၂၉
၁ ၵေႃႉဢၼ် လႆႈၶၢမ်ႇတၢင်းဢၼ် သင်ႇသွၼ်သုင်းမႃႉယူႇၶိူဝ်းၶိူဝ်းယႂ်းယႂ်းသေၵေႃႈ ယင်းႁႂ်ႈၶေႃးမၼ်းၵႅၼ်ႇၶႅင်ယူႇၼၼ်ႉ ယင်းဢမ်ႇမီးတီႈဢိင်ပိူင်လႄႈတၵ်းလႆႈၶၢမ်ႇတၢင်းဢၼ် ႁၵ်းႁိၵ်းလူႉလႅဝ်ပႅတ်ႈၵမ်းလဵဝ်ဢေႃႈ။
၂ မိူဝ်ႈဢၼ်ၵူၼ်းသိုဝ်ႈတေႃႇလႆႈဢၶႂင်ႉၼၼ်ႉၸိုင် ၵူၼ်းဝၢၼ်ႈၵူၼ်းမိူင်းတင်းလၢႆၸူမ်းသိူဝ်းလႄႈ မိူဝ်ႈဢၼ်ၵူၼ်းဢၼ်ဢမ်ႇတြႃးလႆႈဢုပ်ႉပိူင်ႇၼၼ်ႉၸမ်း ၵူၼ်းဝၢၼ်ႈၵူၼ်းမိူင်းတင်းလၢႆလႆႈမႆႈၸႂ်ယၢပ်ႇၸႂ်ဢေႃႈ။
၃ ၵေႃႉဢၼ်ထုၵ်ႇၸႂ်ၵျိူၵ်ႈၸႂ်ၺၢၼ်ႇၼၼ်ႉ ၸၢင်ႊႁႂ်ႈပေႃႈမၼ်းၸူမ်းသိူဝ်းလႄႈ ၵေႃႉဢၼ်ႁဵတ်းၵေႃႉႁဵတ်းသေႈလူၺ်ႈၵၼ်တင်းမေႈမွၵ်ႇယႃႈၼၼ်ႉၸမ်း ၸၢင်ႊႁႂ်ႈၶွင် ၶူဝ်းသဵင်ႈမူတ်းဢေႃႈ။
၄ ၶုၼ်ႁေႃၶမ်းဢၼ်ၸီႇယၢင်ႇၸွမ်းၼင်ႇတြႃးၼၼ်ႉ ၸၢင်ႊႁႂ်ႈဝၢၼ်ႈမိူင်းတႄႇယူႇလႄႈ ၶုၼ်ႁေႃၶမ်း ဢမ်ၵိၼ်သူးလၢပ်ႈလၢၵ်ႈသွင်ႇၼၼ်ႉၸမ်းၸၢင်ႊပိၼ်ႈၶႂၢမ်ႈဝၢၼ်ႈမိူင်းပႅတ်ႈဢေႃႈ။
၅ ၵေႃႉဢၼ် ၶျေႃးလႅၼ်ၵူၼ်းႁိူၼ်းၸမ်ၵၼ်တင်းမၼ်း ၼၼ်ႉဢဝ်ၶႄၵီႈၽႄႇဝႆႉပုၼ်ႈတိၼ်မၼ်းဢေႃႈ။ၼႂ်း
၆ တၢင်းဢၼ် ၵူၼ်းႁုၵ်းၵူၼ်းႁၢႆႉၽိတ်းပိူင်ႈၼၼ်ႉ မီးတၢင်းဢၼ်ၵၢင်တူင်ႇႁဵဝ်ႉဝႆႉယူႇလႄႈ ၵေႃႉဢၼ်သိုဝ်ႈတေႃႇၼၼ်ႉၸမ်း ၸၢင်ႊႁဵတ်းၵႂၢမ်းဢၼ်သႂၢင်ႇသိူဝ်း ၼႃႇလူင်လၢင်ၼၼ်ႉဢေႃႈ။
