၄
ၺၢၼ်ႇဢၼ်ယႂ်ႇမျၢတ်ႈသေပိူၼ်ႈ
၁ လုၵ်ႈၸၢႆးၵဝ်ဢိူၺ်း။ဢွၼ်ၵၼ်ထွမ်ႇဢဝ်တၢင်းဢၼ်ပေႃႈသင်ႇသွၼ်ပၼ်ၼၼ်ႉလႄႈ ဝၢႆႇႁူၸူးႁႂ်ႈလႆႈႁူႉလႆႈၸႅင်ႊပိင်ႇၺႃႇတႃႉ။
၂ ၵဝ်ပၼ်ဢေႃးဝႃႇတႃႉဢၼ်လီဢၼ်ငၢမ်းယဝ်ႉယဝ်ႉ။ယႃႇပေၸုၼ်ႉပႅတ်ႈပိင်းၺၢပ်ႈ တြႃးၵဝ်ၼၼ်ႉ။
၃ မိူဝ်ႈဢၼ်ပဵၼ်လုၵ်ႈဢူၵ်းပေႃႈၼႂ်းႁိူၼ်းပဵၼ်လုၵ်ႈဢၼ်ဢူၼ်ႈလီဢွၼ်ႇလီလုၵ်ႈၸၢႆးလဵဝ် ဢၼ်ႁၵ်ႉၼႃႇလူင်လၢင်
၄ သိုဝ်ႈၼႃႈတႂ်ႈတႃမေႈၼၼ်ႉမၼ်းသွၼ်ပၼ်တီႈၵဝ်လႄႈ ဢွၵ်ႇသူပ်းလၢတ်ႈတီႈၵဝ် လႄႈဝႃႈၸမ်း၊-
၅ ဢဝ်ၵႂၢမ်းၵဝ်သႂၢင်းသႂ်ႇဝႆႉၵႃႈၼႂ်းႁူဝ်ၸႂ်မႂ်းတႃႉ။ၵမ်ၵျၢင်ႉပိင်းၺၢပ်ႈၵဝ်တင်းလၢႆသေလႄႈဢသၢၵ်ႈလိပ်းယူႇတႃႉ။ၸူႉသိမ်းပိင်ႇၺႃႇဝႆႉတႃႉ။ၸူႉသိမ်းၺၢၼ်ႇဝႆႉတႃႉ။ယႃႇပေလူင်ပေလိုမ်း။
၆ ယႃႇပေဝေႈသေ ပိူင်ႈသေၵႂၢမ်းဢၼ်ဢွၵ်ႇသူပ်းၵဝ်ၼႆႉ။ယႃႇပေၸုၼ်ႉပႅတ်ႈမၼ်း။မၼ်းတၵ်းပႂ်ႉထိင်းမႂ်းယူႇဢေႃႈ။ႁၵ်ႉပႅင်း မၼ်းတႃႉ။
၇ မၼ်းတၵ်းပႂ်ႉၸွႆႈပႂ်ႉထႅမ်မႂ်းယူႇဢေႃႈ။ၺၢၼ်ႇပဵၼ်လွင်ႈတၢင်းဢၼ်မျၢတ်ႈၼႃႇသေပိူၼ်ႈဢေႃႈ။ႁႂ်ႈမီးၺၢၼ်ႇတႃႉ။ပိၵ်ႉသမ်ႉတေလႆႈသိင်ႈၶွင်ၶူဝ်းပုၼ်ႈ ပိင်ႇၺႃႇသေၵေႃႈၸူႉသိမ်းဢဝ်ပိင်ႇၺႃႇတႃႉ။
၈ ဢဝ်မၼ်းဝႆႉပဵၼ်ဢၼ်မျၢတ်ႈတႃႉ။မၼ်းတၵ်းယုၵ်ႉယွင်ႈမႂ်းဢေႃႈ။ပေႃးမႂ်းၵွတ်ႇမၼ်းဢုမ်ႈမၼ်းၸိုင် မၼ်းတၵ်းပၼ်မူၼ်သရေႇတီႈမႂ်းဢေႃႈ။
၉ မၼ်းတၵ်းဢဝ်ပၢၼ်းၵုမ်းဢၼ်ႁၢင်ႊလီၼၼ်ႉၶဵၼ်းသႂ်ႇပၼ်တီႈႁူဝ်မႂ်းလႄႈ ဢဝ်သရၽူႇဢၼ်မူၼ်ယႂ်ႇၼၼ်ႉဢၢပ်ႈပၼ်တီႈမႂ်းဢေႃႈ။
