၁၀
ၵႂၢမ်းသုၵ်ႉတၢမ်ႇသေႃးလမုၼ်ႇ
၁ ၵႂၢမ်းသုၵ်ႉတၢမ်ႇဢၼ်သေႃးလမုၼ်ႇဝႃႈၸမ်း၊-လုၵ်ႈၸၢႆးဢၼ်မီးၺၢၼ်ႇၼၼ်ႉ ပၼ်တၢင်းၸူမ်းသိူဝ်းတီႈပေႃႈမၼ်းလႄႈ လုၵ်ႈၸၢႆးဢၼ်မိူၵ်ႈၼၼ်ႉပၼ်တၢင်း မႆႈၸႂ်ၶီၸႂ်တီႈမေႈမၼ်းဢေႃႈ။
၂ ၽၼ်ႇတႃႇၶွင်ၶူဝ်းဢၼ်ဢမ်ႇတြႃးၼၼ်ႉ ဢမ်ႇမီးဢၵျူဝ်းပႃႇရမီႇ၊တၢင်းဢၼ်မူတ်းၸၢင်ႇၸမ်း ၸၢင်ႊၵႄႇသႄႇၼုၵ်ႈဢဝ်လွတ်ႈ သေၵႃႈၼႂ်းတၢင်းတၢႆဢေႃႈ။
၃ ထႃႇဝရႃႉၽြႃးဢမ်ႇပၼ်ဢၶႂၢင်ႉႁႂ်ႈၵေႃႉဢၼ်သိုဝ်ႈတေႃႇၼၼ်ႉလႆႈဢိုပ်းလႆႈယၢၵ်ႈ။မၼ်းၸဝ်ႈတၵ်းယႃႉပႅတ်ႈဢလူဝ်ႇတၢင်းဢၼ်ၵေႃႉဢၼ်ဢမ်ႇတြႃး မီးဢလူဝ်ႇၶႂ်ႈလႆႈၼႃႇလူင်လၢင် ၼၼ်ႉဢေႃႈ။
၄ ၵေႃႉဢၼ်ဢဝ်တင်းမိုဝ်းဢၼ်ၶၢၼ်ႉဢၼ်ဢိူၼ်ႁဵတ်းၼၼ်ႉႁွတ်ႈထိုင် တၢင်းဢၼ်ယၢၵ်ႈဢၼ်ၽၢၼ်ဢေႃႈ။ၵေႃႉဢၼ်ဢဝ်တင်းမိုဝ်းဝီႉရီ့ယႃႉၵႆႉႁဵတ်းၼၼ်ႉၸမ်းႁွတ်ႈထိုင် တၢင်းဢၼ်မၢၵ်ႈမီးၼၼ်ႉဢေႃႈ။
၅ ၵေႃႉဢၼ်ၵဵပ်းဢဝ်သိမ်းဢဝ် ၼႂ်းၶိင်ႇမိူဝ်ႈဢၼ်ပၢတ်ႈၶဝ်ႈၼၼ်ႉၸမ်း ပဵၼ်လုၵ်ႈၸၢႆးဢၼ်မီးၺၢၼ်ႇလႄႈၵေႃႉဢၼ်ၼွၼ်းၼႂ်း ၶိင်ႇမိူဝ်ႈဢၼ်ပၢတ်ႇၶဝ်ႈၼၼ်ႉၸမ်း၊ ပဵၼ်လုၵ်ႈၸၢႆးဢၼ်ႁႂ်ႈဢူၵ်းႁႂ်ႈဢၢႆဢေႃႈ။
၆ မၢင်ႇၵလႃႇတူၵ်းႁွတ်ႈၵႃႈၼိူဝ် ၵေႃႉဢၼ်တြႃးၼၼ်ႉလႄႈ သူပ်းၵေႃႉဢၼ်ဢမ်ႇတြႃးၼၼ်ႉၸမ်း ဢပျႅတ်ႈတၢင်းဢၼ်ၼိၵ်ႈၸၢၵ်ႈငႅၼ်းသေး ႁူမ်ႇသုမ်ႇဝႆႉဢေႃႈ။
၇ တၢင်းဢၼ်ၶုၵ်းၸႂ်လႆႈၶႆႈၸႂ်ထူပ်းၵေႃႉဢၼ်တြႃးၼၼ်ႉၸၢင်ႊပၼ်တၢင်းလီလႄႈ ၸိုဝ်သဵင်ၵေႃႉဢၼ်ဢမ်ႇတြႃးၼၼ်ႉၸမ်း တူႇၼဝ်ႈလူႉလႅဝ်ၵႂႃႇဢေႃႈ။
