၇
တၢင်းဢၼ်ပၼ်သတိလွင်ႈမေႈယိင်းၽိတ်းၵႃႇမေႇသု
၁ လုၵ်းၸၢႆးၵဝ်ဢိူၺ်း။ထွမ်ႇဢဝ်ၵႂၢမ်းၵဝ်လႄႈဢဝ်ပိင်းၺၢပ်ႈၵဝ်တင်းလၢႆသိမ်းဝႆႉတီႈမႂ်းတႃႉ။
၂ ပႂ်ႉၸွမ်းပိင်းၺၢပ်ႈၵဝ်တင်းလၢႆလႄႈဢသၢၵ်ႈလိပ်းယူႇတႃႉ။ပႂ်ႉတြႃးၵဝ်ၼၼ်ႉဝႆႉမိူၼ်ၸိူဝ်ႉၼင်ႇ လုၵ်ႈဝၢၵ်ႇမၢၵ်ႇတႃမႂ်းၼၼ်ႉတႃႉ။
၃ ဢဝ်မတ်ႉၸပ်းဝႆႉ ၵႃႈတီႈၼိဝ်ႉမိုဝ်းမႂ်းတင်းလၢႆသေလႄႈတႅမ်ႈမၢႆသႂ်ႇဝႆႉၵႃႈတီႈဢၢင်းၸရၢင်းႁူဝ်ၸႂ်မႂ်းတႃႉ။
၄ လၢတ်ႈတီႈၺၢၼ်ႇလႄႈဝႃႈ၊- မႂ်းပဵၼ်ၼွင်ႉယိင်းၵဝ်ဢေႃႈ၊ဝႃႈၼင်ႇၼႆလႄႈ ႁွင်ႉႁိၵ်ႈပိင်ႇၺႃႇဝႃႈၵေႃႉသေႈ မႂ်းတႃႉ။
၅ ပေႃးႁဵတ်းၸိူဝ်ႉၼင်ႇၼၼ်ၸိုင်ၶဝ်တၵ်းၵေႇသေႇဢဝ်မႂ်းလွတ်ႈသေ ၵႃႈၼႂ်းမိုဝ်းမေႈယိင်းလေႃႉမေႈမွၵ်ႇယႃႈ ဢၼ်ၸၢင်ႊဢဝ်သူပ်းဢဝ်ၵႂၢမ်းၶျေႃးဝွၼ်း ၼၼ်ႉဢေႃႈ။
၆ လွင်ႈတၢင်းဢၼ်ၵဝ်ယူႇၼႂ်းႁိူၼ်းၵဝ်လႄႈ လူတူၺ်းဢွၵ်ႇၵႃႈတီႈၵႄႈမႂ်း ႁူးလၢင်းတဵၼ် ႁိူၼ်းၵဝ်ၼၼ်ႉသေယဝ်ႉ လႆႈႁၼ်ၼၼ်ႉၸမ်း၊-
၇ လႆႈႁၼ်ၵူၼ်းၼုမ်ႇၵူၼ်းၵမ်ၽူႈမၢဝ်ႇ ဢၼ်ဢမ်ႇမီးၺၢၼ်ႇၵေႃႉ ၼိုင်ႈ
၈ ၵႃႈၼႂ်းၶဝ်ၸိူဝ်းဢၼ်ငိူဝ်ႈဢၼ်ငဝ်ၼၼ်ႉတႆႇတၢင်းပႆတၢင်းၵႂႃႇၵႃႈတီႈႁိမ်းႁူဝ်ၸဵင်ႇတၢင်းလႄႈ
၉ ၸွမ်းတၢင်းၵႂႃႇၸူးၵႃႈတီႈႁိူၼ်းမၼ်း ၼႂ်းၶိင်ႇႁူဝ်ၶမ်ႈၶိင်ႇၵၢင်ၶမ်ႈ၊ၶိင်ႇၵၢင်ၶိုၼ်းဢၼ်လိုၵ်းလႄႈ လပ်းသိင်ႇ ၼႃႇလူင်လၢင်ၼၼ်ႉဢေႃႈ။