၁၀ လုၵ်ႈၸၢႆးၵဝ်ဢိူၺ်း။ထွမ်ႇငိၼ်းလႄႈႁပ်ႉတုင်းဢဝ်ၵႂၢမ်းၵဝ်တႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်ၶူပ်ႇပီႊဢသၢၵ်ႈ မႂ်းတၵ်းယိုၼ်းယၢဝ်းဢေႃႈ။
၁၁ ၵဝ်ၼႄပျႃးသဵၼ်ႈတၢင်းၺၢၼ်ႇၼၼ်ႉတီႈမႂ်းလႄႈ ဢဝ်မႂ်းသူင်ႇၵႃႈၼႂ်းႁွႆးတၢင်း ဢၼ်မၢၼ်ႇဢၼ်မႅၼ်ႈဢေႃႈ။
၁၂ ပေႃးမႂ်းတႆႇၸွမ်းပႆၸွမ်းၸိုင် ယၢင်ႈတိၼ်မႂ်းတၵ်းဢမ်ႇလႆႈႁွတ်ႈထိုင်တီႈဢၼ်ၵိတ်ႇဢၼ်ၵႅၼ်လႄႈ မိူဝ်ႈဢၼ်မႂ်းၶုၼ်ႇလႅၼ်ႈၼၼ်ႉ မႂ်းတၵ်းဢမ်ႇၶီႇလိုတ်းလႄႈလူမ်ႉ။
၁၃ ယိပ်းၵမ်တၢင်းဢၼ်သင်ႇသွၼ်ႇပၼ်ၼၼ်ႉတႃႉ။ယႃႇပေပွႆႇပေၽႃႈ။ပႂ်ႉဝႆႉတႃႉ။
၁၄ မၼ်းပဵၼ်ဢသၢၵ်ႈမႂ်းဢေႃႈ။ယႃႇၶဝ်ႈၵႃႈၼႂ်းသဵၼ်ႈတၢင်းၶဝ်ၸိူဝ်းဢၼ်ဢမ်ႇတြႃးၼၼ်ႉ။ယႃႇပေၸွမ်းၵႂႃႇၸွမ်းပႆၵႃႈၼႂ်းသဵၼ်ႈတၢင်း ၶဝ်ၸိူဝ်းဢၼ်ႁၢႆႉဢၼ် ႁုၵ်ႉၼၼ်ႉ။
၁၅ ဝေႈပႅတ်ႈမၼ်းတႃႉ။ယႃႇပေၸွမ်းပေၵႂႃႇၵႃႈ ၼႂ်းမၼ်း။
၁၆ ဝေႈပႅတ်ႈမၼ်းသေလႄႈၵႂႃႇတႃႉ။ၶဝ်ၼၼ်ႉပေႃးဢမ်ႇလႆႈႁဵတ်းဢပျႅတ်ႈတီႈပိူၼ်ႈၸိုင် ဢမ်ႇၸၢင်ႊၼွၼ်း။ပေႃးၶဝ်ဢမ်ႇလႆႈႁႂ်ႈသေၵေႃႉသေၵူၼ်းလူမ်ႉၸိုင်ၶဝ်ၼွၼ်းဢမ်ႇလပ်းလႆႈ။
၁၇ လွင်ႈမၼ်းၸမ်းၶဝ်ၼၼ်ႉၸၢင်ႊၵိၼ်ၶဝ်ႈမုၼ်းတူႉၸရိူၵ်ႈလႄႈ သူတ်ႉၼမ်ႉၸပိတ်ႉ တၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉဢေႃႈ။