၈ ၵေႃႉဢၼ်ႁူဝ်ၸႂ်လၵ်းလႅမ်ၼၼ်ႉ ၶၢမ်ႇဢဝ်ပိင်းၺၢပ်ႈတြႃးလႄႈၵေႃႉဢၼ်မိူၵ်ႈလႄႈသူပ်းၼမ်ၵႂၢမ်းၼမ်ၼၼ်ႉၸမ်း ႁွတ်ႈထိုင်တၢင်းဢၼ်သုမ်းၸွမ်းဢေႃႈ။
၉ ၵေႃႉဢၼ်ၵႂႃႇမႃးၼႂ်း သဵၼ်ႈတၢင်းဢၼ်ၸေးၸုမ်ႇၼၼ်ႉၵႂႃႇမႃးလုင်ႇလီလွတ်ႈလီလႄႈ ၵေႃႉဢၼ်ၸွမ်းၼႂ်းသဵၼ်ႈတၢင်းဢၼ်ၵူတ်ႉၼၼ်ႉၸမ်း သၽေႃးမၼ်း တၵ်းထၢင်ႇသႃးဢေႃႈ။
၁၀ ၵေႃႉဢၼ်ၽႅပ်ႉတႃယုပ်းတႃၼႄၼၼ်ႉႁႂ်ႈၸဵပ်းၸႂ်လႄႈ ၵေႃႉဢၼ်မိူၵ်ႈလႄႈသူပ်းၼမ်ၵႂၢမ်းၼမ်ၼၼ်ႉၸမ်း ႁွတ်ႈထိုင်တၢင်းဢၼ်သုမ်းဢၼ်ၸွမ်းဢေႃႈ။
၁၁ သူပ်းၵေႃႉဢၼ်သိုဝ်ႈတေႃႇၼၼ်ႉပဵၼ်ၼမ်ႉဢွၵ်ႇႁူးဢသၢၵ်ႈလႄႈ သူပ်းၵေႃႉဢၼ်ဢမ်ႇတြႃးၸမ်း ဢပျႅတ်ႈတၢင်းဢၼ်ၼိၵ်ႈၸၢၵ်ႈငႅၼ်းသေး ႁူမ်ႇသုမ်ႇဝႆႉဢေႃႈ။
၁၂ ၸႂ်ဢၼ်ငိၼ်းၸင်းၼၼ်ႉၸၢင်ႊတိုၵ်းယူင်းတၢင်းဢၼ်ၽိတ်းၵၼ်လႄႈ ၸႂ်ဢၼ်ငိၼ်းႁၵ်ႉၸမ်း ၸၢင်ႊႁူမ်ႇသုမ်ႇဢပျႅတ်ႈ တင်းသဵင်ႈတင်း လူင်ဝႆႉဢေႃႈ။
၁၃ ၵႃႈၼႂ်းသူပ်းၵေႃႉဢၼ်မီးၺၢၼ်ႇၼၼ်ႉလႆႈထူပ်းပိင်ႇၺႃႇလႄႈ ပုၼ်ႈလင်ၵေႃႉဢၼ်ဢမ်ႇမီး ၺၢၼ်ႇၼၼ်ႉၸမ်းပဵၼ်ၶွၼ်ႉဝၢႆဢေႃႈ။
၁၄ ၶဝ်ၸိူဝ်းဢၼ်မီးၺၢၼ်ႇၼၼ်ႉ ဢဝ်လွင်ႈတၢင်းဢၼ်လႆႈႁူႉလႆႈငိၼ်းၼၼ်ႉသိမ်းပႅင်းဝႆႉလႄႈ သူပ်းၶဝ်ၸိူဝ်းဢၼ်မိူၵ်ႈၸမ်းၸမ်ၵၼ် တင်းတၢင်းဢၼ်သုမ်းဢၼ်ၸွမ်းဢေႃႈ။
၁၅ ၸေးၸိမ်ႇၵေႃႉဢၼ်မၢၵ်ႈမီးၼၼ်ႉ ပဵၼ်ဝဵင်းဢၼ်မၼ်ႈၶိူင်ႇတီႈမၼ်းလႄႈ တၢၵ်းယၢၵ်ႈတၢင်းၽၢၼ်ၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉ ပဵၼ်တၢင်းဢၼ်သုမ်းဢၼ်ၸွမ်းတီႈၶဝ်ဢေႃႈ။
