၂၂
၁ သရေႇဢၼ်လီဢၼ်ငၢမ်းၼၼ်ႉ ယိင်ႈၶႅၼ်းလီမျၢတ်ႈၼႃႇသေ ၶွင်ၶူဝ်းဢၼ်ၼမ်ၼႃႇၼၼ်ႉလႄႈၵျေးၸူးတၢင်းဢၼ်ႁၵ်ႉပႅင်းပိူၼ်ႈၼၼ်ႉ ယိင်ႈၶႅၼ်းလီၼႃႇသေ ငိုၼ်းၶမ်းဢေႃႈ။
၂ ၵေႃႉဢၼ်ၸၢင်ႊမၢၵ်ႇၸၢင်ႊမီးတင်းၵေႃႉဢၼ်ယၢၵ်ႈဢၼ်ၽၢၼ်ၼၼ်ႉမီးတၢင်းဢၼ်မိူၼ်ၵၼ်လႄႈထႃႇဝရႃႉၽြႃးပဵၼ်ၸဝ်ႈ ႁဵတ်းပဵၼ်ၶဝ် တင်းသဵင်ႈတင်းလူင်ဢေႃႈ။
၃ ၵေႃႉဢၼ်မီးသမ်ႇမႃႇသတိၼၼ်ႉၸၢင်ႊႁူႉႁၼ်ၽေးလႄႈတဵတ်ႇမႅပ်းဢေႃႈ။ၵေႃႉဢၼ်ငိူဝ်ႈငႃႉၼၼ်ႉၸမ်း ၸၢင်ႊၵႂႃႇၵႃႈၼင်ႇဢၼ်ၵႂႃႇ ၼၼ်ႉယူႇလႄႈထူပ်းၽေးဢေႃႈ။
၄ ဢၵျူဝ်းတၢင်းဢၼ်ႁူဝ်ၸႂ်ၶျႃးတႅမ်ႇဢိၵ်ႇတင်း တၢင်းဢၼ်ၵူဝ်ႁႄ ထႃႇဝရႃႉၽြႃးၼၼ်ႉ ပဵၼ်ၸေးၸိမ်ႇမူၼ်သရေႇ တင်းဢ သၢၵ်ႈဢေႃႈ။
၅ တူၼ်ႈၼၢမ်ယုမ်းၼၢမ်ဢိၵ်ႇတင်းတူင်ႇႁဵဝ်ႉတူင်ႇၶိုမ်း ၸၢင်ႊမီးယူႇၵႃႈၼႂ်းသဵၼ်ႈတၢင်းၵေႃႉဢၼ်ၸႂ်ၵူတ်ႉၸႂ်ငေႃးၼၼ်ႉလႄႈ ၵေႃႉဢၼ်ပႂ်ႉၸႂ်ဝိၺိၺ်ႇမၼ်းယူႇၼၼ်ႉၸမ်း ၸၢင်ႊဝႄႈပႅတ်ႈသေတီႈၶဝ်ၼၼ်ႉ ၵႂႃႇၵႆၵႆဢေႃႈ။
၆ သင်ႇသွၼ်သုင်းမႃႉပၼ်တီႈလုၵ်ႈဢွၼ်ႇၸွမ်းလူၺ်ႈသဵၼ်ႈတၢင်း ဢၼ်မၼ်းထုၵ်ႇလီၵႂႃႇၼၼ်ႉတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်မိူဝ်ႈဢၼ်မၼ်းၵႄႇမၼ်းထဝ်ႈၼၼ်ႉ မၼ်းယင်းဢမ်ႇဝႄႈဢမ်ႇပိူင်ႈသသေဵၼ်ႈတၢင်းၼၼ်ႉလႄႈတၵ်းၸွမ်းၵႂႃႇဢေႃႈ။
၇ ၵေႃႉဢၼ်ၸၢင်ႊမၢၵ်ႈၸၢင်ႊမီးၼၼ်ႉ လႆႈဢုပ်ႉပိူင်ႇၵေႃႉဢၼ်ယၢၵ်ႈဢၼ်ၽၢၼ်လႄႈ ၵေႃႉဢၼ်ၵူႈယိမ်ဢဝ်ၼၼ်ႉပဵၼ်ၶႃႈတီႈၵေႃႉဢၼ်ပၼ်ၵူႈပၼ်ယိမ်ၼၼ်ႉ ဢေႃႈ။
