၂၄
၁ ယႃႇပေသီႇၵေႉႁႄႈတႃတေႃႇ ၶဝ်ၸိူဝ်းဢၼ်ဢမ်ႇတြႃးၼၼ်ႉ။ယႃႇပေမီးဢလူဝ်ႇၶႂ်ႈမီးယူႇလူၺ်ႈၵၼ် တင်းၶဝ်ၸိူဝ်းၶဝ်ၼၼ်ႉ။
၂ ႁူဝ်ၸႂ်ၶဝ်ၵျၢမ်ႇပွင်ႁႂ်ႈလႆႈယႃႉပိူၼ်ႈပႅတ်ႈယူႇလႄႈ ၶဝ်ၸၢင်ႊဢဝ်သူပ်းလၢတ်ႈၵႂၢမ်း ဢၼ်တၵ်းႁဵတ်းၽေးသႂ်ႇပိူၼ်ႈၼၼ်ႉယူႇဢေႃႈ။
၃ လႆႈပႃးၺၢၼ်ႇသေလႄႈတႄႇႁဵတ်းႁိူၼ်းဢေႃႈ။လႆႈပႃးတၢင်းႁူႉတၢင်းႁၼ်သေလႄႈႁႂ်ႈမၼ်းလႆႈမၼ်ႈယဝ်ႉ တူဝ်ဢေႃႈ။
၄ လႆႈပႃးပိင်ႇၺႃႇသေလႄႈႁႂ်ႈလုၵ်းႁိူၼ်းတင်းလၢႆ လႆႈတဵမ်ဝႆႉတင်းၶွင်ၶူဝ်းဢၼ်ထိူၵ်ႈၵႃႈထိူၵ်ႈ ၶၼ်လႄႈလီထုၵ်ႇၸႂ်ၵျိူၵ်ႈၸႂ်ၵူႈၸိူဝ်ႉၵူႈပိူင်ဢေႃႈ။
၅ ၵေႃႉဢၼ်မီးၺၢၼ်ႇၼၼ်ႉ မီးတၼ်းၶူဝ်းလႄႈၵေႃႉဢၼ်မီးပိင်ႇၺႃႇ တၢင်းဢၼ်ႁူႉဢၼ်ၸႅင်ႈၼၼ်ႉႁႂ်ႈႁႅင်းတၼ်းၶူဝ်းမၼ်းမၼ်ႈၶိူင်ႇယူႇဢေႃႈ။
၆ မႂ်းတၵ်းလႆႈမီးတၢင်းဢၼ်ၼႄ တၢင်းၼႂ်းတၢင်းတိုၵ်းသိုၵ်းၼၼ်ႉလႄႈတၵ်းလႆႈမီးၵူၼ်း ဢၼ်ပၼ်တၢင်းၵျၢမ်ႇတၢင်းပွင် ပုၼ်ႈ ဢၼ်တၵ်းပႄႉၼႅင်ႇၼၼ်ႉဢေႃႈ။
၇ ၺၢၼ်ႇၼၼ်ႉပဵၼ်ဢၼ်သုင်ၼႃႇလူင်လၢင် ပုၼ်ႈၵေႃႉဢၼ်မိူၵ်ႈၼၼ်ႉဢမ်ႇၶိုတ်းထိုင်လႆႈဢေႃႈ။မၼ်းဢမ်ႇၽုၺ်ႇသူပ်းဢႃႈ သူပ်းမၼ်းလႆႈၵႃႈတီႈၼႂ်းႁူးၽၵ်းတူဝဵင်း။
၈ ၵေႃႉဢၼ်ၵျၢမ်ႇပွင် ႁႂ်ႈႁဵတ်းလွင်ႈတၢင်းဢၼ်ဢမ်ႇလီၼၼ်ႉၸိုင် ပိူၼ်ႈႁွင်ႉႁိၵ်ႈဝႃႈၵေႃႉဢၼ်ႁဵတ်းၽေးဢေႃႈ။