၇ ၵေႃႉဢၼ်သိုဝ်ႈတေႃႇၼၼ်ႉ ၸၢင်ႊၶႆႈၸႂ်ဝူၼ်ႉၸႂ်လူၺ်ႈဢမူႉၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉလႄႈ ၵေႃႉဢၼ်ဢမ်ႇတြႃးၼၼ်ႉၸမ်း ဢမ်ႇၸၢင်ႊႁႃဢဝ်တၢင်းဢၼ်ႁူႉဢၼ် ၸႅင်ႈလွင်ႈမၼ်းတၢင်းမၼ်း။
၈ ၶဝ်ၸိူဝ်းဢၼ်ႁဵတ်းဢမ်ႇပေႃးၼင်ႇႁိုဝ်ယူႇၼၼ်ႉၸၢင်ႊဢဝ်ၽႆးတုတ်ႇဝဵင်းလႄႈ ၶဝ်ၸိူဝ်းဢၼ်မီးၺၢၼ်ႇၼၼ်ႉၸမ်း ၸၢင်ႊသၢႆႇ တေႃးသႃႉတၢင်းၸႂ်မႆႈၶႆႈၸႃႉပႅတ်ႈဢေႃႈ။
၉ ပေႃးၵေႃႉဢၼ်မီးၺၢၼ်ႇၼၼ်ႉ ပဵၼ်ဢမူႉၵၼ်တင်းၵေႃႉဢၼ်မိူၵ်ႈၸိုင်ၵူၼ်းမိူၵ်ႈၼၼ်ႉမၼ်းၸႂ်မႆႈၶႆႈၸႃႉ သေဢမ်ႇဝႃႈ၊မၼ်းယုမ်ႉၶူဝ်သေဢမ်ႇဝႃႈဢမ်ႇမီးတီႈဢၼ်တၵ်း ထၢတ်ႇတၵ်းယဵၼ်။
၁၀ ၶဝ်ၸိူဝ်းဢၼ်ၸၢင်ႊထွၵ်ႇလိူတ်ႈၵူၼ်းပႅတ်ႈၼၼ်ႉၸၢင်ႊငိၼ်းၸင်းၵေႃႉဢၼ်ၸေးၸုမ်ႇလႄႈ ၶဝ်ၸိူဝ်းဢၼ်သိုဝ်ႈလီရူဝ်းလီၼၼ်ႉၸမ်းၸၢင်ႊႁႃၸွႆႈႁႃထႅမ်ဢသၢၵ်ႈပိူၼ်ႈဢေႃႈ။
၁၁ ၵေႃႉဢၼ်မိူၵ်ႈၼၼ်ႉ ၸၢင်ႊဢဝ်တေႃးသႃႉတၢင်းၸႂ်မႆႈမၼ်းၵႃႈမီးၼၼ်ႉၽုၺ်ႇဢွၵ်ႇၼႄပျႃႉလႄႈ ၵေႃႉဢၼ်မီးၺၢၼ်ႇၼၼ်ႉၸမ်းၸၢင်ႊဢဝ်သိူင်ႇဝႆႉသိမ်းဝႆႉလႄႈႁႂ်ႈမၼ်း ထၢတ်ႇမၼ်းယဵၼ်ဢေႃႈ။
၁၂ ပေႃးၶုၼ်ထွမ်ႇဢဝ်ၵႂၢမ်းမူႉသႃႇၸိုင် ၶႃႈမၼ်းၵူၼ်းမၼ်းတင်းသဵင်ႈတင်းလူင် ပဵၼ်ၵူၼ်းႁၢႆႉၵူၼ်းမိူၵ်ႈဢေႃႈ။
၁၃ တီႈၵေႃႉဢၼ်ယၢၵ်ႈဢၼ်ၽၢၼ်ႇတင်း ၵေႃႉဢၼ်ၼိၵ်ႈၸၢၵ်ႈငႅၼ်းသေးၼၼ်ႉထႃႇဝရႃႉၽြႃး ဢိတ်းလူပၼ်ဢၼ်လႅင်းတီႈမၢၵ်ႇတႃ သွင်ၶႃၼၼ်ႉမိူၼ်မိူၼ်ၵၼ်ဢေႃႈ။
