၁၅
၁ ၵႂၢမ်းဢၼ်လီဢၼ်ဝၢၼ်ၼၼ်ႉ ၽႄႇတေႃးသႃႉလႄႈၵႂၢမ်းဢၼ်ၶူမ်ဢၼ်ၶၼ်းၼၼ်ႉၸမ်း တိုၵ်းယူင်းတၢင်း ဢၼ်ၸႂ်လမ်သႆႈၵမ်ႇဢေႃႈ။
၂ လိၼ်ႉၵေႃႉဢၼ်မီးၺၢၼ်ႇၼၼ်ႉ ႁႂ်ႈတၢင်းဢၼ်ႁူႉၸႅင်ႈ သေႇၶျႃႇလီငၢမ်းလႄႈသူပ်းၶဝ်ၸိူဝ်းဢၼ်မိူၵ်ႈၼၼ်ႉၸမ်း ဢဝ်တၢင်းဢၼ် မိူၵ်ႈသွၼ်းလေႃႇဢေႃႈ။
၃ မၢၵ်ႇတႃထႃႇဝရႃႉၽြႃးမီးယူႇၵူႈတီႈၵူႈလႅၼ်လႄႈ လူတူၺ်းဢၼ်လီဢၼ်ၸႃႉယူႇ ဢေႃႈ။
၄ လိၼ်ႉဢၼ်လီဢၼ်ဝၢၼ်ၼၼ်ႉပဵၼ်တူၼ်ႈဢသၢၵ်ႈလႄႈ လိၼ်ႉဢၼ်ႁၢဝ်ႉဢၼ်ၵျၢမ်းၼၼ်ႉႁႂ်ႈၸဵပ်း ၸႂ်ဢေႃႈ။
၅ ၵေႃႉဢၼ်မိူၵ်ႈၼၼ်ႉႁဵတ်းဢမ်ႇပေႃးၼင်ႇႁိုဝ်တီႈတၢင်းဢၼ်ပေႃႈမၼ်း သင်ႇသွၼ်ႇပၼ်ၼၼ်ႉလႄႈ ၵေႃႉဢၼ်ထွမ်ႇဢဝ်ၵႂၢမ်းတၢင်းဢၼ်သုင်းမႃႉ ပၼ်ၼၼ်ႉၸမ်းတဵမ်ဝႆႉတင်းသတိဢေႃႈ။
၆ ၵႃႈၼႂ်းႁိူၼ်းၵေႃႉဢၼ်သိုဝ်ႈတေႃႇၼၼ်ႉမီးၸေးၸိမ်ႇၼမ်ၼႃႇလႄႈ ၵႃႈၼႂ်းတၢင်းဢၼ်ပဵၼ်တိုၼ်းပဵၼ်ႁွၼ်းၵေႃႉဢၼ်ဢမ်ႇတြႃးၼၼ်ႉၸမ်း မီးတၢင်းဢၼ်ယႃႉယူၵ်ႉၼမ်ၼႃႇဢေႃႈ။
၇ သီႇသူပ်းၵေႃႉဢၼ်မီးၺၢၼ်ႇၼၼ်ႉၽႄၸွၼ်းတၢင်းႁူႉတၢင်းႁၼ်လႄႈ ႁူဝ်ၸႂ်ၵေႃႉဢၼ် မိူၵ်ႈၸမ်းဢမ်ႇပဵၼ်ၸိူဝ်ႉၼင်ႇၼၼ်။
၈ ယိၸ်ႉၵေႃႉဢၼ်ဢမ်ႇတြႃးပုၵ်ႉၸေႃႇၼၼ်ႉပဵၼ်တီႈဢၼ်ထႃႇဝရႃႉၽြႃးလီႁင်ႈဢဵတ်ႇသဵတ်ႇလႄႈ ပထၼႃႇၵေႃႉဢၼ်ႁူဝ်ၸႂ်သိုဝ်ႈလီရူဝ်းလီသူးတွင်းၼၼ်ႉ ပဵၼ်တီႈဢၼ်ထုၵ်ႇ ၸႂ်ၵျိူၵ်ႈၸႂ်မၼ်းၸဝ်ႈဢေႃႈ။
၉ သဵၼ်ႈတၢင်းၵေႃႉဢၼ်ဢမ်ႇတြႃးၼၼ်ႉ ပဵၼ်တီႈဢၼ်ထႃႇဝရႃႉၽြႃးလီႁင်ႈဢဵတ်ႇသဵတ်ႇလႄႈ ၵေႃႉဢၼ်ၸွမ်းသဵၼ်ႈတၢင်းတြႃးဢၼ်သိုဝ်ႈတေႃႇၼၼ်ႉၸမ်း မၼ်းၸဝ်ႈႁၵ်ႉပႅင်းဢေႃႈ။
