Chapter
၃၄
ၶႅပ်းမၢၵ်ႇႁိၼ်ဢၼ်မႂ်ႇ
၁ ၵမ်းၼၼ်ႉထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊-ထၢၵ်ႇႁဵတ်းၶႅပ်းမၢၵ်ႇႁိၼ်သွင်ၽႅၼ်ႇႁႂ်ႈမိူၼ်ၸိူဝ်ႉၼင်ႇၶႅပ်းမၢၵ်ႇႁိၼ်ဢၼ်ဢွၼ်တၢင်းသွင်ၽႅၼ်ႇၼၼ်ႉတႃႉ။ၵဝ်တၵ်းတႅမ်ႈၵႂၢမ်းဢၼ်ပႃးၵႃႈတီႈၶႅပ်းမၢၵ်ႇႁိၼ်ဢွၼ်တၢင်းဢၼ်မႂ်းဢဝ်တႅၵ်ႇပႅတ်ႈၸိူဝ်းၼၼ်ႉသႂ်ႇဝႆႉၵႃႈၼိူဝ်မၢၵ်ႇႁိၼ်ၽႅပ်ႈၵမ်းလိုၼ်းၼၼ်ႉဢေႃႈ။
၂ မိူဝ်ႈၽုၵ်ႈၶိင်ႇၵၢင်ၼႂ်မႂ်းမႄးႁႅၼ်းဝႆႉလႄႈၶိင်ႇၵၢင်ၼႂ်ၼၼ်ႉမႂ်းၶိုၼ်ႈၵႃႈၼိူဝ်လွႆသိၼႃႇလႄႈၼႄပျႃးတူဝ်ၸဝ်ႈၵဝ်ႇၵႃႈတီႈၽၢႆႇၼႃႈၵဝ်ၵႃႈတီႈပၢႆၸိၵ်းလွႆၼၼ်ႉတႃႉ။ၽူႈလႂ်ဢမ်ႇလႆႈၶိုၼ်ႈလူၺ်ႈၵၼ်တင်းမႂ်း။ယႃႇပေႁႂ်ႈလႆႈႁၼ်တူဝ်ၵူၼ်းၵႃႈၼိူဝ်လွႆၼႆႉသတေီႈသလေႅၼ်။ယႃႇပေႁႂ်ႈၽုင်သူဝ်းၽုင်ဝူဝ်းလႄႇၵိၼ်ၵႃႈတီႈတိၼ်လွႆ၊ဝႃႈၼင်ႇၼႆဢေႃႈ။
၄ ထၢၵ်ႇႁဵတ်းၶႅပ်းမၢၵ်ႇႁိၼ်ၽႅပ်ႈသွင်ၽႅၼ်ႇဢၼ်မိူၼ်ၸိူဝ်ႉၼင်ႇၶႅပ်းမၢၵ်ႇႁိၼ်ဢွၼ်တၢင်းၼၼ်ႉသေယဝ်ႉမုဝ်းသေႇလုၵ်ႉၶိင်ႇၵၢင်ၼႂ်ၸဝ်ႉၸဝ်ႉလႄႈဢဝ်ယိပ်းၵမ်ဢဝ်ၶႅပ်းမၢၵ်ႇႁိၼ်သွင်ၽႅၼ်ႇၼၼ်ႉသေယဝ်ႉၶိုၼ်ႈၵႂႃႇၵႃႈၼိူဝ်လွႆသိၼႃႇၸွမ်းၵႃႈၼင်ႇဢၼ်ထႃႇဝရႃႉၽြႃးမီးဢမိင်ႉဝႆႉၼၼ်ႉဢေႃႈ။
၅ ထႃႇဝရႃႉၽြႃးယူႇၵႃႈၼႂ်းမွၵ်ႇၵုမ်ႈသေလႄႈလူင်းမႃးၸုၵ်းယူႇၵႃႈတီႈႁိမ်းမၼ်းၵႃႈတီႈၼၼ်ႉသေယဝ်ႉႁွင်ႉမွၵ်ႇႁွင်ႉလၢတ်ႈၼႃႇမႃႉၸိုဝ်သဵင်မၼ်းၸဝ်ႈဝႃႈ၊ထႃႇဝရႃႉၽြႃးယူႇဢေႃႈ။