၁၆ တၢင်းႁဵတ်းတၢင်းသၢင်ႈၵေႃႉဢၼ်သိုဝ်ႈတေႃႇၼၼ်ႉ ၸၢပ်ႈသႅင်ႇၵၼ်တင်းဢသၢၵ်ႈလႄႈ ဢၵျူဝ်းၸီးပႂႃးၵေႃႉဢၼ်ဢမ်ႇတြႃးၼၼ်ႉၸမ်းၸၢပ်ႈသႅင်ႇၵၼ်တင်းဢပျႅတ်ႈဢေႃႈ။
၁၇ ၵေႃႉဢၼ်ပႂ်ႉၸွမ်းတၢင်းဢၼ်သင်ႇပၼ်သွၼ်ပၼ်ၼၼ်ႉၸွမ်းသဵၼ်ႈတၢင်းဢသၢၵ်ႈလႄႈ ၵေႃႉဢၼ်ထဵင်ပႅတ်ႈတၢင်းဢၼ်သင်ႇသွၼ်းသုင်းမႃႉၼၼ်ႉ ပိူင်ႈတၢင်း ၵႂႃႇဢေႃႈ။
၁၈ ၵေႃႉဢၼ်ႁူမ်ႇသၽေႃးဢၼ်ဝႆႉတၢင်းၽိတ်းၼၼ်ႉမီးသီႇသူပ်းမူႉသႃႇလႄႈ ၵေႃႉဢၼ်လၢတ်ႈႁႂ်ႈသ ရေႇပိူၼ်ႈလူႉၼၼ်ႉမီးသၽေႃးဢၼ်မိူၵ်ႈဢေႃႈ။
၁၉ ၼႂ်းတၢင်းဢၼ်သူပ်းၼမ်ၵႂၢမ်းၼမ်ၼၼ်ႉ ဢမ်ႇၵၢင်းလွတ်ႈတင်းဢပျႅတ်ႈလႄႈ ၵေႃႉဢၼ်ၶျုၵ်ႈဝႆႉသူပ်းတူဝ်ၸဝ်ႈ ၵဝ်ႇၼၼ်ႉၸမ်းပဵၼ်ၵေႃႉဢၼ်မီးၺၢၼ်ႇဢေႃႈ။
၂၀ လိၼ်ႉၵေႃႉဢၼ်သိုဝ်ႈတေႃႇၼၼ်ႉ မိူၼ်ၸိူဝ်ႉၼင်ႇငိုၼ်းၸႅတ်ႈငိုၼ်းလီလႄႈ ႁူဝ်ၸႂ်ၵေႃႉဢၼ်ႁၢႆႉဢၼ်ယုတ်ႈၼၼ်ႉ ၸမ်းဢမ်ႇထိူၵ်ႈၵႃႈထိူၵ်ႈႁူဝ်။
၂၁ သီႇသူပ်းၶဝ်ၸိူဝ်းဢၼ်သိုဝ်ႈတေႃႇၼၼ်ႉ လဵင်ႉလူၵူၼ်းၼမ်ၼႃႇလႄႈၶဝ်ၸိူဝ်းဢၼ်မိူၵ်ႈၸမ်း လႆႈတၢႆၵွပ်ႈပိူဝ်ႈဢၼ်ဢမ်ႇမီးၺၢၼ်ႇၼၼ်ႉဢေႃႈ။
၂၂ တၢင်းလီမၢင်ႇၵလႃႇထႃႇဝရႃႉၽြႃးၼၼ်ႉႁႂ်ႈမီးၸေးၸိမ်ႇလႄႈ မၼ်းၸဝ်ႈဢမ်ႇဢဝ်တၢင်းဢၼ်မႆႈၸႂ်ၶီၸႂ် လေႃးလေးလူၺ်ႈၵၼ်တင်းမၼ်း။
၂၃ ၵေႃႉဢၼ်မိူၵ်ႈၼၼ်ႉမူၼ်ႈပျေႃႇယူႇ ၵႃႈၼႂ်းတၢင်းဢၼ်ႁဵတ်းဢပျႅတ်ႈၼၼ်ႉလႄႈ ပိင်ႇၺႃႇၸၢပ်ႈသႅင်ႇၵၼ်တင်း ၵေႃႉဢၼ်မီး ၺၢၼ်ႇၼၼ်ႉဢေႃႈ။
၂၄ တၢင်းဢၼ်ၵူဝ်ႁႄၼၼ်ႉတၵ်းႁွတ်ႈထိုင်ၵႃႈၼိူဝ် ၵေႃႉဢၼ်ဢမ်ႇတြႃးၼၼ်ႉလႄႈတၢင်းဢၼ်ၵေႃႉဢၼ်သိုဝ်ႈတေႃႇၼၼ်ႉ တုၵ်းဢၢင်ႈၶႂ်ႈ လႆႈၼၼ်ႉၸမ်းမၼ်းၸဝ်ႈတၵ်းပၼ်ဢေႃႈ။
