၁၃
၁ လုၵ်ႈၸၢႆးဢၼ်မီးၺၢၼ်ႇၼၼ်ႉ ၸၢင်ႊထွမ်ႇဢဝ်ဢၼ်ပေႃႈမၼ်းသင်ႇသွၼ်ပၼ်ၼၼ်ႉလႄႈ လုၵ်ႈၸၢႆးဢၼ်ႁဵတ်းဢမ်ႇပေႃးၼင်ႇႁိုဝ်ယူႇၼၼ်ႉၸမ်း ဢမ်ႇ ၸၢင်ႊထွမ်ႇဢဝ်တၢင်းဢၼ်သုင်းမႃႉၼၼ်ႉ။
၂ ၵူၼ်းလႆႈၵိၼ်မၢၵ်ႇဢၼ်လီတီႈသီႇသူပ်းမၼ်းၼၼ်ႉလႄႈ ႁူဝ်ၸႂ်ၵေႃႉဢၼ်ၸၢင်ႊပႅတ်ႉၸၢင်ႊလႅၼ်ၼၼ်ႉၸမ်း တၵ်းလႆႈ ၵိၼ်မၢၵ်ႇဢပျႅတ်ႈဢၼ်သေႉသွမ်းၼၼ်ႉဢေႃႈ။
၃ ၵေႃႉဢၼ်ထိင်းသူပ်းမၼ်းယူႇၼၼ်ႉ ပႂ်ႉဢသၢၵ်ႈမၼ်းယူႇလႄႈ ၵေႃႉဢၼ်လၢတ်ႈၵႂၢမ်းထမ်းၵႅမ်းၼၼ်ႉႁွတ်ႈထိုင် တၢင်းလူႉတၢင်းလႅဝ်ဢေႃႈ။
၄ ႁူဝ်ၸႂ်ၵေႃႉဢၼ်ၶၢၼ်ႉဢၼ်ဢိူၼ်ၼၼ်ႉ တုၵ်းဢၢင်ႈၶႂ်ႈလႆႈသေၵေႃႈဢမ်ႇၸၢင်ႊလႆႈ။ႁူဝ်ၸႂ်ၵေႃႉဢၼ်ဝီႉရီ့ယႃႉၵႆႉၶၵ်ႉၼၼ်ႉၸမ်းဢလူဝ်ႇ သၼ်ႇတႃႉမၼ်းတၵ်းတဵမ်ထူၼ်ႈဢေႃႈ။
၅ ၵေႃႉဢၼ်သိုဝ်ႈတေႃႇၼၼ်ႉ ၸင်းၵႂၢမ်းမူႉသႃႇလႄႈ ၵေႃႉဢၼ်ဢမ်ႇတြႃးၼၼ်ႉၸမ်း ပဵၼ်တီႈဢၼ်လီႁင်ႈဢဵတ်ႇ သဵတ်ႇလႄႈႁႂ်ႈပိူၼ်ႈဢူၵ်းဢၢႆဢေႃႈ။
၆ တြႃးတင်းဢၼ်သိုဝ်ႈတေႃႇၼၼ်ႉ ပႂ်ႉၵေႃႉဢၼ်ၸွမ်းသဵၼ်ႈတၢင်းသိုဝ်ႈရူဝ်းၼၼ ်ႉလႄႈတြႃးတူႉၸရိူၵ်ႈၸမ်းဢဝ်ၵေႃႉဢၼ်မီးဢပျႅတ်ႈၼၼ်ႉလူမ်ႉဢေႃႈ။
၇ ၵေႃႉဢၼ်ႁဵတ်းၼင်ႇႁၢင်ႊမၢၵ်ႈမီးၼၼ်ႉ ပဵၼ်ၵေႃႉဢၼ်ယၢၵ်ႈၽၢၼ်လႄႈၵေႃႉဢၼ်ႁဵတ်းၼင်ႇႁၢင်ႊယၢၵ်ႈၽၢၼ်ၼၼ်ႉ ပဵၼ်ၵေႃႉ ဢၼ်မၢၵ်ႈမီးၼႃႇလူင်လၢင်ဢေႃႈ။
၈ ၸေးၸိမ်ႇမၼ်းၸၢင်ႊပဵၼ် တၢင်းဢၼ်ထုတ်ႇဢဝ်ဢသၢၵ်ႈၵေႃႉဢၼ်မၢၵ်ႈမီးၼၼ်ႉလႄႈ ၵေႃႉဢၼ်ယၢၵ်ႈဢၼ်ၽၢၼ်ၸမ်း ယင်းဢမ်ႇလႆႈငိၼ်းၵႂၢမ်းဢၼ်လီၵူဝ်လီႁႄ။
၉ ဢၼ်
လႅင်းၵေႃႉဢၼ်သိုဝ်ႈတေႃႇၼၼ်ႉ ႁိူဝ်ႈလႅင်းလီၼႃႇ
