Chapter
၃၇
တိူၵ်ႈၶမ်း
၁ ၵမ်းၼၼ်ႉပေႇၸလေႇလဢဝ်မႆႉဢၵႃႇသႁဵတ်းတိူၵ်ႈဢၼ်ၼႃႈယၢဝ်းမီးသွင်ႇသွၵ်ႇၶိုပ်ႈ၊ၼႃႈပွတ်းမီးသွၵ်ႇၶိုပ်ႈ၊ၼႃႈသုင်မီးသွၵ်ႇၶိုပ်ႈၼၼ်ႉဢေႃႈ။
၂ မၼ်းဢဝ်ၶမ်းလွတ်ႈငၢၼ်ႇဢုမ်ႇႁေႃႇၽၢႆႇတၢင်းၼွၵ်ႈမၼ်းၽၢႆႇတၢင်းၼႂ်းမၼ်းသေလႄႈႁဵတ်းၶိူင်ႈၶႅပ်းၶမ်းဢၼ်လဵပ်ႈႁွပ်ႈၵႃႈတီႈၼိူဝ်ႁိမ်းမၼ်းသေဢေႃႈ။
၃ မၼ်းလေႃႇႁဵတ်းၶူၺ်ႇၶမ်းသီႇၶူၺ်ႇပုၼ်ႈမၼ်းလႄႈသႂ်ႇဝႆႉၵႃႈတီႈသီႇၸဵင်ႇမၼ်းၼၼ်ႉၼႃႈၼိုင်ႈသွင်ၶူၺ်ႇ၊ၼႃႈၼိုင်ႈသွင်ၶူၺ်ႇဢေႃႈ။
၄ မၼ်းဢဝ်မႆႉဢၵႃႇသႁဵတ်းၵၢၼ်းႁၢပ်ႇလႄႈဢဝ်ၶမ်းဢုမ်ႇႁေႃႇသေယဝ်ႉဢဝ်ၵၢၼ်းႁၢပ်ႇၸိူဝ်းၼၼ်ႉသွတ်ႇသႂ်ႇၵႃႈၼႂ်းၶူၺ်ႇၶမ်း
၅ ဢၼ်မီးၵႃႈတီႈၼႃႈတိူၵ်ႈၸိူဝ်းၼၼ်ႉဝႆႉပုၼ်ႈဢၼ်တၵ်းႁၢပ်ႇတိူၵ်ႈၼၼ်ႉဢေႃႈ။
၆ မၼ်းဢဝ်ၶမ်းလွတ်ႈငၢၼ်ႇႁဵတ်းပလၢင်ႇတီႈၽေႇဢပျႅတ်ႈဢၼ်ၼႃႈယၢဝ်းမၼ်းမီးသွင်သွၵ်ႇၶိုပ်ႈရၼႃႈပွတ်းမၼ်းမီးသွၵ်ႇၶိုပ်ႈၼၼ်ႉဢေႃႈ။
၇ မၼ်းဢဝ်ၶမ်းႁဵတ်းၶေႇရူႉၽိမ်ႇသွင်ပႃးဢေႃႈ။မၼ်းတွင်ႈႁဵတ်းလႄႈဝႆႉၵႃႈၼိူဝ်ပလၢင်ႇတီႈၽေႇဢပျႅတ်ႈၵႃႈတီႈၼႃႈပွတ်းမၼ်းၼၼ်ႉယေႈၽၢႆႇယေႈပႃးဢေႃႈ။
၈ မၼ်းႁဵတ်းၶေႇရူႉၽိမ်ႇပႃႈၼိုင်ႈၵႃႈတီႈၼႃႈပွတ်းမၼ်းၽၢႆႇၼိုင်ႈဢိၵ်ႇတင်းၶေႇရူႉၽိမ်ႇပႃးၼိုင်ႈၵႃႈတီႈၼႃႈပွတ်းမၼ်းၽၢႆႇၼိုင်ႈဢေႃႈ။မၼ်းႁဵတ်းၵႃႈၼႂ်းတူဝ်ပလၢင်ႇတီႈၽေႇဢပျႅတ်ႈၼၼ်ႉဢွၵ်ႇပဵၼ်ၶေႇရူႉၽိမ်ႇသွင်ပႃးယေႈၽၢႆႇယေႈပႃးဢေႃႈ။
