Chapter
၃၁
ပေႇၸလေႇလတင်းဢႁေႃႇလျႃႇၽ
၁ ၵမ်းၼၼ်ႉထႃႇဝရႃႉၽြႃးသမ်ႉမီးဢမိင်ႉတီႈမုဝ်းသေႇထႅင်ႈလႄႈဝႃႈၸမ်း၊-
၂ ထွမ်ႇလူႊ၊ၵဝ်ႁွင်ႉဢဝ်ပေႇၸလေႇလဢၼ်ပဵၼ်လုၵ်ႈၸၢႆးဢုရိဢၼ်ပဵၼ်လုၵ်ႈၸၢႆးႁုရ၊ၵႃႈၼႂ်းၸိူဝ်ႉၶိူဝ်းယုတၼၼ်ႉဝႆႉဢေႃႈ။
၃ ၵဝ်ႈႁႂ်ႈမၼ်းတဵမ်ဝႆႉတင်းဝိၺိၺ်ႇၽြႃးပဵၼ်ၸဝ်ႈၼႂ်းၺၢၼ်ႇၼႂ်းပိင်ႇၺႃႇၼႂ်းဢတၢတ်ႈတၢင်းဢၼ်ၸၢင်ႊဢၼ်မေႃၼႂ်းတၢင်းႁဵတ်းဢၼ်ၸၢင်ႊႁဵတ်းၵူႈၸိူဝ်ႉၵူႈပိူင်၊
၄ ႁႂ်ႈမၼ်းလႆႈမီးတၢင်းဢၼ်ၸၢင်ႊၵျၢမ်ႇၸၢင်ႊပွင်လွင်ႈတၢင်းဢၼ်လၢၵ်ႇလၢၵ်ႇလၢႆးလၢႆးၵူႈၸိူဝ်ႉၵူႈမဵဝ်းဢတၢတ်ႈဢၼ်ႁဵတ်းလူၺ်ႈၶမ်းႁဵတ်းလူၺ်ႈငိုၼ်းႁဵတ်းလူၺ်ႈတွင်းလိူင်
၅ ဢတၢတ်ႈဢၼ်သူၺ်းသႅင်လႄႈၸီႇဢတၢတ်ႈဢၼ်မေႃတွင်ႈမေႃႁဵတ်းတီႈမႆႉဢတၢတ်ႈဢၼ်ၸၢင်ႊႁဵတ်းလွင်ႈတၢင်းဢၼ်လၢၵ်ႇလၢၵ်ႇလၢႆးလၢႆးၵူႈၸိူဝ်ႉၵူႈပိူင်ၼၼ်ႉဢေႃႈ။
၆ ဢႁေႃႇလျႃႇၽ၊လုၵ်ႈၸၢႆးဢႁိသမၢၵ်ႉၼႂ်းၸိူဝ်ႉၶိူဝ်းတၼ်ႇၼၼ်ႉၵေႃႈၵဝ်ၶၢၼ်းဝႆႉလူၺ်ႈၵၼ်တင်းမၼ်းဢေႃႈ။ၵဝ်ဢဝ်ၺၢၼ်ႇသႂ်ႇဝႆႉၵႃႈၼႂ်းႁူဝ်ၸႂ်ၶဝ်ၸိူဝ်းဢၼ်လၵ်းလႅမ်တင်းသဵင်ႈတင်းလူင်ႁႂ်ႈၶဝ်မေႃႁဵတ်းၵႃႈဢၼ်ၵဝ်သင်ႇလၢတ်ႈဝႆႉတီႈမႂ်းဢၼ်ဝႃႈ
၇ သုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈတိူၵ်ႈတီႈဢၼ်ဝႆႉၶိူင်ႈဢၼ်ၶၢမ်ႇသၢၵ်ႈသေႇပလၢင်ႇတီႈၽေႇဢပျႅတ်ႈဢၼ်တၢင်ႇဝႆႉၵႃႈၼိူဝ်မၼ်းၶိူင်ႈပိူင်သုမ်ႉထဵင်ၸဝ်ႈၵႃႈမီးတင်းသဵင်ႈတင်းလူင်ၶူင်ႇတီႈၵိၼ်ဢိၵ်ႇတင်းၶိူင်ႈမၼ်းတင်းလၢႆ