လႄႈ ၵွၵ်းၽႆးၵေႃႉဢၼ်ဢမ်ႇတြႃးၼၼ်ႉၸမ်း တၵ်း လႆႈၶၢမ်ႇတၢင်းဢၼ်မွတ်ႇပႅတ်ႈဢေႃႈ။
၁၀ ၸၢင်ႊပဵၼ်တၢင်းဢၼ်ၽိတ်းၵၼ်ၵွပ်ႈပိူဝ်ႈမႃႇၼႃႉလႄႈၵေႃႉဢၼ်ထွမ်ႇတုင်းဢဝ် ၵႂၢမ်းဢၼ်ပၼ်သတိၼၼ်ႉ မီး ပိင်ႇၺႃႇဢေႃႈ။
၁၁ ငိုၼ်းဢၼ်ႁဵတ်းၸေႃႇၸေႉမဝ်မၢင်လႄႈလႆႈမႃးၼၼ်ႉ ၸၢင်ႊသုတ်ႈၸၢင်ႊယွမ်းၵႂႃႇလႄႈငိုၼ်းဢၼ်ၶတ်းၸႂ်ၵဵပ်းႁွမ်တွမ်ဝႆႉၼၼ်ႉၸမ်း ၸၢင်ႊႁႂ်ႈ ယႂ်ႇၽႄႈတူဝ်းတွၼ်းမႃးဢေႃႈ။
၁၂ တၢင်းဢၼ်မုင်ႈထႃႈမွင်းထႃႈလႄႈပဵၼ်ဢၼ်ထိူင်းဢၼ်ၼၢၼ်းၼၼ်ႉၸၢင်ႊႁႂ်ႈႁူဝ်ၸႂ်မႆႈႁွၼ်ႉလႄႈ ဢလူဝ်ႇဢၼ်တဵမ်ထူၼ်ႈၼၼ်ႉၸမ်းပဵၼ်တူၼ်ႈဢသၢၵ်ႈဢေႃႈ။
၁၃ ၵေႃႉဢၼ်ႁဵတ်းဢမ်ႇပေႃးၼင်ႇႁိုဝ် တီႈၼုၵ်ႈၵပၢတ်ႈၸဝ်ႈယူႇၼၼ်ႉ တၵ်းႁႂ်ႈတၢင်းလူႉတၢင်းလႅဝ်ႁွတ်ႈထိုင်ၵႃႈၼိူဝ်မၼ်းလႄႈ ၵေႃႉဢၼ်ၵူဝ်ယမ်ပိင်းၺၢပ်ႈတြႃးၸဝ်ႈယူႇၼၼ်ႉၸမ်း တၵ်းလႆႈၵတ်းယဵၼ်ၶျၢမ်းသႃႇ ဢေႃႈ။
၁၄ တြႃးၵေႃႉဢၼ်မီးၺၢၼ်ႇၼၼ်ႉပဵၼ်ၼမ်ႉဢွၵ်ႇႁူးဢသၢၵ်ႈ ဢၼ်ဝေႈပိူင်ႈသတေူင်ႇႁဵဝ်ႉတူင်ႇၶိုမ်းတၢင်း တၢႆဢေႃႈ။
၁၅ ၺၢၼ်ႇဢၼ်လီၼၼ်ႉၸင်ႊႁႂ်ႈလႆႈၼႃႈလႆႈတႃလႄႈ သဵၼ်ႈတၢင်းၵေႃႉဢၼ် ၸၢင်ႊပႅတ်ႉၸၢင်ႊလႅၼ်ၼၼ်ႉၸမ်းပဵၼ် ဢၼ်ယၢပ်ႇဢၼ်ၽိုတ်ႇဢေႃႈ။
၁၆ ၶဝ်ၸိူဝ်းဢၼ်မီးသမ်ႇမႃႇသတိ တင်းသဵင်ႈတင်းလူင်ၼၼ်ႉ ၸၢင်ႊဢဝ်တၢင်းဢၼ်ႁူႉဢၼ်ၸႅင်ႈႁဵတ်းလႄႈၵေႃႉဢၼ်မိူၵ်ႈၸမ်း ၸၢင်ႊႁႂ်ႈတၢင်းဢၼ်တူဝ်ၸဝ်ႈၵဝ်ႇမိူၵ်ႈၼၼ်ႉထၢင်ႇသႃးဢေႃႈ။
၁၇ ၵူၼ်းၸႂ်ႉၵူၼ်းသွႆဢၼ်ဢမ်ႇတြႃးၼၼ်ႉ ၸၢင်ႊလူမ်ႉတူၵ်းႁွတ်ႈၵႃႈၼႂ်းလွင်ႈတၢင်းဢၼ်ဢမ်ႇလီဢမ်ႇငၢမ်းၼၼ်ႉလႄႈ သၢၼ်ႇတမၢၼ်ႇဢၼ်မီးသႅတ်ႈၸႃႇၼၼ်ႉၸမ်း ပဵၼ်လွင်ႈတၢင်း ဢၼ်ယူႇလီၵိၼ်ဝၢၼ်ဢေႃႈ။
