Chapter
၂၂
တၢင်းဢၼ်ႁႄႉၶႅၼ်ၶွင်ၶူဝ်း
၁ ပေႃးသေၵေႃႉသေၵူၼ်းလၵ်ႉဢဝ်သူဝ်းပိူၼ်ႈဝူဝ်းပိူၼ်ႈလႄႈဢဝ်တၢႆသေဢမ်ႇဝႃႈ၊ၶၢႆပႅတ်ႈသေဢမ်ႇဝႃႈတၵ်းလႆႈတႅၼ်းပၼ်ဝူဝ်းႁႃႈတူဝ်ပုၼ်ႈဝူဝ်းတူဝ်ၼိုင်ႈ၊သူဝ်းသီႇတူဝ်ပုၼ်ႈသူဝ်းတူဝ်ၼိုင်ႈၼၼ်ႉဢေႃႈ။
၂ ပေႃးထူပ်းႁၼ်ၽူႈလၵ်ႉၼႂ်းမိူဝ်ႈဢၼ်မၼ်းယင်းတိုၵ်ႉၸီးမူင်ႇႁိူၼ်းယူႇၼၼ်ႉလႄႈပေႃးပေႃႉယႅၼ်ႉမၼ်းတၢႆၸိုင်ဢမ်ႇလႆႈႁႂ်ႈၶၢမ်ႇတၢႆၵွပ်ႈပိူဝ်ႈမၼ်းၼၼ်ႉ။
၃ ၼႂ်းဝႃႈၼၼ်သေၵေႃႈပေႃးပေႃႉယႅၼ်ႉမၼ်းတၢႆမိူဝ်ႈၵၢင်ဝၼ်းဢွၵ်ႇယဝ်ႉၸိုင်တၵ်းလႆႈႁႂ်ႈၶၢမ်ႇတၢႆၵွပ်ႈပိူဝ်ႈမၼ်းၼၼ်ႉဢေႃႈ။ၽူႈလၵ်ႉၼၼ်ႉတၵ်းလႆႈၶိုၼ်းတႅၼ်းပၼ်ဢေႃႈ။ပေႃးမၼ်းဢမ်ႇမီးဢုၵ်ႉၸႃႇလႃးလႃးၸိုင်တၵ်းလႆႈၶၢႆတူဝ်မၼ်းပႅတ်ႈပုၼ်ႈဢုၵ်ႉၸႃႇဢၼ်မၼ်းလၵ်ႉၼၼ်ႉဢေႃႈ။
၄ ဢုၵ်ႉၸႃႇဢၼ်မၼ်းလၵ်ႉၼၼ်ႉပဵၼ်ဝူဝ်းသေဢမ်ႇဝႃႈ၊ပဵၼ်သူဝ်းသေဢမ်ႇဝႃႈပေႃးထူပ်းႁၼ်ဢသၢၵ်ႈလိပ်းယူႇၵႃႈၼႂ်းမိုဝ်းမၼ်းၸိုင်မၼ်းတၵ်းလႆႈတႅၼ်းပၼ်သွင်ပုၼ်ႊဢေႃႈ။
၅ ပေႃးသေၵေႃႉသေၵူၼ်းႁိမ်ၵိၼ်ႁႆႊၵိၼ်ၼႃးပိူၼ်ႈသူၼ်ဢူးယဵၼ်ႇမၢၵ်ႇၸပိတ်ႉပိူၼ်ႈပေႃးပွႆႇတရိၵ်ႈသၢၼ်ႇတူဝ်ၸဝ်ႈၵဝ်ႇၵႂႃႇၵိၼ်ႁႆႊၵိၼ်ၼႃးပိူၼ်ႈၸိုင်မၼ်းတၵ်းလႆႈဢဝ်ဢၼ်လီသပေိူၼ်ႈၵႃႈၼႂ်းႁႆႊၼႂ်းၼႃးမၼ်းၵႃႈၼႂ်းသူၼ်ဢူးယဵၼ်ႇမၢၵ်ႇၸပိတ်ႉမၼ်းတႅၼ်းပၼ်ဢေႃႈ။
၆ ပေႃးသႂ်ႇၽႆးလႄႈၽႆးၸပ်းတီႈယုမ်းၼၢမ်မႆႈလၢမ်းၵႂႃႇလႄႈမႆႈပုမ်ႇၶဝ်ႈတူၼ်ႈၶဝ်ႈတင်းၵႃႈဢၼ်မီးၵႃႈၼႂ်းတူင်ႈၼႃးၸိုင်ၵေႃႉဢၼ်သႂ်ႇၽႆးၼၼ်ႉတၵ်းလႆႈတႅၼ်းပၼ်ဢမၢၼ်ႇၶၢၼ်ပဵၼ်ဢေႃႈ။
