ႉသႂ်ႇၵႃႈဢၼ်မီးၵႃႈၼႂ်းတီႈပၢင်ႇတီႈပဵင်းၵႃႈၼိူဝ်ၵူၼ်းလႂ်၊တရိၵ်ႈသၢၼ်ႇလႂ်ၼႂ်းမိူင်းဢေႇၵႅပ်ႉတုၵူႈတီႈၵူႈလႅၼ်ဢေႃႈ။
၂၆ တူၼ်ႈယိူဝ်ႈတူၼ်ႈယႃႈလႂ်တူၼ်ႈမႆႉလႂ်ၵေႃႈမၢၵ်ႇႁဵပ်းတူၵ်းၽတ်ႉသႂ်ႇလႄႈႁၵ်းႁိၵ်းၵႃႈၼႂ်းတီႈပၢင်ႇၵူႈတူၼ်ႈဢေႃႈ။ၵႃႈၼႂ်းမိူင်းၵေႃႇသိၼ်ႇတီႈဢၼ်ၵူၼ်းမဵဝ်းဢိသရေႇလၶဝ်ယူႇၼၼ်ႉၸမ်းၽူၼ်မၢၵ်ႇႁဵပ်းဢမ်ႇတူၵ်း။
၂၇ မိူဝ်ႈၼၼ်ႉၶုၼ်ႁေႃၶမ်းၽႃႇရေႃးပွႆႇၸႂ်ႉၵူၼ်းၵႂႃႇလႄႈႁွင်ႉဢဝ်မုဝ်းသေႇတင်းဢႃႇရုၼ်ႇသေယဝ်ႉလၢတ်ႈဝႃႈ၊-ပွၵ်ႈၼႆႉၵဝ်ၽိတ်းပိူင်ႈယဝ်ႉ။ထႃႇဝရႃႉၽြႃးသိုဝ်ႈတေႃႇဢေႃႈ။ၵဝ်ဢိၵ်ႇတင်းၵူၼ်းၵဝ်တင်းလၢႆဢပျႅတ်ႈၼမ်ၼႃႇဢေႃႈ။
၂၈ တွင်းပၢၼ်ႇပၼ်ထႃႇဝရႃႉၽြႃးပုၼ်ႈၵဝ်သေၵမ်း။သဵငႃ်ႉလင်ႊတင်းမၢၵ်ႇႁဵပ်းၼႆႉၸိုင်ပေႃးယဝ်ႉ။ၵဝ်တၵ်းပွႆႇသူၵႂႃႇလႄႈသူဢမ်ႇလႆႈၵိုတ်းသဝ်းယူႇသေၸူဝ်ႈသယေၢမ်းၵူၺ်း၊ဝႃႈၼင်ႇၼႆဢေႃႈ။
၂၉ မုဝ်းသေႇၵေႃႈလဝ်ႈလၢတ်ႈလႄႈဝႃႈ၊-မိူဝ်ႈဢၼ်ၶႃႈၸဝ်ႈဢွၵ်ႇသေၵႃႈၼႂ်းဝဵင်းၼႆႉၼၼ်ႉၸိုင်ၶႃႈၸဝ်ႈတၵ်းဢႃႈၽႃႇမိုဝ်းၶႃႈၸဝ်ႈလႄႈသူးတွင်းၵႃႈတီႈၽၢႆႇၼႃႈထႃႇဝရႃႉၽြႃးတီႈၶႃႈဢေႃႈ။လွင်ႈၼင်ႇႁိုဝ်ၸဝ်ႈႁဝ်းတၵ်းႁူႉလွင်ႈဢၼ်ဝႃႈထႃႇဝရႃႉၽြႃးဢုပ်ႉပိူင်ႇလိၼ်မိူင်းၼႆႉၼၼ်ႉၸိုင်ၽႃႉလင်ႊတင်းလၢႆတၵ်းထၢတ်ႇယဵၼ်လႄႈလိုၼ်းၼၼ်ႉၽူၼ်မၢၵ်ႇႁဵပ်းတၵ်းဢမ်ႇလႆႈတူၵ်း။
