Chapter
၂၇
ယိၸ်ႉပလၢင်ႇဢၼ်ပုၵ်ႉၸေႃႇယိၸ်ႉၽႆးတုတ်ႇ
၁ ၼႄးၼိုင်ႈၸမ်းမႂ်းတၵ်းလႆႈဢဝ်မႆႉဢၵႃႇသလႄႈႁဵတ်းယိၸ်ႉပလၢင်ႇဢၼ်ပဵၼ်သီႇၸဵင်ႇၼႃႈယၢဝ်းမၼ်းမီးႁႃႈသွၵ်ႇ၊ၼႃႈပွတ်းမၼ်းႁႃႈသွၵ်ႇၼၼ်ႉဢေႃႈ။
၂ ဢၼ်သုင်မၼ်းၵေႃႈတၵ်းလႆႈမီးသၢမ်သွၵ်ႇဢေႃႈ။မႂ်းတၵ်းလႆႈႁဵတ်းၶဝ်လႅမ်သီႇလႅမ်ႈသႂ်ႇၵႃႈၼိူဝ်သီႇၸဵင်ႇမၼ်းဢေႃႈ။ၶဝ်လႅမ်ၸိူဝ်းၼၼ်ႉတၵ်းလႆႈပဵၼ်ၼိူဝ်ႉလဵဝ်ၵၼ်တင်းယိၸ်ႉပလၢင်ႇၼၼ်ႉလႄႈမႂ်းတၵ်းလႆႈဢဝ်တွင်းလိူင်ဢုမ်ႇႁေႃႇသေဢေႃႈ။
၃ မႂ်းတၵ်းလႆႈဢဝ်တွင်းလိူင်ႁဵတ်းမေႃႈပုၼ်ႈဢၼ်တၵ်းတုင်းတဝ်ႊမၼ်း၊ၸေႃႉၽႅပ်ႉမၼ်း၊ၵွၵ်းဝၢၼ်ႇမၼ်း၊ၶေႃဢၼ်ၵွင်ႉၼိူဝ်ႉမၼ်း၊လၢင်ႇပၢၼ်းမၼ်း၊ၶိူင်ႈပိူင်ၵႃႈဢၼ်ၸၢပ်ႈသႅင်ႇၵၼ်တင်းယိၸ်ႉပလၢင်ႇတင်းသဵင်ႈတင်းလူင်ၼၼ်ႉဢေႃႈ။
၄ မႂ်းတၵ်းလႆႈႁဵတ်းတႃၶႃႇတွင်းလိူင်ပုၼ်ႈမၼ်းဢေႃႈ။တၵ်းလႆႈႁဵတ်းၶူၺ်ႇတွင်းလိူင်သီႇဢၼ်သႂ်ႇၵႃႈၼိူဝ်တႃၶႃႇၼၼ်ႉၵႃႈတီႈသီႇၸဵင်ႇမၼ်းသေယဝ်ႉ၊မႂ်းတၵ်းလႆႈဢဝ်မၼ်းဝႆႉၵႃႈတႂ်ႈၶႃႇပၢၼ်းဢၼ်လဵပ်ႈႁွပ်ႈၵႃႈတႂ်ႈယိၸ်ႉပလၢင်ႇၼၼ်ႉလႄႈ
၅ ႁႂ်ႈတႃၶႃႇၼၼ်ႉလႆႈၶိုတ်းထိုင်ၵႃႈတီႈၶိုင်ႈၵၢင်ယိၸ်ႉပလၢင်ႇဢေႃႈ။
၆ မႂ်းတၵ်းလႆႈဢဝ်မႆႉဢၵႃႇသႁဵတ်းၵၢၼ်းႁၢပ်ႇယိၸ်ႉပလၢင်ႇလႄႈဢဝ်တွင်းလိူင်ဢုမ်ႇႁေႃႇသေယဝ်ႉ
၇ တၵ်းလႆႈဢဝ်ၵၢၼ်းႁၢပ်ႇၸိူဝ်းၼၼ်ႉသွတ်ႇသႂ်ႇဝႆႉၵႃႈၼႂ်းၶူၺ်ႇလႄႈၵၢၼ်းႁၢပ်ႇၸိူဝ်းၼၼ်ႉတၵ်းလႆႈမီးယူႇၵႃႈတီႈသွင်ၽၢၵ်ႇယိၸ်ႉပလၢင်ႇလႄႈပဵၼ်ပုၼ်ႈဢၼ်တၵ်းႁၢပ်ႇမၼ်းဢေႃႈ။
၈ မႂ်းတၵ်းလႆႈႁဵတ်းႁႂ်ႈၵႃႈၼႂ်းပႅၼ်ႈမၼ်းပွင်ႇပဵဝ်ဝႆႉဢေႃႈ။တၵ်းလႆႈႁဵတ်းၸွမ်းမိူၼ်မိူၼ်ၵႃႈၼင်ႇဢၼ်ၵဝ်ၼႄပျႃးတီႈမႂ်းၵႃႈၼိူဝ်လွႆၼၼ်ႉဢေႃႈ။
