၂၃
၁ မိူဝ်ႈဢၼ်မႂ်းၼင်ႈလႄႈ ၵိၼ်လူၺ်ႈၵၼ်တင်းၶုၼ်ယူႇၼၼ်ႉၸိုင်ၶႆႈၸႂ်ဝူၼ်ႉၸႂ် လူၺ်ႈဢၼ်မီးယူႇၵႃႈတီႈၽၢႆႇ ၼႃႈမႂ်းၼၼ်ႉလီလီငၢမ်းငၢမ်းတႃႉ။
၂ လွင်ႈမၼ်းၸမ်းပေႃးမႂ်းၵိၼ်ပူၼ်ႉၵိၼ်လိူဝ်ၸိုင် မႂ်းဢဝ်မိတ်ႈငႃၵူင်ၶေႃး မႂ်းယူႇဢေႃႈ။
၃ ယႃႇပေမီးဢလူဝ်ႇၶႂ်ႈလႆႈတၢင်းၵိၼ်ယွႆႊဢၼ်ဝၢၼ်ၶုၼ်ၼၼ်ႉ။ပဵၼ်တၢင်းၵိၼ်ဢၼ်ၸၢင်ႊပႅတ်ႉ ၸၢင်ႊလႅၼ်ဢေႃႈ။
၄ ယႃႇပေႁႂ်ႈတူဝ်ၸဝ်ႈၵဝ်ႇလႆႈႁိူဝ်ႉလႆႈၼူၼ်းပုၼ်ႈတႃႇႁႂ်ႈလႆႈမၢၵ်ႈလႆႈမီး။ယႃႇပေဢိင် ပိူင်ၺၢၼ်ႇတူဝ်ၸဝ်ႈၵဝ်ႇ။
၅ ဢဝ်တၢင်းဢၼ်မုင်ႈတူၺ်းတၢင်းဢၼ်မၢၵ်ႈမီးၼၼ်ႉ ပႅတ်ႈသသေိုဝ်ႈၼႃႈတႂ်ႈတႃမႂ်းတႃႉ။ၸိူဝ်းၼၼ်ႉၸၢင်ႊႁူင်ႈၸၢင်ႊႁၢႆၵႂႃႇမိူၼ်ၸိူဝ်ႉၼင်ႇႁူင်ႉၶမ်း ၵီႈပိၵ်ႇၶဝ်သေလႄႈမိၼ်ၵႂႃႇၵႃႈၼိူဝ်ၵၢင် ႁၢဝ်ၼၼ်ႉဢမၢၼ်ႇၶၢၼ်ပဵၼ်ဢေႃႈ။
၆ ယႃႇပေၵိၼ်တၢင်းၵိၼ်တၢင်းၶူပ်း ၵေႃႉဢၼ်မီးတႃႁၢႆႉတႃမိူၵ်ႈၼၼ်ႉယႃႇပေမီးဢလူဝ်ႇ ၶႂ်ႈလႆႈတၢင်းၵိၼ်ယွႆႊဢၼ်ဝၢၼ် ဢၼ်မၼ်းမၼ်း။
၇ လွင်ႈမၼ်းၸမ်းမၼ်းၼၼ်ႉပဵၼ်ၵေႃႉဢၼ်ၶႆႈၸႂ်လူၺ်ႈၵႃၶၼ်မၼ်းယူႇဢေႃႈ။ပိၵ်ႉသမ်ႉမၼ်းလၢတ်ႈတီႈမႂ်းလႄႈဝႃႈ၊-ၵိၼ်တႃႉ၊သူတ်ႉတႃႉ၊ ဝႃႈၼင်ႇ ၼႆသေၵေႃႈၸႂ်ၸေႇတၼႃႇမၼ်းဢမ်ႇမီးတီႈမႂ်း။
၈ တၢင်းၵိၼ်ဢၼ်မႂ်းၵိၼ်ၼၼ်ႉၸိုင် မႂ်းသမ်ႉတၵ်းလႆႈၶိုၼ်းႁၢၵ်ႈဢွၵ်ႇလႄႈ ၵႂၢမ်းလီၵႂၢမ်းဝၢၼ်မႂ်းၼၼ်ႉၵေႃႈတၵ်းမၢၵ်ႇမိူဝ်ၵႂႃႇဢေႃႈ။ယႃႇလၢတ်ႈၵႂၢမ်းႁႂ်ႈၵေႃႉဢၼ်မိူၵ်ႈၼၼ်ႉ လႆႈငိၼ်း။
