၂၀
၁ ၼမ်ႉၸပိတ်ႉ ႁႂ်ႈပဵၼ်တၢင်းဢၼ်သေႉသွမ်းလႄႈ ၼမ်ႉလဝ်ႈ ႁႂ်ႈပဵၼ်တၢင်းဢၼ်ဢူၼ်ဢဵၼ်မေႃးမေးဢေႃႈ။ၵေႃႉဢၼ်ဝင်ႇဝီႉဝင်ႇဝိူဝ်ႈ ၵွပ်ႈပိူဝ်ႈမၼ်းၼၼ်ႉဢမ်ႇမီး ၺၢၼ်ႇ။
၂ တၢင်းဢၼ်ၶုၼ်ႁေႃၶမ်းႁႂ်ႈၵူဝ်ႁႂ်ႈႁႄၼၼ်ႉမိူၼ်ၸိူဝ်ႉၼင်ႇတၢင်းဢၼ် သၢင်ႇသီႈႁွင်ႉၼၼ်ႉလႄႈၵေႃႉဢၼ်တိုၵ်းယူင်း တၢင်းၸႂ်မႆႈၶႆႈၸႃႉမၼ်းၸဝ်ႈၼၼ်ႉ မိူၼ်ၼင်ႇၸုၼ်ႉဢသၢၵ်ႈတူဝ်ၸဝ်ႈၵဝ်ႇၼၼ်ႉ ဢေႃႈ။
၃ ၵေႃႉဢၼ်ယူႇၵႆၵၼ်တင်းတၢင်းဢၼ်ၽိတ်းၵၼ်ၼၼ်ႉမီးမူၼ်သရေႇလႄႈ ၵေႃႉဢၼ်မိူၵ်ႈၸမ်းမေႃ တွပ်ႇထဵင်ၶၼ်ၶၼ်ၽႂ်းၽႂ်းဢေႃႈ။
၄ ၵေႃႉဢၼ်ၶၢၼ်ႉဢၼ်ဢိူၼ်ၼၼ်ႉဢမ်ႇထႆၼႃးမိူဝ်ႈၶိင်ႇထႆၼႃး။ပိူဝ်ႈၼႆလႄႈ မိူဝ်ႈၶိင်ႇပၢတ်ႇၶဝ်ႈၼၼ်ႉမၼ်းဢမ်ႇမီးၶဝ်ႈ တၵ်းပၢတ်ႇ။
၅ တၢင်းၵျၢမ်ႇတၢင်းပွင်ၵႃႈၼႂ်းႁူဝ်ၸႂ်ၵူၼ်းၼၼ်ႉ မိူၼ်ၸိူဝ်ႉၼင်ႇၼမ်ႉဢၼ်လိုၵ်ႉၼႃႇလႄႈ ၵေႃႉဢၼ်မီးပိင်ႇၺႃႇၼၼ်ႉၸမ်းတၵ်းတဵၵ်းဢဝ်ဢေႃႈ။
၆ ၵေႃႉဢၼ် ၸၢင်ႊမွၵ်ႇလၢတ်ႈတၢင်းႁၵ်ႉမႅတ်ႈတႃႇတူဝ်ၸဝ်ႈၵဝ်ႇၼၼ်ႉမီးၼမ်ၼႃႇလႄႈ ၵေႃႉဢၼ်မီးသႅတ်ႈ ၸႃႇၸမ်းႁႃလႄႈတၵ်းထူပ်းႁၼ်ၵႃႈတီႈ လႂ်။
၇ ၵေႃႉဢၼ်သိုဝ်ႈတေႃႇၼၼ်ႉ ၸွမ်းသဵၼ်ႈတၢင်းဢၼ်သိုဝ်ႈတေႃႇၼၼ်ႉလႄႈ လုၵ်ႈလၢၼ်မၼ်းလိုၼ်းမၼ်းၸိူဝ်း ၼၼ်ႉမီးမင်ႇၵလႃႇဢေႃႈ။
၈ မိူဝ်ႈဢၼ်ၶုၼ်ႁေႃၶမ်းဢၼ်ၼင်ႈယူႇၵႃႈၼိူဝ်ပလၢင်ႇတြႃးၼၼ်ႉ ႁႂ်ႈလႆႈၸီႇယၢင်ႇၼၼ်ႉ မၢၵ်ႇတႃမၼ်းၸဝ်ႈ တူၺ်းထိုင်လွင်ႈတၢင်းဢၼ်ဢမ်ႇလီၵႃႈမီးၸိူဝ်းၼၼ်ႉပႅတ်ႈဢေႃႈ။
