Chapter
၂၆
သုမ်ႉထဵင်ၸဝ်ႈ
၁ ၼႄးၼိုင်ႈၸမ်းမႂ်းတၵ်းလႆႈဢဝ်တင်းၽႃႈၵင်ႈသိပ်းၽိုၼ်ႁဵတ်းသုမ်ႉထဵင်ၸဝ်ႈဢေႃႈ။တၵ်းလႆႈဢဝ်ပိၵ်ႈၶျေႃးဢၼ်ပႃးတင်းၶူဝ်းဢၼ်သွမ်ႇၶူဝ်းဢၼ်ၵမ်ႇၶူဝ်းဢၼ်လႅင်ႊတမ်ႇၵၢမ်းၵၼ်ႁၢင်ႈၶိူင်ႈပုင်ႇႁၢင်ႊၶေႇရူႉၽိမ်ႇသႂ်ႇလႄႈႁဵတ်းၽႃႈၵင်ႈၸိူဝ်းၼၼ်ႉဢေႃႈ။
၂ ၽႃႈၵင်ႈၼၼ်ႉၼႃႈယၢဝ်းမၼ်းတၵ်းလႆႈမီးသၢဝ်းပႅတ်ႇသွၵ်ႇၼႃႈပွတ်းမၼ်းသီႇသွၵ်ႇလႄႈၽႃႈၵင်ႈတင်းသဵင်ႈတင်းလူင်ၸိူဝ်းၼၼ်ႉၼႃႈယၢဝ်းၼႃႈပွတ်းတၵ်းလႆႈမိူၼ်ၵၼ်ဢေႃႈ။
၃ ၽႃႈၵင်ႈႁႃႈၽိုၼ်တၵ်းလႆႈယဵပ်ႉၸပ်းႁႂ်ႈပဵၼ်ၽိုၼ်လဵဝ်ၵၼ်လႄႈၽႃႈၵင်ႈဢၼ်ၵိုတ်းႁႃႈၽိုၼ်ၼၼ်ႉၵေႃႈတၵ်းလႆႈယဵပ်ႉၸပ်းႁႂ်ႈပဵၼ်ၽိုၼ်လဵဝ်ၵၼ်ဢေႃႈ။
၄ မႂ်းတၵ်းလႆႈဢဝ်ၶူဝ်းဢၼ်သွမ်ႇႁဵတ်းႁူမၼ်းသႂ်ႇၵႃႈတီႈၸႃႉၸဵမ်တီႈသုတ်းၽႃႈၵင်ႈဢၼ်သိုပ်ႇၵၢမ်းၵၼ်ၽိုၼ်ၼိုင်ႈၼၼ်ႉလႄႈၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇဢေႃႈ။ၵႃႈတီႈၸႃႉၸဵမ်တီႈသုတ်းၽႃႈၵင်ႈၽိုၼ်တုတိယဢၼ်သိုပ်ႇၵၢမ်းၵၼ်ၽိုၼ်ႈၼိုင်ႈၼၼ်ႉလႄႈၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇၼၼ်ႉၵေႃႈတၵ်းလႆႈႁဵတ်းမိူၼ်ၸိူဝ်ႉၼင်ႇၼႆဢေႃႈ။
၅ မႂ်းတၵ်းလႆႈႁဵတ်းႁူႁႃႈသိပ်းၵႃႈတီႈၽႃႈၵင်ႈၽိုၼ်ၼိုင်ႈဢိၵ်ႇတင်းႁူႁႃႈသိပ်းၵႃႈတီႈႁိမ်းၽၢႆႇၼိူဝ်ၽႃႈၵင်ႈၽိုၼ်တုတိယဢၼ်သိုပ်ႇၵၢမ်းၵၼ်ၼၼ်ႉဢေႃႈ။ႁူတင်းလၢႆၸိူဝ်းၼၼ်ႉတၵ်းလႆႈတေႃႇမႅၼ်ႈၵၼ်ဢေႃႈ။
