၃
ဢၵျူဝ်းၺၢၼ်ႇ
၁ လုၵ်ႈၸၢႆးၵဝ်ဢိူၺ်း။ယႃႇပလေူင်ပလေိုမ်းတြႃးဢၼ်ၵဝ်ပၼ်ၼၼ်ႉ။ႁႂ်ႈႁူဝ်ၸႂ်မႂ်းၸွမ်းပိင်းၺၢပ်ႈၵဝ်ၸိူဝ်း ၼၼ်ႉယူႇသေၵမ်း။
၂ လွင်ႈမၼ်းၸမ်းၸိူဝ်းၼၼ်ႉတၵ်းထၢပ်ႇထႅင်ႈလႄႈ ပၼ်မိူဝ်ႉဝၼ်းဢၼ်ယၢဝ်းဢၼ်ယိုၼ်းၶူပ်ႇပီႊဢသၢၵ်ႈ ဢိၵ်ႇတင်းတၢင်းဢၼ်ၼိမ် လီၼၼ်ႉတီႈမႂ်းဢေႃႈ။
၃ ယႃႇပေႁႂ်ႈၵရူႉၼႃႇတင်းသႅတ်ႈၸႃႇၽၢတ်ႇယၢၼ်ၵၼ်တင်းမႂ်း။ဢဝ်ၸိူဝ်းၼၼ်ႉႁွႆႈဝႆႉပႃးဝႆႉၵႃႈတီႈၶေႃးမႂ်းတႃႉ။ဢဝ်တႅမ်ႈသႂ်ႇဝႆႉၵႃႈၼႂ်းၸ ရၢင်းဢၢင်းႁူဝ်ၸႂ်မႂ်းတႃႉ။
၄ ပေႃးႁဵတ်းၸိူဝ်ႉၼင်ႇၼၼ်ၸိုင်မႂ်းတၵ်းလႆႈၼႃႈလႆႈတႃလႄႈ ၶၢမ်ႇၵျေးၸူးသိုဝ်ႈၼႃႈတႂ်ႈတႃၽြႃးပဵၼ်ၸဝ်ႈတင်းၵူၼ်းတင်းလၢႆဢေႃႈ။
၅ ပႃးတင်းႁူဝ်ၸႂ်သဵင်ႈသဵင်ႈ ဢိင်ပိုင်ႈထႃႇဝရႃႉၽြႃးတႃႉ။
၆ ယႃႇပေၸႂ်လီလူၺ်ႈတၢင်းႁူႉတူဝ်ၸဝ်ႈၵဝ်ႇ။ၼႂ်းသဵၼ်ႈ
တၢင်းၵႃႈဢၼ်ၵႂႃႇမႃးၼၼ်ႉ ႁဵတ်းသိုဝ်ႈၼႃႈတႂ်ႈတႃမၼ်းၸဝ်ႈတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်မၼ်းၸဝ်ႈတၵ်းႁႂ်ႈသဵၼ်ႈတၢင်းမႂ်းၸိူဝ်းၼၼ်ႉ သိုဝ်ႈလီဢေႃႈ။
၇ ယႃႇပထေၢင်ႇတူဝ်ၸဝ်ႈၵဝ်ႇ ပဵၼ်ၵေႃႉဢၼ်မီးၺၢၼ်ႇ တီႈတူဝ်ၸဝ်ႈၵဝ်ႇ။
၈ ၵူဝ်ႁႄထႃႇဝရႃႉၽြႃးလႄႈဝေႈပႅတ်ႈတူႉၸရိူၵ်ႈတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်တၵ်းပဵၼ်တၢင်းဢၼ်ယူႇလီတီႈတူဝ်ၶိင်းမႂ်းလႄႈ ပဵၼ်ဢွၵ်း လုပ်ႇမၼ်းတီႈလုပ်ႇမႂ်းဢေႃႈ။
၉ ဢဝ်တၢင်းမၢၵ်ႈမီးမႂ်းဢိၵ်ႇတင်း မၢၵ်ႇႁူင်းဢၼ်မၢၵ်ႇဢွၼ်တၢင်းၵႃႈတီႈမႂ်းၼၼ်ႉပုၵ်ႉၸေႃႇတီႈထႃႇဝရႃႉၽြႃးတႃႉ။