၆ ထႃႇဝရႃႉၽြႃးၵၢႆၵႂႃႇၵႃႈတီႈၽၢႆႇၼႃႈမၼ်းလႄႈႁွင်ႉမွၵ်ႇႁွင်ႉလၢတ်ႈလႄႈဝႃႈ၊-ထႃႇဝရႃႉၽြႃးထႃႇဝရႃႉၽြႃး၊ၽြႃးပဵၼ်ၸဝ်ႈဢၼ်တဵမ်ဝႆႉတင်းမႅတ်ႈတႃႇၵရူႉၼႃႇဢိၵ်ႇတင်းတၢင်းဢၼ်ႁဵတ်းၵျေးၸူးဢၼ်ၸႂ်ယႂ်ႇၸႂ်ယၢဝ်းဢၼ်တဵမ်ဝႆႉတင်းတၢင်းဢၼ်ႁဵတ်းၵျေးၸူးဢိၵ်ႇတင်း
၇ တၢင်းဢၼ်ပႂ်ႉသႅတ်ႈၸႃႇဢၼ်ပႂ်ႉၵျေးၸူးတြႃးတၢင်းဢၼ်ဢိတ်းလူတီႈၵူၼ်းပဵၼ်မိုၼ်ႇပဵၼ်သႅၼ်ဢၼ်ပွႆႇလွတ်ႈတၢင်းဢၼ်ၵမ်ၵျၢင်ႉဢႃႉထမ်ႇမႃႉတၢင်းဢၼ်ပူၼ်ႉလိူဝ်တြႃးၸဝ်ႈဢိၵ်ႇတင်းဢပျႅတ်ႈလႄႈဢမ်ႇပွႆႇဢမ်ႇလွတ်ႈလၢႆလၢႆလွၵ်ႇလွၵ်ႇၸီႇယၢင်ႇတႅၼ်းပၼ်ဢပျႅတ်ႈပေႃႈတီႈလုၵ်ႈလၢင်းတင်းလၢႆတေႃႇထိုင်ႁွတ်ႈၸူဝ်ႈလုၵ်ႈပၢၼ်လၢၼ်သိုပ်ႇတတိယ၊သိုပ်ႇၸတုၵ်ႉထၼၼ်ႉဢေႃႈ၊ဝႃႈၼင်ႇၼႆဢေႃႈ။
၈ မုဝ်းသေႇၵေႃႈႁိပ်ႈၼႅတ်ႈၶုပ်ႉမူပ်ႇၵႃႈၼိူဝ်လိၼ်လႄႈၵူဝ်းၵႂၢႆႇယူႇသေလႄႈလဝ်ႈလၢတ်ႈလႄႈဝႃႈ၊-
၉ ဢူဝ်းၸဝ်ႈၽြႃးတီႈၶႃႈ၊ပေႃးၶႃႈၸဝ်ႈလႆႈထူပ်းၵျေးၸူးသိုဝ်ႈၼႃႈတႂ်ႈတႃႇၸဝ်ႈႁဝ်းတေႃႈလဵဝ်ၼႆႉၸိုင်ၸဝ်ႈၽြႃးၶႅၼ်းတေႃႈၵႂႃႇၸွမ်းၵႃႈၼႂ်းၶိုင်ႈၵၢင်ၶႃႈၸဝ်ႈႁဝ်းၶဝ်သေၵမ်းတီႈၶႃႈ။ၶႃႈၸဝ်ႈတွင်းပၢၼ်ႇတီႈၶႃႈဢေႃႈ။ပဵၵ်ႉသမ်ႉၵူၼ်းမဵဝ်းၼႆႉပဵၼ်မဵဝ်းဢၼ်လမ်းၶေႃးၵႅၼ်ႇၶႅင်သေၵေႃႈပွႆႇတူႉၸရိူၵ်ႈဢပျႅတ်ႈၶႃႈၸဝ်ႈႁဝ်းၶဝ်လွတ်ႈလႄႈသမ်ႉဢဝ်ၶႃႈၸဝ်ႈႁဝ်းၶဝ်ႁႂ်ႈပဵၼ်ဢမူၺ်ႇဢုၵ်ႉၸႃႇၸဝ်ႈႁဝ်းသေၵမ်းတီႈၶႃႈ၊ဝႃႈၼင်ႇၼႆသေယဝ်ႉမၼ်းၸဝ်ႈၵေႃႈလၢတ်ႈလႄႈဝႃႈ၊-