၈ ၵေႃႉဢၼ်ဝၢၼ်ႇၸိူဝ်ႉဝၢၼ်ႇၽၼ်းတူႉၸရိူၵ်ႈၼၼ်ႉတၵ်းလႆႈပၢတ်ႇၶဝ်ႈတုၵ်ႉၶႃႉလႄႈ ၶွၼ်ႉဝၢႆတေႃး သႃႉၸႂ်မႆႈမၼ်းၼၼ်ႉၵေႃႈတၵ်းလူႉလႅဝ်ဢေႃႈ။
၉ ၵေႃႉဢၼ် မီးမႅတ်ႈတႃႇၵရူႉၼႃႇၼၼ်ႉ မီးမၢင်ႇၵလႃႇၵွပ်ႈပိူဝ်ႈဢၼ်မၼ်းဢဝ်ၶဝ်ႈမုၼ်းမၼ်း လဵင်ႉလူၶဝ်ၸိူဝ်း ဢၼ်ယၢၵ်ႈဢၼ်ၽၢၼ်ၼၼ်ႉဢေႃႈ။
၁၀ ႁေႃႈၵေႃႉဢၼ်ႁဵတ်း ဢမ်ႇပေႃးၼင်ႇႁိုဝ်ၼၼ်ႉဢွၵ်ႇပႅတ်ႈသေတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင် တၢင်းဢၼ်ႁဵတ်းရၢၼ်ႇသူႇလႄႈ တၢင်းဢၼ်ၽိတ်းၵၼ်တၢင်းဢၼ်သေႉသွမ်းၵၼ်ၼၼ်ႉတၵ်းထၢတ်ႇယဵၼ်ၵႂႃႇဢေႃႈ။
၁၁ ၵေႃႉဢၼ်ထုၵ်ႇၸႂ်ၵျိူၵ်ႈၸႂ်တၢင်းဢၼ်ႁူဝ်ၸႂ်ၶၢဝ်ၸၢင်ႇၼၼ်ႉ ၸၢင်ႊလၢတ်ႈၵႂၢမ်းဢၼ်ၼိမ်သိမ်ဢူၼ်ႈဢွၼ်ႇလႄႈ ၸၢင်ႊလႆႈပဵၼ်ၵေႃႉပဵၼ်သေႈၶုၼ်ႁေႃၶမ်း ဢေႃႈ။
၁၂ မၢၵ်ႇတႃထႃႇဝရႃႉၽြႃးပႂ်ႉပိင်ႇၺႃႇတၢင်းဢၼ်ႁူႉဢၼ်ၸႅင်ႈၼၼ်ႉယူႇလႄႈၵႂၢမ်းၵေႃႉဢၼ်ၸၢင်ႊၽႅတ်ႉၸၢင်ႊလႅၼ်ၼၼ်ႉၸမ်း မၼ်းၸဝ်ႈတၵ်းဢဝ် လူမ်ႉပၵ်းၶိတ်းတူၵ်းပႅတ်ႈဢေႃႈ။
၁၃ ၵေႃႉဢၼ်ၶၢၼ်ႉဢၼ်ဢိူၼ်ၼၼ်ႉ ၸၢင်ႊလၢတ်ႈဝႃႈ သၢင်ႇသီႈမီးယူႇၵႃႈၼွၵ်ႈပုၼ်ႈဢေႃႈ။ၵဝ်တၵ်းလႆႈၶၢမ်ႇတၢင်းဢၼ်ဢဝ်တၢႆၵႃႈၼႂ်းတႃႈၼႂ်းတၢင်းၼၼ်ႉဢေႃႈ၊ ဝႃႈၼင်ႇၼႆ ဢေႃႈ။
၁၄ သူပ်းမေႈယိင်းလေႃႉၼၼ်ႉပဵၼ်ၶူင်ႈပဵၼ်လုၵ်းဢၼ်လိုၵ်ႉၼႃႇလႄႈ ၵေႃႉဢၼ်ထႃႇဝရႃႉၽြႃးလီႁင်ႈဢဵတ်ႇသဵတ်ႇၼၼ်ႉ တၵ်းတူၵ်းသႂ်ႇၵႃႈၼႂ်းၶူင်ႈၼႂ်းလုၵ်း ၼၼ်ႉဢေႃႈ။