၁၄ ရႃႇၸႃႉပလၢင်ႇၶုၼ်ႁေႃၶမ်းဢၼ်ၸီႇယၢင်ႇတြႃး တီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ် သိုဝ်ႈသိုဝ်ႈတေႃႇတေႃႇၼၼ်ႉ ၸၢင်ႊတႄႇယူႇတႃႇသေႇဢမ်ႇထၢတ်ႇဢေႃႈ။
၁၅ ၶွၼ်ႉဝၢႆ ဢၼ်သင်ႇသွၼ်သုင်းမႃႉၼၼ်ႉၸၢင်ႊႁႂ်ႈၺၢၼ်ႇယႂ်ႇၽႄႈၼမ်ၵိုၼ်းမႃးလႄႈ လုၵ်ႈဢွၼ်ႇဢၼ်ယူႇၵၢင်ၸႂ်မၼ်းၼၼ်ႉ ၸၢင်ႊႁႂ်ႈမေႈမၼ်းလႆႈဢူၵ်းလႆႈဢၢႆဢေႃႈ။မိူဝ်ႈဢၼ်ၵူၼ်းဢၼ်ဢမ်ႇတြႃးယႂ်ႇၽႄႈၼမ်ၵိုၼ်းမႃးၼၼ်ႉၸိုင်ဢပျႅတ်ႈ တၢင်းဢၼ်ပူၼ်ႉလိူဝ်ၵေႃႈ ၸၢင်ႊယႂ်ႇၽႄႈၼမ်ၵိုၼ်းမႃးလႄႈဢေႃႈ။
၁၆ ၵူၺ်းၵႃႈၶဝ်ၸိူဝ်းဢၼ်သိုဝ်ႈတေႃႇၼၼ်ႉတၵ်းလႆႈႁၼ်တၢင်း ဢၼ်ၶဝ်လူမ်ႉတူၵ်းၼၼ်ႉဢေႃႈ။
၁၇ သင်ႇသွၼ်သုင်းမႃႉလုၵ်ႈၸၢႆးမႂ်းတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်မၼ်းတၵ်းပၼ်တၢင်းၼိမ်ၸႂ်တီႈမႂ်းဢေႃႈ။လိူဝ်သေၼၼ်ႉဢမ်ႇၵႃး မၼ်းတၵ်းပၼ်ဢၶႂၢင်ႉဢၼ်ၸႂ်လီသႂၢင်ႇလီ သိူဝ်းၼၼ်ႉဢေႃႈ။
၁၈ ပေႃးပျႃႇတိၵ်ႈၸဝ်ႈဢမ်ႇမီးၸိုင်ၵူၼ်းတင်းလၢႆႁဵတ်းၵမ်ၸႂ်ၶဝ်ယူႇလႄႈ ၵေႃႉဢၼ်ပႂ်ႉထွမ်ႇတြႃးၸဝ်ႈယူႇၼၼ်ႉၸမ်း မီးမၢင်ႇၵလႃႇဢေႃႈ။
၁၉ ဢဝ်တင်းၵႂၢမ်းၵူၺ်းလႄႈ သင်ႇသွၼ်သုင်းမႃႉၶႃႈလႄႈဢမ်ႇလႅၵ်ႈလၢႆလႆႈ။မၼ်းၼၼ်ႉပိၵ်ႉသမ်ႉႁူႉၸႅင်ႈသေၵေႃႈယင်းဢမ်ႇထွမ်ႇဢဝ်လႄႈတၵ်းယူႇဢေႃႈ။