၆ ၶေႃၶမ်းႁႃႈသိပ်းၵေႃႈမႂ်းတၵ်းလႆႈႁဵတ်းလႄႈဢဝ်ၶေႃၶမ်းၸိူဝ်းၼၼ်ႉႁႂ်ႈၽႃႈၵင်ႈတေႃႇၸပ်းၵၼ်သေယဝ်ႉတၵ်းလႆႈပဵၼ်သုမ်ႉထဵင်ၸဝ်ႈဢၼ်လဵဝ်ၵူၺ်းဢေႃႈ။
၇ ၽႃႈၵင်ႈပုၼ်ႈဢၼ်တၵ်းပဵၼ်သုမ်ႉထဵင်ၼိူဝ်သုမ်ႉထဵင်ၸဝ်ႈၼၼ်ႉတင်းၽိုၼ်ၵေႃႈမႂ်းတၵ်းလႆႈႁဵတ်းဢေႃႈ။
၈ တၵ်းလႆႈႁဵတ်းသိပ်းဢဵတ်းၽိုၼ်ဢေႃႈ။ၽႃႈၵင်ႈယေႈၽိုၼ်ၼႃႈယၢဝ်းမၼ်းတၵ်းလႆႈမီးသၢမ်သိပ်းသွၵ်ႇၼႃႈပွတ်းမၼ်းသီႇသွၵ်ႇလႄႈၽႃႈၵင်ႈသိပ်းဢဵတ်းၽိုၼ်ၸိူဝ်းၼၼ်ႉၼႃႈယၢဝ်းၼႃႈပွတ်းတၵ်းလႆႈမိူၼ်ၵၼ်ဢေႃႈ။
၉ မႂ်းတၵ်းလႆႈယဵပ်ႉၽႃႈၵင်ႈႁႃႈၽိုၼ်ၸပ်းၵၼ်ႁႂ်ႈပဵၼ်ၽိုၼ်လဵဝ်ၵၼ်ၽႃႈၵင်ႈႁူၵ်းၽိုၼ်ၸပ်းၵၼ်ႁႂ်ႈပဵၼ်ၽိုၼ်လဵဝ်ၵၼ်လႄႈတူပ်ႉၽႃႈၵင်ႈၽိုၼ်ဢၼ်ထူၼ်ႈထိုင်ႁူၵ်းၽိုၼ်ၼၼ်ႉဝႆႉၵႃႈတီႈၼႃႈသူမ်ႉထဵင်ဢေႃႈ။
၁၀ မႂ်းတၵ်းလႆႈႁဵတ်းႁူႁႃႈသိပ်းသႂ်ႇၵႃႈတီႈသုတ်းၽႃႈၵင်ၽိုၼ်ၼိုင်ႈၼၼ်ႉလႄႈၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇဢိၵ်ႇတင်းႁူႁႃႈသိပ်းၵႃႈတီႈၸႃႉၸဵမ်တီႈသုတ်းၽႃႈၵင်ႈၽိုၼ်တုတိယၽိုၼ်ၼိုင်ႈၼၼ်ႉလႄႈၸွမ်းၵႃႈတီႈႁိမ်းၽၢႆႇၼိူဝ်မၼ်းၵႂႃႇၼၼ်ႉဢေႃႈ။
၁၁ ၶေႃတွင်းလိူင်ႁႃႈသိပ်းၼၼ်ႉၵေႃႈမႂ်းတၵ်းလႆႈႁဵတ်းလႄႈဢဝ်ၶေႃၸိူဝ်းၼၼ်ႉသွတ်ႇသႂ်ႇၵႃႈတီႈႁူၸိူဝ်းၼၼ်ႉသေယဝ်ႉတၵ်းလႆႈႁႂ်ႈသုမ်ႉထဵင်ၽၢၵ်ႇၼိုင်ႈလႄႈၽၢၵ်ႇၼိုင်ႈတေႃႇၸပ်းၵၼ်လႄႈပဵၼ်ဢၼ်လဵဝ်ၵူၺ်းဢေႃႈ။
၁၂ ဢၼ်လိူဝ်ဝႆႉတီႈၽႃႈၵင်ႈသုမ်ႉထဵင်ၸိူဝ်းၼၼ်ႉလႄႈပူၼ်ႉပႅၼ်ၵႂႃႇဢၼ်ဝႃႈၽႃႈၵင်ႈၶိုင်ႈပၵ်းၼိုင်ႈဢၼ်လိူဝ်ဝႆႉၼၼ်ႉၸမ်းတၵ်းလႆႈပွႆႇႁွႆႈတူၵ်းဝႆႉၵႃႈတီႈၽၢႆႇတၢင်းလင်သုမ်ႉထဵင်ၸဝ်ႈဢေႃႈ။
