၁၈
၁ ၵေႃႉဢၼ် ဢမ်ႇထုၵ်ႇဢမ်ႇမေႃၵၼ်တင်းပိူၼ်ႈသေလႄႈယူႇၶေႃၶေႃၵူၺ်းမၼ်းၼၼ်ႉ ႁႃဢဝ်ၵႃႈၼင်ႇဢလူဝ်ႇတူဝ်ၸဝ်ႈၵဝ်ႇမီးၼၼ်ႉလႄႈ ထဵင်ပႅတ်ႈပိင်ႇၺႃႇ ရတ်ႇတၼႃႇၵူႈၸိူဝ်ႉၵူႈပိူင်ဢေႃႈ။
၂ ၵေႃႉဢၼ်မိူၵ်ႈၸမ်းၼွၵ်ႈသေတၢင်းဢၼ်မူၼ်ပျေႃႇ ၼႂ်းတၢင်းဢၼ်ၼႄပျႃးၸႂ်သၽေႃးတူဝ်ၸဝ်ႈၵဝ်ႇၼၼ်ႉ မၼ်းဢမ်ႇၸၢင်ႊ မူၼ်ႈပျေႃႇၵႃႈၼႂ်းၺၢၼ်ႇလႃးလႃး။
၃ မိူဝ်ႈဢၼ်တၢင်းဢၼ်ဢမ်ႇတြႃးမႃးၼၼ်ႉတၢင်းဢၼ်ႁဵတ်းဢမ်ႇပေႃးၼင်ႇႁိုဝ်ၵေႃႈၸွမ်းမႃးလႄႈ မိူဝ်ႈဢၼ်မုၼ်သရေႇလူႉၼၼ်ႉတၢင်းဢၼ်သေႉသွမ်းၵေႃႈၸွမ်းမႃးဢေႃႈ။
၄ ၵႂၢမ်းဢၼ်ဢွၵ်ႇသူပ်းၵူၼ်းမႃးၼၼ်ႉ ပဵၼ်ၸိူဝ်ႉၼင်ႇၼမ်ႉဢၼ်လိုၵ်ႉၼႃႇလႄႈ ၼမ်ႉဢွၵ်ႇႁူးပိင်ႇၺႃႇၼၼ်ႉပဵၼ်ၸိူဝ်ႉၼင်ႇၼမ်ႉႁွင်ႈၼမ်ႉၵႄး ဢၼ်လႆၸႅဝ်ႈၼၼ်ႉ ဢေႃႈ။
၅ တၢင်းဢၼ်ထွၵ်ႈလူၺ်ႈၼႃႈၵေႃႉဢၼ်ဢမ်ႇတြႃးၼၼ်ႉပဵၼ်ဢၼ်ဢမ်ႇလီလႄႈ တၢင်းဢၼ်ႁႂ်ႈၵေႃႉဢၼ်ၸွမ်းတြႃး သုမ်းၸွမ်းၼႂ်းဢမူႉဢၼ်ထူပ်း တြႃးၼၼ်ႉၵေႃႈပဵၼ်ဢၼ်ဢမ်ႇလီဢေႃႈ။
၆ သီႇသူပ်းၵေႃႉဢၼ်မိူၵ်ႈၼၼ်ႉႁဵတ်းတၢင်းဢၼ်ၽိတ်းၵၼ်လႄႈ သူပ်းမၼ်းၵေႃႈယွၼ်းဢဝ်တၢမ်ႇဢပျႅတ်ႈယူႇ ဢေႃႈ။
၇ သူပ်းၵေႃႉဢၼ်မိူၵ်ႈၼၼ်ႉပဵၼ်လွင်ႈတၢင်းဢၼ်လူႉဢၼ်လႅဝ်တီႈမၼ်းလႄႈ သီႇသူပ်းမၼ်းၵေႃႈပဵၼ် တူင်ႇႁဵဝ်ႉတူင်ႇၶိုမ်းတီႈဢသၢၵ်ႈမၼ်းဢေႃႈ။
၈ ၵႂၢမ်းၵေႃႉဢၼ်သေႇယူင်းပူင်ၸႃႉၼၼ်ႉ ပဵၼ်ၸိူဝ်ႉၼင်ႇတၢင်းၵိၼ်ယွႆႈဢၼ်ဝၢၼ်ဢၼ်မၼ်းလႄႈ ၶဝ်ႈၵႂႃႇၵႃႈၼႂ်း တွင်ႉၼႂ်းပုမ်ဢေႃႈ။