၁၀ တူၺ်းလူႊ၊ၵဝ်ႁဵတ်းပတိၺိၼ်ႇဢေႃႈ။ၵဝ်တၵ်းႁဵတ်းလွင်ႈတၢင်းဢၼ်လီဢၢမ်းတင်းလၢႆဢၼ်ဢမ်ႇတွၼ်ႉႁဵတ်းၵႃႈၼႂ်းမဵဝ်းၵူၼ်းၵႃႈၼိူဝ်လိၼ်မိူင်းၼႆႉသေပွၵ်ႈၼၼ်ႉၵႃႈတီႈၽၢႆႇၼႃႈၵူၼ်းမဵဝ်းမႂ်းတင်းသဵင်ႈတင်းလူင်ဢေႃႈ။ၵူၼ်းတင်းသဵင်ႈတင်းလူင်ဢၼ်မီးယူႇလူၺ်ႈၵၼ်တင်းမႂ်းၸိူဝ်းၼၼ်ႉတၵ်းလႆႈႁၼ်လွင်ႈတၢင်းဢၼ်ထႃႇဝရႃႉၽြႃးတၵ်းႁဵတ်းၼၼ်ႉဢေႃႈ။လွင်ႈမၼ်းၸမ်း၊လွင်ႈတၢင်းဢၼ်ၵဝ်တၵ်းႁဵတ်းပုၼ်ႈသူၼၼ်ႉပဵၼ်လွင်ႈတၢင်းဢၼ်လီၵူဝ်လီႁႄဢေႃႈ။
၁၁ မၢတ်ႈတွင်းၵႂၢမ်းဢၼ်ၵဝ်သင်ႇလၢတ်ႈဝႆႉဝၼ်းမိူဝ်ႈၼႆႉၼၼ်ႉတႃႉ။ၵဝ်တၵ်းႁေႃႈၵူၼ်းဢႃႇမေႃးရိ၊ၵူၼ်းၶႃႇၼၼိ၊ၵူၼ်းႁိတ်ႉတိ၊ၵူၼ်းၽေႇရၸိ၊ၵူၼ်းႁိဝိ၊ၵူၼ်းယေႇပုသိၸိူဝ်းၼၼ်ႉဢွၵ်ႇသေၵႃႈတီႈၽၢႆႇၼႃႈမႂ်းဢေႃႈ။
၁၂ လွင်ႈၼင်ႇႁိုဝ်သူတၵ်းဢမ်ႇႁဵတ်းမိၵ်ႈသႁႃႇယႃႉတၢင်းဢၼ်ထုၵ်ႇၵၼ်တင်းၵူၼ်းဝၢၼ်ႈၵူၼ်းမိူင်းတီႈဢၼ်မႂ်းၵႂႃႇၼၼ်ႉလႄႈႁႂ်ႈပဵၼ်လွင်ႈဢၼ်တၵ်းၶီႇလိုတ်းမႅၼ်ႈလႄႈလူမ်ႉၵႃႈတီႈမႂ်းၸိုင်တူဝ်မႂ်းႁဵတ်းသတိတီႈတူဝ်မႂ်းတႃႉ။
၁၃ သူတၵ်းလႆႈယႃႉၽဵဝ်ႈယိၸ်ႉပလၢင်ႇၶဝ်ၸိူဝ်းၼၼ်ႉပႅတ်ႈဢေႃႈ။ရုၵ်ႉထူႉသၢင်းထူႉၶဝ်ၸိူဝ်းၼၼ်ႉၵေႃႈသူတၵ်းလႆႈဢဝ်ႁၵ်းႁိၵ်းတႅၵ်ႇလႅဝ်ပႅတ်ႈဢေႃႈ။တူၼ်ႈဢႃႇသရၶဝ်ၸိူဝ်းၼၼ်ႉၵေႃႈတၵ်းလႆႈၽၼ်းလူမ်ႉပႅတ်ႈဢေႃႈ။
၁၄ မႂ်းဢမ်ႇလႆႈၵူဝ်းၵႂၢႆႇၽြႃးတၢင်ႇသူႇတၢင်ႇပႃး။ထႃႇဝရႃႉၽြႃးလႆႈၸိုဝ်လႆႈသဵင်ဝႃႈႁၵ်ႉၶႅၼ်ဝႃႈၼင်ႇၼႆၼၼ်ႉပဵၼ်ၽြႃးပဵၼ်ၸဝ်ႈဢၼ်ႁၵ်ႉၶႅၼ်ဢေႃႈ။