၈ ၶူင်ႇတီႈတႆႈၽႆးဢၼ်သႂ်ႇဢိၵ်ႇတင်းၶိူင်ႈပိူင်မၼ်းၵႃႈမီးတင်းသဵင်ႈတင်းလူင်၊ပလၢင်ႇတီႈဢၼ်တုတ်ႇၽႆးၼၢမ်ႇသႃႇယိၸ်ႉပလၢင်ႇ
၉ တီႈဢၼ်တုတ်ႇၽႆးတူဝ်ယိၸ်ႉဢိၵ်ႇတင်းၶိူင်ႈပိူင်မၼ်းၵႃႈမီးတင်းသဵင်ႈတင်းလူင်ၵွၵ်းလူင်ဢိၵ်ႇတင်းတိၼ်မၼ်းသိပ်းၼိုင်ႈ
၁၀ ၶူဝ်းၼုင်ႈၶူဝ်းမႆႊပုၼ်ႈဢၼ်တၵ်းပွင်ႁဵတ်းဢမူႉၸဝ်ႈဢိၵ်ႇတင်းၶူဝ်းၼုင်ႈၶူဝ်းမႆႊဢၼ်မူတ်းၸၢင်ႇပုၼ်ႈဢၼ်ယိတ်ႉပရေႃးႁိၵ်ႈဢႃႇရုၼ်ႇဢိၵ်ႇတင်းလုၵ်ႈၸၢႆးမၼ်းၸိူဝ်းၼၼ်ႉတၵ်းၼုင်ႈတၵ်းမႆႊၼႂ်းမိူဝ်ႈဢၼ်ပွင်ႁဵတ်းဢမူႉၸဝ်ႈၼၼ်ႉၼမ်ႉမၼ်းပုၼ်ႈဢၼ်တၵ်းတႃးဢိၵ်ႇတင်းၼၢမ်ႇသႃႇဢၼ်ႁွမ်ဢၼ်ႁူၺ်းပုၼ်ႈဢၼ်တၵ်းသုင်းသွင်ႇၵႃႈတီႈထႃႇၼႃႉတီႈမူတ်းၸၢင်ႇၼၼ်ႉဢေႃႈ။
၁၁ မႂ်းတၵ်းလႆႈႁဵတ်းၸွမ်းၵႃႈၼင်ႇဢၼ်ၵဝ်သင်ႇလၢတ်ႈဝႆႉတင်းသဵင်ႈတင်းလူင်ၼၼ်ႉဢေႃႈ၊ဝႃႈၼင်ႇၼႆဢေႃႈ။
ဝၼ်းၵမ်သိၼ်
၁၂ ၵမ်းၼၼ်ႉထႃႇဝရႃႉၽြႃးသမ်ႉမီးဢမိင်ႉတီႈမုဝ်းသေႇထႅင်ႈလႄႈဝႃႈၸမ်း၊-
၁၃ မွၵ်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊-လွင်ႈၼင်ႇႁိုဝ်သူတၵ်းႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးဢၼ်ႁႂ်ႈသူမူတ်းၸၢင်ႇၼၼ်ႉၸိုင်သူတၵ်းလႆႈပႂ်ႉဝၼ်းၵမ်သိၼ်ၵဝ်ဢမၢၼ်ႇၶၢၼ်ပဵၼ်ဢေႃႈ။လွင်ႈမၼ်းၸမ်းတၵ်းပဵၼ်လၢၵ်ႈၶၼႃႇသၢၵ်ႈသေႇၵႃႈတီႈဝူင်ႈၵၢင်ၵဝ်ဢိၵ်ႇတင်းၸူဝ်ႈလုၵ်ႈပၢၼ်လၢၼ်သူၼၼ်ႉဢေႃႈ။