၁၀ မေႈယိင်းဢၼ်ၼုင်ႈၶူဝ်းမေႈမွၵ်ႇယႃႈလႄႈ လၵ်းလႅမ်ၼၼ်ႉ ႁူပ်ႉထူပ်းမၼ်း ဢေႃႈ။
၁၁ မေႈမွၵ်ႇယႃႈၼၼ်ႉမီးသဵင်ဢၼ်ယႂ်ႇဢၼ်လူင်ဢိၵ်ႇတင်းၸႂ်သၽေႃးဢၼ်ၵႅၼ်ႇၶႅင်ၼၼ်ႉဢေႃႈ။တိၼ်မၼ်းၵေႃႈ ဢမ်ႇၸၢင်ႊယူႇၵႃႈၼႂ်းႁိူၼ်းမၼ်း ၼိမ်ၼိမ်လီလီ။
၁၂ မၼ်းၸၢင်ႊမီးၵႃႈၼွၵ်ႈႁိူၼ်းၵမ်းဢွၼ်ႇၼိုင်ႈၵႃႈၼႂ်းသဵၼ်ႈတၢင်း ဢၼ်ယႂ်ႇဢၼ်ၵႂၢင်ႈၼၼ်ႉၵမ်းဢွၼ်ႇၼိုင်ႈလႄႈ လွမ်တူၺ်းၵႃႈတီႈၸဵင်ႇ တၢင်းႁူဝ်တၢင်းၵူႈသဵၼ်ႈၵူၼ်ႈဢၼ်ဢေႃႈ။
၁၃ မၼ်းတီႉယဝ်ႉမီးတင်းၼႃႈဢၼ်ႁတ်းႁၢၼ်သေလႄႈ လၢတ်ႈ တီႈမၼ်းဝႃႈ၊-
၁၄ ယိတ်ႉမိၵ်ႉသႁႃႇယႃႉမီးတီႈႁိူၼ်းၵဝ်ၶႃႈဢေႃႈ။ဝၼ်းမိူဝ်ႈၼႆႉၵဝ်ၶႃႈၽႄႇဝၢတ်ႈၵတိသႅတ်ႈၸႃႇ ယဝ်ႉၶႃႈယဝ်ႉ။
၁၅ ပိူဝ်ႈၼႆလႄႈၵဝ်ၶႃႈဢွၵ်ႇမႃးႁႂ်ႈလႆႈႁူပ်ႉ ထူပ်းၸဝ်ႈႁဝ်းၶႃႈယဝ်ႉ။
၁၆ ၵဝ်ၶႃႈၶတ်းၸႂ်ႁႃၼႃႈၸဝ်ႈလႄႈထူပ်းၶႃႈယဝ်ႉ။ၵဝ်ၶႃႈဢဝ်ၽႃႈသိူဝ်ႇဢၼ်တမ်ႇၵၢမ်းၵၼ်တေႃးႁဵတ်းဢိၵ်ႇတင်းပိၵ်ႈၶျေႃးမိူင်း ဢေႇၵႅပ်ႉတု ၼၼ်ႉမႄးသိူဝ်ႇၵူႇတီႈၼွၼ်းၵဝ်ၶႃႈဝႆႉယဝ်ႉၶႃႈ ယဝ်ႉ။
၁၇ ၵဝ်ၶႃႈဢဝ်တင်းမူႉရၢၼ်ႇ၊ဢၵျေႃႇ၊တင်းၵိင်ႇႁွမ်မိုတ်းၽႃႈၵွပ်းၵဝ်ၶႃႈဝႆႉယဝ်ႉၶႃႈယဝ်ႉ။မႃးသေၵမ်း။ၽႄႇၸႂ်ၵႃႇမႃႉရႃႇၵႃႉႁႂ်ႈတေႃႇထိုင်ႁွတ်ႈမိူင်းလႅင်းၼၼ်ႉတႃႉႁဝ်း။
၁၈ ႁဵတ်းမေႇထူင်ႇလူၺ်ႈၵၼ်လႄႈမူၼ်ႈ ပျေႃႇတႃႉႁဝ်း။ၸဝ်ႈႁိူၼ်းၵဝ်ၶႃႈဢမ်ႇမီးႁိူၼ်း။