၁၃ ၼႂ်းဢၼ်လိူဝ်တီႈၼႃႈယၢဝ်းၽႃႈၵင်ႈသုမ်ႉထဵင်ၼၼ်ႉၸမ်းၽၢႆႇၼိုင်ႈသွၵ်ႇၽၢႆႇၼိုင်ႈသွၵ်ႇတၵ်းလႆႈပွႆႇႁွႆႈတူၵ်းဝႆႉၵႃႈၼိူဝ်သုမ်ႉထဵင်ၸဝ်ႈယေႈၽၢႆႇယေႈသွၵ်ႇပုၼ်ႈဢၼ်တၵ်းႁူမ်ႇသုမ်ႇမၼ်းဢေႃႈ။
၁၄ မႂ်းတၵ်းလႆႈဢဝ်ၼင်သူဝ်းဢၼ်ယွမ်ႉလႅင်ႊႁဵတ်းပုၼ်ႈဢၼ်တၵ်းႁူမ်ႇသုမ်ႇသုမ်ႉထဵင်ဢိၵ်ႇတင်းၼင်တႁႃႇသႁဵတ်းပုၼ်ႈဢၼ်တၵ်းႁူမ်ႇသုမ်ႇၵႃႈၼိူဝ်မၼ်းၼၼ်ႉသေဢေႃႈ။
၁၅ ပႅၼ်ႈဢၵႃႇသဢၼ်တၵ်းၵင်ႈသုမ်ႉထဵင်ၸဝ်ႈဝႆႉၵေႃႈ
၁၆ မႂ်းတၵ်းလႆႈႁဵတ်းဢေႃႈ။ပႅၼ်ႈၼၼ်ႉယေႈၽႅၼ်ႇၼႃႈယၢဝ်းမၼ်းတၵ်းလႆႈမီးသိပ်းသွၵ်ႇ၊ၼႃႈပွတ်းမၼ်းသွၵ်ႇၶိုပ်ႈဢေႃႈ။
၁၇ လွင်ႈၼင်ႇႁိုဝ်တၵ်းလႆႈဢဝ်ၶပ်ႉၸႅၼ်ႇၵပ်းတၢမ်းၵၼ်ၸိုင်ၵႃႈတီႈပႅၼ်ႈၽႅၼ်ႇၼိုင်ႈတၵ်းလႆႈမီးတိၼ်သွင်ဢၼ်ဢေႃႈ။မႂ်းတၵ်းလႆႈႁဵတ်းပႅၼ်ႈသုမ်ႉထဵင်ၸဝ်ႈတင်းသဵင်ႈတင်းလူင်မိူၼ်ၸိူဝ်ႉၼင်ႇၼၼ်ဢေႃႈ။
၁၈ မႂ်းတၵ်းလႆႈႁဵတ်းပႅၼ်ႈဢၼ်တၵ်းၵင်ႈသုမ်ႉထဵင်ၸဝ်ႈပုၼ်ႈၼႃႈတၢင်းၸၢၼ်းသၢဝ်းၼိုင်ႈဢေႃႈ။
၁၉ တီႈပႅၼ်ႈသၢဝ်းၼိုင်ႈၼၼ်ႉမႂ်းတၵ်းလႆႈႁဵတ်းတီႈသုပ်းတိၼ်ငိုၼ်းသီႇသိပ်း၊ၵႃႈတႂ်ႈပႅၼ်ႈယေႈၽႅၼ်ႇတီႈသုပ်းတိၼ်မၼ်းသွင်ဢၼ်ဢေႃႈ။မိူၼ်ၼင်ႇၼၼ်မႂ်းတၵ်းလႆႈႁဵတ်းပႅၼ်ႈဢၼ်တၵ်းၵင်ႈသုမ်ႉထဵင်ၸဝ်ႈပုၼ်ႈၼႃႈတၢင်းႁွင်ႇသၢဝ်းၼိုင်ႈ
၂၁ ဢိၵ်ႇတင်းတီႈသုပ်းတိၼ်ငိုၼ်းသီႇသိပ်းၵႃႈတႂ်ႈပႅၼ်ႈယေႈၽႅၼ်ႇတီႈသုပ်းတိၼ်မၼ်းသွင်ဢၼ်ဢေႃႈ။
၂၂ ပႅၼ်ႈဢၼ်တၵ်းၵင်ႈၽၢႆႇလင်သုမ်ႉထဵင်ၸဝ်ႈပုၼ်ႈၼႃႈတၢင်းတူၵ်းၸိုင်မႂ်းတၵ်းလႆႈႁဵတ်းႁူၵ်းၽႅၼ်ႇဢေႃႈ။
