Chapter
၂၀
ပိင်းၺၢပ်ႈၸဝ်ႈသိပ်းပိူင်
၁ ၵႂၢမ်းတင်းသဵင်ႈတင်းလူင်ဢၼ်ၽြႃးပဵၼ်ၸဝ်ႈမီးဢမိင်ႉဝႆႉလႄႈဝႃႈၸမ်း၊-
၂ ၵဝ်ပဵၼ်ထႃႇဝရႃႉၽြႃး၊ၽြႃးပဵၼ်ၸဝ်ႈမႂ်းဢၼ်ၼုၵ်ႈဢဝ်မႂ်းဢွၵ်ႇသေၵႃႈၼႂ်းမိူင်းဢေႇၵႅပ်ႉတုတီႈဢၼ်မႂ်းလႆႈၶၢမ်ႇႁဵတ်းၶႃႈၼၼ်ႉဢေႃႈ။
၃ လိူဝ်သေၵဝ်ၼႆႉယႃႇပေၵူဝ်းၵႂၢႆႇၽြႃးတၢင်ႇသူႇတၢင်ႇပႃး။
၄ ယႃႇပေႁဵတ်းရူၵ်ႈထူႉသၢင်းထူႉပုင်ႇႁၢင်ႊၶိူင်ႈပိူင်ဢၼ်မီးၵႃႈၼိူဝႃ်ႉၵၢင်ႁၢဝ်၊ဢၼ်မီးၵႃႈတႂ်ႈတီႈလိၼ်မိူင်း၊ဢၼ်မီးၵႃႈၼႂ်းၼမ်ႉတႂ်ႈလိၼ်မိူင်းၸိူဝ်းၼၼ်ႉပုၼ်ႈတူဝ်ၸဝ်ႈၵဝ်ႇ။
၅ ယႃႇပေၵူမ်ႈႁူဝ်ၵွမ်းႁူဝ်တီႈၶဝ်။ယႃႇပေႁဵတ်းဝူတ်ႈႁဵတ်းဝၢတ်ႈတီႈၶဝ်။လွင်ႈမၼ်ၸမ်းၵဝ်ထႃႇဝရႃႉၽြႃး၊ၽြႃးပဵၼ်ၸဝ်ႈမႂ်းၼႆႉပဵၼ်ၽြႃးဢၼ်ႁၵ်ႉၶႅၼ်ၽြႃးဢၼ်ၸီႇယၢင်ႇတႅၼ်းပၼ်ဢပျႅတ်ႈပေႃႈတင်းလၢႆတီႈလုၵ်ႈလၢင်းၸိူဝ်ႉၶိူဝ်းၸိူဝ်းဢၼ်ၸင်းၵဝ်သိုပ်ႇသိုပ်ႇတၢမ်ႈတၢမ်ႈတေႃႇထိုင်ႁွတ်ႈသိုပ်ႇတုတိယသိုပ်ႇၸတုၵ်ႉထၼၼ်ႉ
၆ ၽြႃးဢၼ်ၼႄပျႃးၵရူႉၼႃႇတီႈၸိူဝ်ႉၶိူဝ်းၶဝ်ၸိူဝ်းဢၼ်ႁၵ်ႉၵဝ်လႄႈၵမ်ၵျၢင်ႉပိင်းၺၢပ်ႈၵဝ်တင်းလၢႆၼၼ်ႉသိုပ်ႇသိုပ်ႇတၢမ်ႈတၢမ်ႈတေႃႇထိုင်ႁွတ်ႈသေႁဵင်သိုပ်ႇမိုၼ်ႇသိုပ်ႇဢေႃႈ။
၇ ယႃႇပေၼပ်ႉတေႃႈဢဝ်ၼႃႇမႃႉၸိုဝ်သဵင်ထႃႇဝရႃႉၽြႃးၽြႃးပဵၼ်ၸဝ်ႈမႂ်းၼၼ်ႉလၢတ်ႈဝႃႈလၢႆလၢႆလွၵ်ႇလွၵ်ႇ။လွင်ႈမၼ်းၸမ်းထႃႇဝရႃႉၽြႃးဢမ်ႇမၢတ်ႈၵေႃႉဢၼ်ၼပ်ႉတေႃႈဢဝ်ၼႃႇမႃႉၸိုဝ်သဵင်ၸဝ်ႈလၢတ်ႈဝႃႈလၢႆလၢႆလွၵ်ႇလွၵ်ႇၼၼ်ႉဢမ်ႇမီးဢပျႅတ်ႈ။