၉ ၵေႃႉဢၼ်ၶၢၼ်ႉဢၼ်ဢိူၼ်ၼၼ်ႉပဵၼ်ပီႈပဵၼ်ၼွင်ႉၵၼ်တင်း ၵေႃႉဢၼ်ႁႂ်ႈဢုုၵ်ႉၸႃႇသုမ်းပႅတ်ႈလၢႆလၢႆလွၵ်ႇလွၵ်ႇ ဢမ်ႇပွင်ႇလွင်ႈၵႃႈသင်ၼၼ်ႉ ဢေႃႈ။
၁၀ ၼႃႇမႃႉၸိုဝ်ႈသဵင်ထႃႇဝရႃႉၽြႃးပဵၼ်တိူၵ်ႈတီႈတိုၵ်းသိုၵ်းဢၼ်မၼ်ႈဢၼ်ၶိူင်ႇလႄႈ ၶဝ်ၸိူဝ်းဢၼ်သိုဝ်ႈတေႃႇၼၼ်ႉဢွၼ်ၵၼ်ၶုၼ်ႇလႅၼ်ႈသေလႄႈ ၵၢင်းလွတ်ႈတင်းၽေးယူႇဢေႃႈ။
၁၁ ၸေးၸိမ်ႇၵေႃႉဢၼ်မၢၵ်ႈမီးၼၼ်ႉ ပဵၼ်ဝဵင်းဢၼ်မၼ်ႈၶိူင်ႇတီႈမၼ်းလႄႈပဵၼ်မိူၼ်ၸိူဝ်ႉၼင်ႇလမ်းဝဵင်း ဢၼ်သုင်ၼႃႇတီႈမၼ်း ၼႂ်းတၢင်းဢၼ်မၼ်းထၢင်ႇၼၼ်ႉဢေႃႈ။
၁၂ တၢင်းဢၼ်ၵူၼ်းၸႂ်သုင်ၼၼ်ႉ တူၵ်းတီႈတူၵ်းလႅၼ်ဢွၼ်တၢင်းတၢင်းလူႉတၢင်းလႅဝ်လႄႈ တၢင်းဢၼ်ၶျႃးတႅမ်ႇၼၼ်ႉတူၵ်းတီႈတူၵ်းလႅၼ်ဢွၼ်တၢင်းမူၼ်သရေႇဢေႃႈ။
၁၃ ၵေႃႉဢၼ်ၸီႇယၢင်ႇဢမူႉၸူဝ်ႈဢၼ်ယင်းဢမ်ႇပႆႇၸႅတ်ႈပႆႇထၢမ် လွင်ႈမၼ်းတၢင်းၼၼ်ႉ မီးဢပျႅတ်ႈဢၼ်မိူၵ်ႈဢိၵ်ႇတင်း ဢပျႅတ်ႈဢၼ်လီဢူၵ်းလီဢၢႆ ဢေႃႈ။
၁၄ ဝိၺိၺ်ႇၵူၼ်းၶၢမ်ႇဝူၺ်ႇတၼႃႇလႆႈယူႇလႄႈၸႂ်ဢၼ်တႅၵ်ႇလႅဝ်ၼၼ်ႉၸမ်း ၽူႈ လႂ်တၵ်းၶမ်ႇလႆႈ။
၁၅ ႁူဝ်ၸႂ် ၵေႃႉဢၼ်မီးသမ်ႇမႃႇသတိၼၼ်ႉ သိမ်းဢဝ်ဢၼ်ႁူႉဢၼ်ၸႅင်ႈၼၼ်ႉဝႆႉလႄႈႁူၵေႃႉဢၼ်မီးပိင်ႇၺႃႇၼၼ်ႉၵေႃႈ ႁႃဢဝ်တၢင်းဢၼ်ႁူႉဢၼ်ၸႅင်ႈ ဢေႃႈ။
၁၆ လၢၵ်ႈသွင်ႇဢၼ်ပႃးတီႈၵူၼ်းၼၼ်ႉႁႂ်ႈသဵၼ်ႈတၢင်းမၼ်းၵဵင်ႈလီၶျေႃးလီလႄႈ ပၼ်ဢၶႂၢင်ႉဢၼ်လႆႈၶဝ်ႈၸူးၵႃႈတီႈၵူၼ်းယႂ်ႇၵူၼ်းလူင်တင်းလၢႆဢေႃႈ။