၉ ၽူႈ လႂ်တၵ်းလၢတ်ႈလႄႈဝႃႈ၊-ၵဝ်ႁႂ်ႈႁူဝ်ၸႂ်ၵဝ်မူတ်းသႂ်ယဝ်ႉ။ၵဝ်ၵၢင်းလွတ်ႈတင်းဢပျႅတ်ႈၵဝ်ယဝ်ႉ၊ဝႃႈၼင်ႇ ၼႆၼၼ်ႉလႆႈ။
၁၀ လုၵ်ႈၶၼ်ဢၼ်ဢမ်ႇတၢၼ်ႇဢမ်ႇပဵင်းၵၼ်ဢိၵ်ႇတင်း ၵွၵ်းတၢင်ႇၵွၵ်းၶႂၢႆး ဢၼ်ၶဝ်ႈဢမ်ႇတၢၼ်ႇဢမ်ႇပဵင်းၵၼ်သွင်မဵဝ်းၼၼ်ႉ ပဵၼ်တီႈဢၼ် ထႃႇဝရႃႉၽြႃးလီႁင်ႈဢဵတ်ႇသဵတ်ႇဢေႃႈ။
၁၁ လုၵ်ႈဢွၼ်ႇယင်းႁႂ်ႈသၽေႃးတူဝ်ၸဝ်ႈၵဝ်ႇၼႂ်းဢမူႉဢၼ်တူဝ်ၸဝ်ႈၵဝ်ႇႁဵတ်းၼၼ်ႉ ၸွင်ႇမူတ်းသႂ်ႁိုဝ်ဢမ်ႇမူတ်းသႂ်ႁိုဝ် မၢၼ်ႇႁိုဝ်ဢမ်ႇမၢၼ်ႇႁိုဝ်ၼၼ်ႉယူႇဢေႃႈ။
၁၂ ႁူဢၼ်ၸၢင်ႊငိၼ်း၊ မၢၵ်ႇတႃဢၼ်ၸၢင်ႊႁၼ်ၼၼ်ႉ ထႃႇဝရႃႉၽြႃး ၽၢၼ်ႇသၢင်းႁဵတ်းပဵၼ်တင်းသွင်မဵဝ်းယဝ်ႉ။
၁၃ ယႃႇပေၸႂ်ၸပ်းၸႂ်ၸွႆးတၢင်းၼွၼ်း။ပေႃးဢမ်ႇၼၼ်မႂ်းတၵ်းၽၢၼ်ဢေႃႈ။ၽုၺ်ႇတႃမိုၼ်းလႄႈတိုၼ်ႇယူႇတႃႉ။
၁၄ မႂ်းတၵ်းမီးတင်းၵိၼ်တၢင်းၶူပ်းဢေႃႈ။ၵေႃႉ
ဢၼ်သိုဝ်ႉၼၼ်ႉၸၢင်ႊလၢတ်ႈလႄႈဝႃႈ၊-ဢမ်ႇလီၵူၺ်း၊ဢမ်ႇလီၵူၺ်း၊ဝႃႈၼင်ႇၼႆလႄႈ သိုဝ်ႉဢဝ်ၵႂႃႇသေယဝ်ႉ ဢုပ်ႇဢၢတ်ႇဢၼ်မၼ်းသိုဝ်ႉမႃးၼၼ်ႉဢေႃႈ။
၁၅ မီးၶမ်းဢေႃႈ။မီးသႅင်ၸိင်ႇၼမ်ၼႃႇဢေႃႈ။ၵူၺ်းၵႃႈသူပ်းဢၼ်တဵမ်ဝႆႉတင်းပိင်ႇၺႃႇ ဢၼ်ႁူႉဢၼ်ၸႅင်ႈၼၼ်ႉ ပဵၼ်ရတ်ႈတၼႃႇဢၼ်ထိူၵ်ႈၵႃႈထိူၵ်ႈၶၼ်ၼႃႇ လူင်လၢင်ဢေႃႈ။