၉ တၢင်းၵျၢမ်ႇတၢင်းပွင် ၵေႃႉဢၼ်မိူၵ်ႈၼၼ်ႉပႃးဢပျႅတ်ႈလႄႈၵေႃႉဢၼ် ႁဵတ်းဢမ်ႇပေႃးၼင်ႇႁိုဝ်ယူႇၼၼ်ႉၵေႃႈပဵၼ် တီႈဢၼ်ၵူၼ်းလီႁင်ႈဢဵတ်ႇသဵတ်ႇဢေႃႈ။
၁၀ ပေႃးမႂ်းၸႂ်လူႉၼႂ်းၶိင်ႇမိူဝ်ႈဢၼ်ဢမူႉႁွတ်ႈထိုင်ၼၼ်ႉၸိုင် ႁႅင်းမႂ်း ၵေႇဢေႃႈ။
၁၁ ၵႄႇသႄႇၼုၵ်ႈဢဝ်ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ဢဝ်ဢွၵ်ႇၵႂႃႇၵႃႈတီႈပႃႇႁဵဝ်ႈလႄႈ ၸမ်တၵ်းလႆႈၶၢမ်ႇတၢင်းတၢႆၼၼ်ႉတႃႉ။ၶဝ်ၸိူဝ်းဢၼ်ပႆဝင်ႇဝီႈဝင်ႇဝိူဝ်ႈ ၵႂႃႇၸူးၵႃႈတီႈဢၼ်လႆႈၶၢမ်ႇတၢႆၼၼ်ႉ ၵေႃႈႁၢမ်ႈတပ်ႉႁႄႉၶႅၼ်တႃႉ။
၁၂ ပိၵ်ႉသမ်ႉမႂ်းလၢတ်ႈလႄႈဝႃႈ၊-ႁဝ်းဢမ်ႇႁူႉ၊ဝႃႈၼႆသေၵေႃႈၸဝ်ႈဢၼ်ၶႆႈၸႂ်ဝူၼ်ႉၸႂ်လူၺ်ႈသၽေႃးၵၢင်ၸႂ်ယူႇၼၼ်ႉ တၵ်းဢမ်ႇႁူႉႁိုဝ်။ၸဝ်ႈဢၼ်ပႂ်ႉၸႂ်ဝိၺိၺ်ႇမႂ်းယူႇၼၼ်ႉဢမ်ႇႁူႉႁိုဝ်။မၼ်းၸဝ်ႈတၵ်းတွပ်ႇတႅၼ်းပၼ် ဢၵျူဝ်းဢပျႅတ်ႈတီႈၵူၼ်းႁင်းၽႂ်ႁင်းမၼ်း ၸွမ်းၵႃႈၼင်ႇတၢင်းၵျၢမ်ႇတၢင်းပွင်မၼ်းမီးၼၼ်ႉ၊ဢမ်ႇၸႂ်ႁိုဝ်။
လုၵ်ႈၸၢႆးၵဝ်ဢိူၺ်း။
၁၃ ၵိၼ်ၼမ်ႉၽိုင်ႈၵွပ်ႈပိူဝ်ႈဢၼ်မၼ်းပဵၼ်ဢၼ်လီၼၼ်ႉတႃႉ။ၵိၼ်ႁူဝ်ၼမ်ႉႁူင်းၽိုင်ႈဢၼ်ဝၢၼ်လီၸဵမ်းလီတီႈသူပ်းတီႈလိၼ်ႉမႂ်းၼၼ်ႉ တႃႉ။
