၁၆
၁ တၢင်းဢၼ်ႁူဝ်ၸႂ်ၵျၢမ်ႇပွင်တင်းလၢႆၼၼ်ႉ ၸၢပ်ႈသႅင်ႇၵၼ်တင်းၵူၼ်းလႄႈ တၢင်းဢၼ်လိၼ်ႉၶိုၼ်းလၢတ်ႈၼၼ်ႉၸမ်းဢွၵ်ႇတီႈထႃႇဝရႃႉၽြႃးမႃးဢေႃႈ။
၂ သဵၼ်ႈတၢင်းၵႃႈဢၼ်ၵူၼ်းၸွမ်းၵႂႃႇၸိူဝ်းၼၼ်ႉ ပဵၼ်ဢၼ်မူတ်းလီၵဵင်ႈလီ သိုဝ်ႈၼႃႈတႂ်ႈတႃမၼ်းလႄႈထႃႇဝရႃႉ ၽြႃးၸမ်းႁိဝ်ႈၸင်ႈတူၺ်းၸႂ်သၽေႃးဢေႃႈ။
၃ ဢဝ်လွင်ႈတၢင်းဢၼ်မႂ်းႁဵတ်းၼၼ်ႉ ဢၢပ်ႈပၼ်တီႈထႃႇဝရႃႉၽြႃးတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်တၢင်းၵျၢမ်ႇတၢင်းပွင်မႂ်းၸိူဝ်းၼၼ်ႉတၵ်းတႄႇယူႇဢေႃႈ။
၄ ထႃႇဝရႃႉၽြႃး ႁဵတ်းပဵၼ်လွင်ႈတၢင်းၵႃႈမီးတင်းသဵင်ႈတင်းလူင်ဝႆႉပုၼ်ႈဢၼ်ၵျၢမ်ႇငႃတၵ်းႁႂ်ႈပဵၼ်ၼၼ်ႉလႄႈႁဵတ်းပဵၼ်ဝႆႉပုၼ်ႈ ဝၼ်းဢၼ်ၶဝ်ၸိူဝ်းဢၼ်ဢမ်ႇ တြႃးတၵ်းလႆႈၶၢမ်ႇၽေးတၢမ်ႇၼၼ်ႉဢေႃႈ။
၅ ၶဝ်ၸိူဝ်းဢၼ်မႃႇၼႃႉၸႂ်သုင် တင်းသဵင်ႈတင်းလူင်ၼၼ်ႉပဵၼ်တီႈဢၼ်ထႃႇဝရႃႉၽြႃးလီႁင်ႈဢဵတ်ႇသဵတ်ႇလႄႈ ပိၵ်ႉသမ်ႉတူပ်းမိုဝ်းၵၼ်ယဝ်ႉသေၵေႃႈ မၼ်းဢမ်ႇလႆႈလွတ်ႈ တၢမ်ႇဢပျႅတ်ႈ။
၆ ၵွပ်ႈပိူဝ်ႈၵရူႉၼႃႇတြႃးဢိၵ်ႇတင်းသႅတ်ႈၸႃႇတြႃးၼၼ်ႉလႄႈ ဢပျႅတ်ႈလႆႈပျေႇလႄႈၵွပ်ႈပိူဝ်ႈသၽေႃး ဢၼ်ၵူဝ်ဢၼ်ႁႄထႃႇဝရႃႉၽြႃးၼၼ်ႉလႄႈၵူၼ်းဝေႈပႅတ်ႈတူႉၸရိူၵ်ႈဢေႃႈ။
၇ မိူဝ်ႈဢၼ်သဵၼ်ႈတၢင်းဢၼ်ၵူၼ်းၸွမ်းၼၼ်ႉ ထုၵ်ႇၸႂ်ၵျိူၵ်ႈၸႂ်ထႃႇဝရႃႉၽြႃးၸိုင်မၼ်းၸဝ်ႈႁႂ်ႈရၢၼ်ႇသူႇမၼ်း ထုၵ်ႇမေႃၵၼ်တင်း မၼ်းဢေႃႈ။
၈ ၶွင်ၶူဝ်းဢၼ်မီးဢိတ်းဢွၼ်ႇၼိုင်ႈၸွမ်းလူၺ်ႈပႃႇရမီႇတၢင်းဢၼ်သိုဝ်တေႃႇၼၼ်ႉ ယိင်ႈၶႅၼ်းလီၼႃႇသေၶွင်ၶူဝ်း ၼမ်ၼႃႇဢၼ်လႆႈမႃးၸွမ်းလူၺ်ႈ ဢၼ်ဢမ်ႇတြႃးၼၼ်ႉဢေႃႈ။