၁၅ သၽေႃးဢၼ်မိူၵ်ႈၼၼ်ႉပူၵ်ႉႁေႃႇမီးဝႆႉယူႇၵႃႈၼႂ်းႁူဝ်ၸႂ်လုၵ်ႈဢွၼ်ႇဢေႃႈ။ၵူၺ်းၵႃႈၶွၼ်ႉဝၢႆဢၼ်သင်ႇသွၼ်သုင်းမႃႉပၼ်ၼၼ်ႉၸၢင်ႊႁေႃႈသၽေႃး ၼၼ်ႉဢွၵ်ႇပႅတ်ႈသေၵႆၵႆဢေႃႈ။
၁၆ ၵေႃႉဢၼ်ၼိၵ်ႈၸၢၵ်ႈငႅၼ်းသေးၵူၼ်းယၢၵ်ႈၵူၼ်းၽၢၼ် ႁႂ်ႈပဵၼ်ပုၼ်ႈလွင်ႈမၢၵ်ႈမီးမၼ်း ဢိၵ်ႇတင်းၵေႃႉဢၼ်ပၼ်တၼ်းသူဝ်းလၢၵ်ႈသွၼ်ႇတီႈၵူၼ်းမၢၵ်ႈၵူၼ်းမီးၼၼ်ႉ တၵ်းလႆႈႁွတ်ႈထိုင် တၢင်းဢၼ်ယၢၵ်ႈဢၼ်ၽၢၼ်ဢမၢၼ်ႇၶၢၼ်ပဵၼ်တင်းသွင်ၵေႃႉဢေႃႈ။
ၶေႃႈၵႂၢမ်းၽူႈဢၼ်မီးၺၢၼ်ႇ
၁၇ ႁႄႈႁူမႂ်းသေလႄႈ ထွမ်ႇဢဝ်ၵႂၢမ်း ၶဝ်ၸိူဝ်းဢၼ်မီး ၺၢၼ်ႇၼၼ်ႉတႃႉ။
၁၈ ဢဝ်ႁူဝ်ၸႂ်မႂ်းၸပ်းၸွႆးတၢင်းဢၼ်ၵဝ်သင်ႇသွၼ်ၼၼ်ႉတႃႉ။ပေႃးဢဝ်သႂၢင်းသႂ်ႇဝႆႉယူႇၵႃႈၼႂ်းႁူဝ်ၸႂ်မႂ်းၸိုင် တၵ်းပဵၼ်တၢင်းဢၼ်သႃႇယႃႇလီငၢမ်းလႄႈ ၵႃႈၼႂ်းသူပ်းမႂ်းၵေႃႈတၵ်းမီးတၢင်းဢၼ် ထုၵ်ႇဢၼ်လီယူႇတႃႇသေႇဢေႃႈ။
၁၉ လွင်ႈၼင်ႇႁိုဝ်မႂ်းတၵ်းဢိင်ပိုင်ႈထႃႇဝရႃႉၽြႃးယူႇၸိုင် ၵဝ်သင်ႇသွၼ်ပၼ်တီႈတူဝ်မႂ်းဝၼ်းမိူဝ်ႈၼႆႉဢေႃႈ။
၂၀ ၵဝ်တႅမ်ႈလွင်ႈတၢင်းဢၼ်ပၼ်သတိဢိၵ်ႇတင်းပိင်ႇၺႃႇတၢင်းဢၼ်ႁူႉ ဢၼ်ၸႅင်ႈၼၼ်ႉတီႈမႂ်းမိူဝ်ႈဢွၼ်တၢင်းၼၼ်ႉ၊
၂၁ ႁႂ်ႈမႂ်းလႆႈႁူႉၵႂၢမ်းသႅတ်ႉၸႃႇတြႃးၸႅတ်ႈၸႅတ်ႈ ဢိၵ်ႇတင်းႁႂ်ႈမႂ်းလႆႈၶိုၼ်းလၢတ်ႈပၼ်ၵႂၢမ်းသမ်ႇမႃႇ တီႈၶဝ်ၸိူဝ်း ဢၼ်ပွႆႇၸႂ်ႉမႂ်းမႃးၼၼ်ႉဢမ်ႇၸႂ်ႈႁိုဝ်။