၁၅ ၵူဝ်မႂ်းတၵ်းႁဵတ်းမိၵ်ႉသႁႃႇယႃႉတၢင်းဢၼ်ထုၵ်ႇၵၼ်လူၺ်ႈတင်းၵူၼ်းဝၢၼ်ႈၵူၼ်းမိူင်းၼၼ်ႉလႄႈမိူဝ်ႈဢၼ်ၶဝ်ႁဵတ်းတၢင်းဢၼ်ၽိတ်းပိူင်ႈလူၺ်ႈၵၼ်တင်းၽြႃးၶဝ်လႄႈပုၵ်ႉၸေႃႇယိၸ်ႉတီႈၽြႃးၶဝ်ၸိူဝ်းၼၼ်ႉၸိုင်ၶဝ်တၵ်းႁွင်ႉဢဝ်မႂ်းလႄႈၵူဝ်မႂ်းၵေႃႈတၵ်းၵိၼ်တူဝ်ယိၸ်ႉၼၼ်ႉဢေႃႈ။
၁၆ ဢိၵ်ႇတင်းၵူဝ်မႂ်းဢဝ်လုၵ်ႈယိင်းၶဝ်ပၼ်တီႈလုၵ်ႈၸၢႆးမႂ်းလႄႈလုၵ်ႈယိင်းၸိူဝ်းၼၼ်ႉတၵ်းႁဵတ်းတၢင်းဢၼ်ၽိတ်းပိူင်ႈလူၺ်ႈၵၼ်တင်းၽြႃးၶဝ်ၼၼ်ႉလႄႈႁႂ်ႈလုၵ်ႈၸၢႆးမႂ်းတင်းလၢႆလႆႈၽိတ်းပိူင်ႈလူၺ်ႈၵၼ်တင်းၽြႃးၸိူဝ်းၼၼ်ႉဢေႃႈ။
၁၇ ဢမ်ႇလႆႈသွၼ်းလေႃႇႁဵတ်းၽြႃးပုၼ်ႈမႂ်း။မႂ်းတၵ်းလႆႈၶၢမ်ႇပွႆးၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈၼၼ်ႉဢေႃႈ။
၁၈ ၸဵတ်းဝၼ်းတဵမ်တဵမ်မႂ်းတၵ်းလႆႈၵိၼ်ၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈၸွမ်းၵႃႈၼင်ႇဢၼ်ၵဝ်ပိင်းၺၢပ်ႈဝႆႉယဝ်ႉၼၼ်ႉၵႃႈတီႈၶိင်ႇဢၼ်ၵဝ်ၶၢၼ်းဝႆႉၼၼ်ႉၼႂ်းလိူၼ်ဢပိပၼၼ်ႉဢေႃႈ။လွင်ႈမၼ်းၸမ်းၼႂ်းလိူၼ်ဢပိပၼၼ်ႉမႂ်းဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးဢေႃႈ။
၁၉ လုၵ်ႈၸၢႆးတူၼ်ႈတင်းသဵင်ႈတင်းလူင်ပဵၼ်ဢုၵ်ႉၸႃႇၵဝ်ဢေႃႈ။ၼႂ်းတရိၵ်ႈသၢၼ်ႇမႂ်းတင်းလၢႆ၊ဝူဝ်းသေဢမ်ႇဝႃႈသူဝ်းသေဢမ်ႇဝႃႈၵႃႈဢၼ်ပဵၼ်လုၵ်ႈၸၢႆးတူၼ်ႈတင်းသဵင်ႈတင်းလူင်ၼၼ်ႉၵေႃႈပဵၼ်ဢုၵ်ႉၸႃႇၵဝ်ဢေႃႈ။