၇ ပေႃးသေၵေႃႉသေၵူၼ်းဢဝ်ငိုၼ်းၶမ်းဢုၵ်ႉၸႃႇသေၸိူဝ်ႉသေပိူင်ၽၢၵ်ႇဝႆႉၵႃႈတီႈၵူၼ်းႁိူၼ်းၸမ်ၵၼ်ႁႂ်ႈလႆႈပႂ်ႉဝႆႉလႄႈၽူႈလၵ်ႉလၵ်ႉဢဝ်ၵႃႈၼႂ်းႁိူၼ်းမၼ်းၵႂႃႇၸိုင်မိူဝ်ႈဢၼ်တီႉၺွပ်းလႆႈၽူႈလၵ်ႉၼၼ်ႉမၼ်းတၵ်းလႆႈတႅၼ်းပၼ်သွင်ႈပုၼ်ႊဢေႃႈ။
၈ ပေႃးယင်းဢမ်ႇထူပ်းဢမ်ႇႁၼ်ၽူႈလၵ်ႉၸိုင်ၸဝ်ႈႁိူၼ်းၼၼ်ႉတၵ်းလႆႈမႃးၵႃႈတီႈၽၢႆႇၼႃႈၵူၼ်းလူင်ဢၼ်ၸီႇယၢင်ႇတြႃးၼၼ်ႉလႄႈၶၢမ်ႇတၢင်းဢၼ်ၸႅတ်ႈထၢမ်လွင်ႈဢၼ်မၼ်းလႆႈဢဝ်ဢုၵ်ႉၸႃႇၵူၼ်းႁိူၼ်းၸမ်ၵၼ်ႁိုဝ်၊ဢမ်ႇလႆႈဢဝ်ႁိုဝ်ၼၼ်ႉဢေႃႈ။
၉ ၼႂ်းလွင်ႈဢၼ်ၽိတ်းပိူင်ႈလူၺ်ႈဢုၵ်ႉၸႃႇပိူၼ်ႈၼၼ်ႉပေႃးသေၵေႃႉသေၵူၼ်းထူပ်းႁၼ်ဝူဝ်း၊မႃႉလီႈ၊သူဝ်း၊ၶူဝ်းၼုင်ႈ၊ဢုၵ်ႉၸႃႇဢၼ်ႁၢႆၵႂႃႇၼၼ်ႉသေၸိူဝ်ႉသေပိူင်လႄႈဝႃႈ၊-ဢၼ်ၼႆႉၸမ်းပဵၼ်ဢုၵ်ႉၸႃႇၵဝ်ဢေႃႈ၊ဝႃႈၼင်ႇၼႆၸိုင်ဢမူႉသွင်ၶႃၼၼ်ႉတၵ်းလႆႈႁွတ်ႈထိုင်ၵႃႈတီႈၽၢႆႇၼႃႈၵူၼ်းလူင်ဢၼ်ၸီႇယၢင်ႇတြႃးၼၼ်ႉလႄႈၵေႃႉဢၼ်ၵူၼ်းလူင်ဢၼ်ၸီႇယၢင်ႇတြႃးႁႂ်ႈသုမ်းၼၼ်ႉတၵ်းလႆႈတႅၼ်းပၼ်သွင်ပုၼ်ႊဢေႃႈ။
၁၀ ပေႃးသေၵေႃႉသေၵူၼ်းဢဝ်မႃႉလီႈ၊သူဝ်း၊ဝူဝ်း၊တရိၵ်ႈသၢၼ်ႇသေၸိူဝ်ႉသမေဵဝ်းၽၢၵ်ႇဝႆႉၵႃႈၼႂ်းမိုဝ်းၵူၼ်းႁိူၼ်းၸမ်ၵၼ်လႄႈတူဝ်ၼၼ်ႉတၢႆသေဢမ်ႇဝႃႈ၊တိူဝ်ႉထုၵ်ႇမႅၼ်ႈလႄႈပဵၼ်ၸဵပ်းပဵၼ်သႅပ်ႇသေဢမ်ႇဝႃႈ၊ၽူႈလႂ်ဢမ်ႇႁၼ်လႄႈပိူၼ်ႈတၢင်ႇၵေႃႉႁေႃႈဢဝ်ၵႂႃႇသေဢမ်ႇဝႃႈ၊