၉ ၶေႇရူႉၽိမ်ႇသွင်ပႃးၼၼ်ႉၵီႈပိၵ်ႇၶဝ်ၶိုၼ်ႈၼိူဝ်လႄႈဢဝ်ပိၵ်ႇၶဝ်မုင်းႁူမ်ႇပလၢင်ႇတီႈၽေႇဢပျႅတ်ႈၼၼ်ႉယူႇ၊ဝၢႆႇၼႃႈတေႃႇၵၼ်ယူႇသေလႄႈတူၺ်းပလၢင်ႇတီႈၽေႇဢပျႅတ်ႈၼၼ်ႉယူႇဢေႃႈ။
ၶူင်ႇတီႈၵိၼ်
၁၀ ၶဝ်ဢဝ်မႆႉဢၵႃႇသႁဵတ်းၶူင်ႇတီႈၵိၼ်ဢၼ်ၼႃႈယၢဝ်းမၼ်းမီးသွင်သွၵ်ႇၼႃႈပွတ်းမၼ်းသွၵ်ႇၼိုင်ႈဢၼ်သုင်မၼ်းသွၵ်ႇၶိုပ်ႈဢေႃႈ။
၁၁ ၶဝ်ဢဝ်ၶမ်းလွတ်ႈငၢၼ်ႇဢုမ်ႇႁေႃႇမၼ်းလႄႈႁဵတ်းၶိူင်ႈၶႅပ်းၶမ်းဢၼ်လဵပ်ႈႁွပ်ႈၵႃႈတီႈၼိူဝ်ႁိမ်းမၼ်းသေဢေႃႈ။
၁၂ ၶဝ်ႁဵတ်းၶႃႇပၢၼ်းဢၼ်ၼႃႈပွတ်းမၼ်းမီးၽႃႇမိုဝ်းၼိုင်ႈဢိၵ်ႇတင်းၶိူင်ႈၶႅပ်းၶမ်းဢၼ်လဵပ်ႈႁွပ်ႈၵႃႈတီႈၼိူဝ်ႁိမ်းမၼ်းၼၼ်ႉဢေႃႈ။
၁၃ ၶူၺ်ႇၶမ်းသီႇၶူၺ်ႇၵေႃႈၶဝ်လေႃႇႁဵတ်းလႄႈဢဝ်ၶူၺ်ႇၸိူဝ်းၼၼ်ႉသႂ်ႇဝႆႉၵႃႈတီႈသီႇၸဵင်ႇမၼ်းဢၼ်မီးၵႃႈၼိူဝ်တိၼ်မၼ်းသီႇၶွၼ်ၼၼ်ႉဢေႃႈ။
၁၄ ၶူၺ်ႇၶမ်းၸိူဝ်းၼၼ်ႉမီးၵႃႈတီႈႁိမ်းၶႃႇပၢၼ်းလႄႈပဵၼ်တီႈယူႇၵၢၼ်းႁၢပ်ႇဢၼ်တၵ်းႁၢပ်ႇၶူင်ႇတီႈၵိၼ်ၼၼ်ႉဢေႃႈ။
၁၅ ပုၼ်ႈဢၼ်တၵ်းလႆႈဢဝ်ႁၢပ်ႇၶူင်တီႈၵိၼ်ၼၼ်ႉၸိုင်ၶဝ်ဢဝ်မႆႉဢၵႃႇသႁဵတ်းၵၢၼ်းႁၢပ်ႇလႄႈဢဝ်ၶမ်းလွတ်ႈငၢၼ်ဢုမ်ႇႁေႃႇသေဢေႃႈ။
၁၆ ၶိူင်ႈဢၼ်မီးၵႃႈၼိူဝ်ၶူင်ႇတီႈၵိၼ်ဢၼ်ဝႃႈမေႃႈဢႅင်ႇလႂ်ၸေႃႉလႂ်ၵွၵ်းဢႅင်ႇပုၼ်ႈဢၼ်တၵ်းထွၵ်ႇတၵ်းႁိုဝ်ႈလႂ်ဢိၵ်ႇတင်းၵွၵ်းလႂ်ၸိူဝ်းၼၼ်ႉၵေႃႈၶဝ်ဢဝ်ၶမ်းလွတ်ႈငၢၼ်ႇႁဵတ်းဢေႃႈ။
တီႈတႆႈၽႆး
၁၇ ၶူင်ႇတီႈတႆႈၽႆးၵေႃႈၶဝ်ဢဝ်ၶမ်းလွတ်ႈငၢၼ်ႇႁဵတ်းဢေႃႈ။မၼ်းတွင်ႈႁဵတ်းၶူင်ႇတီႈတႆႈၽႆးၼၼ်ႉၸႃႉၸဵမ်တိၼ်မၼ်းတင်းသဝ်မၼ်းဢေႃႈ။ၵွၵ်းမၼ်းပူမ်မၼ်းတင်းမွၵ်ႇမူဝ်မၼ်းၸိူဝ်းၼၼ်ႉဢွၵ်ႇၵႃႈၼႂ်းတူဝ်မၼ်းပဵၼ်ၼိူဝ်ႉလဵဝ်ၵၼ်တင်းမၼ်းဢေႃႈ။