၁၀ ပေႃးႁဵတ်းၸိူဝ်ႉၼင်ႇၼၼ်ၸိုင် ယေးၶဝ်ႈယွင်ၶဝ်ႈမႂ်းၸိူဝ်းၼၼ်ႉတၵ်းသတ်ႉတဵမ်ဝႆႉတင်းမၢၵ်ႇတင်းႁူင်းလႄႈ ၶိူင်ႈတီႈဢၼ်မႂ်းၼူတ်ႈမၢၵ်ႇၸပိတ်ႉၸိူဝ်းၼၼ်ႉ တၵ်းလူၼ်ႉတဵမ်ဝႆႉတင်းၼမ်ႉၸပိတ်ႉဢၼ်မႂ်ႇဢေႃႈ။
၁၁ လုၵ်းၸၢႆးၵဝ်ဢိူၺ်း။
၁၁ ယင်းဢမ်ႇမၢတ်ႈဢမ်ႇတွင်းဢၼ်ထႃႇဝရႃႉၽြႃးသင်ႇသွၼ်သုင်းမႃႉပၼ်ၼၼ်ႉလႄႈယႃႇပေယူႇ။မိူဝ်ႈဢၼ်မၼ်းၸဝ်ႈၸႅတ်ႈထၢမ်ဢပျႅတ်ႈ မႂ်းၼၼ်ႉၸိုင်ယႃႇပေၸႂ်လူႉ။
၁၂ လွင်ႈမၼ်းၸမ်းထႃႇဝရႃႉၽြႃး ၸၢင်ႊသင်ႇသွၼ်သုင်းမႃႉၵေႃႉဢၼ်မၼ်းၸဝ်ႈႁၵ်ႉၼၼ်ႉမိူၼ်ၸိူဝ်ႉၼင်ႇဢၼ်ပေႃႈပၼ်တၢမ်ႇတီႈ
လုၵ်ႈလၢင်း ဢၼ်မၼ်းထုၵ်ႇၸႂ်ၵျိူၵ်ႈၸႂ်ၼၼ်ႉဢေႃႈ။
၁၃ ၵေႃႉဢၼ်ထူပ်းပိင်ႇၺႃႇ ၵေႃႉဢၼ်လႆႈၺၢၼ်ႇၼၼ်ႉမီးမင်ႇၵလႃႇဢေႃႈ။
၁၄ လွင်ႈမၼ်းၸမ်းလွင်ႈတၢင်းၸိူဝ်းၼၼ်ႉယိင်ႈၶႅၼ်းလီတွၼ်းၼႃႇသေ တၢင်းဢၼ်ၵႃႉဢၼ်ၶၢႆငိုၼ်းၼၼ်ႉလႄႈ ဢမႅတ်ႈမၼ်းယိင်ႈၶႅၼ်းလီ တွၼ်းၼႃႇသေၶမ်းလွတ်ႈငၢၼ်ႇဢေႃႈ။
၁၅ မၼ်းယိင်ႈၶႅၼ်းမီးတၢင်းဢၼ် ထိူၵ်ႈၵႃႈထိူၵ်ႈၶၼ်ၼႃသေသႅင်လႅင်ႊဢေႃႈ။ၶိူင်ႈပိူင်ဢၼ်မႂ်းထုၵ်ႇၸႂ်ၵျိူ်ၵ်ႈၸႂ်ၵႃႈမီး ၼၼ်ႉဢမ်ႇတႅၵ်ႈဢမ်ႇတိူင်းၵၼ်တင်းမၼ်းလႆႈ။
၁၆ ၵႃႈၼႂ်းမိုဝ်းၶွၼ်ၶႂႃႇမၼ်းၼၼ်ႉ မီးမိူဝ်ႉဝၼ်းဢၼ်ယၢဝ်းဢၼ်ယိုၼ်းလႄႈ ၵႃႈၼႂ်းမိုဝ်းၶွၼ်သၢႆႉမၼ်းၼၼ်ႉမီးၸေး ၸိမ်ႇဢိၵ်ႇတင်းမူၼ်သရေႇဢေႃႈ။
၁၇ သဵၼ်ႈတၢင်းမၼ်းၸိူဝ်းၼၼ်ႉ ပဵၼ်သဵၼ်ႈတၢင်းဢၼ်သႃႇယႃႇလီငၢမ်းလႄႈ ႁွႆးတၢင်းမၼ်းၵႃႈမီးၼၼ်ႉမီးတၢင်းဢၼ်ၼိမ် ဢၼ်လီဢေႃႈ။