၉ မၼ်းတၵ်းႁဵတ်းဢမ်ႇပေႃးၼင်ႇႁိုဝ်တီႈပိင်ႇၺႃႇဢၼ်ပႃးၼႂ်းၵႂၢမ်းမႂ်းၼၼ်ႉ။ယႃႇပေၶၢႆႉသဝ်လၵ်းဢၼ်မၢတ်ႈတွင်းၵႂၢၵ်ႉလိၼ် ဢၼ်ပၵ်းဝႆႉမိူဝ်ႈၵွၼ်ႇဢွၼ် ၼႆႉၼၼ်ႉ။ယႃႇပေသိမ်းဢဝ်တူင်ႈႁႆႊတူင်ႈၼႃးၶဝ်ၸိူဝ်း ဢၼ်ၽၢၼ်ပေႃႈၽၢၼ်မေႈၼၼ်ႉ။
၁၁ လွင်ႈမၼ်းၸမ်းၸဝ်ႈဢၼ်ႁႄႉၶႅၼ်ၶဝ်ၼၼ်ႉတၼ်းၶူဝ်းယႂ်ႇလႄႈ တၵ်း ပႂ်ႉဢမူႉၶဝ်ယူႇၽၢႆႇၼိုင်ႈတင်းမႂ်းဢေႃႈ။ဢဝ်ႁူဝ်ၸႂ်မႂ်းၸပ်းၸွႆး တၢင်းဢၼ်သင်ႇသွၼ်သုင်းမႃႉၼၼ်ႉလႄႈဝၢႆႇႁူမႂ်းၸူးၵႂၢမ်းပိင်ႇၺႃႇ တၢင်းဢၼ်ႁူႉဢၼ်ၸႅင်ႈ ၼၼ်ႉတႃႉ။ယင်းဢမ်ႇသင်ႇသွၼ်ႇသုင်းမႃႉပၼ်တီႈလုၵ်ႈဢွၼ်ႇလႄႈယႃႇပေယူႇ။ပိၵ်ႉသမ်ႉဢဝ်ၶွၼ်ႉဝၢႆပေႃႉ ယႅၼ်ႉမၼ်းသေၵေႃႈမၼ်းဢမ်ႇတၢႆ။ဢဝ်ၶွၼ်ႉဝၢႆပေႃႉယႅၼ်ႉမၼ်းသေလႄႈၵႄႇသႄႇၼုၵ်ႈဢဝ်ဢသၢၵ်ႈဝိၺိၺ်ႇမၼ်း လွတ်ႈသေၵႃႈၼႂ်းမိူင်းမရၼႃႉဢေႃႈ။
၁၅ လုၵ်ႈၸၢႆးၵဝ်ဢိူၺ်း။ပေႃးႁူဝ်ၸႂ်မႂ်းမီးၺၢၼ်ႇၸိုင်ႁူဝ် ၸႂ်ၵဝ်တၵ်းၸူမ်းသိူဝ်းဢေႃႈ။
၁၆ မၢၵ်ႇလၼ်းၵဝ်တၵ်းသႂၢင်ႇသိူဝ်း ၼႂ်းမိူဝ်ႈဢၼ်သူပ်းမႂ်းလၢတ်ႈၵႂၢမ်းဢၼ် သိုဝ်ႈလီရူဝ်းလီၼၼ်ႉဢေႃႈ။
၁၇ ယႃႇပေမီးၸႂ်ဢၼ်သီႇၵေႉႁႄႈတႃတေႃႇၶဝ်ၸိူဝ်းဢၼ်မီးဢပျႅတ်ႈၼၼ်ႉ။ႁႂ်ႈမီးၸႂ်သၽေႃး ဢၼ်ၵူဝ်ႁႄထႃႇဝရႃႉၽြႃးယူႇတင်းဝၼ်းတင်းဝၼ်းတႃႉ။
၁၈ ၶိင်ႇမိူဝ်ႈဢၼ်တႅပ်းတတ်းဢမူႉၼၼ်ႉတၵ်းႁွတ်ႈထိုင်ဢမၢၼ်ႇၶၢၼ်ပဵၼ်လႄႈ လွင်ႈတၢင်း ဢၼ်မႂ်းမုင်ႈထႃႈမွင်းထႃႈၼၼ်ႉဢမ်ႇလႆႈလူႉ။
၁၉ လုၵ်ႈၸၢႆးၵဝ်ဢိူၺ်း။ထွမ်ႇဢဝ်ၵႂၢမ်းၵဝ်လႄႈမီးပိင်ႇၺႃႇသေလႄႈ ႁႂ်ႈႁူဝ်ၸႂ်မႂ်းၸွမ်းၵႃႈၼႂ်းသဵၼ်ႈတၢင်းၼၼ်ႉ တႃႉ။