၁၇ ၵေႃႉဢၼ် လၢတ်ႈဢမူႉမၼ်းဢွၼ်တၢင်းၼၼ်ႉမူၼ်ၼင်ႇပဵၼ်ဢၼ်မၢၼ်ႇမႅၼ်ႈ တေႃႇထိူင်မိူဝ်ႈဢၼ်ပိူၼ်တၢင်ႇၵေႃႉမႃးလႄႈ ၸႅတ်ႈထၢမ်ၸႅတ်ႈတူၺ်းမၼ်း ၼၼ်ႉဢေႃႈ။
၁၈ တၢင်းဢၼ်ႁဵတ်းလိၵ်ႈတူၵ်းၸႃႇၵွၵ်ႈၼၼ်ႉ ႁႂ်ႈတၢင်းဢၼ်တွပ်ႇၵၼ်ထဵင်ၵၼ်ထၢတ်ႇယဵၼ်လႄႈ တႅပ်းတတ်းဢမူႉၶဝ်ၸိူဝ်းဢၼ်ႁႅင်းယႂ်ႇၼၼ်ႉ ဢေႃႈ။
၁၉ ပီႈၼွင်ႉဢၼ်ဝႆႉတၢင်းၽိတ်းၼၼ်ႉယိင်ႈၶႅၼ်းယၢပ်ႇသေဝဵင်း ဢၼ်မၼ်ႈၶိူင်ႇယူႇၼၼ်ႉလႄႈ ဢမူႉတၢင်းဢၼ်တွပ်ႇၵၼ်ထဵင်ၵၼ်ၼၼ်ႉ ပဵၼ်ၸိူဝ်ႉၼင်ႇ ၵိူၼ်ၽၵ်းတူတိူၵ်ႈတီႈတိုၵ်းသိုၵ်းဢေႃႈ။
၂၀ တွင်ႉၵူၼ်းပုမ်ၵူၼ်းတင်းလၢႆတဵမ်ဝႆႉတင်းမၢၵ်ႇသူပ်းမၼ်းလႄႈ လႆႈဢိမ်ႇတဵမ်ဝႆႉတင်းၸီးပႂႃးသီႇသူပ်းမၼ်းဢေႃႈ။
၂၁ လိၼ်ႉလႆႈဢုပ်ႉပိူင်ႇ တၢင်းဢၼ်ဢသၢၵ်ႈတၢႆဢိၵ်ႇတင်းတၢင်းဢၼ်ဢသၢၵ်ႈလိပ်းလႄႈ ၶဝ်ၸိူဝ်းဢၼ်ထုၵ်ႇၸႂ်ၵျိူၵ်ႈၸႂ်လိၼ်ႉၼၼ်ႉၵေႃႈ လႆႈၵိၼ်မၢၵ်ႇမၼ်းဢေႃႈ။
၂၂ ၵေႃႉဢၼ်လႆႈမေးၼၼ်ႉ လႆႈလွင်ႈတၢင်းဢၼ်လီလႄႈ လႆႈၶၢမ်ႇဢဝ်ၵျေးၸူးထႃႇဝရႃႉၽြႃးဢေႃႈ။
၂၃ ၵေႃႉဢၼ်ယၢၵ်ႈဢၼ်ၽၢၼ်ၼၼ်ႉတွင်းပၢၼ်ႇလႄႈ ၵေႃႉဢၼ်မၢၵ်ႈမီးၼၼ်ႉ ၶိုၼ်းလၢတ်ႈၵႂၢမ်းႁၢဝ်ႈၵျၢမ်းၼႃႇလူင် လၢင်ဢေႃႈ။
၂၄ ၵေႃႉဢၼ်မီးၵေႃႉသေႈၼမ်ၼႃႇၼၼ်ႉၸၢင်ႊႁႂ်ႈဢၵျူဝ်းမၼ်းလူႉလႅဝ်လႄႈ ယင်းမီးၵေႃႉဢၼ်မိုတ်ႈၵိုဝ်းႁူႉၸၵ်း ဢၼ်ယိင်ႈၶႅၼ်းၸွႆးၸပ်းၼႃႇသေပီႈၼွင်ႉၵၼ်ၼၼ်ႉဢေႃႈ။