၉ ႁူဝ်ၸႂ်ၵူၼ်းၵျၢမ်ႇပွင်သဵၼ်ႈတၢင်းဢၼ်မၼ်းတၵ်းၵႂႃႇၼၼ်ႉလႄႈ ထႃႇဝ ရႃႉၽြႃးၸီႇယၢင်ႇႁွႆးတိၼ်မၼ်းၸိူဝ်းၼၼ်ႉဢေႃႈ။
၁၀ ပျႃႇတိၵ်ႈၸဝ်ႈမီးယူႇၵႃႈၼႂ်းသူပ်းၶုၼ်ႁေႃၶမ်းလႄႈ သူပ်းမၼ်းဢမ်ႇလီၽိတ်းပိူင်ႈၼႂ်း လွင်ႈတၢင်းဢၼ်တႅပ်း တတ်းတြႃးၼၼ်ႉ။
၁၁ ယႃႇၸူႇဢိၵ်ႇယွႆးပဵၼ်ၶွင်ၶူဝ်းထႃႇဝရႃႉၽြႃးလႄႈ လုၵ်ႈၶၼ်ၵႃႈဢၼ်ပႃးၼႂ်းထူင်လုၵ်ႈၶၼ်ၸိူဝ်းၼၼ်ႉ ပဵၼ်ဢၼ် မၼ်းၸဝ်ႈၸီႇယၢင်ႇဝႆႉ ဢေႃႈ။
၁၂ တၢင်းဢၼ်ႁဵတ်းတူႉၸရိူၵ်ႈၼၼ်ႉ ပဵၼ်တီႈဢၼ်ၶုၼ်ႁေႃၶမ်းလီႁင်ႈဢဵတ်ႇသဵတ်ႇဢေႃႈ။လွင်ႈမၼ်းၸမ်းရႃႇၸႃႉပလၢင်ႇ တႄႇယူႇလူၺ်ႈ တၢင်း ဢၼ်သိုဝ်ႈတေႃႇၵူၺ်းဢေႃႈ။
၁၃ သီႇသူပ်းဢၼ်သိုဝ်ႈတေႃႇၼၼ်ႉပဵၼ်တီႈဢၼ် ထုၵ်ႇၸႂ်ၵျိူၵ်ႈၸႂ်ၶုၼ်ႁေႃၶမ်းလႄႈ ၶဝ်ႁၵ်ႉၵေႃႉဢၼ်လၢတ်ႈသိုဝ်ႈလၢတ်ႈရူဝ်းၼၼ်ႉဢေႃႈ။
၁၄ တၢင်းၸႂ်မႆႈၶႆႈၸႃႉၶုၼ်ႁေႃၶမ်း ပဵၼ်ၸိူဝ်ႉၼင်ႇတမၢၼ်ႇတၢင်းတၢႆလႄႈၵေႃႉဢၼ်မီးၺၢၼ်ႇၼၼ်ႉ ႁႂ်ႈထုၵ်ႇၸႂ် မၼ်းဢေႃႈ။
၁၅ ၵွပ်ႈပိူဝ်ႈတၢင်းဢၼ်ၼႃႈၶုၼ်ႁေႃၶမ်းသႂၢင်ႇၵီႈၼၼ်ႉလႄႈ ဢသၢၵ်ႈလႆႈၵတ်းယဵၼ်ၶျၢမ်းသႃႇလႄႈ ၵျေးၸူးမၼ်းပဵၼ်ၸိူဝ်ႉၼင်ႇၽႃႈၽူၼ်ႁၢင်ပီႊၼၼ်ႉဢေႃႈ။
၁၆ တၢင်းဢၼ်လႆႈၺၢၼ်ႇၼၼ်ႉ ယိင်ႈၶႅၼ်းလီၼႃႇသေတၢင်းဢၼ်လႆႈၶမ်းၸႅတ်ႈၼၼ်ႉလႄႈ တၢင်းဢၼ်လႆႈပိင်ႇၺႃႇၼၼ်ႉယိင်ႈၶႅၼ်းလီၼႃႇသေ တၢင်း ဢၼ်လႆႈငိုၼ်းဢေႃႈ။
၁၇ သဵၼ်ႈတၢင်းၵေႃႉဢၼ်သိုဝ်ႈလီရူဝ်းလီၸွမ်းၼၼ်ႉ ပဵၼ်တၢင်းဢၼ်ဝေႈပႅတ်ႈတူႉၸရိူၵ်ႈလႄႈ ၵေႃႉဢၼ်ပႂ်ႉသဵၼ်ႈတၢင်းၼၼ်ႉပႂ်ႉဢသၢၵ်ႈ ဝိႉၺိၼ်ႇတူဝ်ၸဝ်ႈၵဝ်ႇဢေႃႈ။