ႁူဝ်ႉဝၢင်း
၉ ဢၼ်တၵ်းၵင်ႈႁဵတ်းႁူဝ်ႉဝၢင်းသုမ်ႇထဵင်ၸဝ်ႈၸမ်းတၵ်းလႆႈဢဝ်ပိၵ်ႈၶျေႃးဢၼ်ၼႃႈယၢဝ်းမၼ်းမီးပၢၵ်ႇသွၵ်ႇၼၼ်ႉႁဵတ်းၽႃႈၵင်ႈပုၼ်ႈၼႃႈတၢင်းၸၢၼ်းဢေႃႈ။
၁၀ ပုၼ်ႈၽႃႇၵင်ႈၼၼ်ႉမႂ်းတၵ်းလႆႈႁဵတ်းသဝ်သၢဝ်းၼိုင်ႈတင်းတီႈသုပ်းတိၼ်တွင်းလိူင်သၢဝ်းၼိုင်ႈဢေႃႈ။တႅမ်တီႈသဝ်ဢိၵ်ႇတင်းႁၢဝ်းၸိူဝ်းၼၼ်ႉတၵ်းလႆႈပဵၼ်ငိုၼ်းဢေႃႈ။
၁၁ မိူၼ်ၼင်ႇၼၼ်ပုၼ်ႈၼႃႈတၢင်းႁွင်ႇၵေႃႈတၵ်းလႆႈမီးၽႃႈၵင်ႈဢၼ်ၼႃႈယၢဝ်းမၼ်းမီးပၢၵ်ႇသွၵ်ႇဢိၵ်ႇတင်းသဝ်သၢဝ်းၼိုင်ႈတီႈသုပ်းတိၼ်တွင်းလိူင်သၢဝ်းၼိုင်ႈ၊တဵမ်ငိုၼ်းတီႈသဝ်ဢိၵ်ႇတင်းႁၢဝ်းငိုၼ်းၸိူဝ်းၼၼ်ႉဢေႃႈ။
၁၂ ပုၼ်ႈၼႃႈပွတ်းဝၢင်းၽၢႆႇတၢင်းတူၵ်းၼၼ်ႉတၵ်းလႆႈမီးၽႃႈၵင်ႈဢၼ်ၼႃႈယၢဝ်းမၼ်းမီးႁႃႈသိပ်းသွၵ်ႇဢိၵ်ႇတင်းသဝ်သၢဝ်းၼိုင်ႈတင်းတီႈသုပ်းတိၼ်သိပ်းၼိုင်ႈဢေႃႈ။
၁၃ ၵႃႈတီႈၼႃႈဝၢင်းၽၢႆႇတၢင်းဝၼ်းဢွၵ်ႇၵေႃႈၼႃႈပွတ်းမၼ်းတၵ်းလႆႈမီးႁႃႈသိပ်းသွၵ်ႇဢေႃႈ။
၁၄ ပုၼ်ႈဢၼ်တၵ်းၵင်ႈႁိမ်းၽၵ်းတူၽၢႆႇၼိုင်ႈၼၼ်ႉတၵ်းလႆႈမီးၽႃႈၵင်ႈဢၼ်ၼႃႈယၢဝ်းမၼ်းမီးသိပ်းႁႃႈသွၵ်ႇဢိၵ်ႇတင်းသဝ်သၢမ်လႅမ်ႈတင်းတီႈသုပ်းတိၼ်သၢမ်ဢၼ်ဢေႃႈ။
၁၅ ပုၼ်ႈႁိမ်းၽၵ်းတူၽၢႆႇၼိုင်ႈၵေႃႈတၵ်းလႆႈမီးၽႃႈၵင်ႈဢၼ်ၼႃႈယၢဝ်းမၼ်းမီးသိပ်းႁႃႈသွၵ်ႇဢိၵ်ႇတင်းသဝ်သၢမ်လႅမ်ႈတင်းတီႈသုပ်းတိၼ်သၢမ်ဢၼ်ဢေႃႈ။
၁၆ ပုၼ်ႈဢၼ်တၵ်းၵင်ႈၽၵ်းတူႁူဝ်ႉဝၢင်းၼၼ်ႉတၵ်းလႆႈမီးၽႃႈၵင်ႈဢၼ်ဢဝ်တင်းၶူဝ်းဢၼ်သွမ်ႇ၊ၶူဝ်းဢၼ်ၵမ်ႇ၊ၶူဝ်းဢၼ်လႅင်ႊတင်းပိၵ်ႈၶျေႃးတမ်ႇၵၢမ်းၵၼ်ႁၢင်ႈၶိူင်ႈတေႃးႁဵတ်းဢၼ်ၼႃႈယၢဝ်းမၼ်းမီးသၢဝ်းသွၵ်ႇၼၼ်ႉဢိၵ်ႇတင်းသဝ်သီႇလႅမ်ႈတင်းတီႈသုပ်းတိၼ်သီႇဢၼ်ဢေႃႈ။