၁၈ ၵေႃႉဢၼ်ထဵင်ပႅတ်ႈတၢင်းဢၼ်သင်ႇသွၼ်ပၼ်ၼၼ်ႉတၵ်းႁွတ်ႈထိုင်တၢင်းဢၼ်ယၢၵ်ႈဢၼ်ၽၢၼ်ဢိၵ်ႇတင်းတၢင်းဢၼ်လီဢူၵ်းလီဢၢႆလႄႈ ၵေႃႉဢၼ်ထွမ်ႇဢဝ်ၵႂၢမ်းဢၼ်သုင်းမႃႉပၼ်ၼၼ်ႉၸမ်းတၵ်းလႆႈမူၼ်သရေႇဢေႃႈ။
၁၉ တၢင်းဢၼ်ဢလူဝ်ႇသၼ်ႇတႃႉတဵမ်ထူၼ်ႈၼၼ်ႉ ပဵၼ်ဢၼ်ဝၢၼ်ဢၼ်မၼ်း တီႈႁူဝ်ၸႂ်လႄႈတၢင်းဢၼ်ဝေႈပႅတ်ႈတူႉၸရိူၵ်ႈၼၼ်ႉၸမ်း ပဵၼ်လွင်ႈဢၼ်ၵူၼ်းမိူၵ်ႈတင်းလၢႆ လီႁင်ႈဢဵတ်ႇသဵတ်ႇဢေႃႈ။
၂၀ ၵေႃႉဢၼ်ၵႂႃႇမႃးလူၺ်ႈၵၼ်တင်း ၶဝ်ၸိူဝ်းဢၼ်မီးၺၢၼ်ႇၼၼ်ႉၸၢင်ႊမီးၺၢၼ်ႇလႄႈ ၵေႃႉဢၼ်ႁဵတ်းၵေႃႉႁဵတ်းသေႈလူၺ်ႈၵၼ်တင်းၶဝ်ၸိူဝ်းဢၼ်မိူၵ်ႈ ၼၼ်ႉႁွတ်ႈထိုင်တုၵ်ႉၶႃႉဢေႃႈ။
၂၁ ၽေးၸၢင်ႊလိုပ်ႈၸွမ်းလမ်းၸွမ်းၶဝ်ၸိူဝ်းဢၼ်မီးဢပျႅတ်ႈၼၼ်ႉလႄႈ ၶဝ်ၸိူဝ်းဢၼ်သိုဝ်ႈတေႃႇၼၼ်ႉၸမ်း တၵ်းလႆႈၶၢမ်ႇဢ ၵျူဝ်းဢၼ်လီဢေႃႈ။
၂၂ ၵေႃႉဢၼ်လီဢၼ်ငၢမ်းၼၼ်ႉၸၢင်ႊဝႆႉၵိုတ်းဢမူၺ်ႇၶွင်ၶူဝ်း ပုၼ်ႈလုၵ်ႈမၼ်းလၢတ်ႈမၼ်းလႄႈၸေးၸိမ်ႇၵေႃႈဢၼ်မီးဢပျႅတ်ႈၼၼ်ႉၸမ်း ပဵၼ်တၢင်းဢၼ်သိမ်းဝႆႉပုၼ်ႈၶဝ်ၸိူဝ်းဢၼ်သိုဝ်ႈ တေႃႇဢေႃႈ။
၂၃ ႁႆႊၼႃးၵေႃႉဢၼ်သၢၵ်ႈၽၢၼ်ၼၼ်ႉၸၢင်ႊပၼ်တၢင်းၵိၼ်တၢင်းၶူပ်းလိူင်ႇၼမ်လႄႈ ၵေႃႉ ဢၼ်ဢမ်ႇတြႃးၼၼ်ႉပၢတ်ႇၽဵဝ်ႉပႅတ်ႈဢေႃႈ။
၂၄ ၵေႃႉဢၼ်ဢမ်ႇသုင်းဢမ်ႇတိုဝ်းၶွၼ်ႉဝၢႆၼၼ်ႉပဵၼ်ၵေႃႉဢၼ်ၸင်းလုၵ်ႈၸၢႆးမၼ်းလႄႈ ၵေႃႉဢၼ်ႁၵ်ႉလုၵ်ႈၸၢႆးမၼ်းၸမ်း ၸၢင်ႊၶတ်းၸႂ်သင်ႇသွၼ်သုင်းမႃႉပၼ် ဢေႃႈ။
၂၅ ၵေႃႉဢၼ်သိုဝ်ႈတေႃႇၼၼ်ႉမီးဢၶႂၢင်ႉဢၼ်လႆၵိၼ်ဢိမ်ႇၵိၼ်တဵမ်လႄႈ တွင်ႉၵေႃႉဢၼ်ဢမ်တြႃးၼၼ်ႉၸမ်း တၵ်းလႆႈၶၢမ်ႇတၢင်းဢၼ်ဢိုပ်းယၢၵ်ႈဢေႃႈ။