၁၈ မၼ်းပဵၼ်တူၼ်ႈဢသၢၵ်ႈတီႈၶဝ်ၸိူဝ်းဢၼ်ယိပ်းၵမ်မၼ်းယူႇၼၼ်ႉလႄႈ ၵေႃႉဢၼ်ဢမ်ႇပွႆႇ ဢမ်ႇၽႃႇၼၼ်ႉမီးမၢင်ႇၵလႃႇဢေႃႈ။
၁၉ ထႃႇဝရႃႉၽြႃးဢဝ်ၺၢၼ်ႇတႄႇဝႆႉလိၼ်မိူင်းလႄႈ ဢဝ်ပိင်ႇၺႃႇပွင် ႁဵတႃ်းႉၵၢင်ႁၢဝ်ယဝ်ႉ။
၂၀ ၸွမ်းလူၺ်ႈတၢင်းႁူႉႁၼ်မၼ်းၸဝ်ႈၼၼ်ႉ တီႈဢၼ်လိုၵ်ႉဢၼ်လမ်တင်းလၢႆတႅၵ်ႇဢႃႈလႄႈ ၽႃႈၽူၼ်ႁႂ်ႈယွတ်ႇၼမ်ႉၼၢႆးတူၵ်းလူင်းဢေႃႈ။
၂၁ လုၵ်ႈၸၢႆးၵဝ်ဢိူၺ်း။ယႃႇပေႁႂ်ႈတၢင်းႁူႉတၢင်းၸႅင်ႊဢိၵ်ႇတင်း သမ်ႇမႃႇသတိလႆႈၽၢတ်ႇယၢၼ်သသေိုဝ်ႈၼႃႈတႂ်ႈတႃမႂ်းလႄႈ ပႂ်ႉၵမ်ပႂ်ႉၸွမ်းယူႇတႃႇသေႇတႃႉ။
၂၂ ပေႃးႁဵတ်းၸိူဝ်ႉၼင်ႇၼၼ်ၸိုင် ၶဝ်တၵ်းပဵၼ်ဢသၢၵ်ႈတီႈဝိၺိၺ်ႇမႂ်းဢိၵ်ႇတင်း မူၼ်သရေႇတီႈၶေႃးမႂ်းဢေႃႈ။
၂၃ ၵမ်းၼၼ်ႉမႂ်းတၵ်းၵၢင်းလွတ်ႈၽေးရၢၼ်ႇသေလႄႈၵႂႃႇမႃးၵႃႈၼႂ်းသဵၼ်ႈတၢင်းဢေႃႈ။တိၼ်မႂ်းယင်း ဢမ်ႇၶီႈလိုတ်းၶီႇလႅင်ႉလႄႈတၵ်းၵႂႃႇဢေႃႈ။
၂၄ မိူဝ်ႈဢၼ်မႂ်းၼွၼ်းၼၼ်ႉၸိုင် မႂ်းတၵ်းဢမ်ႇမီးတီႈဢၼ်လီၵူဝ်လီႁႄ။ၸႂ်ႈတႄႉတႄႉယဝ်ႉ။မိူဝ်ႈဢၼ်မႂ်းၼွၼ်းၼၼ်ႉ မႂ်းတၵ်းလႆႈၼွၼ်းလပ်းလီလီငၢမ်းငၢမ်းဢေႃႈ။
၂၅ ယႃႇပေၵူဝ်ပေႁႄၽေးဢၼ်ၶၼ်ဢၼ်ၽႂ်း ဢၼ်တၵ်းႁွတ်ႈထိုင်မႃး၊ ဢိၵ်ႇတင်းၽေးတၢင်းဢၼ်လူႉလႅဝ်ဢၼ် ႁွတ်ႈမႃးၵႃႈတီႈၵူၼ်းဢၼ်ႁၢႆႉဢၼ်ႁူၵ်ႉၼၼ်ႉ။
၂၆ လွင်ႈမၼ်းၸမ်း ထႃႇဝရႃႉၽြႃးတၵ်းပဵၼ်တၢင်းဢၼ်မႂ်းယုမ်ႇမၢတ်ႈဢိင်ပိူင်လႄႈ မၼ်းၸဝ်ႈတၵ်းႁၢမ်ႈတပ်ႉႁႄႉၶႅၼ်တိၼ်မႂ်း ဢမ်ႇႁႂ်ႈမႂ်းလႆႈထုၵ်ႇၶဵၼ်းမႅၼ်ႈဢေႃႈ။
၂၇ ပေႃးမီးဢၶႂၢင်ႉ ဢၼ်တၵ်းလႆႈႁဵတ်းၵျေးၸူးတီႈၶဝ်ၸိူဝ်းဢၼ်ထိူၵ်ႈၶၢမ်ႇဢဝ်ၵျေးၸူးၼၼ်ႉၸိုင် ယင်း ဢမ်ႇႁဵတ်းလႄႈယႃႇပေယူႇ။