၁၈ ၵိင်ႇႁူၵ်းၵိင်ႇတႅၵ်ႇဢွၵ်ႇၵႃႈတီႈသွင်ၽၢၵ်ႇၶၢင်ႈမၼ်းၽၢႆႇၼိုင်ႈၵိင်ႇၶူင်ႇတီႈတႆႈၽႆးသၢမ်ၵိင်ႇၽၢႆႇၼိုင်ႈၵိင်ႇၶူင်ႇတီႈတႆႈၽႆးသၢမ်ၵိင်ႇဢေႃႈ။
၁၉ ၽၢႆႇၼိုင်ႈၵႃႈတီႈၵိင်ႇမၼ်းၵိင်ႇၼိုင်ႈမီးၵွၵ်းသၢမ်လုၵ်ႈဢၼ်မိူၼ်ၸိူဝ်ႉၼင်ႇမၢၵ်ႇပႃႇတမ်ႇၼၼ်ႉဢိၵ်ႇတင်းပူမ်မၼ်းတင်းမွၵ်ႇမူဝ်မၼ်းဢေႃႈ။ၼင်ႇၼၼ်လႄႈပဵၼ်တီႈၵိင်ႇႁူၵ်းၵိင်ႇဢၼ်တႅၵ်ႇဢွၵ်ႇၵႃႈတီႈၶူင်ႇတီႈတႆႈၽႆးၼၼ်ႉဢေႃႈ။
၂၀ ၵႃႈတီႈတူဝ်သဝ်ၶူင်ႇတီႈတႆႈၽႆးၼၼ်ႉၵေႃႈမီးၵွၵ်းသီႇလုၵ်ႈဢၼ်မိူၼ်ၸိူဝ်ႉၼင်ႇမၢၵ်ႇပႃႇတမ်ႇၼၼ်ႉဢိၵ်ႇတင်းပူမ်မၼ်းမွၵ်ႇမူဝ်မၼ်းၸိူဝ်းၼၼ်ႉဢေႃႈ။
၂၁ ပုၼ်ႈၵိင်ႇႁူၵ်းၵိင်ႇဢၼ်တႅၵ်ႇဢွၵ်ႇၵႃႈတီႈသဝ်ၶူင်ႇတီႈတႆႈၽႆးၼၼ်ႉမီးပူမ်ၵႃႈတႂ်ႈငၢမ်ႊသွင်ၵိင်ႇဢၼ်ဢွၵ်ႇၵႃႈၼႂ်းတူဝ်မၼ်းလႄႈပဵၼ်ၼိူဝ်ႉလဵဝ်ၵၼ်တင်းမၼ်းၼၼ်ႉပူမ်ၼိုင်ႈၵႃႈတႂ်ႈငၢမ်ႊသွင်ၵိင်ႇဢၼ်ဢွၵ်ႇၵႃႈၼႂ်းတူဝ်မၼ်းလႄႈပဵၼ်ၼိူဝ်ႉလဵဝ်ၵၼ်တင်းမၼ်းၼၼ်ႉပူမ်ၼိုင်ႈၵႃႈတႂ်ႈငၢမ်ႊသွင်ၵိင်ႇဢၼ်ဢွၵ်ႇၵႃႈၼႂ်းတူဝ်မၼ်းလႄႈပဵၼ်ၼိူဝ်ႉလဵဝ်ၵၼ်တင်းမၼ်းၼၼ်ႉပူမ်ၼိုင်ႈဢေႃႈ။
၂၂ ပူမ်မၼ်းဢိၵ်ႇတင်းၵိင်ႇမၼ်းတင်းလၢႆပဵၼ်ၼိူဝ်ႉလဵဝ်ၵၼ်တင်းမၼ်းလႄႈၶူင်ႇတီႈတႆႈၽႆးၼၼ်ႉတင်းသဵင်ႈတင်းမူတ်းဢဝ်ၶမ်းလွတ်ႈငၢၼ်ႇတွင်ႈႁဵတ်းဢေႃႈ။