၂၃ ပႅၼ်ႈဢၼ်တၵ်းၵင်ႈပုၼ်ႈၸဵင်ႇၽၢႆႇတၢင်းလင်သုမ်ႉထဵင်ၸဝ်ႈၼၼ်ႉၵေႃႈမႂ်းတၵ်းလႆႈႁဵတ်းသွင်ၽႅၼ်ႇဢေႃႈ။
၂၄ တၵ်းလႆႈတူပ်ႉၸဵင်ႇၵၢမ်းၵၼ်ၸႃႉၸဵမ်ၵႃႈတီႈၽၢႆႇတႂ်ႈလႄႈပဵၼ်ဢၼ်လဵဝ်ၵၼ်ၶိုၼ်ႈၵႂႃႇၸွမ်းၸိူဝ်ႉၼင်ႇၼၼ်တေႃႇထိုင်ႁွတ်ႈပၢႆၸိၵ်းမၼ်းၵွပ်ႈလွင်ႈၶူၺ်ႇမၼ်းဢေႃႈ။ၼင်ႇၼၼ်လႄႈတၵ်းလႆႈႁဵတ်းသွင်ဢၼ်ဢေႃႈ။သွင်ဢၼ်ၼၼ်ႉတၵ်းလႆႈပဵၼ်ပုၼ်ႈၸဵင်ႇသွင်ဢၼ်ဢေႃႈ။သွင်ဢၼ်ၼၼ်ႉတၵ်းလႆႈပဵၼ်ပုၼ်ႈၸဵင်ႇသွင်ၸဵင်ႇဢေႃႈ။
၂၅ တၵ်းလႆႈမီးပႅတ်ႇၽႅၼ်ႇ၊တီႈသုပ်းတိၼ်ငိုၼ်းသိပ်းႁူၵ်းဢၼ်ယေႈၽႅၼ်ႇသွင်ဢၼ်ဢေႃႈ။
၂၆ မႂ်းတၵ်းလႆႈဢဝ်မႆႉဢၵႃႇသႁဵတ်းႁႃႈလႅမ်ႈပုၼ်ႈပႅၼ်ႈသုမ်ႉထဵင်ၸဝ်ႈၸိူဝ်းၼၼ်ႉၼႃႈၼိုင်ႈႁႃႈလႅမ်ႈပုၼ်ႈပႅၼ်ႈသုမ်ႉထဵင်ၸဝ်ႈၸိူဝ်းၼၼ်ႉၼႃႈၼိုင်ႈ၊
၂၇ ႁႃႈလႅမ်ႈပုၼ်ႈပႅၼ်ႈသုမ်ႉထဵင်ၸဝ်ႈဢၼ်မီးၽၢႆႆႇတၢင်းလင်မၼ်းၼႃႈဝၼ်းတူၵ်းၸိူဝ်းၼၼ်ႉဢေႃႈ။
၂၈ မႆႉသေႇၶိုင်ႈၵၢင်ဢၼ်မီးသိုဝ်ႈၶိုင်ႈၵၢင်ပႅၼ်ႈၸိူဝ်းၼၼ်ႉတၵ်းလႆႈသွတ်ႇၸႃႉၸဵမ်ၸဵင်ႇၼိုင်ႈတေႃႇထိုင်ႁွတ်ႈၸဵင်ႈၼိုင်ႈဢေႃႈ။
၂၉ မႂ်းတၵ်းလႆႈဢဝ်ၶမ်းဢုမ်ႇႁေႃႇပႅၼ်ႈၸိူဝ်းၼၼ်ႉဢေႃႈ။ၶူၺ်ႇၶမ်းပုၼ်ႈတီႈဢၼ်သတေၵ်းသွတ်ႇၼၼ်ႉၵေႃႈမႂ်းတၵ်းလႆႈႁဵတ်းလႄႈဢဝ်ၶမ်းဢုမ်ႇႁေႃႇသေဢေႃႈ။
၃၀ မႂ်းတၵ်းလႆႈတႄႇႁဵတ်းသုမ်ႉထဵင်ၸဝ်ႈၸွမ်းၵႃႈၼင်ႇပုင်ႇႁၢင်ႊဢၼ်ၼႄပျႃးတီႈမႂ်းၵႃႈၼိူဝ်လွႆၼၼ်ႉဢေႃႈ။