၁၁ တၢင်းဢၼ်မၼ်းၵိၼ်ႇဝႃႈၵႃႈတီႈၽၢႆႇၼႃႈထႃႇဝရႃႉၽြႃးလွင်ႈဢၼ်မၼ်းဢမ်ႇလႆႈဢဝ်ဢုၵ်ႉၸႃႇၵူၼ်းႁိူၼ်းၸမ်ၵၼ်တင်းမၼ်းၼၼ်ႉတၵ်းလႆႈမီးဝူင်ႈၵၢင်ၶဝ်သွင်ၽၢႆႇသွင်ပႃႈဢေႃႈ။ၸဝ်ႈဢုၵ်ႉၸႃႇတၵ်းလႆႈႁပ်ႉတုင်းဢဝ်လႄႈမၼ်းၼၼ်ႉၵေႃႈဢမ်ႇလႆႈတႅၼ်းလႆႈပၼ်။
၁၂ ၵူၺ်းၵႃႈပေႃးပိူၼ်ႈတၢင်ႇၵေႃႉလၵ်ႉဢဝ်ၵႃႈၼႂ်းမိုဝ်းမၼ်းၵႂႃႇၸိုင်မၼ်းၼၼ်ႉတၵ်းလႆႈတႅၼ်းပၼ်တီႈၸဝ်ႈဢုၵ်ႉၸႃႇၼၼ်ႉဢေႃႈ။
၁၃ ပေႃးတူဝ်ၼၼ်ႉၶၢမ်ႇတၢင်းဢၼ်ၶူပ်းယွၵ်းၶူပ်းယွႆပႅတ်ႈၸိုင်ႁႂ်ႈဢဝ်တူဝ်တၢႆၼၼ်ႉလႄႈၼႄပျႃးပုၼ်ႈသၢၵ်ႈသေႇတႃႉ။မၼ်းၼၼ်ႉဢမ်ႇလႆႈတႅၼ်းလႆႈပၼ်ပုၼ်ႈတူဝ်ဢၼ်ၶၢမ်ႇတၢင်းဢၼ်ၶူပ်းယွၵ်းၶူပ်းယွႆပႅတ်ႈၼၼ်ႉ။
၁၄ ပေႃးသေၵေႃႉသေၵူၼ်းယႅမ်ဢဝ်တူဝ်ၵႃႈသင်သေဢမ်ႇဝႃႈတီႈၵူၼ်းႁိူၼ်းၸမ်ၵၼ်လႄႈၸဝ်ႈမၼ်းယင်းဢမ်ႇပႃး၊တိူဝ်ႉမတ်ႉမႅၼ်ႈလႄႈပဵၼ်ၸဵပ်းပဵၼ်သႅပ်ႇသေဢမ်ႇဝႃႈတၢႆသေဢမ်ႇဝႃႈတၵ်းလႆႈတႅၼ်းပၼ်ဢမၢၼ်ႇၶၢၼ်ပဵၼ်ဢေႃႈ။
၁၅ ပေႃးၸဝ်ႈမၼ်းပႃးယူႇၸိုင်မၼ်းၼၼ်ႉဢမ်ႇလႆႈတႅၼ်းလႆႈပၼ်။ပေႃးပဵၼ်တူဝ်ဢၼ်လႆႈဢဝ်တင်းၵႃႊမၼ်းၶၼ်မၼ်းၶၢတ်ႈမႃးၸိုင်ၵႃႊဢၼ်ၶၢတ်ႈၼၼ်ႉပဵၼ်ပုၼ်ႈတူဝ်ၼၼ်ႉဢေႃႈ။
ပုၼ်ႈၽွၼ်းၵူၼ်းမိူင်း
၁၆ ပေႃးၵူၼ်းၸၢႆးသေၵေႃႉသေၵူၼ်းၶျေႃးဢဝ်ၽူႈသၢဝ်ဢၼ်ၽူႈလႂ်ဢမ်ႇပႆႇမၢႆဝႆႉၼၼ်ႉလႄႈတိူဝ်ႉထုၵ်ႇၵၼ်တင်းမၼ်းၸိုင်တၵ်းလႆႈပၼ်ငိုၼ်းၵၼ်ႇတေႃးသေလႄႈဢဝ်မေႈယိင်းၼၼ်ႉယွင်ႊဝႆႉၼႂ်းဢရႃႇမေးဢေႃႈ။