၂၀ ယႃႇပေႁဵတ်းၵေႃႉႁဵတ်းသေႈလူၺ်ႈၵၼ်တင်းၶဝ်ၸိူဝ်းဢၼ်ၵိၼ်ၼမ်ႉၸပိတ်ႉပူၼ်ႉလိူဝ် ဢိၵ်ႇတင်း ၶဝ်ၸိူဝ်းဢၼ်ၵိၼ်ၼိူဝ်ႉပူၼ်ႉလိူဝ်ၼၼ်ႉ။
၂၁ ၵေႃႉဢၼ်ၵိၼ်ၼမ်ႉၸပိတ်ႉပူၼ်ႉလိူဝ် ဢိၵ်ႇတင်းၵေႃႉဢၼ်ၵိၼ်တၢင်းၵိၼ်ပူၼ်ႉလိူဝ်ၼၼ်ႉ တၵ်းႁွတ်ႈထိုင်တၢင်းဢၼ်ယၢၵ်ႈဢၼ်ၽၢၼ်လႄႈ သၽေႃးဢၼ်ၼွၼ်းပူၼ်ႉၼွၼ်းလိူဝ်ၼၼ်ႉ ၸၢင်ႊလႆႈဢဝ်ၽႃႈယွၵ်းၽႃႈယႅၵ်းႁူမ်ႇ ဢေႃႈ။
၂၂ ထွမ်ႇဢဝ်ၵႂၢမ်းပေႃႈမႂ်းဢၼ်ၵိူတ်ႇလဵင်ႉမႃးၼၼ်ႉတႃႉ။ယႃႇပေႁဵတ်းဢမ်ႇပေႃးၼင်ႇႁိုဝ်တီႈမေႈမႂ်းဢၼ် ဢသၢၵ်ႈယႂ်ႇၼၼ်ႉ။
၂၃ သိုဝ်ႉဢဝ်သမ်ႇမႃႇတြႃးတႃႉ။ယႃႇပေၶၢႆ ။ဢဝ်ပိင်ႇၺႃႇဢိၵ်ႇတင်းတၢင်းဢၼ်သင်ႇ သွၼ်သုင်းမႃႉတင်းၺၢၼ်ႇတႃႉ။
၂၄ ၵေႃႉဢၼ်ပဵၼ်ပေႃႈၵေႃႉဢၼ်သိုဝ်ႈတေႃႇၼၼ်ႉ တၵ်းသိူဝ်းပျေႃႇၼႃႇလူင်လၢင်လႄႈ ၵေႃႉဢၼ်ၵိူတ်ႇလဵင်ႉလုၵ်ႈဢၼ်မီးၺၢၼ်ႇ ၼၼ်ႉတၵ်းၸူမ်းသိူဝ်းၵွပ်ႈပိူဝ်ႈလုၵ်ႈၼၼ်ႉဢေႃႈ။
၂၅ ပေႃႈမေႈမႂ်း တၵ်းၸူမ်းသိူဝ်းလႄႈၵေႃႉဢၼ်ၵိူတ်ႇလဵင်ႉမႂ်းမႃး ၼၼ်ႉတၵ်းသႂၢင်ႇသိူဝ်းဢေႃႈ။
၂၆ လုၵ်ႈၸၢႆးၵဝ်ဢိူၺ်း။ဢဝ်ႁူဝ်ၸႂ်မႂ်းဢၢပ်ႈပၼ်တီႈၵဝ်တႃႉ။ႁႂ်ႈမၢၵ်ႇတႃမႂ်းတူၺ်းမၢတ်ႈသဵၼ်ႈတၢင်းဢၼ်ၵႂႃႇၼၼ်ႉသေၵမ်း လူၺ်ႈ။
၂၇ မေႈမွၵ်ႇယႃႈပဵၼ်ၸိူဝ်ႉၼင်ႇႁွင်ႈၼင်ႇၶူးဢၼ်လိုၵ်ႉၼႃႇၼၼ်ႉလႄႈ မေႈယိင်းလေႃႉပဵၼ်ၸိူဝ်ႉၼင်ႇၶုမ် ၼင်ႇလုၵ်းဢၼ်ၵိတ်ႇဢၼ်ၵႅပ်ႉၼၼ်ႉဢေႃႈ။