၁၄ ပိူဝ်ႈဢၼ်ဝၼ်းၵမ်သိၼ်ပဵၼ်ဢၼ်မူတ်းၸၢင်ႇတီႈသူလႄႈတၵ်းလႆႈပႂ်ႉဢေႃႈ။ၵေႃႉဢၼ်ယႃႉဝၼ်းၵမ်သိၼ်ၼၼ်ႉတၵ်းလႆႈၶၢမ်ႇတၢင်းတၢႆၵူႈၵေႃႉဢေႃႈ။ၵေႃႉဢၼ်ႁဵတ်းၵၢၼ်တၢင်းႁဵတ်းၼႂ်းဝၼ်းၼၼ်ႉၸမ်းတၵ်းလႆႈၶၢမ်ႇတၢင်းဢၼ်ပႄႇပႅတ်ႈသေၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ။
၁၅ ႁူၵ်းဝၼ်းတဵမ်တဵမ်တၵ်းလႆႈႁဵတ်းၵၢၼ်တၢင်းႁဵတ်းဢေႃႈ။ဝၼ်းသတ်ႉတမၼၼ်ႉပဵၼ်ဝၼ်းၵမ်သိၼ်ဢၼ်တၵ်းလႆႈယဵၼ်ႈငိမ်းလႄႈမူတ်းၸၢင်ႇတီႈထႃႇဝရႃႉၽြႃးဢေႃႈ။ၵေႃႉဢၼ်ႁဵတ်းၵၢၼ်တၢင်းႁဵတ်းၼႂ်းဝၼ်းၵမ်သိၼ်ၼၼ်ႉၸမ်းတၵ်းလႆႈၶၢမ်ႇတၢင်းတၢႆဢမၢၼ်ႇၶၢၼ်ပဵၼ်ဢေႃႈ။
၁၆ ပိူဝ်ႈၼႆလႄႈၵူၼ်းမဵဝ်းဢိသရေႇလတင်းလၢႆၸူဝ်ႈလုၵ်ႈပၢၼ်လၢၼ်သိုပ်ႇသိုပ်ႇတၢမ်ႈတၢမ်ႈၼၼ်ႉတၵ်းလႆႈဢွၼ်ၵၼ်ပႂ်ႉဝၼ်းၵမ်သိၼ်လႄႈၵမ်သိၼ်ႁႂ်ႈလႆႈပဵၼ်ပတိၺိၼ်ႇထႃႇဝရႃႉဢေႃႈ။
၁၇ ဢၼ်ၼၼ်ႉတၵ်းပဵၼ်လၢၵ်ႈၶၼႃႇသၢၵ်ႈသေႇထႃႇဝရႃႉၵႃႈတီႈဝူင်ႈၵၢင်ၵဝ်တင်းၵူၼ်းမဵဝ်းဢိသရေႇလတင်းလၢႆဢေႃႈ။လွင်ႈမၼ်းၸမ်းၼႂ်းႁူၵ်းဝၼ်းထႃႇဝရႃႉၽြႃးႁဵတ်းပဵၼ်ၽႃႉၵၢင်ႁၢဝ်တင်းလိၼ်မိူင်းလႄႈၼႂ်းဝၼ်းသတ်ႉတမမၼ်းၸဝ်ႈယူႇၼိမ်ၼိမ်ဢေႃႈ၊ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
၁၈ မိူဝ်ႈဢၼ်မၼ်းၸဝ်ႈလၢတ်ႈတေႃႇမုဝ်းသေႇၵႃႈၼိူဝ်လွႆသိၼႃႇၸိူဝ်ႉၼင်ႇၼၼ်ယဝ်ႉတူဝ်ႈယဝ်ႉၼၼ်ႉၸိုင်မၼ်းၸဝ်ႈဢဝ်ၶႅပ်းမၢၵ်ႇႁိၼ်ၶိူင်ႈဢၼ်ၶၢမ်ႇသၢၵ်ႈသေႇဢၼ်ၽြႃးပဵၼ်ၸဝ်ႈဢဝ်တင်းၼိဝ်ႉမိုဝ်းၸဝ်ႈတၢင်ႇတူဝ်လိၵ်ႈဢႅၵ်ႉၶရႃႇသႂ်ႇၼၼ်ႉသွင်ႇၽႅၼ်ႇပၼ်တီႈမၼ်းဢေႃႈ။