၃၀ ၼႂ်းဝႃႈၼၼ်သေၵေႃႈၶႃႈၸဝ်ႈႁူႉလွင်ႈဢၼ်ၸဝ်ႈႁဝ်းဢိၵ်ႇတင်းၶႃႈၵူၼ်းၸဝ်ႈႁဝ်းတင်းလၢႆတၵ်းဢမ်ႇပႆႇၵူဝ်ပႆႇႁႄထႃႇဝရႃႉၽြႃးၼၼ်ႉယူႇတီႈၶႃႈဢေႃႈ၊ဝႃႈၼင်ႇၼႆဢေႃႈ။
၃၁ မၢၵ်ႇႁဵပ်းတူၵ်းၽတ်ႉသႂ်ႇတူၼ်ႈပၢၼ်ႇလႂ်ဢိၵ်ႇတင်းတူၼ်ႈၶဝ်ႈမူႉယေႃးလႂ်ဢေႃႈ။လွင်ႈမၼ်းၸမ်းတူၼ်ႈၶဝ်ႈမူႉယေႃးမီးတဵမ်ဝႆႉတင်းမၢၵ်ႇမၼ်းႁူင်းမၼ်းယဝ်ႉယဝ်ႉ။
၃၂ တူၼ်ႈပၢၼ်ႇၵေႃႈမွၵ်ႇမွၵ်ႇယဝ်ႉယဝ်ႉ။တူၼ်ႈၶဝ်ႈၵျုင်ႇဢိၵ်ႇတင်းတူၼ်ႈၶဝ်ႈၸမ်းဢမ်ႇလႆႈၶၢမ်ႇတၢင်းဢၼ်ၽတ်ႉသႂ်ႇ။လွင်ႈမၼ်းၸမ်းတူၼ်ႈၸိူဝ်းၼၼ်ႉဢမ်ႇပႆႇယႂ်ႇပႆႇထူၼ်ႈ။
၃၃ မုဝ်းသေႇၼၼ်ႉဢွၵ်ႇသေၵႃႈတီႈၶုၼ်ႁေႃၶမ်းၽႃႇရေႃးလႄႈၵႂႃႇၵႃႈၼွၵ်ႈဝဵင်းသေယဝ်ႉဢႃႈၽႃႇမိုဝ်းမၼ်းၵႃႈတီႈၽၢႆႇၼႃႈထႃႇဝရႃႉၽြႃးလႄႈသူးတွင်းဢေႃႈ။ၽႃႉလင်ႊတင်းလၢႆတင်းမၢၵ်ႇႁဵပ်းတင်းလၢႆယဵၼ်ၵႂႃႇၽၢတ်ႇၵႂႃႇဢေႃႈ။ၵႃႈၼိူဝ်လိၼ်ၵေႃႈၽူၼ်ဢမ်ႇတူၵ်းဢမ်ႇယမ်း။
၃၄ မိူဝ်ႈၼၼ်ႉၶုၼ်ႁေႃၶမ်းၽႃႇရေႃးႁၼ်လွင်ႈဢၼ်ၽူၼ်ဢိၵ်ႇတင်းမၢၵ်ႇႁဵပ်းတင်းၽႃႉလင်ႊၸိူဝ်းၼၼ်ႉယဵၼ်ၵႂႃႇထၢတ်ႇၵႂႃႇယဝ်ႉၼၼ်ႉၸိုင်မၼ်းသမ်ႉၶိုၼ်းၽိတ်းပိူင်ႈထႅင်ႈလႄႈမၼ်းဢိၵ်ႇတင်းၶႃႈၵူၼ်းမၼ်းတင်းလၢႆမီးႁူဝ်ၸႂ်ၵႅၼ်ႇၶႅင်ယူႇဢေႃႈ။
၃၅ ၶုၼ်ႁေႃၶမ်းၽႃႇရေႃးႁူဝ်ၸႂ်ၵႅၼ်ႇၶႅင်လႄႈယင်းဢမ်ႇပွႆႇၵူၼ်းမဵဝ်းဢိသရေႇလၶဝ်ၵႂႃႇၸွမ်းၵႃႈၼင်ႇဢၼ်ထႃႇဝရႃႉၽြႃးလၢတ်ႈဝႆႉတီႈမုဝ်းသေႇၼၼ်ႉ။