၂၀ ၼႂ်းဝႃႈၼၼ်သေၵေႃႈလုၵ်ႈၸၢႆးတူၼ်ႈမႃႉလီႈၸိုင်မႂ်းတၵ်းလႆႈဢဝ်သူဝ်းဢွၼ်ႇထုတ်ႇဢဝ်ဢေႃႈ။ပေႃးမႂ်းဢမ်ႇၶႂ်ႈထုတ်ႇဢဝ်ၸိုင်တၵ်းလႆႈႁၵ်းၶေႃးမႃႉလီႈဢွၼ်ႇၼၼ်ႉပႅတ်ႈဢေႃႈ။ၵႃႈဢၼ်ပဵၼ်လုၵ်ႈၸၢႆးတူၼ်ႈမႂ်းတင်းသဵင်ႈတင်းလူင်ၸမ်းမႂ်းတၵ်းလႆႈထုတ်ႇဢဝ်ဢေႃႈ။ၽူႈလႂ်ၵေႃႈဢမ်ႇလႆႈမႃးၸူးၵႃႈတီႈၵဝ်တိၼ်လၢႆမိုဝ်းပဝ်ႇ။
၂၁ ႁူၵ်းဝၼ်းတဵမ်တဵမ်မႂ်းတၵ်းလႆႈႁဵတ်းတၢင်းႁဵတ်းဢေႃႈ။ဝၼ်းသတ်ႉတမၼၼ်ႉၸမ်းမႂ်းတၵ်းလႆႈယူႇၼိမ်ၼိမ်ဢေႃႈ။ပဵၼ်ၶိင်ႇၵႃႇလႃႉဢၼ်ႁဵတ်းႁႆႊႁဵတ်းၼႃးသေဢမ်ႇဝႃႈ၊ပဵၼ်ၶိင်ႇၵႃႇလႃႉဢၼ်သိမ်းဢဝ်မၢၵ်ႇဢဝ်ႁူင်းသေဢမ်ႇဝႃႈမႂ်းတၵ်းလႆႈယူႇၼိမ်ၼိမ်ဢေႃႈ။
၂၂ မႂ်းတၵ်းလႆႈၶၢမ်ႇပွႆးၸဵတ်းသတၢင်းဢၼ်ဝႃႈၶိင်ႇၵႃႇလႃႉဢၼ်သိမ်းဢဝ်ၶဝ်ႈၵျုင်ႇဢၼ်ပဵၼ်မၢၵ်ႇပဵၼ်ႁူင်းဢွၼ်တၢင်းၼၼ်ႉဢိၵ်ႇတင်းပွႆးဢၼ်သိမ်းဢဝ်မၢၵ်ႇဢဝ်ႁူင်းဝႆႉမိူဝ်ႈဢၼ်ပီႊပုတ်ႈပီႊလၢႆၼၼ်ႉဢေႃႈ။
၂၃ ၼႂ်းမႂ်းၵႃႈပဵၼ်ၽူႈၸၢႆးတင်းသဵင်ႈတင်းလူင်တၵ်းလႆႈဢွၼ်ၵၼ်ၼႄပျႃးၼႃႈတူဝ်ၸဝ်ႈၵဝ်ႇၵႃႈတီႈၽၢႆႇၼႃႈၽြႃးပဵၼ်ၸဝ်ႈဢၼ်ဝႃႈၽြႃးပဵၼ်ၸဝ်ႈၵူၼ်းမဵဝ်းဢိသရေႇလတင်းလၢႆၼၼ်ႉယေႈပီႊသၢမ်ပွၵ်ႈဢေႃႈ။
၂၄ ၵဝ်တၵ်းႁေႃႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢွၵ်ႇသေၵႃႈတီႈၽၢႆႇၼႃႈမႂ်းလႄႈႁႂ်ႈတီႈဢၼ်မႂ်းယူႇၼၼ်ႉယႂ်ႇလီၵႂၢင်ႈလီဢေႃႈ။မိူဝ်ႈဢၼ်မႂ်းၵႂႃႇၼႄပျႃးၼႃႈမႂ်းၵႃႈတီႈၽၢႆႇၼႃႈထႃႇဝရႃႉၽြႃး၊ၽြႃးပဵၼ်ၸဝ်ႈမႂ်းယေႈပီႊသၢမ်ပွၵ်ႈၼၼ်ႉၸိုင်ၽူႈလႂ်ၵေႃႈဢမ်ႇလႆႈၸႂ်ၸပ်းၸႂ်ၸွႆးၵႂၢၵ်ႉလိၼ်မႂ်း။