၁၈ မႃႇၼႃႉၸႂ်သုင်ပဵၼ်ဢွၼ်တၢင်းတၢင်းလူႉတၢင်းလႅဝ်လႄႈ သၽေႃးဢၼ်ပူၵ်းပႅၼ်ၽႅၼ်သုင်ၼၼ်ႉ ပဵၼ်ဢွၼ်တၢင်းဢၼ်တူၵ်းတီႈ တႅမ်ႇဢေႃႈ။
၁၉ တၢင်းဢၼ်ႁဵတ်းၵေႃႉႁဵတ်းသေႈလူၺ်ႈၵၼ်တင်းၶဝ်ၸိူဝ်းဢၼ်ၸႂ်ၶျႃးတႅမ်ႇၼၼ်ႉ ယိင်ႈၶႅၼ်းလီၼႃႇသေ တၢင်းဢၼ်ၽႄမႅင်ႇၶွင်ၶူဝ်းလူၺ်ႈၵၼ်တင်းၶဝ်ၸိူဝ်းဢၼ်မႃႇၼႃႉၸႂ်သုင် ဢၼ်ႁိမ်ဢဝ်လႆႈ မႃးၼၼ်ႉဢေႃႈ။
၂၀ ၵေႃႉဢၼ်ႁႃၸွမ်းတၢင်းဢၼ်သင်ႇသွၼ်ၼၼ်ႉလႆႈဢၵျူဝ်းလႄႈ ၵေႃႉဢၼ်ဢိင်ပိုင်ႈထႃႇဝရႃႉၽြႃးၼၼ်ႉမီးမင်ႇၵလႃႇဢေႃႈ။
၂၁ ၵေႃႉဢၼ်ၸႂ်သၽေႃးလၵ်းလႅမ်ၼၼ်ႉ တၵ်းလႆႈၶၢမ်ႇတၢင်းဢၼ်ႁွင်ႉႁိၵ်ႈဝႃႈ ၵေႃႉဢၼ်မီးပိင်ႇၺႃႇသတိဝႃႈၼင်ႇၼႆလႄႈသီႇသူပ်းဢၼ်လၢတ်ႈၵႂၢမ်းဢၼ်လီဢၼ်ဝၢၼ်ၼၼ်ႉၵေႃႈ ႁႂ်ႈပိင်ႇၺႃႇတၢင်းဢၼ်ႁူႉဢၼ် ၸႅင်ႈၼၼ်ႉယႂ်ႇၽႄႈတူဝ်းတွၼ်းမႃးဢေႃႈ။
၂၂ ၺၢၼ်ႇပဵၼ်ၼမ်ႉဢွၵ်ႇႁူးဢသၢၵ်ႈတီႈၵေႃႉဢၼ်လႆႈမၼ်းၼၼ်ႉလႄႈ တၢင်းဢၼ်ၶဝ်ၸိူဝ်းဢၼ်မိူၵ်ႈသင်ႇသွၼ်ႇပၼ်ၼၼ်ႉၸမ်းပဵၼ်တၢင်းဢၼ်မိူၵ်ႈဢေႃႈ။
၂၃ ႁူဝ်ၸႂ်ၵေႃႉ
ဢၼ်မီးပိင်ႇၺႃႇၼၼ်ႉသင်ႇသွၼ်ပၼ်သူပ်းမၼ်းလႄႈ ႁႂ်ႈပိင်ႇၺႃႇတၢင်းဢၼ်ႁူႉဢၼ်ၸႅင်ႈယႂ်ႇၽႄႈတူဝ်းတွၼ်းမႃးတီႈသီႇသူပ်းမၼ်းထႅင်ႈ တိၵ်းတိၵ်း ဢေႃႈ။
၂၄ ၵႂၢမ်းဢၼ်သႃႇယႃႇလီငၢမ်းၼၼ်ႉပဵၼ်ၸိူဝ်ႉၼင်ႇႁူဝ်ၼမ်ႉႁူင်းၽိုင်ႈလႄႈ ဝၢၼ်ၸဵမ်းယူႇတီႈၸႂ်ဝိၺိၺ်ႇယူႇသေလႄႈ ပဵၼ်တၢင်းဢၼ်ယူႇလီတီႈလုပ်ႇ တင်းလၢႆဢေႃႈ။