၃၁ ၼႄးၼိုင်ႈၸမ်းမႂ်းတၵ်းလႆႈဢဝ်ၶူဝ်းဢၼ်သွမ်ႇ၊ၶူဝ်းဢၼ်ၵမ်ႇ၊ၶူဝ်းဢၼ်လႅင်ႊဢိၵ်ႇတင်းပိၵ်ႈၶျေႃးႁဵတ်းၽႃႈၵင်ႈလႄႈႁၢင်ႈၶိူင်ႈသႂ်ႇပုင်ႇႁၢင်ႊၶေႇရူႉၽိမ်ႇဢေႃႈ။
၃၂ မႂ်းတၵ်းလႆႈဢဝ်မၼ်းႁွႆႈဝႆႉၵႃႈၼိူဝ်သဝ်ဢၵႃႇသဢၼ်တဵၵ်းၶမ်းသီႇလႅမ်ႈဢေႃႈ။တဵမ်တီႈသဝ်ၸိူဝ်းၼၼ်ႉတၵ်းလႆႈပဵၼ်ၶမ်းလႄႈတင်ႈၸုၵ်းယူႇၵႃႈၼိူဝ်တီႈသုပ်းတိၼ်ငိုၼ်းသီႇဢၼ်ဢေႃႈ။
၃၃ မႂ်းတၵ်းလႆႈဢဝ်ၽႃႈၵင်ႈၼၼ်ႉႁွႆႈဝႆႉၵႃႈတႂ်ႈၶေႃၶမ်းၸိူဝ်းၼၼ်ႉလႄႈဢဝ်တိူၵ်ႈဢၼ်ဝႆႉၶိူင်ႈဢၼ်ၶၢမ်ႇသၢၵ်ႈသေႇၼၼ်ႉသႂ်ႇဝႆႉၵႃႈတီႈၽၢႆႇတၢင်းၼႂ်းၽႃႈၵင်ႈသေယဝ်ႉၽႃႈၵင်ႈၼၼ်ႉတၵ်းလႆႈပဵၼ်ဢၼ်ၶႅၼ်ႇဢၼ်ၶၼ်ႈၼႂ်းၵႄႈဝူင်ႈၵၢင်ထႃႇၼႃႉတီႈမူတ်းၸၢင်ႇတင်းထႃႇၼႃႉတီႈမူတ်းၸၢင်ႇသပေိူၼ်ႈသွင်ပႃးၼၼ်ႉဢေႃႈ။
၃၄ မႂ်းတၵ်းလႆႈဢဝ်ပလၢင်ႇတီႈၽေႇဢပျႅတ်ႈတၢင်ႇဝႆႉၵႃႈၼိူဝ်တိူၵ်ႈဢၼ်ဝႆႉၶိူင်ႈဢၼ်ၶၢမ်ႇသၢၵ်ႈသေႇၼၼ်ႉၵႃႈၼႂ်းထႃႇၼႃႉတီႈမူတ်းၸၢင်ႇသပေိူၼ်ႈၼၼ်ႉဢေႃႈ။
၃၅ မႂ်းတၵ်းလႆႈဢဝ်ၶူင်ႇတီႈၵိၼ်ဝႆႉၵႃႈတီႈၽၢႆႇၼွၵ်ႈၽႃႈၵင်ႈၼၼ်ႉလႄႈဢဝ်ၶူင်ႇတီႈတႆႈၽႆးႁိမ်းၼႃႈတၢင်းၸၢၼ်းသုမ်ႉထဵင်ၸဝ်ႈတင်းၶူင်ႇတီႈၵိၼ်ႁိမ်းၼႃႈတၢင်းႁွင်ႇၼၼ်ႉႁႂ်ႈတေႃႇၵၼ်ဢေႃႈ။
၃၆ မႂ်းတၵ်းလႆႈဢဝ်ၶူဝ်းဢၼ်သွမ်ႇ၊ၶူဝ်းဢၼ်ၵမ်ႇ၊ၶူဝ်းဢၼ်လႅင်ႊဢိၵ်ႇတင်းပိၵ်ႈၶျေႃးဢၼ်တမ်ႇၵၢမ်းႁၢင်ႈၶိူင်ႈတေႃးႁဵတ်းၼၼ်ႉႁဵတ်းၽႃႈၵင်ႈဢၼ်တၵ်းၵင်ႈၵႃႈတီႈၽၵ်းတူသူမွ်ထဵင်ၸဝ်ႈၼၼ်ႉဢေႃႈ။
၃၇ တႅမ်တီႈသဝ်ၸိူဝ်းၼၼ်ႉတၵ်းလႆႈပဵၼ်ၶမ်းဢေႃႈ။တီႈသုပ်းတိၼ်ႁႃႈဢၼ်ၵေႃႈမႂ်းတၵ်းလႆႈဢဝ်တွင်းလိူင်လေႃႇႁဵတ်းဢေႃႈ။