၂၅ မႂ်းဢမ်ႇလႆႈဢဝ်လိူတ်ႈတူဝ်ယိၸ်ႉၵဝ်လေႃးၵၼ်တင်းၸိူဝ်ႉပႅင်ႈလႄႈပုၵ်ႉၸေႃႇတူဝ်ယိၸ်ႉ။ပွႆးပႃႇသၶႃႇၵေႃႈဢမ်ႇလႆႈဝႆႉၵိုတ်းတေႃႇထိုင်ႁွတ်ႈၶိင်ႇၵၢင်ၼႂ်။
၂၆ မႂ်းတၵ်းလႆႈဢဝ်ဢၼ်ဢွၼ်တၢင်းသုတ်းပိူၼ်ႈၵႃႈၼႂ်းမၢၵ်ႇၼႂ်းႁူင်းဢၼ်မၢၵ်ႇဢွၼ်တၢင်းၵႃႈတီႈလိၼ်မႂ်းၼၼ်ႉမႃးသႂၢင်းၵႃႈၼႂ်းႁိူၼ်းထႃႇဝရႃႉၽြႃးၽြႃးပဵၼ်ၸဝ်ႈမႂ်းဢေႃႈ။မႂ်းဢမ်ႇလႆႈဢဝ်ပေႉဢွၼ်ႇတူမ်ႈႁုင်ၼႂ်းၼမ်ႉၼူမ်းမေႈမၼ်း၊ဝႃႈၼင်ႇၼႆဢေႃႈ။
၂၇ ထႃႇဝရႃႉၽြႃးသမ်ႉလၢတ်ႈတီႈမုဝ်းသေႇထႅင်ႈလႄႈဝႃႈ၊-တႅမ်ႈၵႂၢမ်းၸိူဝ်းၼႆႉဝႆႉတႃႉ။ၵဝ်ႁဵတ်းပတိၺိၼ်ႇလူၺ်ႈၵၼ်တင်းမႂ်းဢိၵ်ႇတင်းၵူၼ်းမဵဝ်းဢိသရေႇလတင်းလၢႆၸွမ်းၵႃႈၼင်ႇၵႂၢမ်းၸိူဝ်းၼႆႉၼၼ်ႉဢေႃႈ၊ဝႃႈၼင်ႇၼႆဢေႃႈ။
၂၈ မၼ်းၼၼ်ႉယင်းဢမ်ႇၵိၼ်တၢင်းၵိၼ်တၢင်းၶူပ်းယင်းဢမ်ႇၵိၼ်ၼမ်ႉလႄႈယူႇၵႃႈတီႈၼၼ်ႉလူၺ်ႈၵၼ်တင်းထႃႇဝရႃႉၽြႃးသီႇသိပ်းဝၼ်းတဵမ်တဵမ်ဢေႃႈ။မၼ်းၸဝ်ႈတႅမ်ႈၵႂၢမ်းပတိၺိၼ်ႇဢၼ်ဝႃႈပိင်းၺၢပ်ႈသိပ်းပိူင်ၼၼ်ႉၵႃႈၼိူဝ်ၶႅပ်းမၢၵ်ႇႁိၼ်ၸိူဝ်းၼၼ်ႉဢေႃႈ။
ၼႃႈမုဝ်းသေႇဢၼ်ႁိူဝ်ႁိူင်း
၂၉ မိူဝ်ႈဢၼ်မုဝ်းသေႇယိပ်းၵမ်ဢဝ်ၶႅပ်းမၢၵ်ႇႁိၼ်ၶိူင်ႈဢၼ်ၶၢမ်ႇသၢၵ်ႈသေႇသွင်ၽႅၼ်ႇၼၼ်ႉလႄႈလုၵ်ႉသေၵႃႈၼိူဝ်လွႆသိၼႃႇလူင်းမႃးၼၼ်ႉၸိုင်မုဝ်းသေႇဢမ်ႇႁူႉလွင်ႈဢၼ်ၽိဝ်ၼိူဝ်ႉၽိဝ်ၼင်ၼႃႈမၼ်းႁိူဝ်ႁိူင်းပိူင်းသႂ်ႇၵွပ်ႈပိူဝ်ႈဢၼ်မၼ်းလႆႈလၢတ်ႈတေႃႇၽြႃးပဵၼ်ၸဝ်ႈၼၼ်ႉ။