၁၄ မိူၼ်ၸိူဝ်ႉၼင်ႇၼၼ်မႂ်းတၵ်းလႆႈႁူႉလႆႈၸႅင်ႈၺၢၼ်ႇဝႆႉၵႃႈၼႂ်းႁူဝ်ၸႂ်မႂ်းလႄႈ ပေႃးမႂ်းထူပ်းႁၼ်ယဝ်ႉၸိုင်ဢၵျူဝ်းတၵ်းႁွတ်ႈထိုင်တီႈမႂ်းလႄႈ လွင်ႈတၢင်း ဢၼ်မႂ်းမုင်ႈထႃႈမွင်းထႃႈၼၼ်ႉတၵ်းဢမ်ႇလႆႈလူႉ။
၁၅ ၵေႃႉဢၼ်ဢမ်ႇတြႃးဢိူၺ်း။ယႃႇပလွမေ်တူၺ်းႁိူၼ်းၵေႃႉ ဢၼ်သိုဝ်ႈတေႃႇၼၼ်ႉ။
၁၆ ယႃႇပေယႃႉၽဵဝ်ႈပႅတ်ႈတီႈဢၼ်မၼ်းၵိင်းဝပ်ႈယူႇၼၼ်ႉ။ၵေႃႉဢၼ်သိုဝ်ႈတေႃႇၼၼ်ႉ ပိၵ်ႉသမ်ႉလူမ်ႉတေႃႇထိုင်ႁွတ်ႈၸဵတ်းပွၵ်ႈသေၵေႃႈသမ်ႉၶိုၼ်းလုၵ်ႉလႄႈ ၵေႃႉဢၼ်ဢမ်ႇတြႃးၸမ်းတၵ်းလႆႈၶၢမ်ႇတၢင်းဢၼ် လူမ်ႉတူၵ်းသႂ်ႇၵႃႈၼႂ်းလွင်ႈတၢင်းဢၼ်ဢမ်ႇလီဢေႃႈ။
၁၇ မိူဝ်ႈဢၼ်ရၢၼ်ႇသူႇမႂ်းလူမ်ႉတူၵ်းၼၼ်ႉၸိုင်ယႃႇပေၸူမ်းသိူဝ်း။မိူဝ်ႈဢၼ်မၼ်းၶီႇလိုတ်းမႅၼ်ႈၼၼ်ႉၵေႃႈယႃႇပေမီးၸႂ်ဢၼ်သႂၢင်ႇသိူဝ်း။
၁၈ ၵူဝ်ထႃႇဝရႃႉၽြႃးႁူႉႁၼ်သေလႄႈယင်းဢမ်ႇထုၵ်ႇၸႂ်ၵျိူၵ်ႈၸႂ်လႄႈ ၶၢႆႉတၢင်းၸႂ်မႆႈမၼ်းၸဝ်ႈပိူင်ႈသေမၼ်း ၼၼ်ႉဢေႃႈ။
၁၉ ယႃႇပေမႆႈၸႂ်ၵွပ်ႈပိူဝ်ႈၶဝ်ၸိူဝ်းဢၼ်ဢမ်ႇ တြႃးၼၼ်ႉ။
၂၀ ယႃႇပေသီႇၵေႉႁႄႈတႃႇတေႃႇၶဝ်ၸိူဝ်းဢၼ်ႁၢႆႉဢၼ်ႁုၵ်းၼၼ်ႉ။လွင်ႈမၼ်းၸမ်းၵေႃႉဢၼ်ဢမ်ႇတြႃးၼၼ်ႉဢမ်ႇမီးဢၵျူဝ်းမိူဝ်ႈၵမ်းလိုၼ်း။ဝၢၼ်ႇၽႆးတဵၼ်း ၵေႃႉဢၼ်ႁုၵ်းဢၼ်ႁၢႆႉၼၼ်ႉ တၵ်းမွတ်ႇ ဢေႃႈ။