၈ ၶုၵ်းၸႂ်လႆႈၶႆႈၸႂ်ထူပ်းဝၼ်းၵမ်သိၼ်လႄႈႁႂ်ႈဝၼ်းၼၼ်ႉလႆႈမူတ်းၸၢင်ႇတႃႉ။
၉ ၼႂ်းႁူၵ်းဝၼ်းၵႆႉၵျူဝ်းၸႃးလႄႈႁဵတ်းတၢင်းႁဵတ်းၵူႈၸိူဝ်ႉၵူႈပိူင်တႃႉ။
၁၀ ဝၼ်းသတ်ႉတမပဵၼ်ဝၼ်းၵမ်သိၼ်ထႃႇဝရႃႉၽြႃးၽြႃးပဵၼ်ၸဝ်ႈမႂ်းဢေႃႈ။ၼႂ်းဝၼ်းၼၼ်ႉၸႃႉၸဵမ်မႂ်းလႄႈလုၵ်ႈၸၢႆးမႂ်း၊လုၵ်ႈယိင်းမႂ်း၊ၶႃႈၵူၼ်းယိင်းမႂ်း၊ၶႃႈၵူၼ်းၸၢႆးမႂ်း၊တရိၵ်ႈသၢၼ်ႇမႂ်းဢိၵ်ႇတင်းၶႅၵ်ႇဢၼ်မီးယူႇၵႃႈၼႂ်းႁိူၼ်းမႂ်းၼၼ်ႉတၵ်းဢမ်ႇလႆႈႁဵတ်းၵၢၼ်တၢင်းႁဵတ်း။
၁၁ လွင်ႈမၼ်းၸမ်းၼႂ်းႁူၵ်းဝၼ်း၊ထႃႇဝရႃႉၽြႃးႁဵတ်းပဵၼ်ၽႃႉၵၢင်ႁၢဝ်၊လိၼ်မိူင်း၊ၼမ်ႉသမ်ႇမုၵ်ႉတြႃႇဢိၵ်ႇတင်းၵႃႈဢၼ်မီးၵႃႈၼႂ်းမၼ်းၸိူဝ်းၼၼ်ႉလႄႈဝၼ်းသတ်ႉတမၼၼ်ႉမၼ်းၸဝ်ႈယူႇၼိမ်ၼိမ်လီလီသေဢေႃႈ။ပိူဝ်ႈၼႆလႄႈထႃႇဝရႃႉၽြႃးပၼ်တၢင်းလီဝၼ်းသတ်ႉတမလႄႈႁႂ်ႈမူတ်းၸၢင်ႇဢေႃႈ။
၁၂ လွင်ႈၼင်ႇႁိုဝ်ဢသၢၵ်ႈမႂ်းတၵ်းယိုၼ်းယၢဝ်းၵႃႈၼႂ်းမိူင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈမႂ်းပၼ်တီႈမႂ်းၼၼ်ႉၸိုင်ႁဵတ်းရူဝ်ႇသေႇၵူဝ်ယမ်ပေႃႈမေႈမႂ်းတႃႉ။
၁၃ ယႃႇပေဢဝ်ဢသၢၵ်ႈၵူၼ်းတၢႆ။
၁၄ ယႃႇပေၽိတ်းပိူင်ႈမေးပိူၼ်ႈ။
၁၅ ယႃႇပေလၵ်ႉဢုၵ်ႉၸႃႇၶူဝ်းလဵင်းပိူၼ်ႈ။