၂၂ ယႃႇပေႁိမ်ႁူင်ႇဢဝ်ၶွင်ၶူဝ်း ၶဝ်ၸိူၼ်းဢၼ်ယၢၵ်ႈဢၼ်ၽၢၼ်ၵွပ်ႈပိူဝ်ၶဝ်ယၢၵ်ႈၽၢၼ်ၼၼ်ႉ။ယႃႇပေၼိၵ်ႈၸၢၵ်ႈငႅၼ်းသေး ၵေႃႉဢၼ်မီးတုၵ်ႉၶႃႉၼၼ်ႉၵႃႈတီႈၼႂ်းလုမ်း။
၂၃ လွင်ႈမၼ်းၸမ်းထႃႇဝရႃႉၽြႃးတၵ်းပႂ်ႉဢမူႉၶဝ်ယူႇလႄႈ တၵ်းႁိမ်ႁူင်ႇဢဝ်ၶွင်ၶူဝ်း ၶဝ်ၸိူဝ်းဢၼ်ႁိမ်ႁူင်ႇဢဝ်ၶွင်ၶူဝ်းပိူၼ်ႈ ၼၼ်ႉဢေႃႈ။
၂၄ ယႃႇပေႁဵတ်းၵေႃႉႁဵတ်းသေႈလူၺ်ႈၵၼ်တင်းၵေႃႉဢၼ်ၸႂ်ပွတ်းၸႂ်လွတ်းၼၼ်ႉ။ယႃႇပေၸွမ်းလူၺ်ႈၵၼ်တင်း ၵေႃႉဢၼ်ၸႂ်လမ်သႆႈၵမ်ႇၼႃႇၼၼ်ႉ။
၂၅ ပေႃးဢမ်ႇၼၼ်မႂ်းတၵ်းၸွမ်း ထုင်းၸၢမ်ႇထုင်းၾိင်ႈမၼ်းၸိူဝ်းၼၼ်ႉလႄႈ တၵ်းပဵၼ်တူင်ႇႁဵဝ်ႉတူင်ႇၶိုမ်းတီႈ ၸႂ်ဝိၺိၺ်ႇမႂ်းဢေႃႈ။
၂၆ ယႃႇပေၶဝ်ႈပႃးၼႂ်းမုၵ်ႉၼႂ်းၸိူဝ်းၶဝ်ၸိူဝ်းဢၼ်တူပ်းမိုဝ်းၵၼ် ဢိၵ်ႇတင်းမုၵ်ႉၸိူဝ်းၶဝ် ၸိူဝ်းဢၼ်ႁပ်ႉတုင်းဢဝ်ၼီႈပိူၼ်ႈၼၼ်ႉ။
၂၇ ပေႃးမႂ်းဢမ်ႇမီးဢၼ်တၵ်းတႅၼ်းပၼ်ၸိုင်မၼ်းတၵ်းဢဝ်တီႈ ၼွၼ်းမႂ်းဢၼ်မီးယူႇၵႃႈတႂ်ႈမႂ်းၼၼ်ႉၵႂႃႇဢေႃႈ။
၂၈ ယႃႇပေၶၢႆႉသဝ်လၵ်း ဢၼ်မၢတ်ႈတွင်းၵႂၢၵ်ႈလိၼ်ဢၼ်ပူႇမႂ်း မွၼ်ႇမႂ်းပၵ်းဝႆႉဢွၼ်တၢင်းၼၼ်ႉ။
၂၉ မႂ်းႁၼ်တၢင်းႁဵတ်းတၢင်းသၢင်ႈၵေႃႉဢၼ်ၶတ်းၸႂ်ၼၼ်ႉႁိုဝ်။ၵေႃႉၼၼ်ႉတၵ်းလႆႈၸုၵ်းယူႇၽၢႆႇၼႃႈၶုၼ်ႁေႃၶမ်းလႄႈ တၵ်းဢမ်ႇလႆႈၸုၵ်းယူႇ ၽၢႆႇၼႃႈၵူၼ်းပၢၼ်ၵၢင်တင်းလၢႆ။