၉
တၢင်းဢၼ်ၺၢၼ်ႇႁွင်ႉပၢဝ်ႇတင်းတၢင်းဢၼ်ႁူၢႆႉမိူၵ်ႈႁွင်ႉပၢဝ်ႇ
၁ ၺၢၼ်ႇ တႄႇႁဵတ်းႁိူၼ်းမၼ်းလႄႈႁဵတ်းသၢင်ႈသဝ် လၵ်းႁိူၼ်းမၼ်းၸဵတ်းလႅမ်ႈယဝ်ႉယဝ်ႉ။
၂ မၼ်းဢဝ်ၼိူဝ်ႉတင်းလၢႆမႄးႁႅၼ်းလႄႈ ဢဝ်ၼမ်ႉၸပိတ်ႉတင်းလၢႆႈလေႃးၵၼ်သေယဝ်ႉ မႄးႁဵတ်းၶူင်ႇတီႈၵိၼ်မၼ်းဝႆႉယဝ်ႉ ယဝ်ႉ။
၃ မၼ်းပွႆႇၸႂ်ႉၶႃႈမေႈယိင်းမၼ်းတင်းလၢႆႁႂ်ႈလႆႈႁွင်ႉသႅၼ်ႇသေႃႇပၢဝ်ႇၵႃႈတီႈဢၼ်သုင်ၼႃႇသေပိူၼ်ႈ တင်းလၢႆၵႃႈၼႂ်းၶူးၼႂ်းဝဵင်းလႄႈဝႃႈ၊-
၄ ႁႂ်ႈၵေႃႉဢၼ်ငိူဝ်ႈ ဢၼ်ငႃႉၼၼ်ႉၶဝ်ႈမႃးၵႃႈတီႈၼႆႉသေၵမ်း။
၅ ၵေႃႉဢၼ်ဢမ်ႇမီးပိင်ႇၺႃႇဢိူၺ်း။မႃးလႄႈၵိၼ်ၶဝ်ႈမုၼ်းၵဝ်လႄႈ သူတ်ႉၵိၼ်ၼမ်ႉၸပိတ်ႉ ဢၼ်ၵဝ်မႄးၽေႃႇဝႆႉ ၼၼ်ႉသေၵမ်း။
၆ ပႄႇပႅတ်ႈတၢင်းဢၼ်မိူၵ်ႈၼၼ်ႉသေလႄႈဢသၢၵ်ႈၵတ်းယဵၼ်ၶျၢမ်းသႃႇယူႇသေၵမ်း။ၵႂႃႇမႃးယူႇၵႃႈၼႂ်းသဵၼ်ႈတၢင်းပိင်ႇၺႃႇ သေၵမ်းဝႃႈၼင်ႇၼႆဢေႃႈ။
၇ ၵေႃႉဢၼ်သင်ႇသွၼ်သုင်းမႃႉတီႈၵူၼ်းဢၼ်ႁဵတ်းဢမ်ႇပေႃးၼင်ႇႁိုဝ်ယူႇၼၼ်ႉလႆႈၶၢမ်ႇတၢင်းဢၼ်ဢူၵ်းဢၢႆလႄႈၵေႃႉဢၼ်ၽုၺ်ႇဢွၵ်ႇၼႄပျႃး ဢပျႅတ်ႈၵူၼ်းဢၼ်ႁုၵ်းဢၼ်ႁၢႆႉၼၼ်ႉ လႆႈၶၢမ်ႇတၢင်း ဢၼ်သေႉသွမ်းဢေႃႈ။
၈ ယႃႇပေၽုၺ်ႇဢွၵ်ႇၼႄပျႃးဢပျႅတ်ႈ တီႈၵူၼ်းဢၼ်ႁဵတ်း ဢမ်ႇပေႃးၼင်ႇႁိုဝ်ၼၼ်ႉ။မၼ်းတၵ်းၸင်းမႂ်းဢေႃႈ။ၽုၺ်ႇဢွၵ်ႇၼႄပျႃးဢပျႅတ်ႈတီႈၵူၼ်းဢၼ်မီးပိင်ႇၺႃႇၼၼ်ႉတႃႉ။မၼ်း တၵ်းႁၵ်ႉမႂ်းဢေႃႈ။