၂၃ ၵွၵ်းတႆႈၽႆးၸဵတ်းဢၼ်ဢိၵ်ႇတင်းၵိမ်းၺၢပ်ႈၽႆးတင်းၵွၵ်းပုၼ်ႈဢၼ်တၵ်းၶၢမ်ႇဢဝ်ဢၼ်ၺၢပ်ႈၽႆးပႅၼ်ႈၼၼ်ႉၵေႃႈၶဝ်ဢဝ်ၶမ်းလွတ်ႈငၢၼ်ႇႁဵတ်းဢေႃႈ။
၂၄ ၶဝ်ဢဝ်ၶမ်းလွတ်ႈငၢၼ်ႇတလၢၼ်ႇတၢၼ်ႇၼိုင်ႈႁဵတ်းၶူင်ႇတီႈတႆႈၽႆးဢိၵ်ႇတင်းၶိူင်ႈမၼ်းၵႃႈမီးတင်းသဵင်ႈတင်းလူင်ဢေႃႈ။
ယိၸ်ႉပလၢင်ႇၼၢမ်ႇသႃႇတုတ်ႇၽႆး
၂၅ ၼႄးၼိုင်ႈၸမ်းၶဝ်ဢဝ်တင်းမႆႉဢၵႃႇသႁဵတ်းယိတ်ႉပလၢင်ႇတီႈဢၼ်တုတ်ႇၽႆးၼၢမ်ႇသႃႇဢေႃႈ။ယိၸ်ႉပလၢင်ႇၼၼ်ႉၼႃႈယၢဝ်းမၼ်းသွၵ်ႇၼိုင်ႈၼႃႈပွတ်းမၼ်းသွၵ်ႇၼိုင်ႈပဵၼ်သီႇၸဵင်ႇၶိုင်ႈလႄႈဢၼ်သုင်မၼ်းမီးသွင်သွၵ်ႇဢေႃႈ။
၂၆ ၶဝ်လႅမ်မၼ်းၵေႃႈပဵၼ်ၼိူဝ်ႉလဵဝ်ၵၼ်တင်းမၼ်းဢေႃႈ။ၶဝ်ဢဝ်ၶမ်းလွတ်ႈငၢၼ်ႇဢုမ်ႇႁေႃႇၼႃႈၼိူဝ်ႉမၼ်းတင်းၼႃႈႁိမ်းမၼ်းတင်းၶဝ်လႅမ်မၼ်းၸိူဝ်းၼၼ်ႉလႄႈႁဵတ်းၶိူင်ႈၶႅပ်းၶမ်းဢၼ်သႂ်ႇလဵပ်ႈႁွပ်ႈၵႃႈႁိမ်းၼိူဝ်မၼ်းသေဢေႃႈ။
၂၇ ၵႃႈတႂ်ႈၶိူင်ႈၶႅပ်းၶမ်းၵႃႈတီႈၸဵင်ႇယိၸ်ႉပလၢင်ႇသွင်ၼႃႈၼၼ်ႉမၼ်းႁဵတ်းၶူၺ်ႇၶမ်းသႂ်ႇယေႈၼႃႈသွင်ၶူၺ်ႇလႄႈပဵၼ်တီႈသွတ်ႇၵၢၼ်းပုၼ်ႈဢၼ်တၵ်းႁၢပ်ႇယိၸ်ႉပလၢင်ႇဢေႃႈ။
၂၈ ၵၢၼ်းၸိူဝ်းၼၼ်ႉၵေႃႈၶဝ်ဢဝ်မႆႉဢၵႃႇသႁဵတ်းလႄႈဢဝ်ၶမ်းလွတ်ႈငၢၼ်ႇဢုမ်ႇႁေႃႇသေဢေႃႈ။
၂၉ ၶဝ်ၽေႃႇႁဵတ်းၸိူဝ်ႉၼင်ႇဢၼ်မေႃယႃၶဝ်ၸၢင်ႊၽေႃႇႁဵတ်းယႃႈယႃၼၼ်ႉၼမ်ႉမၼ်းဢၼ်မူတ်းၸၢင်ႇပုၼ်ဢၼ်တၵ်းတႃးၼၼ်ႉဢိၵ်ႇတင်းၼၢမ်ႇၼၢမ်ႇသႃႇပုၼ်ႈဢၼ်တၵ်းတုတ်ႇၽႆးဢၼ်ဢဝ်တင်းမဵဝ်းၼၢမ်ႇသႃႇၽေႃႇႁဵတ်းၸွမ်းၼင်ႇပိင်ႇၺႃႇမေႃယႃဢၼ်ၸၢင်ႊၽေႃႇႁဵတ်းဢၼ်ႁွမ်ဢၼ်ႁူၺ်းၼၼ်ႉဢေႃႈ။