၁၆ ယႃႇပေယူႇၽၢႆႇၼိုင်ႈသေလႄႈၶၢမ်ႇသၢၵ်ႈသေႇဢၼ်ဢမ်ႇၸိုဝ်ႈဢမ်ႇၸႂ်ႈလူၺ်ႈလွင်ႈၵေႃႉဢၼ်ၸၢပ်ႈသႅင်ႇၵၼ်တင်းမႂ်းၼၼ်ႉ။
၁၇ ယႃႇပေမီႈၸႂ်ဢၼ်ၸပ်းၸွႆးၶႂ်ႈလႆႈႁိူၼ်းယေးၵေႃႉဢၼ်ၸၢပ်ႈသႅင်ႇၵၼ်တင်းမႂ်းၼၼ်ႉ။ယႃႇပပေမီႈၸႂ်ဢၼ်ၸပ်းၸွႆးၶႂ်ႈလႆႈၸႃႉၸဵမ်မေးၵေႃႉဢၼ်ၸၢပ်ႈသႅင်ႇၵၼ်တင်းမႂ်းလႄႈၶႃႈၵူၼ်းၸၢႆးမၼ်း၊ၶႃးၵူၼ်းယိင်းမၼ်း၊ဝူဝ်းမၼ်း၊မႃႉလီႈမၼ်းတင်းဢုၵ်ႉၸႃႇၶူဝ်းလဵင်းၵေႃႉဢၼ်ၸၢပ်ႈသႅင်ႇၵၼ်တင်းမႂ်းၼၼ်ႉသေၸိူဝ်ႉသေပိူင်၊ဝႃႈၼင်ႇၼႆဢေႃႈ။
၁၈ ၵူၼ်းတင်းသဵင်ႈတင်းလူင်ႁၼ်တၢင်းဢၼ်ၽႃႉလင်တၢင်းဢၼ်ၽႃႉမႅပ်ႈ၊တၢင်းဢၼ်သဵင်ၼႄးၶရႃႇမေႃးလင်ႊ၊တၢင်းဢၼ်ၵႂၼ်းၽႆးဢွၵ်ႇၵႃႈၼႂ်းလွႆယူႇၼၼ်ႉလႄႈၶဝ်ႁၼ်သေယဝ်ႉဢွၼ်ၵၼ်ၶၢႆႉတီႈသေလႄႈၸုၵ်းယူႇၵႃႈတီႈဢၼ်ၵႆၵႆၼၼ်ႉဢေႃႈ။
၁၉ ၶဝ်ၼၼ်ႉဢွၼ်ၵၼ်လဝ်ႈလၢတ်ႈတီႈမုဝ်းသေႇလႄႈဝႃႈ၊-ၸဝ်ႈႁဝ်းမီးဢမိင်ႉပၼ်တီႈႁဝ်းၶႃႈသေၵမ်းၶႃႈ။ႁဝ်းၶႃႈတၵ်းထွမ်ႇဢဝ်ၶႃႈဢေႃႈ။ယႃႇပေႁႂ်ႈၽြႃးပဵၼ်ၸဝ်ႈမီးဢမိင်ႉပၼ်တီႈႁဝ်းၶႃႈသေၵမ်းၶႃႈ။ႁဝ်းၶႃႈၵူဝ်လႆႈတၢႆၶႃႈဢေႃႈ၊ဝႃႈၼင်ႇၼႆဢေႃႈ။
၂၀ မုဝ်းသေႇၵေႃႈလၢတ်ႈတီႈၵူၼ်းတင်းလၢႆလႄႈဝႃႈ၊-ယႃႇပေၵူဝ်ပေႁႄ။ၽြႃးပဵၼ်ၸဝ်ႈမႃးႁႂ်ႈလႆႈၸၢမ်းတူၺ်းသူဢိၵ်ႇတင်းႁႂ်ႈသူၵူဝ်ႁႄမၼ်းၸဝ်ႈ၊ႁႂ်ႈသူၵၢင်းလွတ်ႈတင်းတၢင်းဢၼ်ၽိတ်းပိူင်ႈဢေႃႈ၊ဝႃႈၼင်ႇၼႆဢေႃႈ။