၁၇ ပေႃးပေႃႈမၼ်းဢမ်ႇမီးသၽေႃးဢၼ်ၶႂ်ႈဢဝ်ပၼ်ၸိုင်ၵေႃႉၼၼ်ႉတၵ်းလႆႈယေႃႇငိုၼ်းသေႇငိုၼ်းၵႃႈၼင်ႇဢၼ်တၵ်းလႆႈၵၼ်ႇတေႃးပုၼ်ႈၽူႈသၢဝ်ၼၼ်ႉဢေႃႈ။
၁၈ မႂ်းဢမ်ႇလႆႈပၼ်ဢၶႂၢင်ႉႁႂ်ႈမေႈၽိူဝ်ႉဢသၢၵ်ႈလႆႈလိပ်းယူႇ။
၁၉ ၵေႃႉဢၼ်သိူၵ်ႈသမ်ႇၵၼ်တင်းတရိၵ်ႈသၢၼ်ႇၼၼ်ႉတၵ်းလႆႈၶၢမ်ႇတၢင်းဢၼ်ဢဝ်တၢႆဢမၢၼ်ႇၶၢၼ်ပဵၼ်ဢေႃႈ။
၂၀ လိူဝ်သေတီႈထႃႇဝရႃႉၽြႃးပႃးလဵဝ်ၵူၺ်းၼၼ်ႉၵေႃႉဢၼ်ပုၵ်ႉၸေႃႇယိၸ်ႉတီႈၽြႃးတၢင်ႇသူႇတၢင်ႇပႃးၼၼ်ႉတၵ်းလႆႈၶၢမ်ႇတၢင်းဢၼ်ယႃႉပႅတ်ႈမူတ်းမူတ်းဢေႃႈ။
၂၁ မႂ်းဢမ်ႇလႆႈယႃႉလႆႈယူၵ်ႉၶႅၵ်ႇဢၼ်ပဵၼ်ၵူၼ်းတၢင်ႇဝၢၼ်ႈတၢင်ႇမိူင်းၼၼ်ႉ။ဢမ်ႇလႆႈၼိၵ်ႈၸၢၵ်ႈငႅၼ်းသေးမၼ်း။လွင်ႈမၼ်းၸမ်းသူယၢမ်ႈလႆႈပဵၼ်ၶႅၵ်ႇၵႃႈၼႂ်းမိူင်းဢေႇၵႅပ်ႉတုမႃးယဝ်ႉ။
၂၂ သူဢမ်ႇလႆႈယႃႉလႆႈယူၵ်ႉမေႈမုၵ်ႉမေႈမၢႆႈဢိၵ်ႇတင်းလုၵ်ႈဢွၼ်ႇၵေႃႉဢၼ်ဢမ်ႇမီးပေႃႈမီးမေႈၼၼ်ႉ။
၂၃ ပေႃးမႂ်းႁဵတ်းတၢင်းဢၼ်ယႃႉယူၵ်ႉသေၸိူဝ်ႉသေပိူင်တီႈၶဝ်လႄႈၶဝ်ႁွင်ႉသႅၼ်ႇတီႈၵဝ်သေဢိတ်းၼိုင်ႈၸိုင်ၵဝ်တၵ်းငိၼ်းသဵင်ၶဝ်ၼၼ်ႉဢမၢၼ်ႇၶၢၼ်ပဵၼ်လႄႈၸႂ်မႆႈၶႂ်ႈၸႃႉၼႃႇလူင်လၢင်ယူႇသေလႄႈဢဝ်သူတၢႆလူၺ်ႈၽေးလၢပ်ႇဢေႃႈ။
၂၄ မေးသူတင်းလၢႆၵေႃႈတၵ်းဢွၼ်ၵၼ်ပဵၼ်မေႈမုၵ်ႉမေႈမၢႆႈလႄႈလုၵ်ႈဢွၼ်ႇသူတင်းလၢႆၵေႃႈတၵ်းဢွၼ်ၵၼ်ပဵၼ်လုၵ်ႈဢွၼ်ႇဢၼ်ဢမ်ႇမီးပေႃႈမီးမေႈဢေႃႈ။
၂၅ ပေႃးမႂ်းပၼ်ၵူႈပၼ်ယိမ်ၵူၼ်းယၢၵ်ႈၵူၼ်းၽၢၼ်ဢၼ်ပဵၼ်ၵူၼ်းၵဝ်ၵႃႈၼႂ်းသူၼၼ်ႉၸိုင်မႂ်းဢမ်ႇလႆႈႁဵတ်းၸိူဝ်ႉၼင်ႇၵေႃႉဢၼ်ၵိၼ်ၶီႈငိုၼ်းၼၼ်ႉ။