၁၈ သဵၼ်ႈတၢင်းၶဝ်ၸိူဝ်းဢၼ်သိုဝ်ႈတေႃႇၼၼ်ႉပဵၼ်ၸိူဝ်ႉၼင်ႇဢႃႇရူင်ႇ ဢၼ်ၶိုၼ်ႈမႃးၼၼ်ႉလႄႈတၢင်းႁိူဝ်ႈလႅင်းမၼ်းယႂ်ႇမႃးယူႇတိၵ်းတိၵ်း တေႃႇထိုင် ႁွတ်ႈၵၢင်ဝၼ်းထၼ်ႈပေႃးဢွၵ်ႇၼၼ်ႉဢေႃႈ။
၁၉ သဵၼ်ႈတၢင်းၶဝ်ၸိူဝ်းဢၼ်ဢမ်ႇတြႃးၼၼ်ႉၸမ်း ပဵၼ်ၸိူဝ်ႉၼင်ႇလပ်းသိင်ႇၽိတ်းၽိတ်းၼၼ်ႉလႄႈ မိူဝ်ႈဢၼ်ၶဝ်လူမ်ႉၼၼ်ႉၸိုင်ၶဝ်ဢမ်ႇႁူႉ လွင်ႈဢၼ်ၶဝ်ၶီႇလိုတ်းမႅၼ်ႈၵႃႈသင်ၼၼ်ႉ။
၂၀ လုၵ်ႈၸၢႆးၵဝ်ဢိူၺ်း။ထွမ်ႇဢဝ်ၵႂၢမ်းၵဝ်လႄႈဝၢႆႇႁူၸူးလွင်ႈတၢင်းဢၼ်ၵဝ်ႁေႃးလၢတ်ႈၸိူဝ်းၼၼ်ႉတႃႉ။
၂၁ ယႃႇပေႁႂ်ႈၶဝ်လႆႈၽၢတ်ႇယၢၼ်သေ သိုဝ်ႈၼႃႈတႂ်ႈ တႃမႂ်း။
၂၂ ပႂ်ႉၶဝ်ဝႆႉယူႇၵႃႈၼႂ်းႁူဝ်ၸႂ်မႂ်းတႃႉ။လွင်ႈမၼ်းၸမ်း ၶဝ်ပဵၼ်တၢင်းဢၼ်ဢသၢၵ်ႈလိပ်းတီႈၶဝ်ၸိူဝ်းဢၼ်လႆႈထူပ်းလႆႈႁၼ်ၼၼ်ႉလႄႈ ပဵၼ်တၢင်းဢၼ် ယူႇလီၵိၼ်ဝၢၼ်တင်းတူဝ်တင်းၶိင်းဢေႃႈ။
၂၃ လိူဝ်တွၼ်းၼႃႇသေပိူၼ်ႈပႂ်ႉႁူဝ်ၸႂ်မႂ်းယူႇၼႃႇၼႃႇတႃႉ။မၼ်းပဵၼ်ငဝ်ႈပဵၼ်ႁၢၵ်ႈဢသၢၵ်ႈဢေႃႈ။
၂၄ ဝေႈပႅတ်ႈသူပ်း ဢၼ်ၸၢင်ႊၵူတ်ႉၸၢင်ႊငွၵ်းၼၼ်ႉလႄႈပေႇပႅတ်ႈသီႇသူပ်းဢၼ်ၸၢင်ႊၽႅတ်ႉၸၢင်ႊလႅၼ် ၼၼ်ႉၵႆၵႆတႃႉ။
၂၅ ႁႂ်ႈမၢၵ်ႇတႃႇမႂ်းတူၺ်းသိုဝ်ႈၼႃႈမႂ်းလႄႈႁႂ်ႈႁိမ်းတႃမႂ်းၸိူဝ်းၼၼ်ႉ ယႅၵ်ႉယိင်ႈယူႇသိုဝ်ႈသိုဝ်ႈတႃႉ။
၂၆ ၶႆႈၸႂ်လူၺ်ႈသဵၼ်ႈတၢင်းဢၼ်တိၼ်မႂ်းၵႂႃႇၼၼ်ႉ လီလီငၢမ်းငၢမ်းလႄႈႁႂ်ႈသဵၼ်ႈတၢင်းၵႃႈဢၼ်မႂ်းၵႂႃႇ ၼၼ်ႉမီးတၢင်းဢၼ်တႄႇၼိမ်ယူႇတႃႉ။
၂၇ ယႃႇပေဝေႈပိူင်ႈၵႂႃႇၸူးတီႈၽၢႆႇသၢႆႉၽၢႆႇၶႂႃ။ႁႂ်ႈတိၼ်မႂ်းဝေႈပႅတ်ႈတၢင်းဢၼ်ႁဵတ်းတူႉၸရိူၵ်ႈၼၼ်ႉတႃႉ။