၃၀ မိူဝ်ႈဢၼ်ဢႃႇရုၼ်ႇဢိၵ်ႇတင်းၵူၼ်းမဵဝ်းဢိသရေႇလတင်းလၢႆႁၼ်မုဝ်းသေႇၼၼ်ႉၸိုင်ၵွပ်ႈပိူဝ်ႈဢၼ်ၽိဝ်ၼိူဝ်ႉၽိဝ်ၼင်ၼႃႈမၼ်းႁိူဝ်ႁိူင်းပိူင်းသႂ်ႇဝႆႉၼၼ်ႉလႄႈၶဝ်ဢမ်ႇႁတ်းသုတ်ႉၸပ်းသုတ်ႉၸူးၵႃႈတီႈမၼ်း။
၃၁ မုဝ်းသေႇႁွင်ႉဢဝ်ၶဝ်လႄႈဢႃႇရုၼ်ႇတင်းၵူၼ်းယႂ်ႇၵူၼ်းလူင်ပရိၵ်ႈသၢတ်ႈတင်းလၢႆသုတ်ႉၸပ်းသုတ်ႉၸူးတီႈမၼ်းသေယဝ်ႉမုဝ်းသေႇလၢတ်ႈတေႃႇၶဝ်ဢေႃႈ။
၃၂ လိုၼ်းၼၼ်ႉၵူၼ်းမဵဝ်းဢိသရေႇလတင်းသဵင်ႈတင်းလူင်သုတ်ႉၸပ်းသုတ်ႉၸူးလႄႈမၼ်းမွၵ်ႇလၢတ်ႈတီႈၶဝ်ၵႃႈဢၼ်ထႃႇဝရႃႉၽြႃးမီးဢမိင်ႉဝႆႉၵႃႈၼိူဝ်လွႆသိၼႃႇၼၼ်ႉဢေႃႈ။
၃၃ မုဝ်းသေႇၼၼ်ႉၸူဝ်ႈဢၼ်မၼ်းယင်းတိုၵ်ႉႁေႃးလၢတ်ႈတီႈၶဝ်ယူႇၼၼ်ႉၸိုင်မၼ်းဢဝ်ၶိူင်ႈဢၼ်ႁူမ်ႇၼႃႈၼၼ်ႉႁူမ်ႇၼႃႈမၼ်းဝႆႉဢေႃႈ။
၃၄ မိူဝ်ႈဢၼ်မုဝ်းသေႇၶဝ်ႈၸူးၵႃႈတီႈၽၢႆႇၼႃႈထႃႇဝရႃႉၽြႃးႁႂ်ႈလႆႈလဝ်ႈလၢတ်ႈတီႈမၼ်းၸဝ်ႈၼၼ်ႉၸိုင်မၼ်းထွတ်ႇၶိူင်ႈဢၼ်ႁူမ်ႇၼႃႈၼၼ်ႉတေႃႇထိုင်ႁွတ်ႈမိူဝ်ႈဢၼ်မၼ်းၶိုၼ်းဢွၵ်ႇမႃးၼၼ်ႉဢေႃႈ။မၼ်းသမ်ႉဢွၵ်ႇမႃးလႄႈမွၵ်ႇလၢတ်ႈလွင်ႈတၢင်းဢၼ်မၼ်းလႆႈၶၢမ်ႇဢဝ်ဢမိင်ႉၸဝ်ႈၼၼ်ႉတီႈၵူၼ်းမဵဝ်းဢိသရေႇလတင်းလၢႆဢေႃႈ။
၃၅ မိူဝ်ႈဢၼ်ၵူၼ်းမဵဝ်းဢိသရေႇလၸိူဝ်းၼၼ်ႉႁၼ်ၼႃႈမုဝ်းသေႇၽိဝ်ၼိူဝ်ႉၽိဝ်ၼင်ၼႃႈမၼ်းႁိူဝ်ႁိူင်းပိူင်းသႂ်ႇဝႆႉၼၼ်ႉၸိုင်မုဝ်းသေႇသမ်ႉဢဝ်ၶိူင်ႈဢၼ်ႁူမ်ႇၼႃႈၼၼ်ႉႁူမ်ႇၼႃႈမၼ်းဝႆႉတေႃႇထိုင်ႁွတ်ႈမိူဝ်ႈဢၼ်မၼ်းသမ်ႉၶိုၼ်းၶဝ်ႈၵႃႈၼႂ်းသုမ်ႉထဵင်ၸဝ်ႈႁႂ်ႈလႆႈလၢတ်ႈတေႃႇမၼ်းၸဝ်ႈၼၼ်ႉဢေႃႈ။