၁၉ မၼ်းပႃးဢဝ်ထူင်ငိုၼ်းသေလႄႈ ၵႂႃႇၵႃႈတီႈဢၼ်ၵႆပုၼ်ႉ ၶႃႈယဝ်ႉ။
၂၀ လိူၼ်မူၼ်းမၼ်းၸင်ႇတၵ်းၶိုၼ်းမႃးၵႃႈတီႈႁိူၼ်းၶႃႈဢေႃႈ၊ဝႃႈၼင်ႇၼႆလႄႈ ဢဝ်တင်းၵႂၢမ်းၼမ် ၼႃႇၸူဝ်းဢဝ်မၼ်းလႄႈ
၂၁ ဢဝ်တင်းသူပ်းဢၼ်ၸၢင်ႊ ၶျေႃးၸၢင်ႊဝွၼ်းၼၼ်ႉပေႉၼႅင်ႇမၼ်းဢေႃႈ။
၂၂ ၼင်ႇၼၼ်လႄႈ မၼ်းၸင်ႇၸွမ်းလင်မၼ်းၼၼ်ႉၵႂႃႇၵမ်းလဵဝ်မိူၼ်ၸိူဝ်ႉၼင်ႇဝူဝ်းၸွမ်းၵႂႃႇ ၵႃႈတီႈဢၼ်ၶၢမ်ႇဢဝ်တၢႆၼၼ်ႉဢေႃႈ။မိူၼ်ႇၼင်ႇၸၢတ်ႈတူၵ်းၶဝ်ႈၼႂ်းတူင်ႇႁဵဝ်ႉ တေႃႇထိုင်ႁွတ်ႈ ပိုၼ်ၵၢင်ႇၸူၵ်ႉသဵပ်ႇသႂ်ႇတပ်းမၼ်းၼၼ်ႉဢေႃႈ။
၂၃ မိူၼ်ၸိူဝ်ႉၼင်ႇၼူၵ်ႉၸဵဝ်းၶဝ်ႈၵႃႈၼႂ်းတူင်ႇႁဵဝ်ႉၶၼ်ၶၼ်ၽႂ်းၽႂ်းလႄႈ ဢမ်ႇႁူႉလွင်ႈဢၼ်ၵၢင်ဝႆႉႁႂ်ႈဢသၢၵ်ႈမၼ်းလႆႈသုမ်းၼၼ်ႉဢေႃႈ။
၂၄ ပိူဝ်ႈၼႆလႄႈလုၵ်ႈၸၢႆးၵဝ်တင်းလၢႆၶဝ်ဢိူၺ်း။ထွမ်ႇဢဝ်ၵႂၢမ်းၵဝ်လႄႈ မၢတ်ႈတွင်းဢဝ်ၵႂၢမ်းဢၼ်ဢွၵ်ႇ သူပ်းၵဝ်ၼၼ်ႉတႃႉ။
၂၅ ယႃႇပေၼူပ်ႈၸူးၵိူင်းၸူးသဵၼ်ႈတၢင်းမၼ်းၸိူဝ်းၼၼ်ႉ။ယႃႇပဝေႄႉၶဝ်ႈၸူးၵႃႈၼႂ်းသဵၼ်ႈတၢင်းဢၼ် မၼ်းၵႂႃႇမႃးယူႇၸိူဝ်းၼၼ်ႉလႄႈ ၸွမ်းၵႂႃႇ။
၂၆ လွင်ႈမၼ်းၸမ်းမၼ်းဢဝ်ၵူၼ်းၼမ်ၼႃႇလူမ်ႉတၢႆယဝ်ႉ။ၶဝ်ၸိူဝ်းဢၼ်ႁႅင်းယႂ်ႇၼႃႇၵေႃႈမၼ်း ဢဝ်တၢႆယဝ်ႉ။
၂၇ ႁိူၼ်းမၼ်းၼၼ်ႉပဵၼ်သဵၼ်ႈတၢင်းဢၼ်ႁွတ်ႈထိုင်ၵႃႈတီႈမိူင်းမရၼႃႉလႄႈ လူင်းၵႂႃႇၸူးၵႃႈတီႈၽုင်ႇပိၵ်ႉမၢၼ်ႇၶုၼ်တၢႆယူႇဢေႃႈ။