၂၅ မီးသဵၼ်ႈတၢင်းဢၼ်ၵူၼ်းထၢင်ႇပဵၼ်ဢၼ်မၢၼ်ႇမႅၼ်ႈၸိုဝ်ႈၸႂ်ႈလႄႈ တီႈသုတ်းမၼ်းပဵၼ်သဵၼ်ႈတၢင်းဢၼ် ၸၢပ်ႈသႅင်ႇၵၼ်တင်းတၢင်းတၢႆၼၼ်ႉဢေႃႈ။
၂၆ တၢင်းႁဵတ်း ဢၼ်ၵူၼ်းႁဵတ်းၵၢၼ်တွင်ႉမႆႈၼၼ်ႉပဵၼ်တၢင်းဢၼ်ႁဵတ်းပုၼ်ႈမၼ်းလႄႈ တၢင်းဢၼ်ဢိုပ်း ယၢၵ်ႈမၼ်းသူၼ်းမၼ်းႁဵတ်းဢေႃႈ။
၂၇ ၵေႃႉဢၼ်မဝ်မၢင်ႈၼၼ်ႉၶူတ်ႉဢဝ်လွင်ႈတၢင်းဢၼ်ဢမ်ႇလီဢမ်ႇငၢမ်းဢွၵ်ႇသေၵႃႈၼႂ်းသီႇသူပ်းမၼ်းၼၼ်ႉလႄႈ မီးဢၼ်ပဵၼ်ၸိူဝ်ႉၼင်ႇၽႆးဢၼ်မႆႈယူႇၼၼ်ႉဢေႃႈ။
၂၈ ၵေႃႉဢၼ်
ၸႂ်ၵူတ်ႉၸႂ်ငေႃးၼၼ်ႉ တိုၵ်းယူင်းတၢင်းဢၼ်ၽိတ်းၵၼ်လႄႈ ၵေႃႉဢၼ်သေႇယူင်းပူင်ၸႃႉၼၼ်ႉၵေႃႈႁႂ်ႈ ၵေႃႉၵၼ်သေႈၵၼ်ၽၢတ်ႇၽႄၵၼ်ဢေႃႈ။
၂၉ ၵေႃႉဢၼ်ႁၢဝ်ႈၵျၢမ်းၼႃႇၼၼ်ႉ ၶျေႃးဝွၼ်းဢဝ်ၵူၼ်းႁိူၼ်းၸမ်တင်းမၼ်းလႄႈ ၸူဝ်းဢဝ်ၵႂႃႇၵႃႈၼႂ်းသဵၼ်ႈတၢင်း ဢၼ်ဢမ်ႇလီၼၼ်ႉဢေႃႈ။
၃၀ ၵေႃႉဢၼ်လပ်းႁူလပ်းတႃမၼ်းၼၼ်ႉ ၵျၢမ်ႇပွင်တၢင်းၵျၢမ်ႇတၢင်းပွင်ဢၼ်ၵူတ်ႉဢၼ်ငေႃးၼၼ်ႉလႄႈ ၵေႃႉဢၼ်တုပ်ႇသီႇသူပ်းမၼ်းယူႇၼၼ်ႉႁႂ်ႈဢမူႉဢၼ်ႁၢႆႉဢၼ်ယုတ်ႈပဵၼ်ဢေႃႈ။
၃၁ ၶူၼ်ႁူဝ်ဢၼ်ႁွၵ်ႇဢၼ်ၶၢဝ်ၼၼ်ႉ ပေႃးတႄႇယူႇၼႂ်းသဵၼ်ႈတၢင်းၽြႃးဢၼ်သိုဝ်ႈတေႃႇၸိုင် ပဵၼ်သရၽူႇ ဢၼ်မုၼ်ယႂ်ႇဢေႃႈ။
၃၂ ၵေႃႉဢၼ်ၸႂ်ယႂ်ႇၸႂ်ယၢဝ်းၼၼ်ႉယိင်ႈၶႅၼ်းလီတွၼ်းၼႃႇသေ ၵေႃႉဢၼ်ႁႅင်းယႂ်ႇၼၼ်ႉလႄႈ ၵေႃႉဢၼ်ယိူၼ်ႉၶျုၵ်ႈၸႂ်မၼ်းယူႇၼၼ်ႉ ယိင်ႈၶႅၼ်းလီတွၼ်းၼႃႇသေ ၵေႃႉဢၼ်တိုၵ်းဢဝ်ဝဵင်းၼၼ်ႉ ဢေႃႈ။
၃၃ ဢဝ်လိၵ်ႈဢၼ်တူၵ်းၸႃႇၵွၵ်ႈၼၼ်ႉထွၵ်ႇသႂ်ႇဝႆႉၵႃႈၼႂ်းထူင်လႄႈ တၢင်းဢၼ်ၸီႇယၢင်ႇၽႄမႅင်ႇပၼ်ၸိုင်မီးတီႈထႃႇဝရႃႉၽြႃးဢေႃႈ။