၂၁ လုၵ်ႈၸၢႆးၵဝ်ဢိူၺ်း။ၵူဝ်ႁႄထႃႇဝရႃႉၽြႃးဢိၵ်ႇတင်းၶုၼ်ႁေႃၶမ်းတႃႉ။ယႃႇပလေေႃးလႄးႁဵတ်းၵေႃႉႁဵတ်းသေႈ လူၺ်ႈၵၼ်တင်း ၶဝ်ၸိူဝ်းဢၼ်ၸၢင်ႊၶၢႆႉ ပုတ်ႈလႄႈလုၵ်ႉၽိုၼ်ႉၼၼ်ႉ။
၂၂ လွင်ႈတၢင်းသွင်ဢၼ်ၼၼ်ႉတၵ်းႁႂ်ႈၽေးၶီႉၶႃႉႁွတ်ႈထိုင်လႄႈ ၽူႈ လႂ်တၵ်းႁူႉ ၽေးဢၼ်ႁႂ်ႈလူႉႁႂ်ႈလႅဝ်ၼၼ်ႉ။
၂၃ ၼွၵ်ႈသေၼၼ်ႉလွင်ႈတၢင်းဢၼ်ၸၢပ်ႈသႅင်ႇၵၼ်တင်း ၶဝ်ၸိူဝ်းဢၼ်မီးပိင်ႇၺႃႇၼၼ်ႉၸမ်းတၢင်းဢၼ်ထွၵ်ႈလူၺ်ႈၼႃႈၵူၼ်းၼႂ်းတီႈဢၼ်ၸီႇယၢင်ႇဢမူႉၼၼ်ႉ ဢမ်ႇထုၵ်ႇ ဢမ်ႇလီ။
၂၄ ၵေႃႉဢၼ်လၢတ်ႈတီႈၵေႃႉဢၼ်ဢမ်ႇတြႃးၼၼ်ႉလႄႈဝႃႈ၊- မႂ်းသိုဝ်ႈတေႃႇဢေႃႈ၊ဝႃႈၼင်ႇၼႆၼၼ်ႉမဵဝ်းၵူၼ်းတင်းလၢႆ တၵ်းသေႉသွမ်းလႄႈၵူၼ်းၵူႈၸိူဝ်ႉၵူႈမဵဝ်းတၵ်းလီႁင်ႈဢဵတ်ႇသဵတ်ႇဢေႃႈ။
၂၅ ၶဝ်ၸိူဝ်းဢၼ်သုင်းမႃႉတၢင်ႇဢပျႅတ်ႈ တီႈၵေႃႉဢၼ်ဢမ်ႇတြႃးၼၼ်ႉၸမ်း တၵ်းမီးတၢင်းဢၼ် ၸႂ်သႃႇယႃႇလႄႈမၢင်ႇၵလႃႇတၢင်းလီတၵ်းတူၵ်းႁွတ်ႈထိုင်ၵႃႈၼိူဝ် ၶဝ်ဢေႃႈ။
၂၆ ၵေႃႉဢၼ်ၸၢင်ႊၶိုၼ်းလၢတ်ႈၵႂၢမ်းဢၼ်မၢၼ်ႇဢၼ်မႅၼ်ႈၼၼ်ႉ မိူၼ်ၼင်ႇလႆၶၢမ်ႇတၢင်းဢၼ် ၼူမ်သူပ်းၼူမ်ပၢၵ်ႇၼၼ်ႉဢေႃႈ။
၂၇ မႄးႁႅၼ်းၵၢၼ်ငၢၼ်းမႂ်းဝႆႉၵႃႈတီႈၼွၵ်ႈတီႈပၢင်ႇလႄႈ ပွင်ႁႅၼ်းပုၼ်ႈမႂ်းဝႆႉၵႃႈတီႈၼႂ်းႁႆႊၼႂ်းၼႃးတႃႉ။လိုၼ်းၼၼ်ႉၸင်ႇႁဵတ်းႁိူၼ်း တီႈယူႇမႂ်းတႃႉ။
၂၈ လွင်ႈမၼ်းယင်းဢမ်ႇမီးလႄႈယႃႇပေၶၢမ်ႇသၢၵ်ႈသေႇယူႇ ၽၢႆႇၼိုင်ႈတင်းၵူၼ်းႁိူၼ်းၸမ် ၵၼ်တင်းမႂ်း။