၁၀ တၢင်းဢၼ်သင်ႇသွၼ်ပၼ် ဢၼ်ယၢပ်ႇၽိုတ်ႇၼႃႇၼၼ်ႉ မီးဝႆႉပုၼ်ႈၵေႃႉဢၼ်ပိူင်ႈတၢင်းၽိတ်းတၢင်းၵႂႃႇၼၼ်ႉလႄႈ ၵေႃႉဢၼ်ငိၼ်းၸင်းတၢင်းဢၼ်သုင်းမႃႉ ၼၼ်ႉၸမ်းတၵ်းတၢႆဢေႃႈ။
၁၁ မိူင်းမရၼႃႉဢိၵ်ႇတင်းမိူင်းတၢင်းလူႉတၢင်းလႅဝ်ၼၼ်ႉ ထၢင်ႇသႃးယူႇၵႃႈတီႈၽၢႆႇၼႃႈထႃႇဝရႃႉၽြႃးလႄႈ ႁူဝ်ၸႂ်လုၵ်ႈၵူၼ်းတင်းလၢႆယိင်ႈၶႅၼ်းထၢင်ႇသႃးယူႇ ဢမၢၼ်ႇၶၢၼ်ပဵၼ်ဢေႃႈ။
၁၂ ၵေႃႉဢၼ်ႁဵတ်းဢမ်ႇပေႃးၼင်ႇႁိုဝ်ၼၼ်ႉ ဢမ်ႇႁၵ်ႉၵေႃႉဢၼ်ၼႄပျႃးဢပျႅတ်ႈၼၼ်ႉလႄႈ ဢမ်ႇသုတ်းၸပ်း သုတ်ႉၸူးတီႈၵေႃႉဢၼ်မီးၺၢၼ်ႇၼၼ်ႉ။
၁၃ ႁူဝ်ၸႂ်ဢၼ်ၸူမ်းသိူဝ်းၼၼ်ႉႁႂ်ႈပဵၼ်ၼႃႈၵီႈတႃဝၢၼ်လႄႈ တၢင်း ဢၼ်ႁူဝ်ၸႂ်မႆႈႁွၼ်ႉၶီၼႅင်ၼၼ်ႉႁႂ်ႈၸႂ်လူႉဢေႃႈ။
၁၄ ႁူဝ်ၸႂ်ၵေႃႉဢၼ်မီးပိင်ႇၺႃႇၼၼ်ႉႁႃဢဝ်တၢင်းဢၼ်ႁူႉဢၼ်ၸႅင်ႈလႄႈ သူပ်းၶဝ်ၸိူဝ်းဢၼ်မိူၵ်ႈၼၼ်ႉၸမ်းမၵ်ႉၵျိူၵ်ႈတၢင်းဢၼ်မိူၵ်ႈဢေႃႈ။
၁၅ မိူဝ်ႉဝၼ်းၵေႃႉဢၼ်ယၢၵ်ႈဢၼ်ၽၢၼ်ၼၼ်ႉ ပဵၼ်ဢၼ်ႁၢႆႉဢၼ်ယုတ်ႈလႄႈ ႁူဝ်ၸႂ်ဢၼ်ၸူမ်းဢၼ်သိူဝ်းၼၼ်ႉၸမ်း ပဵၼ်ပွႆးဢၼ်လႆႈၶၢမ်ႇယူႇတႃႇသေႇဢေႃႈ။
၁၆ တၢင်းဢၼ်ၵူဝ်ႁႄထႃႇဝရႃႉၽြႃးလႄႈ မီးၶွင်ၶူဝ်းဢၼ်ၵေႇၼၼ်ႉယိင်ႈၶႅၼ်းလီၼႃႇသေတၢင်းဢၼ်ယႃႉယုၵ်ႉလႄႈ မီး ၸေးၸိမ်ႇဢၼ်ယႂ်ႇၼႃႇၼၼ်ႉဢေႃႈ။
၁၇ ၽၵ်းၶဵဝ်ဢၼ်ပႃးတၢင်းႁၵ်ႉမႅတ်ႈတႃႇ တႃႇၼိုင်ႈၼၼ်ႉယိင်ႈၶႅၼ်းလီၼႃသေ ဝူဝ်းဢၼ်ပီးလီမၼ်းလီတူဝ်ၼိုင်ႈဢၼ်ပႃးတၢင်းဢၼ်ဝႆႉတၢင်းၽိတ်းတီႈၵၼ်ၼၼ်ႉဢေႃႈ။