၁၆ သိမ်းဢဝ်ၽႃႈမႆႊၵေႃႉဢၼ်ၸၢင်ႊႁပ်ႉတုင်းဢဝ်ပုၼ်ႈ ၵေႃႉဢၼ်မၼ်းဢမ်ႇႁူႉၸၵ်းၼၼ်ႉတႃႉ။ႁဵတ်းပေႉႁဵတ်းၼႅင်ႇ သိမ်းဢဝ်ဝႆႉၶွင်ၶူဝ်းၵေႃႉဢၼ်ႁပ်ႉတုင်းဢဝ်ပုၼ်ႈမေႈယိင်းလေႃႉၼၼ်ႉတႃႉ။
၁၇ တၢင်းၵိၼ်တၢင်းၶူပ်းဢၼ်ပႅတ်ႉလႅၼ်လႄႈ လႆႈမႃးၼၼ်ႉပဵၼ်ဢၼ်ဝၢၼ်ဢၼ်မၼ်းတီႈၵူၼ်းဢေႃႈ။ၵူၺ်းၵႃႈ ၵမ်းလိုၼ်းသူပ်းၵေႃႉဢၼ်ၵိၼ်ၼၼ်ႉတၵ်း တဵမ်ဝႆႉတင်းမၢၵ်ႇႁိၼ်ႁႄႈဢေႃႈ။
၁၈ ၼႂ်းတၢင်းၵျၢမ်ႇတၢင်းပွင်ၵူႈၸိူဝ်ႉၵူႈဢၼ်ၼၼ်ႉတိူင်ႇပၢင်ႇၵၼ်တႃႉ။ၼႂ်းတၢင်းဢၼ်တိုၵ်းသိုၵ်းၼၼ်ႉ ႁႃတၢင်းဢၼ်ၼႄတၢင်းတႃႉ။
၁၉ ၵေႃႉဢၼ် လႄႇၵႂႃႇသူပ်းၼမ်ၵႂၢမ်းၼမ်ယူႇၼၼ်ႉၽုၺ်ႇဢွၵ်ႇၼႄပျႃး လွင်ႈတၢင်းဢၼ်လီသိူင်ႇလီမႅပ်းၼၼ်ႉဢေႃႈ။ပိူဝ်ႈၼႆလႄႈယႃႇပေႁဵတ်းၵေႃႉႁဵတ်းသေႈလူၺ်ႈ ၵၼ်တင်းၵေႃႉဢၼ်ၽုၺ်ႇသူပ်းဢႃႈသူပ်းၼၼ်ႉ။
၂၀ ၽူႈ လႂ်သေဢမ်ႇဝႃႈၵေႃႉဢၼ်သေႉသွမ်းပေႃႈမေႈမၼ်းၼၼ်ႉ ၵွၵ်းၽႆးမၼ်းတၵ်းမွတ်ႇၵႃႈၼႂ်းဢၼ်လပ်းသိင်ႇ ၽိတ်းၽိတ်းၼၼ်ႉဢေႃႈ။
၂၁ ပိၵ်ႉသမ်ႉလႆႈဢမူၺ်ႇၶွင်ၶူဝ်းၶၼ်ၶၼ်ၽႂ်းၽႂ်း မိူဝ်ႈၵေႃႇၸႃႉႁူဝ်ပိုင်းမၼ်းသေၵေႃႈ တီႈသုတ်းမၼ်းပဵၼ်ဢႃႉမၢင်ႇၵလႃႇဢေႃႈ။
၂၂ ယႃႇပေလၢတ်ႈလႄႈဝႃႈ ၵဝ်တၵ်းၶိုၼ်းတွပ်ႇၶိုၼ်းတႅၼ်းရၢၼ်ႇတၢင်းၽိတ်းဢေႃႈ၊ဝႃႈၼင်ႇၼႆ။ပႂ်ႉထႃႈထႃႇဝရႃႉၽြႃးယူႇတႃႉ။မၼ်းၸဝ်ႈတၵ်းၵႄႇသႄႇၶျွတ်ႈဢဝ် မႂ်းဢေႃႈ။