၂၉ မႂ်းတၵ်းဢဝ်သူပ်းမႂ်းၽႅတ်ႉလႅၼ်ပိူၼ်ႈႁိုဝ်။ယႃႇပလေၢတ်ႈလႄႈဝႃႈ၊- ၵဝ်တၵ်းႁဵတ်းတီႈမၼ်းၸွမ်းၵႃႈၼင်ႇဢၼ်မၼ်းႁဵတ်းတီႈၵဝ်ၼၼ်ႉဢေႃႈ။ၵဝ်တၵ်းတွပ်ႇတႅၼ်းပၼ်ဢၵျူဝ်းဢပျႅတ်ႈတီႈမၼ်းၸွမ်းၵႃႈၼင်ႇဢၼ်မၼ်းႁဵတ်းသၢင်ႈၼၼ်ႉဢေႃႈ၊ ဝႃႈ ၼင်ႇၼႆၼၼ်ႉ။
၃၀ ၽဝ်ႇၼိုင်ႈၵဝ်ၵႆႉၵႂႃႇၵႃႈႁိမ်းတူင်ႈၼႃးၵေႃႉဢၼ်ၶၢၼ်ႉဢၼ်ဢိူၼ် ဢိၵ်ႇတင်းၵႃႈႁိမ်းသူၼ်ဢူးယဵၼ်ႇၸပိတ်ႉၵေႃႉဢၼ်မီးၺၢၼ်ႇၼၼ်ႉလႄႈ
၃၁ လႆႈ ႁၼ်မီးတၢင်းဢၼ်တူၼ်ႈၼၢမ်ႁူမ်ႇငမ်းယူႇ၊ၼႃႈလိၼ်ႁူမ်ႇသုမ်ႇဝႆႉတင်းတူၼ်ႈၼၢမ်လိၼ်ယူႇ ႁူဝ်တႅၼ်ႈ မၢၵ်ႇႁိၼ်မၼ်းၵိူၼ်ႇပင်းဝႆႉယူႇဢေႃႈ။
၃၂ ၵဝ်ႁၼ်လႄႈၶႆႈၸႂ်ဝူၼ်ႉၸႂ်ဢေႃႈ။ၵဝ်လူတူၺ်းလႄႈလႆႈၶၢမ်ႇဢဝ် တၢင်းဢၼ်သွၼ်ဢဝ်ဢေႃႈ။
၃၃ ပေႃးမႂ်းဝႃႈ၊-ၼွၼ်းၵမ်းဢွၼ်ႇၼိုင်ႈလူးၵွၼ်ႇ။လပ်းၵမ်းဢွၼ်ႇၼိုင်ႈလူးၵွၼ်ႇ။ဢဝ်မိုဝ်းၼင်ႇၵၼ်ၵၼ်ၵွတ်ႇၵၼ်ၵမ်းဢွၼ်ႇၼိုင်ႈလႄႈ ႁႂ်ႈလႆႈၼွၼ်းလပ်းယူႇၵွၼ်ႇ၊ဝႃႈၼင်ႇၼႆၸိုင်
၃၄ တၢင်းယၢၵ်ႈတၢင်းၽၢၼ်မႂ်းၼၼ်ႉ တၵ်းႁွတ်ႈမႃး မိူၼ်ၸိူဝ်ႉၼင်ႇ ၵေႃႉဢၼ်ၵႂႃႇတၢင်းပႆတၢင်းၼၼ်ႉဢိၵ်ႇတင်းတၢင်းဢၼ်ၶွင်ၶူဝ်းမႂ်းသုမ်းၸွမ်းၼၼ်ႉ တၵ်းႁွတ်ႈထိုင်မႃးမိူၼ်ၸိူဝ်ႉၼင်ႇၵူၼ်းသိုၵ်းၼၼ်ႉဢေႃႈ။