၁၈ ၵေႃႉဢၼ်ၸႂ်မႆႈၶႆႈၸႃႉၼၼ်ႉ တိုၵ်းယူင်းတၢင်းၽိတ်းလႄႈ ၵေႃႉဢၼ်ယိူၼ်ႉၶၢမ်ႇလႆႈၼၼ်ႉၸမ်းႁႂ်ႈတၢင်းဢၼ်တွပ်ႇၵၼ်ထဵင်ၵၼ်ယဵၼ်ဢေႃႈ။
၁၉ သဵၼ်ႈတၢင်း ၵေႃႉဢၼ်ၶၢၼ်ႉဢၼ်ဢိူၼ်ၼၼ်ႉ ပဵၼ်ၸိူဝ်ႉၼင်ႇႁူဝ်ႉယုမ်းၼၢမ်လႄႈ ႁွႆးတၢင်းၵေႃႉဢၼ်သိုဝ်ႈတေႃႇၼၼ်ႉၸမ်းပဵၼ်ၸိူဝ်ႉၼင်ႇသဵၼ်ႈတၢင်းလူင် ဢေႃႈ။
၂၀ လုၵ်ႈၸၢႆးဢၼ်မီးၺၢၼ်ႇၼၼ်ႉပဵၼ်တီႈဢၼ်ပေႃႈမၼ်းၸူမ်းသိူဝ်းလႄႈ လုၵ်ႈၸၢႆးဢၼ်မိူၵ်ႈၼၼ်ႉၸမ်း ႁဵတ်းဢမ်ႇပေႃးၼင်ႇႁိုဝ်တီႈမေႈမၼ်းဢေႃႈ။
၂၁ တၢင်းဢၼ်မိူၵ်ႈၼၼ်ႉ ပဵၼ်တၢင်းမူၼ်ႈပျေႃႇၵေႃႉဢၼ်ဢမ်ႇမီးၺၢၼ်ႇၼၼ်ႉလႄႈ ၵေႃႉဢၼ်မီးၺၢၼ်ႇၼၼ်ႉၸမ်း တၵ်းႁႂ်ႈသဵၼ်ႈတၢင်းဢၼ်ၼႄၵႂႃႇၼၼ်ႉ သိုဝ်ႈ လီဢေႃႈ။
၂၂ ပေႃးဢမ်ႇမီးတၢင်းဢၼ်တိူင်ႇပၢင်ႇၵၼ်ၸိုင်တၢင်းၵျၢမ်ႇတၢင်းပွင်လူႉလႄႈ ၵေႃႉဢၼ်မီးတၢင်းဢၼ်တိူင်ႇပၢင်ႇၼမ်ၼၼ်ႉ တၢင်းၵျၢမ်ႇတၢင်းပွင်တႄႇ ဢေႃႈ။
၂၃ ၵူၼ်းမီးတီႈဢၼ်လီၸူမ်းလီသိူဝ်းၼႂ်းတၢင်းဢၼ်သူပ်းမၼ်းၶိုၼ်းလၢတ်ႈၼၼ်ႉလႄႈ ၵႂၢမ်းဢၼ်ၶိင်ႇမၼ်းထုၵ်ႇလႄႈ လၢတ်ႈၼၼ်ႉၵေႃႈသေႇၶျႃႇလီ ငၢမ်းဢေႃႈ။
၂၄ သဵၼ်ႈတၢင်းဢသၢၵ်ႈၵေႃႉဢၼ်မီးၺၢၼ်ႇၸွမ်းၼၼ်ႉဢဝ်သူင်ႇၵႃႈတီႈၽၢႆႇတၢင်းၼိူဝ်လႄႈ ႁႂ်ႈမၼ်းလႆႈဝႄႈပိူင်ႈသေမိူင်းမရၼႃႉ ၽၢႆႇတၢင်းတႂ်ႈ ဢေႃႈ။
၂၅ ထႃႇဝရႃႉၽြႃးတၵ်းထွတ်ႇထူၺ်ႈပႅတ်ႈႁိူၼ်းၵေႃႉဢၼ်မႃႇၼႃႉၸႂ်သုင်ၼၼ်ႉလႄႈ ႁူဝ်ႉဝၢင်းတီႈယူႇမေႈမုၵ်ႉမေႈမၢႆႈၼၼ်ႉၸမ်း မၼ်းၸဝ်ႈတၵ်းႁႂ်ႈတႄႇယူႇ ဢေႃႈ။