၂၀ ၸွင်ႇမႂ်းႁၼ်ၵေႃႉဢၼ် ယင်းဢမ်ႇမီးသတိလႄႈ သူပ်းၽႂ်းၵႂၢမ်းၽႂ်းၼၼ်ႉႁိုဝ်။ဢၶႂၢင်ႉတၢင်းဢၼ်မုင်ႈထႃႈမွင်းထႃႈၼႂ်းၵူၼ်းဢၼ်မိူၵ်ႈၼၼ်ႉ ယိင်ႈၶႅၼ်းမီးၼမ် ၼႃႇသေၵႃႈၼႂ်းၵေႃႉၼၼ်ႉဢေႃႈ။
၂၁ ၶႃႈဢၼ်လႆႈၶၢမ်ႇတၢင်းဢၼ်လဵင်ႉလူ ၸဵမ်မိူဝ်ဢွၼ်ႇၼၼ်ႉၵမ်းလိုၼ်းတၵ်းလႆႈဢရႃႇလုၵ်ႈၸၢႆးဢေႃႈ။
၂၂ ၵေႃႉဢၼ်ၸႂ်မႆႈၶႆႈၸႃႉၼၼ်ႉတိုၵ်းယူင်းတၢင်းဢၼ်ၽိတ်းၵၼ်လႄႈ ၵေႃႉဢၼ်တေႃးသႃႉဢွၵ်ႇၼၼ်ႉ တဵမ်ဝႆႉတင်းတၢင်းဢၼ် ပူၼ်ႉဢၼ်လိူဝ်ၼမ်ၼႃႇဢေႃႈ။
၂၃ မႃႇၼႃႉတူဝ်ၸဝ်ႈၵဝ်ႇတၵ်းၶျႃးတူဝ်ၸဝ်ႈၵဝ်ႇတူၵ်းတီႈတႅမ်ႇလႄႈ ၵေႃႉဢၼ်ႁူဝ်ၸႂ်ၶျႃးတႅမ်ႇၼၼ်ႉၸမ်း တၵ်းလႆႈမူၼ်သရေႇဢေႃႈ။
၂၄ ၵေႃႉဢၼ် ၽႄမႅင်ႇၶွင်ၶူဝ်းလူၺ်ႈၵၼ်တင်းၽူႈလၵ်ႉၼၼ်ႉ ပဵၼ်ၵေႃႉဢၼ် ၸင်းဢသၢၵ်ႈတူဝ်ၸဝ်ႈၵဝ်ႇလႄႈ ပိၵ်ႉသမ်ႉမၼ်းငိၼ်းၵႂၢမ်းဢၼ်တိူင်ႇဝႃႈၵိၼ်ႇဝႃႈၼၼ်ႉသေၵေႃႈ မၼ်းဢမ်ႇၽုၺ်ႇဢွၵ်ႇၼႄပျႃးလႆႈ။
၂၅ တၢင်းဢၼ်ၵူဝ်ႁႄၵူၼ်းၼၼ်ႉ ၸၢင်ႊၵၢင်တူင်ႇႁဵဝ်ႉဝႆႉလႄႈ ၵေႃႉဢၼ်ဢိင်ပိူင်ထႃႇဝရႃႉၽြႃးယူႇၼၼ်ႉၸမ်း တၵ်းၵၢင်းလွတ်ႈတင်းၽေးဢေႃႈ။
၂၆ ၵူၼ်းၼမ်ၼႃႇၸၢင်ႊၶတ်းၸႂ်ႁႃဢဝ်ၵျေးၸူး တၢင်းဢၼ်ၶုၼ်ႁဵတ်းဢေႃႈ။ၵူၺ်းၵႃႈထႃႇဝရႃႉၽြႃးၸီႇယၢင်ႇဢမူႉၵူၼ်း တင်းလၢႆဢေႃႈ။
၂၇ ၵေႃႉဢၼ်ဢမ်ႇတြႃးၼၼ်ႉပဵၼ်တီႈဢၼ်ၵေႃႉဢၼ်ၸွမ်းတြႃး လီႁင်ႈဢဵတ်ႇသဵတ်ႇလႄႈၵေႃႉဢၼ်သိုဝ်ႈသိုဝ်ႈရူဝ်းရူဝ်းၼၼ်ႉၵေႃႈ ပဵၼ်တီႈဢၼ်ၵေႃႉဢၼ်ဢမ်ႇၸွမ်းတြႃးၼၼ်ႉ လီႁင်ႈဢဵတ်ႇသဵတ်ႇဢေႃႈ။