၂၈ မိူဝ်ႈဢၼ်မႂ်းမီးဢၼ်တၵ်းပၼ်ယူႇတီႈၵူၼ်းႁိူၼ်းၸမ်ႈၵၼ်ၼၼ်ႉၸိုင် ယႃႇပလေၢတ်ႈတီႈၵူၼ်းႁိူၼ်းၸမ်ၵၼ်ၼၼ်ႉလႄႈဝႃႈ၊-ၵႂႃႇလႄႈသမ်ႉၶိုၼ်းမႃးထႅင်ႈလူးၵွၼ်ႇတႃႉ။မိူဝ်ႈၽုၵ်ႈၵဝ်ၸင်ႇပၼ်တီႈမႂ်း၊ဝႃႈၼင်ႇၼႆ။
၂၉ ယႃႇပေၵျၢမ်ႇပွင်တၢင်းၵျၢမ်ႇတၢင်းပွင် ဢၼ်ဢမ်ႇလီၼၼ်ႉ ၵႃႈတီႈၵူၼ်းႁိူၼ်းၸမ်ၵၼ်တင်းမႂ်း ဢၼ်ယုမ်ႇမႂ်းလႄႈ ယူႇ ႁိမ်းမႂ်းၼၼ်ႉ။
၃၀ ယမ်းဢမ်ႇမီးလွင်ႈတၢင်းမၼ်းၵႃႈသင်လႄႈ ယႃႇပေတၢင်ႇဢပျႅတ်ႈၵႃႈၼိူဝ်ၵေႃႉဢၼ်ဢမ်ႇႁဵတ်းဢၼ်ဢမ်ႇလီဢမ်ႇငၢမ်းတေႃႇမႂ်းၼၼ်ႉ။
၃၁ ယႃႇပေၶွႆ ၵေႃႉဢၼ်ၸၢင်ႊႁဵတ်းဢႃႉထမ်ႇမႃႉၼၼ်ႉ။ယႃႇပေၸွမ်း သဵၼ်ႈတၢင်းဢၼ်မၼ်းၵႂႃႇၼၼ်ႉသေသဵၼ်ႈသေတၢင်း။
၃၂ လွင်ႈမၼ်းၸမ်းၶဝ်ၸိူဝ်းဢၼ်ၸႂ်ၵူတ်ႉၸႂ်ငေႃးၼၼ်ႉ ပဵၼ်တီႈဢၼ်ထႃႇဝရႃႉၽြႃးလီႁင်ႈဢဵတ်ႇသဵတ်ႇဢေႃႈ။ဢၶႂၢင်ႉဢၼ်လႆႈႁဵတ်းမိၵ်ႉသႁႃႇယႃႉတၢင်းဢၼ်ထုၵ်ႇၵၼ်တင်းမၼ်းၸဝ်ႈၼၼ်ႉ မီး တီႈၶဝ်ၸိူဝ်းဢၼ်သိုဝ်ႈလီရူဝ်းလီၼၼ်ႉဢေႃႈ။
၃၃ တၢင်းဢၼ်ထႃႇဝရႃႉၽြႃးၵိၼ်ႇဝႃႈၼၼ်ႉ မီးတီႈႁိူၼ်းၵေႃႉဢၼ်ဢမ်ႇတြႃးၼၼ်ႉလႄႈ တီႈယူႇၵေႃႉဢၼ်တြႃး ၼၼ်ႉၸမ်းမၼ်းၸဝ်ႈပၼ်တၢင်းလီဢေႃႈ။
၃၄ မိူဝ်ႈဢၼ်မၼ်းၸဝ်ႈသေႉသွမ်း ၶဝ်ၸိူဝ်းဢၼ်ၸၢင်ႊသေႉၸၢင်ႊသွမ်းၼၼ်ႉလႄႈ ႁဵတ်းၵျေးၸူးတီႈၶဝ်ၸိူဝ်းဢၼ်ယၢၵ်ႈ ဢၼ်ၽၢၼ်ၼၼ်ႉၸိုင်ၶဝ်ၸိူဝ်းဢၼ်မီးၺၢၼ်ႇၼၼ်ႉလႆႈၶၢမ်ႇဢဝ်ဢမူၺ်ႇမူၼ်သရေႇလႄႈ ၶဝ်ၸိူဝ်းဢၼ်မိူၵ်ႈၼၼ်ႉၸမ်း တၵ်းလႆႈႁပ်ႉဢဝ်တၢင်းဢၼ်ဢူၵ်းဢၼ်ဢၢႆၵႂႃႇဢေႃႈ။