၂၆ တၢင်းၵျၢမ်ႇတၢင်းပွင်ဢၼ်ဢမ်ႇတြႃးၼၼ်ႉပဵၼ်တီႈဢၼ် ထႃႇဝရႃႉၽြႃး လီႁင်ႈဢဵတ်ႇသဵတ်ႇလႄႈ ၵႂၢမ်းဢၼ်မူတ်းသႂ်ၼၼ်ႉၸမ်း ပဵၼ်တီႈဢၼ် ထုၵ်ႇၸႂ်ၵျိူၵ်ႈၸႂ်မၼ်းၸဝ်ႈဢေႃႈ။
၂၇ ၵေႃႉဢၼ်ႁႃၸီးပႂႃးဢၼ်ဢမ်ႇတြႃးၼၼ်ႉ ယႃႉယူၵ်ႉၵူၼ်းႁိူၼ်းၵူၼ်းယေးမၼ်းပႅတ်ႈလႄႈၵေႃႉဢၼ်ငိၼ်းၸင်း တၢင်းဢၼ်ၵိၼ်သူးၵိၼ်လၢပ်ႈၼၼ်ႉၸမ်းဢသၢၵ်ႈတၵ်းလႆႈၵတ်း ယဵၼ်ၶျၢမ်းသႃႇဢေႃႈ။
၂၈ ႁူဝ်ၸႂ်ၵေႃႉဢၼ်သိုဝ်ႈတေႃႇၼၼ်ႉၶႆႈၸႂ်ဝူၼ်ႉၸႂ် လွင်ႈဢၼ်တၵ်းလႆႈၶိုၼ်းလၢတ်ႈၸိူဝ်ႉၼင်ႇႁိုဝ်ၼၼ်ႉလႄႈ သူပ်းၵေႃႉဢၼ်ဢမ်ႇတြႃးၼၼ်ႉၸမ်း သွၼ်းလေႃႇလွင်ႈတၢင်းဢၼ်ဢမ်ႇလီ ဢေႃႈ။
၂၉ ထႃႇဝရႃႉၽြႃးၵႆၵၼ်တင်းၵေႃႉဢၼ်ဢမ်ႇတြႃးၼၼ်ႉလႄႈ ၵႂၢမ်းပထၼႃႇၵေႃႉဢၼ်သိုဝ်ႈတေႃႇၼၼ်ႉၸမ်းမၼ်းၸဝ်ႈထွမ်ႇဢဝ်ဢေႃႈ။
၃၀ ဢၼ်လႅင်းမၢၵ်ႇတႃၼၼ်ႉႁႂ်ႈမၢၵ်ႇတႃၸူမ်းသိူဝ်းလႄႈ ၵႂၢမ်းသတၢင်းသဵင်ၶၢဝ်ႇဢၼ်လီၵေႃႈ ႁႂ်ႈလုပ်ႇတင်းလၢႆတဵမ်ဝႆႉတင်းဢွၵ်း လုပ်ႇဢေႃႈ။
၃၁ ၵေႃႉဢၼ်ထွမ်ႇဢဝ်ၵႂၢမ်းတၢင်းဢၼ်သုင်းမႃႉပၼ် ဢၼ်ၸၢပ်ႈသႅင်ႇၵၼ်တင်းဢသၢၵ်ႈၼၼ်ႉမီးဢၶႂၢင်ႉ ဢၼ်လႆႈယူႇ ၵႃႈၼႂ်းၵၢင်ၶဝ်ၸိူဝ်းဢၼ်မီး ၺၢၼ်ႇၼၼ်ႉဢေႃႈ။
၃၂ ၵေႃႉဢၼ်တွပ်ႇထဵင်ၵႂၢမ်းတၢင်းဢၼ်သုင်းမႃႉပၼ်ၼၼ်ႉ ႁဵတ်းဢမ်ႇပေႃးၼင်ႇႁိုဝ်တီႈဝိၺိၺ်ႇမၼ်းလႄႈ ၵေႃႉဢၼ်ထွမ်ႇဢဝ်ၵႂၢမ်းတၢင်းဢၼ်သုင်းမႃႉပၼ်ၼၼ်ႉၸမ်းလႆႈပိင်ႇၺႃႇဢေႃႈ။
၃၃ တၢင်းဢၼ်ၵူဝ်ႁႄ ထႃႇဝရႃႉၽြႃးၼၼ်ႉ ပဵၼ်တၢင်းဢၼ်သင်ႇသွၼ်ပၼ်ၺၢၼ်ႇလႄႈ တၢင်းဢၼ်ၶျႃးတႅမ်ႇၼၼ်ႉမီးဝႆႉဢွၼ်တၢင်းမူၼ်ႈသရေႇဢေႃႈ။