၂၈ မၼ်းၸၢင်ႊလွမ်တူၺ်းယူႇ မိူၼ်ၸိူဝ်ႉၼင်ႇၸူၼ်ၼၼ်ႉလႄႈၸၢင်ႊႁဵတ်းႁႂ်ႈ ၵူၼ်းၸၢႆးဢၼ်ၸၢင်ႊပႅတ်ႉၸၢင်ႊလႅၼ်ၼၼ်ႉယႂ်ႇၽႄႈၼမ်ၵိုၼ်းမႃးဢေႃႈ။
၂၉ ၽူႈ လႂ်တၵ်းမီးဢၼ်မႆႈၸႂ်ယၢပ်ႇၸႂ်။ၽူႈ လႂ်မီးတုၵ်ႉၶႃႉတၢင်းၽၢၼ်။ၽူႈ လႂ်မီးတၢင်းဢၼ်ၽိတ်းၵၼ်။ၽူႈ လႂ်မီးတၢင်းဢၼ်ၶႆႈၸႂ်ဝူၼ်ႉၸႂ်။ၽူႈ လႂ်ယင်းဢမ်ႇမီးလွင်ႈ မၼ်းလႄႈမီးတၢင်းဢၼ်တိူဝ်ႉဢၼ်မၢတ်ႇ။
၃၀ ၽူႈ လႂ်မီးတၢင်းဢၼ်မၢၵ်ႇတႃလႅင်ဝႃႈၼႆၸမ်း ပဵၼ်ၶဝ်ၸိူဝ်းဢၼ်ၵိၼ်ၼမ်ႉၸပိတ်ႉယူႇႁိုင်ၼႃႇ တင်းၶဝ်ၸိူဝ်းဢၼ်ၸၢင်ႊႁႃဢဝ်ၼမ်ႉၸပိတ်ႉ ဢၼ်လေႃးၵၼ်တင်းယႃႈ ယႃၼၼ်ႉဢေႃႈ။
၃၁ ယႃႇပေလူပေတူၺ်းၼမ်ႉၸပိတ်ႉဢၼ်လႅင်ႊဝႆႉ ဢၼ်ငဝ်းဢရွင်ႇႁိူဝ်ႈဝႆႉယူႇၵႃႈၼႂ်းၵွၵ်း ဢၼ်ဢိုၼ်ၶဝ်ႈၵႂႃႇဝၢၼ်လီၸဵမ်းလီၼၼ်ႉ။
၃၂ ၵမ်းလိုၼ်းသုတ်းမၼ်းၸၢင်ႊၶူပ်းၶိုၼ်းၸိူဝ်ႉၼင်ႇငူးလႄႈၸၢင်ႊ တွတ်ႇမိူၼ်ၸိူဝ်ႉၼင်ႇငူးႁၢႆႉဢေႃႈ။
၃၃ မၢၵ်ႇတႃမႂ်းတၵ်းလူတူၺ်းမေႈယိင်းလေႃႉလႄႈ ႁူဝ်ၸႂ်မႂ်းၵေႃႈတၵ်းမွၵ်ႇ လၢတ်ႈၵႂၢမ်းဢၼ်ၵူတ်ႉဢၼ်ငေႃးဢေႃႈ။
၃၄ တၵ်းပဵၼ်ၸိူဝ်ႉၼင်ႇ ၵေႃႉဢၼ်ၼွၼ်းၵႃႈၼႂ်းၵၢင်ပၢင်ႇလၢႆႇဢိၵ်ႇတင်း ၵေႃႉဢၼ်ၼွၼ်းၵႃႈၼိူဝ်ႁူဝ်သဝ်လၢင်းယၢၼ်းႁိူဝ်းသၢင်းၽေႃးၼၼ်ႉဢမၢၼ်ႇၶၢၼ်ပဵၼ်ဢေႃႈ။
၃၅ မႂ်းတၵ်းလၢတ်ႈဝႃႈ၊-ၶဝ်ပေႃႉယႅၼ်ႉၵဝ်ယဝ်ႉ။ၵူၺ်းၵႃႈၵဝ်ဢမ်ႇၸဵပ်း။ၶဝ်တမ်သႂ်ႇတႅင်းသႂ်ႇၵဝ်ယဝ်ႉ။ၵူၺ်းၵႃႈၵဝ်ဢမ်ႇႁူႉ။ၵဝ်တၵ်းတိုၼ်ႇမႃးမိူဝ်ႈ လႂ်။ၵဝ်သမ်ႉတၵ်းႁႃၵၼ်ထႅင်ႈလူးၵွၼ်ႇဢေႃႈ၊ဝႃႈၼင်ႇၼႆဢေႃႈ။