၂၃ လုၵ်ႈၶၼ်ဢၼ်ဢမ်ႇတၢၼ်ႇပဵင်းၵၼ်ၼၼ်ႉပဵၼ်ႈတီႈဢၼ်ထႃႇဝရႃႉၽြႃး လီႁင်ႈဢဵတ်ႇသဵတ်ႇလႄႈ ယွႆးယႃႇၸူႇဢၼ်ၽႅတ်ႉလႅၼ်ၼၼ်ႉၵေႃႈ မီးဢပျႅတ်ႈဢေႃႈ။
၂၄ ထႃႇဝရႃႉၽြႃးၸီႇယၢင်ႇသဵၼ်ႈတၢင်း
ဢၼ်ၵူၼ်းၵႂႃႇၼၼ်ႉဝႆႉဢေႃႈ။ပိူဝ်ႈၼႆလႄႈၵူၼ်းတၵ်းႁူႉသဵၼ်ႈတၢင်းဢၼ်မၼ်းၵႂႃႇၼၼ်ႉလႆႈၸိူဝ်ႉၼင်ႇႁိုဝ်။
၂၅ တၢင်းဢၼ်လၢတ်ႈမႅင်ႇလႄႈဝႃႈပဵၼ်ဢၼ်မူတ်းၸၢင်ႇဢေႃႈ၊ဝႃႈၼင်ႇၼႆလႄႈ ဝႆႉၵတိသႅတႉႈၸႃႇသေယဝ်ႉသမ်ႉၶိုၼ်းၶႆႈၸႂ်ထၢမ်တူၺ်းၼၼ်ႉ ပဵၼ်တူင်ႇႁဵဝ်ႉ တူင်ႇၶိုမ်းတီႈၵူၼ်းဢေႃႈ။
၂၆ ၶုၼ်ႁေႃၶမ်းဢၼ်မီးၺၢၼ်ႇၼၼ်ႉ သုၵ်ႉလၢင်ႉၶဝ်ၸိူဝ်းဢၼ်ႁၢႆႉဢၼ်ႁုၵ်းၼၼ်ႉပႅတ်ႈ လႄႈဢဝ်တင်းမၢၵ်ႇလေႃႉၵိင်ႈတဵင်သႂ်ႇဢေႃႈ။
၂၇ ၸႂ်ဝိၺိၺ်ႇၵူၼ်း ပဵၼ်ၵွၵ်းၽႆးထႃႇဝရႃႉၽြႃးဢၼ်ၸႅတ်ႈတူၺ်း ၵႃႈဢၼ်မီးၵႃႈတီႈၼႂ်းတပ်းပွတ်ႇႁူဝ်ၸႂ်ၼၼ်ႉ ဢေႃႈ။
၂၈ ၵရူႉၼႃႇတြႃးဢိၵ်ႇတင်းသႅတ်ႈၸႃႇတြႃးပႂ်ႉၸွႆႈထႅမ်ၶုၼ်ႁေႃၶမ်းယူႇလႄႈ ရႃႇၸႃႉပလၢင်ႇမၼ်းၸဝ်ႈ ၼၼ်ႉမၼ်ႈၶိူင်ႇယူႇၵွပ်ႈပိူဝ်ႈၵရူႉၼႃႇတြႃးဢေႃႈ။
၂၉ မူၼ်ၽုင်းၵူၼ်းၼုမ်ႇၵူၼ်းၵမ်ၸမ်းပဵၼ်ႁႅင်းတၼ်းၶူဝ်းၶဝ်လႄႈ ၵုင်ႇသရေႇၵူၼ်းထဝ်ႈၵူၼ်းၵႄႇၸမ်း ပဵၼ် ႁူဝ်ႁွၵ်ႇႁူဝ်ၶၢဝ်ၼၼ်ႉဢေႃႈ။
၃၀ ႁွႆးပေႃႉႁွႆးယႅၼ်ႉႁႂ်ႈၵေႃႉဢၼ်ႁုၵ်းဢၼ်ႁၢႆႉၼၼ်ႉမူတ်းသႂ်မႃးလႄႈ ႁွႆးၶွၼ်ႉႁွႆးတၢမ်ႇၵေႃႈႁဵတ်းၵျေးၸူး ၸိူဝ်ႉၼင်ႇၼၼ်ၵႃႈၼႂ်းၸႂ်ၼႂ်းတူဝ်ဢေႃႈ။