၂၁ ၵူၼ်းတင်းလၢႆၼၼ်ႉၸုၵ်းယူႇၵႃႈတီႈဢၼ်ၵႆၵႆဢေႃႈ။မုဝ်းသေႇၸမ်းသုတ်ႉၸပ်းသုတ်ႉၸူးတီႈဢၼ်လပ်းသိင်ႇၽိတ်းၽိတ်းတီႈဢၼ်ၽြႃးပဵၼ်ၸဝ်ႈမီးယူႇၼၼ်ႉဢေႃႈ။
ရုၵ်ႉထူႉတင်းယိၸ်ႉပလၢင်ႇ
၂၂ ထႃႇဝရႃႉၽြႃးၵေႃႈမီးဢမိင်ႉတီႈမုဝ်းသေႇလႄႈဝႃႈ၊-ၵႂၢမ်းဢၼ်မႂ်းတၵ်းလႆႈမွၵ်ႇလၢတ်ႈတီႈၵူၼ်းမဵဝ်းဢိသရေႇလၸိူဝ်းၼၼ်ႉလႄႈဝႃႈၸမ်း၊-တူဝ်သူႁူႉႁၼ်လွင်ႈဢၼ်ၵဝ်ယူႇၵႃႈၼိူဝ်ၽႃႉၵၢင်ႁၢဝ်လၢတ်ႈတေႃႇၵၼ်တင်းသူၼၼ်ႉယဝ်ႉ။
၂၃ သူဢမ်ႇလႆႈႁဵတ်းၽြႃးတၢင်ႇသူႇတၢင်ႇပႃးဝႆႉၼႂ်းဢရႃႇၵဝ်။သူဢမ်ႇလႆႈႁဵတ်းၽြႃးငိုၼ်းၽြႃးၶမ်းဝႆႉတီႈသူ။
၂၄ မႂ်းတၵ်းလႆႈတႄႇႁဵတ်းယိၸ်ႉပလၢင်ႇလိၼ်ပုၼ်ႈၵဝ်ဢေႃႈ။တၵ်းလႆႈဢဝ်ယိၸ်ႉဢၼ်တုတ်ႇၽႆးတင်းယိၸ်ႉမိၵ်ႉသႁႃႇယႃႉမႂ်းဢၼ်ဝႃႈယိၸ်ႉသူဝ်းဝူဝ်းမႂ်းၸိူဝ်းၼၼ်ႉပုၵ်ႉၸေႃႇၵႃႈၼိူဝ်ယိၸ်ႉပလၢင်ႇၼၼ်ႉဢေႃႈ။ၵဝ်တၵ်းမႃးတီႈသူၼႂ်းတီႈဢၼ်ၵဝ်ႁႂ်ႈၶုၵ်းၸႂ်လႆႈၶႆႈထူပ်းၼႃႇမႃႉၸိုဝ်ႈသဵင်ၵဝ်ၵူႈတီႈၵူႈလႅၼ်ၼၼ်ႉသေလႄႈပၼ်တၢင်းလီဢေႃႈ။
၂၅ ပေႃးမႂ်းတႄႇႁဵတ်းယိၸ်ႉပလၢင်ႇမၢၵ်ႇႁိၼ်ပုၼ်ၵဝ်ၸိုင်မႂ်းဢမ်ႇလႆႈဢဝ်တင်းမၢၵ်ႇႁိၼ်ဢၼ်ထၢၵ်ႇဢဝ်သိၼ်ဢဝ်ၼၼ်ႉလႄႈႁဵတ်း။ပေႃးမႂ်းယုၵ်ႉၶိူင်ႈလဵၵ်းသႂ်ႇၵႃႈၼိူဝ်မၼ်းၸိုင်မႂ်းႁႂ်ႈမၼ်းၵူဝ်ႈၵိူၵ်ႇဢေႃႈ။
၂၆ လွင်ႈၼင်ႇႁိုဝ်တၢင်းဢၼ်တူဝ်ပူၺ်မႂ်းတၵ်းဢမ်ႇလႆႈပေႃႇလႆႈမီးၵႃႈၼိူဝ်မၼ်းၸိုင်မႂ်းဢမ်ႇလႆႈၵၢႆႇၶူဝ်လႆၶိုၼ်ႈၵႃႈၼိူဝ်ယိၸ်ႉပလၢင်ႇၵဝ်။