၂၆ မႂ်းဢမ်ႇလႆႈယွၼ်းဢဝ်ၶီႈငိုၼ်းတီႈမၼ်း။ပေႃးၵူၼ်းႁိူၼ်းၸမ်ၵၼ်ဢဝ်ၽႃႈႁူမ်ႇၽႃႈမႆႊပွင်ႇဝႆႉၵမ်ႉဝႆႉတီႈမႂ်းၸိုင်မႂ်းတၵ်းလႆႈၶိုၼ်းပၼ်တီႈမၼ်းၸူဝ်ႈဢၼ်ၵၢင်ဝၼ်းဢမ်ႇပႆႇတူၵ်းၼၼ်ႉဢေႃႈ။
၂၇ လွင်ႈမၼ်းၸမ်းလိူဝ်သေၼၼ်ႉမၼ်းဢမ်ႇမီးပုၼ်ႈဢၼ်တၵ်းႁူမ်ႇတၵ်းမႆႊတၢင်ႇၸိူဝ်ႉတၢင်ႇပိူင်။ပဵၼ်ပုၼ်ႈဢၼ်တၵ်းႁူမ်ႇၼိူဝ်ႉႁူမ်ႇၼင်မၼ်းဢေႃႈ။မၼ်းတၵ်းႁဵတ်းၸိူဝ်ႉၼင်ႇႁိုဝ်လႄႈၼွၼ်းလႆႈ။ပေႃးမၼ်းႁွင်ႉသႅၼ်ႈတီႈၵဝ်ၸိုင်ၵဝ်တင်းငိၼ်းဢေႃႈ။ၵဝ်မီးသၽေႃးဢၼ်ဢိတ်းလူဢေႃႈ။
၂၈ မႂ်းဢမ်ႇလႆႈလၢတ်ႈပူၼ်ႉလၢတ်ႈလိူဝ်ၽြႃးပဵၼ်ၸဝ်ႈလႄႈဢမ်ႇလႆႈၵိၼ်ႇလႆႈလႃႇၶုၼ်ဢၼ်ဢုပ်ႉပိူင်ႇၸိူဝ်ႉၶိူဝ်းမႂ်းၼၼ်ႉ။
၂၉ ယင်းဢမ်ႇႁဵတ်းၵွႆႈႁဵတ်းထိူင်းလႄႈမႂ်းတၵ်းလႆႈဢဝ်မၢၵ်ႇဢၼ်သုၵ်းဢွၼ်တၢင်းပိူၼ်ႈဢိၵ်ႇတင်းတၢင်းဢၼ်ပဵၼ်ၼမ်ႉဢၼ်မိပ်ႇဢွၵ်ႇဢွၼ်တၢင်းပိူၼ်ႈၼၼ်ႉသၢၵ်ႈၵၢပ်ႈဢေႃႈ။လုၵ်ႈၸၢႆးဢၼ်ၵိူတ်ႇလဵင်ႉမႃးဢွၼ်တၢင်းၼၼ်ႉၵေႃႈမႂ်းတၵ်းလႆႈသၢၵ်ႈၵၢပ်ႈတီႈၵဝ်ဢေႃႈ။
၃၀ မိူၼ်ၼင်ႇၼၼ်မႂ်းတၵ်းလႆႈဢဝ်ဝူဝ်းမႂ်းသူဝ်းမႂ်းတင်းလၢႆႁဵတ်းၼၼ်ၼင်ႇၵဝ်ႇဢေႃႈ။ႁႂ်ႈၶဝ်ယူႇလူၺ်ႈၵၼ်တင်းမေႈမၼ်းၸဵတ်းဝၼ်းလႄႈမိူဝ်ႈဢၼ်ႁွတ်ႈထိုင်ႈဝၼ်းပႅတ်ႇၼၼ်ႉၸိုင်တၵ်းလႆႈသၢၵ်ႈၵၢပ်ႈတီႈၵဝ်ဢေႃႈ။
၃၁ သူတၵ်းလႆႈပဵၼ်ၵေႃႉဢၼ်မူတ်းၸၢင်ႇတီႈၵဝ်ဢေႃႈ။ပိူဝ်ႈၼႆလႄႈမႂ်းဢမ်ႇလႆႈၵိၼ်ၼိူဝ်ႉဢၼ်တူဝ်ထိူၼ်ႇၶူပ်းယွၵ်းၶူပ်းယွႆပႅတ်ႈၵႃႈတီႈထိူၼ်ႇၼၼ်ႉ။တၵ်းလႆႈဢဝ်ထႅမ်ႈပၼ်တီႈမႃဢေႃႈ။