၁၇ သဝ်ဝၢင်းဢၼ်မီးၵႃႈတီႈႁိမ်းၸိူဝ်းၼၼ်ႉၵႃႈမီးတင်းသဵင်ႈတင်းလူင်တၵ်းလႆႈတဵမ်ဝႆႉတင်းႁၢဝ်းငိုၼ်းတဵမ်တီႈသဝ်ငိုၼ်းတင်းတီႈသုပ်းတိၼ်တွင်းလိူင်ဢေႃႈ။
၁၈ ၼႃႈယၢဝ်းဝၢင်းၼၼ်ႉတၵ်းလႆႈမီးပၢၵ်ႇသွၵ်ႇ၊ၼႃႈပွတ်းမၼ်းႁႃႈသိပ်းသွၵ်ႇၵူႈတီႈဢၼ်သုင်မၼ်းႁႃႈသွၵ်ႇလႄႈတၵ်းလႆႈမီးပိၵ်ႈၶျေႃးတင်းတီႈသုပ်းတိၼ်တွင်းလိူင်ဢေႃႈ။
၁၉ ၶိူင်ႈယိပ်းၶိူင်ႈၵႅမ်းသုမ်ႉထဵင်ၸဝ်ႈပုၼ်ႈဢၼ်တၵ်းလႆႈၵိုတ်းႁၢပ်ႇဢမူႉၸဝ်ႈၵႃႈမီးတင်းသဵင်ႈတင်းလူင်၊လၵ်းသုမ်ႉထဵင်ၸဝ်ႈဢိၵ်ႇတင်းလၵ်းဢၼ်ၸၢပ်ႈသႅင်ႇၵၼ်တင်းႁူဝ်းဝၢင်းၸိူဝ်းၼၼ်ႉတၵ်းလႆႈပဵၼ်တွင်းလိူင်ဢေႃႈ။
မၼ်းပုၼ်ႈၵွၵ်းၽႆး
၂၀ မႂ်းတၵ်းလႆႈသင်ႇလၢတ်ႈဝႆႉတီႈၵူၼ်းမဵဝ်းဢိသရေႇလတင်းလၢႆႁႂ်ႈၶဝ်ဢဝ်ၼမ်ႉမၼ်းသၢၼ်ႇလုၼ်ႇၸႅတ်ႈၸႅတ်ႈဢၼ်တမ်ဢဝ်ပုၼ်ႈဢၼ်တၵ်းတႆႈၽႆးၼၼ်ႉမႃးတီႈမႂ်းပုၼ်ႈဢၼ်တၵ်းႁႂ်ႈၶူင်ႇတီႈတႆႈၽႆးတႆႈၽႆးယူႇသေႇသေႇဢေႃႈ။
၂၁ ၵႃႈၼႂ်းသုမ်ႉထဵင်သုမ်ႉထဵင်ဢၼ်ပရိၵ်ႈသၢတ်ႈၸူႉတုမ်၊ၵႃႈတီႈၽၢႆႇၼွၵ်ႈၽႃႈၵင်ႈဢၼ်ၵင်ႈဝႆႉၵႃႈတီႈၽၢႆႇၼႃႈတီႈဢၼ်ဝႆႉၶိူင်ႈဢၼ်ၶၢမ်ႇသၢၵ်ႈသေႇၼၼ်ႉ၊ဢႃႇရုၼ်ႇတင်းလုၵ်ႈၸၢႆးမၼ်းတင်းလၢႆတၵ်းမႄးႁဵတ်းမႄးႁႅၼ်းလွင်ႈတၢင်းၼၼ်ႉၸႃႉၸဵမ်ၶိင်ႇႁူဝ်ၶမ်ႈတေႃႇထိုင်ႁွတ်ႈၶိင်ႇၵၢင်ၼႂ်ၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉဢေႃႈ။တၵ်းလႆႈပဵၼ်ထုင်းၾိင်ႈၸဝ်ႈဢၼ်ၸိူဝ်ႉၶိူဝ်းၵူၼ်းမဵဝ်းဢိသရေႇလၸူဝ်ႈလုၵ်ႈပၢၼ်လၢၼ်တၵ်းလႆႈပႂ်ႉတႃႇသေႇဢမ်ႇထၢတ်ႇၼၼ်ႉဢေႃႈ။