၉ ပေႃးသုင်းမႃႉပၼ်ၵူၼ်းဢၼ်မီးပိင်ႇၺႃႇၼၼ်ႉၸိုင် မၼ်းယိင်ႈၶႅၼ်းတၵ်းမီးပိင်ႇၺႃႇလႄႈ ပေႃးသင်ႇသွၼ်ပၼ်တီႈၵူၼ်းဢၼ်သိုဝ်ႈတေႃႇၼၼ်ႉၸိုင် မၼ်းယိင်ႈၶႅၼ်းတၵ်းယႂ်ႇၽႄႈတူဝ်းတွၼ်းမႃးၼႂ်းတၢင်းဢၼ်ႁူႉဢၼ်ၸၢင်ႊၼၼ်ႉဢေႃႈ။
၁၀ တၢင်းဢၼ်ၵူဝ်ႁႄထႃႇဝရႃႉၽြႃးၼၼ်ႉ ပဵၼ်ၵေႃႇၸႃႉႁူဝ်ပိုင်းၺၢၼ်ႇလႄႈ တၢင်းဢၼ်ႁူႉၸၵ်းၽြႃးမၼ်း ၸဝ်ႈၼၼ်ႉပဵၼ်ပိင်ႇၺႃႇဢေႃႈ။
၁၁ လွင်ႈမၼ်းၸမ်းၵွပ်ႈပိူဝ်ႈၵဝ်လႄႈမိူဝ်ႉဝၼ်းမႂ်းတၵ်းၼမ်မႃးလႄႈၶူပ်ႇပီႊဢသၢၵ်ႈမႂ်းတၵ်းယႂ်ႇၽႄႈတူဝ်းတွၼ်းမႃးဢေႃႈ။
၁၂ ပေႃးမႂ်းမီးၺၢၼ်ႇၸိုင်ၺၢၼ်ႇတၵ်းပၼ်ဢၵျူဝ်းတီႈမႂ်းလႄႈ ပေႃးမႂ်းႁဵတ်းဢမ်ႇပေႃးၼင်ႇႁိုဝ်ယူႇၸိုင် တူဝ်မႂ်းၵူၺ်းတၵ်းလႆႈၶၢမ်ႇဢပျႅတ်ႈဢေႃႈ။
၁၃ မေႈယိင်းဢၼ်မိူၵ်ႈၼၼ်ႉ လၢတ်ႈၵႂၢၢမ်းသဵင်ႁႅင်းၼႃႇ လႄႈငိူဝ်ႈငႃႉဢမ်ႇႁူႉၵႃႈသင်လႃးလႃး။
၁၄ မၼ်းၼင်ႈယူႇၵႃႈတီႈၽၵ်းတူႁိူၼ်းမၼ်း ၵႃႈၼိူဝ်တီႈယူႇတီႈၼင်ႈ တီႈဢၼ်သုင်တင်းလၢႆ ၵႃႈၼႂ်းၶူးၼႂ်းဝဵင်းသေလႄႈ
၁၅ ႁွင်ႉဢဝ်ၶဝ်ၸိူဝ်းဢၼ် တႆႇတၢင်းပႆတၢင်းဢၼ်ပဵၼ်ၶဝ် ၸိူဝ်းဢၼ်ၸွမ်းတၢင်းၵႂႃႇ သိုဝ်ႈသိုဝ်ႈလီလီၼၼ်ႉလႄႈဝႃႈ၊-
၁၆ ႁႂ်ႈၵေႃႉဢၼ်ငိူဝ်ႈငႃႉၼၼ်ႉၶဝ်ႈမႃးၵႃႈတီႈၼႆႉသေ ၵမ်း။ၵေႃႉဢၼ်ဢမ်ႇမီးပိင်ႇၺႃႇဢိူၺ်း။
၁၇ ၼမ်ႉဢၼ်လၵ်ႉဢဝ်လွမ်ဢဝ်ၼၼ်ႉဝၢၼ်ဢေႃႈ။ၶဝ်ႈမုၼ်းဢၼ်လၵ်ႉလွမ်ၵိၼ်တဵတ်ႇတဵတ်ႇၼၼ်ႉၵေႃႈ ဝၢၼ်ႈလီမၼ်းလီ ဢေႃႈ၊ဝႃႈၼင်ႇၼႆဢေႃႈ။
၁၈ ၵေႃႉၼၼ်ႉဢမ်ႇႁူႉလွင်ႈဢၼ်ၵူၼ်းပႃႇႁဵဝ်ႈတင်းလၢႆ မီးယူႇၵႃႈတီႈၼၼ်ႉဢိၵ်ႇတင်းလွင်ႈဢၼ်ၶႅၵ်ႇမေႈယိင်းၸိူဝ်းၼၼ်ႉ မီးယူႇၵႃႈၼႂ်းတီႈဢၼ်လိုၵ်ႉဢၼ်လမ်ႇမိူင်းမရၼႃႉၼၼ်ႉ။