၂၅ ၼႂ်းမိူဝ်ႈဢၼ်လူမ်းၽိဝ်ႁုင် ယင်းတိုၵ်ႉပတ်ႉထူဝ်းယူႇၼၼ်ႉၸိုင်ၵေႃႉဢၼ်ဢမ်ႇတြႃးၼၼ်ႉႁၢႆလၢႆၵႂႃႇလႄႈ ၵေႃႉဢၼ်သိုဝ်ႈတေႃႇၼၼ်ႉၸမ်း ပဵၼ်ငဝ်ႈႁၢၵ်ႈတိူၵ်ဢၼ်မၼ်ႈ ၵႅၼ်ႇၼႅၼ်ႈၼႃၼၼ်ႉဢေႃႈ။
၂၆ ၸိူဝ်ႉၼင်ႇဢၼ်ၼမ်ႉမူၵ်ႇသူမ်ႈပဵၼ်တီႈၶဵဝ်ႈ၊ ၵွၼ်းၽႆးပဵၼ်တီႈမၢၵ်ႇတႃၼၼ်ႉ၊ၵေႃႉဢၼ်ၶၢၼ်ႉဢၼ်ဢိူၼ်ၼၼ်ႉပဵၼ်တီႈၶဝ်ၸိူဝ်းဢၼ်ၸႂ်ႉသွႆမၼ်းၼၼ်ႉဢေႃႈ။
၂၇ တၢင်းဢၼ်ၵူဝ်ႁႄထႃႇဝရႃႉၽြႃးၼၼ်ႉ ႁႂ်ႈၸူဝ်ႈ ဢသၢၵ်ႈယၢဝ်းယိုၼ်းလႄႈ ၶူပ်ႇပီႊၵေႃႉဢၼ်ဢမ်ႇတြႃးၼၼ်ႉၸမ်းပွတ်းဢေႃႈ။
၂၈ တၢင်းဢၼ်ၵေႃႉဢၼ်သိုဝ်ႈတေႃႇမုင်ႈထႃႈမွင်းထႃႈၼၼ်ႉ ပဵၼ်လွင်ႈတၢင်းဢၼ်လီၸူမ်းလီသိူဝ်းလႄႈ တၢင်းဢၼ်ၵေႃႉဢၼ်ႁၢႆႉဢၼ်ယုတ်ႈမုင်ႈထႃႈမွင်းထႃႈၼၼ်ႉၸမ်းတၵ်းလူႉ တၵ်းလႅဝ် ဢေႃႈ။
၂၉ သဵၼ်ႈတၢင်းထႃႇဝရႃႉၽြႃးပဵၼ်တီႈဢၼ်မၼ်ႈၶိူင်ႇ တီႈၵေႃႉဢၼ်သိုဝ်ႈတေႃႇၼၼ်ႉလႄႈ ၶဝ်ၸိူဝ်းဢၼ်ႁဵတ်း ဢၼ်ဢမ်ႇတြႃးၼၼ်ႉၸမ်းတၵ်းလႆႈႁွတ်ႈ ထိုင်တၢင်းလူႉတၢင်းလႅဝ်ဢေႃႈ။
၃၀ ၵေႃႉဢၼ်သိုဝ်ႈတေႃႇၼၼ်ႉ ဢမ်ႇလႆႈၶၢႆႉသေတီႈယူႇတီႈသဝ်းၶဝ်တႃႇသေႇဢမ်ႇထၢတ်ႇလႄႈၶဝ်ၸိူဝ်းဢၼ်ဢမ်ႇတြႃးၼၼ်ႉၸမ်း ဢမ်ႇလႆႈတူၵ်းတီႈတူၵ်းလႅၼ်ၵႃႈၼႂ်းမိူင်းၸဝ်ႈ။
၃၁ သူပ်းၵေႃႉဢၼ်သိုဝ်ႈတေႃႇၼၼ်ႉ ဢွၵ်ႇမႃးၵႂၢမ်းၺၢၼ်ႇလႄႈ လိၼ်ႉဢၼ်ၵူတ်ႉဢၼ်ငေႃးၼၼ်ႉၸမ်းတၵ်းလႆႈ ၶၢမ်ႇတၢင်းဢၼ်တႅပ်းပႅတ်ႈဢေႃႈ။
၃၂ သီႇသူပ်းၵေႃႉဢၼ်သိုဝ်ႈတေႃႇၼၼ်ႉ ၸၢင်ႊႁူႉၸၢင်ႊမိုတ်ႈတၢင်းဢၼ်လီထုၵ်ႇၸႂ်ၵျိူၵ်ႈၸႂ်ၼၼ်ႉလႄႈ သူပ်းၵေႃႉဢၼ်ဢမ်ႇတြႃးၼၼ်ႉၸမ်း လၢတ်ႈၵႂၢမ်းဢၼ်ၵူတ်ႉဢၼ်ငေႃးဢေႃႈ။